“മഞ്ഞുതു​ള്ളി​കളെ ജനിപ്പി​ച്ച​താർ?”

പത്തൊ​മ്പ​താം നൂറ്റാ​ണ്ടി​ലെ ഒരു പത്ര​പ്ര​വർത്തകൻ മഞ്ഞുതു​ള്ളി​കളെ “വായു മെന​ഞ്ഞെ​ടു​ക്കുന്ന, ഭൂമി​യു​ടെ ദ്രവാ​ഭ​രണം” എന്നു വർണി​ക്കു​ക​യു​ണ്ടാ​യി. പുരാതന ഗോ​ത്ര​പി​താ​വായ ഇയ്യോ​ബി​നോ​ടു നമ്മുടെ സ്രഷ്ടാവു ചോദി​ച്ചു: “മഞ്ഞുതു​ള്ളി​കളെ ജനിപ്പി​ച്ച​താർ?” (ഇയ്യോബ്‌ 38:28) ദൈവം ഇയ്യോ​ബി​നെ അമൂല്യ​മായ മഞ്ഞുതു​ള്ളി​യു​ടെ ദിവ്യ ഉത്ഭവത്തെ കുറിച്ച്‌ അനുസ്‌മ​രി​പ്പി​ക്കുക ആയിരു​ന്നു.

മഞ്ഞുതു​ള്ളി​യു​ടെ തിളക്ക​മാർന്ന, രത്‌ന​സ​മാന മനോ​ഹാ​രി​ത​യ്‌ക്കു പുറമേ, ബൈബി​ളിൽ അതിനെ അനു​ഗ്രഹം, ഫലപുഷ്ടി, സമൃദ്ധി, ജീവപ​രി​പാ​ലനം എന്നിവ​യു​മാ​യി ബന്ധപ്പെ​ടു​ത്തു​ന്നുണ്ട്‌. (ഉല്‌പത്തി 27:28; ആവർത്ത​ന​പു​സ്‌തകം 33:13, 28; സെഖര്യാ​വു 8:12) ഇസ്രാ​യേ​ലിൽ മഴയി​ല്ലാത്ത ഉഷ്‌ണ​കാ​ലത്ത്‌, “ഹെർമോ​നി​ലെ മഞ്ഞുതു​ള്ളി​കളാ”ണ്‌ ദേശത്തെ സസ്യങ്ങ​ളെ​യും, അതു​കൊ​ണ്ടു​തന്നെ അവിടത്തെ ജനത്തെ​യും സംരക്ഷി​ച്ചി​രു​ന്നത്‌. ഹെർമോൻ പർവത​ത്തി​ലെ വനനി​ബി​ഢ​ത​യും, മഞ്ഞു പ്രദേ​ശ​വും ഇപ്പോ​ഴും രാത്രി​കാ​ല​ങ്ങ​ളിൽ നീരാവി പുറത്തു​വി​ടു​ന്നു. അത്‌ ഘനീഭ​വിച്ച്‌ ധാരാളം മഞ്ഞുതു​ള്ളി​കൾ ഉണ്ടാകു​ന്നു. ഈ മഞ്ഞുതു​ള്ളി​കൾ പ്രദാനം ചെയ്യുന്ന നവോ​ന്മേ​ഷത്തെ, തന്നോ​ടൊ​പ്പം യഹോ​വയെ ആരാധി​ക്കു​ന്ന​വ​രു​മൊത്ത്‌ ഐക്യ​ത്തിൽ താമസി​ക്കു​ന്ന​തി​ന്റെ സുഖാ​നു​ഭൂ​തി​യു​മാ​യി സങ്കീർത്ത​ന​ക്കാ​രൻ താരത​മ്യം ചെയ്‌തി​രി​ക്കു​ന്നു.—സങ്കീർത്തനം 133:3, NW.

ഇസ്രാ​യേ​ലി​നു മോശ നൽകിയ പ്രബോ​ധ​നങ്ങൾ, മഞ്ഞുതു​ള്ളി​കൾപോ​ലെ, മൃദു​ല​വും നവോ​ന്മേ​ഷ​പ്ര​ദ​വും ആയിരു​ന്നു. അവൻ പറഞ്ഞു: “എന്റെ വചനം മഞ്ഞു​പോ​ലെ​യും ഇളമ്പു​ല്ലി​ന്മേൽ പൊടി​മ​ഴ​പോ​ലെ​യും സസ്യത്തി​ന്മേൽ മാരി​പോ​ലെ​യും ചൊരി​യും.” (ആവർത്ത​ന​പു​സ്‌തകം 32:2) ഇന്ന്‌, യഹോ​വ​യു​ടെ സാക്ഷികൾ ദൈവ​രാ​ജ്യ​ത്തെ കുറി​ച്ചുള്ള ജീവദാ​യക സുവാർത്ത ഭൂമി​യു​ടെ അറ്റങ്ങൾവ​രെ​യും ഘോഷി​ക്കു​ക​യാണ്‌. (മത്തായി 24:14) ദൈവം ഈ ക്ഷണം നീട്ടി​ത്ത​രു​ക​യാണ്‌: “ദാഹി​ക്കു​ന്നവൻ വരട്ടെ; ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ.” (വെളി​പ്പാ​ടു 22:17) എല്ലാ ജാതി​ക​ളിൽനി​ന്നു​മുള്ള ദശലക്ഷ​ക്ക​ണ​ക്കിന്‌ ആളുകൾ ദൈവ​ത്തിൽനി​ന്നുള്ള ആത്മീയ നവോ​ന്മേ​ഷ​ത്തി​ന്റെ ഈ ക്ഷണം സ്വീക​രി​ക്കു​ക​യാണ്‌. അതിനു ജീവനെ നിത്യ​മാ​യി നിലനിർത്താൻ കഴിയും.