നിങ്ങൾക്ക്‌ ഒരു ആരോ​ഗ്യ​പ​രി​ശോ​ധ​ന​യോ?

വൈദ്യശാസ്‌ത്രപരവും ചികി​ത്സാ​പ​ര​വു​മായ കാര്യ​ങ്ങ​ളിൽ വാച്ച്‌ ടവർ സൊ​സൈ​ററി വ്യക്തി​കൾക്കു​വേണ്ടി ശുപാർശകൾ ചെയ്യു​ക​യോ തീരു​മാ​ന​ങ്ങ​ളെ​ടു​ക്കു​ക​യോ ചെയ്യു​ന്നില്ല. എന്നിരു​ന്നാ​ലും, ചില നടപടി​കൾക്കു ബൈബിൾ തത്ത്വങ്ങ​ളു​ടെ വെളി​ച്ച​ത്തിൽ ചോദ്യം​ചെ​യ്യത്തക്ക വശങ്ങൾ ഉണ്ടെന്നു​വ​രി​കിൽ ഈ വിഷയ​ങ്ങ​ളിൽ ശ്രദ്ധ ചെലു​ത്തേ​ണ്ട​തുണ്ട്‌. എന്നിട്ട്‌, ഉൾപ്പെ​ട്ടി​രി​ക്കുന്ന സംഗതി​കൾ കണക്കാക്കി എന്തു ചെയ്യണ​മെന്ന്‌ ഓരോ വ്യക്തി​ക്കും തീരു​മാ​നി​ക്കാം.

പ്രിയ സഹോ​ദ​ര​ങ്ങളേ: നിങ്ങളു​ടെ അഭി​പ്രാ​യ​മ​റി​യാൻ ഞാൻ ആഗ്രഹി​ക്കു​ന്നു. വിജയ​പ്ര​ദ​യെന്നു തോന്നി​ക്കുന്ന ഒരു [ആരോഗ്യ ചികിത്സക], എന്നാൽ അവർ ഉപയോ​ഗി​ക്കുന്ന ഒരു രീതി എന്നിൽ സംശയ​മു​ള​വാ​ക്കു​ന്നു. . . . പരി​ശോ​ധ​ന​യി​ലൂ​ടെ അവർ കുഴപ്പ​മെ​ന്താ​ണെന്നു നിർണ​യി​ക്കു​ന്നു. പിന്നീട്‌, ഏതുതരം മരുന്നു വേണം അല്ലെങ്കിൽ എത്ര​ത്തോ​ളം വേണം എന്നറി​യു​ന്ന​തിന്‌ അവർ മരുന്നു​കു​പ്പി ഒരു ഗ്രന്ഥി​യു​ടെ​യോ അവയവ​ത്തി​ന്റെ​യോ സമീപം ത്വക്കി​നോ​ടു ചേർത്തു വയ്‌ക്കു​ന്നു. രോഗി​യു​ടെ ഉയർത്തി​പ്പി​ടി​ച്ചി​രി​ക്കുന്ന കൈ വലിച്ചു താഴ്‌ത്താൻ അവർ ശ്രമി​ക്കു​ന്നു. കൈ വലിച്ചു താഴ്‌ത്താൻ ആവശ്യ​മായ ശക്തിയു​ടെ അടിസ്ഥാ​ന​ത്തി​ലാ​ണു മരുന്നി​ന്റെ തരമോ അളവോ നിശ്ചയി​ക്കു​ന്നത്‌. മരുന്നിൽനിന്ന്‌ കുപ്പി​യു​ടെ അടപ്പി​ലൂ​ടെ ഇലക്‌​ട്രോ​ണു​കൾ ശരീര​ത്തി​ന്റെ ഒരു ഭാഗ​ത്തേക്കു വൈദ്യു​തീ​പ്ര​വാ​ഹം​പോ​ലെ സഞ്ചരിച്ച്‌ അതിനെ ബലപ്പെ​ടു​ത്തു​ന്നു​വെ​ന്ന​താണ്‌ ഇതിലെ തത്ത്വം. അത്‌ വാട്ടർ വിച്ചിങ്‌ (ഭൂമി​യിൽ ജലം എവിടെ കാണു​മെന്നു ലക്ഷണം പറയു​ന്നതു) പോ​ലെ​യാ​ണോ?

ഈ കത്ത്‌ യു.എസ്‌.എ.യിലെ ഒറിഗ​ണിൽനി​ന്നു ലഭിച്ച​താണ്‌. പോഷ​കാ​വ​ശ്യ​ങ്ങൾ നിർണ​യി​ക്കു​ന്ന​തി​നും വൈകാ​രിക പ്രശ്‌നങ്ങൾ വിവേ​ചി​ച്ച​റി​യു​ന്ന​തി​നും ഓർമ​ശക്തി അളക്കു​ന്ന​തി​നും ദൈനം​ദിന ജീവി​ത​ത്തി​ലെ പ്രശ്‌ന​ങ്ങൾക്കു പരിഹാ​രം കാണു​ന്ന​തി​നും ചിലർ ഉപയോ​ഗി​ക്കുന്ന ഒരു രീതി​യെ​ക്കു​റി​ച്ചാണ്‌ അതിൽ പരാമർശി​ച്ചി​രി​ക്കു​ന്നത്‌. ഈ രീതി എത്ര വ്യാപ​ക​മാ​യി​രു​ന്നാ​ലും, കത്തിന്റെ ഉടമയു​ടെ സംശയങ്ങൾ ന്യായീ​ക​രി​ക്കാ​വു​ന്ന​താ​ണോ?

ആരോ​ഗ്യം—എന്തുവി​ല​യ്‌ക്ക്‌?

എന്തു​കൊ​ണ്ടു രോഗ​ബാ​ധി​ത​രാ​കു​ന്നു​വെ​ന്നും എങ്ങനെ സുഖം​പ്രാ​പി​ക്കാ​മെ​ന്നും മനസ്സി​ലാ​ക്കാൻ പുരാ​ത​ന​കാ​ലം മുതലേ ആളുകൾ ശ്രമി​ച്ചി​ട്ടുണ്ട്‌. ഇസ്രാ​യേ​ല്യ​രെ സംബന്ധി​ച്ചി​ട​ത്തോ​ളം തങ്ങൾ പാപി​ക​ളാ​ണെന്ന്‌ അവർ അറിഞ്ഞി​രു​ന്നു​വെ​ന്നത്‌ ഒരു നേട്ടമാ​യി​രു​ന്നു. കൂടാതെ, പലതരം രോഗങ്ങൾ പിടി​പെ​ടു​ന്നത്‌ അല്ലെങ്കിൽ പകരു​ന്നത്‌ ഒഴിവാ​ക്കാൻ അവരെ സഹായിച്ച ദൈവ​ത്തിൽനി​ന്നുള്ള നിയമ​ങ്ങ​ളും അവർക്കു​ണ്ടാ​യി​രു​ന്നു. (ലേവ്യ​പു​സ്‌തകം 5:2; 11:39, 40; 13:1-4; 15:4-12; ആവർത്ത​ന​പു​സ്‌തകം 23:12-14) എന്നിട്ടും ദൈവ​ജനം തങ്ങളുടെ നാളിലെ യോഗ്യ​രായ വൈദ്യൻമാ​രു​ടെ​യും സഹായം തേടി.—യെശയ്യാ​വു 1:6; 38:21; മർക്കൊസ്‌ 2:17; 5:25, 26; ലൂക്കൊസ്‌ 10:34; കൊ​ലൊ​സ്സ്യർ 4:14.

പുരാതന ബാബി​ലോ​നി​ലെ​യും ഈജി​പ്‌തി​ലെ​യും ജനങ്ങളിൽനിന്ന്‌ എത്ര വ്യത്യ​സ്‌തം! അവരുടെ “വൈദ്യൻമാ​രു​ടെ” പക്കൽ പ്രകൃ​തി​ദ​ത്ത​മായ ചേരു​വ​ക​ളിൽനി​ന്നു​ണ്ടാ​ക്കിയ ചില മരുന്നു​കൾ ലഭ്യമാ​യി​രു​ന്നു. എങ്കിലും വ്യാജ​വൈ​ദ്യ​മെന്ന്‌ ഇപ്പോൾ ലേബല​ടി​ക്കു​ന്ന​വ​യാ​യി​രു​ന്നു അവരുടെ “ചികി​ത്സ​കളി”ൽ അനേക​വും. പന്നിയു​ടെ കണ്ണുക​ളും അഞ്‌ജ​ന​ക്ക​ല്ലും ചെമ്മണ്ണും തേനും ചേർത്തു​ണ്ടാ​ക്കിയ ഒരു നികൃഷ്ട മിശ്രി​തം ഉപയോ​ഗി​ച്ചു​കൊണ്ട്‌ ഒരു വൈദ്യൻ അന്ധത സൗഖ്യ​മാ​ക്കി​യ​തി​നെ​ക്കു​റിച്ച്‌ ഈജി​പ്‌തി​ലെ ചിത്ര​ലി​പി​യിൽ എഴുതിയ ഒരു ഗ്രന്ഥം പറയുന്നു. ഈ ദ്രവ്യം രോഗി​യു​ടെ കാതിൽ ഒഴിച്ചി​രു​ന്നു! ഈ ചികിത്സ “തികച്ചും വിശിഷ്ടം” ആയിരു​ന്നു​വെന്ന്‌ ഒരു പുരാതന സാക്ഷ്യ​പ​ത്രം അവകാ​ശ​പ്പെ​ടു​ന്നു. അതിന്റെ വിചി​ത്രത അല്ലെങ്കിൽ നിഗൂഢത അതിനെ കൂടുതൽ ആകർഷ​ക​മാ​ക്കി​ത്തീർത്തി​രി​ക്കാം.

ബാബി​ലോ​ന്യ​രും ഈജി​പ്‌തു​കാ​രും മിക്ക​പ്പോ​ഴും ദുർജ്ഞേയ ശക്തികളെ ഉണർത്തി​യി​ട്ടുണ്ട്‌.a വൈദി​ക​നും വൈദ്യ​നു​മാ​യി സേവി​ക്കുന്ന ഒരുവൻ ഒരു രോഗി​യോട്‌ ഒരു ചെമ്മരി​യാ​ടി​ന്റെ നാസാ​ര​ന്ധ്ര​ത്തിൽ ഊതാൻ ആവശ്യ​പ്പെ​ട്ടേ​ക്കാം. അങ്ങനെ ചെയ്യു​ന്ന​തി​ലൂ​ടെ രോഗി​യിൽനി​ന്നു കുറച്ചു ശക്തി അല്ലെങ്കിൽ ഊർജം മറെറാ​രു ജന്തുവി​ലേക്കു കടന്നു ഫലം ഉത്‌പാ​ദി​പ്പി​ക്കു​മെന്നു ധരിച്ചി​രു​ന്നു. ചെമ്മരി​യാ​ടി​നെ കൊന്നു​ക​ള​യും. അതിന്റെ കരള്‌ രോഗി​യു​ടെ രോഗ​വി​വ​ര​മോ ഭാവി​യോ വെളി​പ്പെ​ടു​ത്തു​മെ​ന്നാ​യി​രു​ന്നു ധരിച്ചി​രു​ന്നത്‌.—യെശയ്യാ​വു 47:1, 9-13; യെഹെ​സ്‌കേൽ 21:21.

പുരാതന ഇസ്രാ​യേ​ലി​ലെ ദൈവ​ഭ​യ​മുള്ള ഒരു വൈദ്യൻ ഭൂതവി​ദ്യാ​ചാ​ര​ത്തിൽ പങ്കെടു​ക്കു​ക​യി​ല്ലാ​യി​രു​ന്നു എന്നതു തീർച്ച​യാണ്‌. “ആഭിചാ​രകൻ, . . . മന്ത്രവാ​ദി, വെളി​ച്ച​പ്പാ​ടൻ, ലക്ഷണം പറയു​ന്നവൻ എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറുപ്പു ആകുന്നു” എന്നു ദൈവം ജ്ഞാനപൂർവം കൽപ്പിച്ചു. (ആവർത്ത​ന​പു​സ്‌തകം 18:10-12; ലേവ്യ​പു​സ്‌തകം 19:26; 20:27) ഇത്‌ ഇന്നും ദൈവ​ത്തി​ന്റെ ക്രിസ്‌തീയ ദാസർക്കു ബാധക​മാണ്‌. മുൻക​രു​തൽ ഉചിത​മാണ്‌.

സമീപ വർഷങ്ങ​ളിൽ അനേകർ “പകര” രോഗ​നി​ദാന രീതി​ക​ളി​ലേ​ക്കും ചികി​ത്സ​ക​ളി​ലേ​ക്കും ശ്രദ്ധതി​രി​ച്ചി​രി​ക്കു​ക​യാണ്‌. അടിസ്ഥാ​ന​പ​ര​മാ​യി പറഞ്ഞാൽ ഇതു വ്യക്തി​പ​ര​മാ​യി തീരു​മാ​ന​മെ​ടു​ക്കേണ്ട ഒരു വശമാണ്‌. (മത്തായി 7:1; താരത​മ്യം ചെയ്യുക: റോമർ 14:3, 4.) ഏതെങ്കി​ലു​മൊ​രു ക്രിസ്‌ത്യാ​നി വിവാ​ദ​പ​ര​മായ ആരോഗ്യ വിഷയ​ങ്ങ​ളിൽ മുഴു​കി​യി​രി​ക്കു​ക​യും തൻമൂലം ജീവൻ രക്ഷിക്കു​ന്ന​തി​നുള്ള ഏക മാർഗ​മായ ക്രിസ്‌തീയ ശുശ്രൂ​ഷയെ ഇവ മറയ്‌ക്കു​ക​യും ചെയ്യു​ന്നു​വെ​ങ്കിൽ അതു തീർച്ച​യാ​യും ദുഃഖ​ക​ര​മാ​യി​രി​ക്കും. (1 തിമൊ​ഥെ​യൊസ്‌ 4:16) പുതിയ ലോക​ത്തിൽ വൈദ്യ​ശാ​സ്‌ത്ര​പ​ര​മായ സമീപ​ന​ങ്ങ​ളി​ലൂ​ടെ​യോ ഔഷധി​ക​ളി​ലൂ​ടെ​യോ ഭക്ഷണ​ക്ര​മീ​ക​ര​ണ​ത്തി​ലൂ​ടെ​യോ മാനസിക-ശാരീ​രിക ചികി​ത്സ​യി​ലൂ​ടെ​യോ രോഗം സുഖ​പ്പെ​ടു​മെന്ന്‌ അല്ലെങ്കിൽ പൂർണാ​രോ​ഗ്യം വീണ്ടെ​ടു​ക്കു​മെന്ന്‌ ബൈബിൾ പറയു​ന്നില്ല. വാസ്‌ത​വ​ത്തിൽ, യേശു​വി​ന്റെ മറുവി​ല​യാ​ഗത്തെ അടിസ്ഥാ​ന​മാ​ക്കി​യുള്ള ക്ഷമയി​ലൂ​ടെ മാത്രമേ പൂർണ​മായ രോഗ​ശാ​ന്തി കൈവ​രു​ക​യു​ള്ളൂ.—യെശയ്യാ​വു 33:24; വെളി​പ്പാ​ടു 22:1, 2.

ഉൾപ്പെ​ട്ടി​രി​ക്കുന്ന ശക്തികൾ ഏവ?

തുടക്ക​ത്തിൽ പറഞ്ഞ കത്തിൽ സൂചി​പ്പിച്ച പേശീ​പ​രി​ശോ​ധ​നാ​രീ​തി സംബന്ധി​ച്ചു സ്വയം തീരു​മാ​ന​മെ​ടു​ക്കു​മ്പോൾ ഒരു ക്രിസ്‌ത്യാ​നി എന്തു പരിഗ​ണി​ക്കാൻ ആഗ്രഹി​ച്ചേ​ക്കാം?

പേശി​യു​ടെ ബലമോ പ്രതി​സ്‌പ​ന്ദ​ന​മോ പരി​ശോ​ധി​ക്കു​ന്ന​തി​നുള്ള ചില വിധങ്ങൾ സാങ്കേ​തിക ചികി​ത്സ​യു​ടെ ഭാഗമാണ്‌. തൻമൂലം അവയുടെ സാധു​ത​യെ​ക്കു​റിച്ച്‌ ആരും​തന്നെ ചോദ്യം ചെയ്യു​ക​യില്ല. ഉദാഹ​ര​ണ​ത്തിന്‌, സുഷു​മ്‌നാ നാഡി​യു​ടെ വീക്കത്തിന്‌ (പോളി​യോ മയ​ലൈ​റ​റിസ്‌) പേശി​കളെ ക്ഷയിപ്പി​ക്കാൻ കഴിയും. ഇതിനു​വേ​ണ്ടി​യുള്ള ചികി​ത്സ​യിൽ മനുഷ്യ​ച​ല​ന​വി​ജ്ഞാ​നം (കൈനി​സ്യോ​ളജി)—“പേശി​ക​ളെ​ക്കു​റി​ച്ചും പേശി​ക​ളു​ടെ ചലന​ത്തെ​ക്കു​റി​ച്ചു​മുള്ള പഠനം”—എന്നു പറയുന്ന ചികിത്സ ഉൾപ്പെ​ട്ടേ​ക്കാം. അത്തരം മനുഷ്യ​ച​ല​ന​വി​ജ്ഞാ​നം തളർവാത രോഗി​കൾക്കു​വേ​ണ്ടി​യുള്ള പൂർവ​സ്ഥി​തി​പ്രാ​പി​ക്കൽ ചികി​ത്സ​യി​ലും ഉപയോ​ഗി​ക്കു​ന്നുണ്ട്‌. അത്തരം ചികി​ത്സ​യു​ടെ ഔചി​ത്യം സംബന്ധി​ച്ചു മിക്കവ​രും ബോധ​മു​ള്ള​വ​രാണ്‌.

എന്നാൽ ഈ ലേഖന​ത്തി​ന്റെ ആരംഭ​ത്തിൽ പറഞ്ഞ കത്തിൽ വിവരി​ച്ചി​രി​ക്കുന്ന പേശീ​പ​രി​ശോ​ധന സംബന്ധി​ച്ചെന്ത്‌? ചിലതരം ഭക്ഷ്യവ​സ്‌തു​ക്ക​ളോ ഔഷധി​ക​ളോ ജീവക​ങ്ങ​ളോ ഒരു വ്യക്തിയെ സഹായി​ക്കു​ക​യോ ദ്രോ​ഹി​ക്കു​ക​യോ ചെയ്യു​മോ​യെന്നു കണ്ടറി​യു​ന്ന​തി​നുള്ള ഉദ്യമ​മാ​യി​ട്ടാണ്‌ ഈ വിധത്തി​ലുള്ള “മനുഷ്യ​ച​ല​ന​വി​ജ്ഞാ​നം” ഉപയോ​ഗി​ച്ചി​ട്ടു​ള്ളത്‌. പേശീ​ബലം പരി​ശോ​ധി​ക്കു​ന്ന​തി​നു മിക്ക​പ്പോ​ഴും ചെയ്യാ​റു​ള്ള​പോ​ലെ ഒരു വൈദ്യൻ ഒരു വ്യക്തി​യു​ടെ നീട്ടി​പ്പി​ടി​ച്ചി​രി​ക്കുന്ന കൈ ബലമായി താഴ്‌ത്തു​ന്നു. അടുത്ത​താ​യി രോഗി ഒരു പോഷ​ണ​ദ്ര​വ്യ​മോ മറെറ​ന്തെ​ങ്കി​ലും വസ്‌തു​വോ തന്റെ വായി​ലോ അടിവ​യ​റി​ലോ കയ്യിലോ വയ്‌ക്കു​ന്നു. അതിനു​ശേഷം കയ്യിലെ പേശികൾ വീണ്ടും പരി​ശോ​ധി​ക്ക​പ്പെ​ടു​ന്നു. അയാൾക്ക്‌ ആ പോഷ​ണ​ദ്ര​വ്യം ആവശ്യ​മാ​ണെ​ങ്കിൽ അയാളു​ടെ കൈ നല്ല ബലമു​ള്ള​താ​ണെന്നു തെളി​യും; അത്‌ അയാൾക്കു പററി​യ​ത​ല്ലെ​ങ്കിൽ പേശികൾ ബലമി​ല്ലാ​ത്ത​വ​യാ​ണെന്നു തെളി​യും എന്ന്‌ അവകാ​ശ​പ്പെ​ടു​ന്നു.b

ഇതു​കൊ​ണ്ടു ഫലമു​ണ്ടെ​ന്നും ശരീര​ത്തി​ലുള്ള ശക്തികളെ ആശ്രയി​ച്ചാണ്‌ ഇങ്ങനെ സംഭവി​ക്കു​ന്ന​തെ​ന്നു​മാണ്‌ ഇപ്രകാ​രം ചെയ്‌ത ചിലർ വിശ്വ​സി​ക്കു​ന്നത്‌. ആധുനിക ശാസ്‌ത്ര​ത്തി​നു വിശദീ​ക​രി​ക്കാ​നാ​വാത്ത അനേകം സംഗതി​കൾ സംഭവി​ക്കു​ന്ന​താ​യോ നിരീ​ക്ഷി​ക്ക​പ്പെ​ടു​ന്ന​താ​യോ അവർ ന്യായ​വാ​ദം ചെയ്യുന്നു. വൈദ്യൻമാർ ഇതുവരെ കണ്ടുപി​ടി​ക്കു​ക​യോ അംഗീ​ക​രി​ക്കു​ക​യോ ചെയ്‌തി​ട്ടി​ല്ലെ​ന്നു​വ​രി​കി​ലും ശക്തിയും വസ്‌തു​വും തമ്മിൽ ബലപഥ​ങ്ങ​ളോ പ്രതി​വർത്ത​ന​ങ്ങ​ളോ ഉണ്ടായി​രി​ക്കാൻ ഇടയു​ള്ള​താ​യി അവർ അവകാ​ശ​വാ​ദം ചെയ്യുന്നു.

നേരേ​മ​റിച്ച്‌, “പോഷണം പോലുള്ള രാസവ​സ്‌തു​ക്ക​ളു​ടെ മൂല്യം നിർണ​യി​ക്കു​ന്നത്‌ വസ്‌തു​ക്കൾ കയ്യിൽ പിടിച്ച്‌ പേശികൾ പരി​ശോ​ധി​ച്ചു​കൊ​ണ്ടാ​ണെന്നു ചില​പ്പോ​ഴെ​ല്ലാം [പുസ്‌ത​കങ്ങൾ] പഠിപ്പി​ക്കു​ന്നു” എന്ന്‌ അപ്ലൈഡ്‌ കൈനി​സ്യോ​ളജി (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ക്കു​ന്നു. ഈ വിധത്തി​ലുള്ള പരി​ശോ​ധന അൽപ്പം​പോ​ലും ആശ്രയ​യോ​ഗ്യ​മാ​ണെന്നു കാട്ടുന്ന യാതൊ​രു തെളി​വു​മില്ല. . . . വൈദ്യ​ന്റെ തത്ത്വശാ​സ്‌ത്ര​പ​ര​മായ മനോ​ഭാ​വം ശക്തമാ​യി​രി​ക്കു​ന്ന​തി​നാൽ ചികിത്സാ സമയത്തു കൃത്യ​മായ വിവരം നേടി​യെ​ടു​ക്കു​ന്ന​തിന്‌ അയാളു​ടെ മുൻവി​ധി തടസ്സം സൃഷ്ടി​ക്കു​ന്നു.” കൈ​കൊ​ണ്ടുള്ള പേശീ​പ​രി​ശോ​ധ​ന​യിൽ അനുഭ​വ​പ​രി​ച​യ​മുള്ള ഒരു വൈദ്യന്‌ പരി​ശോ​ധ​ന​യിൽ . . . അൽപ്പസ്വൽപ്പം മാററം വരുത്തി​ക്കൊ​ണ്ടു തന്റെ കണക്കു​കൂ​ട്ട​ല​നു​സ​രിച്ച്‌ ഒരു രോഗി​യു​ടെ പേശി ക്ഷയിച്ച​തോ ബലമു​ള്ള​തോ ആണെന്നു വരുത്തി​ത്തീർക്കു​ന്ന​തി​നു നിഷ്‌പ്ര​യാ​സം കഴിയും.”

ജാഗ്ര​രാ​യി​രിക്ക!

എന്നിരു​ന്നാ​ലും, ചില പേശീ​പ​രി​ശോ​ധന ഇതിനു​മ​പ്പു​റം പോകു​ന്നു. “പകര പരി​ശോ​ധന” (surrogate testing) എന്നു പറയുന്ന രീതി​യെ​ക്കു​റി​ച്ചു പരിചി​ന്തി​ക്കുക. പരി​ശോ​ധി​ക്കാ​നാ​വാ​ത്ത​വി​ധം ദുർബ​ല​മായ ഒരു പ്രായം​ചെന്ന വ്യക്തി​യി​ലോ ഒരു കുട്ടി​യി​ലോ ആയിരി​ക്കും ഈ പരി​ശോ​ധന നടത്തു​ന്നത്‌. പകരക്കാ​രൻ കുട്ടിയെ തൊടു​മ്പോൾ വൈദ്യൻ പകരക്കാ​രന്റെ കൈ പരി​ശോ​ധി​ക്കു​ന്നു. ഇത്‌ ഓമന​മൃ​ഗ​ങ്ങ​ളു​ടെ കാര്യ​ത്തിൽപ്പോ​ലും ബാധക​മാ​ക്കി​യി​ട്ടുണ്ട്‌; കോളി​പ്പ​ട്ടി​യു​ടെ​യോ ജർമൻ ഷെപ്പേർഡി​ന്റെ​യോ രോഗം ബാധിച്ച മററ്‌ ഓമന​മൃ​ഗ​ത്തി​ന്റെ​യോ​മേൽ വെക്കുന്ന പകരക്കാ​രന്റെ കൈ പരി​ശോ​ധി​ക്കു​ന്നു.

അത്തരം നടപടി​ക​ളെ​ക്കു​റി​ച്ചു ഞങ്ങൾക്കു വിധി​കൽപ്പി​ക്കാ​നാ​വില്ല. എന്നാൽ നിങ്ങൾ ഇങ്ങനെ ചോദി​ച്ചേ​ക്കാം, ‘ശാരീ​രിക ശക്തിയാ​ണോ ഇതിനു പിന്നി​ലു​ള്ളത്‌?’ കോസ്‌മിക്‌ രശ്‌മി​കൾ, മൈ​ക്രോ​വേ​വു​കൾ എന്നിവ​യ്‌ക്കു പുറമേ പലതര​ത്തി​ലു​മുള്ള വിദ്യു​ത്‌കാ​ന്തിക വികി​ര​ണ​ത്തി​ന്റെ അസ്‌തി​ത്വം ശാസ്‌ത്ര​ജ്ഞൻമാർ തെളി​യി​ച്ചി​ട്ടുണ്ട്‌. എന്നുവ​രി​കി​ലും, എല്ലാ ജന്തുക്ക​ളി​ലും, ശിശു​ക്ക​ളി​ലും വീട്ടിലെ ഓമന​മൃ​ഗ​ങ്ങ​ളി​ലും​പോ​ലും, രണ്ടാമ​തൊ​രു വ്യക്തി​യിൽ പരി​ശോ​ധന നടത്താൻമാ​ത്രം ശക്തി പുറ​ത്തേക്കു പ്രവഹി​ക്കു​ന്നു​ണ്ടോ? ശക്തിക്കു പുറ​ത്തേക്കു പ്രവഹി​ക്കാ​നാ​കു​മെ​ന്നും അതിന്‌ ഒരു ആടി​ന്റെ​മേൽ പ്രഭാവം ചെലു​ത്താ​നാ​കു​മെ​ന്നും ബാബി​ലോ​ന്യർ ധരിച്ചി​രു​ന്നു. ‘ഇന്ന്‌ മനുഷ്യ​രു​ടെ​യോ മൃഗങ്ങ​ളു​ടെ​യോ കാര്യ​ത്തിൽ സമാന​മായ ഒന്ന്‌ സംഭവി​ച്ചേ​ക്കാ​മെന്നു ഞാൻ വിശ്വ​സി​ക്കു​ന്നു​ണ്ടോ? അതോ ആ പ്രഭാ​വ​ങ്ങൾക്കു വേറെ വിശദീ​ക​ര​ണ​മു​ണ്ടാ​യി​രി​ക്കു​മോ?’ എന്നു നിങ്ങൾ സ്വയം ചോദി​ച്ചേ​ക്കാം.

ചില വൈദ്യൻമാർ ലോഹ പിരി​ക​ളോ ദോല​ക​ങ്ങ​ളോ ഉപയോ​ഗിച്ച്‌ ഒരു വ്യക്തി​യു​ടെ “ശക്തി” അളക്കു​ന്ന​താ​യി അവകാ​ശ​പ്പെ​ടു​ന്നു. രോഗ​ശാ​ന്തി നൽകു​ന്ന​യാ​ളു​ടെ “ഊർജ​മ​ണ്ഡലം” രോഗി​യു​ടേ​തു​മാ​യി പ്രതി​വർത്തി​ച്ചു​കൊണ്ട്‌ ഇവ ചലിക്കു​ന്ന​താ​യി കരുത​പ്പെ​ടു​ന്നു. ഒരു ചികി​ത്സ​ക​യും ഈ രംഗത്തെ ഒരു എഴുത്തു​കാ​രി​യും ഒരിക്കൽ ഗവേഷണ ശാസ്‌ത്ര​ജ്ഞ​യു​മാ​യി​രുന്ന ഒരുവൾ ഒരു ദോലകം ഉപയോ​ഗി​ച്ചു പരി​ശോ​ധി​ച്ച​റി​യു​ന്നു. വ്യക്തി​കളെ ചുററി​യി​രി​ക്കു​ന്ന​താ​യി പറയ​പ്പെ​ടുന്ന “മനു​ഷ്യോർജ മണ്ഡലം” അഥവാ വർണപ്രഭ തനിക്കു ഭാവന​യിൽ കാണാൻ കഴിയു​മെ​ന്നും അവർ ഉറപ്പിച്ചു പറയുന്നു. ഒരു ശരീര​ത്തിൽ മുഴകൾ, രക്തകോ​ശങ്ങൾ മൈ​ക്രോ​ബു​കൾ എന്നിവ നിരീ​ക്ഷി​ക്കു​ന്ന​തി​നും ഭൂതകാ​ല​ത്തെ​ക്കു​റി​ച്ചു വീക്ഷി​ക്കു​ന്ന​തി​നും താൻ “ആന്തരിക ദൃഷ്ടി” ഉപയോ​ഗി​ക്കു​ന്ന​താ​യി അവർ അവകാ​ശ​പ്പെട്ടു.c

നേരത്തെ കണ്ട പ്രകാരം, വികാ​രങ്ങൾ പരിശോധിക്കുന്നതിന്‌ കൈബ​ല​ത്താൽ ശക്തി അളക്കുന്ന രീതി​യുണ്ട്‌. “അതേ സമയം​തന്നെ ഒരു ചെറിയ വൈകാ​രിക പരി​ശോ​ധന നടത്താൻ നിങ്ങൾ ആഗ്രഹി​ക്കു​ന്നു​വെ​ങ്കിൽ കേൾക്കാൻ പാകത്തി​നു ചോദി​ക്കുക, ‘നിങ്ങൾക്ക്‌ എന്തെങ്കി​ലും കുഴപ്പ​മു​ണ്ടോ?’ എന്നിട്ട്‌ വീണ്ടും പരി​ശോ​ധി​ക്കുക. പോഷണം കുറവാ​ണെ​ങ്കിൽ ഇത്‌ ഇടയ്‌ക്കെ​ല്ലാം കൈയെ ദുർബ​ല​പ്പെ​ടു​ത്തും” എന്നു വ്യാപ​ക​മാ​യി വിതരണം ചെയ്യ​പ്പെ​ട്ടി​ട്ടുള്ള ഒരു പുസ്‌തകം പറയുന്നു. ചിലർ അത്തരം പരി​ശോ​ധന “ശാരീ​രി​ക​മോ മാനസി​ക​മോ ആത്മീയ​മോ ആയ ക്ഷതം ഏതു പ്രായ​ത്തിൽ സംഭവി​ച്ചു​വെന്നു തിരി​ച്ച​റി​യാൻ” ഉപയോ​ഗി​ക്കു​ന്നു. ദൈനം​ദിന ജീവി​ത​ത്തിൽ ‘ഉവ്വ്‌ അല്ലെങ്കിൽ ഇല്ല’ എന്ന തീരു​മാ​ന​ങ്ങ​ളെ​ടു​ക്കു​ന്ന​തി​നും ഇത്‌ ഉപയോ​ഗി​ച്ചു​വ​രു​ന്നു.

അത്തരം പേശീ​പ​രി​ശോ​ധന (മനുഷ്യ​ച​ല​ന​വി​ജ്ഞാ​നം) നടത്തുന്ന അനേക​രും തങ്ങളുടെ രീതി ഇപ്പോൾ വിശദീ​ക​രി​ച്ച​തിൽനി​ന്നു വ്യത്യ​സ്‌ത​മാ​ണെന്ന്‌ അതായത്‌, അതിൽ ആത്മവിദ്യ ഉൾപ്പെ​ട്ടി​ട്ടി​ല്ലെന്ന്‌ അല്ലെങ്കിൽ തങ്ങൾ യാതൊ​രു​വിധ വൈകാ​രിക പരി​ശോ​ധ​ന​യും നടത്തു​ന്നി​ല്ലെന്നു പറയാൻ സാധ്യ​ത​യുണ്ട്‌. എന്നിരു​ന്നാ​ലും, പ്രത്യേക ശക്തിക​ളു​ണ്ടെന്ന്‌ അവകാ​ശ​പ്പെ​ടു​ന്ന​വർക്കു മാത്രം പരി​ശോ​ധി​ക്കാ​നോ കാണാ​നോ കഴിയുന്ന മമനു​ഷ്യ​ന്റെ ആന്തരിക ശക്തിക​ളി​ലുള്ള ഒരു വിശ്വാ​സ​ത്തി​ലാ​ണോ അത്‌ ഇപ്പോ​ഴും അധിഷ്‌ഠി​ത​മാ​യി​രി​ക്കു​ന്നത്‌?

അത്തരം കാര്യങ്ങൾ ക്രിസ്‌ത്യാ​നി​കൾ ലഘുവാ​യി കണക്കാ​ക്കു​ന്നില്ല. “അമാവാ​സ്യ​യും ശബ്ബത്തും സഭാ​യോ​ഗം കൂടു​ന്ന​തും—നീതി​കേ​ടും ഉത്സവ​യോ​ഗ​വും എനിക്കു സഹിച്ചു കൂടാ” എന്നു ദൈവം ഇസ്രാ​യേ​ല്യ​രെ ബുദ്ധ്യു​പ​ദേ​ശി​ച്ചു. (യെശയ്യാ​വു 1:13) ആ ജനത വിശ്വാ​സ​ത്യാ​ഗി​ക​ളാ​യി​ത്തീർന്ന​പ്പോൾ അവർ ‘പ്രശ്‌ന​വും ആഭിചാ​ര​വും പ്രയോ​ഗി​ച്ചി​രു​ന്നു.’ (2 രാജാ​ക്കൻമാർ 17:17; 2 ദിനവൃ​ത്താ​ന്തം 33:1-6) സ്‌പഷ്ട​മാ​യും അവർ പ്രത്യേക അനുഷ്‌ഠാ​ന​ങ്ങ​ളി​ലൂ​ടെ വിവരങ്ങൾ ആരാഞ്ഞ്‌, “അലൗകി​ക​മായ കാര്യങ്ങൾ” സംസാ​രി​ച്ചു.—സെഖര്യാവ്‌ 10:2, NW.

ചില പേശീ​പ​രി​ശോ​ധന നിർദോ​ഷ​മാ​യി​രു​ന്നേ​ക്കാം. രോഗി​ക്കോ വൈദ്യ​നോ കോട്ടം തട്ടുന്നില്ല. എന്നുവ​രി​കി​ലും, ചിലർക്ക്‌ ആന്തരിക ദൃഷ്ടി, നിഗൂഢ വർണപ്രഭ, ദോല​ക​ത്തി​ന്റെ ഉപയോ​ഗം എന്നിങ്ങനെ അലൗകി​ക​മായ അല്ലെങ്കിൽ അമാനു​ഷി​ക​മായ വശങ്ങൾ ഉണ്ടാ​യെ​ന്നു​വ​രാം. ക്രിസ്‌ത്യാ​നി​കൾ അലൗകിക ശക്തി അഭ്യസി​ക്ക​രുത്‌. അവർ അത്തരം കാര്യങ്ങൾ പരി​ശോ​ധി​ച്ച​റി​ക​പോ​ലും ചെയ്യരുത്‌. കാരണം, സാത്താന്റെ ആഴമായ കാര്യ​ങ്ങ​ളെ​ക്കു​റി​ച്ച​റി​യാൻ അവർ ഉത്സുകരല്ല. (വെളി​പ്പാ​ടു 2:24) മറിച്ച്‌, ദൈവ​വ​ചനം കുററം​വി​ധി​ക്കുന്ന ആത്മവി​ദ്യ​യു​മാ​യി ബന്ധമു​ള്ള​തെന്നു തോന്നി​ക്കുന്ന എന്തും അഭ്യസി​ക്കു​ന്ന​തിൽ ജാഗ്രത പുലർത്തു​ന്ന​തി​നു നല്ല കാരണ​മുണ്ട്‌.—ഗലാത്യർ 5:19-21.

ഒരു ചികി​ത്സകൻ ചെയ്യു​ന്നത്‌ അയാളു​ടെ ചുമത​ല​യാണ്‌. ഓരോ​രു​ത്ത​രു​ടെ​യും അവകാ​ശ​വാ​ദ​ത്തെ​യോ രീതി​ക​ളെ​യോ പുനര​വ​ലോ​കനം ചെയ്‌തു ന്യായം​വി​ധി​ക്കാൻ നാം ഉദ്ദേശി​ക്കു​ന്നില്ല. ഈ ആചാര​ങ്ങ​ളിൽ ചിലതിൽ അലൗകിക ശക്തി ഉൾപ്പെ​ട്ടി​രി​ക്കു​ന്നു​വെന്നു നിങ്ങൾക്കു തോന്നു​ന്നു​വെ​ന്നി​രി​ക്കട്ടെ. അവ പരി​ശോ​ധി​ച്ചി​ട്ടുള്ള അനേകർ നിഷ്‌ക​ള​ങ്ക​ത​യോ​ടെ, ഏതെങ്കി​ലും വിധത്തിൽ ആത്മവി​ദ്യ​യു​ടെ ലാഞ്ചന​പോ​ലും ഏൽക്കാതെ അപ്രകാ​രം ചെയ്യാൻ ശ്രമി​ച്ചു​വെ​ന്നതു സ്‌പഷ്ട​മാണ്‌. നല്ല ആരോ​ഗ്യ​ത്തി​നു​വേ​ണ്ടി​യുള്ള അവരുടെ തീവ്ര​മായ വാഞ്‌ഛ​യു​ടെ ഒരു സൂചന ആയിരു​ന്നി​രി​ക്കാം അത്‌. എങ്കിലും, ശാരീ​രി​ക​മാ​യി പ്രയോ​ജ​ന​പ്ര​ദ​മെന്നു തോന്നിച്ച ഒന്നിനും ആത്മവി​ദ്യ​യ്‌ക്കു ബലിയാ​ടാ​കു​ന്ന​തി​നു​തക്ക മൂല്യ​മി​ല്ലാ​യി​രു​ന്നു എന്ന്‌ അത്തരം ആചാര​ന​ട​പ​ടി​യിൽ ഉൾപ്പെ​ട്ടി​രുന്ന ചിലർ പിന്നീടു മനസ്സി​ലാ​ക്കി.

വ്യക്തി​പ​ര​മാ​യ അത്തരം കാര്യ​ങ്ങ​ളിൽ എന്തു​ചെ​യ്യ​ണ​മെന്ന്‌ ഓരോ വ്യക്തി​യു​മാ​ണു തീരു​മാ​നി​ക്കേ​ണ്ടത്‌. എങ്കിലും, ക്രിസ്‌ത്യാ​നി​കൾ “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷിച്ചു കൊള്ളു​ന്നു” എന്ന ദൈവ​ത്തി​ന്റെ ബുദ്ധ്യു​പ​ദേശം ഓർമി​ക്കേ​ണ്ട​തുണ്ട്‌. (സദൃശ​വാ​ക്യ​ങ്ങൾ 14:15) അത്‌ ഫലപ്ര​ദ​മായ ആരോഗ്യ ക്രമീ​ക​ര​ണ​ങ്ങ​ളെന്നു പറയ​പ്പെ​ടുന്ന എന്തിനും ബാധക​മാണ്‌.

ദൈവ​ത്തി​ന്റെ ദാസൻമാ​രെ സത്യാ​രാ​ധ​ന​യിൽനിന്ന്‌ അകററു​ന്ന​തി​നു സാത്താൻ അതീവ തത്‌പ​ര​നാണ്‌. ക്രിസ്‌ത്യാ​നി​കളെ മററു താത്‌പ​ര്യ​ങ്ങ​ളിൽ വശീക​രി​ച്ചെ​ടു​ക്കാൻ സാത്താനു കഴിയു​ന്നെ​ങ്കിൽ അവൻ അതിൽ ആഹ്ലാദ​പു​ള​കി​ത​നാ​കും. ആത്മവി​ദ്യ​യി​ലേക്കു വലിച്ചി​ഴ​ക്കാൻ ഇടയുള്ള അലൗകി​ക​മോ അപ്രകാ​ര​മെന്നു തോന്നി​ക്കു​ന്ന​തോ ആയ കാര്യ​ങ്ങ​ളിൽ അവർ ആകർഷി​ത​രാ​യി​ത്തീ​രു​ന്നു​വെന്നു കണ്ടാൽ അവൻ അത്യധി​കം ആനന്ദപു​ള​കി​ത​നാ​യി​രി​ക്കും.—1 പത്രൊസ്‌ 5:8.

ക്രിസ്‌ത്യാ​നി​കൾ മോ​ശൈക ന്യായ​പ്ര​മാ​ണ​ത്തിൻ കീഴി​ല​ല്ലെ​ങ്കി​ലും ഭൂതവി​ദ്യാ​ചാ​ര​ങ്ങ​ളോ​ടുള്ള യഹോ​വ​യു​ടെ വീക്ഷണ​ഗ​തി​ക്കു മാററം വന്നിട്ടില്ല. നേരത്തെ സൂചി​പ്പി​ച്ച​പ്ര​കാ​രം “പ്രശ്‌ന​ക്കാ​രൻ, മുഹൂർത്ത​ക്കാ​രൻ, ആഭിചാ​രകൻ, ക്ഷുദ്ര​ക്കാ​രൻ, മന്ത്രവാ​ദി” എന്നിവർ അവരുടെ ഇടയിൽ കാണരു​താ​യി​രു​ന്നു. “ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറുപ്പു ആകുന്നു; . . . യഹോ​വ​യു​ടെ മുമ്പാകെ നീ നിഷ്‌ക​ള​ങ്ക​നാ​യി​രി​ക്കേണം” എന്നു ദൈവം ഇസ്രാ​യേ​ല്യ​രോ​ടു കൽപ്പിച്ചു.—ആവർത്ത​ന​പു​സ്‌തകം 18:10-13.

അതു​കൊണ്ട്‌, ക്രിസ്‌ത്യാ​നി​കൾ “ദൈവ​ത്തി​ന്റെ സർവ്വാ​യു​ധ​വർഗ്ഗം ധരി”ക്കുന്നതിൽ തുടരു​ന്നത്‌ എത്ര ജ്ഞാനപൂർവ​ക​മാ​യി​രി​ക്കും. എന്തു​കൊ​ണ്ടെ​ന്നാൽ, ‘നമുക്കു പോരാ​ട്ട​മു​ള്ളതു . . . സ്വർല്ലോ​ക​ങ്ങ​ളി​ലെ ദുഷ്ടാ​ത്മ​സേ​ന​യോട്‌ അത്രേ!’—എഫെസ്യർ 6:11, 12.

[അടിക്കു​റി​പ്പു​കൾ]