ആമേൻ—അതിന്റെ അർത്ഥവും ഉപയോ​ഗ​വും

ഇംഗ്ലീ​ഷി​ലും ഗ്രീക്കി​ലു​മുള്ള ഏമെൻ എന്ന പദം എബ്രാ​യ​യി​ലെ ഏമീൻ എന്നതിന്റെ ലിപ്യ​ന്ത​രീ​ക​ര​ണ​മാണ്‌. അതിന്റെ അർത്ഥം “അങ്ങനെ ആയിരി​ക്കട്ടെ,” അഥവാ “തീർച്ച​യാ​യും” എന്നാണ്‌. ഇത്‌ എടുത്തി​രി​ക്കുന്ന മൂല എബ്രായ പദത്തിന്റെ (ഏമൻ) അർത്ഥം “വിശ്വ​സ്‌ത​മാ​യി​രി​ക്കുക; ആശ്രയ​യോ​ഗ്യ​മാ​യി​രി​ക്കുക” എന്നാണ്‌.

എബ്രായ തിരു​വെ​ഴു​ത്തു​ക​ളിൽ ഒരു പ്രതി​ജ്ഞ​യോ​ടും അഥവാ ഉടമ്പടി​യോ​ടും അതിന്റെ പരിണ​ത​ഫ​ല​ങ്ങ​ളോ​ടും ഒരാളെ നിയമ​പ​ര​മാ​യി കടപ്പാ​ടു​ള്ള​വ​നാ​ക്കു​ന്ന​തി​നുള്ള ഗൗരവ​ത​ര​മായ ഒരു പ്രസ്‌താ​വ​ന​യാ​യി​ട്ടും (സംഖ്യാ​പു​സ്‌തകം 5:22; ആവർത്തനം 27:15-26; നെഹെ​മ്യാ​വു 5:13), ചൊല്ലി​ക്ക​ഴിഞ്ഞ ഒരു പ്രാർത്ഥ​ന​യോ​ടോ (1 ദിനവൃ​ത്താ​ന്തം 16:36), ഒരു സ്‌തു​തി​വാ​ക്കി​നോ​ടോ (നെഹെ​മ്യാ​വു 8:6), പ്രഖ്യാ​പിത ഉദ്ദേശ്യ​ത്തോ​ടോ (1 രാജാ​ക്കൻമാർ 1:36; യിരെ​മ്യാ​വു 11:5) യോജി​ക്കു​ന്ന​തി​നുള്ള ഒരു ഗൗരവാ​വഹ പ്രസ്‌താ​വ​ന​യാ​യി​ട്ടും ഈ പദം ഉപയോ​ഗി​ക്ക​പ്പെ​ടു​ന്നു. സങ്കീർത്ത​ന​ങ്ങ​ളു​ടെ ആദ്യത്തെ നാലു പുസ്‌ത​ക​ങ്ങ​ളിൽ അഥവാ ശേഖര​ങ്ങ​ളിൽ ഓരോ​ന്നും ഈ പദത്തോ​ടെ​യാണ്‌ അവസാ​നി​ക്കു​ന്നത്‌. ഒരു പക്ഷേ, ഒരു പാട്ടി​ന്റെ​യോ ആരാധ​നാ​ഗീ​ത​ത്തി​ന്റെ​യോ സമാപ​ന​ത്തി​ങ്കൽ “ആമേൻ” എന്ന്‌ ഒത്തു ചേർന്നു പറയു​ന്നത്‌ ഇസ്ര​യേല്യ സഭക്ക്‌ ഒരു പതിവാ​യി​രു​ന്നു എന്ന്‌ ഇതു സൂചി​പ്പി​ക്കു​ന്നു.—സങ്കീർത്ത​നങ്ങൾ 41:13; 72:19; 89:52; 106:48.

എബ്രായ പദമായ ഏമീൻ “വിശ്വസ്‌ത ദൈവ​മായ” യഹോ​വക്കു ബാധക​മാ​ക്കു​ക​യും (ആവർത്തനം 7:9; യെശയ്യാ​വു 49:7) അവിടു​ത്തെ ഓർമ്മി​പ്പി​ക്ക​ലു​ക​ളെ​യും വാഗ്‌ദ​ത്ത​ങ്ങ​ളെ​യും “ആശ്രയ​യോ​ഗ്യ”മെന്നും “വിശ്വസ്‌ത”മെന്നും വർണ്ണി​ക്കു​ക​യും ചെയ്യുന്നു. (സങ്കീർത്തനം 19:7; 89:28, 37) ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ “ആമേൻ” എന്ന സ്ഥാനപ്പേർ “വിശ്വ​സ്‌ത​നും സത്യവാ​നു​മായ സാക്ഷി” എന്ന നിലയിൽ ക്രിസ്‌തു​യേ​ശു​വി​നു ബാധക​മാ​ക്കി​യി​രി​ക്കു​ന്നു. (വെളി​പ്പാ​ടു 3:14) താൻ പറഞ്ഞതി​ന്റെ പരമമായ സത്യത​യും ആശ്രയ​യോ​ഗ്യ​ത​യും ഊന്നി​പ്പ​റ​യു​ന്ന​തി​നു വസ്‌തുത സംബന്ധിച്ച ഒരു പ്രസ്‌താ​വ​ന​ക്കോ വാഗ്‌ദ​ത്ത​ത്തി​നോ പ്രവച​ന​ത്തി​നോ ആമുഖ​മെ​ന്നോ​ണം ഇതു മിക്ക​പ്പോ​ഴും ഉപയോ​ഗി​ച്ചു​കൊ​ണ്ടു യേശു തന്റെ പ്രസം​ഗ​ത്തി​ലും പഠിപ്പി​ക്ക​ലി​ലും ഇതിന്റെ അനന്യ​സാ​ധാ​ര​ണ​മായ പ്രയോ​ഗം നടത്തി. (മത്തായി 5:18; 6:2, 5, 16; 24:34) ഇവിട​ങ്ങ​ളിൽ ഈ ഗ്രീക്കു​പദം [ഏമെൻ] “സത്യമാ​യി” (ജയിംസ്‌ രാജാ​വി​ന്റെ ഭാഷാ​ന്തരം “യഥാർത്ഥ​മാ​യി”) എന്നോ യോഹ​ന്നാ​ന്റെ പുസ്‌ത​ക​ത്തിൽ ഉടനീ​ള​മു​ള്ള​തു​പോ​ലെ അതിനെ ഇരട്ടി​പ്പി​ക്കു​മ്പോൾ “ആമേൻ ആമേൻ” എന്നോ പരിഭാ​ഷ​പ്പെ​ടു​ത്തി​യി​രി​ക്കു​ന്നു. (യോഹ​ന്നാൻ 1:51) “ആമേൻ” എന്നതിന്റെ ഇപ്രകാ​ര​മുള്ള യേശു​വി​ന്റെ ഉപയോ​ഗം വിശുദ്ധ എഴുത്തു​ക​ളിൽ അനന്യ​സാ​ധാ​ര​ണ​മാ​ണെന്നു പറയ​പ്പെ​ടു​ന്നു. ഇതു യേശു​വി​നു നൽകപ്പെട്ട ദിവ്യ അധികാ​ര​ത്തോ​ടു ചേർച്ച​യി​ലാണ്‌.—മത്തായി 7:29.

എന്നുവ​രി​കി​ലും, 2 കൊരി​ന്ത്യർ 1:19, 20-ൽ പൗലോസ്‌ പ്രകട​മാ​ക്കു​ന്ന​തു​പോ​ലെ, സത്യം സംസാ​രി​ക്കു​ന്നവൻ എന്നനി​ല​യി​ലോ ദൈവ​ത്തി​ന്റെ ഒരു സത്യ​പ്ര​വാ​ച​ക​നും വക്താവും എന്ന നിലയി​ലോ മാത്രമല്ല, ദൈവ​ത്തി​ന്റെ വാഗ്‌ദ​ത്തങ്ങൾ എല്ലാം ആരിൽ നിവർത്തി​ക്കു​ന്നു​വോ ആ ഒരുവൻ എന്നനി​ല​യി​ലും “ആമേൻ” എന്ന സ്ഥാനപ്പേർ യേശു​വി​നു ബാധക​മാ​കു​ന്നു. ബലിമ​ര​ണം​വരെ പോലു​മുള്ള യേശു​വി​ന്റെ വിശ്വ​സ്‌ത​ത​യോ​ടും അനുസ​ര​ണ​യോ​ടും​കൂ​ടെ​യുള്ള ഗതി ദൈ​വോ​ദ്ദേ​ശ്യ​ത്തി​ലെ എല്ലാ വാഗ്‌ദ​ത്ത​ങ്ങ​ളെ​യും പ്രഖ്യാ​പ​ന​ങ്ങ​ളെ​യും സ്ഥിരീ​ക​രി​ക്കു​ക​യും അവയുടെ സാക്ഷാ​ത്‌ക​രണം സാദ്ധ്യ​മാ​ക്കി​ത്തീർക്കു​ക​യും ചെയ്യുന്നു. യേശു ദൈ​വോ​ദ്ദേ​ശ്യ​ത്തി​ന്റെ ആ വെളി​പ്പാ​ടു​ക​ളു​ടെ, ദൈവം പ്രതിജ്ഞ ചെയ്‌തി​രുന്ന കാര്യ​ങ്ങ​ളു​ടെ, ജീവി​ക്കുന്ന സത്യം ആയിരു​ന്നു.—യോഹ​ന്നാൻ 1:14, 17; 14:6; 18:37 താരത​മ്യം ചെയ്യുക.

“ആമേൻ” എന്ന പദം ലേഖന​ങ്ങ​ളിൽ, വിശേ​ഷി​ച്ചും പൗലോ​സി​ന്റേ​തിൽ, എഴുത്തു​കാ​രൻ ദൈവ​ത്തിന്‌ ഏതെങ്കി​ലും രൂപത്തി​ലുള്ള സ്‌തുതി രേഖ​പ്പെ​ടു​ത്തി​യി​ട്ടു​ള്ള​പ്പോ​ഴോ, (റോമർ 1:25; 16:27; എഫെസ്യർ 3:21; 1 പത്രൊസ്‌ 4:11) ലേഖനം ലഭിക്കു​ന്ന​വർക്കു ദൈവ​ത്തി​ന്റെ അനു​ഗ്രഹം ഏതെങ്കി​ലും രീതി​യിൽ പ്രകട​മാ​കേ​ണമേ എന്ന ആഗ്രഹം പ്രകടി​പ്പി​ക്കു​മ്പോ​ഴോ (റോമർ 15:33; എബ്രായർ 13:20, 21) അനേകം പ്രാവ​ശ്യം ഉപയോ​ഗി​ക്കു​ന്നു. പറഞ്ഞ സംഗതി​യോട്‌ എഴുത്തു​കാ​രൻ ആത്മാർത്ഥ​മാ​യി യോജി​ക്കു​ന്നി​ട​ത്തും ഇത്‌ ഉപയോ​ഗി​ക്ക​പ്പെ​ടു​ന്നു.—വെളി​പ്പാ​ടു 1:7; 22:20.

ഒന്നു ദിനവൃ​ത്താ​ന്തം 16:36-ൽ അവതരി​പ്പി​ച്ചി​രി​ക്കുന്ന പ്രാർത്ഥ​ന​യും സങ്കീർത്ത​ന​ങ്ങ​ളിൽ (സങ്കീർത്ത​നം 41:13; 72:19; 89:52; 106:48) അടങ്ങി​യി​രി​ക്കു​ന്ന​വ​യും അതു​പോ​ലെ​തന്നെ കാനോ​നി​ക​ത്വ​മുള്ള ലേഖന​ങ്ങ​ളി​ലെ പദപ്ര​യോ​ഗ​ങ്ങ​ളും എല്ലാം പ്രാർത്ഥ​ന​യു​ടെ അവസാനം “ആമേൻ” ഉപയോ​ഗി​ക്കു​ന്ന​തി​ന്റെ ഔചി​ത്യ​ത്തെ സൂചി​പ്പി​ക്കു​ന്നു. ശലോ​മോ​നു​വേ​ണ്ടി​യുള്ള ദാവീ​ദി​ന്റെ സമാപന പ്രാർത്ഥ​ന​യും (1 ദിനവൃ​ത്താ​ന്തം 29:19) ആലയത്തി​ന്റെ ഉത്‌ഘാ​ട​ന​വേ​ള​യി​ലെ ശലോ​മോ​ന്റെ സമർപ്പ​ണ​പ്രാർത്ഥ​ന​യും പോലെ (1 രാജാ​ക്കൻമാർ 8:53-61) രേഖ​പ്പെ​ടു​ത്തി​യി​രി​ക്കുന്ന എല്ലാ പ്രാർത്ഥ​ന​ക​ളും ഇങ്ങനെ​യുള്ള സമാപ​നത്തെ കാണി​ക്കു​ന്നി​ല്ലെ​ന്നതു സത്യം​തന്നെ—അങ്ങനെ​യുള്ള പദപ്ര​യോ​ഗം തീർച്ച​യാ​യും നടത്തി​യി​രി​ക്കാ​മെ​ങ്കി​ലും. (1 ദിനവൃ​ത്താ​ന്തം 29:20 കുറി​ക്കൊ​ള്ളുക.) സമാന​മാ​യി, യേശു​വി​ന്റെ പ്രാർത്ഥ​ന​ക​ളി​ലോ (മത്തായി 26:39, 42; യോഹ​ന്നാൻ 17:1-26) പ്രവൃ​ത്തി​കൾ 4:24-30-ലെ ശിഷ്യൻമാ​രു​ടെ പ്രാർത്ഥ​ന​ക​ളി​ലോ ഇതിന്റെ ഉപയോ​ഗം രേഖ​പ്പെ​ടു​ത്തു​ന്നില്ല. എന്നുവ​രി​കി​ലും, നേരത്തെ സമർപ്പിച്ച തെളി​വു​ക​ളു​ടെ ഘനം പ്രാർത്ഥ​ന​യു​ടെ ഉപസം​ഹാ​ര​മെ​ന്ന​നി​ല​യിർ “ആമേൻ” എന്ന പദം ഉപയോ​ഗി​ക്കു​ന്ന​തി​ന്റെ ഔചി​ത്യ​ത്തെ ശക്തമായി സൂചി​പ്പി​ക്കു​ന്നു. ഒരു പ്രാർത്ഥ​നക്ക്‌ ആമേൻ പറയു​ന്ന​തിൽ ചേരു​ന്നതു ക്രിസ്‌തീയ കൂട്ടങ്ങ​ളി​ലു​ള്ള​വ​രു​ടെ ഒരു ആചാര​മാ​യി​രു​ന്നു എന്ന്‌ 1 കൊരി​ന്ത്യർ 14:16-ലെ പൗലോ​സി​ന്റെ പ്രസ്‌താ​വന വിശേ​ഷി​ച്ചും പ്രകട​മാ​ക്കു​ന്നു. കൂടാതെ, വെളി​പ്പാ​ടു 5:13, 14; 7:10-12; 19:1-4 എന്നിവ​യിൽ രേഖ​പ്പെ​ടു​ത്തി​യി​രി​ക്കുന്ന സ്വർഗ്ഗ​ത്തി​ലു​ള്ള​വ​രു​ടെ ദൃഷ്ടാ​ന്ത​ങ്ങ​ളു​മെ​ല്ലാം പ്രാർത്ഥ​ന​ക​ളോ​ടും അല്ലെങ്കിൽ ഗൗരവ​ത​ര​മായ പ്രസ്‌താ​വ​ന​ക​ളോ​ടും യോജി​ക്കു​ന്ന​തി​നാ​ലുള്ള അതിന്റെ ഉപയോ​ഗ​ത്തെ​യും, അങ്ങനെ ഈ ഒരു പദത്തിന്റെ ഉപയോ​ഗ​ത്തി​ലൂ​ടെ ദൃഢവി​ശ്വാ​സ​വും ശക്തമായ അംഗീ​കാ​ര​വും അവരുടെ ഹൃദയ​ത്തി​ലെ ആത്മാർത്ഥ​മായ പ്രത്യാ​ശ​യും പ്രകട​മാ​ക്കു​ന്ന​തി​നെ​യും പിന്താ​ങ്ങു​ന്നു.

[ഇംഗ്ലീ​ഷി​ലെ ഡിസ്‌ട്രി​ക്‌റ്റ്‌ കൺ​വെൻ​ഷൻ മേൽവി​ലാ​സ​ങ്ങൾക്കു പകരമുള്ള ലേഖന​മാണ്‌ ഇത്‌]