യഹോ​വ​യു​ടെ സാക്ഷി​ക​ളു​ടെ “ദിവ്യ ബോധന”ഡിസ്‌ട്രി​ക്‌ററ്‌ കൺ​വെൻ​ഷൻ 1993

¹ ലോക​മെ​മ്പാ​ടും 1992-ലെ “പ്രകാശ വാഹകർ” ഡിസ്‌ട്രി​ക്‌ററ്‌ കൺ​വെൻ​ഷനു സംബന്ധിച്ച എല്ലാവ​രും ഇരുളടഞ്ഞ ഒരു ലോക​ത്തിൽ പ്രകാ​ശ​വാ​ഹ​ക​രാ​യി സേവി​ക്കാൻ പദവി ലഭിച്ച​തി​നോ​ടു​ളള തങ്ങളുടെ വിലമ​തി​പ്പു പ്രകട​മാ​ക്കി. (2 പത്രൊ. 1:19) ലോക​വ്യാ​പ​ക​മാ​യി ആയിര​ക്ക​ണ​ക്കി​നു പ്രിയ​പ്പെ​ട്ടവർ ജലസ്‌നാ​പ​ന​ത്താൽ തങ്ങളുടെ സമർപ്പണം ലക്ഷ്യ​പ്പെ​ടു​ത്തി പ്രകാ​ശ​വാ​ഹ​ക​രു​ടെ വലിയ പുരു​ഷാ​ര​ത്തോ​ടു ചേർന്നത്‌ എത്ര പുളക​പ്ര​ദ​മാ​യി​രു​ന്നു! ഫലപ്ര​ദ​രാ​യി​രി​ക്കു​ന്ന​തിന്‌, പ്രകാ​ശ​വാ​ഹകർ നമ്മുടെ മഹാ​പ്ര​ബോ​ധ​ക​നെ​യും മഹദ്‌ഗു​രു​വി​നെ​യും അനുക​രി​ക്കേണ്ട ആവശ്യ​മുണ്ട്‌. നമുക്കു വാസ്‌ത​വ​ത്തിൽ “കാതലായ” ഒരു സന്ദേശ​മുണ്ട്‌, ഈ ജീവൽപ്ര​ധാന വിവര​വു​മാ​യി ആളുക​ളു​ടെ ഹൃദയ​ങ്ങ​ളി​ലേക്ക്‌ ഇറങ്ങി​ച്ചെ​ല്ലു​ന്ന​തിൽ കൂടുതൽ ഫലപ്ര​ദ​രാ​യി​രി​ക്കു​ന്ന​തിന്‌ ഈ വർഷത്തെ “ദിവ്യ ബോധന” ഡിസ്‌ട്രി​ക്‌ററ്‌ കൺ​വെൻ​ഷ​നു​കൾ നമ്മെ സഹായി​ക്കും. (സങ്കീ. 119:160; മത്താ. 28:20) ഗോള​മെ​മ്പാ​ടു​മു​ളള മിഷന​റി​മാർ തങ്ങളുടെ മാതൃ​രാ​ജ്യത്ത്‌ ഈ കൺ​വെൻ​ഷ​നു​ക​ളിൽ സംബന്ധി​ക്കാൻ ഇപ്പോൾതന്നെ ആസൂ​ത്രണം ചെയ്യു​ക​യാണ്‌. നിങ്ങളും നിങ്ങളു​ടെ കുടും​ബ​വും സമാന​മായ ആസൂ​ത്ര​ണങ്ങൾ ചെയ്യു​ന്നു​വോ? സമ്പന്നമായ ഈ ആത്മീയ സദ്യയിൽ സംബന്ധി​ക്കു​വാൻ നിങ്ങളു​ടെ ബൈബിൾവി​ദ്യാർത്ഥി​കളെ എന്തു​കൊ​ണ്ടു പ്രോ​ത്സാ​ഹി​പ്പി​ച്ചു​കൂ​ടാ?

² പ്രാരം​ഭ​ഗീ​തം മുതൽ സമാപ​ന​പ്രാർത്ഥന വരെ നാലു ദിവസ​വും മനോ​ഹ​ര​മായ ആത്മീയ​പ​രി​പാ​ടി പൂർണ്ണ​മാ​യി ആസ്വദി​ക്കു​ന്ന​തി​നു​വേണ്ടി നിങ്ങൾക്ക്‌ അവിടെ ആയിരി​ക്കാൻ കഴി​യേ​ണ്ട​തി​നു ശ്രദ്ധാ​പൂർവ്വ​വും പ്രാർത്ഥ​നാ​പൂർവ്വ​വും നിങ്ങളു​ടെ കൺ​വെൻ​ഷൻ ക്രമീ​ക​ര​ണങ്ങൾ ചെയ്യു​ന്നു​വെന്ന്‌ ഉറപ്പു​വ​രു​ത്തുക. സഹായം ആവശ്യ​മു​ണ്ടാ​യി​രു​ന്നേ​ക്കാ​വു​ന്ന​വരെ, വിശേ​ഷി​ച്ചും പുതി​യ​വരെ നിങ്ങളു​ടെ ആസൂ​ത്ര​ണ​ങ്ങ​ളിൽ സ്‌നേ​ഹ​പൂർവ്വം ഉൾപ്പെ​ടു​ത്തുക, അവർക്കും എല്ലാ സെഷനി​ലും സംബന്ധി​ക്കാൻ കഴി​യേ​ണ്ട​തി​നു​തന്നെ. (ഗലാ. 6:10) കാര്യ​പ​രി​പാ​ടി വ്യാഴാഴ്‌ച ഉച്ചകഴിഞ്ഞ്‌ 1:30ന്‌ ആരംഭി​ക്കു​ക​യും ഏകദേശം 5:00 മണിക്ക്‌ അവസാ​നി​ക്കു​ക​യും ചെയ്യുന്നു. ഞായറാഴ്‌ച രാവിലെ 9:20ന്‌ സെഷൻ തുടങ്ങു​ക​യും ഉച്ചകഴിഞ്ഞ്‌ ഏകദേശം 4:10ന്‌ സമാപി​ക്കു​ക​യും ചെയ്യും. പിൻവ​രുന്ന വിവരങ്ങൾ നിങ്ങളു​ടെ പ്രാഥ​മിക ഒരുക്ക​ങ്ങൾക്ക്‌ നിങ്ങളെ സഹായി​ക്കും.

³ ഈ വർഷം ഇന്ത്യയിൽ 18 കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​ട്ടു​ണ്ടെന്ന്‌ അറിയു​ന്നത്‌ നിങ്ങൾക്ക്‌ സന്തോ​ഷ​മാ​യി​രി​ക്കും, അദ്യ​ത്തേത്‌ സെപ്‌റ​റം​ബർ അവസാ​ന​ത്തേക്ക്‌ പട്ടിക​പ്പെ​ടു​ത്തി​യി​രി​ക്കു​ന്നു. കൺ​വെൻ​ഷ​നു​കൾ ഒക്‌ടോ​ബ​റി​ലും നവംബ​റി​ലും നടന്നു​കൊ​ണ്ടി​രി​ക്കും, ഡിസം​ബ​റിൽ രണ്ടു കൺ​വെൻ​ഷ​നു​കൾ കേരള​ത്തി​ലും നടക്കും. നിങ്ങൾക്ക​റി​യാ​വു​ന്ന​തു​പോ​ലെ, കഴിഞ്ഞ ഏതാനും വർഷങ്ങ​ളിൽ നമുക്ക്‌ ഏതാണ്ട്‌ 30 കൺ​വെൻ​ഷ​നു​കൾ ഉണ്ടായി​രു​ന്നു. ഓരോ​ന്നി​ലും കൂടുതൽ സഹോ​ദ​രങ്ങൾ സംബന്ധി​ക്ക​ത്ത​ക്ക​വണ്ണം ഈ വർഷം കൺ​വെൻ​ഷ​നു​ക​ളു​ടെ എണ്ണം കുറച്ചു പട്ടിക​പ്പെ​ടു​ത്തി​യി​രി​ക്കു​ന്നു, ഈ കൺ​വെൻ​ഷ​നു​ക​ളിൽ പലതും ഗണ്യമാ​യി വലുതാ​യി​രി​ക്കാൻ നാം പ്രതീ​ക്ഷി​ക്കു​ക​യും ചെയ്യുന്നു. വലിയ ആൾക്കൂ​ട്ടങ്ങൾ സഹോ​ദ​ര​ങ്ങ​ളിൽ കൂടിയ ഉത്സാഹം ജനിപ്പി​ക്കു​ക​യും അതു​പോ​ലെ​തന്നെ നിരീ​ക്ഷ​കർക്ക്‌ ഒരു നല്ല സാക്ഷ്യം നൽകു​ക​യും ചെയ്യും. അത്‌ കൺ​വെൻ​ഷൻ പ്രസം​ഗ​ക​രു​ടെ തെര​ഞ്ഞെ​ടു​പ്പിൽ കൂടിയ വിവേചന കാണി​ക്കാൻ നമ്മെ പ്രാപ്‌ത​രാ​ക്കും, അത്‌ കൺ​വെൻ​ഷ​നു​ക​ളു​ടെ നിലവാ​രം ഉയർത്തു​ക​യും ചെയ്യും.

⁴ താമസ​സൗ​ക​ര്യം സമ്പാദി​ക്കാ​നു​ളള നിർദ്ദേ​ശങ്ങൾ: മുൻകാ​ല​ത്തെ​പ്പോ​ലെ ഈ വർഷവും ഞങ്ങൾ മുറി​യ​പേ​ക്ഷാ​ഫോ​റങ്ങൾ നിങ്ങൾക്ക്‌ അയച്ചു​ത​രും. കൺ​വെൻ​ഷൻ താമസ​സൗ​കര്യ ക്രമീ​ക​ര​ണ​ത്തി​ലൂ​ടെ താമസ​സൗ​ക​ര്യം ലഭിക്കാൻ ആഗ്രഹി​ക്കുന്ന എല്ലാവ​രും മുറി​യ​പേ​ക്ഷാ​ഫോ​റ​ത്തിൽ ആവശ്യ​പ്പെ​ട്ടി​രി​ക്കുന്ന വിവരങ്ങൾ വ്യക്തമാ​യും വൃത്തി​യാ​യും പൂരി​പ്പിച്ച്‌ ഉടൻതന്നെ തങ്ങളുടെ സഭാ​സെ​ക്ര​ട്ട​റി​യെ​യോ കൺ​വെൻ​ഷൻ കൊ-ഓർഡി​നേ​റ​റ​റെ​യോ ഏൽപി​ക്കണം. അദ്ദേഹം അതു പരി​ശോ​ധിച്ച്‌ ഒപ്പിട്ട്‌ താമസം​വി​നാ നിങ്ങൾ സംബന്ധി​ക്കാൻ ഉദ്ദേശി​ക്കുന്ന കൺ​വെൻ​ഷൻ നഗരത്തി​ലെ താമസ​സൗ​കര്യ ഡിപ്പാർട്ടു​മെൻറിന്‌ അയച്ചു​കൊ​ടു​ക്കും. ദയവായി നിങ്ങളു​ടെ കൺ​വെൻ​ഷനു വളരെ മുമ്പു​തന്നെ ഇതു ചെയ്യുക. ഓരോ മുറി​ക്കും ഒരു മുറി​യ​പേ​ക്ഷാ​ഫോ​റം വീതം അയക്കണം. ആ ഒരു മുറി​യിൽ താമസി​ക്കാൻ പോകു​ന്ന​വ​രു​ടെ പേരുകൾ മാത്രം അതിൽ കൊടു​ക്കണം. കൂട്ടം ഒരു മുറി​യിൽ താമസി​ക്കാൻ കഴിയാ​ത​വണ്ണം വലുതാ​ണെ​ങ്കിൽ താമസ​സൗ​കര്യ ഡിപ്പാർട്ടു​മെൻറ്‌ ചില വ്യക്തി​കളെ മറെറാ​രു മുറി​യി​ലേക്ക്‌ നിയമി​ക്കും.

⁵ ഹോട്ടൽ മുറി​ക​ളാണ്‌ ഇഷ്ടപ്പെ​ടു​ന്ന​തെ​ങ്കിൽ അതും നിങ്ങൾക്കു കൊടു​ക്കാൻ കഴിയുന്ന വാടക​യും നിങ്ങളു​ടെ ഫോറ​ത്തിൽ വലതു​വ​ശത്തെ കോള​ത്തിൽ കാണി​ക്കുക. നിങ്ങളു​ടെ മുറി​യ​പേ​ക്ഷാ​ഫോ​റ​ത്തോ​ടു​കൂ​ടെ നിങ്ങൾ തിര​ഞ്ഞെ​ടു​ത്തി​രി​ക്കുന്ന നിരക്കിൽ നിങ്ങളു​ടെ മൊത്തം താമസ​കാ​ല​ത്തേ​ക്കു​ളള വാടക കൊടു​ക്കു​ന്ന​തി​നു വേണ്ട ഒരു മണി​യോർഡ​റും അടക്കം ചെയ്യുക. തപാൽ തടസ്സങ്ങ​ളും നഷ്ടപ്പെ​ട​ലു​ക​ളും കണക്കി​ലെ​ടുത്ത്‌, നിങ്ങളു​ടെ അപേക്ഷ വേണ്ടു​വോ​ളം നേരത്തെ അയച്ചു​വെന്ന്‌ ഉറപ്പു​വ​രു​ത്തുക. നിങ്ങളു​ടെ തപാൽ രസീതു തിരി​ച്ചു​കി​ട്ട​ത്ത​ക്ക​വണ്ണം റെജി​സ്‌ററർ ചെയ്‌ത്‌ അയക്കു​ന്നത്‌ കൂടുതൽ സുരക്ഷി​ത​മാ​യി​രി​ക്കും.

⁶ നിങ്ങളു​ടെ താമസ​സൗ​ക​ര്യം ലഭിച്ചാ​ലു​ടൻ അതു നിങ്ങളെ അറിയി​ക്കും. ഒരിക്കൽ ക്രമീ​ക​രണം ചെയ്‌തു​ക​ഴി​ഞ്ഞാൽ നിങ്ങൾക്കു നിയമി​ച്ചി​രി​ക്കുന്ന മുറി ദയവായി കയ്യേൽക്കുക, എന്തു​കൊ​ണ്ടെ​ന്നാൽ നിങ്ങൾ പറഞ്ഞി​രി​ക്കുന്ന തീയതി​യിൽ നിങ്ങൾ എത്തു​മെന്ന്‌ ആതി​ഥേ​യനെ അഥവാ ഹോട്ടൽ മാനേ​ജ്‌മെൻറി​നെ അറിയി​ച്ചി​ട്ടുണ്ട്‌.

⁷ നിങ്ങൾ കൺ​വെൻ​ഷൻ നഗരത്തിൽ എത്താൻ ഉദ്ദേശി​ക്കുന്ന തീയതി സംബന്ധി​ച്ചാ​ണെ​ങ്കിൽ, നിങ്ങൾ അതേ തീയതി​യിൽതന്നെ എത്തി​ച്ചേ​രുക, കാരണം നിങ്ങളു​ടെ അപേക്ഷ​പ്ര​കാ​രം റിസർവേ​ഷ​നു​കൾ നടത്തി​യി​രി​ക്കു​ന്നു. എത്തി​ച്ചേർന്നാൽ ഉടനെ നിങ്ങളു​ടെ നിയമിത താമസ​സ്ഥ​ല​ത്തേക്ക്‌ എത്രയും നേരത്തെ പോകുക. ഒഴിവാ​ക്കാ​നാ​വാത്ത ഏതെങ്കി​ലും കാരണ​ത്താൽ നിങ്ങൾക്ക്‌ പട്ടിക​യ​നു​സ​രിച്ച്‌ എത്തി​ച്ചേ​രാൻ കഴിയു​ന്നി​ല്ലെ​ങ്കിൽ, നിങ്ങളു​ടേത്‌ ഒരു ഹോട്ട​ലി​ലെ​യോ ഡോർമി​റ​റ​റി​യി​ലെ​യോ താമസ​സൗ​ക​ര്യ​മാ​ണെ​ങ്കിൽ ഹോട്ടൽ മാനേ​ജരെ ദയവായി അറിയി​ക്കുക.

⁸ പ്രത്യേക ആവശ്യങ്ങൾ: പ്രത്യേക ആവശ്യ​ങ്ങ​ളു​ളള വ്യക്തി​ക​ളു​ടെ പരിപാ​ല​ന​ത്തിന്‌ അവർ സഹവസി​ക്കുന്ന സഭ ക്രമീ​ക​ര​ണങ്ങൾ ചെയ്യണം. വ്യക്തി​ക​ളു​ടെ സാഹച​ര്യ​ങ്ങൾ അറിയാ​വുന്ന മൂപ്പൻമാർക്കും മററു​ള​ള​വർക്കും സ്‌നേ​ഹ​പൂർവ്വം സഹായം നീട്ടി​ക്കൊ​ടു​ക്കാൻ കഴിയും. ഇത്‌ പ്രസാ​ധകർ മിക്ക​പ്പോ​ഴും മുഴു​സമയ ശുശ്രൂ​ഷ​യി​ലു​ള​ള​വ​രു​ടെ​യും വയോ​ധി​ക​രു​ടെ​യും വികലാം​ഗ​രു​ടെ​യും ഒരുപക്ഷേ മററു​ള​ള​വ​രു​ടെ​യും ആവശ്യങ്ങൾ പരിഗ​ണി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ന്നു. അവരെ തങ്ങളോ​ടു​കൂ​ടെ കൊണ്ടു​പോ​യി​ക്കൊ​ണ്ടോ മററു വിധങ്ങ​ളിൽ അവരുടെ ആവശ്യ​ങ്ങൾക്കാ​യി കരുതി​ക്കൊ​ണ്ടോ പ്രസാ​ധ​കർക്കു സഹായം നീട്ടി​ക്കൊ​ടു​ക്കാ​വു​ന്ന​താണ്‌.—യാക്കോ. 2:15-17; 1 യോഹ. 3:17, 18.

⁹ സഭയി​ലു​ള​ള​വർക്ക്‌ അവരെ സഹായി​ക്കാൻ കഴിയു​ക​യി​ല്ലെ​ങ്കിൽ പ്രത്യേക ആവശ്യ​ങ്ങ​ളു​ളള പ്രസാ​ധ​കർക്ക്‌ അനു​യോ​ജ്യ​മായ താമസ​സൗ​ക​ര്യ​ങ്ങൾ കൊടു​ക്കാൻ താമസ​സൗ​കര്യ ഡിപ്പാർട്ടു​മെൻറ്‌ തീർച്ച​യാ​യും പരി​ശ്ര​മി​ക്കും. ഈ പ്രസാ​ധ​കർക്ക്‌ അവരുടെ അവസ്ഥ സഭാ​സെ​ക്ര​ട്ട​റി​യോ​ടു സംസാ​രി​ക്കാ​വു​ന്ന​താണ്‌. അവരുടെ സ്വന്തം താമസ​സൗ​ക​ര്യം ക്രമീ​ക​രി​ക്കാൻ ഈ വ്യക്തി​കളെ സഹായി​ക്കു​ന്ന​തി​നു സഭക്കു കഴിയു​മോ​യെന്നു കാണാൻ സെക്ര​ട്ടറി സേവന കമ്മിറ​റി​യോട്‌ സംസാ​രി​ക്കണം. ആവശ്യ​മായ സഹായം കൊടു​ക്കാൻ സഭക്കു കഴിവി​ല്ലെ​ങ്കിൽ സെക്ര​ട്ട​റിക്ക്‌ കൺ​വെൻ​ഷൻ താമസ​സൗ​കര്യ ഡിപ്പാർട്ടു​മെൻറിന്‌ ഒരു പ്രത്യേക കത്തെഴു​താ​വു​ന്ന​താണ്‌. സെക്ര​ട്ടറി സാഹച​ര്യ​ങ്ങൾ വിശദ​മാ​യി വിവരി​ക്കണം. ഇതെല്ലാം കൺ​വെൻ​ഷനു വളരെ മുമ്പേ ചെയ്‌തി​രി​ക്കണം. അവരുടെ താമസം സംബന്ധിച്ച്‌ അപേക്ഷി​ക്കുന്ന വ്യക്തിക്ക്‌ നേരിട്ടു അറിയി​പ്പു കൊടു​ക്കു​ന്ന​താ​യി​രി​ക്കും.

¹⁰ ചില​പ്പോ​ഴെ​ല്ലാം സ്വകാര്യ ഭവനങ്ങ​ളിൽ താമസ​സൗ​ക​ര്യം ലഭ്യമാണ്‌, അപേക്ഷി​ക്കാ​വു​ന്ന​തു​മാണ്‌. അത്തരം അപേക്ഷകൾ കൊടു​ക്കു​ന്നവർ കൺ​വെൻ​ഷനു മുമ്പും പിമ്പും കൂടുതൽ ദിവസ​ങ്ങ​ളിൽ താമസി​ക്കാൻ പ്രതീ​ക്ഷി​ച്ചു​കൊണ്ട്‌ സഹോ​ദ​ര​ങ്ങ​ളു​ടെ ആതിഥ്യ​ത്തിൽനിന്ന്‌ മുത​ലെ​ടു​ക്കു​ന്നത്‌ ഉചിതമല്ല. ഈ മുറികൾ കൺ​വെൻ​ഷൻ കാല​ത്തേക്കു മാത്രം നൽക​പ്പെ​ടു​ന്ന​വ​യാണ്‌. അത്തരം താമസ​സൗ​ക​ര്യ​ങ്ങൾ ലഭിക്കു​ന്നവർ തങ്ങളും തങ്ങളുടെ മക്കളും ആതി​ഥേ​യന്റെ ഭവന​ത്തോട്‌ ആദരവു കാണി​ക്കു​ന്നു​വെ​ന്നും അയാളു​ടെ സാധന​സാ​മ​ഗ്രി​കൾക്ക്‌ കേടു​വ​രു​ത്തു​ക​യോ ചുഴിഞ്ഞു പരി​ശോ​ധി​ക്കു​ക​യോ ഭവനത്തി​ലെ സ്വകാ​ര്യ​മു​റി​ക​ളിൽ പ്രവേ​ശി​ക്കു​ക​യോ ചെയ്യു​ന്നി​ല്ലെ​ന്നും ഉറപ്പു​വ​രു​ത്തണം. ഈ വശത്ത്‌ വീട്ടു​കാർക്ക്‌ എന്തെങ്കി​ലും പ്രയാ​സങ്ങൾ അനുഭ​വ​പ്പെ​ടു​ന്നെ​ങ്കിൽ ഇവ ഉടൻ കൺ​വെൻ​ഷ​നി​ലെ താമസ​സൗ​കാ​ര്യ മേൽവി​ചാ​ര​കന്റെ ശ്രദ്ധയിൽപെ​ടു​ത്തണം, സഹായി​ക്കാൻ അദ്ദേഹം സന്തോ​ഷ​മു​ള​ള​വ​നാ​യി​രി​ക്കും.

¹¹ നിയമിത പ്രദേ​ശ​ത്തി​നു വെളി​യിൽനി​ന്നു ഹാജരാ​കുന്ന പ്രതി​നി​ധി​കൾ: മിക്കവാ​റും എല്ലാവ​രു​ടെ​യും കാര്യ​ത്തിൽ ഹാജരാ​കാൻ നിങ്ങൾക്ക്‌ നിയമനം നൽകി​യി​രി​ക്കുന്ന സ്ഥാനം നിങ്ങളു​ടെ സഭയോട്‌ ഏററവും അടുത്തു​ള​ള​താ​യി​രി​ക്കും. വേണ്ടു​വോ​ളം ഇരിപ്പി​ട​വും സാഹി​ത്യ​വും ഭക്ഷണവും താമസ​സൗ​ക​ര്യ​വും മററും കരുതി​യി​രി​ക്കു​ന്നത്‌ ഭൂരി​പക്ഷം പ്രസാ​ധ​ക​രും തങ്ങളുടെ സഭ നിയമി​ക്ക​പ്പെ​ട്ടി​രി​ക്കുന്ന കൺ​വെൻ​ഷ​നിൽ സംബന്ധി​ക്കു​മെന്ന പ്രതീ​ക്ഷ​യു​ടെ അടിസ്ഥാ​ന​ത്തി​ലാണ്‌. എന്നിരു​ന്നാ​ലും, നല്ല കാരണ​ങ്ങ​ളാൽ നിങ്ങൾ നിയമി​ക്ക​പ്പെ​ടാത്ത ഒരു കൺ​വെൻ​ഷ​നിൽ നിങ്ങൾ സംബന്ധി​ക്കു​ക​യും നിങ്ങൾക്ക്‌ താമസ​സൗ​ക​ര്യം ആവശ്യ​മാ​യി​രി​ക്കു​ക​യും ചെയ്യു​ന്നെ​ങ്കിൽ ഞങ്ങൾ പിന്നീട്‌ നൽകു​വാൻ പോകുന്ന പട്ടിക​യിൽനിന്ന്‌ ആ കൺ​വെൻ​ഷൻ കേന്ദ്ര​ത്തി​ലെ മേൽവി​ലാ​സ​ത്തിൽ നിങ്ങളു​ടെ മുറി​യ​പേ​ക്ഷാ​ഫോ​റങ്ങൾ അയക്കാ​വു​ന്ന​താണ്‌.

¹² നിങ്ങളു​ടെ സഹകരണം ആവശ്യം: താമസ​സൗ​കര്യ ക്രമീ​ക​ര​ണ​ത്തി​ന്റെ വിജയം ഉൾപ്പെ​ട്ടി​രി​ക്കുന്ന എല്ലാവ​രു​ടെ​യും സഹകര​ണത്തെ ആശ്രയി​ച്ചി​രി​ക്കു​ന്നു. (എബ്രാ. 13:17) അതു​കൊണ്ട്‌, സൊ​സൈ​റ​റി​യു​ടെ താമസ​സൗ​കര്യ ക്രമീ​ക​ര​ണ​ത്തോട്‌ പൂർണ്ണ​മാ​യി സഹകരി​ക്കാൻ ഞങ്ങൾ എല്ലാവ​രോ​ടും അപേക്ഷി​ക്കു​ക​യാണ്‌, അങ്ങനെ ചില ഹോട്ട​ലു​ക​ളു​മാ​യി ഇടപെ​ടു​ന്ന​തിൽ നാം ഇപ്പോ​ഴും അനുഭ​വി​ക്കുന്ന പ്രയാ​സങ്ങൾ തടയാൻ കഴിയും. മുൻകാ​ലത്ത്‌ കൺ​വെൻ​ഷൻ അനുബ​ന്ധ​ങ്ങ​ളിൽ നൽകി​യി​ട്ടു​ളള വ്യക്തമായ നിർദ്ദേശം മിക്ക പ്രസാ​ധ​ക​രും ഹൃദയ​ത്തിൽ സ്വീക​രി​ച്ചി​ട്ടുണ്ട്‌, പല നല്ല ഫലങ്ങൾ അനുഭ​വി​ക്കു​ന്നു​മുണ്ട്‌. എന്നിരു​ന്നാ​ലും, ഹോട്ടൽ താമസ​സൗ​ക​ര്യം ലഭിക്കു​ന്ന​തിന്‌ പിൻവ​രുന്ന മാർഗ്ഗ​രേ​ഖകൾ ദയവായി പ്രമാ​ണി​ക്കുക എന്ന്‌ അപേക്ഷി​ക്കു​ന്നത്‌ ഇപ്പോ​ഴും ആവശ്യ​മാണ്‌:

(എ) ദയവായി നിങ്ങൾ ഉപയോ​ഗി​ക്കാൻ ഉദ്ദേശി​ക്കു​ന്നി​ല്ലാത്ത ഒരു ഹോട്ട​ലി​ലോ അല്ലെങ്കിൽ പരി​ശോ​ധി​ച്ച​ശേഷം നല്ലതു തെര​ഞ്ഞെ​ടു​ക്കു​ക​യും മററു​ളളവ ഒഴിവാ​ക്കു​ക​യും ചെയ്യാ​മെന്ന പ്രതീ​ക്ഷ​യിൽ ഒന്നില​ധി​കം ഹോട്ട​ലു​ക​ളി​ലോ സ്വകാ​ര്യ​മാ​യി റിസർവ്വു​ചെ​യ്യ​രുത്‌. (മത്താ. 5:37) ഇത്‌ നീതി​ര​ഹി​ത​മാണ്‌, കാരണം തങ്ങൾക്കു കിട്ടാ​വുന്ന ഇടപാ​ടു​കൾ ലഭിക്കു​ന്ന​തിൽനിന്ന്‌ അതു ഹോട്ട​ലു​കളെ തടയു​ക​യും വളരെ ആവശ്യ​മാ​യി​രി​ക്കുന്ന ആ മുറികൾ മററു പ്രസാ​ധ​കർക്ക്‌ കിട്ടാ​താ​ക്കു​ക​യും ചെയ്യുന്നു.

(ബി) പേരുകൾ നൽകാ​തെ​യും ഓരോ മുറി​ക്കും ഉടൻ ഡെപ്പോ​സി​ററ്‌ അയച്ചു​കൊ​ണ്ടും നിങ്ങൾക്കു​ത​ന്നെ​യോ മററു​ള​ള​വർക്കോ മുറികൾ റിസർവ്വു​ചെ​യ്യ​രുത്‌.

(സി) നിയമ​വും അധികാ​രി​ക​ളും അനുവ​ദി​ക്കു​ന്ന​തി​ലും അധികം ആളുകളെ മുറി​യിൽ താമസി​പ്പി​ക്ക​രുത്‌, സാധാ​ര​ണ​ഗ​തി​യിൽ കുട്ടികൾ ഉൾപ്പെടെ നാലോ അഞ്ചോ, അതിലും അധികം വരില്ല. മുറി​യിൽ ഉണ്ടായി​രി​ക്കു​മെന്ന്‌ നിങ്ങൾ സമ്മതിച്ച ആളുക​ളു​ടെ എണ്ണത്തെ അടിസ്ഥാ​ന​മാ​ക്കി​യു​ളള ഒരു നിരക്കാണ്‌ നിങ്ങൾ കൊടു​ത്തി​രി​ക്കു​ന്ന​തെന്ന്‌ ഓർക്കുക.

¹³ ഈ മണ്ഡലങ്ങ​ളി​ലു​ളള ലംഘനങ്ങൾ നിരക്കു കുറക്കാൻവേണ്ടി സംസാ​രി​ക്കു​ന്നതു പ്രയാ​സ​മാ​ക്കു​ന്നു, അത്‌ യഹോ​വ​യു​ടെ നാമത്തി​നും അവന്റെ സ്ഥാപന​ത്തി​നും നിന്ദ വരുത്തു​ക​യും ചെയ്യുന്നു. (സങ്കീ. 119:168) അതു​കൊണ്ട്‌, എന്തെങ്കി​ലും പ്രശ്‌നങ്ങൾ അനുഭ​വ​പ്പെ​ട്ടോ​യെ​ന്നും ഉൾപ്പെ​ട്ടി​രു​ന്ന​താ​രെ​ന്നും ഹോട്ട​ലു​ക​ളിൽ അന്വേ​ഷി​ക്കാൻ സൊ​സൈ​ററി താമസ​സൗ​കര്യ ഡിപ്പാർട്ടു​മെൻറി​നോട്‌ ആവശ്യ​പ്പെ​ടും. നമ്മുടെ സഹോ​ദ​ര​ങ്ങ​ളു​ടെ ചെലവു കുറക്കാൻ സമ്മേളന സംഘടന കഠിന​വേല ചെയ്‌തു​കൊ​ണ്ടി​രി​ക്കു​ന്നു, അതു​കൊണ്ട്‌, ഈ കരുതൽ തുടരാൻ കഴി​യേ​ണ്ട​തിന്‌ സൊ​സൈ​റ​റി​യു​ടെ താമസ​സൗ​കര്യ ക്രമീ​ക​ര​ണ​ത്തോട്‌ പൂർണ്ണ​മാ​യി സഹകരി​ക്കു​ന്നത്‌ എല്ലാവ​രു​ടെ​യും അത്യുത്തമ താത്‌പ​ര്യ​ങ്ങൾക്ക്‌ ഉതകും. സഹകരി​ക്കുന്ന ഹോട്ട​ലു​ക​ളിൽ ഗുണ​മേൻമ​യു​ളള താമസ​സൗ​ക​ര്യം കണ്ടെത്താൻ താമസ​സൗ​കര്യ ഡിപ്പാർട്ടു​മെൻറ്‌ ശ്രമി​ക്കു​ന്നു. പ്രതി​നി​ധി​കൾക്ക്‌ കൺ​വെൻ​ഷ​നിൽ മികച്ച ആത്മീയ കാര്യ​പ​രി​പാ​ടി ആസ്വദി​ക്കാൻ കഴി​യേ​ണ്ട​തിന്‌ കഴിവ​തും സൗകര്യ​പ്ര​ദ​മാ​യും ലാഭക​ര​മാ​യും താമസി​ക്കാൻ അവരെ സഹായി​ക്കു​ക​യെ​ന്ന​താണ്‌ നമ്മുടെ ലക്ഷ്യം.

[6-ാം പേജിലെ ചതുരം]

ആയിരത്തിത്തൊളളായിരത്തിതൊണ്ണൂററിമൂന്നിലെ ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളു​ടെ സ്ഥലങ്ങൾ, തീയതി​കൾ, ഭാഷകൾ, നിയമിത സർക്കി​ട്ടു​കൾ എന്നിവ​യു​ടെ പട്ടിക

Location Dates Language Circuits Covered

Bombay September 23-26 E/HI MA-1

Hyderabad October 7-10 E/TU AP-1, 2A

Mangalore October 14-17 KN KA-2

Madras October 14-17 E/TL TN-1

Bangalore October 21-24 E/TL TN-2

Mysore October 21-24 KA KA-2

Calcutta October 21-24 E/BE WB-1 A, B

Madurai October 28-31 TL TN-3, 4

Jamshedpur October 28-31 E/HI WB-1 A

Gauhati October 28-31 E/AE AS-1

Ahmedabad November 11-14 GU MA-2 B

Port Blair November 18-21 HI AP-2 B

Kathmandu November 18-21 NP AS-1B

Margao November 18-21 E/KT KA-1

New Delhi November 25-28 E/HI UP-1 A, B

Pune November 25-28 MR MA-2 A

Kottayam December 16-19 MY KE-4 - 7

Calicut December 23-26 MY KE-1, 2, 3