നമ്മുടെ ഭൂമി​യു​ടെ ഭാവി എന്തായി​രി​ക്കും?

“പ്രാകൃ​ത​മായ ആഭ്യന്തര കലാപ​ത്തി​ന്റെ​യും അസംഖ്യം പോരാ​ട്ട​ങ്ങ​ളു​ടെ​യും അഭയാർഥി പ്രവാ​ഹ​ത്തി​ന്റെ​യും യുദ്ധങ്ങ​ളിൽ കൊല്ല​പ്പെട്ട കോടി​ക്ക​ണ​ക്കിന്‌ ആളുക​ളു​ടെ​യും ‘പ്രതി​രോധ’ത്തിനായി ചെലവ​ഴി​ക്കുന്ന ഭീമമായ തുകയു​ടെ​യും കാര്യ​മെ​ടു​ത്താൽ 20-ാം നൂറ്റാ​ണ്ടിന്‌ തുല്യ​മായ മറ്റൊരു നൂറ്റാ​ണ്ടു​മില്ല” എന്ന്‌ ലോക സൈനിക, സാമൂ​ഹിക ചെലവു​കൾ 1996 (ഇംഗ്ലീഷ്‌) പ്രസ്‌താ​വി​ക്കു​ന്നു. ഈ സ്ഥിതി​വി​ശേ​ഷ​ത്തി​നു മാറ്റം വരുമോ?

നൂറ്റാ​ണ്ടു​കൾക്കു മുമ്പ്‌, ദൈവം നൽകിയ ഒരു വാഗ്‌ദാ​ന​ത്തെ​ക്കു​റിച്ച്‌ അപ്പോ​സ്‌ത​ല​നായ പത്രൊസ്‌ ക്രിസ്‌ത്യാ​നി​കളെ ഓർമി​പ്പി​ച്ചു: “നാം [ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.” (2 പത്രൊസ്‌ 3:13) ആ വാക്കുകൾ വാസ്‌ത​വ​ത്തിൽ യെശയ്യാ പ്രവച​ന​ത്തി​ന്റെ ഭാഗമാ​യി​രു​ന്നു. (യെശയ്യാ​വു 65:17; 66:22) പുരാതന ഇസ്രാ​യേൽ ജനത ബാബി​ലോ​നി​ലെ 70 വർഷത്തെ പ്രവാ​സ​ത്തി​നു​ശേഷം വാഗ്‌ദത്ത ദേശ​ത്തേക്കു പുനഃ​സ്ഥി​തീ​ക​രി​ക്ക​പ്പെ​ട്ട​പ്പോൾ ആ പ്രവച​ന​ത്തി​ന്റെ പ്രാഥ​മിക നിവൃത്തി അനുഭ​വി​ച്ചു. “പുതിയ ആകാശ​വും പുതിയ ഭൂമി​യും” സംബന്ധിച്ച വാഗ്‌ദത്തം ആവർത്തി​ച്ചു പറഞ്ഞു​കൊണ്ട്‌, ഏറെ മഹത്തായ ഒരളവിൽ—ലോക​വ്യാ​പ​ക​മാ​യി—ആ പ്രവചനം നിവൃ​ത്തി​യാ​കു​മെന്ന്‌ പത്രൊസ്‌ പ്രകട​മാ​ക്കി!

ഭൂമി​യി​ലെ​ങ്ങും നീതി​നി​ഷ്‌ഠ​മായ അവസ്ഥകൾ സ്ഥാപി​ക്കു​ക​യെ​ന്നത്‌ ദൈവ​ഹി​ത​മാണ്‌. ക്രിസ്‌തു രാജാ​വാ​യി​രി​ക്കുന്ന അവന്റെ സ്വർഗീയ രാജ്യം അത്‌ സാധ്യ​മാ​ക്കും. “ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.” (യെശയ്യാ​വു 2:4) ഭൂമി​യിൽ അത്തരം സമ്പൂർണ സമാധാ​ന​വും സുരക്ഷി​ത​ത്വ​വും പ്രതീ​ക്ഷി​ക്കാ​നും അതിനാ​യി പ്രാർഥി​ക്കാ​നും യേശു തന്റെ ശിഷ്യ​ന്മാ​രെ പഠിപ്പി​ച്ചു. കർത്താ​വി​ന്റെ പ്രാർഥന എന്ന്‌ അറിയ​പ്പെ​ടുന്ന ആ പ്രാർഥ​ന​യിൽ ഇങ്ങനെ പറയുന്നു: “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:9, 10.

സ്വർഗ​ത്തി​ലെ​പ്പോ​ലെ നീതി​നി​ഷ്‌ഠ​മായ ഒരു ലോക​ത്തിൽ ജീവി​ക്കാൻ നിങ്ങൾ ആഗ്രഹി​ക്കു​മോ? ദൈവത്തെ അറിയു​ന്ന​തിന്‌ മുഴു​ഹൃ​ദയാ ശ്രമി​ക്കാ​നും അവന്റെ നീതി​നി​ഷ്‌ഠ​മായ വഴികൾ അനുസ​രിച്ച്‌ ജീവി​ക്കാ​നും ആഗ്രഹി​ക്കുന്ന ഏതൊരു വ്യക്തി​ക്കും ബൈബിൾ വെച്ചു​നീ​ട്ടുന്ന പ്രത്യാശ അതാണ്‌.