ഭക്ഷണ​പ്പൊ​തി സാക്ഷ്യം നൽകുന്നു

ജപ്പാനി​ലെ കോ​ബെ​യിൽ കഴിഞ്ഞ ജനുവ​രി​യിൽ ഉണ്ടായ ഭൂകമ്പ​ത്തെ​ത്തു​ടർന്നുള്ള ദിവസ​ങ്ങ​ളിൽ ഭൂകമ്പ​ബാ​ധിത പ്രദേ​ശത്തെ ആളുകൾ ഭക്ഷണത്തി​നാ​യി ഏറെ ബുദ്ധി​മു​ട്ടി. എന്നിട്ടും, യഹോ​വ​യു​ടെ സാക്ഷി​കൾക്കു തങ്ങളുടെ സുഹൃ​ത്തു​ക്ക​ളു​ടെ ദയാപു​ര​സ്സ​ര​മായ ശ്രമഫ​ല​മാ​യി ഭക്ഷണപ​ദാർഥ​ങ്ങ​ളു​ടെ അഭാവം അനുഭ​വ​പ്പെ​ട്ടില്ല. ഭൂകമ്പ​മു​ണ്ടാ​യി ആദ്യത്തെ രണ്ടു മൂന്നു ദിവസം സമീപ പ്രദേ​ശ​ത്തുള്ള സഭകൾ ചോറും​പൊ​തി പ്രദാ​നം​ചെ​യ്‌തു. പെട്ടെ​ന്നു​തന്നെ കരുത​ലുള്ള സുഹൃ​ത്തു​ക്കൾ ഭക്ഷണ​പ്പൊ​തി​കൾ പ്രദാ​നം​ചെ​യ്യാൻ തുടങ്ങി. അനേക​രും ഭൂകമ്പ​ബാ​ധി​ത​രെ​പ്പറ്റി ഉത്‌കണ്‌ഠ പ്രകടി​പ്പി​ച്ചു​കൊ​ണ്ടുള്ള കുറി​പ്പു​ക​ളും ഭക്ഷണ​പ്പൊ​തി​ക​ളോ​ടൊ​പ്പം വെച്ചി​രു​ന്നു. ഭക്ഷണ​പ്പൊ​തി​കൾ ലഭിച്ച​വർക്ക്‌ ആ കുറി​പ്പു​കൾ വായി​ച്ച​പ്പോൾവന്ന കണ്ണീരു വീണ്‌ ഓരോ ഭക്ഷണവും “ഉപ്പുള്ള​താ​യി”ത്തീർന്നു​വെന്ന്‌ അവർ പറഞ്ഞു.

സഹായം ആവശ്യ​മു​ള്ള​വ​രു​മാ​യി യഹോ​വ​യു​ടെ സാക്ഷികൾ തങ്ങളുടെ ഭക്ഷണം പങ്കിട്ടു. ഒരു സാക്ഷി ഒരേ കമ്പനി​യിൽ ജോലി​ചെ​യ്യുന്ന, സാക്ഷി​യ​ല്ലാത്ത സഹപ്ര​വർത്ത​ക​നോ​ടൊ​പ്പം കാറിൽ യാത്ര ചെയ്‌തു​കൊ​ണ്ടി​രു​ന്ന​പ്പോൾ തന്റെ ഉച്ചയൂണു കഴിച്ചു. തനിക്ക്‌ ലഭിച്ച ഭക്ഷണ​പ്പൊ​തി​ക​ളി​ലൊന്ന്‌ അദ്ദേഹം സഹപ്ര​വർത്ത​ക​നു​മാ​യി പങ്കിട്ടു.

“താങ്കൾ എവി​ടെ​നി​ന്നാണ്‌ ഈ ഭക്ഷണ​പ്പൊ​തി വാങ്ങി​യത്‌?” സുഹൃത്തു ചോദി​ച്ചു. സാക്ഷി​ക​ളു​ടെ ദുരി​താ​ശ്വാ​സ പ്രവർത്ത​ന​ങ്ങ​ളെ​പ്പറ്റി സഹോ​ദരൻ വിശദീ​ക​രി​ച്ചു. “ഞാൻ പച്ചക്കറി​കൾ കഴിച്ചി​ട്ടു ദിവസ​ങ്ങ​ളാ​യി. എന്റെ കുടും​ബാം​ഗ​ങ്ങൾക്കു​വേണ്ടി ഇതിൽ കുറച്ചു മാറ്റി​വ​യ്‌ക്കട്ടെ” എന്ന്‌ അദ്ദേഹം വിലമ​തി​പ്പോ​ടെ പറഞ്ഞു.

മൂന്നാ​മ​ത്തെ തവണ ആ സഹപ്ര​വർത്ത​കനു ഭക്ഷണ​പ്പൊ​തി ലഭിച്ച​പ്പോൾ അദ്ദേഹം 3,000 യെൻ (ഏതാണ്ട്‌ 35 യു.എസ്‌. ഡോളർ) സാക്ഷിക്കു നൽകി​യി​ട്ടു പറഞ്ഞു: “എനിക്കു നിങ്ങളു​ടെ പ്രവർത്ത​ന​ങ്ങ​ളെ​പ്പറ്റി നന്നായി അറിയാം. അതു​കൊണ്ട്‌ നിങ്ങളു​ടെ വേലയ്‌ക്കാ​യി സംഭാവന ചെയ്യാൻ ദയവു​ചെ​യ്‌ത്‌ എന്നെ അനുവ​ദി​ക്കൂ. താങ്കൾ എന്നോ​ടൊ​പ്പം ഭക്ഷണം പങ്കിട്ടതു ഞാൻ വിലമ​തി​ക്കു​ന്നു. താങ്കളു​ടെ സുഹൃ​ത്തു​ക്ക​ളെ​ല്ലാം വാസ്‌ത​വ​ത്തിൽ എത്ര നല്ലവരാണ്‌.”