പാടല​വർണ്ണ​ത്തിൽ ഒരു അത്യത്ഭു​തം

ജ്വലി​ക്കുന്ന ഒരു പക്ഷി! ജീവൻ ജ്വാല​ക​ളിൽ ഒടുക്കു​ക​യും പിന്നീട്‌ ആ ചാരത്തിൽനിന്ന്‌ പുനർജ്ജ​നി​ക്കു​ക​യും​ചെ​യ്യുന്ന ഒരു ഇതിഹാ​സ​പ​ക്ഷി​യായ ഫീനി​ക്‌സി​നെ പുരാ​ത​ന​ഗ്രീ​ക്കു​കാർ അങ്ങനെ​യാണ്‌ വർണ്ണി​ച്ചി​രു​ന്നത്‌. നൂററാ​ണ്ടു​കൾക്കു​മുമ്പ്‌ ഫീനി​ക്‌സി​ന്റെ നാമം ഒരു യഥാർത്ഥ പക്ഷിയായ മരാള​ത്തിന്‌ നൽക​പ്പെട്ടു. ഒരു ഇതിഹാ​സ​പാ​ത്ര​ത്തിന്‌ എന്നെങ്കി​ലും ചെയ്യാൻക​ഴി​ഞ്ഞി​ട്ടു​ള്ള​തി​നെ​ക്കാൾ മെച്ചമാ​യി അത്‌ അതിന്റെ പേരിനെ അന്വർത്ഥ​മാ​ക്കി ജീവി​ക്കു​ന്നു. ഇവയുടെ പറന്നു​പോ​കുന്ന ഒരു പററം പകി​ട്ടേ​റിയ ഒരു ദൃശ്യ​ത്തെ​ക്കാൾ കവിഞ്ഞ​താണ്‌—കരയു​ക​യും മൂള​ലോ​ടെ പറക്കു​ക​യും ചെയ്യുന്ന, ആകാശം നിറക്കുന്ന പാടല​വർണ്ണം, കറുപ്പ്‌, ശോഭ​യാർന്ന ചുവപ്പ്‌ എന്നിവ​യു​ടെ ഒരു “അഗ്നിമയ ചീററൽ.”

ഒരു മരാളം ഒററക്കു​തന്നെ പാദം മുതൽ ശിരസ്സു​വരെ രൂപക​ല്‌പ​ന​യി​ലെ ഒരു അത്ഭുത​മാണ്‌. ആഴം കുറഞ്ഞ വെള്ളത്തിൽ തീററി തിരഞ്ഞു​കൊണ്ട്‌ തല മുമ്പോ​ട്ടും പിമ്പോ​ട്ടും ചലിപ്പി​ക്കു​മ്പോൾ കുളത്തി​ന്റെ അടിത്ത​ട്ടി​നു സമാന്ത​ര​മാ​യി വരത്തക്ക​വണ്ണം അഗ്രം താഴോ​ട്ടു വളഞ്ഞി​രി​ക്കുന്ന ദീർഘാ​യ​ത​മായ അടപ്പുള്ള ഒരു പെട്ടി​യായ അതിന്റെ ചുണ്ടി​നെ​ക്കു​റി​ച്ചു പരിചി​ന്തി​ക്കുക. നാവ്‌ ജലം അകത്തേ​ക്കും പുറ​ത്തേ​ക്കും പമ്പു​ചെ​യ്യവേ, ആൽഗയു​ടെ​യും അതു​പോ​ലെ​യു​ള്ള​വ​യു​ടെ​യും ഭക്ഷ്യ​യോ​ഗ്യ​മായ ചെറിയ അംശങ്ങളെ കെണി​യിൽപെ​ടു​ത്തു​മ്പോൾ വലിയ വസ്‌തു​ക്കളെ പുറത്തു​നിർത്തു​ന്ന​തി​നാ​യി ചുണ്ടി​നു​ള്ളിൽ കുററി​രോ​മ​ങ്ങ​ളു​ടെ നിരയുണ്ട്‌. ചെറിയ ചെമ്മീ​നു​കളെ അവയുടെ അണ്ണാക്കിൽനിന്ന്‌ വളരുന്ന അസ്ഥിഫ​ല​ക​ങ്ങൾക്കി​ട​യി​ലൂ​ടെ അരി​ച്ചെ​ടു​ക്കുന്ന തിമിം​ഗ​ല​ങ്ങൾമാ​ത്രമെ അപ്രകാ​രം തീററി തിന്നു​ന്നു​ള്ളു.

മരാള​ത്തി​ന്റെ കഴുത്തും കാലു​ക​ളും ആനുപാ​തി​ക​മാ​യി ഏതൊരു പക്ഷിയു​ടേ​തി​നെ​ക്കാ​ളും നീണ്ടവ​യാണ്‌. മരാള​ത്തിന്‌ ആറടി​യിൽപരം ഉയർന്നു​നിൽക്കാം. അതിന്റെ പൊയ്‌ക്കാൽ സമാന കാലുകൾ ആഴം കുറഞ്ഞ​തും ഉപ്പു​വെ​ള്ള​മു​ള്ള​തു​മായ തടാക​ങ്ങ​ളി​ലെ ജീവി​ത​ത്തിന്‌ യോജി​ച്ച​താണ്‌. അത്‌ ജലത്തിൽ നിൽക്കു​മ്പോൾത്തന്നെ വിശ്ര​മി​ക്കു​ന്നു, ഇരപി​ടി​യൻമാ​രിൽനിന്ന്‌ സുരക്ഷി​ത​മാ​യും ഏററവും അസാധാ​ര​ണ​മായ ഒരു വിധത്തി​ലും—ഒററക്കാ​ലിൽ നിൽക്കൽ. മരാളം ഒററക്കാ​ലിൽ നിൽക്കു​ന്നത്‌ മറെറ കാലിന്‌ വിശ്രമം നൽകു​ന്ന​തി​നാ​ണെ​ന്നാണ്‌ വിദഗ്‌ദ്ധർ പറയു​ന്നത്‌. ഒരു സവിശേഷ ഉപപേശി കാൽ ദൃഢമാ​യി ഉറപ്പി​ക്കാൻ പക്ഷിയെ പ്രാപ്‌ത​മാ​ക്കു​ന്നു. അങ്ങേയ​റ​റത്തെ സമനി​ലാ​ബോ​ധ​വും സഹായ​ത്തി​നെ​ത്തു​ന്നു.

മരാള​ത്തി​ന്റെ ഉത്ഭവം സംബന്ധിച്ച്‌ പറയുക പരിണാ​മ​വാ​ദി​കൾക്ക്‌ ക്ലേശക​ര​മാണ്‌. അവർക്ക്‌ ചില വിധങ്ങ​ളിൽ അത്‌ ഒരു വാത്ത​യേ​പ്പോ​ലെ​യാണ്‌. മററു ചില വിധങ്ങ​ളിൽ ഒരു കൊക്കി​നെ​പ്പോ​ലെ​യാണ്‌. ഇനിയും ചില വിധങ്ങ​ളിൽ അത്‌ ബകം​പോ​ലെ​യും. അത്‌ ഒരു തിമം​ഗ​ല​ത്തെ​പ്പോ​ലെ തീററി തിന്നു​ന്നു​വെ​ന്നും നിൽക്കുന്ന ഒരു ആടി​നെ​പ്പോ​ലെ ഉറങ്ങു​ന്നു​വെ​ന്നും​കൂ​ടെ നമുക്ക്‌ കൂട്ടി​ച്ചേർക്കാം. എന്നാൽ അത്‌ എവി​ടെ​നിന്ന്‌ വന്നു​വെ​ന്ന​തു​സം​ബ​ന്ധിച്ച്‌ നമുക്ക്‌ അന്ധാളി​പ്പു​ണ്ടാ​കേ​ണ്ട​തില്ല. ബുദ്ധി​ശ​ക്തി​യുള്ള ഒരു രൂപസം​വി​ധാ​യ​ക​നു​മാ​ത്രമേ അത്തരം ഒരു അത്‌ഭു​തത്തെ രൂപക​ല്‌പ​ന​ചെ​യ്യാൻ കഴിയൂ. (g90 3⁄22)