യോന

1 അമിത്ഥാ​യി​യു​ടെ മകൻ യോനയ്‌ക്ക്‌*+ യഹോ​വ​യിൽനിന്ന്‌ ഈ സന്ദേശം ലഭിച്ചു: 2 “നീ മഹാന​ഗ​ര​മായ നിനെവെയിലേക്കു+ ചെന്ന്‌ അതിനു ലഭിക്കാ​നി​രി​ക്കുന്ന ശിക്ഷ​യെ​ക്കു​റിച്ച്‌ പ്രഖ്യാ​പി​ക്കുക. അവരുടെ ദുഷ്ടത എന്റെ ശ്രദ്ധയിൽപ്പെ​ട്ടി​രി​ക്കു​ന്നു.”

3 പക്ഷേ യോന യഹോ​വ​യു​ടെ സന്നിധി​യിൽനിന്ന്‌ തർശീ​ശി​ലേക്ക്‌ ഓടി​പ്പോ​കാൻ തീരു​മാ​നിച്ച്‌ യോപ്പ​യിൽ ചെന്നു, അവിടെ തർശീ​ശി​ലേക്കു പോകുന്ന ഒരു കപ്പൽ കണ്ടു. യഹോ​വ​യിൽനിന്ന്‌ അകലെ, തർശീ​ശി​ലേക്കു പോകാ​നാ​യി യോന യാത്ര​ക്കൂ​ലി കൊടു​ത്ത്‌ അവരോ​ടൊ​പ്പം ആ കപ്പലിൽ കയറി.

4 യഹോവ കടലിൽ ശക്തമായ ഒരു കാറ്റ്‌ അടിപ്പി​ച്ചു. കടൽ ഉഗ്രമാ​യി ക്ഷോഭി​ച്ചു, കപ്പൽ തകരു​മെ​ന്നാ​യി! 5 നാവികരെല്ലാം ഭയന്നു​വി​റച്ചു. അവർ ഓരോ​രു​ത്ത​രും സഹായ​ത്തി​നാ​യി അവരവ​രു​ടെ ദൈവത്തെ വിളിച്ച്‌ പ്രാർഥി​ക്കാൻതു​ടങ്ങി. കപ്പലിന്റെ ഭാരം കുറയ്‌ക്കാൻ അവർ അതിലുള്ള സാധനങ്ങൾ കടലിൽ എറിഞ്ഞു.+ എന്നാൽ യോന കപ്പലിന്റെ അടിത്ത​ട്ടിൽ കിടന്ന്‌ സുഖമാ​യി ഉറങ്ങു​ക​യാ​യി​രു​ന്നു. 6 കപ്പിത്താൻ യോന​യു​ടെ അടുത്ത്‌ ചെന്ന്‌ പറഞ്ഞു: “നീ എന്താണു കിടന്ന്‌ ഉറങ്ങു​ന്നത്‌? എഴു​ന്നേറ്റ്‌ നിന്റെ ദൈവത്തെ വിളിച്ച്‌ പ്രാർഥി​ക്കൂ! ചില​പ്പോൾ സത്യ​ദൈവം നമ്മളോ​ടു കരുണ കാണിച്ച്‌ നമ്മളെ രക്ഷി​ച്ചേ​ക്കും.”+

7 അവർ പരസ്‌പരം പറഞ്ഞു: “വരൂ, ഈ ദുരന്ത​ത്തിന്‌ ഉത്തരവാ​ദി ആരാ​ണെന്ന്‌ അറിയാൻ നമുക്കു നറുക്കി​ട്ട്‌ നോക്കാം.”+ അവർ നറുക്കി​ട്ടു, നറുക്കു യോന​യ്‌ക്കു വീണു.+ 8 അവർ യോന​യോ​ടു ചോദി​ച്ചു: “ഞങ്ങളോ​ടു പറയൂ, നമുക്കു വന്ന ഈ ദുരന്ത​ത്തിന്‌ ആരാണ്‌ ഉത്തരവാ​ദി? എന്താണു താങ്കളു​ടെ ജോലി? എവി​ടെ​നി​ന്നാ​ണു താങ്കൾ വരുന്നത്‌? താങ്കൾ ഏതു രാജ്യ​ക്കാ​ര​നാണ്‌, ഏതു ജനതയിൽപ്പെ​ട്ട​യാ​ളാണ്‌?”

9 യോന പറഞ്ഞു: “ഞാനൊ​രു എബ്രാ​യ​നാണ്‌. കടലും കരയും ഉണ്ടാക്കിയ, സ്വർഗ​ത്തി​ലെ ദൈവ​മായ യഹോ​വയെ ഭയപ്പെടുന്നവനാണു* ഞാൻ.”

10 അതു കേട്ട​പ്പോൾ അവർക്ക്‌ ഒന്നുകൂ​ടെ ഭയമായി. അവർ ചോദി​ച്ചു: “താങ്കൾ എന്താണു ചെയ്‌തത്‌?” (താൻ യഹോ​വ​യു​ടെ അടുത്തു​നിന്ന്‌ ഓടി​പ്പോ​കു​ക​യാ​ണെന്നു യോന പറഞ്ഞ്‌ അവർ അറിഞ്ഞി​രു​ന്നു.) 11 കടൽ കൂടു​തൽക്കൂ​ടു​തൽ ക്ഷോഭി​ച്ച​പ്പോൾ അവർ യോന​യോ​ടു ചോദി​ച്ചു: “ഞങ്ങൾ താങ്കളെ എന്തു ചെയ്‌താ​ലാണ്‌ ഈ കടലൊ​ന്നു ശാന്തമാ​കുക?” 12 യോന പറഞ്ഞു: “എന്നെ എടുത്ത്‌ കടലിൽ ഇടുക, അപ്പോൾ കടൽ ശാന്തമാ​കും. കടൽ നിങ്ങ​ളോട്‌ ഇത്ര കോപി​ക്കാൻ കാരണ​ക്കാ​രൻ ഞാനാ​ണെന്ന്‌ എനിക്ക്‌ അറിയാം.” 13 എങ്കിലും കപ്പൽ കരയ്‌ക്കെ​ത്തി​ക്കാൻ അവർ ആഞ്ഞ്‌ തുഴഞ്ഞു. പക്ഷേ, ചുറ്റു​മുള്ള കടൽ കൂടു​തൽക്കൂ​ടു​തൽ ക്ഷോഭി​ച്ച​തു​കൊണ്ട്‌ അവർക്ക്‌ അതിനു കഴിഞ്ഞില്ല.

14 അപ്പോൾ അവർ യഹോ​വയെ വിളിച്ച്‌ പ്രാർഥി​ച്ചു: “അയ്യോ യഹോവേ, ഇയാൾ കാരണം ഞങ്ങൾ നശിച്ചു​പോ​ക​രു​തേ! നിരപ​രാ​ധി​യു​ടെ രക്തം ചൊരിഞ്ഞ കുറ്റം ഞങ്ങളുടെ മേൽ ചുമത്ത​രു​തേ. യഹോവേ, എല്ലാം അങ്ങയുടെ ഇഷ്ടമനു​സ​രി​ച്ചാ​ണ​ല്ലോ നടക്കു​ന്നത്‌.” 15 എന്നിട്ട്‌ അവർ യോനയെ എടുത്ത്‌ കടലി​ലേക്ക്‌ ഇട്ടു; കടൽ ശാന്തമാ​യി. 16 അപ്പോൾ അവർക്ക്‌ യഹോ​വ​യോ​ടു വലിയ ഭയം തോന്നി.+ അവർ യഹോ​വ​യ്‌ക്കൊ​രു ബലി അർപ്പി​ക്കു​ക​യും നേർച്ചകൾ നേരു​ക​യും ചെയ്‌തു.

17 യോനയെ വിഴു​ങ്ങാൻ യഹോവ ഒരു വലിയ മത്സ്യത്തെ അയച്ചു. അങ്ങനെ മൂന്നു പകലും മൂന്നു രാത്രി​യും യോന മത്സ്യത്തി​ന്റെ വയറ്റിൽ കഴിഞ്ഞു.+

2 മത്സ്യത്തി​ന്റെ വയറ്റിൽവെച്ച്‌ യോന തന്റെ ദൈവ​മായ യഹോ​വ​യോ​ടു പ്രാർഥി​ച്ചു:+

 2 “എന്റെ കഷ്ടതകൾ കാരണം ഞാൻ യഹോ​വ​യോ​ടു നിലവി​ളി​ച്ചു, ദൈവം എന്റെ വിളി കേട്ടു.+

ശവക്കുഴിയുടെ* ആഴങ്ങളിൽ* കിടന്ന്‌ ഞാൻ സഹായ​ത്തി​നാ​യി അപേക്ഷി​ച്ചു.+

അങ്ങ്‌ എന്റെ ശബ്ദം കേട്ടു.

പ്രവാ​ഹ​ങ്ങൾ എന്നെ ചുറ്റി.+

അങ്ങയുടെ തിരക​ളും തിരമാ​ല​ക​ളും എന്റെ മേൽ വന്നലച്ചു.+

 4 ഞാൻ പറഞ്ഞു: ‘എന്നെ അങ്ങയുടെ കൺമു​ന്നിൽനിന്ന്‌ ഓടി​ച്ചു​ക​ള​ഞ്ഞ​ല്ലോ!

അങ്ങയുടെ വിശു​ദ്ധ​മായ ദേവാ​ലയം ഞാൻ ഇനി കാണു​ന്നത്‌ എങ്ങനെ?’

പായൽ എന്റെ തലയെ പൊതി​ഞ്ഞു.

 6 പർവതങ്ങളുടെ അടിയി​ലേക്കു ഞാൻ മുങ്ങി​ത്താ​ണു.

എന്റെ മുന്നിൽ ഭൂമി​യു​ടെ കവാടങ്ങൾ എന്നേക്കു​മാ​യി അടഞ്ഞു​തു​ടങ്ങി.

എന്നാൽ എന്റെ ദൈവ​മായ യഹോവേ, അങ്ങ്‌ എന്റെ പ്രാണനെ കുഴി​യിൽനിന്ന്‌ കരകയറ്റി.+

 7 എന്റെ ജീവൻ പൊലി​യാൻതു​ട​ങ്ങിയ നേരത്ത്‌ ഞാൻ യഹോ​വ​യെ​യാണ്‌ ഓർത്തത്‌.+

അപ്പോൾ എന്റെ പ്രാർഥന അങ്ങയുടെ അടുത്ത്‌ എത്തി, അങ്ങയുടെ വിശു​ദ്ധ​മായ ആലയത്തിൽ എത്തി.+

 8 ഒരു ഗുണവു​മി​ല്ലാത്ത വിഗ്ര​ഹ​ങ്ങ​ളോ​ടു കൂറു കാട്ടു​ന്നവർ,

തങ്ങളോട്‌ അചഞ്ചല​സ്‌നേഹം കാണിച്ചവനെ* ഉപേക്ഷി​ച്ചി​രി​ക്കു​ന്നു.

 9 എന്നാൽ ഞാൻ അങ്ങയോ​ടു നന്ദി പറഞ്ഞു​കൊണ്ട്‌ ബലി അർപ്പി​ക്കും.

ഞാൻ എന്റെ നേർച്ചകൾ നിറ​വേ​റ്റും.+

യഹോ​വ​യാ​ണു രക്ഷ നൽകു​ന്നത്‌.”+

10 പിന്നീട്‌ യഹോ​വ​യു​ടെ കല്‌പ​ന​യ​നു​സ​രിച്ച്‌ ആ മത്സ്യം യോനയെ കരയി​ലേക്കു ഛർദിച്ചു.

3 യഹോവ രണ്ടാമ​തും യോന​യോ​ടു പറഞ്ഞു:+ 2 “നീ മഹാന​ഗ​ര​മായ നിനെവെയിലേക്കു+ ചെല്ലുക, ഞാൻ നിന്നോ​ടു പറയുന്ന സന്ദേശം അതിനെ അറിയി​ക്കുക.”

3 യഹോവ പറഞ്ഞത്‌ അനുസരിച്ച്‌+ യോന നിനെവെയിലേക്കു+ പോയി. നിനെവെ വളരെ വലിയ ഒരു നഗരമായിരുന്നു*—അതു നടന്നു​തീർക്കാൻ മൂന്നു ദിവസം എടുക്കും. 4 യോന നഗരത്തിൽ പ്രവേ​ശി​ച്ചു. ഒരു ദിവസത്തെ വഴിദൂ​രം നടന്ന്‌, “ഇനി വെറും 40 ദിവസം! നിനെ​വെയെ നശിപ്പി​ക്കാൻപോ​കു​ക​യാണ്‌” എന്ന്‌ അറിയി​ച്ചു.

10 അവർ ചെയ്‌ത​തെ​ല്ലാം കണ്ടപ്പോൾ അവർക്കു വരുത്തു​മെന്നു പറഞ്ഞ ദുരന്ത​ത്തെ​ക്കു​റിച്ച്‌ സത്യ​ദൈവം പുനരാ​ലോ​ചി​ച്ചു.* അവർ ദുഷ്ടമായ ചെയ്‌തി​കൾ ഉപേക്ഷിച്ചതുകൊണ്ട്‌+ ദൈവം അവരെ ശിക്ഷി​ച്ചില്ല.+

4 എന്നാൽ യോന​യ്‌ക്ക്‌ അത്‌ ഒട്ടും ഇഷ്ടപ്പെ​ട്ടില്ല, യോന​യ്‌ക്കു വല്ലാത്ത ദേഷ്യം തോന്നി. 2 യോന യഹോ​വ​യോ​ടു പ്രാർഥി​ച്ചു: “യഹോവേ, എന്റെ നാട്ടി​ലാ​യി​രു​ന്ന​പ്പോൾ ഇതുത​ന്നെ​യാ​യി​രു​ന്നു എന്റെ പേടി. അതു​കൊ​ണ്ടാണ്‌ ഞാൻ ആദ്യം തർശീശിലേക്ക്‌+ ഓടി​പ്പോ​കാൻ നോക്കി​യത്‌. അങ്ങ്‌ കരുണ​യും അനുകമ്പയും* ഉള്ള ദൈവ​മാ​ണെ​ന്നും പെട്ടെന്നു കോപി​ക്കാത്ത, ദുരന്ത​ത്തെ​ക്കു​റിച്ച്‌ ദുഃഖം തോന്നുന്ന, അചഞ്ചല​സ്‌നേഹം നിറഞ്ഞ+ ദൈവ​മാ​ണെ​ന്നും എനിക്ക്‌ അറിയാം. 3 അതുകൊണ്ട്‌ യഹോവേ, എന്റെ ജീവ​നെ​ടു​ത്താ​ലും. എനിക്കു ജീവി​ക്കേണ്ടാ, മരിച്ചാൽ മതി.”+

4 യഹോവ ചോദി​ച്ചു: “നീ ഇത്ര ദേഷ്യ​പ്പെ​ടു​ന്നതു ശരിയാ​ണോ?”

5 യോന നഗരത്തി​നു പുറത്ത്‌ ചെന്ന്‌ അതിന്റെ കിഴക്കു​ഭാ​ഗത്ത്‌ ഇരുന്നു. അവിടെ ഒരു മാടം ഉണ്ടാക്കി, നഗരത്തി​ന്‌ എന്തു സംഭവി​ക്കു​മെന്നു നോക്കി അതിന്റെ തണലിൽ ഇരുന്നു.+ 6 യോനയ്‌ക്കു തണലും ആശ്വാ​സ​വും നൽകാൻ ദൈവ​മായ യഹോവ ഒരു ചുരയ്‌ക്ക ചെടി* മുളപ്പി​ച്ചു. അതു വളർന്നു​പൊ​ങ്ങി; യോന​യ്‌ക്കു വലിയ സന്തോ​ഷ​മാ​യി.

7 എന്നാൽ ആ ചെടി നശിപ്പി​ക്കാ​നാ​യി പിറ്റേന്ന്‌ അതിരാ​വി​ലെ സത്യ​ദൈവം ഒരു പുഴു​വി​നെ അയച്ചു. അങ്ങനെ ചെടി ഉണങ്ങി​പ്പോ​യി. 8 വെയിലായപ്പോൾ ദൈവം കിഴക്കു​നിന്ന്‌ ഒരു ഉഷ്‌ണ​ക്കാറ്റ്‌ അടിപ്പി​ച്ചു. തലയിൽ വെയിൽ കൊണ്ട​പ്പോൾ യോന തളർന്നു​പോ​യി. മരിക്കാൻ ആഗ്രഹി​ച്ച്‌ യോന ഇങ്ങനെ പറഞ്ഞു​കൊ​ണ്ടി​രു​ന്നു: “എനിക്കു ജീവി​ക്കേണ്ടാ, മരിച്ചാൽ മതി.”+

9 ദൈവം യോന​യോ​ടു ചോദി​ച്ചു: “ഈ ചെടി കാരണം നീ ഇത്ര ദേഷ്യ​പ്പെ​ടു​ന്നതു ശരിയാ​ണോ?”+

യോന പറഞ്ഞു: “ഞാൻ ദേഷ്യ​പ്പെ​ടു​ന്ന​തിൽ ഒരു തെറ്റു​മില്ല. എനിക്ക്‌ ഇനി മരിച്ചാൽ മതി, എനിക്ക്‌ അത്രയ്‌ക്കു ദേഷ്യ​മുണ്ട്‌.” 10 യഹോവ യോന​യോ​ടു പറഞ്ഞു: “നീ അധ്വാ​നി​ക്കു​ക​യോ വളർത്തു​ക​യോ ചെയ്യാതെ, ഒരു രാത്രി​കൊണ്ട്‌ വളർന്നു​വന്ന്‌ മറ്റൊരു രാത്രി​കൊണ്ട്‌ നശിച്ചു​പോയ ആ ചുരയ്‌ക്ക ചെടിയെ ഓർത്ത്‌ നിനക്കു സങ്കടം തോന്നു​ന്നു, അല്ലേ? 11 ആ സ്ഥിതിക്ക്‌, ശരിയും തെറ്റും എന്തെന്നു​പോ​ലും അറിയാത്ത* 1,20,000-ത്തിലധി​കം മനുഷ്യ​രും ഒരുപാ​ടു മൃഗങ്ങ​ളും ഉള്ള മഹാന​ഗ​ര​മായ നിനെവെയോട്‌+ എനിക്കു കനിവ്‌ തോന്ന​രു​തോ?”+