“തീർച്ച​യാ​യും ആദരവു​ണർത്തുന്ന” ഒരു വേല

പത്രൊസ്‌ അപ്പൊ​സ്‌തലൻ തന്റെ സഹക്രി​സ്‌ത്യാ​നി​കളെ ബുദ്ധ്യു​പ​ദേ​ശി​ച്ചു​കൊണ്ട്‌ എഴുതി: “ജാതികൾ നിങ്ങളെ ദുഷ്‌പ്ര​വൃ​ത്തി​ക്കാർ എന്നു ദുഷി​ക്കു​ന്തോ​റും നിങ്ങളു​ടെ നല്ല പ്രവൃ​ത്തി​കളെ കണ്ടറി​ഞ്ഞി​ട്ടു . . . ദൈവത്തെ മഹത്വ​പ്പെ​ടു​ത്തേ​ണ്ട​തി​ന്നു അവരുടെ ഇടയിൽ നിങ്ങളു​ടെ നടപ്പു നന്നായി​രി​ക്കേണം.” (1 പത്രൊസ്‌ 2:11, 12) അനേക വർഷങ്ങ​ളാ​യിട്ട്‌ ഇറ്റലി​യി​ലെ യഹോ​വ​യു​ടെ സാക്ഷികൾ പരസ്യ​മാ​യി അത്തരം നല്ല നടത്ത കാഴ്‌ച​വെ​ച്ചി​രി​ക്കു​ന്നു. “പുരമു​ക​ളിൽനി​ന്നു ഘോഷി​പ്പിൻ” എന്ന യേശു​വി​ന്റെ കൽപ്പന​യു​ടെ അന്തഃസത്ത ഉൾക്കൊണ്ട്‌ അവർ തങ്ങളുടെ എല്ലാ ക്രിസ്‌തീയ പ്രവർത്ത​ന​ങ്ങ​ളും പരസ്യ​മാ​യി, എല്ലാവ​രും കാൺകെ നിർവ​ഹി​ക്കു​ന്നു. (മത്തായി 10:27; യോഹ​ന്നാൻ 18:20) അങ്ങനെ​യി​രി​ക്കെ, ഒരു ഇറ്റാലി​യൻ അറ്റോർണി​യും ഒരു പുരോ​ഹി​ത​നും യഹോ​വ​യു​ടെ സാക്ഷികൾ “വ്യാജ മതവി​ഭാ​ഗം” ആണെന്നും “ആളുകളെ കെണി​യി​ലാ​ക്കുന്ന രഹസ്യ വിഭാഗങ്ങ”ളിൽപ്പെ​ട്ടത്‌ ആണെന്നു​മുള്ള ആരോ​പ​ണങ്ങൾ പ്രസി​ദ്ധീ​ക​രി​ച്ചു. സാക്ഷി​ക​ളാ​കട്ടെ, അപകീർത്തി​പ്പെ​ടു​ത്തുന്ന ഈ പ്രസ്‌താ​വ​ന​യ്‌ക്ക്‌ എതിരെ കോട​തി​യെ സമീപി​ക്കാൻ തീരു​മാ​നി​ച്ചു.

ആദ്യ വിചാ​ര​ണ​യിൽ, അറ്റോർണി​യോ പുരോ​ഹി​ത​നോ കുറ്റക്കാ​രല്ല എന്നു കോടതി വിധിച്ചു. എന്നാൽ, 1997 ജൂലൈ 17-ന്‌, വെനീസ്‌ അപ്പീൽ കോടതി ആദ്യ കോട​തി​യു​ടെ വിധി മറിച്ചു​വി​ധി​ച്ചു​കൊണ്ട്‌ രണ്ടു പ്രതി​ക​ളും കുറ്റക്കാ​രാ​ണെന്നു പ്രഖ്യാ​പി​ച്ചു. അപ്പീൽ കോടതി പ്രസ്‌താ​വി​ച്ചു: “പ്രസി​ദ്ധ​പ്പെ​ടു​ത്തി​യി​രി​ക്കുന്ന ഈ രണ്ടു വിവാദ ലേഖന​ങ്ങ​ളി​ലും ‘യഹോ​വ​യു​ടെ സാക്ഷികൾ’ എന്ന മതാനു​യാ​യി​ക​ളു​ടെ സത്‌പേ​രി​നെ തീർച്ച​യാ​യും കളങ്ക​പ്പെ​ടു​ത്താൻ പോന്ന പ്രയോ​ഗ​ങ്ങ​ളും പ്രസ്‌താ​വ​ന​ക​ളും ഉണ്ട്‌. അതിന്റെ അനുയാ​യി​ക​ളു​ടെ​മേൽ മനഃപൂർവം ചെളി​വാ​രി​യെ​റി​യുക എന്നതാണ്‌ ലേഖന​ങ്ങ​ളു​ടെ ലക്ഷ്യ​മെ​ന്നത്‌ വ്യക്തമാണ്‌.” “റിപ്പോർട്ടു ചെയ്യാ​നും വിമർശി​ക്കാ​നു​മുള്ള അവകാ​ശ​ത്തി​ന്റെ നിയമ​പ​ര​മായ വിനി​യോ​ഗമല്ല” ലേഖന​ങ്ങ​ളി​ലൂ​ടെ “നടത്തി​യി​രി​ക്കു​ന്നത്‌” എന്ന്‌ കോടതി പ്രസ്‌താ​വി​ച്ചു. രണ്ടു ദൂഷകർക്കും പിഴ വിധിച്ച കോടതി രണ്ടു കേസു​ക​ളി​ലു​മാ​യി സാക്ഷി​കൾക്കു ചെലവ​ഴി​ക്കേ​ണ്ടി​വന്ന കോടതി ഫീസി​നും വക്കീൽ ഫീസി​നും നഷ്ടപരി​ഹാ​രം കൊടു​ക്കാ​നും കൽപ്പിച്ചു.

ലിഖിത വിധി​പ്ര​ഖ്യാ​പ​ന​ത്തിൽ വെനീസ്‌ അപ്പീൽ കോടതി ഇങ്ങനെ അഭി​പ്രാ​യ​പ്പെട്ടു: “[ഇറ്റാലി​യൻ] ഭരണഘടന ഉറപ്പു നൽകുന്ന അവകാ​ശങ്ങൾ തുല്യ​മാ​യി നടപ്പാ​ക്കി​ക്കൊ​ണ്ടും സംരക്ഷി​ച്ചു​കൊ​ണ്ടും മാത്രമേ അസഹി​ഷ്‌ണു​ത​യു​ടെ​യും മതഭ്രാ​ന്തി​ന്റെ​യും രൂപങ്ങളെ തടയാ​നാ​കു​ക​യു​ള്ളൂ.” യഹോ​വ​യു​ടെ സാക്ഷി​ക​ളു​ടെ പ്രവർത്തനം രഹസ്യ സ്വഭാ​വ​മു​ള്ള​തോ കപട മതപര​മോ അല്ലെന്ന്‌ ഈ വിധി​ന്യാ​യം അംഗീ​ക​രി​ക്കു​ന്നു. “അനേകം നഗരങ്ങ​ളി​ലും ഈ മതത്തിന്റെ സജീവ പ്രവർത്തനം ഉണ്ട്‌, അതിന്റെ അംഗങ്ങൾ വിശേ​ഷി​ച്ചും ഞായറാ​ഴ്‌ച​ക​ളി​ലും മറ്റ്‌ അവധി ദിവസ​ങ്ങ​ളി​ലും നടത്തുന്ന വ്യാപ​ക​മായ പ്രസംഗ പ്രവർത്ത​നങ്ങൾ പ്രസി​ദ്ധ​മാണ്‌, കൂടാതെ അവർ പ്രസം​ഗി​ക്കുന്ന ഉപദേ​ശ​ങ്ങളെ കുറിച്ച്‌ ആര്‌ എന്ത്‌ ചിന്തി​ച്ചാ​ലും അവരുടെ ശ്രമങ്ങൾ തീർച്ച​യാ​യും ആദരവു​ണർത്തു​ന്ന​താണ്‌ എന്നിങ്ങ​നെ​യുള്ള കാരണ​ങ്ങ​ളാൽ സാക്ഷി​കളെ രഹസ്യ വിഭാ​ഗ​മാ​യി മുദ്ര​യ​ടി​ക്കു​ന്നത്‌ ചരിത്ര സത്യത്തി​ന്റെ മാനദ​ണ്ഡ​ത്തി​നു നിരക്കു​ന്നതല്ല” എന്നു കോടതി പ്രസ്‌താ​വി​ച്ചു. അങ്ങനെ, ഇറ്റലി​യിൽ യഹോ​വ​യു​ടെ സാക്ഷി​ക​ളു​ടെ തീക്ഷ്‌ണ​മായ പ്രസം​ഗ​വേ​ല​യു​ടെ​യും മാതൃ​കാ​പ​ര​മായ നടത്തയു​ടെ​യും ചരിത്രം അവർക്ക്‌ എതി​രെ​യുള്ള മുൻവി​ധി​യെ നിർവീ​ര്യ​മാ​ക്കാൻ സഹായി​ച്ചി​രി​ക്കു​ന്നു.—മത്തായി 5:14-16; 1 പത്രൊസ്‌ 2:15.