ഏതുതരം ലോക​മാ​ണു നിങ്ങൾ ആഗ്രഹി​ക്കു​ന്നത്‌?

നിങ്ങൾക്കു കഴിവു​ണ്ടാ​യി​രു​ന്നെ​ങ്കിൽ, ഇന്നു മനുഷ്യ​രെ കാർന്നു​തി​ന്നുന്ന സകല പ്രശ്‌ന​ങ്ങ​ളിൽനി​ന്നും വിമു​ക്ത​മായ ഒരു ലോകം, ഒരു പുതിയ ലോകം നിങ്ങൾ സൃഷ്ടി​ക്കു​മാ​യി​രു​ന്നോ? നിങ്ങൾ അങ്ങനെ ചെയ്യു​മാ​യി​രു​ന്നെ​ങ്കിൽ, അതിനു പ്രാപ്‌തി​യുള്ള നമ്മുടെ സ്‌നേ​ഹ​നി​ധി​യായ സ്രഷ്ടാവ്‌, യഹോ​വ​യാം ദൈവം നീതി​യുള്ള ഒരു പുതിയ ലോകം സൃഷ്ടി​ക്കു​മെന്നു പ്രതീ​ക്ഷി​ക്കു​ന്നതു യുക്തി​സ​ഹ​മല്ലേ?

ബൈബിൾ ഇങ്ങനെ പറയുന്നു: “യഹോവ എല്ലാവർക്കും നല്ലവൻ, തന്റെ സകല​പ്ര​വൃ​ത്തി​ക​ളു​ടെ​മേ​ലും അവിടു​ത്തെ കരുണ​യുണ്ട്‌. അങ്ങ്‌ അങ്ങയുടെ കൈ തുറന്നു ജീവനുള്ള സകലത്തി​ന്റെ​യും ആഗ്രഹത്തെ തൃപ്‌തി​പ്പെ​ടു​ത്തു​ന്നു.” (സങ്കീർത്തനം 145:9, 16, NW) നിങ്ങളു​ടെ ആഗ്രഹ​ങ്ങ​ളിൽ ചിലത്‌ ഏവയാണ്‌? ഏതുതരം ലോക​ത്തി​നു വേണ്ടി​യാ​ണു നിങ്ങൾ കാംക്ഷി​ക്കു​ന്നത്‌?

സുബോ​ധ​വും സന്തുഷ്ടി​യു​മുള്ള ജീവിതം: ഒരു കുടും​ബ​വ​ഴി​കാ​ട്ടി [ഇംഗ്ലീഷ്‌] എന്ന തങ്ങളുടെ ഗ്രന്ഥത്തിൽ അബ്രഹാ​മും റോസ്‌ ഫ്രാൻസ്‌ബ​വ്‌ളും ഇപ്രകാ​ര​മെ​ഴു​തി: “നാമെ​ല്ലാം ജീവി​ക്കാൻ ഇഷ്ടപ്പെ​ടു​ന്ന​തരം ലോക​ത്തെ​ക്കു​റി​ച്ചു ലോക​ജ​ന​ത​യു​ടെ അഭി​പ്രാ​യം ആരാഞ്ഞാൽ കുറഞ്ഞ​പക്ഷം വേണ്ട ചില അടിസ്ഥാന ആവശ്യ​ങ്ങ​ളോ​ടു നാമെ​ല്ലാം യോജി​ക്കു​മെ​ന്ന​തി​നു നല്ല സാധ്യ​ത​യുണ്ട്‌.”

നിങ്ങൾ ആഗ്രഹി​ക്കുന്ന അതേ കാര്യങ്ങൾ തന്നെയല്ലേ ഈ ഡോക്ടർമാർ പട്ടിക​പ്പെ​ടു​ത്തിയ ആവശ്യ​ങ്ങ​ളെന്നു നമു​ക്കൊ​ന്നു പരി​ശോ​ധി​ച്ചു​നോ​ക്കാം. നാം ഇതു പരി​ശോ​ധി​ക്കു​മ്പോൾ, നമ്മുടെ സ്‌നേ​ഹ​വാ​നായ സ്രഷ്ടാവ്‌ അതേ കാര്യ​ങ്ങൾത്തന്നെ നൽകു​മെന്നു വാഗ്‌ദത്തം ചെയ്‌തി​ട്ടു​ണ്ടോ​യെന്നു കൂടി നമുക്കു നോക്കാം.

ഒന്നാമത്തെ ആവശ്യം

ഒന്നാമ​താ​യി ഈ ഡോക്ടർമാർ പട്ടിക​പ്പെ​ടു​ത്തി​യത്‌ “യുദ്ധമി​ല്ലാത്ത ഒരു ലോകം” ആണ്‌. ഭയാന​ക​മായ അനവധി യുദ്ധങ്ങ​ളി​ലെ കഷ്ടതക​ള​നു​ഭ​വി​ച്ച​ശേഷം വീണ്ടു​മൊ​രി​ക്ക​ലും അന്യോ​ന്യം പോര​ടി​ച്ചു മരിക്കു​ക​യി​ല്ലാത്ത ഒരു ലോക​ത്തി​നു വേണ്ടി ഒട്ടനവധി പേർ കാംക്ഷി​ക്കു​ന്നു. ന്യൂ​യോർക്ക്‌ നഗരാ​ങ്ക​ണ​ത്തി​ലെ ഐക്യ​രാ​ഷ്‌ട്ര​സം​ഘ​ട​ന​യു​ടെ ചുവരിൻമേ​ലുള്ള ഒരു ആലേഖ​ന​ത്തിൽ അവരുടെ പ്രത്യാശ പ്രകടി​ത​മാണ്‌, അത്‌ ഇപ്രകാ​രം വായി​ക്കു​ന്നു: അവർ തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർക്കും. അവരുടെ കുന്തങ്ങളെ കോതു​ക​ത്രി​ക​ക​ളാ​യും: രാഷ്‌ട്രം രാഷ്‌ട്ര​ത്തി​നെ​തി​രെ വാളു​യർത്തു​ക​യില്ല. അവർ മേലാൽ യുദ്ധം അഭ്യസി​ക്ക​യു​മില്ല.

യഹോ​വ​യാം ദൈവം നടത്തിയ ഒരു വാഗ്‌ദ​ത്ത​ത്തി​ന്റെ ഭാഗമാണ്‌ ആ വാക്കു​ക​ളെന്നു നിങ്ങൾ അറിഞ്ഞി​രു​ന്നോ? ആ വാക്കുകൾ വിശുദ്ധ ബൈബി​ളി​ന്റെ ജയിംസ്‌ രാജാ​വി​ന്റെ ഭാഷാ​ന്ത​ര​ത്തിൽ യെശയ്യാവ്‌ 2-ാം അധ്യാ​യ​ത്തി​ന്റെ 4-ാം വാക്യ​ത്തിൽ രേഖ​പ്പെ​ടു​ത്തി​യി​രി​ക്കു​ന്നു. കൂടാതെ, സങ്കീർത്തനം 46:8, 9 വായി​ക്കു​മ്പോൾ സകല ആയുധ​ങ്ങ​ളെ​യും നശിപ്പി​ക്കുക എന്നതും “ഭൂമി​യു​ടെ അററം​വ​രെ​യും യുദ്ധങ്ങളെ നിർത്തൽ ചെയ്യു”ക എന്നതും ദൈ​വോ​ദ്ദേ​ശ്യ​മാ​ണെന്നു നിങ്ങൾ മനസ്സി​ലാ​ക്കും. ദൈവം സൃഷ്ടി​ക്കുന്ന സമാധാ​ന​പൂർണ​വും യുദ്ധര​ഹി​ത​വു​മായ ലോക​ത്തിൽ സന്തോ​ഷ​ക​ര​മായ ഈ ബൈബിൾ പ്രവചനം നിവൃ​ത്തി​യേ​റും: “അവർ ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തി​ന്റെ കീഴി​ലും പാർക്കും; ആരും അവരെ ഭയപ്പെ​ടു​ത്തു​ക​യില്ല.”—മീഖാ 4:4.

നിങ്ങൾ ആഗ്രഹി​ക്കു​ന്ന​തരം ലോക​ത്തി​ന്റെ ഒരു അടിസ്ഥാന ആവശ്യ​മെന്ന നിലയിൽ “യുദ്ധമി​ല്ലാത്ത ഒരു ലോകം” നിങ്ങൾ പട്ടിക​പ്പെ​ടു​ത്തു​ക​യി​ല്ലേ? ഒന്നാ​ലോ​ചി​ച്ചു​നോ​ക്കൂ, നമ്മുടെ മഹോന്നത സ്രഷ്ടാവ്‌ വാഗ്‌ദത്തം ചെയ്‌തി​രി​ക്കു​ന്നത്‌ അതാണ്‌!

സമൃദ്ധി​യു​ടെ ഒരു ലോകം

നിങ്ങളു​ടെ രണ്ടാമത്തെ ആവശ്യം എന്തായി​രി​ക്കും? അടുത്ത​താ​യി കൊടു​ത്തി​രി​ക്കുന്ന, “ക്ഷാമവും പഞ്ഞവും എന്നേക്കു​മാ​യി പൊയ്‌പോ​യി​രി​ക്കുന്ന, ദാരി​ദ്ര്യ​മി​ല്ലാത്ത ഒരു ലോകം” തന്നെയാ​യി​രി​ക്കു​മോ അത്‌? മേലാ​ലൊ​രി​ക്ക​ലും വിശന്നു​വ​ല​യുന്ന ഒരു കുട്ടി ഉണ്ടായി​രി​ക്കി​ല്ലെ​ങ്കിൽ, അത്‌ അത്ഭുത​ക​ര​മാ​യി​രി​ക്കി​ല്ലേ? സമൃദ്ധി​യു​ടെ ഒരു ലോകത്തു ജീവി​ക്കാൻ നിങ്ങൾ തീർച്ച​യാ​യും ആഗ്രഹി​ക്കും. എന്നാൽ ഇതിന്‌ ആർക്ക്‌ ഉറപ്പു​ത​രാൻ കഴിയും?

ദൈവം വാഗ്‌ദത്തം ചെയ്യു​ന്ന​തെ​ന്തെന്നു പരിചി​ന്തി​ക്കുക: “ഭൂമി അതിന്റെ അനുഭവം തന്നിരി​ക്കു​ന്നു.” “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും.” (സങ്കീർത്തനം 67:6; 72:16) അതേ, ദൈവ​ത്തി​ന്റെ പുതിയ ലോക​ത്തിൽ നല്ല ഭക്ഷ്യം സമൃദ്ധ​മാ​യു​ണ്ടാ​യി​രി​ക്കും. “യഹോവ . . . സകലജാ​തി​കൾക്കും മൃഷ്ട​ഭോ​ജ​ന​ങ്ങൾകൊ​ണ്ടും മട്ടൂറിയ വീഞ്ഞു​കൊ​ണ്ടും ഒരു വിരുന്നു കഴിക്കും” എന്നു ബൈബിൾ നമുക്ക്‌ ഉറപ്പു നൽകുന്നു.—യെശയ്യാവ്‌ 25:6.

ദാരി​ദ്ര്യ​മി​ല്ലാത്ത ഒരു ലോകം വെച്ചു​നീ​ട്ടുക എന്നതു മമനു​ഷ്യ​ന്റെ പ്രാപ്‌തി​ക്ക​തീ​ത​മാ​യി​രി​ക്കെ, അത്‌ ആനയി​ക്കുക എന്നതു ദൈവ​ത്തി​ന്റെ ശക്തിക്ക്‌ അതീതമല്ല. ദൈവ​രാ​ജ്യ​ത്തിൻ കീഴിൽ സകലർക്കും ഭക്ഷണം നൽകുക എന്നത്‌ ഒരു പ്രശ്‌ന​മാ​യി​രി​ക്കു​ക​യി​ല്ലെന്ന്‌ അവിടു​ത്തെ പുത്ര​നായ യേശു​ക്രി​സ്‌തു പ്രകടി​പ്പി​ച്ചു കാണിച്ചു. യേശു ഭൂമി​യി​ലാ​യി​രു​ന്ന​പ്പോൾ കുറേ അപ്പക്കഷ​ണ​ങ്ങ​ളും ഏതാനും മീനും അത്ഭുത​ക​ര​മാ​യി വർധി​പ്പി​ച്ചു​കൊണ്ട്‌ ആയിര​ങ്ങളെ പോഷി​പ്പി​ച്ചു.—മത്തായി 14:14-21; 15:32-38.

രോഗ​മി​ല്ലാത്ത ഒരു ലോകം

നാമെ​ല്ലാം ആഗ്രഹി​ക്കു​ന്ന​തരം ലോക​ത്തിൽ ഒരിട​ത്തും നിങ്ങൾ ഒരു രോഗി​യെ കണ്ടെത്തു​ക​യില്ല. അതു​കൊണ്ട്‌ മൂന്നാ​മത്തെ ആവശ്യം അമ്പരപ്പി​ക്കു​ന്നതല്ല. “അതു രോഗ​മി​ല്ലാത്ത ഒരു ലോക​മാ​യി​രി​ക്കും, തടയാ​വു​ന്ന​തോ സൗഖ്യ​മാ​ക്കാ​വു​ന്ന​തോ ആയ രോഗ​ങ്ങ​ളി​ല്ലാ​തെ ആരോ​ഗ്യ​ത്തോ​ടെ വളർന്നു​വന്നു തങ്ങളുടെ ശേഷിച്ച ആയുഷ്‌കാ​ലം ജീവി​ക്കാൻ ഏവർക്കും അവസര​മുള്ള ഒരു ലോകം,” ആ ഡോക്ടർമാർ എഴുതി.

ആർക്കും ഒരിക്ക​ലും ഒരു ജലദോ​ഷ​മോ മററു യാതൊ​രു അസുഖ​മോ പിടി​പെ​ട്ടി​ല്ലെ​ങ്കി​ലുള്ള ആശ്വാ​സ​ത്തെ​ക്കു​റി​ച്ചു ചിന്തി​ക്കുക! രോഗത്തെ നിർമാർജനം ചെയ്യാൻ മനുഷ്യർക്കു കഴിയില്ല, എന്നാൽ യഹോ​വ​യാം ദൈവ​ത്തി​നു കഴിയും. അവിടു​ത്തെ പുതിയ ലോക​ത്തിൽ “‘എനിക്കു അസുഖ​മാണ്‌’ എന്നു യാതൊ​രു നിവാ​സി​യും പറയു​ക​യില്ല” എന്ന്‌ അവിടുന്ന്‌ വാഗ്‌ദത്തം ചെയ്യുന്നു. മറിച്ച്‌, “അന്നു കുരു​ടൻമാ​രു​ടെ കണ്ണു തുറന്നു​വ​രും; ചെകി​ടൻമാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസി​ച്ചു​ഘോ​ഷി​ക്കും.” (യശയ്യാ 33:24, NW; യശയ്യാ 35:5, 6) അതേ, ദൈവം “അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല.”—വെളി​പ്പാ​ടു 21:4.

ദൈവ​ത്തി​ന്റെ പുതിയ ലോക​ത്തിൽ വലിയ ഒരളവിൽ നമുക്കു പ്രതീ​ക്ഷി​ക്കാൻ കഴിയു​ന്നത്‌ എന്തെന്ന്‌ യേശു​ക്രി​സ്‌തു ഭൂമി​യി​ലാ​യി​രു​ന്ന​പ്പോൾ പ്രകടി​പ്പി​ച്ചു കാണിച്ചു. അവിടുന്ന്‌ അന്ധർക്കു കാഴ്‌ച​യേകി, ബധിര​രു​ടെ ചെവികൾ തുറന്നു, ഊമരു​ടെ നാവുകൾ സ്വത​ന്ത്ര​മാ​ക്കി, മുടന്തരെ നടക്കു​മാ​റാ​ക്കി, മരിച്ച​വരെ ജീവനി​ലേക്കു പുനഃ​സ്ഥി​തീ​ക​രി​ക്കുക പോലും ചെയ്‌തു.—മത്തായി 15:30, 31; ലൂക്കൊസ്‌ 7:21, 22.

സകലർക്കും തൃപ്‌തി​ക​ര​മായ ജോലി​യും നീതി​യും

നിങ്ങളും മററു മിക്കവ​രും തന്നെ ആഗ്രഹി​ക്കു​ന്ന​തരം ലോക​ത്തിൽ സകലർക്കും തൃപ്‌തി​ക​ര​മായ ജോലി​യും നീതി​യും ലഭിക്കു​മെ​ന്നു​ള്ള​തി​നു സംശയ​മില്ല. അതു​കൊണ്ട്‌ ആ ഡോക്ടർമാർ ഇപ്രകാ​രം എഴുതി: “നാലാ​മത്‌, തങ്ങൾക്കും തങ്ങളുടെ കുടും​ബ​ങ്ങൾക്കും വേണ്ടി കരുതാൻ ഒരു ഉപജീ​വ​ന​മാർഗം നേടാൻ ആഗ്രഹി​ക്കു​ന്ന​വർക്കു ജോലി​യുള്ള ഒരു ലോക​മാ​യി​രി​ക്കും അത്‌.” അവർ ഇങ്ങനെ​യും കൂട്ടി​ച്ചേർത്തു: “അഞ്ചാമത്‌, സകലർക്കും നീതി പ്രദാനം ചെയ്യുന്ന നിയമ​ത്തിൻ കീഴിൽ ഏതു മനുഷ്യ​നും സ്വാത​ന്ത്ര്യം ആസ്വദി​ക്കുന്ന ഒരു ലോക​മാ​യി​രി​ക്കും അത്‌.”

സന്തുഷ്ട ജീവി​ത​ത്തി​നു​വേണ്ട ഈ ആവശ്യങ്ങൾ നിവർത്തി​ക്കാൻ മാനു​ഷ​ഭ​രണം ഒരിക്ക​ലും പ്രാപ്‌ത​മാ​യി​രു​ന്നി​ട്ടില്ല. എന്നാൽ ദൈവ​ത്തി​ന്റെ പുതിയ ലോക​ത്തിന്‌ അതു സാധി​ക്കും. ആ സമയത്ത്‌ ആളുകൾ ചെയ്യുന്ന പ്രയോ​ജ​ന​പ്ര​ദ​മായ വേല​യെ​ക്കു​റി​ച്ചു ബൈബിൾ ഇങ്ങനെ വാഗ്‌ദത്തം ചെയ്യുന്നു: “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും. . . . എന്റെ വൃതൻമാർ തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും. അവർ വൃഥാ അദ്ധ്വാ​നി​ക്ക​യില്ല.”—യെശയ്യാ​വു 65:21-23.

സകലർക്കും സ്വാത​ന്ത്ര്യ​വും നീതി​യും സംബന്ധി​ച്ചെന്ത്‌? മാനുഷ ഭരണാ​ധി​കാ​രി​കൾ എത്ര ആത്മാർഥ​മാ​യി ശ്രമി​ച്ചി​ട്ടും സകലർക്കും ഇവ പ്രദാനം ചെയ്യാൻ അവർ പരാജ​യ​പ്പെ​ട്ടി​രി​ക്കു​ന്നു. അനീതി​യും മർദന​വും ലോക​മൊ​ട്ടു​ക്കും വാഴ്‌ച നടത്തുന്നു. അതു​കൊണ്ട്‌ മനുഷ്യർക്ക്‌ ഒരിക്ക​ലും ഈ ആവശ്യം നിറ​വേ​റ​റാ​നാ​വില്ല. പക്ഷേ സർവശ​ക്ത​നായ ദൈവ​ത്തി​നു കഴിയും. അവിടു​ത്തെ നിയുക്ത ഭരണാ​ധി​കാ​രി പുനരു​ത്ഥാ​നം പ്രാപിച്ച യേശു​ക്രി​സ്‌തു​വാണ്‌, അവിടു​ത്തെ​ക്കു​റി​ച്ചു യഹോവ ഇങ്ങനെ പറയുന്നു: “എന്റെ ഉള്ളം പ്രസാ​ദി​ക്കുന്ന എന്റെ വൃതൻ; . . . അവൻ ജാതി​ക​ളോ​ടു ന്യായം പ്രസ്‌താ​വി​ക്കും.”—യെശയ്യാ​വു 42:1; മത്തായി 12:18.

ദൈവ​രാ​ജ്യ​ത്തിൻ കീഴിൽ, “സൃഷ്ടി ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടു​ത​ലും ദൈവ​മ​ക്ക​ളു​ടെ തേജസ്സാ​കുന്ന സ്വാത​ന്ത്ര്യ​വും പ്രാപി​ക്കും” എന്നു ബൈബിൾ വാഗ്‌ദത്തം ചെയ്യുന്നു. (റോമർ 8:21) സകലർക്കും സ്വാത​ന്ത്ര്യ​വും നീതി​യും ഉണ്ടായി​രി​ക്കു​മ്പോൾ അത്‌ എത്ര സന്തുഷ്ട​മായ ഒരു പുതിയ ലോക​മാ​യി​രി​ക്കും!

അവസര​ങ്ങ​ളും വിശ്ര​മ​വേ​ള​യും

തീർച്ച​യാ​യും നിങ്ങൾ ആഗ്രഹി​ക്കു​ന്ന​തരം ലോക​ത്തിൽ എല്ലാ പൗരൻമാ​രും വർഗ⁄ദേശഭേദമന്യേ തുല്യാ​വ​സ​രങ്ങൾ ആസ്വദി​ക്കാൻ നിങ്ങൾ ആഗ്രഹി​ക്കും. അതു​കൊണ്ട്‌ ആ ഡോക്ടർമാർ പട്ടിക​പ്പെ​ടു​ത്തിയ ആറാമത്തെ ആവശ്യം ആശ്ചര്യ​ക​രമല്ല: “ഏതു മനുഷ്യ​നും തന്റെ പ്രാപ്‌തി​ക​ളും കഴിവു​ക​ളും പൂർണ​മാ​യി വളർത്തി​യെ​ടു​ക്കാ​നും മുൻവി​ധി കൂടാതെ തന്റെ ശ്രമങ്ങൾക്കു പ്രതി​ഫലം ലഭിക്കാ​നും അവസര​മുള്ള ഒരു ലോക​മാ​യി​രി​ക്കും അത്‌.”

എല്ലാ ആളുക​ളും മാന്യ​മായ പെരു​മാ​ററം ആസ്വദിച്ച ഒരു ലോകം സ്ഥാപി​ക്കാൻ മനുഷ്യർക്ക്‌ ഒരിക്ക​ലും കഴിഞ്ഞി​ട്ടില്ല. ജനപ്രീ​തി​യി​ല്ലാത്ത ന്യൂന​പ​ക്ഷ​ങ്ങ​ളോ​ടുള്ള മുൻവി​ധി​യും പീഡന​വും ശമനമി​ല്ലാ​തെ തുടരു​ന്നു. എങ്കിൽപ്പോ​ലും “ആരോ​ടും മുഖപക്ഷം കാണി​ക്കു​ക​യോ കൈക്കൂ​ലി വാങ്ങു​ക​യോ ചെയ്യാത്ത” തന്റെ പിതാ​വായ യഹോ​വ​യു​ടെ മാതൃക പുതിയ ലോക​ത്തി​ന്റെ രാജാ​വായ യേശു​ക്രി​സ്‌തു അനുക​രി​ക്കും. (ആവർത്തനം 10:17, NW; റോമർ 2:11) എല്ലാ ആളുക​ളും യഹോ​വ​യു​ടെ മുഖപ​ക്ഷ​മി​ല്ലായ്‌മ അനുക​രി​ക്കാൻ പഠിക്കുക മാത്രമല്ല, പിന്നെ​യോ അവർ അതു ബാധക​മാ​ക്കുക കൂടി ചെയ്യുന്നു എന്നതാണ്‌ പുതിയ ലോക​ത്തി​ന്റെ വരവിനെ അത്ഭുത​ക​ര​മാ​ക്കു​ന്നത്‌.—യെശയ്യാ​വു 54:13.

ആളുക​ളു​ടെ ജീവിതം തെല്ലും ആശ്വാ​സ​മി​ല്ലാത്ത വിരസ​മായ കഠിനാ​ധ്വാ​ന​ത്തിന്‌ അർപ്പി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌ അടുത്ത അടിസ്ഥാന ആവശ്യ​ത്തോ​ടു നിങ്ങൾ തീർച്ച​യാ​യും യോജി​ക്കും: “ഏഴാമത്‌, ജീവി​ത​ത്തിൽ തങ്ങൾ നല്ല കാര്യ​ങ്ങ​ളാ​യി കരുതു​ന്നവ ആസ്വദി​ക്കാൻ മതിയായ വിശ്ര​മ​വേള എല്ലാ മനുഷ്യർക്കും ഉണ്ടായി​രി​ക്കുന്ന ഒരു ലോക​മാ​യി​രി​ക്കും അത്‌.”

വിശ്ര​മാ​വ​സ​ര​ങ്ങൾക്കുള്ള മമനു​ഷ്യ​ന്റെ ആവശ്യം തിരി​ച്ച​റി​ഞ്ഞു​കൊണ്ട്‌, യഹോ​വ​യാം ദൈവം തന്റെ പുരാതന ന്യായ​പ്ര​മാ​ണ​ത്തിൽ വാരം​തോ​റു​മുള്ള ഒരു സ്വസ്ഥതാ​ദി​വ​സ​ത്തി​നു കരുതൽ ചെയ്‌തു. (പുറപ്പാ​ടു 20:8-11) അതു​കൊണ്ട്‌ തന്റെ പുതിയ ലോക​ത്തിൽ വിശ്ര​മ​ത്തി​നും ആരോ​ഗ്യ​ക​ര​മാ​യ​തരം വിനോ​ദ​ങ്ങൾക്കും വേണ്ടി​യുള്ള നമ്മുടെ ആവശ്യം ദൈവം തീർച്ച​യാ​യും നിറ​വേ​റ​റു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം.

അധിവ​സി​ക്കു​ന്ന​തരം ആളുകൾ

ആ ഡോക്ടർമാർ നൽകിയ അവസാ​നത്തെ അടിസ്ഥാന ആവശ്യം “നാമെ​ല്ലാം ജീവി​ക്കാൻ ആഗ്രഹി​ക്കു​ന്ന​തരം ലോക​ത്തിൽ” വസിക്കു​ന്നവർ അവകാ​ശ​പ്പെ​ടു​ത്തുന്ന ഗുണങ്ങളെ വർണി​ക്കു​ന്നു. അവർ പട്ടിക​പ്പെ​ടു​ത്തുന്ന ഈ ഗുണങ്ങൾ പ്രധാ​ന​മാ​ണെന്നു നിങ്ങൾ കരുതു​ന്നി​ല്ലേ​യെന്നു കാണുക. “എട്ടാമത്‌, ബുദ്ധി​യും സർഗാ​ത്മ​ക​ത​യും, ആദരവും നിർമ​ല​ത​യും, സ്‌നേ​ഹ​വും വിശ്വ​സ്‌ത​ത​യും, ആത്മാഭി​മാ​ന​വും നിസ്വാർഥ​ത​യും, സഹമനു​ഷ്യ​രോ​ടുള്ള താത്‌പ​ര്യ​വും പോലെ മനുഷ്യ​രെ മൃഗങ്ങ​ളിൽനി​ന്നു വ്യത്യ​സ്‌ത​രാ​ക്കി നിർത്തുന്ന ആ ഗുണങ്ങൾക്ക്‌ മുന്തിയ വില നൽകുന്ന ഒരു ലോക​മാ​യി​രി​ക്കും അത്‌.”

നിർമലത, സ്‌നേഹം, വിശ്വ​സ്‌തത, നിസ്വാർഥത, സഹമനു​ഷ്യ​രോ​ടുള്ള താത്‌പ​ര്യം തുടങ്ങിയ ധാർമിക ഗുണങ്ങൾ എല്ലാവ​രും പ്രകട​മാ​ക്കുന്ന ഒരു ലോക​ത്തി​ലെ ജീവിതം നിങ്ങൾ ആസ്വദി​ക്കു​ക​യി​ല്ലേ? തീർച്ച​യാ​യും നിങ്ങൾ ആഗ്രഹി​ക്കു​ന്ന​തരം ലോകം അതാണ്‌! യാതൊ​രു മാനുഷ ഭരണാ​ധി​കാ​രി​കൾക്കും ഒരിക്ക​ലും ഇതു പ്രദാനം ചെയ്യാ​നാ​വില്ല. യഹോ​വ​യാം ദൈവ​ത്തി​നു മാത്രമേ അതിനു കഴിയൂ. അവിടുന്ന്‌ തീർച്ച​യാ​യും അതു ചെയ്യും, കാരണം അവിടു​ത്തെ പുതിയ ലോകം അയഥാർഥ​മായ, അവാസ്‌ത​വി​ക​മായ ഒരു സ്വപ്‌നമല്ല.—സങ്കീർത്തനം 85:10, 11.

അത്‌ എപ്പോൾ വരും?

മുൻലേ​ഖ​ന​ത്തിൽ കുറി​ക്കൊ​ണ്ട​തു​പോ​ലെ, യേശു​ക്രി​സ്‌തു​വി​ന്റെ ഒരു ഉററ സഹചാരി ഇങ്ങനെ​യെ​ഴു​തി: “നാം [ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം കാത്തി​രി​ക്കുന്ന പുതിയ ആകാശ​ങ്ങ​ളും ഒരു പുതിയ ഭൂമി​യും ഉണ്ട്‌.” (2 പത്രോസ്‌ 3:13, NW) യേശു പറഞ്ഞതു​പോ​ലെ, ഈ വാഗ്‌ദത്തം നിവർത്തി​ക്കുന്ന സമയം “മനുഷ്യ​പു​ത്രൻ മഹത്ത്വ​മാർന്ന തന്റെ സിംഹാ​സ​ന​ത്തിൽ ഇരിക്കുന്ന പുനഃ​സൃ​ഷ്ടി​യിൽ ആയിരി​ക്കും.”—മത്തായി 19:28, NW.

ആദാമി​നെ​യും ഹവ്വാ​യെ​യും ആക്കിവെച്ച പറുദീ​സാ​ത്തോ​ട്ടം വിപു​ല​മാ​ക്കാൻ ദൈവം ആ ആദ്യമ​നു​ഷ്യ​ജോ​ടി​യോട്‌ ആദ്യം കൽപ്പി​ച്ചി​രു​ന്നു. അവർ കുട്ടി​കളെ ഉളവാക്കി അവരെ​ക്കൊ​ണ്ടു മുഴു ഭൂമി​യെ​യും മനോ​ജ്ഞ​മായ ഒരു ഏദൻ തോട്ട​മാ​ക്കാൻ അവിടുന്ന്‌ ആഗ്രഹി​ച്ചു. (ഉല്‌പത്തി 1:26-28; 2:7-9, 15) ഈ ഉദ്ദേശ്യം നിറ​വേ​റ​റാൻ ആദാമും ഹവ്വായും പരാജ​യ​പ്പെ​ട്ടെ​ങ്കി​ലും ക്രിസ്‌തു രാജ്യ​ഭ​രണം നടത്തവേ, പുനഃ​സൃ​ഷ്ടി​യിൽ ഭൗമിക പറുദീ​സ​യു​ടെ ഒരു പുനഃ​സ്ഥി​തീ​ക​രണം ഉണ്ടായി​രി​ക്കും. ഒടുവിൽ ഏദനിക അവസ്ഥകൾ ഭൂവ്യാ​പ​ക​മാ​യി വ്യാപി​ക്കും. അങ്ങനെ സമാധാ​ന​പൂർണ​വും നീതി​നി​ഷ്‌ഠ​വു​മായ ഒരു ലോകം ഉണ്ടായി​രി​ക്കാ​നുള്ള തന്റെ ആദി​മോ​ദ്ദേ​ശ്യം നമ്മുടെ സ്‌നേ​ഹ​വാ​നായ സ്രഷ്ടാവ്‌ നിവർത്തി​ക്കും. എന്നാൽ അത്‌ എപ്പോൾ വരും?

‘ഓ, അത്‌ ഏതെങ്കി​ലു​മൊ​രു സമയത്തു വരും, പക്ഷേ നമ്മുടെ ആയുഷ്‌കാ​ല​ത്തൊ​ന്നു​മാ​യി​രി​ക്കില്ല’ എന്നു പറയുന്ന പലരെ​യും പോലെ നിങ്ങൾ ചിന്തി​ക്കു​ന്നു​വോ? എന്നാൽ നിങ്ങൾക്കെ​ങ്ങനെ അറിയാം? മുമ്പു​ണ്ടാ​യി​ട്ടി​ല്ലാ​ത്ത​വി​ധം ലോകാ​രി​ഷ്ട​ത​യുള്ള നമ്മുടെ കാലം ദൈവ​ത്തി​ന്റെ പുതിയ ലോകം സമീപ​മാ​ണെ​ന്നു​ള്ള​തി​ന്റെ തെളി​വാ​യി​രി​ക്കു​മോ? നമു​ക്കെ​ങ്ങനെ അറിയാം? (g93 10/22)

[7-ാം പേജിലെ ചിത്രം]

പുതിയ ലോക​ത്തിൽ, സമാധാ​ന​വും പൂർണാ​രോ​ഗ്യ​വും സമൃദ്ധി​യു​മു​ണ്ടാ​യി​രി​ക്കും

[കടപ്പാട്‌]

Cubs: Courtesy of Hartebeespoortdam Snake and Animal Park

[8-ാം പേജിലെ ചിത്രം]

പുതിയ ലോക​ത്തിൽ, ആളുകൾ ഉത്‌പാ​ദ​ന​ക്ഷ​മ​മായ ജോലി ആസ്വദി​ക്കും

[9-ാം പേജിലെ ചിത്രം]

പുതിയ ലോക​ത്തിൽ, വിശ്ര​മ​വേ​ള​യി​ലെ പ്രവർത്ത​ന​ങ്ങൾക്കുള്ള സമയം ഉണ്ടായി​രി​ക്കും