ബറുണ്ടി​യിൽ പീഡനം—മതസ്വാ​ത​ന്ത്ര്യ​ത്തി​ന്റെ ലംഘി​ക്ക​പ്പെട്ട ഒരു വാഗ്‌ദാ​നം!

അനേകം പാശ്ചാ​ത്യ​രാ​ജ്യ​ങ്ങ​ളിൽ മതസ്വാ​ത​ന്ത്ര്യം അംഗീ​ക​രി​ക്ക​പ്പെ​ട്ടി​രി​ക്കു​ക​യാണ്‌. എന്നിരു​ന്നാ​ലും അങ്ങനെ​യുള്ള സ്വാത​ന്ത്ര്യം എത്ര ദുർബ​ല​മാ​യി​രി​ക്കാ​മെന്ന്‌ ബറുണ്ടി എന്ന ആഫ്രി​ക്കൻരാ​ജ്യ​ത്തു നടക്കുന്ന മതപീ​ഡനം ചിത്രീ​ക​രി​ക്കു​ന്നു. ഏതെങ്കി​ലും ജനസമൂ​ഹ​ത്തി​ന്റെ അടിസ്ഥാന മനുഷ്യാ​വ​കാ​ശങ്ങൾ ചവിട്ടി​മെ​തി​ക്ക​പ്പെ​ടു​മ്പോൾ ആരു​ടെ​യും അവകാ​ശങ്ങൾ സുരക്ഷി​തമല്ല. അതു​കൊണ്ട്‌ ബറുണ്ടി​യിൽ എന്തു നടക്കു​ന്നു​വെന്ന്‌ പരി​ശോ​ധി​ക്കാൻ ഞങ്ങൾ ഞങ്ങളുടെ വായന​ക്കാ​രെ പ്രോൽസാ​ഹി​പ്പി​ക്കു​ക​യാണ്‌.

ആയിര​ത്തി​ത്തൊ​ള്ളാ​യി​രത്തി എൺപത്തി​യൊൻപത ഫെബ്രു​വരി 16-ന്‌ ആഫ്രിക്കൻ രാജ്യ​മായ ബറുണ്ടി​യിൽ അന്ധകാ​ര​യു​ഗങ്ങൾ നിഴലി​ട്ടു. അന്ന്‌ ബറുണ്ടി റിപ്പബ്ലി​ക്കി​ലെ പ്രസി​ഡണ്ട്‌ പിയെരേ ബുയോ​യാ പ്രവി​ശ്യാ​ഗ​വർണർമാ​രു​മാ​യി ഒരു മീററിംഗ്‌ നടത്തി. ആ മീററിം​ഗി​നു പിന്നാലെ യഹോ​വ​യു​ടെ സാക്ഷി​കൾക്കെ​തി​രെ ദുഷ്ടവും വ്യാപ​ക​വു​മായ മതപീ​ഡനം പൊട്ടി​പ്പു​റ​പ്പെട്ടു. പുരു​ഷൻമാ​രും സ്‌ത്രീ​ക​ളും കുട്ടി​കൾപോ​ലും നിയമ​വി​രുദ്ധ അറസ്‌റ​റു​കൾക്കും പ്രഹര​ങ്ങൾക്കും ദണ്ഡനത്തി​നും പട്ടിണി​ക്കും ഇരകളാ​യി.

ഈ നാളി​ലും യുഗത്തി​ലും അത്തരം ക്രൂര​തകൾ നടക്കു​ന്ന​തു​തന്നെ ലജ്ജാവ​ഹ​മാണ്‌. എന്നിരു​ന്നാ​ലും, ബറുണ്ടി​യി​ലെ ക്രിസ്‌ത്യാ​നി​ക​ളു​ടെ പീഡനം വിശേ​ഷാൽ നിന്ദ്യ​മാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ അത്‌ മതസ്വാ​ത​ന്ത്ര്യ​വാ​ഗ്‌ദാ​ന​ത്തി​ന്റെ ഒരു ലംഘന​മാണ്‌.

ഭരണകൂ​ടം തള്ളിപ്പ​റ​യു​ന്നു

ബറുണ്ടി മദ്ധ്യ​രേ​ഖക്കു തൊട്ടു തെക്കു​മാ​റി കിടക്കുന്ന ഒരു വിദൂര ആഫ്രി​ക്കൻരാ​ജ്യ​മാണ്‌, എന്നാൽ ഈ പർവത​രാ​ജ്യത്ത്‌ ശീതള​വും ഉല്ലാസ​പ്ര​ദ​വു​മായ ഒരു കാലാ​വ​സ്ഥ​യാ​ണു​ള്ളത്‌. (ഭൂപടം കാണുക.) ഗോള​ത്തി​നു ചുററു​മുള്ള ചുരുക്കം ചിലരേ 1988 വരെ ബറുണ്ടി​യു​ടെ അസ്‌തി​ത്വ​ത്തെ​ക്കു​റിച്ച്‌ അറിഞ്ഞി​രു​ന്നു​ള്ളു, അന്ന്‌ അത്‌ ലോക​ത്തി​ലെ വാർത്താ​ത​ല​ക്കെ​ട്ടു​കൾ പിടി​ച്ചെ​ടു​ത്തു. ആ കാലത്ത്‌ തുട്‌സി, ഹുടു എന്നിങ്ങ​നെ​യുള്ള അവിടത്തെ രണ്ട്‌ പ്രമുഖ വംശീയ സംഘങ്ങൾ തമ്മിൽ രക്തരൂ​ഷി​ത​മായ തർക്കം പൊട്ടി​പ്പു​റ​പ്പെട്ടു. ഇത്‌ അനേക​രു​ടെ​യും മനസ്സിൽ ബറുണ്ടി​യെ​സം​ബ​ന്ധിച്ച്‌ ഒരു നിഷേ​ധാ​ത്മക ധാരണ ഉളവാ​ക്കി​യെ​ന്ന​തി​നു സംശയ​മില്ല.

എന്നിരു​ന്നാ​ലും, ഈ പുരോ​ഗ​തി​യുള്ള രാജ്യ​ത്തെ​ക്കു​റിച്ച്‌ പല നല്ല കാര്യ​ങ്ങ​ളും പറയാ​നുണ്ട്‌. അവിടത്തെ ജനങ്ങൾ ഉത്സാഹ​മു​ള്ള​വ​രും കഠിനാ​ദ്ധ്വാ​നി​ക​ളു​മാണ്‌. ന്യൂ​യോർക്ക്‌ ടൈംസ്‌ മാഗസി​നി​ലെ ഒരു ലേഖനം കൂടു​ത​ലാ​യി ഇങ്ങനെ പ്രസ്‌താ​വി​ക്കു​ന്നു: “ബറുണ്ടി ദരി​ദ്ര​മാ​ണെ​ങ്കി​ലും ഒരു സന്ദർശ​കന്‌ പ്രകട​മാ​കുന്ന വിവിധ വിധങ്ങ​ളിൽ പ്രവർത്തി​ക്കു​ന്നുണ്ട്‌. ലോക​ബാ​ങ്കി​ന്റെ റസിഡണ്ട്‌ പ്രതി​നി​ധി​യായ മോറിസ്‌ ഗർവാ​യിസ്‌ അതിനെ ‘വളരെ ഉന്നതമായ രീതി​യിൽ പ്രവർത്തി​ക്കുന്ന ഒരു രാജ്യം’ എന്നു വിളി​ക്കു​ന്നു.”

എന്നിരു​ന്നാ​ലും, ബറുണ്ടി​യി​ലെ മതപര​മായ അവസ്ഥ ഈ ശുഭാ​പ്‌തി​വി​ശ്വാ​സ​ത്തോ​ടു​കൂ​ടിയ വീക്ഷണത്തെ ഭീഷണി​പ്പെ​ടു​ത്തു​ക​യാണ്‌. ഏതാണ്ട്‌ 80 ശതമാനം ക്രിസ്‌ത്യാ​നി​ക​ളാ​ണെന്ന്‌ അവകാ​ശ​പ്പെ​ടു​ന്നു, ഭൂരി​പ​ക്ഷ​വും കത്തോ​ലി​ക്കർ. എന്നിട്ടും അവിടത്തെ രാഷ്‌ട്രീയ ഘടകങ്ങൾ മതവി​രോ​ധ​ത്തി​ന്റെ ഒരു ദുസ്സഹ​മായ ശീലം വളർത്തി​യെ​ടു​ത്തി​രി​ക്കു​ന്നു. 1985 ഒക്‌ടോ​ബർ 16-ന്‌ ക്രിസ്‌ത്യൻ സെഞ്ചുറി ഇങ്ങനെ റിപ്പോർട്ടു​ചെ​യ്‌തു: “കഴിഞ്ഞ വർഷം ബറുണ്ടി ഗവൺമെൻറ്‌ സഭയുടെ അസ്‌തി​ത്വ​ത്തിന്‌ തുരങ്കം​വെ​ക്കു​ന്ന​തിന്‌ ലക്ഷ്യം​വെ​ച്ചു​കൊ​ണ്ടുള്ള ഒട്ടേറെ നടപടി​കൾ തുടങ്ങി . . . പരസ്യാ​രാ​ധ​ന​ക്കും സ്വകാ​ര്യ​മായ ആരാധ​ന​ക്കും പ്രാർത്ഥ​ന​ക്കു​മുള്ള അവകാശം കർശന​മാ​യി വെട്ടി​ച്ചു​രു​ക്കി​യി​രി​ക്കു​ന്നു. ചില വിഭാ​ഗ​ങ്ങ​ളു​ടെ സകല പള്ളിക​ളും . . . അടക്കു​ക​യും പ്രവർത്തി​പ്പി​ക്ക​രു​തെന്നു വിലക്കു​ക​യും ചെയ്‌തി​രി​ക്കു​ന്നു; . . . ഡസൻക​ണ​ക്കിന്‌ ഒററപ്പെട്ട ക്രിസ്‌ത്യാ​നി​കൾ അറസ്‌റ​റ്‌ചെ​യ്യ​പ്പെ​ട്ടി​രി​ക്കു​ന്നു, ചിലർ ദണ്ഡിപ്പി​ക്ക​പ്പെ​ടു​ക​പോ​ലും ചെയ്‌തി​രി​ക്കു​ന്നു . . . എല്ലാം തങ്ങളുടെ മതാചാ​രം പുലർത്തി​യ​തു​കൊ​ണ്ടു​തന്നെ.”

പ്രസി​ഡണ്ട്‌ പിയെരേ ബുയോ​യാ​യു​ടെ നേതൃ​ത്വ​ത്തിൽ 1987 സെപ്‌റ​റം​ബ​റിൽ ഒരു പുതിയ ഗവൺമെൻറ്‌ അധികാ​ര​ത്തിൽ വന്നപ്പോൾ പ്രത്യാശ ശക്തി​പ്പെട്ടു. പുതിയ പ്രസി​ഡണ്ട്‌ തന്റെ രാഷ്‌ട്ര​ത്തിന്‌ മതസ്വാ​ത​ന്ത്ര്യം വാഗ്‌ദാ​നം ചെയ്‌തു, അദ്ദേഹം തന്റെ വാക്കു പാലി​ക്കാൻ പെട്ടെ​ന്നു​തന്നെ നടപടി​കൾ സീകരി​ച്ചു. യു.എസ്‌. സ്‌റേ​റ​ററ്‌ ഡിപ്പാർട്ട്‌മെൻറി​ന്റെ ഒരു റിപ്പോർട്ട്‌ ഇങ്ങനെ പറയുന്നു: “പ്രസി​ഡണ്ട്‌ ബുയോ​യാ അധികാ​ര​ത്തി​ലി​രുന്ന ആദ്യ വർഷം സ്ഥാപിത മതത്തോ​ടുള്ള ബറുണ്ടി​യു​ടെ നയങ്ങളിൽ ഗണ്യമായ മാററങ്ങൾ വരുത്തു​ക​യും [മുൻ ഭരണകൂ​ട​ത്തിൻകീ​ഴി​ലെ] മതസ്വാ​ത​ന്ത്ര്യ​ധ്വം​സ​നത്തെ പിമ്പോ​ട്ട​ടി​ക്കു​ക​യും​ചെ​യ്‌തു. ബുയോ​യാ എല്ലാ മത തടവു​കാ​രെ​യും വിട്ടയ​ക്കു​ക​യും അടച്ചിട്ട പള്ളികൾ തുറക്കു​ക​യും ചെയ്‌തു; കണ്ടു​കെ​ട്ടിയ പള്ളിവ​സ്‌തു​ക്കൾ മടക്കി​ക്കൊ​ടു​ത്തു.” ഈ പ്രബു​ദ്ധ​മായ നടപടി​കൾ പ്രസി​ഡണ്ട്‌ ബുയോ​യാ​യിക്ക്‌ ലോക​മാ​സ​ക​ല​മുള്ള സ്വാത​ന്ത്ര്യ​പ്രേ​മി​ക​ളു​ടെ ആദരവു നേടി​ക്കൊ​ടു​ത്തു.

അപ്പോൾപ്പി​ന്നെ അടുത്ത കാലത്ത്‌ മതമർദ്ദ​ന​ത്തി​ന്റെ ലക്ഷ്യമാ​യി യഹോ​വ​യു​ടെ സാക്ഷി​കളെ ഒററ​പ്പെ​ടു​ത്തി​യ​തെ​ന്തി​നാണ്‌?

യഹോ​വ​യു​ടെ സാക്ഷികൾ—അംഗീ​കാ​ര​ത്തി​നു​വേണ്ടി പോരാ​ട്ടം

പല നൂററാ​ണ്ടു​കൾകൊണ്ട്‌ കത്തോ​ലി​ക്കാ​സഭ “സാമ്പത്തി​ക​വും രാഷ്‌ട്രീ​യ​വു​മായ ഒരു സത്തയായി പരിണ​മി​ച്ചി​രി​ക്കു​ന്നു”വെന്ന്‌ ന്യൂ​യോർക്ക്‌ ടൈംസ്‌ റിപ്പോർട്ടു​ചെ​യ്യു​ന്നു. രാജ്യത്തെ കോള​നി​വാ​ഴ്‌ച​യു​ടെ നാളു​ക​ളിൽ “ഫലത്തിൽ രാജ്യത്തെ ഭരിക്കാൻ” സഭ അനുവ​ദി​ക്ക​പ്പെട്ടു, “ആരോ​ഗ്യ​ര​ക്ഷ​യും വിദ്യാ​ഭ്യാ​സ​വും പ്രദാ​നം​ചെ​യ്യു​ന്ന​തിൽ മുഖ്യ​പങ്ക്‌ അത്‌ വഹിച്ച​പ്പോൾതന്നെ.” അപ്പോൾ, ഗവൺമെൻറ്‌ സംഘടി​ത​മ​ത​ത്താൽ ഭീഷണി​പ്പെ​ടു​ത്ത​പ്പെ​ടു​ന്ന​താ​യി വിചാ​രി​ച്ചി​രി​ക്കാം, അതിൽ അതിശ​യി​ക്കാ​നില്ല.

എന്നിരു​ന്നാ​ലും, 1963-ൽ യഹോ​വ​യു​ടെ സാക്ഷികൾ ബറുണ്ടി​യിൽ തങ്ങളുടെ പൊതു സുവി​ശേ​ഷി​ക്കൽവേല തുടങ്ങി​യ​പ്പോൾ അവർ സംസ്ഥാ​ന​ത്തി​ന്റെ കാര്യ​ങ്ങ​ളിൽ ഇടപെ​ടാൻ യാതൊ​രു ശ്രമവും ചെയ്‌തില്ല. പകരം അവർ “രാജ്യ​ത്തി​ന്റെ ഈ സുവാർത്ത” പ്രസം​ഗി​ക്കു​ന്ന​തിൽ തങ്ങളുടെ വേല ഒതുക്കി​നിർത്തു​ക​യാണ്‌ ചെയ്‌തത്‌. (മത്തായി 24:14) സത്യ​ക്രി​സ്‌ത്യാ​നി​കൾ “ലോക​ത്തി​ന്റെ ഭാഗമല്ലാ”തിരി​ക്ക​ണ​മെന്ന്‌ ബൈബിൾ പറയു​ന്ന​തു​കൊണ്ട്‌ യഹോ​വ​യു​ടെ സാക്ഷികൾ രാഷ്‌ട്രീ​യ​മാ​യി നിഷ്‌പ​ക്ഷ​രാ​യി നില​കൊ​ണ്ടു, ലോക​മാ​സ​ക​ല​മുള്ള യഹോ​വ​യു​ടെ സാക്ഷികൾ സ്വീക​രി​ക്കുന്ന നിലപാ​ടാ​ണിത്‌.—യോഹ​ന്നാൻ 17:16.

യഹോ​വ​യു​ടെ സാക്ഷികൾ രാഷ്‌ട്രീ​യ​പാർട്ടി​ക​ളിൽ ചേരു​ന്ന​തിൽനി​ന്നും രാഷ്‌ട്രീ​യ​പാർട്ടി​ക​ളു​ടെ മുദ്രാ​വാ​ക്യ​ങ്ങൾ വിളി​ക്കു​ന്ന​തിൽനി​ന്നും മനസ്സാ​ക്ഷി​പൂർവം ഒഴിഞ്ഞു​നി​ന്നു. ഈ നിഷ്‌പക്ഷ നിലപാട്‌ ദേശഭ​ക്തി​യു​ടെ അഭാവ​മാ​ണെ​ന്നോ അട്ടിമ​റി​യെ പ്രതി​ബിം​ബി​പ്പി​ക്കു​ന്ന​താ​ണെ​ന്നോ ഗവൺമെൻറു​കൾ മിക്ക​പ്പോ​ഴും തെററി​ദ്ധ​രി​ച്ചി​രി​ക്കു​ന്നു. എന്നാൽ വാസ്‌ത​വ​മതല്ല. ലോക​മെ​ങ്ങു​മുള്ള യഹോ​വ​യു​ടെ സാക്ഷികൾ മാതൃ​കാ​യോ​ഗ്യ​രും നിയമ​മ​നു​സ​രി​ക്കു​ന്ന​വ​രു​മായ പൗരൻമാ​രാ​ണെന്ന്‌ അറിയ​പ്പെ​ടു​ന്നു. അവർ ലൗകിക ഗവൺമെൻറു​കൾക്ക്‌ “കീഴ്‌പെ​ട്ടി​രി​ക്കുക” എന്ന ബൈബിൾക​ല്‌പന ഗൗരവ​മാ​യി എടുക്കു​ന്നു. (റോമർ 13:1) പതാക​പോ​ലെ​യുള്ള ദേശീയ ചിഹ്നങ്ങളെ വന്ദിക്കു​ക​യോ ഏതെങ്കി​ലും വിധത്തിൽ അവയോട്‌ ഭക്ത്യാ​ദ​ര​വു​കാ​ട്ടു​ക​യോ ചെയ്യു​ന്ന​തിൽനിന്ന്‌ പിൻമാ​റു​ന്നു​വെ​ങ്കി​ലും അവർ അങ്ങനെ​യുള്ള ചിഹ്‌ന​ങ്ങ​ളോട്‌ അനാദ​ര​വോ​ടെ പെരു​മാ​റു​ന്നില്ല.—പുറപ്പാട്‌ 20:4, 5.

യഹോ​വ​യു​ടെ സാക്ഷികൾ 1975-ൽ തങ്ങളുടെ വേലയു​ടെ നിയമ​പ​ര​മായ അംഗീ​ക​ര​ണ​ത്തി​നു​വേണ്ടി അപേക്ഷി​ച്ചി​രു​ന്നു. എന്നാൽ 1976-ൽ ഒരു സൈനി​ക​വി​പ്‌ളവം ഗവൺമെൻറി​നെ മറിച്ചി​ടു​ക​യും പ്രസി​ഡണ്ട്‌ ജീൻ ബാപ്‌റ​റി​സ്‌റേറ ബഗാസാ​യെ അധികാ​ര​ത്തി​ലേ​റ​റു​ക​യും ചെയ്‌തു. അദ്ദേഹം ആരാധ​നാ​സ്വാ​ത​ന്ത്ര്യം വാഗ്‌ദാ​നം​ചെ​യ്‌തു. എന്നിരു​ന്നാ​ലും 1977-ൽ യഹോ​വ​യു​ടെ സാക്ഷികൾ ഔദ്യോ​ഗി​ക​മാ​യി നിരോ​ധി​ക്ക​പ്പെട്ടു! ബഗാസാ​ഗ​വൺമെൻറി​നു​വേണ്ടി കാര്യങ്ങൾ വിശദീ​ക​രി​ച്ചു​കൊ​ടു​ക്കാൻ ലോക​വ്യാ​പ​ക​മാ​യി യഹോ​വ​യു​ടെ സാക്ഷികൾ ശ്രമം​ചെ​ലു​ത്തി. എന്നാൽ എഴുത്തു​ക​ളും ഫ്രാൻസി​ലും ബൽജി​യ​ത്തി​ലു​മുള്ള ബറുണ്ടി​യു​ടെ എംബസി​ക​ളി​ലേ​ക്കുള്ള സന്ദർശ​ന​ങ്ങ​ളും ബറുണ്ടി​യി​ലെ ഗവൺമെൻറ്‌ ഉദ്യോ​ഗ​സ്ഥൻമാ​രു​മാ​യുള്ള കൂടി​ക്കാ​ഴ്‌ച​ക​ളു​മെ​ല്ലാം നിഷ്‌ഫ​ല​മെന്നു തെളിഞ്ഞു. 1987-ൽ ബറുണ്ടി​യി​ലെ ഏതാണ്ട്‌ 80 സാക്ഷികൾ—പുരു​ഷൻമാ​രും സ്‌ത്രീ​ക​ളും—മാസങ്ങ​ളോ​ളം തടവി​ലാ​ക്ക​പ്പെട്ടു. ഒരു സാക്ഷി അവി​ടെ​വെച്ച്‌ മരണമ​ടഞ്ഞു.

മതപീ​ഡ​ന​ത്തി​ന്റെ പൊട്ടി​പ്പു​റ​പ്പെടൽ

പ്രസി​ഡണ്ട്‌ ബുയോ​യാ പ്രവി​ശ്യാ​ഗ​വർണർമാ​രു​മാ​യി ഒരു മീററിംഗ്‌ നടത്തി​യ​ശേഷം ബറുണ്ടിക്ക്‌ നേരി​ടേ​ണ്ടി​വ​രുന്ന ഏററവും വലിയ പ്രശ്‌ന​ങ്ങ​ളി​ലൊന്ന്‌ യഹോ​വ​യു​ടെ സാക്ഷി​ക​ളു​ടെ വികസ​ന​മാ​ണെന്ന്‌ റേഡി​യോ​യി​ലൂ​ടെ പ്രഖ്യാ​പി​ക്ക​പ്പെട്ടു. സൂചന​പ്ര​കാ​രം പ്രവർത്തി​ക്കു​ന്ന​തു​പോ​ലെ ഉൾ​പ്രോ​വിൻസു​ക​ളി​ലെ ഗവർണർമാർ പീഡന​ത്തി​ന്റെ ഒരു തരംഗം ഇളക്കി​വി​ട്ടു. വിശദാം​ശങ്ങൾ ഇപ്പോ​ഴും തുച്ഛമാ​ണെ​ങ്കി​ലും അവിടെ നടക്കു​ന്ന​തി​ന്റെ ഒരു ഏകദേശ രൂപം പിൻവ​രുന്ന റിപ്പോർട്ടു​കൾ നൽകും:

ഗിത്തെഗാ പ്രവിശ്യ: യഹോ​വ​യു​ടെ സാക്ഷി​ക​ളെ​യെ​ല്ലാം അറസ്‌റ​റു​ചെ​യ്യാൻ പോലീ​സും ജനങ്ങളും സംഘടി​പ്പി​ക്ക​പ്പെ​ടാൻ ഗവർണർ വൈവസ്‌ മിനാനി ആജ്ഞാപി​ച്ചു. 1989 മാർച്ച്‌ 22 സന്ധ്യാ​സ​മ​യത്ത്‌ സുരക്ഷാ​പോ​ലീസ്‌ ഏജൻറൻമാർ ഇൻറി​ബാ​റ​റാ​മാ​ബി എഡ്‌മ​ണ്ടി​ന്റെ ഭവനത്തിൽ ഭേദി​ച്ചു​ക​ട​ക്കു​ക​യും അയാളെ അറസ്‌റ​റു​ചെ​യ്യു​ക​യും ചെയ്‌തു, അയാൾ ഒരു സ്‌പെ​ഷ്യൽ പയനിയർ ശുശ്രൂ​ഷ​ക​നാ​യി​രു​ന്നു. അയാളെ ജയിലി​ലി​ട്ടി​രു​ന്ന​പ്പോൾ അയാൾക്ക്‌ ഭക്ഷണം കൊടു​ത്തില്ല. അയാൾ പല വട്ടം വിശപ്പു​കൊ​ണ്ടു മോഹാ​ല​സ്യ​പ്പെട്ടു. യഹോ​വ​യു​ടെ സാക്ഷികൾ രക്തം ഭക്ഷിക്കു​മെ​ന്നുള്ള ഒരു കിംവ​ദന്തി സ്ഥിരീ​ക​രി​ക്കാ​നുള്ള ഒരു ശ്രമത്തിൽ അയാളെ ദണ്ഡനത്തി​നു വിധേ​യ​മാ​ക്കു​ക​യും ചെയ്‌തു—ദ്രോ​ഹ​ക​ര​മായ ഒരു വ്യാജ​മാ​യി​രു​ന്നു അത്‌!

എഡ്‌മ​ണ്ടി​ന്റെ അറസ്‌റ​റി​നു​ശേഷം, ഇൻറി​ക്ക​രാ​ഹെരാ എയ്‌റ​നും ഇൻറി​പി​റം​ഗസാ പ്രൈ​മും അറസ്‌റ​റ്‌ചെ​യ്യ​പ്പെ​ടു​ക​യും ഗിത്തെ​ഗാ​യി​ലെ തുറു​ങ്കി​ലി​ട​പ്പെ​ടു​ക​യും ചെയ്‌തു. അവരും യഹോ​വ​യു​ടെ സാക്ഷി​ക​ളാ​യി​രു​ന്നു. അവരോ​ടും സമാന​മാ​യി ക്രൂര​മാ​യി പെരു​മാ​റി.

പല സഭകൾ സന്ദർശി​ക്കുന്ന ഒരു സഞ്ചാര ശുശ്രൂ​ഷ​ക​നായ സർക്കിട്ട്‌ മേൽവി​ചാ​ര​കന്റെ ഭാര്യ​യായ നിജിം​ബെരെ ഷാർല​ററ്‌ തന്റെ ക്രിസ്‌തീയ സഹോ​ദ​രൻമാ​രു​ടെ അവസ്ഥ​യെ​ക്കു​റിച്ച്‌ മനസ്സി​ലാ​ക്കി. അവർ ജയിലി​ലേക്കു ആഹാരം കൊണ്ടു​പോ​കാൻ ശ്രമിച്ചു, എന്നാൽ 1989 മാർച്ച്‌ 16-ന്‌ അറസ്‌ററ്‌ ചെയ്യ​പ്പെ​ടു​ക​യും അവരുടെ ഭർത്താ​വിൻമേൽ കൈ​വെ​ക്കാ​നുള്ള ഒരു ശ്രമത്തിൽ ബന്ദിയാ​യി നിർത്ത​പ്പെ​ടു​ക​യും​ചെ​യ്‌തു.

മുരം​വ്യാ പ്രവിശ്യ: ഗവർണർ ആന്റോ​യിൻ ബാസാ തന്നെ വന്നുകാ​ണാ​നും ചോദ്യ​ങ്ങൾക്ക്‌ ഉത്തരം പറയാ​നും, അറിയ​പ്പെ​ടുന്ന സാക്ഷി​കൾക്കെ​ല്ലാം സമൻസ്‌ അയച്ചു. മാർച്ച്‌ 4-ന്‌ ഒരു സംഘം ആ അപേക്ഷ​യ​നു​സ​രി​ച്ചു പ്രവർത്തി​ച്ചു. അദ്ദേഹ​ത്തി​ന്റെ ചോദ്യ​ങ്ങൾക്ക്‌ ആദരപൂർവം ഉത്തരം പറഞ്ഞെ​ങ്കി​ലും രാഷ്‌ട്രീയ കക്ഷിക​ളു​ടെ മുദ്രാ​വാ​ക്യം വിളി​ക്കാൻ അവർ വിസമ്മ​തി​ച്ചു.

ഇതി​നോ​ടു​ള്ള പ്രതി​ക​ര​ണ​മാ​യി യഹോ​വ​യു​ടെ സാക്ഷി​കളെ ആക്രമി​ക്കാൻ ഗവർണർ സ്ഥലവാ​സി​കളെ ഇളക്കി​വി​ട്ടു. മാർച്ച്‌ 16-ന്‌ പോലീസ്‌ അറിയ​പ്പെ​ടുന്ന സാക്ഷി​ക​ളു​ടെ വീടു​ക​ളിൽ പ്രവേ​ശി​ക്കു​ക​യും പാർട്ടി​മു​ദ്രാ​വാ​ക്യ​ങ്ങൾ വിളി​ക്കാൻ വിസമ്മ​തി​ച്ച​തിൻപേ​രിൽ പുരു​ഷൻമാ​രെ​യും സ്‌ത്രീ​ക​ളെ​യും തല്ലാൻ തുടങ്ങു​ക​യും​ചെ​യ്‌തു. ഒരു സാക്ഷി​യു​ടെ കട പിടി​ച്ചെ​ടു​ക്കു​ക​യും അടക്കു​ക​യും​ചെ​യ്‌തു—അങ്ങനെ ഒരു കുടും​ബ​ത്തി​ന്റെ ഉപജീ​വനം മുട്ടിച്ചു.

തങ്ങളുടെ വിശ്വാ​സം തള്ളിപ്പ​റ​യാൻ വിസമ്മ​തി​ച്ച​തു​കൊണ്ട്‌ മാർച്ച്‌ 17-ന്‌ നാലു സ്‌ത്രീ​കൾ പ്രഹരി​ക്ക​പ്പെട്ടു. അവർ വാതാ​യ​ന​ങ്ങ​ളി​ല്ലാഞ്ഞ ഒരു തടവറ​യി​ലി​ട​പ്പെട്ടു, അവരി​ലൊ​രാൾ 20 ദിവസം പ്രായ​മുള്ള ഒരു ശിശു​വി​ന്റെ മാതാ​വാ​യി​രു​ന്നി​ട്ടും.

മാർച്ച്‌ 20-ന്‌ ഒരു ജനക്കൂട്ടം വടിക​ളും പന്തങ്ങളു​മേന്തി ചില വനിതാ​സാ​ക്ഷി​ക​ളു​ടെ വീടു​ക​ളിൽ കയറി അവരെ തല്ലുക​യും വീട്ടിൽനിന്ന്‌ ഓടി​ക്കു​ക​യും ചെയ്‌തു. ആക്രമി​ക്ക​പ്പെ​ട്ട​വ​രിൽ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിച്ചി​രുന്ന 75 വയസ്സുള്ള ഒരു സ്‌ത്രീ​യും 14 വയസ്സിൽ താഴെ​യുള്ള പല ബാലി​ക​മാ​രും ഉണ്ടായി​രു​ന്നു!

ന്യാബി​ഹം​ഗാ പ്രൈ​മ​റി​സ്‌ക്കൂൾ ഡയറക്ട​റായ പിയെരെ കിബിനാ-കൻവാ രാഷ്‌ട്ര​ത്തി​ന്റെ പതാകയെ വന്ദിക്കാൻ സാക്ഷി​ക​ളായ സ്‌ക്കൂൾ കുട്ടി​കളെ നിർബ​ന്ധി​ച്ചു. അതു സാധി​ക്കാ​ഞ്ഞ​പ്പോൾ അയാൾ അവരെ ഇറക്കി​വി​ട്ടു. ആ പട്ടണത്തി​ലെ 22 സാക്ഷികൾ തങ്ങൾക്കു​ള്ള​തെ​ല്ലാം പിമ്പിൽ വിട്ടിട്ട്‌ ഓടാൻ നിർബ​ന്ധി​ത​രാ​യി. അറസ്‌റ​റു​ചെ​യ്യ​പ്പെ​ട്ട​വ​രിൽ ഇൻഡയാ​സെം​ഗാ ലിയോ​നി​ഡാസ്‌, കാനി​യാം​ബോ ലീയാർഡ്‌, ഇൻടാ​ഹോർവാ​മാ​മി​യെ അബേദ്‌നെ​ഗോ, ബാങ്കാം​ഗു​മു​രു​ണ്ടി പി., കാഷി ഗ്രി​ഗോ​യിർ, ഇംഭോ​നി​ഹാ​കു​യെ താടി എന്നിവ​രു​ണ്ടാ​യി​രു​ന്നു.

ബുജും​ബു​രാ പ്രവിശ്യ: മുഹുട്ടാ, നാഹി​മനാ മക്കയർ സമുദാ​യ​ത്തി​ന്റെ ഭരണാ​ധി​പൻ കാവുൻസോ വിൻസൻറ്‌, ഇൻഡാ​ബ​സാ​നി​യെ സിൽവെ​സ്‌ററർ, ഇൻഡി​സ്‌വി-ഇൻസാ​നി​യെ എന്നിവരെ ഒരു മീററിം​ഗി​നു വരുത്തി—എല്ലാവ​രും സാക്ഷി​കൾതന്നെ. അവി​ടെ​വെച്ച്‌ അദ്ദേഹം 1988 ആഗസ്‌റ​റിൽ നടന്ന ഒരു വംശക​ലാ​പ​ത്തിൽ അവർ ഉൾപ്പെ​ട്ടി​രു​ന്ന​താ​യി ആരോ​പി​ച്ചു. വ്യക്തമാ​യും യഹോ​വ​യു​ടെ സാക്ഷികൾ ഉൾപ്പെ​ട്ടി​രു​ന്നി​ല്ലെ​ങ്കി​ലും പ്രഹര​ങ്ങ​ളും അറസ്‌റ​റു​ക​ളും തുടർന്നു​ണ്ടാ​യി.

ബുബൻസാ പ്രവിശ്യ: ബൈബിൾസാ​ഹി​ത്യം കൈവ​ശം​വെ​ച്ചു​കൊ​ണ്ടി​രു​ന്ന​തു​കൊ​ണ്ടു​മാ​ത്രം രണ്ടു സാക്ഷികൾ അറസ്‌റ​റ്‌ചെ​യ്യ​പ്പെട്ടു. പാർട്ടി​സ​ല്യൂട്ട്‌ നടത്താൻ അവർ വിസമ്മ​തി​ച്ച​പ്പോൾ ഗവർണർ കിംബു​സാ ബാൾത്തസർ അവരെ ഒരു മിലി​ട്ടറി ക്യാമ്പി​ലേക്ക്‌ അയപ്പിച്ചു. അവിടെ അവരുടെ വിരലു​കൾ തകർത്തു​കൊണ്ട്‌ അവരെ ദണ്ഡിപ്പി​ച്ചു.

നിങ്ങൾക്ക്‌ എന്തു ചെയ്യാൻ കഴിയും?

ഈ അപമര്യാ​ദ​ക​ളിൽ അധിക​വും നടന്നി​രി​ക്കു​ന്നത്‌ വിദേശ നിരീ​ക്ഷ​ക​രു​ടെ ദൃഷ്ടി​യിൽനിന്ന്‌ അകന്ന്‌ ഉൾപ്ര​ദേ​ശ​ത്താണ്‌. എന്നിരു​ന്നാ​ലും, ഈ ലേഖന​ത്തി​ന്റെ 1 കോടി 30 ലക്ഷത്തി​ല​ധി​കം പ്രതികൾ 105 ഭാഷക​ളിൽ ലോക​ത്തി​ലെ​ങ്ങു​മാ​യി വിതരണം ചെയ്യ​പ്പെ​ടും. ബറുണ്ടി​യി​ലെ ക്രൂര​തകൾ മേലാൽ രഹസ്യ​മാ​യി​രി​ക്കു​ക​യില്ല. മനുഷ്യാ​വ​കാ​ശ​ത്തി​ന്റെ ഇത്തരം കുപ്ര​സി​ദ്ധ​മായ ലംഘന​ങ്ങ​ളിൽ സമാധാ​ന​പ്രേ​മി​ക​ളായ ആളുകൾ ഞെട്ടി​പ്പോ​കും—ഈ അവകാ​ശ​ങ്ങൾക്കു​വേണ്ടി ആയിര​ക്ക​ണ​ക്കിന്‌ ആഫ്രി​ക്ക​ക്കാർ പോരാ​ടി​യി​ട്ടുണ്ട്‌.

അങ്ങനെ മതസ്വാ​ത​ന്ത്ര്യ​വാ​ഗ്‌ദാ​നം പാലി​ക്കാ​ത്ത​തിൽ ബറുണ്ടി വളരെ​യ​ധി​കം അപകടം വരുത്തി​ക്കൂ​ട്ടു​ക​യാണ്‌. അത്‌ കഠിനാ​ദ്ധ്വാ​ന​ത്താൽ നേടിയ പുരോ​ഗ​തി​യു​ള്ള​തും കഠിനാ​ദ്ധ്വാ​നം​ചെ​യ്യു​ന്ന​തു​മായ ഒരു ജനതയെന്ന കീർത്തി​യെ നഷ്ടപ്പെ​ടു​ത്തു​ന്ന​തി​ന്റെ അപകട​മുണ്ട്‌. മതഭ്രാ​ന്തു​പി​ടിച്ച മതപീ​ഡകർ എന്നു വീക്ഷി​ക്ക​പ്പെ​ടു​ന്ന​തി​ന്റെ ബാദ്ധ്യത ബറുണ്ടി ആഗ്രഹി​ക്കു​ന്നു​ണ്ടോ? ഇല്ലെന്ന്‌ ഞങ്ങൾ വിചാ​രി​ക്കു​ന്നു. പ്രസി​ഡണ്ട്‌ ബുയോ​യാ തന്റെ ഉപദേ​ശ​ക​രാൽ വഴി​തെ​റ​റി​ക്ക​പ്പെട്ട്‌ ഹീനമാ​യി തെററി​ദ്ധ​രി​ച്ചി​രി​ക്കു​ന്നു​വെന്ന്‌ ഊഹി​ക്കാ​നേ ഞങ്ങൾക്കു കഴിയു​ന്നു​ള്ളു.

യഹോ​വ​യു​ടെ സാക്ഷി​കൾക്കെ​തി​രെ ഉന്നയി​ച്ചി​രി​ക്കുന്ന ആരോ​പ​ണങ്ങൾ യുക്തി​ഹീ​ന​മായ വികാ​രങ്ങൾ ആളിക്ക​ത്തി​ക്കാൻ ഉദ്ദേശി​ച്ചുള്ള വിഡ്‌ഢി​ത്ത​മായ വ്യാജങ്ങൾ മാത്ര​മാണ്‌. യഹോ​വ​യു​ടെ സാക്ഷികൾ ബറുണ്ടി​യി​ലെ ഗവൺമെൻറി​നോ മറേറ​തെ​ങ്കി​ലും ഗവൺമെൻറി​നോ സുരക്ഷി​ത​ത്വ​ഭീ​ഷ​ണി​യല്ല. അവർ ദേശീയ ചിഹ്നങ്ങളെ ആദരി​ക്കുന്ന സമാധാ​ന​കാം​ക്ഷി​ക​ളും നിയമ​മ​നു​സ​രി​ക്കു​ന്ന​വ​രു​മാണ്‌. കിംവ​ദ​ന്തി​ക്കു വിപരീ​ത​മാ​യി ഏതെങ്കി​ലും രൂപത്തിൽ രക്തം കയററാൻ അവർ തികച്ചും വിസമ്മ​തി​ക്കു​ന്നു—അവരുടെ ജീവൻ അപകട​ത്തി​ലാ​യി​രി​ക്കു​മ്പോൾപോ​ലും.—പ്രവൃ​ത്തി​കൾ 15:28, 29.

അതു​കൊണ്ട്‌ ലോക​മാ​സ​ക​ല​മുള്ള സത്യ​ക്രി​സ്‌ത്യാ​നി​കൾ ബറുണ്ടി​യി​ലെ തങ്ങളുടെ സഹോ​ദ​രൻമാർക്കു​വേണ്ടി ഒററ​ക്കെ​ട്ടാ​യി പ്രാർത്ഥി​ക്കും. (1 തിമൊ​ഥെ​യോസ്‌ 2:1, 2) അനേകം വായന​ക്കാ​രും മതപീ​ഡനം അവസാ​നി​പ്പി​ക്ക​ണ​മെ​ന്നും യഹോ​വ​യു​ടെ സാക്ഷി​കൾക്ക്‌ ഒരു സ്ഥാപി​ത​മ​ത​മെ​ന്ന​നി​ല​യിൽ ഔദ്യോ​ഗിക അംഗീ​കാ​രം കൊടു​ക്ക​ണ​മെ​ന്നും ആദരപൂർവം അഭ്യർത്ഥി​ച്ചു​കൊണ്ട്‌ പ്രസി​ഡണ്ട്‌ പിയെരേ ബുയോ​യക്ക്‌ നേരിട്ട്‌ എഴുതാ​നും പ്രേരി​പ്പി​ക്ക​പ്പെ​ടും. ലോക​ത്തി​ന്റെ ദൃഷ്‌ടി​യിൽ മാന്യത വീണ്ടെ​ടു​ക്ക​ണ​മെ​ങ്കിൽ ബറുണ്ടി ന്യായ​ബോ​ധ​ത്തിന്‌ വഴങ്ങേ​ണ്ട​താണ്‌. (w89 8/15)

His Excellency Major Pierre Buyoya

President of the Republic of Burundi

Bujumbura

REPUBLIC OF BURUNDI

[8-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക]

റുവാണ്ടാ

സയർ

ബറുണ്ടി

ററാൻസാനിയാ

താങ്കനീക്കാ തടാകം