നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ മൂല്യം വിലമ​തി​ക്കാൻ മററു​ള​ള​വരെ സഹായി​ക്കൽ

¹ “ദൈവ​ത്തി​ന്റെ വചനം ജീവനു​ള​ള​തും ശക്തി ചെലു​ത്തു​ന്ന​തു​മാ​കു​ന്നു.” (എബ്രാ. 4:12, NW) നമ്മുടെ ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണങ്ങൾ ദൈവ​വ​ച​ന​ത്തി​ന്റെ ശക്തിയിൽനി​ന്നു പ്രയോ​ജനം നേടാൻ ആളുകളെ സഹായി​ക്കു​ന്ന​തു​കൊണ്ട്‌, അനൗപ​ചാ​രി​ക​മാ​യി സാക്ഷീ​ക​രണം നടത്തു​മ്പോൾ അല്ലെങ്കിൽ വീടു​തോ​റും സന്ദർശനം നടത്തു​മ്പോൾ ബൈബി​ളി​ലു​ളള താത്‌പ​ര്യ​ത്തെ വർധി​പ്പി​ക്കാൻ നാം അവ ഉപയോ​ഗി​ക്കു​ന്നു.

² ജനുവ​രി​യി​ലെ സാഹി​ത്യ​സ​മർപ്പണം ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ? അങ്ങനെ​യെ​ങ്കിൽ അവിടുന്ന്‌ കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊണ്ട്‌? അത്‌ എന്നെങ്കി​ലും അവസാ​നി​ക്കു​മോ? എന്ന ലഘുപ​ത്രി​ക​യാണ്‌. ഇപ്പോൾ ഈ ലഘുപ​ത്രിക ഇൻഡ്യ​യി​ലെ എല്ലാ പ്രമുഖ ഭാഷക​ളി​ലും ലഭ്യമാണ്‌, അതിന്റെ സ്‌റേ​റാ​ക്കു ലഭ്യമാ​ക്കാൻ സഭകൾക്കു സമയവു​മു​ണ്ടാ​യി​രു​ന്നു. അതു സമർപ്പി​ക്കു​മ്പോൾ നമ്മുടെ അത്ഭുത​ക​ര​മായ പ്രത്യാശ ഉത്സാഹ​പൂർവം വെച്ചു​നീ​ട്ടി​ക്കൊണ്ട്‌ വീട്ടു​കാ​രന്റെ ഹൃദയ​ത്തിൽ എത്തി​ച്ചേ​രാൻ ശ്രമി​ക്കുക. ഇത്‌ എങ്ങനെ ചെയ്യാൻ കഴിയും?

³ ദൈവം കരുതു​ന്നു​വോ? ലഘുപ​ത്രിക സമർപ്പി​ക്കൽ: ലോക​ത്തി​ലെ ഇന്നത്തെ പ്രശ്‌ന​ങ്ങളെ എടുത്തു​കാ​ട്ടു​ന്ന​തോ സമീപ ഭാവി​യിൽ ഭൂമി നേരി​ട്ടേ​ക്കാ​വുന്ന മോശ​മായ അവസ്ഥകളെ പട്ടിക​പ്പെ​ടു​ത്തു​ന്ന​തോ ആയ ഒരു വാർത്താ ഇനത്തി​ലേക്കു ശ്രദ്ധ ക്ഷണിച്ചു​കൊണ്ട്‌ ഒരു സംഭാ​ഷണം തുടങ്ങാൻ നിങ്ങൾക്കു കഴി​ഞ്ഞേ​ക്കാം.

അതിനുശേഷം ഇതു​പോ​ലു​ളള ഒരു ചോദ്യ​മു​ന്ന​യി​ക്കുക:

◼“ഇന്നു ലോകം ആയിരി​ക്കുന്ന അവസ്ഥയെ ദൈവം എങ്ങനെ വീക്ഷി​ക്കു​ന്നു​വെ​ന്നാ​ണു നിങ്ങൾ കരുതു​ന്നത്‌? [ഉത്തരത്തി​നാ​യി അനുവ​ദി​ക്കുക.] ഭൂമി​യു​ടെ​യും മനുഷ്യ​വർഗ​ത്തി​ന്റെ​യും ഭാവി​യിൽ ദൈവം വളരെ താത്‌പ​ര്യ​മു​ള​ള​വ​നാ​ണെ​ന്നും ഇന്നു നിലനിൽക്കു​ന്ന​താ​യി നാം കാണുന്ന മോശ​മായ അവസ്ഥകളെ നീക്കം ചെയ്യാൻ പെട്ടെ​ന്നു​തന്നെ അവിടുന്ന്‌ എന്തെങ്കി​ലും ചെയ്യാൻ പോകു​ക​യാ​ണെ​ന്നും മനസ്സി​ലാ​ക്കു​ന്നതു നിങ്ങളെ അതിശ​യി​പ്പി​ക്കു​മോ?” വീട്ടു​കാ​രനെ ഉളളട​ക്ക​ത്തി​ന്റെ പട്ടിക കാണി​ക്കു​ക​യും മനുഷ്യ​വർഗം ഇപ്പോൾ അനുഭ​വി​ക്കുന്ന കഷ്ടപ്പാട്‌ ദൈവം ഇല്ലെന്നോ ദൈവം മനുഷ്യ​രെ​ക്കു​റി​ച്ചു കരുതു​ന്നി​ല്ലെ​ന്നോ തെളി​യി​ക്കു​ന്നി​ല്ലെന്നു ഹ്രസ്വ​മാ​യി വിശദീ​ക​രി​ക്കു​ക​യും ചെയ്യുക. മറിച്ച്‌ ഒരു കാലഘ​ട്ട​ത്തേക്കു കഷ്ടപ്പാടു നിലനിൽക്കാൻ ദൈവം അനുവ​ദി​ച്ചി​രി​ക്കു​ന്നെ​ങ്കിൽപ്പോ​ലും, ഭൂമി ദുരി​ത​ത്തിൽനി​ന്നും വേദന​യിൽനി​ന്നും മോചി​ത​രായ ആളുകൾ സന്തോ​ഷ​ത്തോ​ടെ വസിക്കുന്ന ഒരു പറുദീസ ആയിത്തീ​ര​ണ​മെ​ന്നു​ള​ള​താണ്‌ അവിടു​ത്തെ ഉദ്ദേശ്യം എന്നു വിശദീ​ക​രി​ക്കുക. ഉളളട​ക്ക​ത്തി​ന്റെ പട്ടിക​യു​ടെ മുകളിൽ കൊടു​ത്തി​രി​ക്കുന്ന ചിത്രം ചൂണ്ടി​ക്കാ​ണി​ച്ചിട്ട്‌ അത്തരം അവസ്ഥകൾ പെട്ടെ​ന്നു​തന്നെ വരു​മെ​ന്നു​ള​ള​തി​നു നമുക്ക്‌ ആശ്രയ​യോ​ഗ്യ​മായ പ്രത്യാശ ഉണ്ടെന്നു പറയുക.

⁴ ഈ ലഘുപ​ത്രിക ലഭ്യമ​ല്ലാ​ത്തി​ടത്ത്‌, അല്ലെങ്കിൽ 192 പേജുളള പഴയ പ്രസി​ദ്ധീ​ക​ര​ണ​ങ്ങ​ളിൽ ഒന്ന്‌ ഏറെ ഉചിത​മാ​യി​രി​ക്കു​ന്നി​ടത്ത്‌ ജനുവ​രി​യിൽ പ്രത്യേക സമർപ്പ​ണ​മാ​യി ആ പഴയ പ്രസി​ദ്ധീ​ക​ര​ണ​ങ്ങ​ളിൽ ഒന്നു നാം സമർപ്പി​ക്കു​ന്ന​താ​യി​രി​ക്കും. ഇവ എങ്ങനെ സമർപ്പി​ക്കാൻ കഴിയും? ആദ്യം, നിങ്ങളു​ടെ പ്രദേ​ശ​ത്തു​ളള ആത്മാർഥ​ഹൃ​ദ​യ​രായ ആളുകൾക്ക്‌ ആകർഷ​ക​മാ​യി​രി​ക്കാ​നി​ട​യു​ളള ഒരു പ്രസ്‌താ​വന നിങ്ങൾ ഉപയോ​ഗി​ക്കുന്ന പുസ്‌ത​ക​ത്തിൽനി​ന്നു തിര​ഞ്ഞെ​ടു​ക്കുക. അടുത്ത​താ​യി, നിങ്ങൾ തിര​ഞ്ഞെ​ടു​ത്തി​രി​ക്കുന്ന അച്ചടിച്ച പ്രസ്‌താ​വ​ന​യി​ലേക്കു വീട്ടു​കാ​രന്റെ ശ്രദ്ധ ക്ഷണിക്കു​ന്ന​തി​നു മുമ്പ്‌ അദ്ദേഹ​ത്തോ​ടൊ​ത്തു നിങ്ങൾക്കു ഹ്രസ്വ​മാ​യി ചർച്ച ചെയ്യാൻ കഴി​ഞ്ഞേ​ക്കാ​വുന്ന പൊതു​താ​ത്‌പ​ര്യ​മു​ളള ഒരു ആനുകാ​ലിക സംഭവ​ത്തെ​ക്കു​റി​ച്ചോ വിഷയ​ത്തെ​ക്കു​റി​ച്ചോ ചിന്തി​ക്കുക. നിങ്ങളു​ടെ പ്രസ്‌താ​വ​ന​കളെ പിന്താ​ങ്ങാൻ ബൈബി​ളിൽനിന്ന്‌ അല്ലെങ്കിൽ പുസ്‌ത​ക​ത്തിൽനി​ന്നു നേരിട്ട്‌ നിങ്ങൾക്കു വായി​ക്കാൻ കഴിയുന്ന തിരു​വെ​ഴു​ത്തു പരാമർശ​മോ ഉദ്ധരണി​യോ ഉണ്ടായി​രി​ക്കാം, അതു വായി​ച്ചിട്ട്‌ പുസ്‌തകം സമർപ്പി​ക്കുക. ഒടുവിൽ, അദ്ദേഹത്തെ വിട്ടു​പോ​രു​മ്പോൾ ഒരു മടക്കസ​ന്ദർശ​ന​ത്തി​നു​ളള അടിസ്ഥാ​ന​മാ​യി നിങ്ങൾക്ക്‌ ഉപയോ​ഗി​ക്കാൻ കഴിയുന്ന ഒരു ചോദ്യം ചോദി​ക്കു​ക​യോ ഒരു ആശയം പറയു​ക​യോ ചെയ്യുക.

⁵ ഈ ജീവിതം മാത്ര​മാ​ണോ ഉളളത്‌? അല്ലെങ്കിൽ മഹദ്‌ഗു​രു​വി​നെ ശ്രദ്ധിക്കൽ എന്ന പുസ്‌ത​ക​ത്തി​ന്റെ പ്രതികൾ പല സഭകൾക്കും കൈവ​ശ​മുണ്ട്‌. ഈ പുസ്‌ത​കങ്ങൾ ലഭ്യമാ​ണെ​ങ്കിൽ എന്തു​കൊണ്ട്‌ ഇവയിൽനി​ന്നു സംഭാ​ഷ​ണങ്ങൾ തുടങ്ങാൻ തയ്യാർ ചെയ്യു​ക​യും ഈ നല്ല പുസ്‌ത​ക​ങ്ങ​ളി​ലൊ​ന്നു വായി​ക്കാൻ വീട്ടു​കാ​രെ പ്രോ​ത്സാ​ഹി​പ്പി​ക്കു​ക​യും ചെയ്‌തു​കൂ​ടാ? നിത്യ​ജീ​വ​നി​ലേക്കു നയിക്കുന്ന സത്യം എന്ന പുസ്‌ത​ക​മാണ്‌ സമർപ്പി​ക്കു​ന്ന​തെ​ങ്കിൽ മേൽ പ്രസ്‌താ​വിച്ച രീതി നിങ്ങൾക്ക്‌ ഉപയോ​ഗി​ച്ചു നോക്കാ​വു​ന്ന​താണ്‌. ഈ ഉത്തമ ബൈബിൾ പഠനസ​ഹാ​യി​യിൽ അടങ്ങി​യി​രി​ക്കുന്ന ഏതു അടിസ്ഥാന ബൈബി​ളു​പ​ദേ​ശ​ത്തെ​ക്കു​റി​ച്ചും ചർച്ച ചെയ്യാൻ തയ്യാറാ​കാ​വു​ന്ന​താണ്‌.

⁶ ചില​പ്പോൾ മാസി​ക​ക​ളോ ഒരു ലഘു​ലേ​ഖ​യോ സമർപ്പി​ക്കു​ന്നതു കൂടുതൽ ഉചിത​മാ​യി​രു​ന്നേ​ക്കാം. ഈ പ്രസി​ദ്ധീ​ക​ര​ണങ്ങൾ വായി​ക്കാൻ മററു​ള​ള​വരെ പ്രോ​ത്സാ​ഹി​പ്പി​ക്കു​ന്നതു സംബന്ധിച്ച്‌ ഉത്സാഹ​വും തീക്ഷ്‌ണ​ത​യു​മു​ള​ള​വ​രാ​യി​രി​ക്കു​ന്ന​തി​നു നമുക്കു സകല കാരണ​വു​മുണ്ട്‌. എന്തു​കൊ​ണ്ടെ​ന്നാൽ അങ്ങനെ ചെയ്‌താൽ ദൈവ​വ​ച​ന​ത്തി​ന്റെ മാർഗ​നിർദേ​ശ​ത്തോ​ടു പ്രതി​ക​രി​ച്ചു​കൊ​ണ്ടു തങ്ങളുടെ ജീവി​ത​ത്തിൽ അതിന്റെ ശക്തി അനുഭ​വി​ക്കാൻ അവർക്കു സജ്ജരാ​യി​രി​ക്കാൻ കഴിയും.