ജീവിതം സംതൃ​പ്‌ത​മാ​ക്കാൻ സഹായ​ക​മായ നിർദേശങ്ങൾ

ഒരു പ്രശ്‌നം ഉണ്ടാകു​മ്പോൾ ബുദ്ധി​യു​പ​ദേ​ശ​ത്തി​നാ​യി നിങ്ങൾ എങ്ങോട്ടു തിരി​യും? ഒരുപക്ഷേ നിങ്ങൾ ഒരു വിശ്വസ്‌ത സുഹൃ​ത്തി​ലേ​ക്കോ അനുഭ​വ​സ​മ്പ​ന്ന​നായ ഉപദേ​ശ​ക​നി​ലേ​ക്കോ തിരി​ഞ്ഞേ​ക്കാം. അല്ലെങ്കിൽ പ്രസ്‌തുത വിഷയത്തെ കുറിച്ചു പ്രതി​പാ​ദി​ക്കുന്ന ചില പുസ്‌ത​കങ്ങൾ പരി​ശോ​ധി​ച്ചേ​ക്കാം. അതുമ​ല്ലെ​ങ്കിൽ, പ്രായ​മാ​യ​വ​രു​ടെ അനുഭ​വ​സ​മ്പ​ത്തിൽനി​ന്നു പഠിക്കാൻ നിങ്ങൾ ശ്രമി​ച്ചേ​ക്കാം. ഏതു മാർഗ​ത്തി​ലൂ​ടെ ആയാലും ശരി, പ്രശ്‌ന​പ​രി​ഹാ​ര​ത്തിന്‌ ഉതകുന്ന മൂല്യ​വ​ത്തായ നിർദേ​ശങ്ങൾ അടങ്ങിയ ജ്ഞാന​മൊ​ഴി​കൾ പരിചി​ന്തി​ക്കു​ന്നതു നല്ലതാണ്‌. നിങ്ങൾക്കു സഹായ​ക​മായ ഏതാനും നല്ല ഉപദേ​ശങ്ങൾ ഇതാ:

² കുടുംബ ജീവിതം: മോശ​മായ സ്വാധീ​നങ്ങൾ നിറഞ്ഞ ഈ ലോക​ത്തിൽ മക്കളെ വളർത്തി​ക്കൊ​ണ്ടു വരുന്ന കാര്യ​മോർത്ത്‌ പല മാതാ​പി​താ​ക്ക​ളും ഉത്‌ക​ണ്‌ഠ​പ്പെ​ടു​ന്നു. പിൻവ​രുന്ന ബുദ്ധി​യു​പ​ദേശം ബാധക​മാ​ക്കു​ന്നതു സഹായ​ക​മാ​യേ​ക്കും: “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.”¹ കുട്ടികൾ മുതിർന്നു​വ​രു​മ്പോൾ, നടക്കേ​ണ്ടുന്ന “വഴി” അവർക്കു കാണി​ച്ചു​കൊ​ടു​ക്കേ​ണ്ട​തുണ്ട്‌, അതായത്‌, ആവശ്യ​മായ മാർഗ​നിർദേ​ശങ്ങൾ അവർക്കു നൽകേ​ണ്ട​തുണ്ട്‌. കുട്ടി​കൾക്കു പ്രയോ​ജ​ന​പ്ര​ദ​മായ നിയമങ്ങൾ വെക്കേ​ണ്ട​തി​ന്റെ പ്രാധാ​ന്യം ഇന്ന്‌ പല വിദഗ്‌ധ​രും തിരി​ച്ച​റി​ഞ്ഞി​രി​ക്കു​ന്നു. മാതാ​പി​താ​ക്കൾ വെക്കുന്ന ജ്ഞാനപൂർവ​ക​മായ അത്തരം നിബന്ധ​നകൾ കുട്ടി​കൾക്കു സുരക്ഷി​ത​ത്വ​ബോ​ധം പ്രദാനം ചെയ്യും. “വടിയും ശാസന​യും ജ്ഞാനത്തെ നല്‌കു​ന്നു; തന്നിഷ്ട​ത്തി​ന്നു വിട്ടി​രുന്ന ബാലനോ അമ്മെക്കു ലജ്ജ വരുത്തു​ന്നു”² എന്ന ബുദ്ധി​യു​പ​ദേ​ശ​വും മാതാ​പി​താ​ക്കൾ മനസ്സിൽ പിടി​ക്കണം. കുട്ടികൾ വഴി​തെ​റ്റി​പ്പോ​കാ​തി​രി​ക്കാൻ മാതാ​പി​താ​ക്കൾ സ്‌നേ​ഹ​പൂർവം പ്രയോ​ഗി​ക്കേണ്ട അധികാ​ര​ത്തെ​യാണ്‌ ഇവിടെ “വടി” എന്നതി​നാൽ അർഥമാ​ക്കു​ന്നത്‌. അത്തരത്തിൽ തങ്ങളുടെ അധികാ​രം പ്രയോ​ഗി​ക്കു​മ്പോൾത്തന്നെ യാതൊ​രു പ്രകാ​ര​ത്തി​ലും കുട്ടി​ക​ളോ​ടു മോശ​മാ​യി പെരു​മാ​റാ​തി​രി​ക്കാൻ മാതാ​പി​താ​ക്കൾ ശ്രദ്ധി​ക്കേ​ണ്ട​തുണ്ട്‌. മാതാ​പി​താ​ക്കൾക്കുള്ള ബുദ്ധി​യു​പ​ദേശം ഇതാണ്‌: “നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രു​തു.”³

³ ഒരു സന്തുഷ്ട കുടും​ബ​ജീ​വി​ത​ത്തി​ന്റെ അടിത്തറ ഭാര്യാ​ഭർത്താ​ക്ക​ന്മാർ തമ്മിലുള്ള നല്ല ബന്ധമാണ്‌. അത്തര​മൊ​രു ബന്ധം ഉണ്ടായി​രി​ക്കാൻ എന്താണ്‌ ആവശ്യ​മാ​യി​രി​ക്കു​ന്നത്‌? “ഭർത്താ​ക്കൻമാർ ഭാര്യ​മാ​രെ സ്വന്തം ശരീരത്തെ എന്നപോ​ലെ സ്‌നേ​ഹി​ക്കണം. ഭാര്യ​യാ​കട്ടെ ഭർത്താ​വി​നെ ബഹുമാ​നി​ക്കു​ക​യും വേണം.”⁴ ദാമ്പത്യ​ജീ​വി​തം സുഗമ​മാ​യി മുന്നോ​ട്ടു കൊണ്ടു​പോ​കാൻ സഹായി​ക്കുന്ന രണ്ടു സുപ്ര​ധാന ഘടകങ്ങ​ളാണ്‌ സ്‌നേ​ഹ​വും ബഹുമാ​ന​വും. ഇവ പ്രകടി​പ്പി​ക്കു​ന്ന​തിന്‌ ആശയവി​നി​മയം അനിവാ​ര്യ​മാണ്‌. കാരണം, “ഉള്ളു തുറന്ന സംഭാ​ഷണം ഇല്ലെങ്കിൽ പദ്ധതികൾ വിഫല​മാ​കു​ന്നു.”⁵ ഉള്ളു തുറന്ന ആശയവി​നി​മയം സാധ്യ​മാ​ക​ണ​മെ​ങ്കിൽ ഇണയുടെ വികാ​രങ്ങൾ നന്നായി മനസ്സി​ലാ​ക്കാൻ നമുക്കു കഴിയണം. ഇണയുടെ ഹൃദയ​ത്തി​ന്റെ അടിത്ത​ട്ടിൽ ഒളിഞ്ഞു​കി​ട​ക്കുന്ന കാര്യങ്ങൾ ‘കോരി​യെ​ടു​ക്കാ​നുള്ള’ കഴിവ്‌ നമുക്ക്‌ ഉണ്ടായി​രി​ക്കണം. “[ഒരു വ്യക്തി​യു​ടെ] ഹൃദയ​ത്തി​ലെ ആലോചന ആഴമുള്ള വെള്ളം; വിവേ​ക​മുള്ള പുരു​ഷ​നോ [അല്ലെങ്കിൽ സ്‌ത്രീ​യോ] അതു കോരി എടുക്കും”⁶ എന്ന വസ്‌തുത ഓർത്തി​രി​ക്കു​ന്നത്‌ ബുദ്ധി​യാ​യി​രി​ക്കും.

⁴ ഇന്ന്‌ പ്രായ​മായ പല ആളുക​ളും ഏകാന്തത അനുഭ​വി​ക്കു​ന്ന​വ​രാണ്‌. മക്കളാൽ അവഗണി​ക്ക​പ്പെട്ട അവസ്ഥയി​ലാണ്‌ അവർ കഴിയു​ന്നത്‌. ഒരുകാ​ലത്ത്‌ മാതാ​പി​താ​ക്കളെ ആദര​വോ​ടെ വീക്ഷി​ച്ചി​രുന്ന രാജ്യ​ങ്ങ​ളി​ലെ​പ്പോ​ലും സ്ഥിതി ഇതാണ്‌. എന്നാൽ മക്കൾ പിൻവ​രുന്ന ജ്ഞാന​മൊ​ഴി​കൾ ഓർത്തി​രി​ക്കു​ന്നതു നന്നായി​രി​ക്കും: “അപ്പനെ​യും അമ്മയെ​യും ബഹുമാ​നിക്ക.”⁷ “നിന്റെ അമ്മ വൃദ്ധയാ​യി​രി​ക്കു​മ്പോൾ അവളെ നിന്ദി​ക്ക​രു​തു.”⁸ “പിതാ​വി​നോട്‌ അതി​ക്രമം കാണി​ക്ക​യും മാതാ​വി​നെ ആട്ടിപ്പാ​യി​ക്ക​യും ചെയ്യുന്ന പുത്രൻ, മാനഹാ​നി​ക്കും ശകാര​ത്തി​ന്നും പാത്ര​മാ​കും.”⁹ അതേസ​മയം പ്രായ​മായ മാതാ​പി​താ​ക്കൾ, ഉചിത​മായ ഒരു മനോ​ഭാ​വം വെച്ചു​പു​ലർത്തു​ക​യും മക്കളു​മാ​യി ഊഷ്‌മ​ള​മായ ബന്ധം ഉണ്ടായി​രി​ക്കാൻ മുൻകൈ എടുത്തു പ്രവർത്തി​ക്കു​ക​യും ചെയ്യേ​ണ്ട​തുണ്ട്‌. “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകലജ്ഞാ​ന​ത്തോ​ടും അവൻ കയർക്കു​ന്നു.”¹⁰

⁵ ലഹരി​പാ​നീ​യ​ങ്ങ​ളു​ടെ ഉപയോ​ഗം: “വീഞ്ഞ്‌ ജീവി​ത​ത്തിന്‌ ആനന്ദം പകരുന്നു”¹¹ എന്നതും ലഹരി​പാ​നീ​യ​ങ്ങ​ളു​ടെ ഉപയോ​ഗം ഒരു വ്യക്തിയെ “തന്റെ അരിഷ്ടത ഓർക്കാ​തി​രി”ക്കാൻ¹² സഹായി​ച്ചേ​ക്കാം എന്നതും ശരിയാണ്‌. എന്നാൽ ഒരു സംഗതി മനസ്സി​ലാ​ക്കുക: “വീഞ്ഞു പരിഹാ​സി​യും മദ്യം കലഹക്കാ​ര​നും ആകുന്നു; അതിനാൽ ചാഞ്ചാടി നടക്കുന്ന ആരും ജ്ഞാനി​യാ​ക​യില്ല.”¹³ അമിത മദ്യപാ​ന​ത്തി​ന്റെ ചില ദോഷ​ഫ​ലങ്ങൾ ശ്രദ്ധി​ക്കുക: “ഒടുക്കം അതു സർപ്പം​പോ​ലെ കടിക്കും; അണലി​പോ​ലെ കൊത്തും. നിന്റെ കണ്ണു പരസ്‌ത്രീ​കളെ നോക്കും; നിന്റെ ഹൃദയം വക്രത പറയും. . . . ഞാൻ എപ്പോൾ ഉണരും? ഞാൻ ഇനിയും അതു തന്നേ തേടും എന്നു നീ പറയും.”¹⁴ ലഹരി​പാ​നീ​യങ്ങൾ മിതമായ തോതിൽ ഉപയോ​ഗി​ക്കു​ന്നത്‌ ഗുണക​ര​മാ​യി​രി​ക്കാം. എന്നാൽ ഒരുകാ​ര​ണ​വ​ശാ​ലും അവ അമിത​മാ​യി ഉപയോ​ഗി​ക്കാൻ പാടില്ല.

⁶ സാമ്പത്തിക കാര്യങ്ങൾ: പണം ജ്ഞാനപൂർവം കൈകാ​ര്യം ചെയ്യു​ക​വഴി ചില സാഹച​ര്യ​ങ്ങ​ളിൽ സാമ്പത്തിക പ്രശ്‌നങ്ങൾ ഉണ്ടാകു​ന്നതു തടയാ​വു​ന്ന​താണ്‌. ഈ ബുദ്ധി​യു​പ​ദേശം ശ്രദ്ധി​ക്കുക: “നീ വീഞ്ഞു കുടി​ക്കു​ന്ന​വ​രു​ടെ കൂട്ടത്തി​ലും മാംസ​ഭോ​ജ​ന​പ്രി​യ​രു​ടെ ഇടയി​ലും ഇരിക്ക​രു​തു. കുടി​യ​നും അതിഭ​ക്ഷ​ക​നും ദരി​ദ്ര​രാ​യ്‌തീ​രും; നിദ്രാ​ലു​ത്വം പഴന്തുണി ഉടുക്കു​മാ​റാ​ക്കും.”¹⁵ മദ്യപാ​നം, മയക്കു​മ​രു​ന്നി​ന്റെ ദുരു​പ​യോ​ഗം, ചൂതാട്ടം തുടങ്ങിയ ദുശ്ശീ​ലങ്ങൾ ഒഴിവാ​ക്കി​ക്കൊണ്ട്‌ കയ്യിലുള്ള പണം കുടും​ബ​കാ​ര്യ​ങ്ങൾ നന്നായി നോക്കി നടത്താ​നാ​യി ഉപയോ​ഗി​ക്കാൻ കഴിയും. എന്നാൽ, പല കുടും​ബ​ങ്ങ​ളും തങ്ങളുടെ വരവി​നൊ​ത്തല്ല ചെലവി​ടു​ന്നത്‌. അധ്വാ​നി​ച്ചു​ണ്ടാ​ക്കുന്ന പണമ​ത്ര​യും കടം വീട്ടാനേ തികയു​ന്നു​ള്ളൂ എന്ന ഒരു സ്ഥിതി​വി​ശേ​ഷ​ത്തിൽ ഇത്‌ അവരെ കൊ​ണ്ടെ​ത്തി​ച്ചേ​ക്കാം. ചിലരാ​ണെ​ങ്കിൽ ഉള്ള കടത്തിന്റെ പലിശ അടച്ചു​തീർക്കാ​നാ​യി​ത്തന്നെ മറ്റൊരു വായ്‌പ എടുക്കു​ന്നു. ഇതി​നോ​ടുള്ള ബന്ധത്തിൽ പിൻവ​രുന്ന ജ്ഞാന​മൊ​ഴി മനസ്സിൽ പിടി​ക്കു​ന്നതു സഹായ​ക​മാ​യി​രി​ക്കും: “വ്യർത്ഥ​കാ​ര്യ​ങ്ങളെ പിന്തു​ട​രു​ന്ന​വ​നോ ദരി​ദ്ര​നാ​യി​ത്തീ​രും.”¹⁶ നമുക്ക്‌ നമ്മോ​ടു​തന്നെ ഇങ്ങനെ ചോദി​ക്കാൻ കഴിയും: ‘ഞാൻ വാങ്ങാൻ ഉദ്ദേശി​ക്കുന്ന വസ്‌തു​ക്കൾ യഥാർഥ​ത്തിൽ എനിക്ക്‌ ആവശ്യ​മു​ള്ളവ തന്നെയാ​ണോ? ഏതാനും പ്രാവ​ശ്യ​ത്തെ ഉപയോ​ഗ​ത്തി​നു ശേഷം തട്ടിൻപു​റ​ത്തേക്കു തള്ളുന്ന സാധനങ്ങൾ എത്രയുണ്ട്‌?’ ഒരു പംക്തി​യെ​ഴു​ത്തു​കാ​രൻ ഇങ്ങനെ എഴുതി: “മനുഷ്യന്‌ ആവശ്യ​മാ​യി​രി​ക്കുന്ന സാധനങ്ങൾ ചുരു​ക്ക​മാണ്‌, എന്നാൽ അവന്റെ ആഗ്രഹ​ങ്ങ​ളാ​കട്ടെ അനന്തവും.” ഈ ജ്ഞാന​മൊ​ഴി ശ്രദ്ധി​ക്കുക: “ഇഹലോ​ക​ത്തി​ലേക്കു നാം ഒന്നും കൊണ്ടു​വ​ന്നി​ട്ടില്ല; ഇവി​ടെ​നി​ന്നു യാതൊ​ന്നും കൊണ്ടു​പോ​കു​വാൻ കഴിയു​ന്ന​തു​മല്ല. ഉണ്മാനും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക. . . . ദ്രവ്യാ​ഗ്രഹം സകലവിധ ദോഷ​ത്തി​ന്നും മൂലമ​ല്ലോ. ഇതു ചിലർ കാംക്ഷി​ച്ചി​ട്ടു . . . ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു.”¹⁷

⁷ അധ്വാ​ന​ശീ​ല​മു​ണ്ടെ​ങ്കിൽ പല സാമ്പത്തിക പ്രശ്‌ന​ങ്ങ​ളും പരിഹ​രി​ക്കാ​നാ​കും. ഈ ഉപദേശം ശ്രദ്ധി​ക്കുക: “മടിയാ, ഉറുമ്പി​ന്റെ അടുക്കൽ ചെല്ലുക; അതിന്റെ വഴികളെ നോക്കി ബുദ്ധി​പ​ഠിക്ക. . . . കുറേ​ക്കൂ​ടെ ഉറക്കം; കുറേ​ക്കൂ​ടെ നിദ്ര; കുറേ​ക്കൂ​ടെ കൈ​കെ​ട്ടി​ക്കി​ടക്ക. അങ്ങനെ നിന്റെ ദാരി​ദ്ര്യം വഴി​പോ​ക്ക​നെ​പ്പോ​ലെ​യും നിന്റെ ബുദ്ധി​മു​ട്ടു ആയുധ​പാ​ണി​യെ​പ്പോ​ലെ​യും വരും.”¹⁸ ശ്രദ്ധാ​പൂർവ​മായ ആസൂ​ത്ര​ണ​വും പ്രാ​യോ​ഗി​ക​മായ ഒരു ബജറ്റും ഉണ്ടായി​രി​ക്കു​ന്നതു സഹായ​ക​മാ​യേ​ക്കും: “നിങ്ങളിൽ ആരെങ്കി​ലും ഒരു ഗോപു​രം പണിവാൻ ഇച്ഛിച്ചാൽ ആദ്യം ഇരുന്നു അതു തീർപ്പാൻ വക ഉണ്ടോ എന്നു കണക്കു നോക്കു​ന്നി​ല്ല​യോ?”¹⁹

⁸ എന്നാൽ നമ്മു​ടേ​ത​ല്ലാത്ത കുറ്റം​കൊണ്ട്‌ ദാരി​ദ്ര്യം അനുഭ​വി​ക്കേണ്ടി വരു​ന്നെ​ങ്കി​ലോ? ഉദാഹ​ര​ണ​ത്തിന്‌, കഠിനാ​ധ്വാ​നം ചെയ്യാൻ നാം ഒരുക്ക​മാ​ണെ​ങ്കി​ലും സാമ്പത്തി​ക​ത്ത​കർച്ച​യു​ടെ ഫലമായി നമുക്കു തൊഴിൽ നഷ്ടപ്പെ​ട്ടേ​ക്കാം. അല്ലെങ്കിൽ ഒരു ദരിദ്ര രാജ്യ​ത്താ​യി​രി​ക്കാം നാം ജീവി​ക്കു​ന്നത്‌. അങ്ങനെ​യൊ​രു സാഹച​ര്യ​ത്തിൽ നമ്മെ സഹായി​ക്കാൻ എന്തിനു കഴിയും? “ധനം പരിരക്‌ഷ നല്‌കു​ന്ന​തു​പോ​ലെ ജ്ഞാനവും പരിരക്ഷ നൽകുന്നു. ജ്ഞാ​നി​യു​ടെ ജീവൻ രക്‌ഷി​ക്കും എന്നതി​ലാണ്‌, ജ്ഞാ​ന​ത്തി​ന്റെ വൈശി​ഷ്‌ട്യം.”²⁰ കൂടാതെ, ഈ ബുദ്ധി​യു​പ​ദേശം പരിചി​ന്തി​ക്കുക: “ജോലി​യിൽ വിദഗ്‌ധ​നായ ഒരുവനെ നോക്കൂ. അവനു രാജസ​ന്നി​ധി​യിൽ സ്ഥാനം ലഭിക്കും.”²¹ ഒരു ജോലി കണ്ടെത്താൻ സഹായ​ക​മായ വൈദ​ഗ്‌ധ്യ​ങ്ങൾ പഠി​ച്ചെ​ടു​ക്കാൻ നമുക്കു കഴിയു​മോ?

⁹ ഇനി, വൈരു​ദ്ധ്യ​മെന്നു തോന്നു​ന്ന​തെ​ങ്കി​ലും ഫലപ്ര​ദ​മെന്നു തെളി​ഞ്ഞി​ട്ടുള്ള ഒരു ബുദ്ധി​യു​പ​ദേശം പരിചി​ന്തി​ക്കുക. “കൊടു​പ്പിൻ; എന്നാൽ നിങ്ങൾക്കു കിട്ടും; . . . , നിങ്ങൾ അളക്കുന്ന അളവി​നാൽ നിങ്ങൾക്കും അളന്നു​കി​ട്ടും.”²² തിരിച്ച്‌ എന്തെങ്കി​ലും ലഭിക്കു​മെന്ന പ്രതീ​ക്ഷ​യോ​ടെ മറ്റുള്ള​വർക്ക്‌ കൊടു​ക്കുക എന്നല്ല അതിനർഥം. പിന്നെ​യോ, ഉദാര​മ​ന​സ്‌കത നട്ടുവ​ളർത്താ​നുള്ള ബുദ്ധി​യു​പ​ദേ​ശ​മാണ്‌ നമുക്ക്‌ അതിലൂ​ടെ ലഭിക്കു​ന്നത്‌: “ഔദാ​ര്യ​മാ​നസൻ പുഷ്ടി പ്രാപി​ക്കും; തണുപ്പി​ക്കു​ന്ന​വന്നു തണുപ്പു കിട്ടും.”²³ ആളുകളെ അവരുടെ ആവശ്യ​ത്തിൽ സഹായി​ക്കു​മ്പോൾ നാം കൊടു​ക്ക​ലി​ന്റേ​തായ മനോ​ഭാ​വത്തെ പ്രോ​ത്സാ​ഹി​പ്പി​ക്കു​ന്നു. അത്‌ ഒടുവിൽ നമുക്കു​തന്നെ പ്രയോ​ജനം ചെയ്‌തേ​ക്കാം.

¹⁰ മാനുഷ ബന്ധങ്ങൾ: ജ്ഞാനി​യായ ഒരു രാജാവ്‌ ഇങ്ങനെ അഭി​പ്രാ​യ​പ്പെ​ടു​ക​യു​ണ്ടാ​യി: “ഒരു മനുഷ്യ​ന്റെ എല്ലാ പ്രയത്‌ന​വും, പ്രവർത്ത​ന​സാ​മർഥ്യ​മൊ​ക്കെ​യും അയല്‌ക്കാ​ര​നോ​ടുള്ള അയാളു​ടെ അസൂയ​യിൽനിന്ന്‌ [“മത്സരത്തിൽനിന്ന്‌,” NW] ഉണ്ടാകു​ന്നു എന്ന്‌ അപ്പോൾ ഞാൻ കണ്ടു. ഇതും വ്യർഥം; കാറ്റിനെ പിടി​ക്കാ​നുള്ള ശ്രമം.”²⁴ ബുദ്ധി​ശൂ​ന്യ​മായ വിധത്തിൽ പ്രവർത്തി​ക്കാൻ മത്സരം പലരെ​യും പ്രേരി​പ്പി​ച്ചി​ട്ടുണ്ട്‌. തൊട്ട​ടുത്ത വീട്ടിലെ വ്യക്തി 32 ഇഞ്ചിന്റെ ടെലി​വി​ഷൻ സെറ്റ്‌ വാങ്ങി​യ​താ​യി കണ്ടാൽ, തങ്ങളുടെ 27 ഇഞ്ചിന്റെ സെറ്റിന്‌ യാതൊ​രു കുഴപ്പ​വു​മി​ല്ലെ​ങ്കി​ലും പിറ്റേ ദിവസം​തന്നെ പോയി 36 ഇഞ്ചിന്റെ ഒരെണ്ണം വാങ്ങി​ക്കൊ​ണ്ടു​വ​രുന്ന കൂട്ടരുണ്ട്‌. അത്തരത്തി​ലുള്ള മത്സരം വ്യർഥ​മാണ്‌. കാറ്റിനെ പിടി​ക്കാ​നുള്ള ശ്രമം പോ​ലെ​യാ​ണത്‌—കാര്യ​മി​ല്ലാത്ത കാര്യ​ങ്ങൾക്കു വേണ്ടി​യുള്ള ഒരുതരം പരക്കം​പാ​ച്ചിൽ. നിങ്ങൾ ഇതി​നോ​ടു യോജി​ക്കു​ക​യി​ല്ലേ?

¹¹ നമുക്കു നീരസം തോന്നി​യേ​ക്കാ​വുന്ന വിധത്തിൽ മറ്റുള്ളവർ സംസാ​രി​ക്കു​ക​യോ പ്രവർത്തി​ക്കു​ക​യോ ചെയ്യു​ന്നെ​ങ്കി​ലോ? ഈ ഉപദേശം ഓർക്കുക: “നിന്റെ മനസ്സിൽ അത്ര വേഗം നീരസം ഉണ്ടാക​രു​തു; മൂഢന്മാ​രു​ടെ മാർവ്വിൽ അല്ലോ നീരസം വസിക്കു​ന്നതു.”²⁵ കോപം പ്രകടി​പ്പി​ക്കു​ന്നത്‌ നീതീ​ക​രി​ക്കാൻ കഴിയുന്ന സാഹച​ര്യ​ങ്ങൾ ഉണ്ടായി​രു​ന്നേ​ക്കാ​മെ​ങ്കി​ലും ഒരു പുരാതന എഴുത്തു​കാ​രന്റെ ഈ വാക്കുകൾ മനസ്സിൽ പിടി​ക്കു​ന്നതു നന്നായി​രി​ക്കും: “കോപി​ക്കാം; എന്നാൽ, പാപം ചെയ്യരുത്‌. നിങ്ങളു​ടെ കോപം സൂര്യൻ അസ്‌ത​മി​ക്കു​ന്നതു വരെ നീണ്ടു​പോ​കാ​തി​രി​ക്കട്ടെ.”²⁶ അങ്ങനെ​യെ​ങ്കിൽ കടുത്ത ദേഷ്യം വരുന്ന ഒരു സാഹച​ര്യ​ത്തിൽ എന്തു ചെയ്യും? “വിവേ​ക​ബു​ദ്ധി​യാൽ [“ഉൾക്കാ​ഴ്‌ച​യാൽ,” NW] മനുഷ്യ​ന്നു ദീർഘക്ഷമ വരുന്നു; ലംഘനം ക്ഷമിക്കു​ന്നതു അവന്നു ഭൂഷണം.”²⁷ അതേ, ഉൾക്കാഴ്‌ച ഉണ്ടായി​രി​ക്കേ​ണ്ടത്‌ ആവശ്യ​മാണ്‌. നമുക്ക്‌ നമ്മോ​ടു​തന്നെ ഇങ്ങനെ ചോദി​ക്കാം: ‘എന്തു​കൊ​ണ്ടാ​യി​രി​ക്കാം അയാൾ അങ്ങനെ ചെയ്‌തത്‌? മറ്റേ​തെ​ങ്കി​ലും ഘടകങ്ങൾ ആയിരി​ക്കു​മോ അപ്രകാ​രം പ്രവർത്തി​ക്കാൻ അയാളെ പ്രേരി​പ്പി​ച്ചത്‌?’ ഉൾക്കാ​ഴ്‌ച​യ്‌ക്കു പുറമേ, കോപത്തെ കൈകാ​ര്യം ചെയ്യാൻ സഹായി​ക്കുന്ന മറ്റു ചില ഗുണങ്ങ​ളു​മുണ്ട്‌. “മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിച്ചു​കൊ​ണ്ടു അന്യോ​ന്യം പൊറു​ക്ക​യും ഒരുവ​നോ​ടു ഒരുവന്നു വഴക്കു​ണ്ടാ​യാൽ [“പരാതി​ക്കു കാരണമുണ്ടായാൽ, NW] തമ്മിൽ ക്ഷമിക്ക​യും ചെയ്‌വിൻ; . . . എല്ലാ​റ്റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ.”²⁸ അതേ, സ്‌നേഹം മാനു​ഷ​ബ​ന്ധ​ങ്ങ​ളി​ലെ പല ചുളി​വു​ക​ളും നിവർക്കും.

¹² സമാധാ​ന​പൂർണ​മായ ബന്ധങ്ങൾ നിലനി​റു​ത്തു​ന്ന​തിന്‌ വിലങ്ങു​ത​ടി​യാ​യേ​ക്കാ​വുന്ന ഒരു “ചെറിയ അവയവം” ഉണ്ട്‌—നാവ്‌. ഈ വാക്കുകൾ എത്ര സത്യമാണ്‌: “നാവി​നെ​യോ മനുഷ്യർക്കാർക്കും മരുക്കാ​വതല്ല; അതു അടങ്ങാത്ത ദോഷം; മരണക​ര​മായ വിഷം നിറഞ്ഞതു.”²⁹ പിൻവ​രുന്ന ബുദ്ധി​യു​പ​ദേശം തീർച്ച​യാ​യും ശ്രദ്ധേ​യ​മാണ്‌: “ഏതു മനുഷ്യ​നും കേൾപ്പാൻ വേഗത​യും പറവാൻ താമസ​വും കോപ​ത്തി​ന്നു താമസ​വു​മു​ള്ളവൻ ആയിരി​ക്കട്ടെ.”³⁰ എന്നിരു​ന്നാ​ലും, താത്‌കാ​ലിക സമാധാ​നം സൃഷ്ടി​ക്കാ​നുള്ള ശ്രമത്തി​ന്റെ ഭാഗമാ​യി ചെറിയ നുണകൾ പറയു​ന്ന​തിന്‌ നാം നാവിനെ ഉപയോ​ഗി​ക്ക​രുത്‌. “നിങ്ങളു​ടെ വാക്കു ഉവ്വു, ഉവ്വു എന്നും ഇല്ല, ഇല്ല എന്നും ആയിരി​ക്കട്ടെ; ഇതിൽ അധിക​മാ​യതു ദുഷ്ടനിൽനി​ന്നു വരുന്നു.”³¹

¹³ മറ്റുള്ള​വ​രു​മാ​യി നല്ല ബന്ധങ്ങൾ നിലനി​റു​ത്താൻ നമുക്ക്‌ എങ്ങനെ സാധി​ക്കും? ഈ തത്ത്വം ശ്രദ്ധി​ക്കുക: “ഓരോ​രു​ത്തൻ സ്വന്തഗു​ണമല്ല മററു​ള്ള​വന്റെ ഗുണവും കൂടെ നോ​ക്കേണം.”³² അപ്രകാ​രം ചെയ്യു​ന്ന​പക്ഷം നാം, സുവർണ​നി​യമം എന്നു പലരും വിളി​ക്കുന്ന ഈ വാക്യ​ത്തി​നു ചേർച്ച​യിൽ പ്രവർത്തി​ക്കു​ക​യാ​യി​രി​ക്കും ചെയ്യു​ന്നത്‌: “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ.”³³

¹⁴ സമ്മർദം: സമ്മർദ​പൂ​രി​ത​മായ ഈ ലോക​ത്തിൽ വൈകാ​രിക സമനില പാലി​ക്കാൻ നമുക്ക്‌ എങ്ങനെ സാധി​ക്കും? “സന്തുഷ്ട​മായ ഹൃദയം മുഖത്തെ പ്രസന്ന​മാ​ക്കു​ന്നു; ഹൃദയ​വ്യഥ ഉന്‌മേഷം കെടു​ത്തി​ക്ക​ള​യു​ന്നു.”³⁴ നമുക്കു ശരി​യെന്നു തോന്നുന്ന കാര്യങ്ങൾ മറ്റുള്ളവർ ചെയ്യാതെ വരു​മ്പോൾ നമ്മുടെ ‘ഹൃദയ​സ​ന്തോ​ഷം’ എളുപ്പ​ത്തിൽ നഷ്ടമാ​യേ​ക്കാം. എന്നാൽ, ഈ വാക്കുകൾ മനസ്സിൽ പിടി​ക്കു​ന്നതു പ്രയോ​ജ​ന​പ്ര​ദ​മാ​യി​രി​ക്കും: “അതിനീ​തി​മാ​നാ​യി​രി​ക്ക​രു​തു; അതിജ്ഞാ​നി​യാ​യി​രി​ക്ക​യും അരുതു; നിന്നെ നീ എന്തിന്നു നശിപ്പി​ക്കു​ന്നു?”³⁵ ഇനിയും, ജീവിത ഉത്‌ക​ണ്‌ഠകൾ നമ്മെ നിരന്തരം ഭാര​പ്പെ​ടു​ത്തി​യേ​ക്കാം. അങ്ങനെ വരു​മ്പോൾ എന്തു ചെയ്യും? നമുക്ക്‌ ഈ വാക്കുകൾ ഓർത്തി​രി​ക്കാം: “മനോ​വ്യ​സനം [“ഉത്‌കണ്‌ഠ,” NW] ഹേതു​വാ​യി മനുഷ്യ​ന്റെ മനസ്സി​ടി​യു​ന്നു; ഒരു നല്ല വാക്കോ അതിനെ സന്തോ​ഷി​പ്പി​ക്കു​ന്നു.”³⁶ ‘നല്ല വാക്ക്‌’ അഥവാ നമ്മെ പ്രോ​ത്സാ​ഹി​പ്പി​ക്കുന്ന ആശ്വാ​സ​ദാ​യ​ക​മായ സംഗതി​കൾ ചിന്തി​ച്ചു​കൊ​ണ്ടി​രി​ക്കാൻ നമുക്കു സാധി​ക്കും. വ്യസനം ഉളവാ​ക്കുന്ന സാഹച​ര്യ​ങ്ങ​ളിൽപ്പോ​ലും ക്രിയാ​ത്മ​ക​മായ ഒരു മനോ​ഭാ​വ​ത്തിന്‌ നമ്മു​ടെ​മേൽ നല്ല ഫലം ഉളവാ​ക്കാൻ കഴിയും: “സന്തുഷ്ട​ഹൃ​ദയം നല്ലോരു ഔഷധ​മാ​കു​ന്നു.”³⁷ മറ്റുള്ളവർ നമ്മെ കുറിച്ചു കരുതു​ന്നി​ല്ലെന്ന ചിന്തയാൽ വിഷാദം അനുഭ​വി​ക്കു​മ്പോൾ നമുക്ക്‌ ഈ സൂത്ര​വാ​ക്യം പ്രയോ​ഗി​ക്കാൻ സാധി​ക്കും: “സ്വീക​രി​ക്കു​ന്ന​തിൽ ഉള്ളതി​നെ​ക്കാൾ സന്തോഷം കൊടു​ക്കു​ന്ന​തി​ലുണ്ട്‌.”³⁸ ക്രിയാ​ത്മ​ക​മായ മനോ​ഭാ​വം ഉണ്ടെങ്കിൽ ഓരോ ദിവസ​വും നാം അഭിമു​ഖീ​ക​രി​ക്കുന്ന സമ്മർദ​ങ്ങളെ തരണം ചെയ്യാൻ നമുക്കു സാധി​ക്കും.

¹⁵ മേൽപ്പറഞ്ഞ ജ്ഞാന​മൊ​ഴി​ക​ളു​ടെ ഉറവിടം ഒരു പുരാതന ഗ്രന്ഥമായ ബൈബിൾ ആണ്‌. അതൊരു പുരാതന ഗ്രന്ഥമാ​യ​തി​നാൽ അതിലെ ബുദ്ധി​യു​പ​ദേ​ശങ്ങൾ 21-ാം നൂറ്റാ​ണ്ടിൽ ജീവി​ക്കുന്ന നിങ്ങൾക്കു പ്രയോ​ജനം ചെയ്യു​മോ​യെന്ന്‌ നിങ്ങൾ സംശയി​ച്ചേ​ക്കാം. എന്നാൽ ജ്ഞാനത്തി​ന്റെ മറ്റ്‌ ഉറവു​കളെ ആശ്രയി​ക്കു​ന്ന​തി​നു പകരം നാം ബൈബി​ളി​നെ​ത്തന്നെ ആശ്രയി​ക്കേ​ണ്ടത്‌ എന്തു​കൊ​ണ്ടാണ്‌? അതിനു പല കാരണ​ങ്ങ​ളുണ്ട്‌. അതിൽ ഒന്ന്‌, ബൈബിൾ തത്ത്വങ്ങൾ മൂല്യ​വ​ത്താണ്‌ എന്ന വസ്‌തുത കാലം തെളി​യി​ച്ചി​രി​ക്കു​ന്നു എന്നതാണ്‌. ഉദാഹ​ര​ണ​ത്തിന്‌, യാസു​ഹി​റോ​യു​ടെ​യും കായോ​ക്കോ​യു​ടെ​യും അനുഭ​വം​ത​ന്നെ​യെ​ടു​ക്കുക. ഇരുവ​രും ഒരു വനിതാ വിമോ​ചന പ്രസ്ഥാ​ന​ത്തി​ന്റെ പ്രവർത്ത​ക​രാ​യി​രു​ന്നു. യാസു​ഹി​റോ​യിൽനിന്ന്‌ കായോ​ക്കോ ഗർഭം ധരിച്ചു​വെന്ന ഒറ്റ കാരണ​ത്താ​ലാണ്‌ അവർ വിവാ​ഹി​ത​രാ​യത്‌. സാമ്പത്തിക പ്രശ്‌ന​ങ്ങ​ളും ഒന്നിച്ചു​പോ​കാ​നാ​വി​ല്ലെന്ന ചിന്തയും താമസി​യാ​തെ​തന്നെ അവരെ വിവാ​ഹ​മോ​ച​ന​ത്തിൽ കൊ​ണ്ടെ​ത്തി​ച്ചു. പിന്നീട്‌ പരസ്‌പരം അറിയാ​തെ​യാ​ണെ​ങ്കി​ലും ഇരുവ​രും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ ആരംഭി​ച്ചു. രണ്ടു​പേ​രും ജീവി​ത​ത്തിൽ ശ്രദ്ധേ​യ​മായ മാറ്റങ്ങൾ വരുത്തി​യി​രി​ക്കു​ന്ന​താ​യി അവർക്കു നിരീ​ക്ഷി​ക്കാൻ കഴിഞ്ഞു. യാസു​ഹി​റോ​യും കായോ​ക്കോ​യും പുനർവി​വാ​ഹം ചെയ്യാൻ തീരു​മാ​നി​ച്ചു. ഇപ്പോൾ ബൈബിൾ തത്ത്വങ്ങൾക്കു ചേർച്ച​യിൽ ജീവി​ക്കു​ന്ന​തി​നാൽ പരസ്‌പരം വിട്ടു​വീഴ്‌ച കാണി​ക്കാൻ അവർ ഒരുക്ക​മു​ള്ള​വ​രാണ്‌. പ്രശ്‌നങ്ങൾ ഉണ്ടാകു​മ്പോൾ അവ പരിഹ​രിച്ച്‌ ദാമ്പത്യ ജീവിതം മുമ്പോ​ട്ടു​കൊ​ണ്ടു​പോ​കാൻ അത്‌ അവരെ സഹായി​ക്കു​ന്നു. ബൈബിൾ തത്ത്വങ്ങൾ ജീവി​ത​ത്തിൽ ബാധക​മാ​ക്കു​ന്ന​തി​ന്റെ നല്ല ഫലങ്ങൾ യഹോ​വ​യു​ടെ സാക്ഷികൾക്കിടയിൽ നിങ്ങൾക്കു കാണാ​നാ​കും. ബൈബിൾ അനുസ​രി​ച്ചു ജീവി​ക്കാൻ ശ്രമി​ക്കുന്ന അവരെ നേരിൽ കണ്ടു പരിച​യ​പ്പെ​ടാൻ തക്കവണ്ണം നിങ്ങൾക്ക്‌ അവരുടെ യോഗത്തിൽ സംബന്ധി​ക്കാൻ കഴിയു​മോ?

¹⁶ പ്രാ​യോ​ഗിക ജ്ഞാനത്തി​ന്റെ അക്ഷയ ഖനിയാ​കുന്ന ബൈബി​ളിൽനിന്ന്‌ എടുത്തി​രി​ക്കുന്ന രത്‌ന​തു​ല്യ​മായ ഏതാനും നിർദേ​ശങ്ങൾ മാത്ര​മാണ്‌ നാമി​പ്പോൾ പരിചി​ന്തി​ച്ചത്‌. യഹോ​വ​യു​ടെ സാക്ഷികൾ ബൈബിൾ തത്ത്വങ്ങൾ ജീവി​ത​ത്തിൽ സ്വമന​സ്സാ​ലെ ബാധക​മാ​ക്കാൻ ശ്രമി​ക്കു​ന്ന​തിന്‌ അനേകം കാരണങ്ങൾ ഉണ്ട്‌. ആ കാരണങ്ങൾ മനസ്സി​ലാ​ക്കാ​നും ബൈബി​ളി​നെ കുറി​ച്ചുള്ള ചില അടിസ്ഥാന വസ്‌തു​തകൾ പഠിക്കാ​നും അടുത്ത അധ്യായം നിങ്ങളെ സഹായി​ക്കും.