നിങ്ങളു​ടെ സഭയുടെ പരസ്യ​യോഗ പരിപാ​ടി​യെ പൂർണ​മാ​യി പിന്തു​ണ​യ്‌ക്കു​ക

¹ കുറെ വർഷങ്ങൾക്കു മുമ്പ്‌ ഒരു ചെറു​പ്പ​ക്കാ​രൻ പ്രാ​ദേ​ശിക സഭയുടെ യോഗ​ങ്ങളെ പരസ്യ​പ്പെ​ടു​ത്തുന്ന ഒരു നോട്ടീസ്‌ കണ്ടെത്തി. സത്യത്തി​നു​വേണ്ടി അന്വേ​ഷി​ച്ചു​കൊ​ണ്ടി​രു​ന്ന​തി​നാൽ ആ ഞായറാ​ഴ്‌ച​തന്നെ പരസ്യ​യോ​ഗ​ത്തി​നു സംബന്ധി​ക്കാൻ അയാൾ തീരു​മാ​നി​ച്ചു. അയാൾ നേര​ത്തെ​തന്നെ ഹാളിൽ എത്തി​ച്ചേർന്നു. ഒരു പ്രസാ​ധകൻ അയാളെ ഊഷ്‌മ​ള​മാ​യി അഭിവാ​ദനം ചെയ്യു​ക​യും സംഭാ​ഷ​ണ​ത്തി​നി​ട​യിൽ ഒരു ബൈബി​ള​ധ്യ​യനം വാഗ്‌ദാ​നം ചെയ്യു​ക​യും ചെയ്‌തു. എന്നാൽ അയാൾ ആ വാഗ്‌ദാ​നത്തെ തിരസ്‌ക​രി​ക്കു​ക​യാ​ണു​ണ്ടാ​യത്‌. എന്നിരു​ന്നാ​ലും, നല്ലവണ്ണം തയ്യാറാ​യി നടത്തപ്പെട്ട പരസ്യ​പ്ര​സം​ഗം അയാളിൽ വളരെ മതിപ്പു​ള​വാ​ക്കു​ക​യും അയാൾ തന്റെ തീരു​മാ​നം മാററു​ക​യും ചെയ്‌തു. യോഗ​ത്തി​നു​ശേഷം അയാൾ ബൈബി​ള​ധ്യ​യനം സ്വീക​രി​ച്ചു. സത്വര​പു​രോ​ഗതി വരുത്തിയ ഈ ചെറു​പ്പ​ക്കാ​രൻ പല മാസങ്ങൾക്കു​ശേഷം സ്‌നാ​പ​ന​മേ​ററു. ഈ അനുഭ​വ​ത്തിൽനി​ന്നു ചുരു​ങ്ങി​യത്‌ സഹായ​ക​മായ മൂന്നു പാഠങ്ങൾ നമുക്കു പഠിക്കാ​നാ​കും.

² ഒന്നാമത്‌, പരസ്യ​യോ​ഗ​ത്തെ​ക്കു​റി​ച്ചു പരസ്യ​പ്പെ​ടു​ത്തി​യി​രു​ന്നു. നിങ്ങളു​ടെ സഭയുടെ യോഗ​പ​രി​പാ​ടി​യെ പരസ്യ​പ്പെ​ടു​ത്തു​ന്ന​തി​നു​വേണ്ടി അച്ചടിച്ച നോട്ടീ​സു​കൾ നിങ്ങൾ ഉപയോ​ഗി​ക്കു​ന്നു​ണ്ടോ? പിൻവ​രുന്ന ആഴ്‌ച​യിൽ നടത്ത​പ്പെ​ടുന്ന പരസ്യ​പ്ര​സം​ഗ​ത്തി​ന്റെ വിഷയം അധ്യക്ഷൻ അറിയി​ക്കു​മ്പോൾ, നിങ്ങളു​ടെ പ്രദേ​ശത്ത്‌ പ്രത്യേ​കി​ച്ചും ഈ വിഷയ​ത്തിൽ താത്‌പ​ര്യ​മെ​ടു​ക്കാൻ സാധ്യ​ത​യു​ള​ള​വ​രെ​ക്കു​റി​ച്ചു ചിന്തി​ക്കുക—അവർ ഇപ്പോൾ നമ്മുടെ പ്രസി​ദ്ധീ​ക​ര​ണങ്ങൾ വായി​ക്കു​ന്ന​വ​രാ​ണെ​ങ്കി​ലും അല്ലെങ്കി​ലും. ചിലർ വായി​ക്കാൻ ഇഷ്ടപ്പെ​ടു​ന്നില്ല, അല്ലെങ്കിൽ അവർക്കു വായി​ക്കാൻ വലിയ പ്രയാ​സ​മുണ്ട്‌. പക്ഷേ തിരു​വെ​ഴു​ത്തു വിഷയ​ത്തെ​ക്കു​റി​ച്ചു​ളള ഒരു പ്രസംഗം ശ്രദ്ധി​ക്കാൻ അവർ മനസ്സു​ള​ള​വ​രാ​യി​രി​ക്കാം.

³ രണ്ടാമത്‌, പുതു​താ​യി വന്ന വ്യക്തിക്ക്‌ ഊഷ്‌മ​ള​മായ സ്വാഗതം നൽക​പ്പെട്ടു. കഴിയു​ന്നി​ട​ത്തോ​ളം നേരത്തെ ഹാളിൽ എത്താൻ നിങ്ങൾ ആസൂ​ത്രണം ചെയ്യു​ന്നെ​ങ്കിൽ സഹോ​ദ​രീ​സ​ഹോ​ദ​രൻമാ​രെ​യും ഏതെങ്കി​ലും പുതിയ താത്‌പ​ര്യ​ക്കാ​രെ​യും നിങ്ങൾക്ക്‌ അഭിവാ​ദനം ചെയ്യാൻ കഴിയും. (എബ്രാ. 10:24) പുതു​താ​യി വരുന്ന ഒരാൾ ആദ്യമാ​യാ​ണു സംബന്ധി​ക്കു​ന്ന​തെ​ങ്കിൽ എന്തു പ്രതീ​ക്ഷി​ക്കാ​മെന്ന്‌ അയാൾക്ക്‌ അറിയി​ല്ലാ​യി​രി​ക്കാം. നമ്മുടെ യോഗങ്ങൾ ഗീത​ത്തോ​ടും പ്രാർഥ​ന​യോ​ടും കൂടെ​യാണ്‌ ആരംഭി​ക്കു​ന്ന​തെന്ന്‌ വിശദീ​ക​രി​ക്കുക, കൂടാതെ യോഗങ്ങൾ എപ്രകാ​രം നടത്ത​പ്പെ​ടു​മെന്ന്‌ അദ്ദേഹ​ത്തോ​ടു പറയുക. ഉചിത​മെ​ങ്കിൽ, നിങ്ങ​ളോ​ടൊ​പ്പ​മി​രി​ക്കാൻ അയാളെ ക്ഷണിക്കുക, അങ്ങനെ നിങ്ങളു​ടെ ബൈബി​ളും പാട്ടു​പു​സ്‌ത​ക​വും അയാളു​മാ​യി പങ്കുവ​യ്‌ക്കാൻ നിങ്ങൾക്കു കഴിയും. യോഗം അവസാ​നി​ച്ചു​ക​ഴി​യു​മ്പോൾ അയാൾക്ക്‌ ഉണ്ടാ​യേ​ക്കാ​വുന്ന ഏതെങ്കി​ലും സംശയങ്ങൾ ചർച്ച ചെയ്യാൻ അദ്ദേഹത്തെ ക്ഷണിക്കുക.

⁴ മൂന്നാ​മത്‌, പ്രസംഗം നന്നായി തയ്യാർ ചെയ്‌ത​താ​യി​രു​ന്നു. പരസ്യ​പ്ര​സം​ഗ​ക​രെന്ന നിലയിൽ സഭയെ പ്രതി​നി​ധീ​ക​രി​ക്കാൻ പദവി ലഭിച്ചി​ട്ടു​ള​ളവർ, വർധിച്ച അളവി​ലു​ളള സ്‌നേ​ഹ​ത്തി​നും സത്‌പ്ര​വൃ​ത്തി​ക്കും ഉത്സാഹം വർധി​പ്പി​ക്കു​ന്ന​തി​നു വേണ്ടി പ്രസംഗം തയ്യാറാ​യി​ക്കൊ​ണ്ടും റിഹേ​ഴ്‌സൽ നടത്തി​ക്കൊ​ണ്ടും അനേക മണിക്കൂ​റു​കൾ ചെലവ​ഴി​ക്കു​ന്നു. നാമെ​ല്ലാ​വ​രും ഇന്നു സമ്മർദ​ത്തിൻ കീഴി​ലാണ്‌. സഹിച്ചു​നിൽക്കാൻ നമ്മെ സഹായി​ക്കു​ന്ന​തി​നു നമുക്ക്‌ ആവശ്യ​മാ​യത്‌ ദൈവ​വ​ച​ന​ത്തിൽനി​ന്നു​ളള ആശ്വാ​സ​ദാ​യ​ക​മായ സത്യങ്ങ​ളാണ്‌. തീർച്ച​യാ​യും, ഒരു പ്രസംഗം എത്ര വിജ്ഞാ​ന​പ്ര​ദ​മാ​യി​രു​ന്നാ​ലും പറയ​പ്പെ​ടുന്ന കാര്യ​ത്തി​നു നാം അടുത്ത ശ്രദ്ധ നൽകു​ന്നി​ല്ലെ​ങ്കിൽ നമ്മെ സംബന്ധി​ച്ചി​ട​ത്തോ​ളം അതിനു മൂല്യ​മു​ണ്ടാ​യി​രി​ക്കില്ല. പ്രസം​ഗ​സ​മ​യത്തു ശ്രദ്ധ കേന്ദ്രീ​ക​രി​ക്കാൻ ചില​പ്പോ​ഴൊ​ക്കെ നിങ്ങൾക്കു വിഷമ​മു​ണ്ടോ? നമ്മുടെ കൺ​വെൻ​ഷ​നു​ക​ളിൽ നാം മിക്ക​പ്പോ​ഴും ചെയ്യാ​റു​ള​ള​തു​പോ​ലെ ചെറിയ കുറി​പ്പു​കൾ എഴുതി​യെ​ടു​ക്കു​ന്നതു സഹായി​ക്കും. ഓരോ തിരു​വെ​ഴു​ത്തു​ക​ളും വായിച്ചു വിശദീ​ക​രി​ക്കു​മ്പോൾ നിങ്ങളു​ടെ ബൈബി​ളിൽ ആ ഭാഗം നോക്കുക.

⁵ വളരെ വൈവി​ധ്യ​മാർന്ന തിരു​വെ​ഴു​ത്തു വിഷയ​ങ്ങളെ സംബന്ധിച്ച പരസ്യ​പ്ര​സം​ഗങ്ങൾ സൊ​സൈ​ററി പ്രദാനം ചെയ്‌തി​ട്ടുണ്ട്‌. അധ്യക്ഷ​മേൽവി​ചാ​ര​ക​നി​ലൂ​ടെ​യോ അദ്ദേഹം നിയമി​ക്കുന്ന ഒരു സഹോ​ദ​ര​നി​ലൂ​ടെ​യോ പ്രവർത്തി​ച്ചു​കൊണ്ട്‌ മൂപ്പൻമാ​രു​ടെ സംഘം സഭയുടെ പരസ്യ​യോ​ഗ​പ​രി​പാ​ടി​യെ സംഘടി​പ്പി​ക്കു​ന്നു. സൊ​സൈ​ററി നൽകി​യി​രി​ക്കുന്ന വിഷയങ്ങൾ ആനുകാ​ലിക പ്രാ​ദേ​ശി​കാ​വ​ശ്യ​ങ്ങളെ നേരി​ടാൻ തിര​ഞ്ഞെ​ടു​ക്ക​പ്പെ​ട്ടി​രി​ക്കു​ന്ന​വ​യാണ്‌. ജീവത്‌പ്ര​ധാ​ന​മായ ഈ വിവര​ങ്ങ​ളി​ലൊ​ന്നും നഷ്ടപ്പെ​ടു​ത്താ​തെ നിങ്ങളു​ടെ സഭയുടെ വാരം​തോ​റു​മു​ളള പരസ്യ​യോ​ഗത്തെ പൂർണ​മാ​യും പിന്താ​ങ്ങുക.