സുഭാഷിതങ്ങൾ
19 നുണയനും വിഡ്‌ഢിയും ആയി ജീവിക്കുന്നതിനെക്കാൾ
3 സ്വന്തം വിഡ്‌ഢിത്തമാണ്‌ ഒരുവനെ വഴിതെറ്റിക്കുന്നത്‌;
അവന്റെ ഹൃദയം യഹോവയോടു കോപിക്കുന്നു.
4 പണക്കാരനു ധാരാളം സുഹൃത്തുക്കൾ ഉണ്ടാകുന്നു;
എന്നാൽ ദരിദ്രനെ കൂട്ടുകാരൻപോലും ഉപേക്ഷിക്കുന്നു.+
6 പ്രമാണിമാരുടെ* പ്രീതി നേടാൻ പലരും ശ്രമിക്കുന്നു;
സമ്മാനം നൽകുന്നവനെ എല്ലാവരും സുഹൃത്താക്കുന്നു.
7 ദരിദ്രനെ അവന്റെ സഹോദരന്മാരെല്ലാം വെറുക്കുന്നു;+
പിന്നെ കൂട്ടുകാർ അവനെ ഒറ്റപ്പെടുത്താതിരിക്കുമോ?+
അവൻ യാചിച്ചുകൊണ്ട്‌ അവരുടെ പുറകേ ചെല്ലുന്നു; എന്നാൽ ആരും അവനെ സഹായിക്കുന്നില്ല.
8 സാമാന്യബോധം* നേടുന്നവൻ സ്വന്തം ജീവനെ സ്‌നേഹിക്കുന്നു;+
വകതിരിവിനെ നിധിപോലെ കാക്കുന്നവൻ വിജയിക്കും.+
10 ആർഭാടത്തോടെയുള്ള ജീവിതം വിഡ്‌ഢിക്കു ചേർന്നതല്ല;
പ്രഭുക്കന്മാരെ ഭരിക്കുന്നതു വേലക്കാരന്‌ അത്രപോലും യോജിച്ചതല്ല!+
13 വിഡ്‌ഢിയായ മകൻ അപ്പനു പ്രശ്‌നങ്ങൾ വരുത്തിവെക്കുന്നു;+
വഴക്കടിക്കുന്ന* ഭാര്യ ചോർച്ച നിലയ്‌ക്കാത്ത മേൽക്കൂരപോലെ.+
14 വീടും സമ്പത്തും പിതാക്കന്മാരിൽനിന്ന്‌ കൈമാറിക്കിട്ടുന്നു;
എന്നാൽ വിവേകമുള്ള ഭാര്യയെ യഹോവ തരുന്നു.+
17 എളിയവനോടു കരുണ കാണിക്കുന്നവൻ യഹോവയ്‌ക്കു കടം കൊടുക്കുന്നു;+
അവൻ ചെയ്യുന്നതിനു ദൈവം പ്രതിഫലം നൽകും.+
19 ദേഷ്യക്കാരനായ മനുഷ്യൻ പിഴയൊടുക്കേണ്ടിവരും;
അവനെ രക്ഷിക്കാൻ ശ്രമിച്ചാൽ, അതുതന്നെ നീ വീണ്ടുംവീണ്ടും ചെയ്യേണ്ടിവരും.+
22 അചഞ്ചലസ്‌നേഹമാണ്‌ ഒരുവനെ ശ്രേഷ്‌ഠനാക്കുന്നത്‌;+
നുണയനാകുന്നതിലും നല്ലതു ദരിദ്രനാകുന്നതാണ്‌.
23 യഹോവയോടുള്ള ഭയഭക്തി ജീവനിലേക്കു നയിക്കുന്നു;+
അതുള്ളവർ സന്തോഷത്തോടെ വിശ്രമിക്കും, ആരും അവരെ ദ്രോഹിക്കില്ല.+
24 മടിയൻ കൈ പാത്രത്തിലേക്കു കൊണ്ടുപോകുന്നു;
എന്നാൽ ഭക്ഷണം വായിലേക്കു കൊണ്ടുപോകാൻപോലും അവനു മടിയാണ്‌.+
25 പരിഹാസിയെ അടിക്കുക,+ അപ്പോൾ അനുഭവജ്ഞാനമില്ലാത്തവൻ വിവേകിയായിത്തീരും.+
വകതിരിവുള്ളവനെ ശാസിക്കുക, അവന്റെ അറിവ്‌ വർധിക്കും.+
26 അപ്പനെ ദ്രോഹിക്കുകയും അമ്മയെ ആട്ടിയോടിക്കുകയും ചെയ്യുന്ന മകൻ
നാണക്കേടും അപമാനവും വരുത്തിവെക്കുന്നു.+
27 എന്റെ മകനേ, ശിക്ഷണം ശ്രദ്ധിക്കാതിരുന്നാൽ
നീ ജ്ഞാനമൊഴികളിൽനിന്ന്‌ അകന്നുപോകും.