യേശു​ക്രി​സ്‌തു​വി​നെ വധിക്കുന്നു

മൂന്നര വർഷം യേശു ജനങ്ങ​ളോ​ടു പ്രസം​ഗി​ക്കു​ക​യും അവരെ പഠിപ്പി​ക്കു​ക​യും ചെയ്‌തു. ഭൂമി​യി​ലെ തന്റെ ജീവിതം അവസാ​നി​ക്കാൻ പോകു​ക​യാ​ണെന്ന്‌ യേശു​വിന്‌ അറിയാ​മാ​യി​രു​ന്നു. യഹൂദ മതനേ​താ​ക്ക​ന്മാർ അവനെ കൊല്ലാൻ പദ്ധതി​യി​ടു​ന്നു​ണ്ടാ​യി​രു​ന്നു. എന്നാൽ ജനം യേശു​വി​നെ ഒരു പ്രവാ​ച​ക​നാ​യി കരുതി​യി​രു​ന്ന​തി​നാൽ അവർ കലാപ​മു​ണ്ടാ​ക്കു​മോ എന്ന്‌ ആ മതനേ​താ​ക്ക​ന്മാർ ഭയന്നു. ആ സമയത്ത്‌, യേശു​വി​നെ ഒറ്റി​ക്കൊ​ടു​ക്കാൻ അവന്റെ 12 അപ്പൊ​സ്‌ത​ല​ന്മാ​രിൽ ഒരാളായ യൂദാ ഈസ്‌ക​ര്യോ​ത്താ​വി​നെ സാത്താൻ പ്രേരി​പ്പി​ച്ചു. യേശു​വി​നെ ഒറ്റി​ക്കൊ​ടു​ക്കു​ന്ന​തി​നുള്ള പ്രതി​ഫ​ല​മാ​യി മതനേ​താ​ക്ക​ന്മാർ യൂദാ​യ്‌ക്ക്‌ 30 വെള്ളി​ക്കാശ്‌ എണ്ണി​ക്കൊ​ടു​ത്തു.

തന്റെ അവസാ​ന​ത്തെ രാത്രി​യിൽ യേശു പെസഹാ ആചരി​ക്കു​ന്ന​തി​നാ​യി അപ്പൊ​സ്‌ത​ല​ന്മാ​രു​മാ​യി ഒത്തുകൂ​ടി. യൂദായെ പറഞ്ഞയ​ച്ച​ശേ​ഷം യേശു ഒരു പുതിയ ആചരണം ഏർപ്പെ​ടു​ത്തി: കർത്താ​വി​ന്റെ അത്താഴം. അവൻ അപ്പമെ​ടുത്ത്‌ പ്രാർഥിച്ച്‌ അത്‌ നുറുക്കി തന്റെ 11 ശിഷ്യ​ന്മാർക്ക്‌ കൊടു​ത്തു. അവൻ അവരോ​ടു പറഞ്ഞു: “ഇത്‌ നിങ്ങൾക്കു​വേ​ണ്ടി നൽക​പ്പെ​ടാ​നി​രി​ക്കു​ന്ന എന്റെ ശരീരത്തെ അർഥമാ​ക്കു​ന്നു. എന്റെ ഓർമ​യ്‌ക്കാ​യി ഇതു ചെയ്‌തു​കൊ​ണ്ടി​രി​ക്കു​വിൻ.” തുടർന്ന്‌ അവൻ വീഞ്ഞു​നി​റച്ച പാനപാ​ത്രം എടുത്ത്‌ പ്രാർഥിച്ച്‌ അവർക്ക്‌ കൊടു​ത്തു​കൊണ്ട്‌ പറഞ്ഞു: “ഈ പാനപാ​ത്രം നിങ്ങൾക്കു​വേ​ണ്ടി ചൊരി​യ​പ്പെ​ടാ​നി​രി​ക്കുന്ന എന്റെ രക്തത്താ​ലു​ള്ള പുതിയ ഉടമ്പടി​യെ അർഥമാ​ക്കു​ന്നു.”—ലൂക്കോസ്‌ 22:19, 20.

ആ രാത്രി​യിൽ യേശു തന്റെ ശിഷ്യ​ന്മാ​രോ​ടു വളരെ​യേ​റെ കാര്യങ്ങൾ പറഞ്ഞു. അവൻ അവർക്ക്‌ ഒരു പുതിയ കൽപ്പന നൽകി: അവർ പരസ്‌പ​രം നിസ്വാർഥ സ്‌നേഹം കാണി​ക്ക​ണം. “നിങ്ങൾക്കു പരസ്‌പ​രം സ്‌നേഹം ഉണ്ടെങ്കിൽ, നിങ്ങൾ എന്റെ ശിഷ്യ​ന്മാ​രാ​കു​ന്നു​വെന്ന്‌ എല്ലാവ​രും അറിയും” എന്ന്‌ അവൻ അവരോ​ടു പറഞ്ഞു. (യോഹ​ന്നാൻ 13:34, 35) സംഭവി​ക്കാ​നി​രി​ക്കു​ന്ന ദുരന്തങ്ങൾ അവരെ തളർത്തി​ക്ക​ള​യാ​തി​രി​ക്കാൻ യേശു അവർക്ക്‌ ആവശ്യ​മാ​യ പ്രോ​ത്സാ​ഹ​നം നൽകി. അവൻ അവർക്കു​വേ​ണ്ടി ആത്മാർഥ​മാ​യി പ്രാർഥി​ച്ചു. പിന്നെ, ഒരുമിച്ച്‌ സ്‌തു​തി​ഗീ​ത​ങ്ങൾ പാടി​യ​ശേ​ഷം അവർ ഗെത്ത്‌ശെ​മ​ന​ത്തോ​ട്ട​ത്തി​ലേക്കു പോയി.

ഗെത്ത്‌ശെ​മ​ന​ത്തോ​ട്ട​ത്തിൽ യേശു മുട്ടി​ന്മേൽനിന്ന്‌ ദൈവ​ത്തോട്‌ ഉള്ളുരു​കി പ്രാർഥി​ച്ചു. അധികം​ക​ഴി​യു​ന്ന​തി​നു​മുമ്പ്‌ പടയാ​ളി​ക​ളും പുരോ​ഹി​ത​ന്മാ​രും ഉൾപ്പെടെ വലി​യൊ​രു ആൾകൂട്ടം വാളും വടിക​ളു​മേ​ന്തി അവനെ പിടി​കൂ​ടാ​നെ​ത്തി. അവരോ​ടു പറഞ്ഞു​റ​പ്പി​ച്ചി​രു​ന്ന​തു​പോ​ലെ, യൂദാ യേശു​വി​ന്റെ അടുക്കൽവന്ന്‌ അവനെ ചുംബി​ച്ചു. ഉടനെ പടയാ​ളി​കൾ യേശു​വി​നെ പിടി​ച്ചു​ബ​ന്ധി​ച്ചു. അപ്പൊ​സ്‌ത​ല​ന്മാർ ഭയന്ന്‌ ഓടി​പ്പോ​യി.

താൻ ദൈവ​പു​ത്ര​നാ​ണെന്ന്‌ യഹൂദ​ന്മാ​രു​ടെ ന്യായാ​ധി​പ​സ​ഭ​യു​ടെ മുമ്പാകെ യേശു വെളി​പ്പെ​ടു​ത്തി. അവൻ ദൈവ​ദൂ​ഷ​ണം പറയു​ക​യാ​ണെന്ന്‌ ആരോ​പിച്ച്‌ കോടതി അവനെ വധശി​ക്ഷ​യ്‌ക്കു വിധിച്ചു. അവി​ടെ​നിന്ന്‌ യേശു​വി​നെ റോമൻ ദേശാ​ധി​പ​തി​യാ​യ പൊന്തി​യൊസ്‌ പീലാ​ത്തൊ​സി​ന്റെ അടുക്കൽ കൊണ്ടു​ചെ​ന്നു. യേശു നിരപ​രാ​ധി​യാ​ണെന്ന്‌ മനസ്സി​ലാ​ക്കി​യി​ട്ടും, അവന്റെ രക്തത്തി​നാ​യി മുറവി​ളി​കൂ​ട്ടി​ക്കൊ​ണ്ടി​രുന്ന ജനക്കൂ​ട്ട​ത്തി​ന്റെ കൈയി​ലേക്ക്‌ പീലാ​ത്തൊസ്‌ അവനെ ഏൽപ്പി​ച്ചു​കൊ​ടു​ത്തു.

പടയാ​ളി​കൾ യേശു​വി​നെ ഗൊൽഗോ​ഥ എന്ന സ്ഥലത്തേക്കു കൊണ്ടു​പോ​യി. അവി​ടെ​വെച്ച്‌ അവർ അവനെ വധസ്‌തം​ഭ​ത്തിൽ തറച്ചു. പെട്ടെന്ന്‌ ഒരു അത്ഭുത​മു​ണ്ടാ​യി: പകൽ വെളിച്ചം അപ്രത്യ​ക്ഷ​മാ​യി; ദേശ​ത്തെ​ല്ലാ​യി​ട​ത്തും ഇരുട്ടു​പ​ര​ന്നു. ഉച്ചകഴിഞ്ഞ്‌ ഏകദേശം മൂന്നു​മ​ണി​യോ​ടെ യേശു മരിച്ചു. അപ്പോൾ ഒരു വലിയ ഭൂകമ്പ​മു​ണ്ടാ​യി. പാറയിൽ വെട്ടി​യു​ണ്ടാ​ക്കി​യ ഒരു കല്ലറയിൽ യേശു​വി​നെ അടക്കം​ചെ​യ്‌തു. അടുത്ത ദിവസം പുരോ​ഹി​ത​ന്മാർ കല്ലറ അടച്ചു​ഭ​ദ്ര​മാ​ക്കി; കല്ലറയു​ടെ വാതിൽക്കൽ കാവലും ഏർപ്പെ​ടു​ത്തി. യേശു​വി​ന്റെ ജീവിതം അതോടെ അവസാ​നി​ച്ചോ? അത്ഭുത​ങ്ങ​ളിൽ അത്ഭുതം എന്നു വിശേ​ഷി​പ്പി​ക്കാ​വു​ന്ന ഒരു കാര്യം നടക്കാ​നി​രി​ക്കു​ക​യാ​യി​രു​ന്നു.

—മത്തായി 26, 27 അധ്യാ​യ​ങ്ങൾ, മർക്കോസ്‌ 14, 15 അധ്യാ​യ​ങ്ങൾ, ലൂക്കോസ്‌ 22, 23 അധ്യാ​യ​ങ്ങൾ, യോഹ​ന്നാൻ 12-19 അധ്യാ​യ​ങ്ങൾ എന്നിവയെ ആധാര​മാ​ക്കി​യു​ള്ളത്‌.