തുടർച്ച​യായ വികസനം രാജ്യ​ഹാ​ളു​ക​ളു​ടെ ആവശ്യം വർധി​പ്പി​ക്കു​ന്നു

¹ “സകല ജാതി​ക​ളു​ടെ​യും മനോ​ഹ​ര​വ​സ്‌തു വരു”മെന്ന്‌ വളരെ നാളു​കൾക്കു മുമ്പ്‌ യഹോ​വ​യു​ടെ പ്രവാ​ചകൻ മുൻകൂ​ട്ടി​പ്പ​റഞ്ഞു. (ഹഗ്ഗാ. 2:7) സത്യം പഠിക്കു​ന്ന​തി​നും യഹോ​വ​യു​ടെ ആരാധ​ക​രാ​യി​ത്തീ​രു​ന്ന​തി​നും ദിവ്യ​ബോ​ധനം അനേക​രെ​യും എങ്ങനെ പ്രാപ്‌ത​രാ​ക്കു​ന്നു എന്നതിന്റെ തെളി​വു​കൾ നാം തീർച്ച​യാ​യും കാണുന്നു. 1994 സേവന വർഷത്തിൽ ഇന്ത്യയിൽ മാത്ര​മാ​യി 1,312 പേർ സ്‌നാ​പ​ന​മേ​ററു എന്നു കാണു​ന്നത്‌ എത്ര പുളക​പ്ര​ദ​മാണ്‌! ഈ പുതി​യ​വ​രെ​യെ​ല്ലാം സഹായി​ച്ചു​കൊ​ണ്ടി​രി​ക്കു​ന്ന​തി​നു നാം ‘നമ്മുടെ വഴികളെ വിചാ​രി​ച്ചു നോക്കി’ കഴിവി​ന്റെ പരമാ​വധി ദൈവ​സേ​വ​നത്തെ പിന്തു​ണ​യ്‌ക്കു​ന്നു​വെന്ന്‌ ഉറപ്പു​വ​രു​ത്തേ​ണ്ട​തുണ്ട്‌. (താരത​മ്യം ചെയ്യുക: ഹഗ്ഗായി 1:5) അതേ, യഹോ​വ​യു​ടെ പുതിയ സ്‌തു​തി​പാ​ഠ​ക​രു​ടെ സമൂഹ​ത്തിന്‌ ആരാധ​ന​യ്‌ക്കു​ളള ഉചിത​മായ സ്ഥാനങ്ങൾ പ്രദാ​നം​ചെ​യ്യാൻ സഹായി​ക്കു​ന്നത്‌ നാം ദൈവ​വേ​ലയെ പിന്തു​ണ​യ്‌ക്കു​ന്ന​തി​ന്റെ ഒരു സുപ്ര​ധാന ഭാഗമാ​യി തുടരു​ന്നു.

² 1994-ൽ പുതിയ ഏതാനും രാജ്യ​ഹാ​ളു​കൾ സമർപ്പി​ക്ക​പ്പെട്ടു, വേറെ അനേകം നിർമാ​ണ​ത്തി​ലു​മാണ്‌. യഹോ​വ​യു​ടെ വേല തീർച്ച​യാ​യും “കുന്നു​കൾക്കു മീതെ” ഉന്നതമാ​യി​രി​ക്ക​യാണ്‌. (യെശ. 2:2) 52 സഭകൾക്കു പുതിയ രാജ്യ​ഹാ​ളു​ക​ളു​ണ്ടാ​യി​രി​ക്കാ​നു​ളള സൗകര്യം സൊ​സൈ​ററി ഉണ്ടാക്കി​ക്കൊ​ടു​ത്തു. സഭകൾക്കു കൊടു​ത്തി​രുന്ന സാമ്പത്തിക സഹായം തിരി​ച്ച​ട​ച്ചു​കൊ​ണ്ടി​രി​ക്കു​ന്ന​തി​നാൽ പുതിയ രാജ്യ​ഹാ​ളു​കൾ പണിയു​ന്ന​തി​നു കൂടുതൽ സഭകൾക്കു സഹായം നൽകി​ക്കൊ​ണ്ടി​രി​ക്കു​ക​യാണ്‌. അതു​കൊണ്ട്‌, രാജ്യ​ഹാ​ളി​നു സാമ്പത്തിക സഹായം ലഭിച്ചി​ട്ടു​ളള സഭകൾ ഓരോ മാസത്തി​ന്റെ​യും ആരംഭ​ത്തിൽ വിശ്വ​സ്‌ത​ത​യോ​ടെ കൃത്യ​മാ​യി പണം തിരി​ച്ച​ട​ച്ചു​കൊണ്ട്‌ തങ്ങളുടെ വിലമ​തി​പ്പു പ്രകട​മാ​ക്കു​ന്നു. സമർപ്പണം കഴിഞ്ഞ ചില രാജ്യ​ഹാ​ളു​ക​ളു​ടെ നിർമാ​ണ​ച്ചെ​ലവു സഭ തനിയെ വഹിച്ചു​വെ​ന്ന​താണ്‌ ഏററവും പ്രോ​ത്സാ​ഹ​ജ​ന​ക​മായ മറെറാ​രു സംഗതി. ഈ സഭകളിൽ ചിലതു സാമ്പത്തി​ക​മാ​യി സമ്പന്നമല്ല, എന്നാൽ തങ്ങളുടെ പ്രദേ​ശത്തു സത്യാ​രാ​ധന ഉന്നതമാ​ക്ക​പ്പെ​ടു​ന്നതു കാണാൻ അവർ നിശ്ചയ​ദാർഢ്യ​മു​ള​ള​വ​രാ​യി​രു​ന്നു എന്നത്‌ ശ്രദ്ധേ​യ​മാണ്‌.

³ പ്രേക്ഷ​ക​രിൽ മതിപ്പു​ള​വാ​യി: രാജ്യ​ഹാ​ളു​ക​ളു​ടെ നിർമാണ പദ്ധതി​യിൽ ഏർപ്പെ​ട്ടി​രുന്ന സഹോ​ദ​ര​ങ്ങ​ളു​ടെ​മേ​ലു​ളള യഹോ​വ​യു​ടെ പരിശു​ദ്ധാ​ത്മാ​വി​ന്റെ സ്‌പഷ്ട​മായ പ്രവർത്തനം മററു​ള​ള​വർക്ക്‌ ഒരു സാക്ഷ്യ​മാ​യി ഉതകി. ജോഹാ​ന​സ്‌ബർഗി​ലു​ളള വോസ്‌ലൂ​റ​സിൽ ശീഘ്ര​നിർമിത രാജ്യ​ഹാ​ളി​ന്റെ നിർമാ​ണം ലോക​ക്കാ​ര​നായ ഒരു വ്യക്തി​യിൽ വളരെ​യ​ധി​കം മതിപ്പു​ള​വാ​ക്കി. തൻമൂലം, അവർ പ്രദേ​ശത്തെ റേഡി​യോ സ്‌റേ​റ​ഷ​നി​ലേക്കു വിളിച്ച്‌ രാജ്യ​ത്തി​ലെ കലാപ​ങ്ങൾക്കി​ട​യി​ലും യഹോ​വ​യു​ടെ സാക്ഷികൾ കൈവ​രിച്ച നേട്ട​ത്തെ​ക്കു​റി​ച്ചു പുകഴ്‌ത്തി പറയു​ക​യു​ണ്ടാ​യി. മറെറാ​രു സന്ദർഭ​ത്തിൽ വടക്കൻ ട്രാൻസ്‌വാ​ളിൽനി​ന്നു​ളള മൂപ്പൻമാ​രു​ടെ ഒരു സംഘം ഇങ്ങനെ എഴുതു​ക​യു​ണ്ടാ​യി: “ഈ ഹാളിന്റെ നിർമാ​ണം പ്രേക്ഷ​ക​രിൽ നേരിട്ടു സ്വാധീ​നം ചെലുത്തി. സംഭവി​ക്കു​ന്നതു വാസ്‌ത​വ​മാ​ണോ എന്നു തങ്ങളുടെ കണ്ണുകൾക്ക്‌ ഉറപ്പു​വ​രു​ത്തു​ന്ന​തി​നു​വേണ്ടി യാത്ര​ക്കാർ ബസ്സുക​ളും ടാക്‌സി​ക​ളും കാറു​ക​ളും നിർത്തു​മാ​യി​രു​ന്നു. ഒരു വ്യാപാ​രി ഇപ്രകാ​രം അഭി​പ്രാ​യം പറഞ്ഞു: ‘മാന്യൻമാ​രേ, നിങ്ങളി​പ്പോൾ പ്രകടി​പ്പി​ക്കു​ന്നത്‌ ഞാൻ ബൈബി​ളിൽ വായി​ച്ചി​ട്ടു​ളള സ്‌നേ​ഹ​വും ഐക്യ​വു​മാണ്‌. നിങ്ങളു​ടെ വിഭാഗം മാത്ര​മാണ്‌ സത്യ​ക്രി​സ്‌ത്യാ​നി​ത്വം പ്രതി​ഫ​ലി​പ്പി​ക്കു​ന്നത്‌.’ . . ഗ്രാമ മുഖ്യൻ ഇങ്ങനെ പറഞ്ഞു: ‘ഈ വേല പൂർത്തി​യാ​ക്കു​ന്ന​തി​ന്റെ പിന്നിലെ മനോ​ഭാ​വത്തെ ഞാൻ വിലമ​തി​ക്കു​ന്നു. . . . രാഷ്‌ട്രീ​യ​ക്കാർ നിങ്ങ​ളെ​പ്പോ​ലെ പ്രവർത്തി​ക്കു​ക​യാ​യി​രു​ന്നെ​ങ്കിൽ നാം ഇന്നു കാണുന്ന കൊല്ലും കൊല​യു​മൊ​ന്നും ഉണ്ടായി​രി​ക്കു​ക​യി​ല്ലാ​യി​രു​ന്നു​വെ​ന്നതു തീർച്ച​യാണ്‌. അതു​കൊണ്ട്‌, നിങ്ങളു​ടെ മതപ്ര​വർത്ത​ന​ങ്ങൾക്കും നിങ്ങൾക്ക്‌ ഉചിത​മായ സമയത്തു യോഗങ്ങൾ നടത്താ​നും അനുവാ​ദം ഉണ്ടായി​രി​ക്കു​മെന്ന്‌ ഉറപ്പു​നൽകാൻ ഞാൻ ആഗ്രഹി​ക്കു​ന്നു. യാതൊ​രു നിബന്ധ​ന​യും ഉണ്ടായി​രി​ക്കു​ന്നതല്ല.’”

⁴ “വ്യത്യസ്‌ത വർഗത്തിൽപ്പെട്ട 300 സന്നദ്ധ​സേ​വകർ മ്ലൂസി​യിൽ ശ്രദ്ധേ​യ​മായ ഒരു നിർമാണ പ്രവർത്ത​ന​ത്തിൽ പങ്കെടു​ക്കു​ന്നതു കണ്ടപ്പോൾ ‘അവിശ്വ​സ​നീ​യം!’ എന്നാണ്‌ ഒരു നിരീ​ക്ഷകൻ അഭി​പ്രാ​യ​പ്പെ​ട്ടത്‌” എന്ന്‌ പ്രദേ​ശത്തെ ഒരു വാർത്താ​പ​ത്രം റിപ്പോർട്ടു ചെയ്യു​ക​യു​ണ്ടാ​യി. മറെറാ​രു സ്ഥലത്തു​നി​ന്നു സഭാ സേവന​ക്ക​മ്മി​ററി പിൻവ​രുന്ന വിധം എഴുതി: “രണ്ടു ദിവസം കൊണ്ടു രാജ്യ​ഹാൾ നിർമി​ച്ചതു കണ്ടു പ്രദേ​ശ​ത്തു​ളള ജനങ്ങൾ അത്ഭുത​സ്‌ത​ബ്ധ​രാ​യി. ഞങ്ങൾ ഉപയോ​ഗി​ച്ചി​രുന്ന ഇഷ്ടിക യഥാർഥ ഇഷ്ടിക​യാ​ണോ എന്നു തൊട്ടു​നോ​ക്കു​ന്ന​തിന്‌ അവർ ചുററും നടന്നു പരി​ശോ​ധി​ക്കു​ക​യു​ണ്ടാ​യി. തങ്ങൾ കണ്ടകാ​ര്യ​ങ്ങ​ളു​ടെ ഫലമായി ചിലയാ​ളു​കൾ ബൈബി​ള​ധ്യ​യനം ആവശ്യ​പ്പെ​ടു​ക​യു​ണ്ടാ​യി.”

⁵ കൂടുതൽ സന്നദ്ധ​സേ​വകർ ആവശ്യ​മാ​യി​രി​ക്കു​ന്നു: പുതി​യ​തോ കേടു​പാ​ടു​കൾ തീർക്കു​ന്ന​തോ ആയ രാജ്യ​ഹാ​ളി​നു​വേണ്ടി സഭയിൽത്ത​ന്നെ​യു​ളള വിദഗ്‌ദ്ധരെ ഉപയോ​ഗി​ക്കാൻ നിർമാണ കമ്മിറ​റി​കൾ ശ്രമി​ക്കു​ന്നു. ഏർപ്പെ​ട്ടി​രി​ക്കുന്ന ഉദ്യമങ്ങൾ നടത്തു​ന്ന​തി​നാ​യി കമ്മിററി പ്രാ​ദേ​ശിക മൂപ്പൻമാർക്കും ശുശ്രൂ​ഷാ​ദാ​സൻമാർക്കും പരിശീ​ലനം നൽകു​ന്ന​തിന്‌ അവരോ​ടൊ​പ്പം വേല​ചെ​യ്യു​ന്നു. രാജ്യ​ഹാ​ളി​ന്റെ നിർമാ​ണ​ത്തിന്‌ ഉപയോ​ഗ​പ്ര​ദ​മായ സിദ്ധികൾ വളർത്തി​യെ​ടു​ത്ത​ശേഷം ആത്മീയ​മാ​യി പക്വത​യു​ളള ഈ സഹോ​ദ​ര​ങ്ങൾക്ക്‌ ആ പ്രദേ​ശത്തു പട്ടിക​പ്പെ​ടു​ത്തി​യി​രി​ക്കുന്ന രാജ്യ​ഹാ​ളു​ക​ളു​ടെ നിർമാണ പദ്ധതിക്കു സഹായം നൽകാൻ കഴിയും. തൻമൂലം, രാജ്യ​ഹാൾ നിർമാണ പദ്ധതി​യിൽ ഉൾപ്പെ​ട്ടി​രി​ക്കുന്ന സഭകളു​മാ​യി ബന്ധപ്പെ​ട്ടവർ മനസ്സൊ​രു​ക്ക​ത്തി​ന്റെ​യും സഹകരണ മനോ​ഭാ​വ​ത്തി​ന്റെ​യും ആത്മാവു പ്രദർശി​പ്പി​ക്കേ​ണ്ട​തി​ന്റെ ആവശ്യ​മുണ്ട്‌. നിർമാണ കമ്മിറ​റി​യും അതുമാ​യി ബന്ധപ്പെ​ട്ട​വ​രും തങ്ങളുടെ രാജ്യ​ഹാ​ളി​ന്റെ എല്ലാ വേലയ്‌ക്കും​വേണ്ടി പ്രവർത്തി​ക്കു​മെന്നു പ്രതീ​ക്ഷി​ക്കു​ന്നില്ല. (നെഹെ. 4:6ബി) പരിശീ​ലനം ലഭിച്ച​ശേഷം, പുതിയ രാജ്യ​ഹാ​ളോ മെച്ചപ്പെട്ട സൗകര്യ​ങ്ങ​ളോ അടിയ​ന്തി​ര​മാ​യി ആവശ്യ​മു​ളള മററു സഭകൾക്കു​വേണ്ടി രാജ്യ​ഹാ​ളു​കൾ നിർമി​ക്കാൻ സഹായം നൽകാൻ തക്കവണ്ണം സ്‌നേഹം സഹോ​ദ​ര​ങ്ങൾക്കു പ്രചോ​ദ​ന​മേ​കണം. (നെഹെ. 5:19; ഫിലി. 2:3, 4) ഉചിത​മായ സിദ്ധി​ക​ളും സഭയിൽ നല്ല നിലയു​മു​ളള സ്‌നാ​പ​ന​മേററ പ്രസാ​ധകർ വിപു​ല​മായ ഈ വേലയിൽ സഹായി​ക്കു​ന്ന​തി​നു സന്നദ്ധത കാണി​ക്കാൻ പ്രോ​ത്സാ​ഹി​പ്പി​ക്കു​ക​യാണ്‌.

⁶ സന്നദ്ധസ​ഹാ​യം വിലമ​തി​ക്ക​പ്പെ​ടു​ന്നു: ഒരു രാജ്യ​ഹാ​ളി​ന്റെ നിർമാണ പ്രവർത്തനം പൂർത്തി​യാ​ക്കുക എന്നത്‌ എത്ര ഭാരിച്ച ഉദ്യമ​മാ​ണെന്ന്‌ അതിൽ ഏർപ്പെ​ടാ​തെ ആർക്കും​തന്നെ തിരി​ച്ച​റി​യാ​നാ​വില്ല. ഒരു രാജ്യ​ഹാൾ നിർമാണ പദ്ധതി പൂർത്തി​യാ​യ​ശേഷം മൂപ്പൻമാർ ഇങ്ങനെ എഴുതി: “നിർമാണ കമ്മിറ​റി​യി​ലു​ളള സഹോ​ദ​ര​ങ്ങ​ളു​ടെ ക്ഷമാപു​ര​സ്സ​ര​മായ മാർഗ​നിർദേശം കൈപ്പ​റ​റി​യത്‌ ഞങ്ങളെ സംബന്ധി​ച്ചി​ട​ത്തോ​ളം വലിയ അനു​ഗ്ര​ഹ​മാ​യി​രു​ന്നു. . . നിർമാ​ണ​പ്ര​വർത്ത​ന​ത്തി​ലു​ട​നീ​ളം സഹോ​ദ​രങ്ങൾ ദൂര സ്ഥലങ്ങളിൽനി​ന്നു യാത്ര​ചെ​യ്യു​ക​യും ദീർഘ സമയം ചെലവ​ഴി​ക്കു​ക​യും സ്വന്തം ഉപകര​ണ​സാ​മ​ഗ്രി​കൾ ഉപയോ​ഗി​ക്കു​ക​യും വസ്‌തു​വ​കകൾ സംഭാ​വ​ന​ചെ​യ്യു​ക​യും ചെയ്‌ത അസംഖ്യം അവസരങ്ങൾ ഉണ്ട്‌. ഇതെല്ലാം ഞങ്ങളുടെ പുതിയ രാജ്യ​ഹാ​ളി​ന്റെ നിർമാ​ണ​ത്തി​നു​വേ​ണ്ടി​യാ​യി​രു​ന്നു. സഹോ​ദ​ര​ങ്ങ​ളു​ടെ ഉദാര​മ​ന​സ്ഥി​തി അവർക്കു ‘സഹോ​ദ​ര​വർഗ​ത്തോ​ടു സ്‌നേ​ഹ​മുണ്ട്‌’ എന്നതിന്റെ മഹത്തായ ഒരു പ്രകട​ന​മാ​യി​രു​ന്നു. അതു ഞങ്ങൾക്ക്‌ എത്ര പ്രോ​ത്സാ​ഹ​ജ​ന​ക​മാ​യി​രി​ക്കു​ന്നു!—1 പത്രൊ. 2:17.”

⁷ സഹോ​ദ​ര​ങ്ങ​ളു​ടെ മനസ്സൊ​രു​ക്ക​വും തീക്ഷ്‌ണ​ത​യും വ്യക്തമാണ്‌. അതേക്കു​റിച്ച്‌ ഒരു സഭ എഴുതി: “നിരീ​ക്ഷ​കരെ എല്ലാവ​രെ​യും അത്ഭുത​പ്പെ​ടു​ത്താൻപോ​ന്ന​വി​ധം കഠിന​വേ​ല​ചെയ്‌ത മനസ്സൊ​രു​ക്ക​മു​ളള സഹോ​ദ​രീ​സ​ഹോ​ദ​രൻമാർക്കു നന്ദി.” “ഇതാ, സഹോ​ദ​രൻമാർ ഒത്തൊ​രു​മി​ച്ചു വസിക്കു​ന്നതു എത്ര ശുഭവും എത്ര മനോ​ഹ​ര​വും ആകുന്നു!” എന്ന സങ്കീർത്തനം 133:1, 3-ലെ വാക്കുകൾ തികച്ചും വാസ്‌ത​വ​മാണ്‌. അയൽപ​ക്ക​ത്തു​ളള സഭയെ രാജ്യ​ഹാൾ നിർമാ​ണ​ത്തിൽ സഹായി​ക്കാൻ ചില രാജ്യ​ഹാൾ നിർമാണ പ്രവർത്തകർ ജോലി​യിൽനിന്ന്‌ അവധി എടുക്കു​ന്നു. അതിനു പകരമാ​യി ആതിഥേയ സഭ നിർമാണ പദ്ധതിക്കു പൂർണ​മായ പിന്തുണ നൽകി​ക്കൊണ്ട്‌ ആത്മാർഥ​മായ വിലമ​തി​പ്പു പ്രകട​മാ​ക്കു​ന്നു. ഒരു കമ്മിറ​റി​യോ​ടൊ​പ്പം പ്രവർത്തി​ക്കുന്ന ഒരു മൂപ്പൻ തന്റെ സഹോ​ദ​ര​ങ്ങളെ സേവി​ക്കു​ന്നത്‌ എന്തോരു പദവി​യാ​ണെന്നു പ്രകട​മാ​ക്കി. “യഹോ​വ​ക്കു​ളള തങ്ങളുടെ സമർപ്പണം നിർവ​ഹി​ക്കു​ന്ന​തി​നു തങ്ങളെ സഹായി​ക്കാൻ നൂറു​ക​ണ​ക്കി​നു കിലോ​മീ​റ​റ​റു​കൾ യാത്ര​ചെ​യ്‌തു വരുന്ന സഹോ​ദ​ര​ങ്ങ​ളെ​പ്രതി സഭകൾ വളരെ പ്രോ​ത്സാ​ഹി​ത​രാണ്‌. . . തീർച്ച​യാ​യും നാം സ്‌നേ​ഹ​പു​ര​സ്സ​ര​മായ ഒരു സഹോ​ദ​ര​വർഗ​ത്തി​നു രൂപം​നൽകു​ന്നു!” എന്ന്‌ അദ്ദേഹം അഭി​പ്രാ​യ​പ്പെട്ടു. ഒരു സഹോ​ദരി തന്റെ വികാ​രങ്ങൾ ഇങ്ങനെ പ്രകട​മാ​ക്കി: “രാജ്യ​ഹാൾ നിർമാണ സ്ഥലത്ത്‌ എനിക്ക​നു​ഭ​വ​പ്പെ​ടുന്ന സന്തോ​ഷം​മൂ​ലം നന്ദി രേഖ​പ്പെ​ടു​ത്താ​തി​രി​ക്കാൻ എനിക്കാ​വു​ന്നില്ല. ഇത്‌ ഞാൻ പങ്കുപ​റ​റിയ മൂന്നാ​മത്തെ നിർമാ​ണ​മാണ്‌.”

⁸ തങ്ങളുടെ പദ്ധതി​യു​ടെ അവസാ​ന​ത്തിൽ ഒരു സഭ തങ്ങളുടെ പ്രാ​ദേ​ശിക നിർമാണ കമ്മിറ​റിക്ക്‌ (വലിയ ബ്രാഞ്ചു​ക​ളിൽ വർധി​ച്ചു​വ​രുന്ന രാജ്യ​ഹാൾ നിർമാ​ണ​ത്തിൽ സഹായി​ക്കു​ന്ന​തിന്‌ പ്രാ​ദേ​ശിക നിർമാണ കമ്മിറ​റി​കൾ രൂപീ​ക​രി​ക്കു​ന്നു. എന്നിരു​ന്നാ​ലും, അത്തരം കമ്മിറ​റി​കൾ ഇന്ത്യയിൽ ഇതുവരെ രൂപീ​ക​രി​ച്ചി​ട്ടില്ല) അയച്ച ഒരു കത്തിൽ ഇങ്ങനെ എഴുതി: “നിങ്ങൾക്കു വളരെ​യ​ധി​കം നന്ദി രേഖ​പ്പെ​ടു​ത്താ​നാ​ണു ഞങ്ങൾ ഇത്‌ എഴുതു​ന്നത്‌! ഞങ്ങൾക്കു​വേണ്ടി ഒരു ഹാൾ നിർമി​ക്കു​ന്ന​തി​നു നിങ്ങൾ സഭാ​യോ​ഗ​ങ്ങ​ളും ഉറക്കവും കുടും​ബ​ങ്ങ​ളോ​ടൊ​പ്പ​മാ​യി​രി​ക്കു​ന്ന​തി​ലെ ആനന്ദവും വിനോ​ദ​വും വയൽസേ​വ​ന​വും അങ്ങനെ ഒത്തിരി​യെ​ല്ലാം നഷ്ടപ്പെ​ടു​ത്തി. നിങ്ങൾ ഞങ്ങൾക്കു​വേണ്ടി ചെയ്‌ത​തൊ​ന്നും ഞങ്ങൾ അർഹി​ക്കു​ന്നതല്ല. സഹോ​ദ​രൻമാ​രേ, നിങ്ങ​ളെ​പ്പോ​ലു​ളള സമർപ്പിത പുരു​ഷൻമാ​രു​മാ​യി സഹവസി​ക്കു​ന്ന​തിൽ ഞങ്ങൾക്ക്‌ അഭിമാ​ന​വും മതിപ്പും തോന്നു​ന്നു. കാററും ചൂടും തണുപ്പും സഹിച്ച്‌ സദാ പുഞ്ചി​രി​തൂ​കുന്ന മുഖവു​മാ​യി നിങ്ങ​ളോ​ടൊ​പ്പം അവി​ശ്രമം പ്രവർത്തിച്ച നിങ്ങളു​ടെ കുടും​ബാം​ഗ​ങ്ങൾക്കും നന്ദിപ​റ​യാൻ ഞങ്ങൾ ആഗ്രഹി​ക്കു​ന്നു. നിങ്ങൾക്കു വീണ്ടും നന്ദി. ‘യഹോവ നിങ്ങളെ നൻമെ​ക്കാ​യിട്ട്‌ ഓർക്കു​മാ​റാ​കട്ടെ.’—നെഹെ. 13:31.”

⁹ രാജ്യ​ഹാ​ളി​ന്റെ സുരക്ഷി​ത​ത്വം: രാജ്യ​ഹാ​ളു​ക​ളിൽ മോഷ​ണ​ത്തിൽ ക്രമാ​നു​ഗ​ത​മാ​യി വർധന​വു​ണ്ടാ​യി​ട്ടുണ്ട്‌. മിക്ക​പ്പോ​ഴും ഉച്ചഭാ​ഷി​ണി​സം​വി​ധാ​ന​ങ്ങ​ളാ​ണു മോഷ്ടി​ക്ക​പ്പെ​ടു​ന്നത്‌. ഈ പ്രശ്‌നം ഒരു പരിധി​വരെ കുറയ്‌ക്കു​ന്ന​തി​നു പിൻവ​രുന്ന നിർദേ​ശങ്ങൾ സഹായ​മേ​കും: (1) വിലകൂ​ടിയ എല്ലാ ഉച്ചഭാ​ഷി​ണി​സം​വി​ധാ​ന​ങ്ങ​ളും ഉറപ്പുളള ഒരു സ്‌ററീൽ പെട്ടി​യിൽ വയ്‌ക്കു​ക​യും (വിലയ്‌ക്കു വാങ്ങാൻ കിട്ടും) ഉപകര​ണങ്ങൾ സുരക്ഷി​ത​മാ​യി വയ്‌ക്കു​ന്ന​തിന്‌ ഉറപ്പുളള താഴ്‌ ഉപയോ​ഗി​ക്കു​ന്നു​വെന്ന്‌ ഉറപ്പു​വ​രു​ത്തു​ക​യും ചെയ്യുക; (2) പെട്ടി കഴിയു​ന്നി​ട​ത്തോ​ളം കാണാൻ വയ്യാത്തി​ടത്ത്‌ സ്ഥാപി​ക്കു​ക​യും തറയോ​ടോ ഭിത്തി​യോ​ടോ ചേർത്ത്‌ അതു ബോൾട്ടിട്ട്‌ ഉറപ്പി​ക്കു​ക​യും ചെയ്യുക; (3) എല്ലാ ഉപകര​ണ​ത്തിൻമേ​ലും സഭയുടെ പേരു കുത്തുക, അങ്ങനെ പൊലീ​സിന്‌ തിരി​ച്ച​റി​യു​ന്ന​തി​നും മോഷ്ടി​ക്ക​പ്പെട്ട ഇനങ്ങൾ തിരി​ച്ചേൽപ്പി​ക്കു​ന്ന​തി​നും അത്‌ എളുപ്പ​മാ​ക്കി​ത്തീർക്കും.

¹⁰ സുരക്ഷി​ത​ത്വ​ത്തി​നു​വേണ്ടി ചില സഭകൾ രാജ്യ​ഹാ​ളി​നോ​ടു ചേർത്ത്‌ ഒരു ഫ്‌ളാ​റ​റും ഉണ്ടാക്കി​യി​രി​ക്കു​ന്നു. അത്തരം സന്ദർഭ​ങ്ങ​ളിൽ സഭയ്‌ക്കു ടെല​ഫോ​ണു​ണ്ടാ​യി​രി​ക്കു​ന്ന​തി​നും അത്‌ സഭയുടെ പേരിൽ രജിസ്‌ററർ ചെയ്യു​ന്ന​തി​നും ഞങ്ങൾ ശുപാർശ​ചെ​യ്യു​ന്നു. തൻമൂലം, സംരക്ഷ​കന്‌ അടിയ​ന്തിര സാഹച​ര്യ​ങ്ങ​ളിൽ സഹായം തേടു​ന്ന​തി​നു കഴിയും. തന്റെ വ്യക്തി​പ​ര​മായ ആവശ്യ​ത്തി​നു ഫോൺ വിളി​ക്കു​മ്പോൾ അതിന്റെ തുക നൽകു​ക​യെ​ന്നത്‌ സംരക്ഷ​കന്റെ ഉത്തരവാ​ദി​ത്വ​മാണ്‌. അതിനു​പു​റമേ, മൂപ്പൻമാ​രു​ടെ സംഘം വാടക, താമസ​ത്തി​നു​ളള കാലാ​വധി, ചുമത​ലകൾ, താമസം അവസാ​നി​പ്പി​ക്കു​ന്ന​തി​നു​ളള നോട്ടീസ്‌ എന്നിവ സൂചി​പ്പി​ച്ചു​കൊ​ണ്ടു സംരക്ഷ​ക​നിൽനി​ന്നു സമ്മതപ​ത്രം വാങ്ങേ​ണ്ടത്‌ ആവശ്യ​മാണ്‌.

¹¹ സാമ്പത്തിക സംഭാ​വ​നകൾ സഹായ​ക​മാ​യി തുടരു​ന്നു: സൊ​സൈ​റ​റി​ക്കു നൽകുന്ന ഉദാര​മായ സംഭാ​വ​നകൾ കഴിഞ്ഞ​കാ​ല​ങ്ങ​ളിൽ സഭകളെ സഹായി​ക്കാൻ ഉതകി​യി​ട്ടുണ്ട്‌, ഭാവി​യി​ലും അങ്ങനെ​തന്നെ തുടരും. യഹോ​വ​യാം ദൈവം​തന്നെ നിസ്വാർഥ ദാനം നൽകു​ന്ന​തിൽ നേതൃ​ത്വം വഹിക്കു​ന്നി​ല്ലേ? (യാക്കോ. 1:17) നമ്മുടെ പ്രാപ്‌തി​ക​ളും നൽകാ​നു​ളള അവസര​ങ്ങ​ളും വ്യത്യാ​സ​പ്പെ​ട്ടി​രി​ക്കു​ന്നു​വെ​ന്നതു ശരിയാ​ണെ​ങ്കി​ലും വ്യക്തി​പ​ര​മായ ചെലവു​കൾ ക്രമീ​ക​രി​ച്ചു​കൊ​ണ്ടു കെട്ടി​ട​നിർമാണ വേലയെ പിന്തു​ണ​യ്‌ക്കു​ന്ന​തിൽ നമുക്കു പൂർണ പങ്കുണ്ടാ​യി​രി​ക്കാൻ കഴിയും. അത്തരം ഉദാരത തീർച്ച​യാ​യും യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​യും നമ്മുടെ സഹോ​ദ​ര​ങ്ങൾക്കു വലിയ പ്രോ​ത്സാ​ഹ​ന​മാ​യി​ത്തീ​രു​ക​യും ചെയ്യും.

¹² “ഒരു മഹാപു​രു​ഷാ​രം” വർധിച്ച അളവിൽ ഇന്ന്‌ രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​ന്നു. “മനോ​ഹ​ര​വ​സ്‌തു”ക്കൾ യഹോ​വ​യു​ടെ ആത്മീയ ആലയത്തി​ലേക്ക്‌ ഒഴുകു​ക​യും അവൻ തന്റെ ‘ആലയത്തെ മഹത്വ​പൂർണ​മാ​ക്കു’കയുമാണ്‌. (വെളി. 7:9; ഹഗ്ഗാ. 2:7) ഹഗ്ഗായി​യു​ടെ നാളിലെ വിശ്വസ്‌ത യഹൂദൻമാ​രെ​പ്പോ​ലെ, കൂടു​ത​ലായ രാജ്യ​ഹാ​ളു​ക​ളു​ടെ അടിയ​ന്തിര ആവശ്യ​ങ്ങളെ പൂർണ​മാ​യി പിന്തു​ണ​ച്ചു​കൊ​ണ്ടു നാം നമ്മുടെ ഹൃദയം ദൈവ​വേ​ല​യിൽ കേന്ദ്രീ​ക​രി​ക്കു​മാ​റാ​കട്ടെ. സമീപ​കാ​ലത്ത്‌ അനേകം നല്ല രാജ്യ​ഹാ​ളു​കൾ പണിതി​ട്ടു​ണ്ടെന്നു വരികി​ലും വർധനവു ദ്രുത​ഗ​തി​യിൽ തുടരു​ക​യാണ്‌. മാത്ര​വു​മല്ല, അനേകം സഭകളും അഭികാ​മ്യ​മ​ല്ലാത്ത ചുററു​പാ​ടി​ലാണ്‌ ഇപ്പോ​ഴും യോഗം​കൂ​ടു​ന്നത്‌. ദൈവ​വേ​ലക്കു നമ്മുടെ കഴിവി​ന്റെ പരമാ​വധി പിന്തുണ കൊടു​ക്കു​ന്ന​തിൽ തുടരു​ന്നത്‌ അവൻ നമ്മെ ഏൽപ്പി​ച്ചി​രി​ക്കുന്ന വേലയിൽ പങ്കുപ​റ​റു​ന്ന​തി​നു​ളള ഒരു മികച്ച മാർഗ​മാണ്‌.

[6-ാം പേജിലെ ചതുരം]

ഒരു രാജ്യ​ഹാൾ ഉണ്ടാക്കി​യെ​ടു​ക്കാ​നു​ളള വിധം

പിൻവരുന്ന പ്രാഥ​മിക നടപടി​ക്ര​മങ്ങൾ പടിപ​ടി​യാ​യി പിൻപ​റ​റുക:

നിങ്ങളുടെ സർക്കിട്ട്‌ മേൽവി​ചാ​ര​ക​നു​മാ​യി സന്ധിക്കുക

പദ്ധതി സംബന്ധി​ച്ചു​ളള പ്രധാ​ന​പ്പെട്ട കാര്യങ്ങൾ ചർച്ച ചെയ്യുക

ഒരു ട്രസ്‌ററു രൂപീ​ക​രി​ക്കു​ക

ഒരു ട്രസ്‌ററു രൂപീ​ക​രി​ച്ചു​കൊണ്ട്‌ ഒരു പ്രമേ​യ​ത്തി​ലൂ​ടെ ട്രസ്‌റ​റി​മാ​രു​ടെ ഒരു സംഘത്തെ നിയോ​ഗി​ക്കുക. ഒരു ഘടനാ​രീ​തി​യു​ടെ മാതൃക അയച്ചു​ത​രാൻ സൊ​സൈ​റ​റിക്ക്‌ എഴുതുക. സൊ​സൈ​റ​റി​യിൽനി​ന്നു ഫാറം ആവശ്യ​പ്പെ​ടുക. നിയമ​പ​ര​മായ അധികാ​രി​ക​ളു​മാ​യി ട്രസ്‌ററ്‌ രജിസ്‌ററർ ചെയ്യുക. നിർമാണ ഫണ്ടിനു​വേണ്ടി ട്രസ്‌റ​റി​ന്റെ പേരിൽ ഒരു ബാങ്ക്‌ അക്കൗണ്ടു തുടങ്ങുക.

നിർമാണ കമ്മിറ​റി​യെ നിയോ​ഗി​ക്കു​ക

വ്യാപാര/കെട്ടി​ട​നിർമാണ രംഗത്ത്‌ അനുഭ​വ​പ​രി​ച​യ​മു​ളള രണ്ടോ മൂന്നോ മൂപ്പൻമാ​ര​ട​ങ്ങുന്ന ഒരു നിർമാണ കമ്മിററി രൂപീ​ക​രി​ക്കുക.

മിക്ക പ്രസാ​ധ​കർക്കും സൗകര്യ​പ്ര​ദ​മായ സ്ഥലം(സ്ഥലങ്ങൾ) കണ്ടെത്തുക

നിരപ്പായ ഒരു സ്ഥലമാ​യി​രി​ക്കും ഏറെ നല്ലത്‌; മതപര​മായ മേഖല​യാ​യി​രി​ക്കണം; കളിമണ്ണ്‌, പാറ, ശബ്ദമു​ഖ​രിത പ്രദേശം എന്നിവ ഒഴിവാ​ക്കുക.

നിങ്ങളുടെ ട്രസ്‌റ​റി​ന്റെ പേരിൽ സ്ഥലം വാങ്ങി രജിസ്‌ററർ ചെയ്യുക

ഉദാഹ​രണം: യഹോ​വ​യു​ടെ സാക്ഷി​ക​ളു​ടെ ട്രസ്‌റ​റി​ന്റെ പുതിയ ലോക സഭ. സൊ​സൈ​റ​റി​യു​ടെ പേരിൽ രജിസ്‌ററർ ചെയ്യരുത്‌.

സ്ഥലത്തിന്റെ രേഖയു​ടെ (അഥവാ ആധാര​ത്തി​ന്റെ) ഒരു പ്രതി സൊ​സൈ​റ​റിക്ക്‌ അയച്ചു​കൊ​ടു​ക്കുക.

ഫണ്ടിൽ ലഭ്യമായ തുക എത്ര​യെന്നു തീർച്ച​പ്പെ​ടു​ത്തു​ക

നിങ്ങൾക്കു നിർമാണ പ്രവർത്ത​ന​ത്തി​നു​വേണ്ടി മാത്രം സാമ്പത്തിക സഹായം ആവശ്യ​മെ​ങ്കിൽ സൊ​സൈ​റ​റിക്ക്‌ എഴുതുക.

സ്ഥലത്ത്‌ ഏതൊരു പണിയും തുടങ്ങു​ന്ന​തി​നു​മുമ്പ്‌ ഇൻഷ്വ​റൻസു നേടുക

ഇൻഷ്വ​റൻസി​നെ​ക്കു​റി​ച്ചു സൊ​സൈ​റ​റിക്ക്‌ എഴുതുക.

സൊസൈററിയുമായി ആലോ​ചി​ക്കു​ക

നിങ്ങൾക്കു കൈകാ​ര്യം ചെയ്യാൻ കഴിയാത്ത പ്രശ്‌നങ്ങൾ ഉയർന്നു​വ​രു​ന്നെ​ങ്കിൽ സൊ​സൈ​റ​റി​യു​മാ​യി ആലോ​ചി​ക്കുക.