ദൈവ​പ്രീ​തി ആർക്കാ​ണു​ള്ളത്‌?

നമ്മുടെ കൂട്ടു​കാർ നമ്മെ ഇഷ്ടപ്പെ​ടാൻ നാമെ​ല്ലാം ആഗ്രഹി​ക്കു​ന്നു. ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം ദൈവ​ത്തി​ന്റെ പ്രീതി കണ്ടെത്തു​ക​യെ​ന്ന​താ​ണു കൂടുതൽ ശക്തമായ ഒരു ആഗ്രഹം. യഹോ​വ​യാം ദൈവ​ത്തേ​ക്കു​റി​ച്ചു സങ്കീർത്തനം 84:11-ൽ ഇങ്ങനെ പറഞ്ഞി​രി​ക്കു​ന്നു: “യഹോവ കൃപയും മഹത്വ​വും നല്‌കു​ന്നു; നേരോ​ടെ നടക്കു​ന്ന​വർക്കു അവൻ ഒരു നൻമയും മുടക്കു​ക​യില്ല.” യേശു​വി​ന്റെ ജനനത്തി​ങ്കൽ സ്വർഗ്ഗീയ ദൂതൻമാ​രു​ടെ സന്തോ​ഷ​ഭ​രി​ത​മായ ഘോഷം “അവൻ പ്രീതി കാണി​ക്കുന്ന ഭൂമി​യി​ലെ മനുഷ്യർക്കു സമാധാ​നം” വാഗ്‌ദത്തം ചെയ്‌തു!—ലൂക്കോസ്‌ 2:14, മോഫ​ററ്‌.

എന്നാൽ ദൈവം ആരോ​ടാ​ണു പ്രീതി കാട്ടു​ന്നത്‌? ദൈവ​ത്തി​ന്റെ നിലവാ​രങ്ങൾ മമനു​ഷ്യ​ന്റെ നിലവാ​രങ്ങൾ തന്നെയാ​ണോ? മുൻലേ​ഖ​ന​ത്തി​ലെ ചർച്ച സൂചി​പ്പി​ച്ച​തു​പോ​ലെ നിസ്സം​ശ​യ​മാ​യും അവ അങ്ങനെയല്ല എന്നു മനസ്സി​ലാ​ക്കാ​വു​ന്ന​താണ്‌. വാസ്‌ത​വ​ത്തിൽ “ദൈവ​ത്തി​ന്റെ അനുകാ​രി​കൾ ആയിത്തീ​രു”വാൻ ക്രിസ്‌ത്യാ​നി​കളെ ബുദ്ധി​യു​പ​ദേ​ശി​ച്ചി​രി​ക്കു​ന്ന​തി​നാൽ നാമോ​രോ​രു​ത്ത​രും ഇങ്ങനെ ചോദി​ക്കു​ന്നത്‌ ഉചിത​മാണ്‌, ദൈവം പ്രീതി കാണി​ക്കുന്ന ആളുക​ളോ​ടു ഞാൻ പ്രീതി കാണി​ക്കു​ന്നു​വോ, അതോ ആളുകളെ വിധി​ക്കു​ന്ന​തിൽ ലോക​നി​ല​വാ​രങ്ങൾ പിൻതു​ട​രാൻ ഞാൻ ചായ്‌വു​ള്ള​വ​നാ​ണോ? (എഫേസ്യർ 5:1, NW) യഹോ​വ​യു​ടെ പ്രീതി​യും അംഗീ​കാ​ര​വും നേടാൻ നാം കാര്യ​ങ്ങളെ അവന്റെ നിലപാ​ടിൽ കാണാൻ ജാഗ്രത പാലി​ക്കണം.

ദൈവ​ത്തി​ന്റെ ഉന്നതനി​ല​വാ​ര​ങ്ങൾ

അപ്പൊ​സ്‌ത​ല​നായ പത്രോസ്‌ ഇങ്ങനെ പറഞ്ഞു: “ദൈവ​ത്തി​നു മുഖപ​ക്ഷ​മില്ല. . .ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു.” ദൈവം “ഒരുത്ത​നിൽനി​ന്നു മനുഷ്യ​ജാ​തി​യെ ഒക്കെയും ഉളവാക്കി” എന്ന്‌ അപ്പൊ​സ്‌ത​ല​നായ പൗലോസ്‌ കൂടു​ത​ലാ​യി സാക്ഷ്യ​പ്പെ​ടു​ത്തി. (പ്രവൃ​ത്തി​കൾ 10:34, 35; 17:26) അതു​കൊണ്ട്‌ തങ്ങളുടെ ശാരീ​രിക സ്വഭാ​വ​വി​ശേ​ഷ​തകൾ എന്തൊ​ക്കെ​യാ​യി​രു​ന്നാ​ലും സകല മനുഷ്യ​രും ദൈവ​ദൃ​ഷ്ടി​യിൽ തുല്യ​രാ​ണെന്നു നിഗമനം ചെയ്യു​ന്നതു ന്യായ​യു​ക്തം മാത്ര​മാണ്‌. വസ്‌തുത അതായി​രി​ക്കു​ന്ന​തി​നാൽ, ഒരുവൻ ഒരു പ്രത്യേക പ്രദേ​ശ​ത്തു​നി​ന്നു വരുന്ന​തു​കൊ​ണ്ടോ അല്ലെങ്കിൽ ഒരു പ്രത്യേക തൊലി​നി​റം ഉള്ളതു​കൊ​ണ്ടോ മറേറ​തെ​ങ്കി​ലും വർഗ്ഗത്തിൽപ്പെ​ട്ട​താ​യ​തു​കൊ​ണ്ടോ അയാ​ളോ​ടു പ്രീതി കാണി​ക്കു​ന്നത്‌ ഒരു ക്രിസ്‌ത്യാ​നിക്ക്‌ ഉചിതമല്ല. മറിച്ച്‌, മുഖപക്ഷം കാണി​ച്ചില്ല എന്നു ശത്രു​ക്കൾപോ​ലും സമ്മതിച്ച മാതൃ​കാ​പു​രു​ഷ​നായ യേശു​ക്രി​സ്‌തു​വി​നെ പിൻപ​റ​റു​ന്ന​താ​യി​രി​ക്കും അയാൾക്കു നല്ലത്‌.—മത്തായി 22:16.

“തൊലി​പ്പു​റ​മേ​യുള്ള” എന്ന പ്രയോ​ഗം ബാഹ്യ​മാ​യി മാത്ര​മു​ള്ള​തോ അപ്രധാ​ന​മോ ആയ എന്തി​നെ​യെ​ങ്കി​ലും വിവരി​ക്കാൻ ചില​പ്പോൾ ഉപയോ​ഗി​ക്കു​ന്നു. തൊലി​യു​ടെ നിറം കേവലം അതുത​ന്നെ​യാണ്‌; അതു തൊലി​പ്പു​റ​മേ​യു​ള്ളതു മാത്ര​മാണ്‌. ഒരു വ്യക്തി​യു​ടെ ചർമ്മത്തി​ന്റെ നിറം ഒരു​പ്ര​കാ​ര​ത്തി​ലും അയാളു​ടെ വ്യക്തി​ത്വ​ത്തെ​യോ ആന്തരി​ക​ഗു​ണ​ങ്ങ​ളെ​യോ പ്രതി​ഫ​ലി​പ്പി​ക്കു​ന്നില്ല. സഹവസി​ക്കാ​നും ഒന്നിച്ചു ഭക്ഷണം കഴിക്കാ​നും കൈ കൊടു​ക്കാ​നും ആളുകളെ തിര​ഞ്ഞെ​ടു​ക്കുന്ന കാര്യ​ത്തിൽ വിശേ​ഷി​ച്ചും തൊലി​യു​ടെ നിറം നാം നിശ്ചയ​മാ​യും നോക്ക​രുത്‌. ഓർക്കുക, എതു കാലത്തും എഴുത​പ്പെ​ട്ടി​ട്ടു​ള്ള​തി​ലേ​ക്കും അതിമ​നോ​ഹ​ര​മായ പ്രേമ​കാ​വ്യ​ത്തിൽ ചിലതിന്‌ പ്രചോ​ദ​ന​മേ​കിയ കന്യക അവളേ​ക്കു​റി​ച്ചു​തന്നെ ഇങ്ങനെ പറഞ്ഞു: “ഞാൻ കറുത്തവൾ എങ്കിലും. . . അഴകു​ള്ളവൾ ആകുന്നു. ഞാൻ വെയിൽകൊ​ണ്ടു കറുത്തി​രി​ക്കു​ന്നു.” (ഉത്തമഗീ​തം 1:5, 6) വർഗ്ഗമോ വർണ്ണമോ പ്രീതി കാണി​ക്കു​ന്ന​തി​നുള്ള ഒരു ശരിയായ അടിസ്ഥാ​നം നൽകു​ന്നില്ല. വളരെ കൂടുതൽ പ്രാധാ​ന്യ​മു​ള്ളത്‌ ഒരു വ്യക്തി ദൈവത്തെ ഭയപ്പെ​ടു​ക​യും നീതി പ്രവർത്തി​ക്കു​ക​യും ചെയ്യു​ന്നു​ണ്ടോ എന്നതി​നാണ്‌.

ഭൗതിക സമ്പത്തു​ണ്ടാ​യി​രി​ക്കു​ന്നതു സംബന്ധിച്ച്‌ ദൈവം എങ്ങനെ വിചാ​രി​ക്കു​ന്നു? ദൈവം സ്‌നേ​ഹി​ക്കു​ക​യും പ്രീതി കാണി​ക്കു​ക​യും ചെയ്യുന്ന സകല വ്യക്തി​ക​ളി​ലും അഗ്രഗ​ണ്യൻ അവിടു​ത്തെ പുത്ര​നായ യേശു​ക്രി​സ്‌തു​വാണ്‌. എങ്കിലും, ഭൂമി​യി​ലാ​യി​രു​ന്ന​പ്പോൾ യേശു​വിന്‌ “തല ചായി​പ്പാൻ ഇടം ഇല്ലാ”യിരുന്നു. (മത്തായി 8:20) യേശു​വി​നു ഭൂസ്വ​ത്തോ, ഭവനങ്ങ​ളോ, വയലു​ക​ളോ, ഫലവൃ​ക്ഷ​ങ്ങ​ളോ, മൃഗങ്ങ​ളോ ഉണ്ടായി​രു​ന്നില്ല. എന്നിട്ടും യഹോവ അവനെ ആദരി​ക്കു​ക​യും ദൈവം ഒഴികെ പ്രപഞ്ച​ത്തിൽ എല്ലാവർക്കും മീതെ​യുള്ള ഒരു സ്ഥാന​ത്തേക്ക്‌ അവനെ ഉയർത്തു​ക​യും ചെയ്‌തു.—ഫിലി​പ്പി​യർ 2:9.

യേശു​ക്രി​സ്‌തു ദൈവ​ത്തി​ന്റെ പ്രീതി നേടി, എന്തു​കൊ​ണ്ടെ​ന്നാൽ ഭൗതി​ക​വ​സ്‌തു​ക്ക​ളി​ലല്ല പിന്നെ​യോ സൽപ്ര​വൃ​ത്തി​ക​ളിൽ അവൻ സമ്പന്നനാ​യി​രു​ന്നു. (1 തിമൊ​ഥെ​യൊസ്‌ 6:17, 18 താരത​മ്യ​പ്പെ​ടു​ത്തുക.) അവൻ തന്റെ അനുഗാ​മി​കളെ ഇങ്ങനെ ബുദ്ധി​യു​പ​ദേ​ശി​ച്ചു: “പുഴു​വും തുരു​മ്പും കെടു​ക്ക​യും കള്ളൻമാർ തുരന്നു മോഷ്ടി​ക്ക​യും ചെയ്യുന്ന ഈ ഭൂമി​യിൽ നിങ്ങൾ നിക്ഷേപം സ്വരൂ​പി​ക്ക​രു​തു. പുഴു​വും തുരു​മ്പും കെടു​ക്കാ​തെ​യും കള്ളൻമാർ തുരന്നു മോഷ്ടി​ക്കാ​തെ​യു​മി​രി​ക്കുന്ന സ്വർഗ്ഗ​ത്തിൽ നിക്ഷേപം സ്വരൂ​പി​ച്ചു​കൊൾവിൻ.” (മത്തായി 6:19, 20) അതു​കൊണ്ട്‌, ലോക​ത്തി​ലെ വസ്‌തു​ക്ക​ളിൽ സമ്പന്നരാ​യി​രി​ക്കു​ന്ന​വ​രോ​ടു​മാ​ത്രം പ്രീതി കാണി​ക്കു​ന്ന​തി​നു​പ​കരം ലോക​സ്വ​ത്തു​ക്ക​ളു​ടെ അടിസ്ഥാ​ന​ത്തിൽ ക്രിസ്‌ത്യാ​നി​കൾ യാതൊ​രു വിവേ​ച​ന​വും കാണി​ക്കു​ക​യില്ല. ഒരു ഭൗതിക വിധത്തിൽ ധനിക​രോ ദരി​ദ്ര​രോ എന്നു നോക്കാ​തെ അവർ ദൈവി​ക​മാ​യി ധനിക​രാ​യ​വരെ അന്വേ​ഷി​ക്കും. “ദൈവം ലോക​ത്തിൽ ദരി​ദ്ര​രാ​യ​വരെ വിശ്വാ​സ​ത്തിൽ സമ്പന്നരും തന്നെ സ്‌നേ​ഹി​ക്കു​ന്ന​വർക്കു വാഗ്‌ദത്തം ചെയ്‌ത രാജ്യ​ത്തി​ന്റെ അവകാ​ശി​ക​ളു​മാ​കേ​ണ്ട​തി​ന്നു തിര​ഞ്ഞെ​ടു​ത്തു” എന്ന്‌ ഒരിക്ക​ലും മറക്കരുത്‌. (യാക്കോബ്‌ 2:5) നിങ്ങൾ ദൈവ​ത്തി​ന്റെ വീക്ഷണം പുലർത്തു​ന്നു​വെ​ങ്കിൽ ഒരിക്ക​ലും ഭൗതി​ക​മാ​യി ധനിക​രാ​യ​വരെ പ്രീണി​പ്പി​ക്കു​ക​യോ അവരോ​ടു പ്രീതി​കാ​ട്ടു​ക​യോ ചെയ്യുന്ന സാധാ​ര​ണ​ശീ​ല​ത്തി​ന്റെ ഇരയാ​യി​ത്തീ​രു​ക​യില്ല.

വിദ്യാ​ഭ്യാ​സ​ത്തെ സംബന്ധി​ച്ചാ​ണെ​ങ്കിൽ, അറിവും ജ്ഞാനവും അന്വേ​ഷി​ക്കാൻ ദൈവം നമ്മെ പ്രോ​ത്സാ​ഹി​പ്പി​ക്കു​ന്നു​വെ​ന്നും ഭൂമി​യിൽ നടന്നി​ട്ടു​ള്ള​തിൽ ഏററവും മഹനായ ഗുരു യേശു​ക്രി​സ്‌തു​വാ​ണെ​ന്നും ബൈബിൾ വ്യക്തമാ​യി പ്രകട​മാ​ക്കു​ന്നു. (സദൃശ​വാ​ക്യ​ങ്ങൾ 4:7; മത്തായി 7:29; യോഹ​ന്നാൻ 7:46) എന്നാൽ ദൈവ​ത്തി​ന്റെ പ്രീതി നേടു​ന്നത്‌ ലോക​ത്തി​ന്റെ ജ്ഞാനമോ വിദ്യാ​ഭ്യാ​സ​മോ അല്ല. മറിച്ച്‌, “ലോകാ​ഭി​പ്രാ​യ​പ്ര​കാ​രം ജ്ഞാനികൾ ഏറെയില്ല, . . . ജ്ഞാനി​കളെ ലജ്ജിപ്പി​പ്പാൻ ദൈവം ലോക​ത്തിൽ ഭോഷ​ത്വ​മാ​യതു തിര​ഞ്ഞെ​ടു​ത്തു” എന്നു പൗലോസ്‌ നമ്മോടു പറയുന്നു.—1 കൊരി​ന്ത്യർ 1:26, 27.

നല്ല പഠിപ്പു​ള്ള​വ​രോ​ടു ദൈവം പ്രീതി കാട്ടുന്നു, ഉന്നത വിദ്യാ​ഭ്യാ​സ​ത്തി​ന്റെ സ്ഥാപന​ങ്ങ​ളിൽ പഠിപ്പി​ക്കുന്ന ലൗകിക വിഷയ​ങ്ങ​ളി​ലല്ല, പിന്നെ​യോ അവിടു​ത്തെ വചനമായ ബൈബി​ളിൽ കാണുന്ന സത്യത്തി​ന്റെ “നിർമ്മ​ല​ഭാഷ”യിൽ. (സെഫന്യാവ്‌ 3:9, NW) വാസ്‌ത​വ​ത്തിൽ, ഭൂമി​യു​ടെ വിദൂര സ്ഥലങ്ങളി​ലേക്കു വ്യാപി​ക്കുന്ന ഒരു വിദ്യാ​ഭ്യാ​സ പരിപാ​ടി​യി​ലൂ​ടെ യഹോ​വ​തന്നെ അവിടു​ത്തെ ജനത്തെ പഠിപ്പി​ക്കു​ക​യാണ്‌. യെശയ്യാ പ്രവാ​ചകൻ മുൻകൂ​ട്ടി​പ്പ​റ​ഞ്ഞ​തു​പോ​ലെ “വരുവിൻ, നമുക്കു യഹോ​വ​യു​ടെ പർവ്വത​ത്തി​ലേക്കു, യാക്കോ​ബിൻ ദൈവ​ത്തി​ന്റെ ആലയത്തി​ലേക്കു കയറി​ച്ചെ​ല്ലാം; അവൻ നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കു​ക​യും ചെയ്യും” എന്നു പറഞ്ഞു​കൊ​ണ്ടു സകല ജനതക​ളി​ലെ​യും ആളുകൾ പ്രതി​ക​രി​ക്കു​ക​യാണ്‌. അതു​കൊണ്ട്‌ ലൗകിക വിദ്യാ​ഭ്യാ​സത്തെ മഹത്ത്വ​പ്പെ​ടു​ത്തു​ന്ന​തി​നു​പ​കരം, വാക്കു​ക​ളാ​ലും പ്രവൃ​ത്തി​ക​ളാ​ലും തങ്ങൾ യഥാർത്ഥ​ത്തിൽ “യഹോ​വ​യാൽ പഠിപ്പി​ക്ക​പ്പെട്ട വ്യക്തികൾ” ആണ്‌ എന്നു തെളി​യി​ക്കു​ന്ന​വരെ ക്രിസ്‌ത്യാ​നി​കൾ അന്വേ​ഷി​ക്കും. അങ്ങനെ ചെയ്യു​ന്ന​തി​നാൽ അവർ ദൈവം നൽകുന്ന ‘സമൃദ്ധ​മായ സമാധാ​നം’ ആസ്വദി​ക്കും.—യെശയ്യാ​വു 2:3; 54:13, NW.

നമുക്കു ദൈവ​പ്രീ​തി നേടാൻ കഴിയും

അതെ, മററു​ള്ള​വ​രു​ടെ​മേൽ പ്രീതി ചൊരി​യു​ന്ന​തി​നുള്ള ദൈവ​ത്തി​ന്റെ നിലവാ​രങ്ങൾ മനുഷ്യ​രു​ടേ​തിൽനിന്ന്‌ വളരെ വ്യത്യ​സ്‌ത​മാണ്‌. എന്നിരു​ന്നാ​ലും, അവിടു​ത്തെ ദൃഷ്ടി​ക​ളിൽ പ്രീതി നേടാൻ നാം ആഗ്രഹി​ക്കു​ന്നു​വെ​ങ്കിൽ അവിടു​ത്തെ വഴിക​ളാൽ നയിക്ക​പ്പെ​ടു​ന്ന​തി​നു നാം കഠിന​ശ്രമം ചെയ്യണം. മററു​ള്ള​വരെ ദൈവ​ത്തി​ന്റെ വീക്ഷണ​കോ​ണ​ത്തിൽ കാണാൻ നാം പഠിക്ക​ണ​മെന്ന്‌ അത്‌ അർത്ഥമാ​ക്കു​ന്നു, സ്വാർത്ഥ​ത​യാ​ലും മുൻവി​ധി​യാ​ലും സ്വാധീ​നി​ക്ക​പ്പെ​ടാ​നി​ട​യുള്ള മാനു​ഷിക നിലവാ​ര​ങ്ങ​ള​നു​സ​രി​ച്ചല്ല. നമുക്ക​തെ​ങ്ങനെ ചെയ്യാൻ കഴിയും?

യഹോ​വ​യാം ദൈവം ഒരു വ്യക്തി​യു​ടെ ഹൃദയത്തെ പരി​ശോ​ധി​ക്കു​ക​യും സ്‌നേഹം, നൻമ, ദയ, ദീർഘക്ഷമ എന്നിവ​പോ​ലുള്ള ഗുണങ്ങൾ പ്രകട​മാ​ക്കുന്ന ആളുക​ളോ​ടു പ്രീതി കാണി​ക്കു​ക​യും ചെയ്യുന്നു. നാം അതു​പോ​ലെ ചെയ്യണം. (1 ശമൂവേൽ 16:7; ഗലാത്യർ 5:22, 23) മനുഷ്യ​രെ​ന്ന​നി​ല​യിൽ നമുക്കു കഴിയു​ന്നി​ട​ത്തോ​ളം നാം ആന്തരിക വ്യക്തി​യിൽ നോ​ക്കേ​ണ്ട​തുണ്ട്‌, തൊലി​യു​ടെ നിറത്തി​ലോ വർഗ്ഗീയ പശ്ചാത്ത​ല​ത്തി​ലോ അല്ല. ഭൗതി​ക​വ​സ്‌തു​ക്ക​ളിൽ സമ്പന്നരാ​യ​വരെ അന്വേ​ഷി​ക്കു​ന്ന​തി​നു​പ​കരം ധനത്തോ​ടുള്ള ദൈവ​ത്തി​ന്റെ വീക്ഷണം നാം മനസ്സിൽ പിടി​ക്കു​ക​യും “സൽപ്ര​വൃ​ത്തി​ക​ളിൽ സമ്പന്നരാ​യി ദാനശീ​ല​രും ഔദാ​ര്യ​മു​ള്ള​വ​രു​മാ​യി”രിപ്പാൻ ശ്രമി​ക്കു​ക​യും ചെയ്യു​ന്നത്‌ ഉചിത​മാണ്‌. (1 തിമൊ​ഥെ​യൊസ്‌ 6:18) ദൈവ​പ്രീ​തി നേടു​ന്ന​തിന്‌, സത്യത്തി​ന്റെ നിർമ്മ​ല​ഭാ​ഷ​യിൽ നല്ല പഠിപ്പു​ള്ള​വ​രാ​യി​ത്തീർന്നു​കൊ​ണ്ടു ദൈവ​ത്തെ​യും അവിടത്തെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​നം നാം തുടർന്ന്‌ അന്വേ​ഷി​ക്കണം. (യോഹ​ന്നാൻ 17:3, 17) അപ്രകാ​രം ചെയ്യു​മ്പോൾ നാമും ദൈവം പ്രീതി കാണി​ക്കു​ന്ന​വ​രു​ടെ ഇടയിൽ ഉണ്ടായി​രി​ക്കും.