സ്വന്തം മാസികാ അവതരണം തയ്യാറാ​ക്കു​ക

¹ ലോക​ത്തി​ലെ പ്രധാന വിഷയങ്ങൾ മുതൽ ‘ദൈവ​ത്തി​ന്റെ ആഴങ്ങൾ’ വരെ എല്ലാ കാര്യ​ങ്ങ​ളും ചർച്ച​ചെ​യ്യുന്ന കാലോ​ചി​ത​വും വിജ്ഞാ​ന​പ്ര​ദ​വു​മായ വിവരങ്ങൾ നിമിത്തം നാം വീക്ഷാ​ഗോ​പു​രം, ഉണരുക! മാസി​കകൾ വിലമ​തി​ക്കു​ന്നു. (1 കൊരി. 2:10) സത്യം പടിപ​ടി​യാ​യി വെളി​പ്പെ​ടു​ത്താൻ യഹോവ ഉപയോ​ഗി​ക്കുന്ന ഈ പത്രി​ക​ക​ളിൽ വായി​ച്ചി​ട്ടുള്ള പുതി​യ​തും കെട്ടു​പണി ചെയ്യു​ന്ന​തു​മായ പല കാര്യ​ങ്ങ​ളും നാം അനുസ്‌മ​രി​ക്കു​ന്നു. (സദൃ. 4:18) ഏത്‌ അവസര​ങ്ങ​ളി​ലും, ഒറ്റപ്ര​തി​ക​ളും വരിസം​ഖ്യ​ക​ളും നൽകി​ക്കൊണ്ട്‌, കഴിയു​ന്നത്ര വ്യാപ​ക​മാ​യി അവ വിതരണം ചെയ്യു​ന്ന​തിൽ ഉത്സുക​രാ​യി​രി​ക്കാൻ നാം ആഗ്രഹി​ക്കു​ന്നു.

² നിങ്ങളു​ടെ പ്രദേ​ശത്തെ വിശക​ലനം ചെയ്യുക: ഏതു തരം ആളുക​ളാണ്‌ നിങ്ങളു​ടെ പ്രദേ​ശത്തു വസിക്കു​ന്നത്‌? തിരക്കു​പി​ടിച്ച ഒരു ജീവി​ത​മാണ്‌ അവരു​ടേ​തെ​ങ്കിൽ ഹ്രസ്വ​വും കുറി​ക്കു​കൊ​ള്ളു​ന്ന​തു​മായ ഒരു അവതരണം നിങ്ങൾ തയ്യാറാ​ക്കേ​ണ്ട​തു​ണ്ടാ​യി​രി​ക്കാം. നിങ്ങളു​ടെ പ്രദേ​ശത്തെ ആളുക​ളു​ടേത്‌ അത്ര തിരക്കു​പി​ടിച്ച ജീവി​ത​മ​ല്ലെ​ങ്കിൽ അവതര​ണ​ത്തിൽ കൂടുതൽ കാര്യങ്ങൾ ഉൾക്കൊ​ള്ളി​ക്കാൻ നിങ്ങൾക്കു കഴി​ഞ്ഞേ​ക്കും. വീട്ടു​കാർ പകൽസ​മ​യത്തു ജോലി​ചെ​യ്യു​ന്ന​വ​രാ​ണെ​ങ്കിൽ സായാ​ഹ്ന​ത്തോ​ട​ടു​ത്തോ സായാ​ഹ്നാ​രം​ഭ​ത്തി​ലോ കൂടുതൽ വിജയ​ക​ര​മാ​യി നിങ്ങൾക്ക്‌ അവരുടെ ഭവനങ്ങൾ സന്ദർശി​ക്കാൻ കഴി​ഞ്ഞേ​ക്കും. തെരു​വു​സാ​ക്ഷീ​ക​ര​ണ​ത്തി​ന്റെ സമയത്തോ കടകൾതോ​റും പ്രവർത്തി​ക്കു​മ്പോ​ഴോ പകൽസ​മ​യത്തു നിങ്ങൾക്കു ചിലരു​മാ​യി സമ്പർക്കം പുലർത്താൻ കഴി​ഞ്ഞേ​ക്കും. ബസ്‌ സ്റ്റാൻഡു​കൾക്കോ റെയിൽവേ സ്റ്റേഷനു​കൾക്കോ അടുത്തു​വെച്ച്‌ അല്ലെങ്കിൽ പാർക്കു​ക​ളിൽവെച്ച്‌ ആളുകളെ സമീപി​ച്ചു ചില പ്രസാ​ധകർ നല്ല ഫലം കൊയ്യു​ന്നു.

³ മാസി​കകൾ പരിചി​ത​മാ​ക്കുക: ലഭിച്ച ഉടൻതന്നെ ഓരോ ലക്കവും വായി​ക്കുക. നിങ്ങളു​ടെ പ്രദേ​ശത്തെ ആളുകൾക്ക്‌ ഇഷ്ടപ്പെ​ടു​മെന്നു നിങ്ങൾ കരുതുന്ന ലേഖനങ്ങൾ തിര​ഞ്ഞെ​ടു​ക്കുക. അവരെ ബാധി​ക്കുന്ന വിഷയങ്ങൾ ഏതാണ്‌? വിശേ​ഷ​വ​ത്‌ക​രി​ക്കാൻ ഉദ്ദേശി​ച്ചി​ക്കുന്ന ലേഖന​ത്തിൽനി​ന്നു നിങ്ങൾക്ക്‌ ഉദ്ധരി​ക്കാൻ കഴിയുന്ന ഒരു നിർദിഷ്ട ആശയം കണ്ടുപി​ടി​ക്കുക. താത്‌പ​ര്യം ഉണർത്താൻ കഴിയുന്ന ഒരു ചോദ്യം ഏതായി​രി​ക്കു​മെന്ന്‌ ആലോ​ചി​ക്കുക. അവസരം ലഭിക്കു​ന്ന​പക്ഷം വീട്ടു​കാ​രനെ വായി​ച്ചു​കേൾപ്പി​ക്കാൻ പറ്റിയ സന്ദർഭോ​ചി​ത​മായ ഒരു തിരു​വെ​ഴു​ത്തു തിര​ഞ്ഞെ​ടു​ക്കുക. ഒരു വരിസം​ഖ്യ എടുക്കാൻ വീട്ടു​കാ​രനെ പ്രേരി​പ്പി​ക്കാൻ തക്കവണ്ണം നിങ്ങൾക്ക്‌ എന്തു പറയാൻ കഴിയു​മെ​ന്നും ഒരു മടക്കസ​ന്ദർശ​ന​ത്തി​നുള്ള അടിത്തറ പാകാൻ എങ്ങനെ കഴിയു​മെ​ന്നും ചിന്തി​ക്കുക.

⁴ മുഖവുര തയ്യാറാ​കുക: സ്വയം പരിച​യ​പ്പെ​ടു​ത്തു​ന്ന​തി​നും ഒരു സംഭാ​ഷണം തുടങ്ങു​ന്ന​തി​നും വേണ്ടി നിങ്ങൾ ഉപയോ​ഗി​ക്കാൻ ഉദ്ദേശി​ക്കുന്ന വാക്കുകൾ ശ്രദ്ധാ​പൂർവം തിര​ഞ്ഞെ​ടു​ക്കുക. ഇപ്രകാ​രം തുടക്ക​മി​ടു​ന്ന​തിൽ ചിലർ വിജയം കണ്ടെത്തി​യി​ട്ടുണ്ട്‌: “ഈ മാസി​ക​യിൽ രസകര​മായ ഒരു ലേഖനം ഞാൻ വായി​ക്കു​ക​യു​ണ്ടാ​യി. മറ്റുള്ള​വ​രു​മാ​യി അതു പങ്കു​വെ​ക്കാൻ ഞാൻ ആഗ്രഹി​ക്കു​ന്നു.” തങ്ങൾ ഉപയോ​ഗി​ക്കാൻ ഉദ്ദേശി​ക്കുന്ന സംസാ​രാ​ശ​യ​ത്തിൽ കേന്ദ്രീ​കൃ​ത​മായ ഒരു ചോദ്യ​ത്തോ​ടെ പലരും സംഭാ​ഷ​ണ​ത്തി​നു തുടക്ക​മി​ടു​ന്നു. ഉദാഹ​ര​ണ​ത്തിന്‌:

⁵ കുറ്റകൃ​ത്യ​ത്തി​ന്റെ വ്യാപ​ന​ത്തെ​ക്കു​റി​ച്ചുള്ള ഒരു ലേഖന​മാ​ണു വിശേ​ഷ​വ​ത്‌ക​രി​ക്കു​ന്ന​തെ​ങ്കിൽ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

◼“കൊള്ള​യ​ടി​ക്ക​പ്പെ​ടു​മെ​ന്നോ ഉപദ്ര​വി​ക്ക​പ്പെ​ടു​മെ​ന്നോ ഉള്ള ഭയമി​ല്ലാ​തെ രാത്രി നമുക്ക്‌ ഉറങ്ങാൻ സാധി​ക്ക​ണ​മെ​ങ്കിൽ എന്താണ്‌ ആവശ്യ​മാ​യി​രി​ക്കു​ന്നത്‌?” ഈ പ്രശ്‌ന​ത്തി​നുള്ള ഒരു പരിഹാ​ര​മാർഗം സംബന്ധിച്ച ചില വിവരങ്ങൾ നിങ്ങളു​ടെ പക്കലു​ണ്ടെന്നു വിവരി​ക്കുക. സാമൂ​ഹി​ക​മായ മറ്റെല്ലാ​ത്തരം കുഴപ്പ​ങ്ങ​ളെ​യും ഈ പരിഹാ​ര​മാർഗം താമസി​യാ​തെ തുടച്ചു​നീ​ക്കും. അത്തര​മൊ​രു പ്രത്യാശ പ്രദാനം ചെയ്യുന്ന മാസി​ക​യി​ലെ എന്തെങ്കി​ലും വിവരം പരാമർശി​ക്കുക. മടങ്ങി​ച്ചെ​ല്ലു​മ്പോൾ, പരിജ്ഞാ​നം പുസ്‌ത​ക​ത്തി​ലെ ഒന്നാം അധ്യാ​യ​ത്തി​ലേക്കു വീട്ടു​കാ​രന്റെ ശ്രദ്ധയാ​കർഷി​ക്കാൻ നിങ്ങൾക്കു കഴിയും.

⁶ കുടും​ബ​ജീ​വി​ത​ത്തെ​ക്കു​റി​ച്ചുള്ള ഒരു ലേഖനം സമർപ്പി​ക്കു​ക​യാ​ണെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ഇക്കാലത്തു കുട്ടി​കളെ വളർത്തി​ക്കൊ​ണ്ടു​വ​രിക എന്നത്‌ ഒരു യഥാർഥ വെല്ലു​വി​ളി​യാ​ണെന്നു മിക്ക മാതാ​പി​താ​ക്ക​ളും കണ്ടെത്തു​ന്നു. ഈ വിഷയം സംബന്ധിച്ച്‌ ഒട്ടേറെ പുസ്‌ത​കങ്ങൾ രചിച്ചി​ട്ടു​ണ്ടെ​ങ്കി​ലും വിദഗ്‌ധർ പോലും ഇവയു​മാ​യി യോജി​ക്കു​ന്നില്ല. ആശ്രയ​യോ​ഗ്യ​മായ മാർഗ​നിർദേശം പ്രദാനം ചെയ്യാൻ കഴിവുള്ള ആരെങ്കി​ലു​മു​ണ്ടോ?” ബൈബി​ളിൽ കാണുന്ന ജ്ഞാനപൂർവ​ക​മായ ബുദ്ധ്യു​പ​ദേ​ശ​ത്തെ​ക്കു​റി​ച്ചു പ്രതി​പാ​ദി​ക്കുന്ന ഒരു സുനി​ശ്ചിത അഭി​പ്രാ​യം മാസി​ക​യിൽനി​ന്നു പങ്കിടുക. മടക്കസ​ന്ദർശനം നടത്തു​മ്പോൾ, പരിജ്ഞാ​നം പുസ്‌ത​ക​ത്തി​ന്റെ 145-8 വരെയുള്ള പേജു​ക​ളിൽ ഉൾക്കൊ​ള്ളി​ച്ചി​ട്ടുള്ള, കുട്ടി​കളെ വളർത്തി​ക്കൊ​ണ്ടു​വ​രു​ന്നതു സംബന്ധിച്ച തിരു​വെ​ഴു​ത്തു​പ​ര​മായ ആശയങ്ങൾ ചർച്ച​ചെ​യ്യുക.

⁷ ഒരു സാമൂ​ഹിക പ്രശ്‌നം സംബന്ധിച്ച ലേഖനം വിശേ​ഷ​വ​ത്‌ക​രി​ക്കു​മ്പോൾ നിങ്ങൾക്ക്‌ ഇങ്ങനെ പറയാൻ കഴിയും:

◼“നാം ജീവി​ക്കു​ന്നതു പിരി​മു​റു​ക്ക​മേ​റിയ കാലഘ​ട്ട​ത്തി​ലാ​യ​തു​കൊ​ണ്ടു പലർക്കും സമ്മർദം അനുഭ​വ​പ്പെ​ടു​ന്നു. നാം ഇങ്ങനെ ജീവി​ക്കാ​നാ​ണു ദൈവം ഉദ്ദേശി​ച്ചി​രു​ന്ന​തെന്നു നിങ്ങൾക്കു തോന്നു​ന്നു​ണ്ടോ?” ഇന്നത്തെ പ്രശ്‌ന​ങ്ങളെ തരണം​ചെ​യ്യാൻ അല്ലെങ്കിൽ ഉത്‌ക​ണ്‌ഠാ​വി​മു​ക്ത​മായ ഒരു ഭാവി​ക്കു​വേണ്ടി നോക്കി​പ്പാർത്തി​രി​ക്കാൻവേണ്ട കാരണങ്ങൾ നൽകുന്ന ഒരു ലേഖനം ചൂണ്ടി​ക്കാ​ട്ടുക. അടുത്ത സന്ദർശ​ന​ത്തിൽ, പരിജ്ഞാ​നം പുസ്‌ത​ക​ത്തി​ന്റെ 4-5 പേജു​ക​ളി​ലുള്ള ചിത്ര​ത്തെ​യും ചിത്ര​ക്കു​റി​പ്പി​നെ​യും കുറിച്ചു ചർച്ച​ചെ​യ്യുക. എന്നിട്ട്‌ നേരേ ബൈബി​ള​ധ്യ​യ​ന​ത്തി​ലേക്കു നയിക്കുക.

⁸ വീട്ടു​കാ​ര​നോട്‌ അനുരൂ​പ​പ്പെ​ടുക: വ്യത്യസ്‌ത താത്‌പ​ര്യ​ങ്ങ​ളും പശ്ചാത്ത​ല​ങ്ങ​ളു​മുള്ള ആളുകളെ നിങ്ങൾ കണ്ടുമു​ട്ടും. ഓരോ വീട്ടു​കാ​ര​നും യോജി​ക്കുന്ന ഒരു അടിസ്ഥാന അവതരണം തയ്യാറാ​ക്കുക. നിങ്ങൾക്കു പറയേണ്ട കാര്യങ്ങൾ—ഒരു പുരു​ഷ​നോട്‌, സ്‌ത്രീ​യോട്‌, പ്രായം​ചെന്ന ഒരാ​ളോട്‌, അല്ലെങ്കിൽ ഒരു യുവാ​വി​നോട്‌ അനുരൂ​പ​പ്പെ​ടു​ത്തേണ്ട വിധം—മനസ്സിൽ പിടി​ക്കുക. നിങ്ങൾ എന്തു പറയണം എന്നതു സംബന്ധി​ച്ചു കർക്കശ​മായ നിയമ​ങ്ങ​ളൊ​ന്നു​മില്ല. നിങ്ങൾക്കു സൗകര്യ​പ്ര​ദ​മാ​യ​തും ഫലം കൈവ​രു​ത്തു​ന്ന​തു​മായ എന്തും ഉപയോ​ഗി​ക്കുക. എങ്കിലും, ഉത്സാഹ​മു​ള്ള​വ​രാ​യി​രി​ക്കുക, ഹൃദയ​ത്തിൽനി​ന്നു സംസാ​രി​ക്കുക. കൂടാതെ, ഒരു നല്ല ശ്രോ​താ​വാ​യി​രി​ക്കുക. “നിയമി​ക്ക​പ്പെ​ട്ടവർ” നിങ്ങളു​ടെ ആത്മാർഥത തിരി​ച്ച​റിഞ്ഞ്‌ അനുകൂ​ല​മാ​യി പ്രതി​ക​രി​ക്കും.—പ്രവൃ. 13: 48.

⁹ പരസ്‌പരം സഹായി​ക്കുക: ആശയങ്ങൾ പരസ്‌പരം പങ്കു​വെ​ക്കു​മ്പോൾ ആശയ​പ്ര​ക​ടനം നടത്താ​നുള്ള പുതിയ മാർഗങ്ങൾ നാം പഠിക്കു​ന്നു. ഒത്തൊ​രു​മിച്ച്‌ അവതര​ണങ്ങൾ അഭ്യസി​ക്കു​ന്നതു നമുക്കു പരിച​യ​വും ആത്മവി​ശ്വാ​സ​വും നൽകുന്നു. (സദൃ. 27:17) നിങ്ങൾ പറയാൻ പോകു​ന്നതു മുൻകൂ​ട്ടി അഭ്യസി​ക്കു​ക​യാ​ണെ​ങ്കിൽ വീട്ടു​വാ​തിൽക്കൽ പിരി​മു​റു​ക്ക​മി​ല്ലാ​തെ സ്വസ്ഥമാ​യി സംസാ​രി​ക്കാൻ നിങ്ങൾക്കു കഴിയും. മാതാ​പി​താ​ക്കൾ, തയ്യാറാ​കാൻ തങ്ങളുടെ മക്കളെ സഹായി​ക്കു​ന്ന​തും അവതരണം അഭ്യസി​ക്കു​മ്പോൾ ശ്രദ്ധി​ക്കു​ന്ന​തും അഭിവൃ​ദ്ധി പ്രാപി​ക്കു​ന്ന​തി​നുള്ള നിർദേ​ശങ്ങൾ നൽകു​ന്ന​തും മർമ​പ്ര​ധാ​ന​മാണ്‌. കൂടുതൽ അനുഭ​വ​പ​രി​ച​യ​മുള്ള പ്രസാ​ധ​ക​രു​മൊ​ത്തു പ്രവർത്തി​ക്കു​ന്നതു പുതി​യ​വർക്കു പ്രയോ​ജനം കൈവ​രു​ത്തും.

¹⁰ സ്വന്തം മാസികാ അവതര​ണങ്ങൾ തയ്യാറാ​ക്കു​ന്നത്‌ ബുദ്ധി​മു​ട്ടാ​യി​രി​ക്ക​ണ​മെ​ന്നില്ല. ഏതെങ്കി​ലും ഒരു നിർദിഷ്ട സംഗതി മനസ്സിൽ പിടിച്ച്‌ അത്‌ ആകർഷ​ക​മായ രീതി​യിൽ അവതരി​പ്പി​ക്കേണ്ട കാര്യ​മേ​യു​ള്ളൂ. മുൻകൈ എടുക്കു​ന്ന​തി​നാ​ലും മുന്നമേ ചിന്തി​ക്കു​ന്ന​തി​നാ​ലും നല്ല പ്രതി​ക​രണം ലഭിക്കുന്ന മേന്മ​യേ​റിയ ഒരു അവതരണം നിങ്ങൾക്കു തയ്യാറാ​ക്കാൻ കഴിയും.

¹¹ നാം ലോക​വ്യാ​പ​ക​മാ​യി രാജ്യ​സ​ന്ദേശം പ്രചരി​പ്പി​ക്കുന്ന മുഖ്യ വിധങ്ങ​ളി​ലൊ​ന്നാണ്‌ മാസികാ വിതരണം. വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഒറ്റപ്ര​തി​ക​ളോ വരിസം​ഖ്യ​ക​ളോ ആത്മാർഥ​ഹൃ​ദ​യ​രായ ആളുകൾക്കു സമർപ്പി​ക്കാൻ കഴിഞ്ഞാൽ മാസി​കകൾ തന്നെ സംസാ​രി​ച്ചു​കൊ​ള്ളും. അവയുടെ മൂല്യ​ത്തെ​യും അവയുടെ സന്ദേശം ജീവൻ രക്ഷിക്കുന്ന വിധ​ത്തെ​യും കുറിച്ച്‌ എപ്പോ​ഴും ഓർമി​ക്കുക. ഇത്തരത്തിൽ ‘നന്മ ചെയ്യു​ന്ന​തും കാര്യങ്ങൾ മറ്റുള്ള​വ​രു​മാ​യി പങ്കു​വെക്കു’ന്നതുമാണ്‌ യഹോ​വയെ ഏറ്റവും കൂടുതൽ സന്തോ​ഷി​പ്പി​ക്കു​ന്നത്‌.—എബ്രാ. 13:16, NW.