നിങ്ങളു​ടെ ബൈബിൾ വിദ്യാർഥി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലു​ക

¹ നിങ്ങളു​ടെ ബൈബിൾ വിദ്യാർഥി താൻ പഠിച്ചു​കൊ​ണ്ടി​രി​ക്കു​ന്നതു പ്രവർത്തി​ച്ചു കാണാൻ നിങ്ങൾ ആഗ്രഹി​ക്കു​ന്നു​വോ? അദ്ദേഹ​ത്തി​നു ലഭ്യമാ​യി​ക്കൊ​ണ്ടി​രി​ക്കുന്ന അറിവിൽനി​ന്നു പ്രയോ​ജനം ലഭിക്ക​ണ​മെ​ങ്കിൽ അദ്ദേഹം അതു ചെയ്‌തേ പററൂ. നിങ്ങളു​ടെ ബൈബിൾ വിദ്യാർഥി നടപടി​യെ​ടു​ക്കാൻ പ്രേരി​ത​നാ​ക​ണ​മെ​ങ്കിൽ നിങ്ങൾ അദ്ദേഹ​ത്തി​ന്റെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലണം. പൊ.യു. 33-ലെ പെന്ത​ക്കോ​സ്‌തു​നാ​ളിൽ അപ്പോ​സ്‌ത​ല​നായ പത്രോ​സി​ന്റെ ഉത്തേജ​ക​മായ പ്രസംഗം കേട്ട്‌ ഏതാണ്ടു 3,000 പേർ “ഹൃദയ​ത്തിൽ കുത്തു​കൊ​ണ്ടു.” അവർ “വാക്കു ഹൃദയ​പൂർവം കൈ​ക്കൊണ്ട്‌” ആ ദിവസം സ്‌നാ​പ​ന​മേ​ററു. (പ്രവൃ​ത്തി​കൾ 2:37, 41, NW) നിങ്ങൾക്ക്‌ നിങ്ങളു​ടെ ബൈബിൾ വിദ്യാർഥി​യു​ടെ ഹൃദയ​ത്തിൽ എങ്ങനെ ഇറങ്ങി​ച്ചെ​ല്ലാൻ കഴിയും?

² നന്നായി തയ്യാറാ​കുക: വിവരങ്ങൾ വിദ്യാർഥി​യു​മാ​യി ന്യായ​വാ​ദം ചെയ്യാൻ സമയം ലഭ്യമ​ല്ലാത്ത വിധം ഒത്തിരി കാര്യങ്ങൾ ഉൾപ്പെ​ടു​ത്താ​തി​രി​ക്കുക. നിങ്ങൾ പ്രദീ​പ്‌ത​മാ​ക്കാൻ പോകുന്ന പോയിൻറു​കൾ മുൻകൂ​ട്ടി തീരു​മാ​നി​ക്കുക. തിരു​വെ​ഴു​ത്തു​കൾ നിങ്ങൾക്ക്‌ അറിയാ​മെ​ന്നും അവ ഫലപ്ര​ദ​മാം വിധം പ്രയോ​ഗി​ക്കാൻ കഴിയു​മെ​ന്നും ബോധ്യം വരുത്തുക. വിദ്യാർഥി​യു​ടെ ജീവിത പശ്ചാത്തലം നിമിത്തം അദ്ദേഹ​ത്തി​ന്റെ മനസ്സിൽ ഏതു ചോദ്യ​ങ്ങൾ ഉയർന്നു വന്നേക്കാ​മെന്നു മുൻകൂ​ട്ടി​ക്കാ​ണുക. വിദ്യാർഥി നിങ്ങൾക്കു സുപരി​ചി​ത​നാ​ണെ​ങ്കിൽ അദ്ദേഹ​ത്തി​നു പ്രത്യേ​കി​ച്ചു യോജി​ക്കുന്ന വിവരം തയ്യാറാ​കു​ന്ന​തിന്‌ ഈ പരിചയം നിങ്ങളെ സഹായി​ക്കും.

³ യേശു​വി​ന്റെ പഠിപ്പി​ക്കൽ രീതി അനുക​രി​ക്കുക: വിഷമ​മു​ളള ആശയങ്ങൾ ലളിത​മാ​ക്കു​ന്ന​തി​നും സന്ദർഭ​ത്തി​ന്റെ അർഥം മനസ്സി​ലാ​ക്കു​ന്ന​തി​നും അതു സംബന്ധിച്ച വികാരം അനുഭ​വ​പ്പെ​ടു​ന്ന​തി​നും വിദ്യാർഥി​കളെ സഹായി​ക്കു​ന്ന​തിന്‌ യേശു ദൃഷ്ടാ​ന്തങ്ങൾ ഉപയോ​ഗി​ച്ചു. (ലൂക്കൊസ്‌ 10:29-37) സമാന​മാ​യി, നിങ്ങളു​ടെ ദൃഷ്ടാ​ന്തങ്ങൾ ലളിത​മാ​ക്കി​ക്കൊ​ണ്ടും അവ ജീവി​ത​ത്തി​ലെ സാധാരണ കാര്യ​ങ്ങ​ളിൽ നിന്ന്‌ എടുത്തു​കൊ​ണ്ടും വിദ്യാർഥി​യു​ടെ സാഹച​ര്യ​ങ്ങൾക്കു ചേരും​വി​ധം അവ പ്രാ​യോ​ഗി​ക​മാ​ക്കി​ക്കൊ​ണ്ടും നിങ്ങൾക്കു നല്ല പഠിപ്പി​ക്ക​ലു​കൾ നിങ്ങളു​ടെ ബൈബിൾ വിദ്യാർഥി​യു​ടെ ഹൃദയ​ത്തിൽ പതിപ്പി​ക്കാൻ കഴിയും.

⁴ യേശു മിക്ക​പ്പോ​ഴും പഠിപ്പി​ച്ച​തു​പോ​ലെ ബൈബിൾ വിദ്യാർഥി​ക​ളു​ടെ ഹൃദയ​ങ്ങ​ളിൽ എത്തി​ച്ചേ​രു​ന്ന​തി​നു ചോദ്യ​ങ്ങൾ വിശേ​ഷാൽ സഹായ​ക​മാണ്‌. (ലൂക്കൊസ്‌ 10:36) എന്നാൽ വിദ്യാർഥി ഉത്തരം പുസ്‌ത​ക​ത്തിൽ നിന്നു വെറുതെ വായി​ച്ചതു കൊണ്ടു തൃപ്‌തി​യ​ട​യ​രുത്‌. ഇതിനു മുമ്പു പരിചി​ന്തി​ച്ചി​രി​ക്കാൻ സാധ്യ​ത​യി​ല്ലാത്ത ഒരു നിഗമ​ന​ത്തി​ലേക്ക്‌ അദ്ദേഹ​ത്തി​ന്റെ മനസ്സു തിരി​ച്ചു​വി​ടു​ന്ന​തിന്‌ മാർഗ​നിർദേശക ചോദ്യ​ങ്ങൾ ഉപയോ​ഗി​ക്കുക. ഈ നടപടി ചിന്താ​പ്രാ​പ്‌തി വികസി​പ്പി​ച്ചെ​ടു​ക്കു​ന്ന​തി​നു വിദ്യാർഥി​യെ സഹായി​ക്കു​ക​യും ചെയ്യുന്നു. ഒരു കാര്യം സംബന്ധിച്ച്‌ അദ്ദേഹം വ്യക്തി​പ​ര​മാ​യി എന്താണു വിശ്വ​സി​ക്കു​ന്നത്‌ എന്നു കണ്ടുപി​ടി​ക്കാൻ വീക്ഷണ ചോദ്യ​ങ്ങൾ ചോദി​ക്കുക. അപ്പോൾ, സഹായം ആവശ്യ​മാ​യി​രി​ക്കുന്ന മണ്ഡലങ്ങൾ വിവേ​ചി​ച്ച​റി​യാ​നും കൂടുതൽ സവി​ശേ​ഷ​മായ സഹായ​വു​മാ​യി നിങ്ങൾക്ക്‌ അവരെ പിന്തു​ട​രാ​നും കഴി​ഞ്ഞേ​ക്കാം.

⁵ ഒരു ബൈബിൾ വിദ്യാർഥി പുരോ​ഗതി പ്രാപി​ക്കു​ന്നി​ല്ലെ​ങ്കിൽ നിങ്ങൾ അതിന്റെ കാരണങ്ങൾ വെളി​ച്ചത്തു കൊണ്ടു​വ​രേ​ണ്ട​തുണ്ട്‌. അതിന്‌ അധ്യയ​ന​സ​മ​യ​മ​ല്ലാത്ത മറെറാ​രു സമയത്ത്‌ ഒരു സന്ദർശനം നടത്തേ​ണ്ട​തു​ണ്ടാ​യി​രി​ക്കാം. അദ്ദേഹം നടപടി എടുക്കാൻ മടിക്കു​ന്ന​തെ​ന്തു​കൊണ്ട്‌? അദ്ദേഹ​ത്തി​നു മനസ്സി​ലാ​കാത്ത ചില തിരു​വെ​ഴു​ത്താ​ശ​യങ്ങൾ ഉണ്ടോ? തന്റെ ജീവിത രീതി​യിൽ ചില പൊരു​ത്ത​പ്പെ​ടു​ത്ത​ലു​കൾ വരുത്താൻ അദ്ദേഹം ഇഷ്ടമി​ല്ലാ​ത്ത​വ​നാ​ണോ? ഒരു ബൈബിൾ വിദ്യാർഥി ‘രണ്ടു തോണി​യിൽ കാൽ ചവിട്ടാ’ൻ ശ്രമി​ക്കു​ക​യാ​ണെ​ങ്കിൽ അങ്ങനെ ചെയ്യു​ന്ന​തി​ലെ അപകടം തിരി​ച്ച​റി​യാൻ അദ്ദേഹത്തെ സഹായി​ക്കുക.—1 രാജാ. 18:21.

⁶ താത്‌പ​ര്യ​മു​ളള വ്യക്തി​കളെ ബൈബിൾ സത്യങ്ങൾ പഠിപ്പി​ക്കു​ന്നത്‌ ജീവര​ക്ഷാ​ക​ര​മായ ഒരു വേലയാ​ണെന്ന്‌ അപ്പോ​സ്‌ത​ല​നായ പൗലോസ്‌ തിരി​ച്ച​റി​ഞ്ഞു. അതു​കൊണ്ട്‌ അദ്ദേഹം എല്ലാ ക്രിസ്‌ത്യാ​നി​ക​ളെ​യും ‘തങ്ങളുടെ പഠിപ്പി​ക്ക​ലിന്‌ സ്ഥിരമായ ശ്രദ്ധ​കൊ​ടു​ക്കാൻ’ ബുദ്ധ്യു​പ​ദേ​ശി​ച്ചു. (1 തിമോ. 4:16, NW) നിങ്ങൾ ബൈബി​ള​ധ്യ​യനം നടത്തു​ന്നവർ ബൈബി​ളി​നെ​ക്കു​റി​ച്ചും ലോക​സം​ഭ​വ​ങ്ങ​ളെ​ക്കു​റി​ച്ചും ഉളള വെറും യാഥാർഥ്യ​ങ്ങൾ ഉൾക്കൊ​ള​ളു​ന്ന​തി​നെ​ക്കാ​ള​ധി​കം ചെയ്യേ​ണ്ട​തുണ്ട്‌. യഹോ​വ​യെ​യും യേശു​വി​നെ​യും കുറിച്ച്‌ കൃത്യ​മായ പരിജ്ഞാ​നം നേടു​ന്ന​തോ​ടൊ​പ്പം അവരു​മാ​യി ഒരു ഊഷ്‌മള വ്യക്തി​ബന്ധം വികസി​പ്പി​ച്ചെ​ടു​ക്കാ​നും വിദ്യാർഥി​കളെ സഹായി​ക്കണം. അങ്ങനെ ചെയ്യു​ന്ന​തി​നാൽ മാത്രമേ അവർ തങ്ങളുടെ വിശ്വാ​സം പ്രവൃ​ത്തി​ക​ളാൽ പ്രകടി​പ്പി​ക്കാൻ പ്രചോ​ദി​ത​രാ​കു​ക​യു​ളളൂ. (യാക്കോ. 2:17, 21, 22) വിദ്യാർഥി​യു​ടെ ഹൃദയ​ത്തി​ലെ​ത്തി​ച്ചേ​രു​മ്പോൾ യഹോ​വക്കു ബഹുമതി കൈവ​രു​ത്തു​ന്ന​തും തന്റെ സ്വന്തം ജീവി​തത്തെ കാത്തു​സൂ​ക്ഷി​ക്കു​ന്ന​തു​മായ ഗതി പിന്തു​ട​രാൻ അദ്ദേഹം പ്രേരി​ത​നാ​കും.—സദൃ. 2:20-22.