യുവാ​ക്കളേ—യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​വിൻ

¹ ഒരുവൻ യൗവന​ത്തി​ന്റെ ബലവും ഓജസ്സും ശരിയായ വിധം ഉപയോ​ഗി​ക്കു​മ്പോൾ ജീവിതം വാസ്‌ത​വ​മാ​യും ആനന്ദക​ര​മാ​യി​രി​ക്കും. “യൌവ​ന​ക്കാ​രാ, നിന്റെ യൌവ​ന​ത്തിൽ സന്തോ​ഷിക്ക; യൌവ​ന​കാ​ല​ത്തിൽ നിന്റെ ഹൃദയം ആനന്ദി​ക്കട്ടെ” എന്നു ജ്ഞാനി​യായ ശലോ​മോൻ രാജാവ്‌ എഴുതി. (സഭാ. 11:9) യുവജ​ന​ങ്ങ​ളായ നിങ്ങൾ നിങ്ങളു​ടെ പ്രവൃ​ത്തി​കൾക്ക്‌ ദൈവ​ത്തോ​ടു കണക്കു ബോധി​പ്പി​ക്കാൻ ബാധ്യ​സ്ഥ​രാണ്‌.

² നിങ്ങൾ എങ്ങനെ ജീവി​ക്കു​ന്നു എന്നതു നിങ്ങൾക്കു മാത്രമല്ല നിങ്ങളു​ടെ മാതാ​പി​താ​ക്കൾക്കും പ്രധാ​ന​മാ​യി​രി​ക്കു​ന്നു. “ജ്ഞാനമു​ളള മകൻ അപ്പനെ സന്തോ​ഷി​പ്പി​ക്കു​ന്നു; ഭോഷ​നായ മകൻ അമ്മെക്കു വ്യസന​ഹേ​തു​വാ​കു​ന്നു” എന്നു സദൃശ​വാ​ക്യ​ങ്ങൾ 10:1 പ്രസ്‌താ​വി​ക്കു​ന്നു. എന്നാൽ അതിലും പ്രധാ​ന​മാ​യി, നിങ്ങളു​ടെ ജീവി​ത​രീ​തി നിങ്ങളു​ടെ സ്രഷ്ടാ​വായ യഹോ​വ​യാം ദൈവത്തെ ബാധി​ക്കു​ന്നു. അതു​കൊ​ണ്ടാ​ണു യഹോവ സദൃശ​വാ​ക്യ​ങ്ങൾ 27:11-ൽ “മകനേ, എന്നെ നിന്ദി​ക്കു​ന്ന​വ​നോ​ടു ഞാൻ ഉത്തരം പറയേ​ണ്ട​തി​ന്നു നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പിക്ക” എന്നു യുവാ​ക്കളെ പ്രോ​ത്സാ​ഹി​പ്പി​ക്കു​ന്നത്‌. യുവാ​ക്ക​ളായ നിങ്ങൾക്കു യഹോ​വ​യു​ടെ ഹൃദയത്തെ ഇന്ന്‌ എങ്ങനെ സന്തോ​ഷി​പ്പി​ക്കാ​നാ​കും? ഇതു പലവി​ധ​ത്തിൽ നിർവ​ഹി​ക്കാ​വു​ന്ന​താണ്‌.

³ ശരിയായ മാതൃ​ക​യി​ലൂ​ടെ: യുവജ​ന​ങ്ങ​ളായ നിങ്ങൾ ദൈവ​വ​ച​ന​ത്തിൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന “ദുർഘ​ട​സ​മ​യങ്ങൾ” അനുഭ​വി​ക്കു​ന്നു. (2 തിമൊ. 3:1) നിങ്ങൾ അവിശ്വാ​സി​ക​ളായ സഹപാ​ഠി​ക​ളിൽനി​ന്നും നിങ്ങളു​ടെ ബൈബി​ള​ധി​ഷ്‌ഠിത വീക്ഷണ​ങ്ങളെ പരിഹ​സി​ക്കുന്ന അധ്യാ​പ​ക​രിൽനി​ന്നു​പോ​ലു​മു​ളള സമ്മർദ​ങ്ങൾക്കു വിധേ​യ​രാ​യേ​ക്കാം. ദൃഷ്ടാ​ന്ത​ത്തിന്‌, ഒരു അധ്യാ​പിക പരിണാമ സിദ്ധാന്തം വാസ്‌ത​വ​മാ​ണെ​ന്നും ബൈബിൾ കെട്ടു​ക​ഥ​യാ​ണെ​ന്നും അവതരി​പ്പി​ച്ചു. എന്നാൽ, ഒരു യുവ പ്രസാ​ധകൻ വിശ്വ​സ്‌ത​ത​യോ​ടെ ബൈബി​ളി​നു​വേണ്ടി പ്രതി​വാ​ദം നടത്തി. തദ്‌ഫ​ല​മാ​യി അനേകം ബൈബി​ള​ധ്യ​യ​നങ്ങൾ ആരംഭി​ച്ചു. താത്‌പ​ര്യ​ക്കാ​രായ ചിലർ യോഗ​ങ്ങൾക്കു ഹാജരാ​കാൻ തുടങ്ങി. യുവ സഹോ​ദ​രീ​സ​ഹോ​ദ​രൻമാ​രായ നിങ്ങളു​ടെ വിശ്വാ​സം ഭക്തികെട്ട ലോകത്തെ കുററം വിധി​ക്കു​ക​യും ഹൃദയ​പ​ര​മാർഥ​ത​യു​ളള ആളുകളെ സത്യത്തി​ലേക്ക്‌ ആകർഷി​ക്കു​ക​യും ചെയ്യുന്നു.—എബ്രായർ 11:7 താരത​മ്യം ചെയ്യുക.

⁴ സഭയി​ലു​ളള നിങ്ങളു​ടെ സമപ്രാ​യ​ക്കാ​രെ ചീത്തക്കാ​ര്യ​ങ്ങൾക്ക്‌ അവർ വഴങ്ങാ​തി​രി​ക്കു​ന്ന​തി​നു നിങ്ങൾക്കു പ്രോ​ത്സാ​ഹി​പ്പി​ക്കാൻ കഴിയു​മോ? സ്‌കൂ​ളി​ലും വീട്ടി​ലും സഭയി​ലും നല്ല മാതൃക വച്ചു​കൊ​ണ്ടു മററു യുവ പ്രസാ​ധ​ക​രു​ടെ വിശ്വാ​സത്തെ നിങ്ങൾക്കു ബലിഷ്‌ഠ​മാ​ക്കാൻ കഴിയും. (റോമർ 1:12) മററു​ള​ള​വർക്കു മാതൃക വച്ചു​കൊണ്ട്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കുക.

⁵ വസ്‌ത്ര​ധാ​ര​ണ​ത്തി​ലൂ​ടെ​യും ചമയത്തി​ലൂ​ടെ​യും: ഒരു യുവ സഹോ​ദ​രി​യു​ടെ ഒതുക്ക​മു​ളള വസ്‌ത്ര​ധാ​ര​ണം​മൂ​ലം അവരെ “തൊട്ടു​കൂ​ടാ​ത്തവൾ” എന്നു മുദ്ര​കു​ത്തി. ലോക​ത്തി​ന്റെ ഭക്തികെട്ട പ്രമാ​ണ​ങ്ങ​ളു​മാ​യി അനുരൂ​പ​പ്പെ​ടു​ന്ന​തിന്‌ ഇത്‌ അവരെ സ്വാധീ​നി​ച്ചില്ല. പകരം, താൻ യഹോ​വ​യു​ടെ സാക്ഷി​ക​ളി​ലൊ​രാ​ളാ​ണെ​ന്നും സാക്ഷി​ക​ളു​ടെ ഉന്നത നിലവാ​ര​മാ​ണു താൻ പുലർത്തു​ന്ന​തെ​ന്നും അവർ വിശദീ​ക​രി​ച്ചു. നിങ്ങൾക്ക്‌ അപ്രകാ​രു​ളള മനക്കരു​ത്തു​ണ്ടോ? അതോ സാത്താന്റെ ലോക​ത്തി​ന്റെ ചിന്താ​ഗ​തി​ക​ളി​ലേ​ക്കും നടത്തയി​ലേ​ക്കും നിങ്ങളെ വളച്ചെ​ടു​ക്കാൻ നിങ്ങൾ അതിനെ അനുവ​ദി​ക്കു​ന്നു​വോ? യുവാ​ക്ക​ളായ നിങ്ങളി​ല​നേ​ക​രും യഹോ​വ​യു​ടെ പ്രബോ​ധ​ന​ങ്ങളെ അനുസ​രി​ക്കു​ക​യും ലോക​ത്തി​ന്റെ പ്രാകൃ​ത​മായ രീതി​ക​ളും അമിത​ഭ്ര​മ​വും മിഥ്യാ​ധാ​ര​ണ​ക​ളും പഠിപ്പി​ക്ക​ലു​ക​ളും ത്യജി​ക്കു​ക​യും ചെയ്യു​ന്നതു നിരീ​ക്ഷി​ക്കു​ന്നത്‌ എത്ര ആനന്ദക​ര​മാണ്‌. വാസ്‌ത​വ​ത്തിൽ, യഹോ​വ​യു​ടെ സ്ഥാപനം നമ്മോടു പറഞ്ഞി​രി​ക്കു​ന്ന​തു​പോ​ലെ, ലോക​ത്തിൽനിന്ന്‌ ഉരുത്തി​രി​യുന്ന കാര്യങ്ങൾ ഭൂതങ്ങ​ളാൽ സ്വാധീ​നി​ക്ക​പ്പെ​ട്ട​താ​ണെന്നു നാം തിരി​ച്ച​റി​യണം!—1 തിമൊ. 4:1.

⁶ വിനോ​ദ​ത്തി​ന്റെ​യും ഉല്ലാസ​ത്തി​ന്റെ​യും തിര​ഞ്ഞെ​ടു​പ്പി​ലൂ​ടെ: ശരിയാ​യ​തരം വിനോ​ദ​വും ഉല്ലാസ​വും ജ്ഞാന​ത്തോ​ടെ തിര​ഞ്ഞെ​ടു​ക്കു​ന്ന​തി​നു കുട്ടി​കളെ സഹായി​ക്കേ​ണ്ട​തി​ന്റെ ആവശ്യ​ക​ത​യെ​ക്കു​റി​ച്ചു മാതാ​പി​താ​ക്കൾ മനസ്സിൽ പിടി​ക്കേ​ണ്ട​തുണ്ട്‌. ഒരു സഹോ​ദരൻ തനിക്കു വളരെ​യ​ധി​കം ഇഷ്ടപ്പെട്ട ഒരു നല്ല കുടും​ബ​ത്തെ​ക്കു​റി​ച്ചു പുകഴ്‌ത്തി​പ്പ​റഞ്ഞു. ആത്മീയ മനോ​ഗതി ഉണ്ടായി​രുന്ന മാതാ​പി​താ​ക്കൾ പ്രദാനം ചെയ്‌ത മാർഗ​നിർദേ​ശങ്ങൾ കുടും​ബ​വി​നോ​ദ​ത്തി​ലും ബാധക​മാ​ക്കി. ആ സഹോ​ദരൻ അനുസ്‌മ​രി​ക്കു​ന്നു: “അവർ കാര്യങ്ങൾ ഒരുമി​ച്ചു ചെയ്യു​ന്ന​തി​നെ ഞാൻ പ്രശം​സി​ക്കു​ന്നു. മാതാ​പി​താ​ക്കൾ കുട്ടി​കളെ സേവന​ത്തിൽ സഹായി​ക്കു​ക​മാ​ത്രമല്ല, ഉല്ലാസ വേളയാ​കു​മ്പോൾ കാൽനട യാത്ര നടത്തു​ന്ന​തി​ലോ കാഴ്‌ച​ബം​ഗ്ലാ​വു​കൾ സന്ദർശി​ക്കു​ന്ന​തി​ലോ അല്ലെങ്കിൽ വീട്ടിൽത്ത​ന്നെ​യി​രു​ന്നു​കൊ​ണ്ടു കളിക്കു​ക​യോ കുടുംബ പദ്ധതികൾ തയ്യാറാ​ക്കു​ക​യോ ചെയ്യു​ന്ന​തി​ന്റെ ആനന്ദം അവർ ആസ്വദി​ച്ചു. അവർക്കു പരസ്‌പ​ര​വും മററു​ള​ള​വ​രോ​ടും ഉളള സ്‌നേഹം ഭാവി​യിൽ എന്തുതന്നെ സംഭവി​ച്ചാ​ലും അവർ സത്യത്തിൽ നടക്കു​ക​തന്നെ ചെയ്യും എന്ന ആത്മവി​ശ്വാ​സം നിങ്ങൾക്കു പകരുന്നു.”

⁷ തീർച്ച​യാ​യും മുഴു​കു​ടും​ബ​ത്തി​നും വിനോ​ദ​ത്തി​ലും ഉല്ലാസ​ത്തി​ലും ഏർപ്പെ​ടാൻ സാധി​ക്കു​ക​യി​ല്ലാത്ത സമയങ്ങ​ളുണ്ട്‌. യുവാ​ക്ക​ളായ നിങ്ങൾ ഇതേക്കു​റി​ച്ചും നിങ്ങളു​ടെ ഒഴിവു സമയം എങ്ങനെ ചെലവി​ടാൻ തിര​ഞ്ഞെ​ടു​ക്കു​മെ​ന്ന​തി​ന്റെ ഗൗരവ​ത്തെ​ക്കു​റി​ച്ചും ബോധ്യ​മു​ള​ള​വ​രാ​യി​രി​ക്കണം. സാധ്യ​മു​ള​ളി​ട​ത്തോ​ളം ആളുകളെ വ്യതി​ച​ലി​പ്പി​ക്കു​ന്ന​തി​നു സാത്താൻ നിശ്ചയി​ച്ചു​റ​ച്ചി​രി​ക്കു​ക​യാണ്‌. ചെറു​പ്പ​ക്കാ​രും അനുഭ​വ​പ​രി​ചയം കുറഞ്ഞ​വ​രും വിശേ​ഷി​ച്ചും അവന്റെ കുടില പ്രവൃ​ത്തി​കൾക്കും വഞ്ചനാ​ത്മ​ക​മായ പ്രേര​ണ​യ്‌ക്കും വശംവ​ദ​രാണ്‌. (2 കൊരി. 11:3; എഫെ. 6:11) അതു​കൊണ്ട്‌, വ്യതി​ച​ലി​ക്കു​ന്ന​തി​നും സ്വാർഥ​മായ ഉല്ലാസ​തേ​ട്ട​ത്തി​ന്റെ​യും അനീതി​യു​ടെ​യും ജീവിതം പിന്തു​ട​രു​ന്ന​തി​നും​വേണ്ടി നിങ്ങളെ വശീക​രി​ച്ചാ​കർഷി​ക്കാൻ സാത്താൻ ഇന്നു വിവിധ മാർഗങ്ങൾ ഉപയോ​ഗി​ക്കു​ന്നു.

⁸ ഭൗതി​ക​ത്വ​വും അധാർമി​ക​വു​മായ ജീവി​ത​രീ​തി​യെ പ്രോ​ത്സാ​ഹി​പ്പി​ക്കുന്ന ഒരു പ്രമുഖ പ്രലോ​ഭ​ക​നാ​ണു ടെലി​വി​ഷൻ. ചലച്ചി​ത്ര​ങ്ങ​ളും വീഡി​യോ​ക​ളും ക്രമമാ​യി അക്രമ​വും വ്യക്തമായ ലൈം​ഗി​ക​ത​യും ചിത്രീ​ക​രി​ക്കു​ന്നു. ജനപ്രീ​തി​യു​ളള സംഗീതം അങ്ങേയ​ററം തരംതാ​ണ​തും അശ്ലീല​വും ആയിത്തീർന്നി​രി​ക്കു​ന്നു. സാത്താന്റെ വശീക​ര​ണങ്ങൾ നിരു​പ​ദ്ര​വ​ക​ര​മാ​യി തോന്നി​യേ​ക്കാം എന്നാൽ, അവ ആയിര​ക്ക​ണ​ക്കി​നു ക്രിസ്‌തീയ യുവാ​ക്കളെ തെററായ ചിന്തയു​ടെ​യും നടത്തയു​ടെ​യും കെണി​യി​ല​ക​പ്പെ​ടു​ത്തി​യി​ട്ടുണ്ട്‌. അപ്രകാ​ര​മു​ളള സമ്മർദ​ങ്ങളെ ചെറു​ക്കു​ന്ന​തി​നു നിങ്ങൾ നീതിയെ ഊർജ​സ്വ​ല​ത​യോ​ടെ പിന്തു​ട​രേ​ണ്ട​തുണ്ട്‌. (2 തിമൊ. 2:22) വിനോ​ദ​വും ഉല്ലാസ​വും സംബന്ധി​ച്ചു ക്രമ​പ്പെ​ടു​ത്ത​ലു​കൾ ആവശ്യ​മാ​യി​വ​രു​ന്നെ​ങ്കിൽ അത്‌ എപ്രകാ​രം ചെയ്യാൻ കഴിയും? സങ്കീർത്ത​ന​ക്കാ​രൻ ഉത്തരം നൽകുന്നു: “ഞാൻ പൂർണ്ണ ഹൃദയ​ത്തോ​ടെ നിന്നെ അന്വേ​ഷി​ക്കു​ന്നു; നിന്റെ കല്‌പ​നകൾ വിട്ടു​ന​ട​പ്പാൻ എനിക്കു ഇടവര​രു​തേ.”—സങ്കീ. 119:10.

⁹ സ്‌പോർട്‌സി​ലെ​യും വിനോ​ദ​ങ്ങ​ളി​ലെ​യും താരങ്ങളെ പൂജി​ക്കു​ന്നതു സാധാ​ര​ണ​മാ​യി​രി​ക്കു​ന്നു. അപൂർണ​രായ മനുഷ്യ​രെ പൂജി​ക്കു​ന്നത്‌ ഒഴിവാ​ക്കാൻ യഹോ​വാ​ഭക്തി നിങ്ങളെ സഹായി​ക്കും. ഇന്ന്‌ ലൈം​ഗി​ക​ദുർമാർഗം​പോ​ലും അനേക​രു​ടെ​യും ആരാധ​നാ​പാ​ത്ര​മാ​യി മാറി​യി​രി​ക്കു​ന്നു. അശ്ലീല​ചി​ത്ര​ങ്ങ​ളും ദുഷി​പ്പി​ക്കുന്ന സംഗീ​ത​വും ഒഴിവാ​ക്കി​ക്കൊണ്ട്‌ ഈ പ്രവണ​ത​ക്കെ​തി​രെ നിങ്ങൾക്കു ജാഗ്രത പുലർത്താ​വു​ന്ന​താണ്‌. സംഗീ​തത്തെ സംബന്ധിച്ച്‌ അടുത്ത​യി​ടെ സഭാപു​സ്‌ത​കാ​ധ്യ​യ​ന​ത്തിൽ പഠിച്ച വീക്ഷാ​ഗോ​പുര ലേഖന ലഘുപ​ത്രി​ക​യു​ടെ 40-ാം പേജ്‌ പിൻവ​രു​ന്ന​വി​ധം വിശദീ​ക​രി​ക്കു​ന്നു: “സംഗീതം ഒരു ദിവ്യ​വ​ര​മാണ്‌. എന്നാൽ അത്‌ അനേകർക്കും അനാ​രോ​ഗ്യ​ക​ര​മായ ഒരു അഭീഷ്ട​മാ​യി​ത്തീർന്നി​രി​ക്കു​ന്നു. . . . സംഗീ​തത്തെ അതിന്റെ സ്ഥാനത്തു നിർത്തു​ന്ന​തും യഹോ​വ​യു​ടെ പ്രവർത്ത​നത്തെ നിങ്ങളു​ടെ മുഖ്യ​താ​ത്‌പ​ര്യ​മാ​ക്കു​ന്ന​തും നിങ്ങളു​ടെ ലാക്കാ​ക്കുക. നിങ്ങൾ തിര​ഞ്ഞെ​ടു​ക്കുന്ന സംഗീതം സംബന്ധിച്ച്‌ വിവേ​ച​ന​യും ശ്രദ്ധയു​മു​ള​ള​വ​രാ​യി​രി​ക്കുക. അങ്ങനെ ഈ ദിവ്യ​വരം ഉപയോ​ഗി​ക്കാൻ—ദുരു​പ​യോ​ഗം ചെയ്യാനല്ല—നിങ്ങൾ പ്രാപ്‌ത​രാ​യി​ത്തീ​രും.”

¹⁰ ചീത്തക്കാ​ര്യ​ങ്ങ​ളോ​ടു പൂർണ വെറുപ്പു നട്ടുവ​ളർത്തുക. (സങ്കീ. 97:10) തെററു ചെയ്യാൻ പ്രേരി​ത​രാ​കു​മ്പോൾ യഹോവ കാര്യ​ങ്ങളെ വീക്ഷി​ക്കുന്ന വിധങ്ങ​ളെ​ക്കു​റി​ച്ചും അനാവശ്യ ഗർഭധാ​രണം, ലൈം​ഗി​ക​മാ​യി പകരുന്ന രോഗങ്ങൾ, വൈകാ​രിക ശൂന്യത, സ്വാഭി​മാന നഷ്ടം, സഭയിലെ പദവി​ക​ളു​ടെ നഷ്ടം എന്നിങ്ങ​നെ​യു​ളള അനന്തര​ഫ​ല​ങ്ങ​ളെ​ക്കു​റി​ച്ചും പരിചി​ന്തി​ക്കുക. ദുഷ്ടതയെ പ്രോ​ത്സാ​ഹി​പ്പി​ക്കുന്ന ടിവി പരിപാ​ടി​ക​ളും ചലച്ചി​ത്ര​ങ്ങ​ളും വീഡി​യോ​ക​ളും ഗാനങ്ങ​ളും സംഭാ​ഷ​ണ​ങ്ങ​ളും ഒഴിവാ​ക്കുക. “ഭോഷൻമാർ” എന്നു ബൈബിൾ തരംതി​രി​ക്കു​ന്ന​വ​രു​മാ​യു​ളള സഹവാസം ഒഴിവാ​ക്കുക. (സദൃ. 13:19) വിവേ​ച​ന​യു​ള​ള​വ​രാ​യി​രി​ക്കുക; സഭയിൽ യഹോ​വ​യെ​യും അവിടു​ത്തെ നീതി​യു​ളള പ്രമാ​ണ​ങ്ങ​ളെ​യും സ്‌നേ​ഹി​ക്കു​ന്ന​വ​രു​മാ​യു​ളള സഹവാസം തിര​ഞ്ഞെ​ടു​ക്കുക.

¹¹ അതേ, യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാൻ വാസ്‌ത​വ​മാ​യും ആഗ്രഹി​ക്കുന്ന യുവാക്കൾ എഫേസ്യർ 5:15, 16-ൽ [NW] കാണുന്ന പിൻവ​രുന്ന ബുദ്ധ്യു​പ​ദേശം അനുസ​രി​ക്കും: “നാളുകൾ ദുഷ്ടമാ​ക​യാൽ നിങ്ങൾക്കു​വേണ്ടി അവസ​രോ​ചി​ത​മായ സമയം വിലയ്‌ക്കു വാങ്ങി​ക്കൊണ്ട്‌, നിങ്ങളു​ടെ നടപ്പ്‌ അജ്ഞാനി​ക​ളാ​യി​ട്ടല്ല, ജ്ഞാനി​ക​ളാ​യി​ട്ടി​രി​ക്കാൻ കർശന​മാ​യി സൂക്ഷി​ച്ചു​കൊൾക.” ഈ അന്ത്യനാ​ളു​ക​ളിൽ നിങ്ങളു​ടെ പുരോ​ഗ​തി​യെ “കർശന​മാ​യി സൂക്ഷി”ക്കുന്നതി​നു നിങ്ങളെ എന്തു സഹായി​ക്കും?

¹² ആത്മീയ ആവശ്യ​ങ്ങൾക്കാ​യു​ളള കരുതൽ: “തങ്ങളുടെ ആത്മീയ ആവശ്യങ്ങൾ സംബന്ധി​ച്ചു ബോധ​മു​ള​ളവർ സന്തുഷ്ട​രാ​കു​ന്നു” എന്ന്‌ മത്തായി 5:3-ൽ [NW] യേശു പറഞ്ഞു. നിങ്ങളു​ടെ ആത്മീയ ആവശ്യങ്ങൾ സംബന്ധി​ച്ചു ബോധ​മു​ള​ള​വ​രാ​യി​രു​ന്നു​കൊ​ണ്ടു നിങ്ങൾക്കും സന്തുഷ്ട​രാ​യി​രി​ക്കാൻ കഴിയും. സുവാർത്താ പ്രസം​ഗ​ത്തി​ലെ സജീവ​മായ പങ്കെടു​ക്കൽ ആ ആവശ്യത്തെ തൃപ്‌തി​പ്പെ​ടു​ത്തു​ന്ന​തിൽ ഉൾപ്പെ​ടു​ന്നു, കാരണം ഇവ നാം പഠിക്കുന്ന കാര്യ​ങ്ങ​ളി​ലു​ളള നമ്മുടെ വിശ്വാ​സത്തെ ബലപ്പെ​ടു​ത്തു​ന്നു.—റോമ. 10:17.

¹³ ശുശ്രൂ​ഷ​യിൽ ക്രമമാ​യി പങ്കെടു​ക്കുക എളുപ്പമല്ല എന്നു നിങ്ങൾക്കു സ്വന്ത അനുഭ​വ​ത്തിൽനി​ന്ന​റി​യാം. ഇതില​ധി​ക​വും ആത്മവി​ശ്വാ​സ​ക്കു​റ​വു​മൂ​ല​മാ​കാം. അതു​കൊണ്ട്‌, നിങ്ങളു​ടെ ഭാഗത്ത്‌ ഉറച്ച തീരു​മാ​നം അത്യാ​വ​ശ്യ​മാണ്‌. ശുശ്രൂ​ഷ​യിൽ ക്രമമായ അടിസ്ഥാ​ന​ത്തിൽ പങ്കെടു​ക്കു​ന്ന​തി​നാൽ നിങ്ങൾക്കു സാക്ഷീ​ക​ര​ണ​ത്തി​നു​ളള നിങ്ങളു​ടെ കഴിവു വർധി​പ്പി​ച്ചെ​ടു​ക്കു​ന്ന​തി​നും പ്രസം​ഗ​ത്തി​നു​ളള നിങ്ങളു​ടെ കഴിവിൽ ആത്മവി​ശ്വാ​സം വളർത്തി​യെ​ടു​ക്കു​ന്ന​തി​നും കഴിയും.

¹⁴ നിരന്തര പയനി​യർമാ​രും മൂപ്പൻമാ​രും​പോ​ലെ സഭയിൽ അധികം അനുഭ​വ​പ​രി​ച​യ​മു​ളള പ്രസാ​ധ​ക​രോ​ടൊ​പ്പം പ്രവർത്തി​ക്കാൻ ക്രമീ​ക​രണം ചെയ്യുക. അവരുടെ അവതര​ണ​വും വീട്ടു​വാ​തിൽക്കൽ എതിർപ്പി​നെ കൈകാ​ര്യം ചെയ്യുന്ന വിധവും ഏകാ​ഗ്ര​ത​യോ​ടെ ശ്രദ്ധി​ക്കുക. ന്യായ​വാ​ദം പുസ്‌ത​ക​വും നമ്മുടെ രാജ്യ ശുശ്രൂ​ഷ​യിൽ നൽകി​യി​രി​ക്കുന്ന നിർദേ​ശ​ങ്ങ​ളും നല്ലവണ്ണം പ്രയോ​ജ​ന​പ്പെ​ടു​ത്തുക. നിങ്ങളു​ടെ മുഴു​വ​നും യഹോ​വക്കു നൽകു​ന്ന​തി​നാൽ താമസി​യാ​തെ നിങ്ങൾ ശുശ്രൂ​ഷ​യിൽ കൂടുതൽ സന്തുഷ്ടി ആസ്വദി​ക്കും.—പ്രവൃ. 20:35.

¹⁵ ചിലർ സ്‌കൂ​ളിൽ സാക്ഷ്യം കൊടു​ക്കു​ന്ന​തി​നു​ളള അവസരത്തെ പ്രയോ​ജ​ന​പ്പെ​ടു​ത്തു​ക​യും ശിഷ്യരെ ഉളവാ​ക്കു​ന്ന​തിൽ ശരിക്കു വിജയി​ക്കു​ക​യും ചെയ്‌തി​ട്ടുണ്ട്‌. (മത്താ. 28:19, 20) “ക്ലാസി​ല്ലാ​തി​രുന്ന പീരി​യ​ഡു​ക​ളിൽ, വിശേ​ഷി​ച്ചും അവധി​ക്കാ​ല​ത്തോ​ട​ടുത്ത സമയങ്ങ​ളിൽ സാക്ഷ്യം കൊടു​ക്കു​ന്ന​തി​നു​ളള അനേകം അവസരങ്ങൾ എനിക്കു​ണ്ടാ​യി​ട്ടുണ്ട്‌. എന്റെ മേശയിൽ മററു​ള​ള​വർക്കു കാണാ​വു​ന്നി​ടത്തു ഞാൻ ബൈബിൾ സാഹി​ത്യ​ങ്ങൾ വെച്ച​പ്പോൾ താത്‌പ​ര്യ​മു​ളള അനേകം വിദ്യാർഥി​കൾ എന്നെ സമീപി​ച്ചു” എന്ന്‌ ഒരു ക്രിസ്‌തീയ യുവാവ്‌ പറഞ്ഞു. ക്രമേണ അനേകം വിദ്യാർഥി​ക​ളും അധ്യാ​പി​ക​പോ​ലും ക്രിസ്‌തീയ യോഗ​ങ്ങൾക്കു ഹാജരാ​കാൻ തുടങ്ങി. വാസ്‌ത​വ​ത്തിൽ, അധ്യാ​പിക പുരോ​ഗ​മി​ക്കു​ക​യും സമർപ്പിത സാക്ഷി​യാ​യി​ത്തീ​രുന്ന ഘട്ടം വരെ എത്തുക​യും ചെയ്‌തു. നിങ്ങ​ളെ​പ്പോ​ലെ​യു​ളള യുവ ആരാധകർ യഹോ​വ​യു​ടെ നാമത്തി​നു സ്‌തു​തി​ക​രേ​റ​റു​മ്പോൾ അവിടു​ന്നു വളരെ സന്തോ​ഷി​ക്കു​ന്നു.

¹⁶ നിങ്ങളു​ടെ ആത്മീയ ആവശ്യ​ങ്ങളെ തൃപ്‌തി​പ്പെ​ടു​ത്തു​ന്ന​തി​നു​ളള മറെറാ​രു മാർഗം വ്യക്തി​പ​ര​മായ പഠനമാണ്‌. യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ന്ന​തി​നു നാം അവിടു​ത്തെ​ക്കു​റി​ച്ചും അവിടു​ത്തെ ഉദ്ദേശ്യ​ങ്ങ​ളെ​ക്കു​റി​ച്ചും അവിടു​ത്തെ വ്യവസ്ഥ​ക​ളെ​ക്കു​റി​ച്ചും ആവശ്യ​മായ അറിവു സമ്പാദി​ക്കണം. നിങ്ങൾ വ്യക്തി​പ​ര​മായ പഠനത്തി​നു​വേണ്ടി സമയം നീക്കി​വ​യ്‌ക്കാ​റു​ണ്ടോ? നിങ്ങൾ ഭക്ഷിക്കാൻ ക്രമമാ​യി സമയ​മെ​ടു​ക്കു​ന്ന​തു​പോ​ലെ ക്രമമാ​യി പഠിക്കു​ന്നു​ണ്ടോ? (യോഹ. 17:3) ദിവ്യാ​ധി​പത്യ ശുശ്രൂ​ഷാ​സ്‌കൂൾ പട്ടിക​യി​ലെ ബൈബിൾ വായന ക്രമമാ​യി നടത്തു​ന്ന​തി​നു​പു​റമേ ബൈബിൾ വായന​യ്‌ക്കു​ളള വ്യക്തി​പ​ര​മായ ഒരു പട്ടിക നിങ്ങൾക്കു​ണ്ടോ? എല്ലാ യോഗ​ങ്ങൾക്കും​വേണ്ടി നിങ്ങൾ നല്ലവണ്ണം തയ്യാറാ​കാ​റു​ണ്ടോ? വീക്ഷാ​ഗോ​പു​ര​വും ഉണരുക!യും നിങ്ങൾ ക്രമമാ​യി വായി​ക്കാ​റു​ണ്ടോ? പ്രത്യേ​കിച്ച്‌, “യുവജ​നങ്ങൾ ചോദി​ക്കു​ന്നു. . . ” എന്ന ലേഖന​പ​ര​മ്പ​ര​യി​ലെ ഓരോ ലേഖന​വും ഓരോ തിരു​വെ​ഴു​ത്തും സൂക്ഷ്‌മ​മാ​യി വിശക​ലനം ചെയ്‌തു​കൊ​ണ്ടു വായി​ക്കാൻ നിങ്ങൾ സമയം കണ്ടെത്താ​റു​ണ്ടോ? പ്രത്യേ​കി​ച്ചും നിങ്ങളു​ടെ ആത്മീയ ആവശ്യ​ത്തി​നാ​യി സൊ​സൈ​ററി രൂപക​ല്‌പ​ന​ചെയ്‌ത യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തെ​പ്പ​ററി മറന്നു​ക​ള​യ​രുത്‌. ലോക​ത്തെ​മ്പാ​ടു​മു​ളള ക്രിസ്‌തീയ യുവാ​ക്ക​ളും മാതാ​പി​താ​ക്ക​ളും ഈ പുസ്‌തകം യഹോ​വ​യി​ലേക്ക്‌ അടുത്തു​വ​രു​ന്ന​തി​നു തങ്ങളെ എങ്ങനെ സഹായി​ച്ചു​വെന്നു പറയാ​നാ​യി എഴുതി​യി​ട്ടുണ്ട്‌.

¹⁷ നിങ്ങൾ ബൈബി​ളും ദിവ്യാ​ധി​പത്യ ബൈബിൾപഠന സഹായി​ക​ളും വായി​ക്കു​മ്പോൾ അവ യഹോ​വ​യെ​ക്കു​റി​ച്ചും അവിടു​ത്തെ ആലോ​ച​ന​ക​ളെ​ക്കു​റി​ച്ചും അവിടു​ത്തെ ഉദ്ദേശ്യ​ങ്ങ​ളെ​ക്കു​റി​ച്ചും നിങ്ങ​ളോ​ടു പറയുന്നു. ഈ വിവരങ്ങൾ നിങ്ങൾക്ക്‌ എങ്ങനെ സഹായ​ക​മാ​യി​രി​ക്കാ​മെന്നു പരിചി​ന്തി​ക്കുക. നിങ്ങൾ വായി​ക്കു​ന്നതു നേരത്തെ നിങ്ങൾ വായി​ച്ചി​ട്ടു​ള​ള​തി​നോ​ടു ബന്ധപ്പെ​ടു​ത്തുക. ഇതിൽ ധ്യാനം ഉൾപ്പെ​ടു​ന്നു. ധ്യാനം വിവരങ്ങൾ ഹൃദയ​ത്തി​ലെ​ത്തു​ന്ന​തി​നും നിങ്ങളെ ഉത്തേജി​പ്പി​ക്കു​ന്ന​തി​നും സഹായി​ക്കു​ന്നു.—സങ്കീ. 77:12.

¹⁸ ആത്മീയ ആവശ്യ​ങ്ങളെ സംബന്ധി​ച്ചു ബോധ​മു​ളള യുവാക്കൾ സഭാ​യോ​ഗ​ങ്ങ​ളിൽ ഹാജരാ​കു​ന്നതു കാണു​ന്ന​തിൽ നാം ആനന്ദി​ക്കു​ന്നു. യോഗ​ങ്ങ​ളിൽ ക്രമമാ​യി അർഥവ​ത്തായ അഭി​പ്രാ​യങ്ങൾ പറഞ്ഞു​കൊ​ണ്ടു ക്രിസ്‌തീയ യുവാ​ക്ക​ളായ നിങ്ങൾക്കു മററു​ള​ള​വരെ പ്രോ​ത്സാ​ഹി​പ്പി​ക്കാൻ കഴിയും. ഓരോ യോഗ​ത്തി​ലും ചുരു​ങ്ങി​യത്‌ ഒരു ഉത്തര​മെ​ങ്കി​ലും പറയാൻ ലക്ഷ്യമി​ടുക. യോഗ​ത്തി​നു​മു​മ്പും അതിനു​ശേ​ഷ​വും പരിപു​ഷ്ടി​പ്പെ​ടു​ത്തുന്ന സഹവാ​സ​ത്തിൽ പങ്കു​ചേർന്നു​കൊണ്ട്‌ വ്യത്യസ്‌ത പ്രായ​ത്തി​ലു​ളള ആളുക​ളു​മാ​യി ഊഷ്‌മ​ള​മായ ബന്ധം നട്ടുവ​ളർത്തുക. (എബ്രാ. 10:24, 25) എല്ലാ യോഗ​ങ്ങ​ളി​ലും, പ്രായം​ചെന്ന സഹോ​ദ​രീ​സ​ഹോ​ദ​രൻമാ​രിൽ ചുരു​ങ്ങി​യ​പക്ഷം ഒരാ​ളെ​ങ്കി​ലു​മാ​യി സംഭാ​ഷ​ണ​ത്തി​ലേർപ്പെ​ടാൻ തന്റെ മാതാ​പി​താ​ക്കൾ തന്നെ പ്രോ​ത്സാ​ഹി​പ്പി​ച്ച​താ​യി ഒരു യുവ സഹോ​ദരൻ അഭി​പ്രാ​യ​പ്പെട്ടു. സഭയിലെ പ്രായം​ചെന്ന അംഗങ്ങ​ളു​മാ​യു​ളള സഹവാ​സ​ത്തി​ലൂ​ടെ നേടിയ അനുഭ​വ​പ​രി​ച​യത്തെ ഇന്ന്‌ അദ്ദേഹം വിലമ​തി​ക്കു​ന്നു.

¹⁹ ആത്മീയ ലാക്കുകൾ പിന്തു​ട​രുക: അനേക യുവാ​ക്ക​ളു​ടെ​യും ജീവി​ത​ത്തിന്‌ ഉദ്ദേശ്യ​വും ലക്ഷ്യവു​മി​ല്ലാ​ത്തതു സങ്കടകരം തന്നെ. എന്നിരു​ന്നാ​ലും, ദിവ്യാ​ധി​പത്യ ലാക്കുകൾ വയ്‌ക്കു​ക​യും വിജയ​ക​ര​മാ​യി അതു നേടി​യെ​ടു​ക്കു​ക​യും ചെയ്യു​ന്ന​തി​ന്റെ അനുഭവം ഒന്നു വേറേ തന്നെയല്ലേ? ദൈവിക വിദ്യാ​ഭ്യാ​സ​ത്താൽ പ്രബു​ദ്ധ​രാ​യി പിന്തു​ട​രുന്ന ഈ ലാക്കുകൾ ഇപ്പോൾ വ്യക്തി​പ​ര​മാ​യി സംതൃ​പ്‌തി പകരു​ന്ന​തും ഒടുവിൽ നിത്യ​ര​ക്ഷ​യി​ലേക്കു നയിക്കു​ന്ന​തു​മാ​യി​രി​ക്കും.—സഭാ. 12:1, 13.

²⁰ ലാക്കുകൾ വയ്‌ക്കു​മ്പോൾ അത്‌ ഒരു പ്രാർഥ​നാ​വി​ഷ​യ​മാ​ക്കുക. നിങ്ങളു​ടെ മാതാ​പി​താ​ക്ക​ളോ​ടോ മൂപ്പൻമാ​രോ​ടോ സംസാ​രി​ക്കുക. നിങ്ങ​ളെ​യും നിങ്ങളു​ടെ പ്രാപ്‌തി​യെ​യും ശോധ​ന​ചെ​യ്യുക, മററു​ള​ള​വ​രോ​ടു താരത​മ്യം ചെയ്യാതെ, നിങ്ങൾക്കു നേടി​യെ​ടു​ക്കാ​വുന്ന പ്രാ​യോ​ഗി​ക​മായ ലാക്കുകൾ വയ്‌ക്കുക. ഓരോ​രു​ത്ത​രും ശാരീ​രി​ക​മാ​യും മാനസി​ക​മാ​യും വൈകാ​രി​ക​മാ​യും ആത്മീയ​മാ​യും വ്യത്യ​സ്‌ത​മാ​യി​ട്ടാ​ണു രൂപസം​വി​ധാ​നം ചെയ്യ​പ്പെ​ട്ടി​രി​ക്കു​ന്നത്‌. അതു​കൊണ്ട്‌, മറെറാ​രാൾ ചെയ്യു​ന്ന​തെ​ല്ലാം നേടാ​മെന്നു പ്രതീ​ക്ഷി​ക്കാ​തി​രി​ക്കുക.

²¹ നിങ്ങൾക്ക്‌ എത്തിപ്പി​ടി​ക്കാ​വുന്ന ചില ലാക്കുകൾ എന്തെല്ലാ​മാണ്‌? നിങ്ങൾ ഇപ്പോൾ ഒരു പ്രസാ​ധ​ക​നോ സ്‌നാ​പ​ന​മേ​റ​റ​യാ​ളോ അല്ലെങ്കിൽ എന്തു​കൊണ്ട്‌ അതു നിങ്ങളു​ടെ ലക്ഷ്യമാ​ക്കി​ക്കൂ​ടാ? നിങ്ങൾ ഒരു പ്രസാ​ധ​ക​നാ​ണെ​ങ്കിൽ ഓരോ ആഴ്‌ച​യി​ലും ശുശ്രൂ​ഷ​യിൽ ഒരു നിശ്ചിത സമയം ചെലവി​ടു​ന്ന​തി​നു​ളള ലാക്കു വയ്‌ക്കാ​വു​ന്ന​താണ്‌. മടക്കസ​ന്ദർശ​ന​ങ്ങ​ളിൽ യോഗ്യ​ത​യു​ളള ഒരു അധ്യാ​പ​ക​നാ​യി​രി​ക്കു​ന്ന​തി​നു​ളള ശ്രമങ്ങൾ നടത്തുക, ബൈബിൾ അധ്യയനം നടത്തുക എന്നതു നിങ്ങളു​ടെ ഒരു ലക്ഷ്യമാ​ക്കുക. നിങ്ങൾ സ്‌കൂ​ളിൽ പഠിക്കുന്ന സ്‌നാ​പ​ന​മേററ യുവാ​വാ​ണെ​ങ്കിൽ വേനൽക്കാല അവധി​ക്കാ​ലത്തു സഹായ പയനി​യ​റിങ്‌ നടത്തു​ന്നത്‌ എന്തു​കൊ​ണ്ടു ലക്ഷ്യമാ​ക്കി​ക്കൂ​ടാ? “കർത്താ​വി​ന്റെ വേലയിൽ ധാരാളം ചെയ്യാനു”ണ്ട്‌.—1 കൊരി. 15:58.

²² മാതാ​പി​താ​ക്ക​ളിൽനി​ന്നു​ളള സഹായം മർമ​പ്ര​ധാ​നം: ജീവൻ നേടി​യെ​ടു​ക്കു​ന്ന​തി​നു​ളള ഉദ്യമ​ത്തിൽ തങ്ങൾ തനിച്ചാണ്‌ എന്നു സഭയി​ലു​ളള യുവാക്കൾ ഒരിക്ക​ലും വിചാ​രി​ക്ക​രുത്‌. ദൈനം​ദിന തീരു​മാ​ന​മെ​ടു​ക്ക​ലു​ക​ളി​ലും ജീവി​ത​ത്തി​ലെ തടസ്സങ്ങൾ തരണം ചെയ്യു​ന്ന​തി​ലും ചെറു​പ്പ​ക്കാ​രായ ഇവർക്കു സഹായ​മേ​കാൻ യഹോവ തന്റെ സ്ഥാപന​ത്തി​ലൂ​ടെ ബുദ്ധ്യു​പ​ദേശം പ്രദാനം ചെയ്‌തി​രി​ക്കു​ന്നു. തീർച്ച​യാ​യും, ശരിയായ തീരു​മാ​നങ്ങൾ എടുക്കു​ന്ന​തി​നു മക്കളെ സഹായി​ക്കു​ന്ന​തി​നു​ളള പ്രാഥ​മിക ഉത്തരവാ​ദി​ത്വം സമർപ്പി​ത​രായ മാതാ​പി​താ​ക്കൾക്കുണ്ട്‌. 1 കൊരി​ന്ത്യർ 11:3-ൽ ബൈബിൾ കുടും​ബ​ത്തി​ന്റെ ശിരസ്സാ​യി ഭർത്താ​വി​നെ നിയോ​ഗി​ക്കു​ന്നു. അതു​കൊണ്ട്‌, ഒരു ക്രിസ്‌തീയ കുടും​ബ​ത്തിൽ കുട്ടി​കളെ ദൈവ​ത്തി​ന്റെ കല്‌പ​നകൾ പഠിപ്പി​ക്കു​ന്ന​തിൽ പിതാവ്‌ നേതൃ​ത്വം വഹിക്കു​ന്നു. ഭാര്യ അദ്ദേഹ​ത്തോ​ടു പററി​നി​ന്നു​കൊ​ണ്ടു പ്രവർത്തി​ക്കു​ന്നു. (എഫെ. 6:4) ഇതു ശൈശ​വ​ത്തിൽ തുടങ്ങുന്ന ബോധ​പൂർവ​ക​മായ പരിശീ​ല​ന​ത്തി​ലൂ​ടെ നടത്ത​പ്പെ​ടു​ന്നു. ജീവി​ത​ത്തി​ന്റെ ആദ്യവർഷ​ത്തിൽ കുട്ടി​യു​ടെ തലച്ചോർ മൂന്നി​ര​ട്ടി​യാ​യി വളരു​ന്ന​തു​കൊണ്ട്‌ മനസ്സി​ലാ​ക്കു​ന്ന​തി​നു​ളള കുഞ്ഞിന്റെ പ്രാപ്‌തി​യെ മാതാ​പി​താ​ക്കൾ ഒരിക്ക​ലും താഴ്‌ത്തി​മ​തി​ക്ക​രുത്‌. (2 തിമൊ. 3:15) കുട്ടികൾ വളർച്ച പ്രാപി​ക്കു​ന്ന​ത​നു​സ​രിച്ച്‌ യഹോ​വയെ സ്‌നേ​ഹി​ക്കു​ന്ന​തി​നും അവിടു​ന്നു​മാ​യി ഒരു നല്ല ബന്ധം നട്ടുവ​ളർത്തു​ന്ന​തി​നും മാതാ​പി​താ​ക്കൾ അവരെ പടിപ​ടി​യാ​യി പഠിപ്പി​ക്കേ​ണ്ട​താ​വ​ശ്യ​മാണ്‌.

²³ കുട്ടി​കളെ സഹായി​ക്കാ​വുന്ന പ്രാ​യോ​ഗിക വിധങ്ങൾ മിക്ക​പ്പോ​ഴും മാതാ​പി​താ​ക്കളെ കാണി​ച്ചു​കൊ​ടു​ത്തി​ട്ടുണ്ട്‌. മാതാ​വി​ന്റെ​യും പിതാ​വി​ന്റെ​യും ഒരു നല്ല മാതൃ​ക​യാണ്‌ ഉത്തമ തുടക്കം. കുട്ടി​കളെ ആത്മീയ​മാ​യി സഹായി​ക്കുന്ന കാര്യ​ത്തിൽ, എന്തു​ചെ​യ്യണം എന്തു​ചെ​യ്യ​രുത്‌ എന്നു വാതോ​രാ​തെ അവരോ​ടു പ്രസം​ഗി​ക്കു​ന്ന​തി​നെ​ക്കാൾ ഏറെ സ്വാധീ​നം ചെലു​ത്തു​ന്നത്‌ ഇതാണ്‌. മാതാ​പി​താ​ക്കൾ ശരിയായ മാതൃക വയ്‌ക്കു​ന്ന​തിൽ ഭവനത്തിൽ, നിങ്ങളു​ടെ വിവാഹ പങ്കാളി​യോ​ടും കുട്ടി​ക​ളോ​ടു​മു​ളള ബന്ധത്തിൽ ആത്മാവി​ന്റെ ഗുണം പ്രദർശി​പ്പി​ക്കു​ന്ന​തും ഉൾപ്പെ​ടും. (ഗലാ. 5:22, 23) ദൈവ​ത്തി​ന്റെ ആത്മാവ്‌ നൻമയ്‌ക്കു​ളള ഒരു സ്വാധീ​ന​മാ​യി​രി​ക്കു​ന്ന​താ​യി അനേക​രും അനുഭ​വ​ത്തിൽനി​ന്നു കണ്ടിരി​ക്കു​ന്നു. നിങ്ങളു​ടെ കുട്ടി​ക​ളു​ടെ മനസ്സും ഹൃദയ​വും ഉടച്ചു​വാർക്കു​ന്ന​തിന്‌ ഇതിനു നിങ്ങളെ സഹായി​ക്കാൻ കഴിയും.

²⁴ വ്യക്തി​പ​ര​മായ അധ്യയന ശീലത്തി​ലും യോഗ ഹാജരി​ലും വയൽസേ​വ​ന​ത്തി​ലു​ളള നിരന്തര പങ്കെടു​ക്ക​ലി​ലും മാതാ​പി​താ​ക്കൾ നല്ല ദൃഷ്ടാന്തം വയ്‌ക്കേ​ണ്ടത്‌ ആവശ്യ​മാണ്‌. നിങ്ങൾ വീട്ടി​നു​ള​ളിൽ സത്യ​ത്തെ​ക്കു​റിച്ച്‌ ഉത്സാഹ​പൂർവം സംസാ​രി​ക്കു​ന്നു​വെ​ങ്കിൽ ശുശ്രൂ​ഷ​യിൽ ശുഷ്‌കാ​ന്തി​യോ​ടു​കൂ​ടിയ ഒരു നേതൃ​ത്വം വഹിക്കുക, വ്യക്തി​പ​ര​മായ പഠന​ത്തെ​ക്കു​റി​ച്ചു നിങ്ങൾ ക്രിയാ​ത്മ​ക​മ​നോ​ഭാ​വം വളർത്തു​ന്നു​വെ​ങ്കിൽ ആത്മീയ കാര്യ​ങ്ങ​ളിൽ ആത്മാർഥ​മായ താത്‌പ​ര്യ​മെ​ടു​ക്കാൻ നിങ്ങളു​ടെ കുട്ടികൾ പ്രോ​ത്സാ​ഹി​ത​രാ​കും.

²⁵ ആലോ​ച​നാ​പൂർവം തയ്യാ​റെ​ടു​ക്കു​ന്ന​പക്ഷം ക്രമമായ, അർഥവ​ത്തായ ഒരു കുടും​ബാ​ധ്യ​യനം രസകര​വും ആസ്വാ​ദ്യ​വും കുടും​ബ​ത്തി​ന്റെ ഒരുമയെ ഉറപ്പാ​ക്കു​ന്ന​തി​നു​ളള ഒരു സമയവു​മാ​യി​രി​ക്കാ​വു​ന്ന​താണ്‌. നിങ്ങളു​ടെ കുട്ടി​ക​ളു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാൻ ആ സമയം വിനി​യോ​ഗി​ക്കുക. (സദൃ. 23:15) അനേകം കുടും​ബ​ങ്ങ​ളും ഈ സന്ദർഭം പ്രസ്‌തുത വാരത്തി​ലെ വീക്ഷാ​ഗോ​പു​രാ​ധ്യ​യ​ന​ത്തി​നു തയ്യാറാ​കാൻ വിനി​യോ​ഗി​ക്കു​ന്നു​വെ​ങ്കി​ലും സമയാ​സ​മ​യ​ങ്ങ​ളിൽ കുടും​ബ​ത്തി​ന്റെ ഒരു പ്രത്യേക ആവശ്യം പരിഗ​ണി​ക്കു​ന്നതു പ്രോ​ത്സാ​ഹ​ജ​ന​ക​മാ​യി​രി​ക്കും. വീക്ഷണ​ചോ​ദ്യ​ങ്ങൾ ചോദി​ക്കു​ന്ന​തും കുടും​ബ​ത്തി​ലെ ഓരോ അംഗത്തി​ന്റെ​യും അഭി​പ്രാ​യ​ങ്ങൾക്കു ശ്രദ്ധ​കൊ​ടു​ക്കു​ന്ന​തും അറിവു പകരു​ന്നു​വെ​ന്നതു മാത്രമല്ല ഉൻമേ​ഷ​ക​ര​വും ആയിരി​ക്കും. കുടും​ബ​ത്തി​ലെ ഓരോ അംഗത്തി​നും പ്രയോ​ജനം ചെയ്യു​ന്ന​വി​ധം അധ്യയനം നടത്തു​ക​യെ​ന്നതു കുടും​ബ​നാ​ഥന്‌ ഒരു യഥാർഥ വെല്ലു​വി​ളി​യാണ്‌. എന്നാൽ എല്ലാവ​രും ആത്മീയ​മാ​യി വളരു​മ്പോൾ അത്‌ എത്ര പ്രതി​ഫ​ല​ദാ​യ​ക​മാണ്‌! എല്ലാവ​രെ​യും ഉൾപ്പെ​ടു​ത്തു​ക​വഴി സന്തോ​ഷ​ത്തി​ന്റേ​തായ ഒരു ആത്മാവ്‌ നിലനിൽക്കും.

²⁶ നിങ്ങളു​ടെ സ്‌നേ​ഹ​പു​ര​സ്സ​ര​വും വിശേ​ഷ​വി​ധ​വു​മായ ഇപ്പോ​ഴത്തെ പരിശീ​ലനം നിങ്ങളു​ടെ മക്കളുടെ ജീവൻ രക്ഷിക്കു​ന്ന​തി​നു ജീവത്‌പ്ര​ദാ​ന​മാണ്‌. (സദൃ. 22:6) ഇതു മനസ്സിൽ കരുതി​യാൽ, നിങ്ങൾ ചെയ്യു​ന്ന​തിൽ വച്ചേറ​റ​വും പ്രധാ​ന​പ്പെട്ട പഠിപ്പി​ക്കൽ ഇതായി​രി​ക്കു​മെ​ന്നതു നിഷ്‌പ്ര​യാ​സം മനസ്സി​ലാ​ക്കാം. ഈ സവി​ശേ​ഷ​വും സുപ്ര​ധാ​ന​വു​മായ വേലയിൽ നിങ്ങൾ തനിച്ചാ​ണെന്ന്‌ ഒരിക്ക​ലും വിചാ​രി​ക്ക​രുത്‌. നിങ്ങളു​ടെ കുടുംബ ഉത്തരവാ​ദി​ത്വ​ങ്ങ​ളിൽ ശ്രദ്ധി​ക്കു​ന്ന​തിന്‌ ആവശ്യ​മായ മാർഗ​ദർശ​ന​ത്തി​നാ​യി യഹോ​വ​യിൽ പൂർണ​മാ​യി ആശ്രയി​ക്കാൻ പഠിക്കുക. അതു മാത്രമല്ല. സഹായം നൽകാൻ പററിയ മററു​ചി​ല​രു​മുണ്ട്‌.

²⁷ സഹായി​ക്കു​ന്ന​തി​നു മററു​ള​ള​വർക്കു ചെയ്യാൻ കഴിയു​ന്നത്‌: മൂപ്പൻമാ​രേ, രാജ്യ​ഹാൾ വൃത്തി​യാ​ക്കു​ന്ന​തിൽ യുവജ​ന​ങ്ങളെ തങ്ങളുടെ മാതാ​പി​താ​ക്ക​ളോ​ടൊ​പ്പം ഉൾപ്പെ​ടു​ത്താൻ ജാഗ്ര​ത​യു​ള​ള​വ​രാ​യി​രി​ക്കുക. സഭാ​യോ​ഗ​ങ്ങ​ളിൽ കുട്ടി​കളെ പ്രോ​ത്സാ​ഹി​പ്പി​ക്കുക. സേവന​യോ​ഗ​ത്തി​ലെ നിയമ​ന​ത്തിൽ പങ്കുളള മൂപ്പൻമാ​രും ശുശ്രൂ​ഷാ​ദാ​സൻമാ​രും സദസ്യ പങ്കുപ​റ​റ​ലി​ന്റെ സമയത്ത്‌ ചെറു​പ്പ​ക്കാ​രു​ടെ കൈകൾ ഉയർന്നു കാണു​ന്നു​ണ്ടോ എന്നു നോക്കണം. മാതാ​പി​താ​ക്ക​ളോ​ടൊ​പ്പം പ്രകടനം നടത്തു​ന്ന​തിന്‌ അവരുടെ മാതൃ​കാ​യോ​ഗ്യ​രായ മക്കളെ ഉപയോ​ഗി​ക്കു​ന്ന​തി​നു​ളള അവസര​ത്തി​നു​വേണ്ടി കാത്തി​രിക്ക. ചിലരു​മാ​യി അഭിമു​ഖം നടത്തു​ക​യും ഹ്രസ്വ​മായ അഭി​പ്രാ​യം പറയു​ക​യും ചെയ്യുക.

²⁸ അവരുടെ ശ്രമത്തെ നിസ്സാ​ര​മാ​യി എടുക്ക​രുത്‌. യുവജ​നങ്ങൾ സഭയ്‌ക്ക്‌ ഒരു നല്ല മുതൽക്കൂ​ട്ടാ​ണെന്നു തെളി​ഞ്ഞി​ട്ടുണ്ട്‌. അവരുടെ നല്ല നടത്തയാൽ ‘അനേക​രും നമ്മുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ അലങ്കരി​ച്ചി​ട്ടുണ്ട്‌.’ (തീത്തൊ. 2:6-10) ചെറിയ വിധത്തിൽപോ​ലും പങ്കുപ​റ​റുന്ന ചെറു​പ്പ​ക്കാ​രെ അഭിന​ന്ദി​ക്കു​ന്ന​തി​നെ​ക്കു​റി​ച്ചു ബോധ​മു​ള​ള​വ​രാ​യി​രി​ക്കുക. ഇത്‌ അവരെ തയ്യാറാ​കു​ന്ന​തി​നും ഭാവി​യിൽ വീണ്ടും അപ്രകാ​രം ചെയ്യു​ന്ന​തി​നും പ്രോ​ത്സാ​ഹി​പ്പി​ക്കും. പ്രായ​മേ​റി​യവർ കാട്ടുന്ന ഇപ്രകാ​ര​മു​ളള താത്‌പ​ര്യ​ത്തി​ന്റെ മൂല്യം നിർണ​യി​ക്കാ​വു​ന്നതല്ല; അത്‌ അമൂല്യ​മാണ്‌. സഭയിലെ ചെറു​പ്പ​ക്കാ​രായ അംഗങ്ങൾ യോഗ​ത്തിൽ നടത്തിയ ഒരു പ്രസം​ഗത്തെ അല്ലെങ്കിൽ അവതര​ണ​ത്തെ​പ്രതി അവരെ അഭിന​ന്ദി​ക്കു​ന്ന​തിന്‌ ഒരു മൂപ്പനോ ശുശ്രൂ​ഷാ​ദാ​സ​നോ എന്ന നിലയിൽ നിങ്ങൾ എത്ര കൂടെ​ക്കൂ​ടെ അവരെ സമീപി​ച്ചി​ട്ടുണ്ട്‌?

²⁹ പയനി​യർമാ​രേ, സഹായി​ക്കാൻ നിങ്ങൾക്ക്‌ എന്തു​ചെ​യ്യാൻ കഴിയും? നിങ്ങളു​ടെ ഉച്ചകഴി​ഞ്ഞും വാരാ​ന്ത​ത്തി​ലു​മു​ളള ക്രമീ​ക​ര​ണ​ത്തിൽ സ്‌കൂൾ കുട്ടി​കളെ എങ്ങനെ ഉൾപ്പെ​ടു​ത്താ​മെന്നു ചിന്തി​ക്കു​ന്ന​തിന്‌ എന്തു​കൊ​ണ്ടു നിങ്ങളു​ടെ പട്ടിക പുനര​വ​ലോ​കനം ചെയ്‌തു​കൂ​ടാ? നിങ്ങൾ മുഴു​സമയ സേവനം തിര​ഞ്ഞെ​ടു​ത്ത​തി​നെ​പ്പ​ററി ക്രിയാ​ത്മ​ക​മാ​യി സംസാ​രി​ക്കാ​റു​ണ്ടോ? നിങ്ങളു​ടെ ശുശ്രൂ​ഷ​യിൽ സന്തുഷ്ടി കണ്ടെത്തു​ന്നു​വെന്നു നിങ്ങളു​ടെ പെരു​മാ​റ​റ​ത്തി​ലൂ​ടെ കാണി​ക്കു​ന്നു​ണ്ടോ? മററു​ള​ള​വരെ, വിശേ​ഷി​ച്ചും ചെറു​പ്പ​ക്കാ​രെ, നിങ്ങൾ അതിനാ​യി താമസ​മെ​ന്യേ പ്രോ​ത്സാ​ഹി​പ്പി​ക്കാ​റു​ണ്ടോ? വീടു​തോ​റു​മു​ളള വേലയിൽ നിങ്ങളു​ടെ പ്രസംഗം പരിപു​ഷ്ടി​പ​ക​രു​ന്ന​തും ക്രിയാ​ത്മ​ക​വു​മാ​ണോ? അങ്ങനെ​യെ​ങ്കിൽ ഒരു പയനിയർ എന്ന നിലയിൽ നിങ്ങളും ഏററവും സുപ്ര​ധാ​ന​മായ ഈ പരിശീ​ലന വേലയിൽ പങ്കുപ​റ​റു​ക​യാണ്‌.

³⁰ യുവാ​ക്കളെ പരിശീ​ലി​പ്പി​ക്കുന്ന ഈ സുപ്ര​ധാന വേലയെ സംബന്ധി​ച്ചു സകലരും സൂക്ഷ്‌മ​മായ ബോധ​മു​ള​ള​വ​രാ​യി​രി​ക്കേ​ണ്ട​തുണ്ട്‌. അവരോ​ടൊ​പ്പം വയൽസേ​വ​ന​ത്തിൽ പങ്കുപ​റ​റു​ന്ന​തി​നു നിങ്ങൾക്കു കൃത്യ​മായ ക്രമീ​ക​ര​ണങ്ങൾ ചെയ്യാൻ കഴിയു​മോ? വീടു​തോ​റു​മു​ളള വേലയ്‌ക്കാ​യു​ളള തയ്യാ​റെ​ടു​പ്പിൽ അവരോ​ടൊ​പ്പം ഒരു അവതര​ണ​ത്തി​നു​ളള പരിശീ​ലനം നടത്താ​നാ​കു​മോ? ശുശ്രൂ​ഷ​യിൽ ഒന്നിച്ചു പ്രവർത്തി​ക്കു​മ്പോൾ ഭാവി​യി​ലെ ആത്മീയ പ്രവർത്ത​ന​ങ്ങളെ പ്രോ​ത്സാ​ഹി​പ്പി​ക്കാ​നു​ളള സന്ദർഭ​ങ്ങളെ സംബന്ധി​ച്ചു ബോധ​മു​ള​ള​വ​രാ​ണോ? പ്രസാ​ധ​ക​രായ ഓരോ​രു​ത്ത​രും മറക്കരു​താത്ത ഒരു കാര്യ​മുണ്ട്‌: ഒരു നിസാര അഭിന​ന്ദ​നം​പോ​ലും ചെറു​പ്പ​ക്കാ​രെ തങ്ങളുടെ സ്വന്ത പ്രയോ​ജ​ന​ത്തി​നാ​യി ആജീവ​നാന്ത ആത്മീയ ലാക്കുകൾ വെക്കു​ന്ന​തി​നെ​ക്കു​റി​ച്ചു ക്രിയാ​ത്മ​ക​മാ​യി ചിന്തി​ക്കാൻ ഇടയാ​ക്കും.

³¹ ചെറു​പ്പ​ക്കാർക്കു സ്വയം സഹായി​ക്കാ​നാ​കും: യുവാ​ക്കളേ, യഹോ​വ​യു​ടെ പ്രബോ​ധ​നങ്ങൾ അനുസ​രി​ക്കു​വാ​നും ലോകം വാഗ്‌ദാ​നം ചെയ്യു​ന്നതു നിരസി​ക്കു​വാ​നും ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. നിങ്ങളു​ടെ നടത്തയും ആന്തരി​ക​വി​ചാ​ര​ങ്ങ​ളും ശോധ​ന​ചെ​യ്‌തു​കൊ​ണ്ടു വീണ്ടും വീണ്ടും നിങ്ങ​ളേ​ത്തന്നെ പരി​ശോ​ധി​ക്കുക. യഹോ​വ​യെ​യും അവിടു​ന്നു ദൈനം​ദി​ന​ജീ​വി​ത​ത്തിൽ നിങ്ങ​ളോട്‌ ആവശ്യ​പ്പെ​ടു​ന്ന​തും സംബന്ധി​ച്ചു നിങ്ങളു​ടെ മനോ​ഭാ​വ​മെ​ന്താണ്‌? സാത്താന്റെ സിദ്ധാ​ന്ത​ങ്ങ​ളു​ടെ സ്വാധീ​ന​ത്തി​നെ​തി​രെ നിങ്ങൾ കഠിന​മാ​യി പോരാ​ടു​ന്നു​ണ്ടോ? (1 തിമൊ. 6:12) മനുഷ്യർ, പ്രത്യേ​കി​ച്ചും യുവാക്കൾ, സ്വാഭാ​വി​ക​മാ​യും സമപ്രാ​യ​ക്കാ​രു​ടെ അംഗീ​കാ​രം കാംക്ഷി​ക്കു​ന്ന​തു​കൊണ്ട്‌ തെററു​ചെ​യ്യു​വാൻ ബഹുജ​നത്തെ പിന്തു​ട​രു​ന്ന​തി​നു നിങ്ങൾ വശീക​രി​ക്ക​പ്പെ​ടു​ന്ന​താ​യി കണ്ടെത്തു​ന്നു​വോ? (പുറ. 23:2) ലോക​ത്തി​ന്റെ വഴിക​ളോട്‌ ഒത്തു​പോ​കാ​നു​ളള ഒരു വലിയ സമ്മർദ​മു​ണ്ടെന്ന്‌ അപ്പോ​സ്‌ത​ല​നായ പൗലോസ്‌ തിരി​ച്ച​റി​ഞ്ഞു.—റോമർ 7:21-23.

³² ലോക​ത്തി​ന്റെ സ്വാധീ​നത്തെ ചെറു​ത്തു​നിൽക്കു​ന്ന​തി​നും ലോക​ത്തി​ലെ സമപ്രാ​യ​ക്കാ​രു​ടേ​തിൽനി​ന്നു വിഭി​ന്ന​മായ ഒരു ഗതി സ്വീക​രി​ക്കു​ന്ന​തി​നും ദൈവ​ത്തി​ന്റെ പഠിപ്പി​ക്ക​ലു​കൾക്കു ചെവി​കൊ​ടു​ക്കു​ന്ന​തി​നു​മൊ​ക്കെ ധൈര്യം ആവശ്യ​മാണ്‌. പുരാ​ത​ന​കാ​ലത്തെ ജനങ്ങൾ വിജയ​പ്ര​ദ​മാ​യി അപ്രകാ​രം ചെയ്‌തു. നോഹ​യു​ടെ ധൈര്യ​ത്തെ​ക്കു​റി​ച്ചു പരിചി​ന്തി​ക്കുക. തന്റെ വിശ്വാ​സ​ത്താ​ലും തന്റെ കാലത്തെ അപരാ​ധി​ക​ളിൽനിന്ന്‌ അകന്നു നിന്നു​കൊ​ണ്ടും അദ്ദേഹം മുഴു​ലോ​ക​ത്തെ​യും കുററം വിധിച്ചു. (എബ്രാ. 11:7) കഠിന​മായ പോരാ​ട്ടം നടത്തുക. കാരണം അതു ശ്രമത്തി​നു​തക്ക ഫലമു​ള​ള​താണ്‌. സാത്താന്റെ ജനക്കൂ​ട്ടത്തെ പിന്തു​ട​രുന്ന ബലഹീ​ന​രും നട്ടെല്ലി​ല്ലാ​ത്ത​വ​രും ഭീരു​ക്ക​ളു​മാ​യ​വരെ അനുക​രി​ക്ക​രുത്‌. നേരെ മറിച്ച്‌, യഹോ​വ​യു​ടെ ദൃഷ്ടി​യിൽ പ്രീതി സമ്പാദി​ക്കു​ന്ന​വ​രു​മാ​യു​ളള സഹവാസം തേടുക. (ഫിലി. 3:17) ദൈവ​ത്തി​ന്റെ പുതി​യ​ലോ​ക​ത്തി​ലേക്കു നിങ്ങ​ളോ​ടൊ​പ്പം മാർച്ചു​ചെ​യ്യുന്ന സഹകാ​രി​ക​ളെ​ക്കൊണ്ട്‌ ഒരു വലയം സൃഷ്ടി​ക്കുക. (ഫിലി. 1:27) നിത്യ​ജീ​വ​നി​ലേക്കു നയിക്കുന്ന ഒരൊററ വഴിയേ ഉളളു എന്നു മനസ്സിൽ പിടി​ക്കുക.—മത്താ. 7:13, 14.

³³ യുവാക്കൾ നമ്മുടെ ദൈവ​ത്തി​നു സ്‌തു​തി​യും മഹത്ത്വ​വും കരേറ​റു​ന്നതു കാണു​ന്ന​തിൽ നാം സന്തുഷ്ട​രാ​കു​ന്നു​വെ​ങ്കിൽ അതു ദൈവ​ത്തിന്‌ എത്രമാ​ത്രം സന്തുഷ്ടി പകരും! യഹോ​വ​യു​ടെ മഹത്തായ ഉദ്ദേശ്യ​ങ്ങൾ പ്രഖ്യാ​പി​ക്കു​ന്ന​തിൽ യുവജ​നങ്ങൾ മുഴു പങ്കു വഹിക്കു​ന്നതു കാണു​ന്ന​തിൽ അവിടു​ന്നു സന്തുഷ്ട​നാ​കു​ന്നു​വെ​ന്ന​തിന്‌ ഒരു സംശയ​വു​മില്ല. അവർ യഹോ​വ​യിൽനി​ന്നു​ളള “ഒരു അവകാശ”മാണ്‌, അവിടുന്ന്‌ അവർക്ക്‌ ഏററവും ഉത്തമമാ​യതു മാത്ര​മാണ്‌ ആഗ്രഹി​ക്കു​ന്നത്‌. (സങ്കീ. 127:3-5; 128:3-6) ക്രിസ്‌തു​യേശു തന്റെ പിതാ​വി​ന്റെ താത്‌പ​ര്യ​ത്തെ പ്രതി​ഫ​ലി​പ്പി​ച്ചു​കൊണ്ട്‌ കുട്ടി​ക​ളു​മാ​യി സഹവസി​ക്കു​ന്ന​തിൽ വളരെ സന്തുഷ്ടി കണ്ടെത്തു​ക​യും യഹോ​വാ​രാ​ധ​ന​യ്‌ക്ക്‌ അവരെ പ്രോ​ത്സാ​ഹി​പ്പി​ക്കു​ന്ന​തിന്‌ സമയം കണ്ടെത്തു​ക​യും ചെയ്‌തു. അവിടുന്ന്‌ അവരോ​ടു കരുണാർദ്ര​മായ സ്‌നേഹം പ്രകടി​പ്പി​ച്ചു. (മർക്കൊ. 9:36, 37; 10:13-16) യഹോ​വ​യും ക്രിസ്‌തു​യേ​ശു​വും വീക്ഷി​ക്കുന്ന അതേ രീതി​യിൽ നിങ്ങളും യുവാ​ക്കളെ വീക്ഷി​ക്കു​ന്നു​വോ? യുവജ​ന​ങ്ങ​ളു​ടെ വിശ്വ​സ്‌ത​ത​യെ​യും നല്ല ദൃഷ്ടാ​ന്ത​ത്തെ​യും യഹോ​വ​യും അവിടു​ത്തെ ദൂതൻമാ​രും വീക്ഷി​ക്കു​ന്നു​വെ​ന്നതു സംബന്ധി​ച്ചു നമ്മുടെ യുവജ​നങ്ങൾ ബോധ​വാൻമാ​രാ​ണോ? ആത്മീയ ലാക്കു​കൾക്കാ​യി എത്തിപ്പി​ടി​ച്ചു​കൊണ്ട്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ന്ന​തിന്‌ അവരെ അഭിന​ന്ദി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യേ​ണ്ട​തുണ്ട്‌. യുവാ​ക്കളേ, ഇപ്പോ​ഴും ഭാവി​യി​ലും നിങ്ങളു​ടെ അനു​ഗ്ര​ഹ​ത്തിൽ കലാശി​ക്കുന്ന ലാക്കുകൾ പിന്തു​ട​രുക.