അനേകം വെള്ളങ്ങ​ളു​ടെ ഗ്രാമം സത്യം​കൊ​ണ്ടു നിറയു​ന്നു

എത്ര വിചി​ത്രം! അനേകം വെള്ളങ്ങൾക്കു കീർത്തി​പ്പെട്ട നാടു ദാഹത്താൽ വലയുന്നു! നല്ല നീരോ​ട്ട​മുള്ള പ്രദേശം ഉണങ്ങി വരണ്ടി​രി​ക്കു​ന്നു! ദൈവ​ത്തി​ന്റെ വചനമായ ബൈബി​ളിൽനി​ന്നുള്ള സത്യത്തി​ന്റെ ജലത്താൽ മാത്രം ശമിപ്പി​ക്ക​പ്പെ​ടാ​വുന്ന ദാഹമാണ്‌ അത്‌. ബെയ്‌റൂ​ട്ടിൽ നിന്നു 130 കിലോ​മീ​ററർ അകലെ വടക്കൻ ലെബാ​നോ​നി​ലെ പർവ്വത​ങ്ങ​ളിൽ സ്ഥിതി ചെയ്യുന്ന 2,200 നിവാ​സി​ക​ളുള്ള റാബേ എന്ന കൊച്ചു ഗ്രാമ​ത്തി​ന്റെ കഥയാ​ണത്‌.

അറബി ഭാഷയിൽ റാബേ എന്ന പേരിന്റെ അർത്ഥം “വിശാ​ല​മായ സ്ഥലം” എന്നാണ്‌, “വിസ്‌തൃത, തുറസ്സായ” എന്ന്‌ അർത്ഥമുള്ള ഒരു ശേമ്യ മൂലത്തിൽ നിന്നാണ്‌ അതു വന്നിട്ടു​ള്ളത്‌. ഉചിത​മാ​യി, സമു​ദ്ര​നി​ര​പ്പിൽനിന്ന്‌ ഏതാണ്ട്‌ 600 മീററർ ഉയരമുള്ള രണ്ടു വലിയ കുന്നു​ക​ളി​ലാ​യി ആ ഗ്രാമം വ്യാപി​ച്ചു കിടക്കു​ന്നു. ശീതകാ​ല​ത്തും വസന്തകാ​ല​ത്തും രംഗത്തി​നു ഗാംഭീ​ര്യം പകർന്നു​കൊ​ണ്ടു കിഴക്കു മാറി​യുള്ള പർവ്വത ശിഖരങ്ങൾ മഞ്ഞു തൊപ്പി​ക​ള​ണി​യു​ന്നു. എന്നാൽ എല്ലാറ​റി​ലു​മു​പരി റാബേ അനേകം വെള്ളങ്ങ​ളു​ടെ ഒരു ഗ്രാമ​മാണ്‌. ആ പ്രദേ​ശത്തു ചെറു​തും വലുതു​മാ​യി 360 നീരു​റ​വു​ക​ളുണ്ട്‌. അവ ചുററു​മുള്ള താഴ്‌വ​ര​ക​ളി​ലെ ഗോതമ്പ്‌, ആഫ്രി​ക്കാട്ട്‌, സബർജല്ലി, പീച്ചസ്‌, മുന്തിരി എന്നിവ വളരുന്ന ഫലഭൂ​യി​ഷ്‌ഠ​മായ വയലു​കൾക്കു വേണ്ട വിലപ്പെട്ട ജലം പ്രദാനം ചെയ്യുന്നു.

ഭൂത, വർത്തമാന കാലങ്ങൾ റാബേ​യിൽ ഒത്തു​ചേ​രു​ന്നു

പല സംഗതി​ക​ളി​ലും റാബേ​യിൽ കാര്യങ്ങൾ ബൈബിൾ കാലങ്ങ​ളി​ലേ​തിൽനി​ന്നു മാററ​മി​ല്ലാ​തെ തുടരു​ന്നു. ഗ്രാമ​ങ്ങ​ളി​ലെ വീടുകൾ ഒന്നോ​ടൊ​ന്നു ചേർന്നാ​ണി​രി​ക്കു​ന്നത്‌. തെരു​വു​കൾ ഇടുങ്ങി​യ​തും വളഞ്ഞു​പു​ളഞ്ഞു പോകു​ന്ന​തും കഴുത​ക​ളും കന്നുകാ​ലി​ക​ളും നിറഞ്ഞ​വ​യു​മാണ്‌. ചില മോ​ട്ടോർവാ​ഹ​ന​ങ്ങ​ളു​ണ്ടെ​ങ്കി​ലും അവ മൃഗങ്ങൾക്കു വഴിമാ​റേ​ണ്ടി​യി​രി​ക്കു​ന്നു. ഒട്ടുമി​ക്ക​പ്പോ​ഴും ഈ വാഹന​മൃ​ഗ​ങ്ങ​ളു​ടെ ഉടമകൾ വയലിൽ നിന്നുള്ള സാധനങ്ങൾ അവയുടെ മുതു​കത്തു കയററി അവയെ തനിയെ വീടു​ക​ളി​ലേക്ക്‌ അയയ്‌ക്കു​ന്നു. അവ തിരക്കുള്ള ഇടുങ്ങിയ തെരു​വു​ക​ളി​ലൂ​ടെ ഉന്തിത്തള്ളി അവയുടെ വീട്ടി​ലെ​ത്തി​ച്ചേ​രു​ന്നു. “കാള തന്റെ ഉടയവ​നെ​യും കഴുത തന്റെ യജമാ​നന്റെ പുല്‌തൊ​ട്ടി​യെ​യും അറിയു​ന്നു” എന്നു പറഞ്ഞ​പ്പോൾ യെശയ്യാ​വി​ന്റെ മനസ്സി​ലു​ണ്ടാ​യി​രു​ന്ന​തി​നോ​ടു സമാന​മാ​യി​രി​ക്കു​മോ ഇത്‌?—യെശയ്യാ​വു 1:3.

റാബേ വൈപ​രീ​ത്യ​ങ്ങ​ളു​ടെ ഒരു സ്ഥലവും കൂടെ​യാണ്‌. യൂണി​വേ​ഴ്‌സി​ററി ബിരു​ദ​ധാ​രി​ക​ളെ​യും ഒരിക്ക​ലും ഒരു നഗരത്തിൽ പോയി​ട്ടി​ല്ലാത്ത സാധു കൃഷീ​വ​ലൻമാ​രെ​യും നിങ്ങൾ ഇവിടെ കാണും. ചുററും പൂന്തോ​ട്ട​ങ്ങ​ളുള്ള മനോഹര മന്ദിര​ങ്ങ​ളും വളർത്തു മൃഗങ്ങൾ യഥേഷ്ടം കയറി​യി​റ​ങ്ങുന്ന കൊച്ചു കുടി​ലു​ക​ളും ഇവി​ടെ​യുണ്ട്‌. എല്ലാ ഭവനങ്ങ​ളി​ലും തന്നെ വൈദ്യു​ത ഉപകര​ണങ്ങൾ ഉണ്ട്‌, എന്നാൽ വിദ്യു​ച്ഛക്തി എല്ലായ്‌പ്പോ​ഴും ലഭ്യമല്ല. അതു​കൊ​ണ്ടു പല ഭവനങ്ങൾക്കും ജനറേ​റ​റ​റു​ക​ളുണ്ട്‌. ഗ്രാമ​ത്തി​ലെ പ്രധാന തെരു​വീ​ഥി​കൾ കല്ലുപാ​കി​യ​വ​യാണ്‌. എന്നാൽ വയലി​ലേ​ക്കുള്ള മിക്ക വഴിക​ളും കല്ലു പാകാ​ത്ത​തും കുണ്ടും കുഴി​യും നിറഞ്ഞ​തും ആണ്‌. അതു​കൊ​ണ്ടു വയലിൽനി​ന്നു ഉൽപ്പന്നങ്ങൾ വഹിച്ചു​കൊ​ണ്ടു​വ​രാ​നുള്ള ഏകമാർഗ്ഗം വളർത്തു മൃഗങ്ങ​ളാണ്‌. വയലിൽ മൃഗങ്ങ​ളോ​ടൊ​പ്പം പണിക്കു​പ​യോ​ഗി​ക്കുന്ന യന്ത്രങ്ങൾ പ്രവർത്തി​പ്പി​ക്കാൻ വേണ്ടി​യുള്ള ഒരു ജനറേ​ററർ ഒരു കഴുത ചുമന്നു കൊണ്ടു​പോ​കു​ന്ന​തു​പോ​ലും നിങ്ങൾ കണ്ടേക്കാം.

അതു​പോ​ലെ ഗ്രാമ​ത്തി​ലെ ജീവി​ത​രീ​തി​ക്കും കാര്യ​മായ മാററം വന്നിട്ടില്ല. നിങ്ങൾ ഗ്രാമ​ത്തിൽ രാത്രി ചെലവ​ഴി​ക്കു​ക​യാ​ണെ​ങ്കിൽ വെളു​പ്പി​നു രണ്ടുമ​ണി​ക്കോ മൂന്നു​മ​ണി​ക്കോ കോഴി​കൂ​വു​ന്ന​തു​കേട്ടു നിങ്ങൾ ഉണർന്നേ​ക്കാം. ദിനച​ര്യ​കൾ വളരെ നേരത്തേ ആരംഭി​ക്കു​ന്ന​തി​നാൽ മൃഗങ്ങളെ പണിക്കു കൊണ്ടു​പോ​കുന്ന തിരക്കിൽ ഇരുട്ടത്ത്‌ ആളുകൾ അന്യോ​ന്യം കൂവി വിളി​ക്കു​ന്നതു കേട്ടാൽ അതിൽ അതിശ​യി​ക്കേ​ണ്ട​തില്ല. പ്രഭാതം പൊട്ടി​വി​ട​രു​മ്പോൾതന്നെ അനേകം ഗ്രാമീ​ണർ ഭാരം കയററിയ മൃഗങ്ങ​ളെ​യും കൊണ്ടു വയലി​ലേ​ക്കോ തങ്ങളുടെ ഉൽപ്പന്നങ്ങൾ വിററ​ഴി​ക്കാൻ ചന്തസ്ഥല​ത്തേ​ക്കോ പോകു​ന്നതു നിങ്ങൾക്കു കാണാൻ കഴിയും.

പ്രഭാ​ത​മാ​യി​ക്ക​ഴി​ഞ്ഞാൽ കൊച്ച്‌ ആൺകു​ട്ടി​ക​ളും പെൺകു​ട്ടി​ക​ളും തെരു​വു​ക​ളി​ലും പൊതു സ്ഥലങ്ങളി​ലും കളിക​ളിൽ ഏർപ്പെ​ടു​ന്നു. അവരുടെ അട്ടഹാ​സ​ങ്ങ​ളും പൊട്ടി​ച്ചി​രി​ക​ളും അന്തരീ​ക്ഷത്തെ നിറക്കു​ന്നു, ഏറെയും സെഖര്യാവ്‌ പ്രവാ​ചകൻ വർണ്ണിച്ച പുരാതന യെരൂ​ശ​ലേ​മി​ലെ അവസ്ഥ​പോ​ലെ തന്നെ: “നഗരത്തി​ന്റെ വീഥികൾ ആൺകു​ട്ടി​ക​ളെ​യും പെൺകു​ട്ടി​ക​ളെ​യും കൊണ്ടു നിറഞ്ഞി​രി​ക്കും; അവർ അതിന്റെ വീഥി​ക​ളിൽ കളിച്ചു​കൊ​ണ്ടി​രി​ക്കും.” (സെഖര്യാ​വു 8:5) ഗ്രാമ​വാ​സി​കൾ അങ്ങേയ​ററം സൗഹൃ​ദ​ഭാ​വ​മു​ള്ള​വ​രും ജിജ്ഞാ​സു​ക്ക​ളു​മാ​ണെന്നു നിങ്ങൾ കണ്ടെത്തും. നിങ്ങൾ ആരാണ്‌, എവി​ടെ​നി​ന്നാണ്‌, എന്തിന്‌ വന്നു, എങ്ങോട്ടു പോകു​ന്നു എന്നെല്ലാം അറിയാൻ ആഗ്രഹ​മു​ള്ള​തി​നാൽ കണ്ടുമു​ട്ടുന്ന ഗ്രാമീ​ണ​രെ​യെ​ല്ലാം നിങ്ങൾ അഭിവാ​ദ്യം ചെയ്യാൻ അവർ പ്രതീ​ക്ഷി​ക്കു​ന്നു. ആളുകൾ അന്യോ​ന്യം വളരെ നന്നായി പരിച​യ​പ്പെ​ടു​ന്നു.

സത്യത്തി​ന്റെ ജലം റാബേ​യി​ലെ​ത്തു​ന്നു

ആളുകൾ അടുത്തി​ട​പ​ഴ​കുന്ന അത്തര​മൊ​രു സമൂഹ​ത്തിൽ വാർത്തകൾ പെട്ടെന്നു പ്രചരി​ക്കു​ന്നു. ആയിര​ത്തി​ത്തൊ​ള്ളാ​യി​ര​ത്തി​ഇ​രു​പ​ത്തി​മൂ​ന്നിൽ ആസാദ്‌ യൂനിസ്‌ ഐക്യ​നാ​ടു​ക​ളിൽ നിന്നു റാബേ​യിൽ മടങ്ങി​യെ​ത്തി​യ​പ്പോൾ സംഭവി​ച്ചത്‌ അതായി​രു​ന്നു. അമേരി​ക്ക​യിൽ ആസാദ്‌ ഒരു സമ്പന്നനാ​യി​ത്തീർന്നോ എന്നറി​യാൻ വേണ്ടി അയാളു​ടെ സുഹൃത്ത്‌ അബ്ദള്ള ബ്‌ലേൽ അയാളെ കാണാൻ ചെന്നു. പണത്തെ​പ്പ​ററി സംസാ​രി​ക്കു​ന്ന​തി​നു പകരം ദൈവ​ത്തി​ന്റെ കിന്നരം എന്ന പുസ്‌ത​ക​ത്തി​ന്റെ ഒരു പ്രതി വച്ചുനീ​ട്ടി​ക്കൊണ്ട്‌ ആസാദ്‌ അയാ​ളോ​ടു പറഞ്ഞു: “ഇതാണ്‌ യഥാർത്ഥ ധനം.” നേരത്തെ ഒരു പ്രോ​ട്ട​സ്‌റ​റൻറു​കാ​ര​നാ​യി​രുന്ന അബ്ദള്ള ആ ബൈബി​ള​ധി​ഷ്‌ഠിത പ്രസി​ദ്ധീ​ക​രണം വായി​ക്കു​ക​യും അത്‌ അയാളിൽ വലിയ മതിപ്പ്‌ ഉളവാ​ക്കു​ക​യും ചെയ്‌തു. അതിലെ വിവരങ്ങൾ സംബന്ധിച്ച്‌ ആസാദ്‌ അധിക​മൊ​ന്നും ചെയ്‌തി​ല്ലെ​ങ്കി​ലും അബ്ദള്ളക്ക്‌ താൻ പഠിച്ച കാര്യങ്ങൾ സംബന്ധി​ച്ചു വലിയ ഉത്സാഹം തോന്നു​ക​യും താൻ സത്യം കണ്ടെത്തി​യ​താ​യി അയാൾ തുറന്നു സമ്മതി​ക്കു​ക​യും ചെയ്‌തു.

കുറച്ചു നാളു​കൾക്കു​ശേഷം അബ്ദള്ള വടക്കൻ ലെബ​നോ​നി​ലെ പ്രമുഖ നഗരമായ ട്രി​പ്പോ​ളി​യി​ലേക്കു താമസം മാററി. അവിടെ അയാൾക്കു പല ബൈബിൾ വിദ്യാർത്ഥി​ക​ളു​മാ​യി—യഹോ​വ​യു​ടെ സാക്ഷികൾ അന്ന്‌ അറിയ​പ്പെ​ട്ടി​രു​ന്നത്‌ അങ്ങനെ​യാ​യി​രു​ന്നു—ബന്ധപ്പെ​ടാ​നും തന്റെ ബൈബിൾ പഠനത്തിൽ പുരോ​ഗതി നേടാ​നും കഴിഞ്ഞു. പിന്നീട്‌ താൻ പഠിച്ച സുവാർത്ത പ്രചരി​പ്പി​ക്കാൻ വേണ്ടി അയാൾ റാബേ​യി​ലേക്കു മടങ്ങി വന്നു. ത്രിത്വം, മനുഷ്യന്‌ ഒരു അമർത്ത്യ ദേഹി​യു​ണ്ടോ, നരകാഗ്നി, പൗരോ​ഹി​ത്യം, കുർബ്ബാന, പ്രതി​മ​ക​ളു​ടെ ഉപയോ​ഗം എന്നിവ​പോ​ലുള്ള വിഷയ​ങ്ങ​ളെ​ക്കു​റി​ച്ചു അയാൾ തന്റെ ഗ്രാമ​ത്തി​ലെ ആളുക​ളു​മാ​യി ചർച്ചക​ളിൽ ഏർപ്പെ​ടു​ക​യും ബൈബിൾ യഥാർത്ഥ​ത്തിൽ പഠിപ്പി​ക്കുന്ന ആശയങ്ങൾ അവരു​മാ​യി പങ്കുവ​യ്‌ക്കു​ക​യും ചെയ്യു​മാ​യി​രു​ന്നു.

ഗ്രാമ​വാ​സി​ക​ളിൽ ചിലർ താത്‌പ​ര്യം പ്രകട​മാ​ക്കി. അവരിൽ മൂന്നു​നാ​ലു​പേർ പ്രസം​ഗ​വേ​ല​യിൽ അബ്ദള്ള​യോ​ടു ചേർന്നു. പിന്നീട്‌ അവർ ഞായറാ​ഴ്‌ച​ക​ളിൽ മീററിം​ഗു​കൾ നടത്താൻ തുടങ്ങി. അതിൽ ഒരു ഫോ​ണോ​ഗ്രാ​ഫിൽ റിക്കാർഡ്‌ ചെയ്‌ത ഒരു പ്രസംഗം അല്ലെങ്കിൽ ഒരു ബൈബിൾഭാ​ഗ​ത്തി​ന്റെ വായന ശ്രദ്ധി​ക്കു​ന്ന​തും അതേത്തു​ടർന്ന്‌ അവർ കേട്ട കാര്യ​ങ്ങ​ളെ​പ്പ​റ​റി​യുള്ള ഒരു ചർച്ചയു​മാണ്‌ ഉൾപ്പെ​ട്ടി​രു​ന്നത്‌. പിന്നീട്‌ ദൈവ​ത്തി​ന്റെ കിന്നരം, ധനം “ദൈവം സത്യവാൻ” എന്നീ പുസ്‌ത​കങ്ങൾ ഉൾപ്പെ​ടെ​യുള്ള ബൈബിൾ പഠന സഹായി​കൾ ഉപയോ​ഗി​ക്ക​പ്പെട്ടു. ഒരിക്ക​ലും പത്തു​പേ​രി​ല​ധി​കം ഹാജരാ​യില്ല, മിക്കവ​രു​ടേ​തും താത്‌പ​ര്യ​ത്തേ​ക്കാ​ള​ധി​കം ജിജ്ഞാ​സ​യാ​യി​രു​ന്നു. ചിലർ മീററിം​ഗി​ന്റെ അവസാനം വിളമ്പിയ ഭക്ഷണത്തി​നാ​യി വന്നു​വെന്നു തോന്നി.

ആയിര​ത്തി​ത്തൊ​ള്ളാ​യി​ര​ത്തി​നാൽപ്പ​തു​ക​ളിൽ റാബേ​യി​ലെ ഗ്രൂപ്പി​ന്റെ ചുമതല അബ്‌ദള്ള ബ്‌ലേ​ലി​നു നൽക​പ്പെട്ടു. അദ്ദേഹം മററു​ള്ള​വർക്കു നല്ല മാതൃക വച്ചു​കൊ​ണ്ടു യഹോ​യു​ടെ ഉത്സാഹ​വും വിശ്വ​സ്‌ത​ത​യു​മുള്ള ഒരു ദാസനാ​ണെന്നു തെളി​യി​ച്ചു. അവരിൽ ഒരാൾ മത്താർ സഹോ​ദരൻ, തങ്ങൾ പ്രസം​ഗ​വേല നിർവ്വ​ഹിച്ച വിധം അനുസ്‌മ​രി​ക്കു​ന്നു: “അന്നു കാറു​ക​ളി​ല്ലാ​ത്ത​തി​നാൽ ബ്‌ലേൽ സഹോ​ദ​ര​നും ഞാനും​കൂ​ടെ സമീപ​ത്തുള്ള ഗ്രാമ​ങ്ങ​ളിൽ സാക്ഷീ​ക​ര​ണ​ത്തി​നു കാൽന​ട​യാ​യി പോയി. ഞാൻ ഫോ​ണോ​ഗ്രാഫ്‌ ചുമന്നു, ബ്‌ലേൽ സഹോ​ദരൻ സംസാ​ര​ത്തിൽ നേതൃ​ത്വ​മെ​ടു​ത്തു. രണ്ടു മൂന്നു ദിവസത്തെ പ്രവർത്തനം കഴിഞ്ഞാ​ണു ഞങ്ങൾ സാധാ​ര​ണ​യാ​യി വീട്ടിൽ മടങ്ങി​യെ​ത്തി​യി​രു​ന്നത്‌.” ആയിര​ത്തി​ത്തൊ​ള്ളാ​യി​രത്തി എഴുപ​ത്തി​യൊൻപ​തിൽ 98-ാമത്തെ വയസ്സിൽ മരിക്കു​ന്ന​തു​വരെ ബ്‌ലേൽ സഹോ​ദരൻ വിശ്വ​സ്‌ത​ത​യോ​ടെ യഹോ​വയെ സേവിച്ചു.

പുരോ​ഗതി എതിർപ്പി​നി​ട​യാ​ക്കു​ന്നു

വേല പുരോ​ഗ​മി​ച്ച​പ്പോൾ സഹോ​ദ​ര​ങ്ങൾക്ക്‌ എതിർപ്പ്‌ അനുഭ​വ​പ്പെ​ട്ടു​തു​ടങ്ങി. ആയിര​ത്തി​ത്തൊ​ള്ളാ​യി​രത്തി അൻപതിൽ ഗ്രാമ​ത്തി​ലെ പുരോ​ഹി​തന്റെ പ്രേര​ണ​യാൽ റാബേ​യി​ലെ സഹോ​ദ​ര​ങ്ങൾക്കെ​തി​രെ പീഡനം ആരംഭി​ച്ചു. സഹോ​ദ​രങ്ങൾ ദേവാ​ലയം അശുദ്ധ​മാ​ക്കി​യ​താ​യും ദൈവ​ദോ​ഷം ചെയ്‌ത​താ​യും പുരോ​ഹി​തൻ ആരോ​പി​ച്ചു. ഗ്രാമീ​ണ​രിൽ ചിലർ വളരെ കോപി​ഷ്‌ഠ​രാ​യി​ത്തീർന്ന​തി​നാൽ അവർ സഹോ​ദ​രൻമാ​രെ കല്ലെറി​ഞ്ഞു, ചില സഹോ​ദ​രൻമാർ അറസ്‌ററ്‌ ചെയ്യ​പ്പെ​ടു​ക​യും ജയിലിൽ അടയ്‌ക്ക​പ്പെ​ടു​ക​യും ചെയ്‌തു. എന്നാൽ പിന്നീ​ടുള്ള അന്വേ​ഷ​ണ​ങ്ങ​ളിൽ ആ ആരോ​പ​ണങ്ങൾ വ്യാജ​മാ​ണെന്നു തെളിഞ്ഞു. എന്നിട്ടും സഹോ​ദ​രങ്ങൾ പല ദിവസങ്ങൾ ജയിലിൽ കഴി​യേ​ണ്ടി​വന്നു.

തുടർച്ച​യാ​യി തങ്ങളുടെ ഭവനങ്ങൾ സന്ദർശി​ച്ചു തങ്ങളെ ശല്യം ചെയ്യു​ന്ന​തുൾപ്പെടെ അനേകം കാര്യങ്ങൾ സംബന്ധി​ച്ചു സഹോ​ദ​ര​ങ്ങളെ കുററ​പ്പെ​ടു​ത്തുന്ന ഒരു പരാതി​യിൽ ഗ്രാമ​വാ​സി​ക​ളെ​ക്കൊണ്ട്‌ ഒപ്പിടു​വി​ക്കാൻ മറെറാ​രു എതിർപ്പു​കാ​രൻ ശ്രമിച്ചു. ആ ഗ്രാമീ​ണ​രിൽ ചിലർക്കു നന്നായി വായി​ക്കാൻ അറിയി​ല്ലാ​യി​രു​ന്നി​രി​ക്കണം. കൂടു​ത​ലാ​ളു​ക​ളെ​ക്കൊണ്ട്‌ ആ കടലാ​സ്സിൽ ഒപ്പിടു​വി​ക്കു​വാൻ വേണ്ടി ഒരു ജോലി​ക്കാ​രനെ ആ ഗ്രാമ​ത്തി​ലേക്കു തിരിച്ചു വരുത്താൻ വേണ്ടി​യുള്ള അപേക്ഷ​യാ​ണ​തെന്ന്‌ അയാൾ അവരോ​ടു പറഞ്ഞു. അതു യഥാർത്ഥ​ത്തിൽ സാക്ഷി​കൾക്കെ​തി​രെ ഒരു ആരോ​പ​ണ​മാ​ണെന്നു മനസ്സി​ലാ​ക്കി​യ​പ്പോൾ അവർ അവരുടെ ഒപ്പുകൾ മായി​ച്ചു​ക​ളഞ്ഞു. ഇതു​പോ​ലെ​യുള്ള സംഭവങ്ങൾ ആ പ്രദേ​ശത്തെ ഉദ്യോ​ഗ​സ്ഥൻമാർക്ക്‌ ഒരു നല്ല സാക്ഷ്യം നൽകു​ന്ന​തി​നു സഹായി​ച്ചു.

അത്തരം തുറന്ന എതിർപ്പു​കളെ നേരി​ടേണ്ടി വന്നതു​കൂ​ടാ​തെ സഹോ​ദ​രൻമാർ മറെറാ​രു തടസ്സവും അഭിമു​ഖീ​ക​രി​ക്കേണ്ടി വന്നു. എല്ലാവ​രും പരസ്‌പരം അറിയുന്ന ഒരു ചെറു​ഗ്രാ​മ​ത്തിൽ സദൃശ​വാ​ക്യ​ങ്ങൾ 29:25 ചൂണ്ടി​ക്കാ​ണി​ക്കുന്ന പ്രകാരം “മാനു​ഷ​ഭയം ഒരു കണി ആകുന്നു.” നിരന്തരം തങ്ങളെ വിമർശി​ക്കു​ക​യും പരിഹ​സി​ക്കു​ക​യും ചെയ്യുന്ന അയൽക്കാ​രോ​ടും സുഹൃ​ത്തു​ക്ക​ളോ​ടും ബന്ധുക്ക​ളോ​ടും പ്രസം​ഗി​ക്കാൻ ധൈര്യം ആവശ്യ​മാണ്‌. അങ്ങനെ മത്തായി 10:36-ലെ യേശു​വി​ന്റെ വാക്കു​കൾക്കു യഥാർത്ഥ അർത്ഥം കൈവ​രു​ന്നു: “മമനു​ഷ്യ​ന്റെ വീട്ടു​കാർ തന്നേ അവന്റെ ശത്രുക്കൾ ആകും.” എന്നിരു​ന്നാ​ലും ആ സദൃശ​വാ​ക്യം തുടർന്നു പറയു​ന്ന​തു​പോ​ലെ “യഹോ​വ​യിൽ ആശ്രയി​ക്കു​ന്ന​വ​നോ രക്ഷ പ്രാപി​ക്കും.” സഹോ​ദ​ര​ങ്ങ​ളു​ടെ വിശ്വാ​സ​വും സഹിഷ്‌ണു​ത​യും ശ്രദ്ധേ​യ​മായ ഫലങ്ങൾ ഉളവാ​ക്കി​യി​രി​ക്കു​ന്നു.

റാബേ​യിൽ സത്യം നിറയു​ന്നു

വർഷങ്ങ​ളി​ലൂ​ടെ ആ ഗ്രാമ​ത്തി​ലെ ആളുകൾ യഹോ​വ​യു​ടെ സാക്ഷി​ക​ളു​ടെ നല്ല പെരു​മാ​ററം വിലമ​തി​ക്കാ​നി​ട​യാ​കു​ക​യും അനേകർ സത്യം സ്വീക​രി​ക്കു​ക​യും ചെയ്‌തി​രി​ക്കു​ന്നു. ആയിര​ത്തി​ത്തൊ​ള്ളാ​യി​ര​ത്തി​അ​റു​പ​ത്തി​ഒൻപ​തിൽ റാബേ​യിൽ രണ്ടാമ​തൊ​രു സഭ സ്ഥാപി​ത​മാ​യ​പ്പോൾ സഹോ​ദ​രങ്ങൾ വളരെ​യ​ധി​കം സന്തോ​ഷി​ച്ചു. അവർ കഠിനാ​ദ്ധ്വാ​നം ചെയ്യു​ന്ന​തിൽ തുടർന്നു. അനേകർ മുഴു​സ​മ​യ​ശു​ശ്രൂഷ ഏറെറ​ടു​ത്തു, ചിലർ ബെയ്‌റൂട്ട്‌ നഗരം ഉൾപ്പെ​ടെ​യുള്ള മററു പ്രദേ​ശ​ങ്ങ​ളിൽ സേവി​ക്കു​ന്ന​തി​നു​വേണ്ടി അവിട​ങ്ങ​ളി​ലേക്കു മാറി​പാർക്കു​ക​പോ​ലും ചെയ്‌തു. യഹോവ അവരുടെ കഠിന​വേ​ലയെ അനു​ഗ്ര​ഹി​ക്കു​ക​യും 1983-ൽ റാബേ​യിൽ മൂന്നാ​മത്‌ ഒരു സഭ സ്ഥാപി​ക്ക​പ്പെ​ടു​ക​യും ചെയ്‌തു. അതേസ​മയം കൂടുതൽ സഹോ​ദ​രങ്ങൾ മററു പ്രദേ​ശ​ങ്ങ​ളി​ലേക്കു നീങ്ങു​ക​യോ നഗരങ്ങ​ളി​ലേക്കു മാറി​പ്പാർക്കു​ക​യോ ചെയ്‌തു. എന്നിട്ടും വളർച്ച തുടർന്നു, റാബേ​യിൽ നാലാ​മത്‌ ഒരു സഭ 1989-ലും അഞ്ചാമ​ത്തേത്‌ 1990-ലും രൂപീ​ക​രി​ക്ക​പ്പെട്ടു.

അപ്പോ​ഴേ​ക്കും ഗ്രാമ​ത്തി​ലെ ഏതാണ്ട്‌ എല്ലാ കുടും​ബ​ത്തി​നും സാക്ഷി​യായ ഒരു ബന്ധുവോ സുഹൃ​ത്തോ ഉണ്ടായി​രു​ന്നു. ഒരു കാലത്ത്‌ ഉണ്ടായി​രുന്ന ശത്രുത ശമിച്ചി​രു​ന്നു. ആളുകൾ സാക്ഷി​ക​ളു​മാ​യി കൂടുതൽ പരിച​യ​ത്തി​ലാ​യി. വാസ്‌ത​വ​ത്തിൽ “മൂപ്പൻ,” “പയണിയർ,” “സർക്കിട്ട്‌ മേൽവി​ചാ​രകൻ,” “സമ്മേളനം,” “അർമ്മ​ഗെ​ദ്ദോൻ” എന്നിങ്ങ​നെ​യുള്ള പദങ്ങൾ ഗ്രാമീ​ണ​രു​ടെ പദസഞ്ച​യ​ത്തി​ന്റെ ഭാഗമാ​യി​ത്തീർന്നു. സർക്കിട്ട്‌ മേൽവി​ചാ​ര​കന്റെ സന്ദർശ​ന​മോ സ്‌മാ​ര​ക​മോ പോലുള്ള വിശേ​ഷാ​വ​സ​ര​ങ്ങ​ളിൽ തെരു​വു​കൾ ശൂന്യ​മാ​വു​ക​യും രാജ്യ​ഹാ​ളു​കൾ നിറയു​ക​യും ചെയ്യു​മാ​യി​രു​ന്നു. ചില സഭകൾ അയൽക്കാ​രു​ടെ സൗകര്യ​ത്തി​നു​വേണ്ടി ബാൽക്ക​ണി​യിൽ ഉച്ചഭാ​ഷി​ണി ഘടിപ്പി​ക്കു​ക​പോ​ലും ചെയ്‌തു.

ഇപ്പോൾ റാബേ​യിൽ 250-തിലധി​കം രാജ്യ​പ്ര​സാ​ധ​ക​രുണ്ട്‌. അതിന്റെ അർത്ഥം ഗ്രാമ​ത്തി​ലെ 8 പേരിൽ ഒരാൾ വീതം സാക്ഷി​യാണ്‌ എന്നാണ്‌! അൻപത്തി​യൊന്ന്‌ പ്രസാ​ധ​ക​രുള്ള ഒരു സഭയുടെ പ്രവർത്തന പ്രദേ​ശത്ത്‌ 76 വീടു​ക​ളാ​ണു​ള്ളത്‌, ഓരോ വാരത്തി​ലും അവർ അതു പ്രവർത്തി​ച്ചു തീർക്കു​ന്നു. കഴിഞ്ഞ ഏപ്രിൽ, മേയ്‌ മാസങ്ങ​ളിൽ റാബേ​യി​ലുള്ള 13 സാധാരണ പയണി​യർമാ​രോ​ടൊ​പ്പം 250 പ്രസാ​ധ​ക​രിൽ 98 പേർ സഹായ​പ​യ​ണി​യ​റിംഗ്‌ നടത്തി​യ​പ്പോൾ സംഭവി​ച്ചത്‌ ഒന്നു ഭാവന​യിൽ കാണുക. ഓരോ വാരത്തി​ലും അനേക പ്രാവ​ശ്യം പ്രദേശം പ്രവർത്തി​ച്ചു തീർക്ക​പ്പെട്ടു. ഒരേ ദിവസം അല്ലെങ്കിൽ ഒരേ സമയം ഒരു വീട്ടിൽ രണ്ടോ മൂന്നോ ജോടി പ്രസാ​ധകർ സന്ദർശ​ന​ത്തി​നു ചെല്ലു​ന്നത്‌ അസാധാ​ര​ണ​മ​ല്ലാ​യി​രു​ന്നു. ഗ്രാമീ​ണ​രിൽ മിക്കവർക്കും ഈ സന്ദർശ​നങ്ങൾ ചിരപ​രി​ചി​ത​മാ​യി​ത്തീർന്നി​രി​ക്കു​ന്നു. ഒരു മനുഷ്യൻ പരാതി​പ്പെ​ട്ട​പ്പോൾ ഒരു പ്രസാ​ധകൻ മറുപടി പറഞ്ഞത്‌ ഇങ്ങനെ​യാ​യി​രു​ന്നു: “ബൈബിൾ പഠിക്കാ​നുള്ള ഞങ്ങളുടെ ക്ഷണം നിങ്ങൾ സ്വീക​രി​ച്ചാൽ പിന്നെ ഞങ്ങൾ നിങ്ങളെ വാരത്തിൽ ഒരിക്കലേ സന്ദർശി​ക്ക​യു​ള്ളു.” നിലം ഉഴുന്ന​വ​രും വിതക്കു​ന്ന​വ​രും നനക്കു​ന്ന​വ​രും അല്ലെങ്കിൽ കഴുത​പ്പു​റത്തു സവാരി ചെയ്യു​ന്ന​വ​രു​മാ​യി കൃഷി​സ്ഥ​ലത്തു കണ്ടെത്താൻ കഴിയുന്ന സകല​രോ​ടും അവർ സംസാ​രി​ക്കു​ന്നു.

വാസ്‌ത​വ​മാ​യും അനേകം വെള്ളങ്ങ​ളു​ടെ ഗ്രാമ​മായ റാബേ ബൈബിൾ സത്യം കൊണ്ടു നിറഞ്ഞി​രി​ക്കു​ന്നു. എന്നാൽ അതു മാത്രമല്ല. ചുററു​മുള്ള അനേകം ഗ്രാമ​ങ്ങൾക്കു റാബേ ശുദ്ധ ജലത്തിന്റെ ഒരു ഉറവാ​യി​രി​ക്കു​ന്ന​തു​പോ​ലെ അത്‌ അവക്കു ജീവദാ​യ​ക​മായ ബൈബിൾ സത്യത്തി​ന്റെ ജലവും എത്തിച്ചു​കൊ​ടു​ത്തി​രി​ക്കു​ന്നു. റാബേ​യിൽ നിന്നുള്ള പ്രസാ​ധകർ കാൽന​ട​യാ​യി ചുററു​മുള്ള ഗ്രാമങ്ങൾ സന്ദർശി​ക്കു​ക​യും വിദൂ​ര​ത്തി​ലുള്ള ഗ്രാമ​ങ്ങ​ളിൽ പ്രസം​ഗി​ക്കാൻ വേണ്ടി സംഘങ്ങ​ളാ​യി കാറിൽ പോവു​ക​യും ചെയ്യുന്നു. ചില പ്രസാ​ധകർ മററു നഗരങ്ങ​ളിൽ സേവി​ക്കാൻവേണ്ടി അവി​ടേക്കു മാറി​പ്പാർക്കു​ന്നു. നമ്മുടെ സ്വർഗ്ഗീയ പിതാ​വായ യഹോ​വ​യാം ദൈവ​ത്തി​നു കൂടുതൽ സ്‌തുതി കൈവ​രു​ത്തും​വി​ധം യഹോ​വ​യു​ടെ അനു​ഗ്ര​ഹ​ത്താൽ അവിടെ ഇനിയും വർദ്ധന​വു​ണ്ടാ​കും.

[26-ാം പേജിലെ ചിത്രം]

റാബേയിലെ ഒരു തെരു​വി​ന്റെ ദൃശ്യം