‘ശിശു​ക്ക​ളു​ടെ വായിൽനിന്ന്‌’

ദക്ഷിണാ​ഫ്രി​ക്ക​യി​ലെ നാറ്റലിൽനി​ന്നു​മുള്ള ബെലി​റ്റോ സ്വദേ​ശി​യായ ഒരു സ്‌ത്രീ എന്റെ ബൈബിൾ കഥാ പുസ്‌ത​ക​ത്തെ​ക്കു​റിച്ച്‌ ഊഷ്‌മ​ള​മായ വിലമ​തി​പ്പു പ്രകടി​പ്പി​ക്കു​ക​യും ഇപ്രകാ​രം എഴുതു​ക​യും ചെയ്‌തു:

“എനിക്ക്‌ ഒന്നര വയസ്സു​മാ​ത്രം പ്രായ​മുള്ള റൂഡി നൈഡു എന്ന പേരോ​ടു​കൂ​ടിയ ഒരു ഭാഗി​നേയൻ ഉണ്ട്‌. കേവലം ചിത്രങ്ങൾ മാത്രം നോക്കി​ക്കൊണ്ട്‌ പുസ്‌ത​ക​ത്തി​ലെ മിക്കവാ​റും എല്ലാ കഥാപാ​ത്ര​ങ്ങ​ളു​ടെ​യും പേർ അവൻ പറയുന്നു. ചിത്ര​ങ്ങ​ളി​ലെ ചില ബൈബിൾ കഥാപാ​ത്രങ്ങൾ എന്താണു ചെയ്യു​ന്ന​തെ​ന്നു​പോ​ലും അവൻ നിങ്ങ​ളോ​ടു പറയുന്നു. ഉദാഹ​ര​ണ​മാ​യി, 11-ാമത്തെ കഥ നോഹ ബലിയർപ്പി​ക്കു​ന്ന​തി​നെ ചിത്രീ​ക​രി​ക്കു​ന്നു. റൂഡി നമ്മോടു പറയുന്നു, ‘നോഹ—യഹോ​വ​യോ​ടു പ്രാർഥി​ക്കു​ന്നു.’

“49-ാമത്തെ കഥയിൽ യോശുവ എന്താണു ചെയ്യു​ന്ന​തെന്നു ചോദി​ച്ച​പ്പോൾ, ‘സൂര്യാ നിശ്ചല​മാ​യി നിൽക്കൂ!’ എന്നു പറഞ്ഞ്‌ അവൻ യോശു​വയെ പോലെ അഭിന​യി​ക്കു​ക​യാ​യി. വാക്കുകൾ ശരിയാ​യി ഉച്ചരി​ക്കാൻ സാധി​ക്കു​ക​യി​ല്ലെ​ങ്കി​ലും അവന്റെ സംസാരം തന്റേതായ രസികൻ, ലാവണ്യ ശൈലി​യി​ലാണ്‌.

“ഈ അത്യുത്തമ പ്രസി​ദ്ധീ​ക​രണം ലഭിച്ച​തിൽ വീണ്ടും ഞാൻ നിങ്ങൾക്കു നന്ദിപ​റ​യാൻ ആഗ്രഹി​ക്കു​ക​യാണ്‌. ചില മുതിർന്ന​വർക്കു​പോ​ലും അറിയി​ല്ലാ​ത്തവ വിവരി​ക്കാൻ കൊച്ചു​കു​ട്ടി​കൾ പ്രാപ്‌ത​രാണ്‌. മത്തായി 21:16-ലെ യേശു​വി​ന്റെ വാക്കുകൾ സുനി​ശ്ചി​ത​മാ​യും സത്യമാണ്‌: ‘ശിശു​ക്ക​ളു​ടെ​യും മുലകു​ടി​ക്കു​ന്ന​വ​രു​ടെ​യും വായിൽനിന്ന്‌ അവൻ പുകഴ്‌ച ഒരുക്കി​യി​രി​ക്കു​ന്നു.’”

എന്റെ ബൈബിൾ കഥാ പുസ്‌തകം ലഭിക്കാ​നോ, അല്ലെങ്കിൽ ബൈബിൾ വിദ്യാ​ഭ്യാ​സ​ത്തി​ന്റെ മൂല്യം ചർച്ച​ചെ​യ്യാൻ ആരെങ്കി​ലും നിങ്ങളു​ടെ വീടു സന്ദർശി​ക്കാ​നോ ആഗ്രഹി​ക്കു​ന്നു​വെ​ങ്കിൽ ദയവായി Watch Tower, H-58 Old Khandala Road, Lonavla 410 401, Mah., India എന്ന അഡ്രസ്സി​ലോ അല്ലെങ്കിൽ 5-ാമത്തെ പേജിൽ പട്ടിക​പ്പെ​ടു​ത്തി​യി​രി​ക്കു​ന്ന​തിൽ നിങ്ങൾക്ക്‌ ഏറ്റവും അടുത്തുള്ള അഡ്രസ്സി​ലോ എഴുതുക.