“സകലജാ​തി​ക​ളും നിങ്ങളെ പകെക്കും”

¹ ലോക​ത്തി​നു ചുററും യഹോ​വ​യു​ടെ ജനം അനുഭ​വി​ക്കുന്ന അത്ഭുതാ​വ​ഹ​മായ അനു​ഗ്ര​ഹ​ങ്ങ​ളെ​ക്കു​റി​ച്ചു​ളള പുളകം​കൊ​ള​ളി​ക്കുന്ന റിപ്പോർട്ടു​കൾ കേട്ടതിൽ സമീപ വർഷങ്ങ​ളിൽ നാമെ​ല്ലാം സന്തോ​ഷി​ച്ചു. 26 വർഷത്തെ മൃഗീ​യ​മായ പീഡന​ത്തി​നു​ശേഷം മലാവി​യിൽ പ്രവർത്ത​ന​ത്തി​നു നിയമാം​ഗീ​കാ​രം കിട്ടി​യതു നാം സന്തോ​ഷാ​ശ്രു​ക്കൾ പൊഴി​ക്കാൻ ഇടയാക്കി. അതിന്റെ മർദക​നു​ക​ത്തിൽനിന്ന്‌ ആയിര​ക്ക​ണ​ക്കി​നു വരുന്ന നമ്മുടെ സഹോ​ദ​രങ്ങൾ അക്ഷരീ​യ​മാ​യി സ്വത​ന്ത്ര​രാ​കു​ന്ന​തിൽ കലാശിച്ച പൂർവ​യൂ​റോ​പ്പി​ലെ ദൈവ​ര​ഹിത കമ്യൂ​ണി​സ​ത്തി​ന്റെ പതനത്തി​നു സാക്ഷ്യം വഹിച്ച​പ്പോൾ നാം ആശ്വാ​സ​ത്തോ​ടെ നെടു​വീർപ്പി​ട്ടു. ഗ്രീസിൽ നമ്മുടെ ആരാധ​നാ​സ്വാ​ത​ന്ത്ര്യ​ത്തി​ന്റെ നിയമ​സാ​ധുത വെല്ലു​വി​ളി​ക്ക​പ്പെ​ട്ട​പ്പോൾ നാം തികഞ്ഞ ഉത്‌ക​ണ്‌ഠ​യോ​ടെ നിരീ​ക്ഷി​ച്ചു​കൊ​ണ്ടി​രു​ന്നു; യൂറോ​പ്പി​ലെ അത്യുന്നത കോട​തി​യിൽ മാറെ​റാ​ലി കൊള​ളുന്ന ഒരു വിജയം നേടി​യ​പ്പോൾ നാം ജയഭേ​രി​കൊ​ണ്ടു. സത്യാ​ന്വേ​ഷി​കൾക്കു​വേണ്ടി വൻതോ​തിൽ സാഹി​ത്യ​ങ്ങൾ നിർമി​ക്കു​ന്നതു സാധ്യ​മാ​ക്കിയ സൊ​സൈ​റ​റി​യു​ടെ ബ്രാഞ്ചു​ക​ളു​ടെ വർധിച്ച അളവി​ലു​ളള വികസ​ന​ത്തെ​ക്കു​റി​ച്ചു​ളള വാർത്തകൾ കേൾക്കാൻ നാം സന്തോ​ഷ​മു​ള​ള​വ​രാ​യി​രു​ന്നു. ഉക്രെ​യി​നി​ലെ കീവിൽ വച്ചുനടന്ന കൺ​വെൻ​ഷ​നിൽ 7,400-ലധികം പേർ സ്‌നാ​പ​ന​മേ​ററു എന്നു നാം കേട്ട​പ്പോൾ അമ്പരക്കാ​ന​ല്ലാ​തെ ഒന്നും ചെയ്യാൻ നമുക്കാ​യില്ല. അതേ, രാജ്യ​വേ​ല​യി​ലെ ഈ നാടകീയ മുന്നേ​റ​റങ്ങൾ നമ്മുടെ സന്തോ​ഷത്തെ പുതിയ മാനങ്ങ​ളി​ലേക്ക്‌ ഉയർത്തി​യി​രി​ക്കു​ന്നു!

² സന്തോ​ഷി​ക്കാ​നു​ളള നമ്മുടെ കാരണം വലുതാ​ണെ​ങ്കി​ലും മതിമ​റ​ന്നാ​ഹ്ലാ​ദി​ക്കാ​തി​രി​ക്കാൻ നാം ജാഗ്രത പുലർത്തണം. അനുകൂ​ല​മായ റിപ്പോർട്ടു​ക​ളു​ടെ ഒരു പരമ്പര​യ്‌ക്ക്‌, സുവാർത്ത​യോ​ടു​ളള എതിർപ്പ്‌ തകർന്ന​ടി​യു​ക​യാ​ണെ​ന്നും യഹോ​വ​യു​ടെ ജനത്തിനു ലോക​മെ​മ്പാ​ടും അംഗീ​കാ​രം ലഭിക്കു​ക​യാ​ണെ​ന്നും നിഗമനം ചെയ്യാൻ ഇടയാ​ക്കാ​നാ​കും. അത്തരം ചിന്ത വഞ്ചകമാ​യി​രി​ക്കാൻ കഴിയും. സംതൃ​പ്‌തി​ക​ര​മായ ചില വിജയങ്ങൾ നാം കൈവ​രി​ക്കു​ക​യും ചില ദേശങ്ങ​ളിൽ സുവാർത്ത​യോ​ടു​ളള തടസ്സങ്ങൾ കുറയ്‌ക്കു​ന്ന​തിൽ ഒരു പരിധി​വരെ വിജയം നേടു​ക​യും ചെയ്‌തി​ട്ടു​ണ്ടെ​ങ്കി​ലും ലോക​ത്തോ​ടു​ളള നമ്മുടെ അടിസ്ഥാ​ന​ബന്ധം മാററം വരാതെ നില​കൊ​ള​ളു​ന്നു​വെന്നു നാം മറക്കരുത്‌. യേശു​വി​ന്റെ അനുഗാ​മി​ക​ളെന്ന നിലയിൽ നാം “ലോക​ത്തി​ന്റെ ഭാഗമല്ല.” അതു​കൊ​ണ്ടു​തന്നെ നമ്മെ ‘സകലജാ​തി​ക​ളും പകെക്കും’ എന്ന്‌ ഉറപ്പു​ള​ള​വ​രാ​യി​രി​ക്കാൻ കഴിയും. (യോഹ. 15:19, NW; മത്താ. 24:9) ഈ വ്യവസ്ഥി​തി തുടരു​ന്നി​ട​ത്തോ​ളം കാലം “ക്രിസ്‌തു​യേ​ശു​വിൽ ഭക്തി​യോ​ടെ ജീവി​പ്പാൻ മനസ്സു​ള​ള​വർക്കു എല്ലാം ഉപദ്രവം ഉണ്ടാകും” എന്ന അടിസ്ഥാന നിയമത്തെ യാതൊ​ന്നും മാററാൻ പോകു​ന്നില്ല.—2 തിമൊ. 3:12.

³ ഈ മുന്നറി​യി​പ്പി​ന്റെ സത്യത​യ്‌ക്കു ചരി​ത്ര​ത്തി​ന്റെ ഏടുകൾ സാക്ഷ്യം വഹിക്കു​ന്നു. ക്രിസ്‌ത്യാ​നി​ത്വ​ത്തി​ന്റെ സ്ഥാപക​നായ യേശു ശക്തരായ ഭരണാ​ധി​പൻമാ​രു​ടെ​യും അവരുടെ പ്രജക​ളു​ടെ​യും മുമ്പാകെ അത്ഭുത​ക​ര​മായ സാക്ഷ്യം കൊടു​ത്തി​ട്ടും അവിടുന്ന്‌ ദിവസ​വും ദ്രോഹം സഹിച്ചു, കൊല്ല​പ്പെ​ടു​മെന്ന നിരന്തര അപകട​ത്തി​ലു​മാ​യി​രു​ന്നു. അവിടു​ത്തെ അപ്പോ​സ്‌ത​ലൻമാർ ശിഷ്യ​രാ​യി​ത്തീ​രാൻ പലരെ​യും സഹായി​ക്കു​ക​യും ഗ്രീക്കു തിരു​വെ​ഴു​ത്തു​കൾ എഴുതു​ന്ന​തിൽ പങ്കെടു​ക്കു​ക​യും ആത്മാവി​ന്റെ അത്ഭുത​ക​ര​മായ വരങ്ങൾ പ്രകട​മാ​ക്കു​ക​യും ചെയ്‌തെ​ങ്കിൽപ്പോ​ലും അവരോ​ടും സമാന​മാം​വി​ധം വിദ്വേ​ഷം പുലർത്തു​ക​യും മോശ​മാ​യി പെരു​മാ​റു​ക​യും ചെയ്‌തു. അവർക്കു നല്ല നടത്തയും അയൽക്കാ​ര​നോ​ടു​ളള സ്‌നേ​ഹ​വും ഉണ്ടായി​രു​ന്നി​ട്ടും “എല്ലായി​ട​ത്തും ആളുകൾ എതിർത്തു സംസാ​രി​ക്കുന്ന” ഒരു വെറു​ക്കത്തക്ക “മതവി​ഭാഗ”മായി എല്ലാ ക്രിസ്‌ത്യാ​നി​ക​ളെ​യും ഭൂരി​ഭാ​ഗ​മാ​ളു​ക​ളും വീക്ഷിച്ചു. (പ്രവൃ. 28:22, പി.ഒ.സി. ബൈബിൾ) ഇന്നു ലോക​വ്യാ​പ​ക​മായ ക്രിസ്‌തീയ സഭയെ തന്റെ ഇഷ്ടം നടപ്പാ​ക്കാൻ അത്ഭുത​ക​ര​മായ ഒരു വിധത്തിൽ യഹോവ ഉപയോ​ഗി​ക്കവേ, ഈ ദുഷ്ട വ്യവസ്ഥി​തി​യി​ലെ ഓരോ ഘടകങ്ങ​ളും അതിനെ തുടർച്ച​യാ​യി എതിർക്കു​ക​യും ദ്വേഷി​ക്കു​ക​യും ചെയ്‌തു​കൊ​ണ്ടി​രി​ക്കു​ന്നു. എതിർപ്പു കുറയു​മെന്നു പ്രതീ​ക്ഷി​ക്കാൻ യാതൊ​രു കാരണ​വു​മില്ല.

⁴ ഒന്നാം നൂററാ​ണ്ടിൽ സാത്താൻ യേശു​വി​ന്റെ ശിഷ്യൻമാ​രെ പല വിധങ്ങ​ളിൽ പീഡി​പ്പി​ച്ചു. വിദ്വേ​ഷം​പൂണ്ട എതിരാ​ളി​കൾ അവരെ തെററാ​യി പ്രതി​നി​ധാ​നം ചെയ്‌ത ചുട്ട നുണങ്ങൾ പറഞ്ഞു. (പ്രവൃ. 14:2) അവരെ ഭീഷണി​പ്പെ​ടു​ത്താ​നു​ളള ഒരു ഉദ്യമ​ത്തിൽ ദുഷ്ടമായ ഭീഷണി​കളെ ഉപയോ​ഗി​ച്ചു. (പ്രവൃ. 4:17, 18) കോപാ​കു​ല​രായ ജനക്കൂ​ട്ടങ്ങൾ അവരെ നിശ്ശബ്ദ​രാ​ക്കാൻ ശ്രമിച്ചു. (പ്രവൃ. 19:29-34) ന്യായ​മായ കാരണം കൂടാതെ അവർ തടവി​ലാ​ക്ക​പ്പെട്ടു. (പ്രവൃ. 12:4, 5) പീഡകർ മിക്ക​പ്പോ​ഴും ശാരീ​രിക അക്രമ​ത്തി​ലേക്കു തിരിഞ്ഞു. (പ്രവൃ. 14:19) ചില കേസു​ക​ളിൽ കുററ​ര​ഹി​തർ മനഃപൂർവം കൊല​ചെ​യ്യ​പ്പെട്ടു. (പ്രവൃ. 7:54-60) ഫലത്തിൽ ദ്രോ​ഹ​ത്തി​ന്റെ ഇത്തരം എല്ലാ രൂപങ്ങ​ളും അപ്പോ​സ്‌ത​ല​നായ പൗലോസ്‌ വ്യക്തി​പ​ര​മാ​യി സഹിച്ചു. (2 കൊരി. 11:23-27) പ്രസം​ഗ​പ്ര​വർത്ത​നത്തെ തടസ്സ​പ്പെ​ടു​ത്തു​ന്ന​തിന്‌ ഏതവസ​ര​വും ചൂഷണം ചെയ്യാ​നും വിശ്വ​സ്‌ത​രായ ഈ പ്രവർത്ത​കർക്കു കഷ്ടപ്പാടു വരുത്താ​നും ശത്രുക്കൾ തിടു​ക്ക​മു​ള​ള​വ​രാ​യി​രു​ന്നു.

⁵ ഇന്നു സാത്താൻ സമാന​മായ തന്ത്രങ്ങൾ ഉപയോ​ഗി​ക്കു​ന്നുണ്ട്‌. ചുട്ട നുണകൾ പറയു​ന്നുണ്ട്‌, തെററാ​യി നയിക്ക​പ്പെ​ടുന്ന ഒരു മതവി​ഭാ​ഗ​മോ വ്യക്തി​പൂ​ജാ​പ്ര​സ്ഥാ​ന​മോ ആയി നമ്മെ വ്യാജ​മാ​യി ചിത്രീ​ക​രി​ക്കു​ന്നുണ്ട്‌. ചില ദേശങ്ങ​ളിൽ നമ്മുടെ സാഹി​ത്യ​ങ്ങൾ ശിഥി​ലീ​കരണ സ്വഭാ​വ​മു​ള​ള​താ​ണെന്നു പറഞ്ഞ്‌ അധികാ​രി​കൾ അവയെ നിരോ​ധി​ച്ചി​ട്ടുണ്ട്‌. രക്തത്തിന്റെ പവി​ത്ര​ത​യോ​ടു​ളള നമ്മുടെ ആദരവു പരസ്യ​മാ​യി പരിഹ​സി​ക്ക​പ്പെ​ടു​ക​യും വെല്ലു​വി​ളി​ക്ക​പ്പെ​ടു​ക​യും ചെയ്‌തി​ട്ടുണ്ട്‌. 1940-കളിൽ പതാകാ​വന്ദന പ്രശ്‌ന​ത്തെ​ച്ചൊ​ല്ലി കുപി​ത​രായ ജനക്കൂ​ട്ടങ്ങൾ നമ്മുടെ സഹോ​ദ​ര​ങ്ങളെ ആക്രമി​ക്കു​ക​യും ദ്രോ​ഹി​ക്കു​ക​യും അവരുടെ സ്വത്തുക്കൾ നശിപ്പി​ക്കു​ക​യും ചെയ്‌തു. നിഷ്‌പ​ക്ഷ​ത​യു​ടെ പേരിൽ ആയിരങ്ങൾ ജയിലി​ല​ട​യ്‌ക്ക​പ്പെ​ട്ടി​ട്ടുണ്ട്‌. ഏകാധി​പ​ത്യ​ഭ​ര​ണ​മു​ളള നാടു​ക​ളിൽ നമ്മുടെ സഹോ​ദ​രങ്ങൾ ഭരണകൂ​ടത്തെ മറിച്ചി​ടു​ന്ന​വ​രാ​യി കുററം ചുമത്ത​പ്പെ​ട്ടി​ട്ടുണ്ട്‌, തടവറ​ക​ളി​ലും തടങ്കൽപ്പാ​ള​യ​ങ്ങ​ളി​ലും നൂറു​ക​ണ​ക്കി​നാ​ളു​കൾ മൃഗീ​യ​മാ​യി പീഡി​പ്പി​ക്ക​പ്പെ​ടു​ന്ന​തി​ലും കൊല്ല​പ്പെ​ടു​ന്ന​തി​ലും അതു കലാശി​ച്ചി​ട്ടുണ്ട്‌. ന്യായ​മായ കാരണം കൂടാതെ നാം വിദ്വേ​ഷ​ത്തി​ന്റെ പാത്ര​ങ്ങ​ളാ​കു​ക​യാ​ണെന്നു പ്രകട​മാ​ക്കി​ക്കൊണ്ട്‌ സമ്മർദം കരുണ​യി​ല്ലാ​ത്ത​താ​യി​രു​ന്നി​ട്ടുണ്ട്‌.—യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുസ്‌ത​ക​ത്തി​ന്റെ 29-ാം അധ്യായം കാണുക.

⁶ ഭാവി​യിൽ എന്തു പ്രതീ​ക്ഷി​ക്കാൻ കഴിയും? ലോക​ത്തി​ന്റെ ഏതെങ്കി​ലും ഭാഗത്തു​ളള സമ്മർദം ലഘൂക​രി​ക്കാൻ ഇടയ്‌ക്കി​ട​യ്‌ക്കു യഹോ​വ​യു​ടെ ജനം ചില വൻനേ​ട്ടങ്ങൾ കൈവ​രി​ക്കു​മ്പോൾ മൊത്ത​ത്തി​ലു​ളള സ്ഥിതി​വി​ശേഷം മാററ​മി​ല്ലാ​തെ നില​കൊ​ള​ളു​ക​യാണ്‌. 1914-ൽ തനിക്കു നേരിട്ട അപമാനം നിമിത്തം പിശാച്‌ ക്രുദ്ധ​നാ​യി കഴിയു​ക​യാണ്‌. തന്റെ സമയം കുറച്ചു മാത്ര​മേ​യു​ള​ളൂ​വെന്ന്‌ അവനറി​യാം. മഹോ​പ​ദ്രവം അടുത്തു​വ​രവേ അവന്റെ കോപം കഠിന​മാ​കു​മെന്ന്‌ ഉറപ്പാണ്‌. സിംഹാ​സ​ന​സ്ഥ​രാ​ജാ​വായ ക്രിസ്‌തു​യേ​ശു​വിന്‌ എതിരായ യുദ്ധത്തിന്‌ അവൻ പൂർണ​മാ​യി അർപ്പി​ത​നാണ്‌, അവസാ​നം​വരെ പോരാ​ടാൻ അവൻ ദൃഢനി​ശ്ചയം ചെയ്‌തി​രി​ക്കു​ക​യാണ്‌. അവനും അവന്റെ ഭൂതങ്ങൾക്കും ഇവിടെ ഈ ഭൂമി​യിൽ വിശ്വ​സ്‌ത​ത​യോ​ടെ “ദൈവ​ക​ല്‌പന പ്രമാ​ണി​ക്കു​ന്ന​വ​രും യേശു​വി​ന്റെ സാക്ഷ്യം ഉളളവ​രു​മായ” യഹോ​വ​യു​ടെ ജനത്തിന്റെ നേർക്കു മാത്രമേ തങ്ങളുടെ കോപം പ്രകടി​പ്പി​ക്കാൻ കഴിയു​ക​യു​ളളൂ.—വെളി. 12:12, 17.

⁷ അതു​കൊണ്ട്‌ നാം ഭാവി​യി​ലേക്കു നോക്കു​മ്പോൾ നമുക്കു പ്രതീ​ക്ഷി​ക്കാൻ കഴിയുന്ന സംഗതി​യിൽ നാം യാഥാർഥ്യ​ബോ​ധ​മു​ള​ള​വ​രാ​യിരി​ക്കണം. പിശാച്‌ തന്റെ വിദ്വേ​ഷം പരിത്യ​ജി​ക്കു​മെ​ന്നോ ശ്രമം ഉപേക്ഷി​ച്ചു​ക​ള​യു​മെ​ന്നോ ചിന്തി​ക്കാൻ നമുക്കു യാതൊ​രു കാരണ​വു​മില്ല. അവൻ ലോക​ത്തിൽ നമുക്കു നേർക്ക്‌ വളർത്തി​യെ​ടു​ത്തി​രി​ക്കുന്ന വിദ്വേ​ഷം ഏതു സമയത്തും ഏതു സ്ഥലത്തും പൊട്ടി​പ്പു​റ​പ്പെ​ടാം. ദീർഘ​കാ​ലം മല്ലടി​ച്ച​തി​നു​ശേഷം മാത്ര​മാ​ണു പ്രസം​ഗി​ക്കാ​നു​ളള നമ്മുടെ സ്വാത​ന്ത്ര്യം അനേകം ദേശങ്ങ​ളിൽ സുരക്ഷി​ത​മാ​യത്‌. ഇപ്പോൾ ഭരണം നടത്തുന്ന അനുക​മ്പ​യു​ളള ഏതെങ്കി​ലും ഭരണാ​ധി​കാ​രി​യാ​ലോ ജനപ്രീ​തി​യി​ല്ലാത്ത നിയമ​ത്താ​ലോ ഉളള ആ സ്വാത​ന്ത്ര്യം വളരെ ദുർബ​ല​മാ​യി​രി​ക്കാം. മനുഷ്യാ​വ​കാ​ശ​ങ്ങളെ തോന്ന്യാ​സം ദ്രോ​ഹി​ക്കു​ന്ന​തും ക്രമരാ​ഹി​ത്യം വരുത്തി​വ​യ്‌ക്കു​ന്ന​തു​മായ നാടകീയ കോളി​ള​ക്കങ്ങൾ രായ്‌ക്കു​രാ​മാ​നം സംഭവി​ക്കാം.

⁸ ചില രാജ്യ​ങ്ങ​ളിൽ നാം ഇപ്പോൾ ആസ്വദി​ക്കുന്ന സമൃദ്ധി​യും സ്വാത​ന്ത്ര്യ​വും നമ്മുടെ സഹോ​ദ​രങ്ങൾ കഴിഞ്ഞ കാലത്തു അനുഭ​വി​ച്ചി​ട്ടു​ളള അതേ ദ്രോ​ഹ​ങ്ങൾക്ക്‌ അവരെ അടിമ​ക​ളാ​ക്കി​ക്കൊണ്ട്‌ പെട്ടെന്ന്‌ അവസാ​നി​ക്കാ​വു​ന്ന​താണ്‌. നമ്മുടെ പ്രതി​യോ​ഗി​കൾ കീഴ്‌പെ​ടു​ത്ത​പ്പെ​ട്ടി​രി​ക്കു​ന്നു എന്നു വിചാ​രി​ച്ചു​കൊണ്ട്‌ വികാ​ര​ശൂ​ന്യ​ത​യു​ടെ​യോ ഉദാസീ​ന​ത​യു​ടെ​യോ ഒരു ആത്മാവി​ലേക്കു പോകാൻ നാം നമ്മെ അനുവ​ദി​ക്കു​ന്ന​തി​നു ധൈര്യ​പ്പെ​ടു​ന്നില്ല. ഈ ലോക​ത്തി​ന്റെ വിദ്വേ​ഷം എല്ലായ്‌പോ​ഴും പൂർണ​മാ​യും പ്രകട​മാ​കാ​തി​രു​ന്നേ​ക്കാം, എന്നാൽ അതു തീവ്ര​മാ​യി​ത്തന്നെ അവശേ​ഷി​ക്കു​ന്നു. അവസാനം അടുത്തു​വ​രു​ന്ന​തോ​ടെ ഈ ലോക​ത്തി​ന്റെ എതിർപ്പു കുറയു​ന്ന​തി​നു പകരം ശക്തി​പ്പെ​ടു​മെന്നു ദൈവ​വ​ച​ന​ത്തി​ലെ സകല കാര്യ​ങ്ങ​ളും പ്രകട​മാ​ക്കു​ന്നു. അതു​കൊണ്ട്‌, “പാമ്പി​നെ​പ്പോ​ലെ ബുദ്ധി​യു​ള​ള​വ​രും പ്രാവി​നെ​പ്പോ​ലെ കളങ്കമി​ല്ലാ​ത്ത​വ​രും” ആണെന്നു സ്വയം പ്രകട​മാ​ക്കി​ക്കൊണ്ട്‌ നാം ജാഗ്രത പുലർത്തേ​ണ്ട​തുണ്ട്‌. (മത്താ. 10:16) അവസാ​നം​വരെ നമുക്ക്‌ “ഒരു കടുത്ത പോരാ​ട്ടം” ഉണ്ടായി​രി​ക്കു​മെന്നു നാം മനസ്സി​ലാ​ക്കേ​ണ്ട​തുണ്ട്‌, നമ്മുടെ അതിജീ​വ​ന​ത്തി​നു​ളള താക്കോൽ സഹിഷ്‌ണു​ത​യാണ്‌.—യൂദാ 3, NW; മത്താ. 24:13.

⁹ നാം ജീവി​ക്കുന്ന ലോക​ത്തി​ന്റെ ഭാഗത്ത്‌ എതിരാ​ളി​ക​ളാ​ലു​ളള ദൃശ്യ​മായ യാതൊ​രു തടസ്സവും കൂടാതെ പ്രവർത്തനം പുരോ​ഗ​മി​ക്കു​ന്നു​ണ്ടാ​യി​രി​ക്കാം. സാരമായ ഉത്‌ക​ണ്‌ഠ​യ്‌ക്ക്‌ എന്തെങ്കി​ലും കാരണം ഉണ്ടായി​രി​ക്കു​ന്നതു സംബന്ധിച്ച്‌ ഇതിനു നമ്മെ സംശയാ​ലു​ക്ക​ളാ​ക്കാൻ കഴിയും. എന്നിരു​ന്നാ​ലും ജാഗ്രത പുലർത്തേണ്ട ആവശ്യ​മുണ്ട്‌. സാഹച​ര്യ​ങ്ങൾക്കു വളരെ വേഗം മാററം വരാം. മുന്നറി​യി​പ്പി​ല്ലാ​തെ ശത്രു​ക്കൾക്ക്‌ ഏതെങ്കി​ലും വിഷയത്തെ ചൂഷണം ചെയ്യാ​നും നമു​ക്കെ​തി​രെ അത്‌ ഉപയോ​ഗി​ക്കാ​നും കഴിയും. വിശ്വാ​സ​ത്യാ​ഗി​കൾ എന്തെങ്കി​ലും പരാതി​ക്കു​ളള കാരണങ്ങൾ നിരന്തരം പരതു​ക​യാണ്‌. നമ്മുടെ പ്രവർത്ത​ന​ത്താൽ ഭീഷണി​പ്പെ​ടു​ത്ത​പ്പെ​ടു​ന്നു എന്നു വിചാ​രി​ക്കുന്ന പ്രകോ​പി​ത​രായ പുരോ​ഹി​തൻമാർ നമ്മെ പരസ്യ​മാ​യി അപലപി​ച്ചേ​ക്കാം. ഒരു ജനസമു​ദാ​യ​ത്തിൽ ഒരു രാജ്യ​ഹാൾ നിർമി​ക്കു​ന്ന​തി​നു​ളള നമ്മുടെ ആസൂ​ത്ര​ണങ്ങൾ അയൽവ​ക്ക​ത്തെ​യാ​കെ അരിശം​കൊ​ള​ളി​ക്കു​മാറ്‌ വലി​യൊ​രു വിവാ​ദ​വി​ഷ​യ​മാ​യി​ത്തീ​രാം. നമുക്ക്‌ അപകീർത്തി തന്നു​കൊണ്ട്‌ കോപം ജ്വലി​പ്പി​ക്കുന്ന പ്രസ്‌താ​വ​നകൾ അച്ചടി​ച്ചി​റ​ങ്ങി​യേ​ക്കാം. പ്രാ​ദേ​ശിക സ്ഥലത്തെ പ്രമു​ഖ​രായ ആളുകൾ ഉദ്ദേശ്യ​പൂർവം നമ്മെക്കു​റി​ച്ചു തെററി​ദ്ധാ​രണ പരത്തി​യേ​ക്കാം. ഇതു നമ്മുടെ അയൽക്കാർ നമ്മോടു ശത്രു​ത​യു​ള​ള​വ​രാ​യി​ത്തീ​രാൻ ഇടയാ​ക്കു​ന്നു. നമ്മുടെ സ്വന്തം വീട്ടി​ലു​ളള പ്രിയ​പ്പെ​ട്ട​വർപോ​ലും നീരസ​പ്പെ​ടു​ക​യും നമ്മെ പീഡി​പ്പി​ക്കു​ക​യും ചെയ്‌തേ​ക്കാം. അതു​കൊണ്ട്‌ ഈ ലോക​ത്തി​ന്റെ ശത്രുത വളരെ സജീവ​മാ​ണെന്നു തിരി​ച്ച​റി​ഞ്ഞു​കൊണ്ട്‌ ജാഗ്രത പുലർത്തേണ്ട ആവശ്യ​മുണ്ട്‌, ആ ശത്രുത എപ്പോൾ വേണ​മെ​ങ്കി​ലും പുറത്തു​വ​ന്നേ​ക്കാം.

¹⁰ ഇതു നമ്മെ എങ്ങനെ ബാധി​ക്കണം? ഇതെല്ലാം നമ്മുടെ ചിന്ത​യെ​യും ഭാവി സംബന്ധിച്ച വീക്ഷണ​ത്തെ​യും ബാധി​ക്കു​ക​തന്നെ ചെയ്യുന്നു. ഏതു വിധത്തിൽ? നാം സഹി​ക്കേ​ണ്ടി​വ​ന്നേ​ക്കാ​വുന്ന കാര്യം സംബന്ധിച്ച്‌ ഇതു നമ്മെ ഭയപ്പെ​ടു​ത്ത​ണ​മോ? നമ്മുടെ ജനസമു​ദാ​യ​ത്തിൽ ചിലർ നമ്മുടെ പ്രസം​ഗ​പ്ര​വർത്ത​ന​ത്താൽ അസ്വസ്ഥ​രാ​യി​രു​ന്നേ​ക്കാ​മെ​ന്നതു നിമിത്തം നാം ആ പ്രവർത്ത​ന​ത്തിൽ മാന്ദ്യ​മു​ള​ള​വ​രാ​ക​ണ​മോ? നമ്മെക്കു​റിച്ച്‌ അനീതി​പൂർവം ദുഷി പറയു​മ്പോൾ നാം അസ്വസ്ഥ​രാ​കു​ന്ന​തിന്‌ എന്തെങ്കി​ലും ഈടുററ കാരണ​മു​ണ്ടോ? കടുത്ത പെരു​മാ​ററം യഹോ​വയെ സേവി​ക്കു​ന്ന​തി​ലു​ളള നമ്മുടെ സന്തോ​ഷത്തെ കവർന്നു​ക​ള​യേ​ണ്ട​തു​ണ്ടോ? പരിണ​ത​ഫലം സംബന്ധിച്ച്‌ എന്തെങ്കി​ലും അനിശ്ചി​ത​ത്വം ഉണ്ടോ? ഇല്ല, തീർച്ച​യാ​യു​മില്ല! എന്തു​കൊ​ണ്ടില്ല?

¹¹ നാം പ്രഘോ​ഷി​ക്കുന്ന സന്ദേശം നമ്മിൽനിന്ന്‌ ഉടലെ​ടു​ക്കു​ന്നതല്ല, പിന്നെ​യോ അതു യഹോ​വ​യിൽനി​ന്നു വരുന്ന​താണ്‌ എന്ന വീക്ഷണം നാം ഒരിക്ക​ലും കൈ​വെ​ടി​യ​രുത്‌. (യിരെ. 1:9) “അവന്റെ നാമത്തെ വിളി​ച്ച​പേ​ക്ഷി​പ്പിൻ ജാതി​ക​ളു​ടെ ഇടയിൽ അവന്റെ പ്രവൃ​ത്തി​കളെ അറിയി​പ്പിൻ; . . . ഭൂമി​യിൽ എല്ലാട​വും പ്രസി​ദ്ധ​മാ​യ്‌വ​രട്ടെ” എന്ന ഉദ്‌ബോ​ധ​ന​ത്തി​നു ചെവി കൊടു​ക്കാ​നു​ളള കടപ്പാ​ടിൻ കീഴി​ലാ​ണു നാം. (യെശ. 12:4, 5) ഒരു പ്രത്യേക കാരണം നിമിത്തം, അതായത്‌ ‘അവന്റെ നാമം സർവ്വഭൂ​മി​യി​ലും പ്രസ്‌താ​വി​ക്ക​പ്പെ​ടേ​ണ്ട​തിന്‌’ തന്റെ ജനത്തിന്റെ നേർക്കു​ളള ദുഷ്‌പെ​രു​മാ​റ​റത്തെ അവിടുന്ന്‌ സഹിച്ചു​നി​ന്നി​രി​ക്കു​ന്നു. (പുറ. 9:16) യഹോവ കൽപ്പിച്ച ഒരു വേലയാ​ണു നാം ചെയ്യു​ന്നത്‌. നിർഭയം തുറന്നു സംസാ​രി​ക്കാ​നു​ളള ധൈര്യം നമുക്കു തരുന്നത്‌ അവിടു​ന്നാണ്‌. (പ്രവൃ. 4:29-31) പഴയ വ്യവസ്ഥി​തി​യു​ടെ ഈ അവസാന നാളു​ക​ളിൽ ചെയ്യാ​വുന്ന അതി​പ്ര​ധാ​ന​വും പ്രയോ​ജ​ന​പ്ര​ദ​വും അടിയ​ന്തി​ര​വു​മായ വേല ഇതാണ്‌.

¹² സാത്താ​നും ഈ ലോക​ത്തി​നും നേരെ എതിരാ​യി ഒരു ഉറച്ച നിലപാ​ടെ​ടു​ക്കാ​നു​ളള ധൈര്യം ഈ അറിവു നമുക്കു പ്രദാനം ചെയ്യുന്നു. (1 പത്രൊ. 5:8, 9) യഹോവ നമ്മോ​ടു​കൂ​ടെ ഉണ്ടെന്ന​റി​യു​ന്നത്‌ നമ്മുടെ പീഡക​രു​ടെ മുമ്പാ​കെ​യു​ളള ഏതു ഭയത്തെ​യും ദൂരീ​ക​രി​ച്ചു​കൊണ്ട്‌ നമ്മെ “ബലവും ധൈര്യ​വു​മു​ള​ള​വരാ”ക്കുന്നു. (ആവ. 31:6; എബ്രാ. 13:6) ശത്രു​ക്ക​ളാൽ ഭീഷണി​പ്പെ​ടു​ത്ത​പ്പെ​ടു​മ്പോൾ നാം ഇനി എപ്പോ​ഴും നയമു​ള​ള​വ​രും ന്യായ​ബോ​ധ​മു​ള​ള​വ​രും വിവേ​കി​ക​ളും ആയിരി​ക്കു​മ്പോൾത്തന്നെ നമ്മുടെ ആരാധന വെല്ലു​വി​ളി​ക്ക​പ്പെ​ടു​മ്പോൾ “മനുഷ്യ​രെ​ക്കാൾ ദൈവത്തെ അനുസ​രി​ക്കാൻ” നാം ദൃഢതീ​രു​മാ​നം ചെയ്‌തി​രി​ക്കു​ന്ന​വ​രാ​ണെന്നു വ്യക്തമാ​ക്കും. (പ്രവൃ. 5:29) നമ്മുടെ പ്രതി​വാ​ദ​ത്തി​നാ​യി സംസാ​രി​ക്കാ​നു​ളള ന്യായ​മായ അവസരങ്ങൾ ഉളള​പ്പോൾ നാം അങ്ങനെ ചെയ്യും. (1 പത്രൊ. 3:15) എന്നിരു​ന്നാ​ലും, നമ്മെ നാണം കെടു​ത്താൻ മാത്രം താത്‌പ​ര്യ​മു​ളള കഠിന​രായ എതിരാ​ളി​ക​ളോ​ടു തർക്കി​ച്ചു​കൊ​ണ്ടു നമ്മുടെ സമയം പാഴാ​ക്കാൻ നാം ആഗ്രഹി​ക്കു​ക​യില്ല. അവർ നമു​ക്കെ​തി​രാ​യി ദുഷി പറയു​ക​യോ നമ്മെ കുററ​പ്പെ​ടു​ത്തു​ക​യോ ചെയ്യു​മ്പോൾ പ്രകോ​പി​ത​രാ​കു​ക​യോ പ്രതി​കാ​രം ചെയ്യാൻ ശ്രമി​ക്കു​ക​യോ ചെയ്യു​ന്ന​തി​നു പകരം നാം കേവലം ‘അവരെ വിടുന്നു.’—മത്താ. 15:14.

¹³ പീഡാ​നു​ഭ​വ​ങ്ങ​ളി​ലൂ​ടെ​യു​ളള നമ്മുടെ സഹിഷ്‌ണുത യഹോ​വ​യ്‌ക്കു സന്തോ​ഷ​ക​ര​മാണ്‌. (1 പത്രൊ. 2:19) ആ അംഗീ​കാ​ര​ത്തി​നാ​യി നാം എന്തു വില കൊടു​ക്കണം? നമ്മോടു വിദ്വേ​ഷ​വും എതിർപ്പും കാണി​ക്കു​ന്ന​തു​കൊണ്ട്‌ സന്തോ​ഷ​ര​ഹി​ത​മായ സേവന​ത്തി​നു നമ്മെത്തന്നെ ഏൽപ്പി​ച്ചു​കൊ​ടു​ക്ക​ണ​മോ? തീർച്ച​യാ​യും അരുത്‌! “സന്തോ​ഷ​വും സമാധാ​ന​വും​കൊ​ണ്ടു” നമ്മുടെ അനുസ​ര​ണ​ത്തി​നു പ്രതി​ഫലം തരു​മെന്നു യഹോവ വാഗ്‌ദത്തം ചെയ്യുന്നു. (റോമ. 15:13) കഠിന​മായ ദുരിതം ഉണ്ടായി​രു​ന്നി​ട്ടു​പോ​ലും “തന്റെ മുമ്പിൽ വെച്ചി​രുന്ന സന്തോഷം” നിമിത്തം യേശു സന്തുഷ്ട​നാ​യി നില​കൊ​ണ്ടു. (എബ്രാ. 12:2) അതുതന്നെ നമ്മെ സംബന്ധി​ച്ചും സത്യമാണ്‌. വളരെ കടുത്ത പീഡാ​നു​ഭ​വങ്ങൾ നാം അനുഭ​വി​ച്ചാ​ലും നമ്മുടെ സഹിഷ്‌ണു​ത​യ്‌ക്കു​ളള പ്രതി​ഫലം വളരെ വലുതാ​യ​തു​കൊണ്ട്‌ “സന്തോ​ഷി​ച്ചു​ല്ലസി”ക്കാൻ നാം പ്രേരി​ത​രാ​കു​ന്നു. (മത്താ. 5:11, 12) പ്രാതി​കൂ​ല്യ​ത്തി​ന്റെ സമയത്തു​പോ​ലും ഈ സന്തോഷം, അതിൽത്തന്നെ, രാജ്യ​സ​ന്ദേ​ശ​ത്തി​ന്റെ പിന്തുണ കൊടു​ത്തു​കൊ​ണ്ടു യഹോ​വക്കു സ്‌തു​തി​യും മഹത്ത്വ​വും നൽകാ​നു​ളള ഒരു കാരണ​മാണ്‌.

¹⁴ ഭയമോ ചാഞ്ചല്യ​മോ തോന്നാൻ നമുക്കു കാരണ​മേ​കി​ക്കൊണ്ട്‌ അന്തിമ​ഫ​ലത്തെ സംബന്ധിച്ച്‌ എന്തെങ്കി​ലും അനിശ്ചി​ത​ത്വ​മു​ണ്ടോ? ഇല്ല, യഹോ​വ​യു​ടെ സ്ഥാപന​വും സാത്താന്റെ ലോക​വും തമ്മിലു​ളള പോരാ​ട്ട​ത്തി​ന്റെ ഫലം ദീർഘ​കാ​ലം മുമ്പേ തീരു​മാ​നി​ക്ക​പ്പെ​ട്ടു​ക​ഴി​ഞ്ഞു. (1 യോഹ. 2:15-17) എതിർപ്പി​ന്റെ തീവ്ര​ത​യും അളവും ഗണ്യമാ​ക്കാ​തെ യഹോവ നമുക്കു വിജയം തരും. (യെശ. 54:17; റോമ. 8:31, 37) നാം പൂർണ​മാ​യി പരീക്ഷി​ക്ക​പ്പെ​ടു​ന്നെ​ങ്കി​ലും പ്രതി​ഫലം കിട്ടു​ന്ന​തിൽനി​ന്നു നമ്മെ തടയുന്ന യാതൊ​ന്നു​മില്ല. “ഒന്നി​നെ​ക്കു​റി​ച്ചും ആകുല​രാ​കേണ്ട” യാതൊ​രു കാരണ​വും നമുക്കില്ല, കാരണം നമ്മുടെ അപേക്ഷ​കൾക്കു​ളള ഉത്തരമാ​യി യഹോവ നമുക്കു സമാധാ​നം തന്നിരി​ക്കു​ന്നു.—ഫിലി. 4:6, 7, പി.ഒ.സി. ബൈ.

¹⁵ അതു​കൊണ്ട്‌ നമ്മുടെ സഹോ​ദ​രങ്ങൾ പീഡന​ത്തിൽനി​ന്നു രക്ഷപെ​ടു​ത്ത​പ്പെ​ടു​ന്ന​തി​നെ​ക്കു​റി​ച്ചോ കഴിഞ്ഞ കാലത്തു തങ്ങളെ വിലക്കി​യി​രുന്ന പ്രദേ​ശ​ങ്ങ​ളിൽ പ്രസം​ഗി​ക്കാ​നു​ളള സ്വാത​ന്ത്ര്യം ലഭിച്ച​തി​നെ​ക്കു​റി​ച്ചോ ഉളള റിപ്പോർട്ടു​കൾ കേൾക്കുന്ന ഓരോ സമയത്തും നാം യഹോ​വ​യ്‌ക്കു നന്ദി കൊടു​ക്കു​ന്നു. മാറി​വ​രുന്ന സാഹച​ര്യ​ങ്ങൾ ആത്മാർഥ​ഹൃ​ദ​യ​രായ ആയിര​ക്ക​ണ​ക്കി​നാ​ളു​കൾക്കു രാജ്യ​സ​ന്ദേ​ശ​വു​മാ​യി സമ്പർക്ക​ത്തിൽ വരാൻ പുതിയ അവസരങ്ങൾ തുറന്നു​കൊ​ടു​ക്കു​മ്പോൾ നാം ആഹ്ലാദി​ക്കു​ന്നു. വിദ്വേ​ഷം​പൂണ്ട എതിരാ​ളി​ക​ളോ​ടു​ളള ഏററു​മു​ട്ട​ലു​ക​ളിൽ നമുക്കു വിജയം തരാൻ യഹോവ തീരു​മാ​നി​ക്കു​മ്പോൾ നാം തീർച്ച​യാ​യും നന്ദിയു​ള​ള​വ​രാണ്‌. തന്റെ സത്യാ​രാ​ധ​ന​യു​ടെ ആലയത്തെ ഉയർത്താ​നാ​വ​ശ്യ​മായ ഏതു വിധത്തി​ലും അവിടുന്ന്‌ നമ്മുടെ പ്രവർത്ത​നത്തെ അനു​ഗ്ര​ഹി​ക്കു​ക​യും അഭിവൃ​ദ്ധി​പ്പെ​ടു​ത്തു​ക​യും ചെയ്യു​മെന്നു നമുക്ക​റി​യാം. സകല ജനതക​ളി​ലെ​യും “അഭികാ​മ്യ”രായവർക്കു പ്രവേ​ശി​ക്കാ​നു​ളള ഒരവസരം അവിടുന്ന്‌ കൊടു​ക്കു​ക​യും ചെയ്യും.—ഹഗ്ഗാ. 2:7; യെശ. 2:2-4.

¹⁶ അതേസ​മയം നമ്മുടെ ശത്രു​വായ സാത്താൻ വളരെ ശക്തനാ​ണെന്നു നമുക്കു പൂർണ​മായ ബോധ്യ​മുണ്ട്‌. അവസാ​നം​വരെ അവൻ നമ്മെ ശക്തമായി എതിർക്കാൻ പോകു​ക​യാണ്‌. അവന്റെ ആക്രമ​ണങ്ങൾ തുറന്ന​തും ഭയങ്കര​വു​മാ​യി​രു​ന്നേ​ക്കാം. അല്ലെങ്കിൽ അവ കുടി​ല​വും വഞ്ചനാ​ത്മ​ക​വു​മാ​യി​രു​ന്നേ​ക്കാം. കഴിഞ്ഞ കാലത്തു സമാധാ​നം മാത്രം ഉണ്ടായി​രു​ന്ന​താ​യി നമുക്ക​റി​യാ​വുന്ന സ്ഥലങ്ങളിൽ പീഡനം പെട്ടെന്നു പൊട്ടി​പ്പു​റ​പ്പെ​ട്ടേ​ക്കാം. ദുഷ്ടരായ എതിരാ​ളി​കൾ നമ്മെ അന്യാ​യ​മാ​യി എതിർക്കാ​നു​ളള ശ്രമങ്ങ​ളിൽ നീചൻമാ​രും കരുണ​യി​ല്ലാ​ത്ത​വ​രും ആയിരി​ക്കാം. തങ്ങൾ “ദൈവ​ത്തോ​ടു പോരാ​ടു​ന്നു” എന്നു തക്കസമ​യത്ത്‌ അത്തരക്കാർക്കു വ്യക്തമാ​കും, അവിടുന്ന്‌ അവരെ പരിപൂർണ​മാ​യി നശിപ്പി​ക്കു​ക​യും ചെയ്യും. (പ്രവൃ. 5:38, 39; 2 തെസ്സ. 1:6-9) അതിനി​ട​യിൽ, നാം എന്തുതന്നെ സഹി​ക്കേ​ണ്ടി​വ​ന്നാ​ലും യഹോ​വയെ വിശ്വ​സ്‌ത​മാ​യി സേവി​ക്കു​ന്ന​തി​ലും രാജ്യ​സ​ന്ദേശം പ്രസം​ഗി​ക്കു​ന്ന​തി​ലും അചഞ്ചല​മാ​യി നില​കൊ​ള​ളാൻ നാം ദൃഢനി​ശ്ച​യ​മു​ള​ള​വ​രാണ്‌. ഭൂമു​ഖത്തെ ഏററവും സന്തുഷ്ട​രായ ആളുകൾ നമ്മളാണ്‌, ‘അംഗീ​കാ​രം ലഭിക്കു​മ്പോൾ ജീവകി​രീ​ടം ലഭിക്കു​മെന്നു’ നമുക്ക​റി​യാം.—യാക്കോ. 1:12, NW.