നിബന്ധ​നകൾ നിങ്ങളെ നിരു​ത്സാ​ഹ​പ്പെ​ടു​ത്തു​ന്നു​വോ?

നിബന്ധ​നകൾ! ആരും അവ ഇഷ്ടപ്പെ​ടു​ന്നില്ല; എങ്കിലും ഒരു പരിധി​വരെ അതു സഹിച്ചേ തീരൂ. ജീവിതം അങ്ങേയ​ററം കൂച്ചു​വി​ല​ങ്ങി​ലാ​യ​തു​പോ​ലെ തോന്നി ചില​പ്പോ​ഴൊ​ക്കെ നിങ്ങൾ നിരു​ത്സാ​ഹി​ത​രാ​കാ​റു​ണ്ടോ? നിങ്ങളു​ടെ കാഴ്‌ച​പ്പാ​ടി​നു മാററം വന്നാൽ ഒരുപക്ഷേ നിങ്ങൾക്കു തോന്നാം, ഇപ്പോൾ തരക്കേ​ടി​ല്ലെന്ന്‌. നിങ്ങൾക്കു ചെയ്യാ​നാ​കാത്ത കാര്യ​ങ്ങ​ളെ​പ്രതി വേവലാ​തി​പ്പെ​ടു​ന്ന​തി​നു​പ​കരം നിങ്ങൾക്കി​പ്പോ​ഴുള്ള സ്വാത​ന്ത്ര്യ​ത്തിൽനി​ന്നു പരമാ​വധി പ്രയോ​ജനം നേടാൻ എന്തു​കൊ​ണ്ടു ശ്രമി​ച്ചു​കൂ​ടാ?

ഉദാഹ​ര​ണ​ത്തിന്‌, തങ്ങൾ സമ്പന്നരാ​യി​ത്തീർന്നെ​ങ്കിൽ എത്ര നന്നായി​രു​ന്നു എന്ന്‌ സാമ്പത്തി​ക​മാ​യി ദരി​ദ്ര​രാ​യവർ ആഗ്രഹി​ക്കു​ന്നു. ഈ വ്യവസ്ഥി​തി​യിൽ നമുക്കു ചെയ്യാൻ കഴിയുന്ന കാര്യ​ങ്ങളെ ദാരി​ദ്ര്യം പരിമി​ത​പ്പെ​ടു​ത്തു​ന്നു എന്നതു ശരിതന്നെ. എങ്കിലും ജീവി​ത​ത്തി​ലെ പ്രധാന സംഗതി​കൾ എല്ലാവർക്കും ലഭിക്കു​ന്നുണ്ട്‌. ദരി​ദ്ര​രും സമ്പന്നരും പ്രേമ​ത്തി​ലാ​കു​ന്നുണ്ട്‌, വിവാ​ഹി​ത​രാ​കു​ന്നുണ്ട്‌, കുട്ടി​കളെ വളർത്തു​ന്നുണ്ട്‌, നല്ല സുഹൃ​ദ്‌ബ​ന്ധങ്ങൾ ആസ്വദി​ക്കു​ന്നുണ്ട്‌, അങ്ങനെ എത്ര​യെത്ര സംഗതി​കൾ. ഇതി​ലൊ​ക്കെ പ്രധാ​ന​മാണ്‌ ദരി​ദ്രർക്കും സമ്പന്നർക്കും യഹോ​വയെ അറിയാൻ സാധി​ക്കു​ന്നു​വെ​ന്ന​തും വാഗ്‌ദാ​നം ചെയ്യപ്പെട്ട പുതിയ ലോക​ത്തി​ലേക്കു നോക്കി​പ്പാർത്തി​രി​ക്കാ​നാ​കു​ന്നു​വെ​ന്ന​തും. സമ്പത്തി​നെ​ക്കാൾ മികച്ച ക്രിസ്‌തീയ ജ്ഞാനത്തി​ലും അറിവി​ലും മുന്നേ​റാൻ ദരി​ദ്രർക്കും സമ്പന്നർക്കും കഴിയു​ന്നു. (സദൃശ​വാ​ക്യ​ങ്ങൾ 2:1-9; സഭാ​പ്ര​സം​ഗി 7:12) യഹോ​വക്കു മുമ്പാകെ തങ്ങൾക്കാ​യി​ത്തന്നെ ഒരു പേരു​ണ്ടാ​ക്കാൻ സമ്പന്നരും ദരി​ദ്ര​രു​മായ സകലർക്കും കഴിയും. (സഭാ​പ്ര​സം​ഗി 7:1) പൗലോ​സി​ന്റെ നാളിലെ ക്രിസ്‌തീയ സഭയിലെ മിക്കവ​രും സാമൂ​ഹി​ക​മാ​യി താഴേ​ക്കി​ട​യി​ലു​ള്ള​വ​രാ​യി​രു​ന്നു. തങ്ങളുടെ സാഹച​ര്യം അനുവ​ദി​ച്ചി​രുന്ന സ്വാത​ന്ത്ര്യ​ത്തെ ബുദ്ധി​പൂർവം ഉപയോ​ഗ​പ്പെ​ടു​ത്തിയ അടിമ​ക​ളാ​യി​രു​ന്നു അവരിൽ ചിലർ.—1 കൊരി​ന്ത്യർ 1:26-29.

തിരു​വെ​ഴു​ത്തു​പ​ര​മായ ശിരഃ​സ്ഥാ​നം

ക്രിസ്‌തീയ വിവാഹ ജീവി​ത​ത്തിൽ, ഭാര്യ ഭർത്താ​വി​നു കീഴ്‌പെ​ട്ടി​രി​ക്കു​ന്നു. മുഴു കുടും​ബ​ത്തി​ന്റെ​യും പ്രയോ​ജ​ന​ത്തി​നു​വേണ്ടി രൂപകൽപ്പന ചെയ്‌തി​ട്ടുള്ള ഒരു ക്രമീ​ക​ര​ണ​മാ​ണിത്‌. (എഫെസ്യർ 5:22-24) ഇതിനാൽ താൻ തരംതാ​ഴ്‌ത്ത​പ്പെ​ട്ടി​രി​ക്കു​ക​യാ​ണെന്ന്‌ ഭാര്യ​യ്‌ക്കു തോന്ന​ണ​മോ? തീർച്ച​യാ​യും വേണ്ട. ഭർത്താ​വും ഭാര്യ​യും ഒരു ടീമാണ്‌. പുരു​ഷന്റെ ശിരഃ​സ്ഥാ​നം ക്രിസ്‌തു​സ​മാ​ന​മായ വിധം കൈകാ​ര്യം ചെയ്യ​പ്പെ​ടു​മ്പോൾ അതു ഭാര്യ​യു​ടെ​മേൽ വളരെ​ക്കു​റച്ചു നിബന്ധ​ന​കളേ വയ്‌ക്കു​ക​യു​ള്ളൂ. തന്നെയു​മല്ല, അതു ഭാര്യ​യു​ടെ കഴിവു​കൾ പ്രകടി​പ്പി​ക്കാ​നുള്ള ധാരാളം അവസരങ്ങൾ നൽകു​ക​യും ചെയ്യും. (എഫെസ്യർ 5:25, 31) രസകര​വും പ്രയാ​സ​ക​ര​വു​മായ അനേകം സംരം​ഭ​ങ്ങ​ളിൽ ഏർപ്പെ​ട്ടി​രി​ക്കു​ന്ന​വ​ളാണ്‌ സദൃശ​വാ​ക്യ​ങ്ങൾ 31-ാം അധ്യാ​യ​ത്തി​ലെ “പ്രാപ്‌തി​യുള്ള ഭാര്യ.” വ്യക്തമാ​യും, ഭർത്താ​വി​നോ​ടുള്ള കീഴ്‌പെടൽ അവൾക്കു നിരാ​ശാ​ജ​ന​കമല്ല.—സദൃശ​വാ​ക്യ​ങ്ങൾ 31:10-29, NW.

സമാന​മാ​യി, ക്രിസ്‌തീയ സഭയിൽ ഒരു സ്‌ത്രീ യോഗ്യ​ത​യുള്ള പുരു​ഷൻമാ​രു​ടെ​മേൽ നേതൃ​ത്വ​മെ​ടു​ക്കു​ന്ന​തി​നുള്ള വ്യവസ്ഥ​യില്ല. (1 കൊരി​ന്ത്യർ 14:34; 1 തിമൊ​ഥെ​യൊസ്‌ 2:11, 12) അത്തരം നിബന്ധ​ന​യ്‌ക്കു കീഴിൽ ക്രിസ്‌തീയ സ്‌ത്രീ​കൾക്ക്‌ അസംതൃ​പ്‌തി തോന്ന​ണ​മോ? വേണ്ട. ക്രിസ്‌തീയ സേവന​ത്തി​ന്റെ ആ വശം ദിവ്യാ​ധി​പത്യ രീതി​യിൽ നടന്നു കാണു​ന്ന​തിൽ ആഹ്ലാദ​ചി​ത്ത​രാണ്‌ മിക്കവ​രും. നിയമിത മൂപ്പൻമാ​രു​ടെ ഇടയ​വേ​ല​യിൽനി​ന്നും പഠിപ്പി​ക്ക​ലിൽനി​ന്നും പ്രയോ​ജനം നേടാ​നും ജീവത്‌പ്ര​ധാ​ന​മായ പ്രസം​ഗ​വേ​ല​യി​ലും ശിഷ്യ​രാ​ക്കൽവേ​ല​യി​ലു​മേ തങ്ങൾ ശ്രദ്ധി​ക്കേ​ണ്ട​തു​ള്ളൂ​വെന്നു ചിന്തിച്ചു പ്രവർത്തി​ക്കാ​നും അവർക്കു സന്തോ​ഷ​മേ​യു​ള്ളൂ. (മത്തായി 24:14; 28:19, 20) ഈ മേഖല​യിൽ വളരെ​യ​ധി​കം ചെയ്യു​ന്ന​വ​രാണ്‌ ക്രിസ്‌തീയ സ്‌ത്രീ​കൾ. ഇതു യഹോ​വ​യാം ദൈവ​ത്തി​ന്റെ ദൃഷ്ടി​യിൽ അവർക്കു ബഹുമതി കരേറ​റു​ന്നു.—സങ്കീർത്തനം 68:11; സദൃശ​വാ​ക്യ​ങ്ങൾ 3:35.

യുവാ​ക്ക​ളു​ടെ​മേ​ലുള്ള നിബന്ധ​ന​കൾ

മാതാ​പി​താ​ക്ക​ളു​ടെ അധികാ​ര​ത്തി​നു കീഴി​ലാ​യ​തു​കൊണ്ട്‌, തങ്ങളുടെ ജീവിതം അങ്ങേയ​ററം കൂച്ചു​വി​ല​ങ്ങി​ലാ​ണെന്നു ചില​പ്പോ​ഴൊ​ക്കെ യുവാ​ക്ക​ളും പരാതി​പ​റ​യു​ന്നു. എങ്കിലും ഇതും തിരു​വെ​ഴു​ത്തു​പ​ര​മാണ്‌. (എഫെസ്യർ 6:1) മാതാ​പി​താ​ക്കൾ ഏർപ്പെ​ടു​ത്തി​യി​രി​ക്കുന്ന നിബന്ധ​ന​ക​ളിൽ അലോ​സ​ര​പ്പെ​ടു​ന്ന​തി​നു​പ​കരം, ജ്ഞാനി​ക​ളായ യുവ ക്രിസ്‌ത്യാ​നി​കൾ തങ്ങളുടെ ശ്രദ്ധ തങ്ങൾക്കുള്ള സ്വാത​ന്ത്ര്യ​ത്തിൻമേൽ കേന്ദ്രീ​ക​രി​ക്കു​ന്നു. ഇതിൽ സാധാ​ര​ണ​മാ​യി ഭാരിച്ച ഉത്തരവാ​ദി​ത്വ​ങ്ങ​ളിൽനി​ന്നുള്ള സ്വാത​ന്ത്ര്യ​വും ഉൾപ്പെ​ടു​ന്നു. അങ്ങനെ അവർക്ക്‌ അവരുടെ യൗവന​പ്ര​സ​രി​പ്പും സാഹച​ര്യ​ങ്ങ​ളും ഉപയോ​ഗ​പ്പെ​ടു​ത്തി ഭാവി ജീവി​ത​ത്തി​നു​വേണ്ടി ഒരുങ്ങാ​നാ​വും.

ഇതാ ബ്രസീ​ലി​ലെ ഒരു മുൻ സർക്കിട്ട്‌ മേൽവി​ചാ​ര​കന്റെ ഓർമ​യിൽനി​ന്നൊ​രു സംഭവം. ഒററപ്പെട്ട ഒരു ചെറിയ കൂട്ടത്തി​ലാ​യി​രുന്ന ഒരു 12 വയസ്സു​കാ​രൻ. അവനു തന്റെ കഴിവി​നൊ​ത്തു പ്രവർത്തി​ക്കു​ന്ന​തി​നു പരിമി​തി​ക​ളു​ണ്ടാ​യി​രു​ന്നു. ഫയലുകൾ കൈകാ​ര്യം ചെയ്‌തി​രുന്ന സഹോ​ദരൻ ലൗകിക ജോലി​യിൽ തിരക്കു​ള്ള​യാ​ളാ​യ​തു​കൊണ്ട്‌ പ്രസാ​ധ​ക​രു​ടെ കാര്യ​ത്തിൽ കാര്യ​മാ​യി ശ്രദ്ധി​ക്കാൻ കഴിഞ്ഞി​ല്ലാ​യി​രു​ന്നു. എന്നാൽ തന്നെ സഹായി​ക്കാൻ അദ്ദേഹം ഈ യുവാ​വി​നെ നിയമി​ച്ചു. ഫാറങ്ങ​ളെ​ല്ലാം എവി​ടെ​യുണ്ട്‌ എന്നറി​യാ​മാ​യി​രുന്ന അവൻ എപ്പോൾ വേണ​മെ​ങ്കി​ലും സഹായി​ക്കാൻ സന്നദ്ധനാ​യി​രു​ന്നു. അവന്റെ താത്‌പ​ര്യം മററു​ള്ള​വർക്കു പ്രോ​ത്സാ​ഹ​ന​മാ​യി. വയൽസേ​വ​ന​ത്തിൽ അവൻ വിശ്വ​സ്‌ത​നായ ഒരു സഹകാ​രി​യാ​യി​രു​ന്നു. ആ യുവാവ്‌ ഇപ്പോൾ ഒരു നിയമിത മൂപ്പനാണ്‌.

ഒരു വ്യക്തി​യു​ടെ സ്വാത​ന്ത്ര്യ​ത്തെ പരിമി​ത​പ്പെ​ടു​ത്തി​യേ​ക്കാ​വുന്ന അനേകം സ്ഥിതി​വി​ശേ​ഷ​ങ്ങ​ളുണ്ട്‌. ചിലർ രോഗ​ത്താൽ ബന്ധിത​രാണ്‌. വിഭജിത ഭവനങ്ങ​ളിൽ ജീവി​ക്കു​ന്ന​വ​രു​ടെ സ്വാത​ന്ത്ര്യം അവിശ്വാ​സി​യായ ഇണയുടെ നിർബ​ന്ധ​ങ്ങൾമൂ​ലം പരിമി​ത​പ്പെ​ടു​ന്നു. നിബന്ധ​ന​ക​ളിൻകീ​ഴിൽ ജീവി​ക്കു​ന്നവർ ആഗ്രഹി​ച്ചേ​ക്കാം സ്ഥിതി​ഗ​തി​കൾക്കൊ​ക്കെ ഒരു മാററം വന്നെങ്കി​ലെന്ന്‌. എന്നാൽ തൃപ്‌തി​ക​ര​മായ ജീവിതം നയിക്കാൻ അവർക്ക്‌ ഇപ്പോ​ഴും സാധി​ക്കും. യഹോ​വ​യിൽ ആശ്രയി​ക്കു​ന്ന​തു​കൊ​ണ്ടും തങ്ങളുടെ സാഹച​ര്യ​ത്തെ ശരിക്കും പ്രയോ​ജ​ന​പ്പെ​ടു​ത്തു​ന്ന​തു​കൊ​ണ്ടും മററു​ള്ള​വർക്കു പ്രോ​ത്സാ​ഹ​ന​മാ​യി​ത്തീർന്ന അത്തരം വ്യക്തി​ക​ളു​ടെ അനുഭ​വങ്ങൾ ഈ മാസിക പ്രസി​ദ്ധീ​ക​രി​ച്ചി​ട്ടുണ്ട്‌.

തന്റെ നാളിലെ ഒരു സാധാരണ സ്ഥിതി​വി​ശേ​ഷ​ത്തെ​ക്കു​റി​ച്ചു പറഞ്ഞു​കൊണ്ട്‌, അപ്പോ​സ്‌ത​ല​നായ പൗലോസ്‌ പ്രസ്‌താ​വി​ച്ചു: “നീ ദാസനാ​യി വിളി​ക്ക​പ്പെ​ട്ടു​വോ? വ്യസനി​ക്ക​രു​തു. സ്വതന്ത്രൻ ആകുവാൻ കഴിയു​മെ​ങ്കി​ലും അതിൽ തന്നേ ഇരുന്നു​കൊൾക.” (1 കൊരി​ന്ത്യർ 7:21) എന്തൊരു സമനി​ല​യുള്ള വീക്ഷണം! ചിലരു​ടെ സാഹച​ര്യ​ങ്ങൾക്കു വ്യത്യാ​സ​മു​ണ്ടാ​യി​രി​ക്കാം. യുവജ​നങ്ങൾ വളർന്നു​വ​രു​ന്ന​വ​രാണ്‌. എതിർത്തി​രുന്ന ഇണകൾ ചില​പ്പോൾ സത്യം സ്വീക​രി​ക്കു​ന്നു. സാമ്പത്തിക സ്ഥിതി​ഗ​തി​കൾ അഭിവൃ​ദ്ധി പ്രാപി​ക്കു​ന്ന​താ​യി കേട്ടി​ട്ടുണ്ട്‌. രോഗി​കൾ സുഖം പ്രാപി​ക്കു​ന്നു. ചില സംഗതി​ക​ളിൽ യഹോ​വ​യു​ടെ പുതിയ ലോകം എത്തുന്ന​തു​വരെ മാററ​മൊ​ന്നു​മു​ണ്ടാ​കാ​നി​ട​യില്ല. എന്നുവ​രി​കി​ലും, മററു​ള്ള​വർക്കു ചെയ്യാ​നാ​വു​ന്നതു തനിക്കു സാധി​ക്കു​ന്നി​ല്ലെന്നു പറഞ്ഞു വ്യാകു​ല​പ്പെ​ടു​ന്ന​തു​കൊണ്ട്‌ എന്തു നേടാ​നാണ്‌?

നിങ്ങൾ എപ്പോ​ഴെ​ങ്കി​ലും ആകാശ​ത്തിൽ ഉയർന്നു പറക്കുന്ന പക്ഷികളെ നോക്കി അതിന്റെ സഞ്ചാര​സ്വാ​ത​ന്ത്ര്യ​ത്തെ​യും മനോ​ഹാ​രി​ത​യെ​യും കുറിച്ച്‌ അത്ഭുതം​കൂ​റി​യി​ട്ടു​ണ്ടോ? എനിക്കും അങ്ങനെ​യൊ​ന്നു പറക്കാൻ കഴിഞ്ഞി​രു​ന്നെ​ങ്കി​ലെന്ന്‌ ഒരുപക്ഷേ നിങ്ങൾ ആഗ്രഹി​ച്ചി​ട്ടു​ണ്ടാ​വും. നിങ്ങൾക്ക​തി​നാ​വില്ല, പക്ഷികൾ പറക്കു​ന്ന​തു​പോ​ലെ നിങ്ങൾ ഒരിക്ക​ലും പറക്കാൻ പോകു​ന്നില്ല! എന്നാൽ നിങ്ങൾ അതി​നെ​ക്കു​റി​ച്ചു പരാതി​പ​റ​യാൻ സാധ്യ​ത​യില്ല. അതിനു​പ​കരം, നിങ്ങൾ ദൈവദത്ത കഴിവു​ക​ളിൽ ആഹ്ലാദി​ക്കും. ഭൂമി​യു​ടെ ഉപരി​ത​ല​ത്തിൽ നടന്നു​കൊണ്ട്‌ നിങ്ങൾ വിജയ​ക​ര​മാ​യി ജീവി​ക്കു​ന്നു. അതു​പോ​ലെ, നമ്മുടെ ജീവി​ത​സാ​ഹ​ച​ര്യം എന്തുമാ​യി​ക്കൊ​ള്ളട്ടെ, ചെയ്യാൻ സാധി​ക്കാത്ത സംഗതി​ക​ളി​ലല്ല, ചെയ്യാൻ സാധി​ക്കുന്ന സംഗതി​ക​ളിൽ ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ നമ്മുടെ ജീവിതം സംതൃ​പ്‌തി​ക​ര​മാ​യി​രി​ക്കും. യഹോ​വ​യു​ടെ സേവന​ത്തിൽ നാം ആഹ്ലാദം കണ്ടെത്തു​ക​യും ചെയ്യും.—സങ്കീർത്തനം 126:5, 6.

[28-ാം പേജിലെ ചിത്രം]

മാതാപിതാക്കൾ നിങ്ങൾക്കു കൂച്ചു​വി​ല​ങ്ങി​ടു​ന്നു എന്നു നിങ്ങൾക്കു തോന്നു​ന്നു​ണ്ടോ?