നിങ്ങൾ ഊർജം സംരക്ഷി​ക്കു​ന്നോ അതോ പാഴാ​ക്കി​ക്ക​ള​യു​ന്നോ?

ബ്രിട്ടനിലെ ഉണരുക! ലേഖകൻ

ഐക്യ​നാ​ടു​ക​ളിൽ ഓരോ വർഷവും 4,000 കോടി രൂപ മൂല്യം വരുന്ന ഊർജം പാഴാ​ക്കി​ക്ക​ള​യു​ന്നുണ്ട്‌. ചിക്കാ​ഗോ​യു​ടെ അത്രയും വലിപ്പ​മുള്ള ഒരു നഗരത്തി​ന്റെ മുഴു വൈദ്യു​താ​വ​ശ്യ​ങ്ങ​ളും നിറ​വേ​റ്റാൻ ആ ഊർജം മതി. ഈ പാഴാക്കൽ എങ്ങനെ​യാ​ണു സംഭവി​ക്കു​ന്നത്‌? കമ്പ്യൂട്ടർ, ഫാക്‌സ്‌ മെഷീൻ, വിസിആർ, ടെലി​വി​ഷൻ, സിഡി പ്ലെയർ, എന്തിന്‌ കോഫി മെയ്‌ക്കർ പോലും ഉപയോ​ഗി​ക്കാ​ത്ത​പ്പോൾ പലരും ഭാഗി​ക​മാ​യി ഓണാക്കി (standby mode) ഇടുന്നു. അവയിലെ ഘടികാ​രങ്ങൾ പ്രവർത്തി​പ്പി​ക്കാ​നോ, മെമ്മറി നിലനിർത്താ​നോ, സെറ്റി​ങ്ങു​കൾ പ്രദർശി​പ്പി​ക്കാ​നോ ആണ്‌ ഇങ്ങനെ ചെയ്യു​ന്നത്‌, അല്ലെങ്കിൽ ആവശ്യം വന്നാൽ ഉടനെ ഉപയോ​ഗി​ക്കാൻ വേണ്ടി.

ബ്രിട്ട​നിൽ, ഉപയോ​ഗി​ക്കാ​തെ ഭാഗി​ക​മാ​യി ഓണാക്കി ഇടുന്ന ഉപകര​ണ​ങ്ങൾക്ക്‌ ഓരോ വർഷവും ആവശ്യ​മാ​യി വരുന്ന ഊർജം ഉത്‌പാ​ദി​പ്പി​ക്കവെ, അഞ്ച്‌ ലക്ഷം ടൺ ഹരിത​ഗൃ​ഹ​വാ​ത​ക​ങ്ങ​ളാണ്‌ വിദ്യു​ച്ഛ​ക്തി​നി​ല​യ​ങ്ങ​ളിൽ നിന്നു പുറന്ത​ള്ള​പ്പെ​ടു​ന്നത്‌. അന്തരീ​ക്ഷ​ത്തി​ലേക്കു പുറന്ത​ള്ള​പ്പെ​ടുന്ന ഈ വാതകങ്ങൾ ആഗോ​ള​ത​പ​നത്തെ രൂക്ഷമാ​ക്കി​യേ​ക്കാം. ലണ്ടനിലെ ദ ടൈംസ്‌ എന്ന വർത്തമാ​ന​പ​ത്രം പറയുന്നു: “പരിസ്ഥി​തി സംരക്ഷണം എന്ന പ്രത്യ​യ​ശാ​സ്‌ത്രം യുവ ഉപഭോ​ക്താ​ക്കൾക്ക്‌ വളരെ പ്രിയ​ങ്ക​ര​മായ ഒന്നാ​ണെ​ങ്കി​ലും വൈദ്യു​തോ​ത്‌പാ​ദ​ന​വും ആഗോ​ള​ത​പ​ന​വും തമ്മിൽ ബന്ധം ഉണ്ടെന്ന കാര്യം അവരാ​രും​തന്നെ തിരി​ച്ച​റി​യു​ന്നില്ല.”

പല ഇലക്‌​ട്രോ​ണിക്‌ ഉപകര​ണ​ങ്ങ​ളും പൂർണ​മാ​യി പ്രവർത്തി​ക്കു​മ്പോൾ ഉപയോ​ഗി​ക്കു​ന്നത്ര തന്നെ ഊർജം ഭാഗി​ക​മാ​യി ഓണായി കിടക്കു​മ്പോ​ഴും ഉപയോ​ഗി​ക്കു​ന്നു എന്ന വസ്‌തുത പലരും മനസ്സി​ലാ​ക്കു​ന്നില്ല. ഉദാഹ​ര​ണ​ത്തിന്‌, ഒരു ഉപഗ്രഹ ടിവി സംവി​ധാ​നം പൂർണ​മാ​യും പ്രവർത്ത​ന​ക്ഷമം ആയിരി​ക്കു​മ്പോൾ 15 വാട്ട്‌സ്‌ വൈദ്യു​തി ഉപയോ​ഗി​ച്ചേ​ക്കാം. എന്നാൽ ഉപയോ​ഗി​ക്കാ​തെ ഭാഗി​ക​മാ​യി ഓണാക്കി ഇടു​മ്പോ​ഴും അത്‌ 14 വാട്ട്‌സ്‌—വെറും 1 വാട്ട്‌ മാത്ര​മാണ്‌ കുറവു​ള്ളത്‌—വൈദ്യു​തി ഉപയോ​ഗി​ക്കു​ന്നുണ്ട്‌. മോശ​മായ രൂപകൽപ്പ​ന​യും ഇതിൽ ഒരു പങ്കു വഹിക്കു​ന്നു. ഉദാഹ​ര​ണ​ത്തിന്‌, ഒരു സിഡി പ്ലെയറിന്‌ ഭാഗി​ക​മാ​യി ഓണായി കിടന്ന​പ്പോൾ പ്രവർത്തി​ക്കാൻ 28 വാട്ട്‌സ്‌ വൈദ്യു​തി ആവശ്യ​മാ​യി വന്നപ്പോൾ സമാന​മായ സവി​ശേ​ഷ​ത​ക​ളുള്ള മറ്റൊരു മോഡ​ലിന്‌ 2 വാട്ട്‌സ്‌ വൈദ്യു​തി​യേ വേണ്ടി​വ​ന്നു​ള്ളൂ. എന്നാൽ പുതു​താ​യി രൂപകൽപ്പന ചെയ്‌തി​രി​ക്കുന്ന ഒരു കമ്പ്യൂട്ടർ ചിപ്പിന്‌, ഉപകര​ണങ്ങൾ ഉപയോ​ഗി​ക്കാ​തെ ഭാഗി​ക​മാ​യി ഓണാക്കി ഇടു​മ്പോൾ ചെലവാ​കുന്ന വൈദ്യു​തി​യു​ടെ അളവ്‌ 10 വാട്ട്‌സിൽ നിന്ന്‌ 1 വാട്ടോ 0.1 വാട്ട്‌ പോലു​മോ ആയി കുറയ്‌ക്കാൻ കഴിയു​മെന്നു പറയ​പ്പെ​ടു​ന്നു. മലിനീ​ക​ര​ണ​ത്തിന്‌ എതിരായ പോരാ​ട്ടം തുടരവെ ലോക​മെ​മ്പാ​ടു​മുള്ള നിർമാ​താ​ക്കൾ 100 രൂപ വിലയുള്ള ഈ ചിപ്പ്‌ ക്രമേണ എല്ലാ ഉപകര​ണ​ങ്ങ​ളി​ലും ഘടിപ്പി​ക്കു​മെന്നു പ്രതീ​ക്ഷി​ക്ക​പ്പെ​ടു​ന്നു. എന്നാൽ അതുവ​രെ​യുള്ള കാലയ​ള​വിൽ നിങ്ങൾക്ക്‌ എന്തെങ്കി​ലും ചെയ്യാൻ കഴിയു​മോ?

ബ്രിട്ട​നി​ലെ പരിസ്ഥി​തി മന്ത്രി ഇങ്ങനെ അഭി​പ്രാ​യ​പ്പെ​ടു​ന്നു: “ഒരു ഉപകര​ണ​ത്തി​ന്റെ കാര്യം മാത്ര​മെ​ടു​ത്താൽ അത്‌ വളരെ കുറച്ചു വൈദ്യു​തി​യേ നഷ്ടപ്പെ​ടു​ത്തു​ന്നു​ള്ളൂ എന്നു തോന്നി​യേ​ക്കാം. എന്നാൽ ആറു കോടി ജനങ്ങൾ ഉള്ള ഈ ദ്വീപു​ക​ളിൽ [ബ്രിട്ടൻ] പാഴാ​യി​പ്പോ​കുന്ന മൊത്തം വൈദ്യു​തി​യു​ടെ അളവ്‌ ഭീമമാണ്‌.” ഫ്രിഡ്‌ജ്‌ പോലുള്ള വീട്ടു​പ​ക​ര​ണങ്ങൾ ഓഫാ​ക്കി​യി​ടാൻ നിവൃ​ത്തി​യില്ല. എന്നാൽ മറ്റ്‌ ഉപകര​ണങ്ങൾ, ഉപയോ​ഗി​ക്കാ​ത്ത​പ്പോൾ ഭാഗി​ക​മാ​യി ഓണാ​ക്കി​യി​ടു​ന്ന​തി​നു പകരം ഓഫാ​ക്കി​യി​ടുക. ആവശ്യ​മി​ല്ലാത്ത ലൈറ്റു​കൾ ഓഫാ​ക്കുന്ന ശീലം വളർത്തി​യെ​ടു​ക്കു​ന്ന​തും നല്ലതാണ്‌. അങ്ങനെ ചെയ്യു​മ്പോൾ നിങ്ങൾക്ക്‌ പണം ലാഭി​ക്കാം, ഒപ്പം അനാവ​ശ്യ​മായ മലിനീ​ക​ര​ണ​ത്തിൽ നിന്ന്‌ നമ്മുടെ ഗ്രഹത്തെ രക്ഷിക്കു​ക​യും ചെയ്യാം.