മടക്കസ​ന്ദർശ​നങ്ങൾ നടത്തി​ക്കൊണ്ട്‌ കരുത​ലു​ള​ള​വ​രാ​ണെന്നു പ്രകട​മാ​ക്കു​ക

¹ വീടു​തോ​റും പോയി താത്‌പ​ര്യ​ക്കാ​രെ തിരയു​ന്നത്‌ രാജ്യ​സ​ന്ദേശം ശ്രവി​ക്കു​ന്ന​തി​നു​ളള അവസരം മററു​ള​ള​വർക്കു നൽകാ​നു​ളള നിങ്ങളു​ടെ ആഗ്രഹത്തെ പ്രകടി​പ്പി​ക്കു​ന്നു. അതു​കൊണ്ട്‌ ജനുവരി മാസത്തിൽ നിങ്ങൾ നടത്തുന്ന സാഹിത്യ സമർപ്പ​ണ​ങ്ങളെ നിശ്ചയ​മാ​യും പിന്തു​ട​രുക. മററു​ള​ള​വരെ സംബന്ധി​ച്ചു നിങ്ങൾ കരുത​ലു​ള​ള​വ​രാ​ണെന്നു പ്രകട​മാ​ക്കു​ന്ന​തി​നു​ളള ഒരു ഉത്തമ മാർഗ​മാ​ണിത്‌.

² “സുവാർത്ത നിങ്ങളെ സന്തുഷ്ട​രാ​ക്കാൻ” എന്ന പുസ്‌ത​ക​ത്തി​ന്റെ സമർപ്പ​ണത്തെ പിന്തു​ട​രു​ന്ന​തി​നു​ളള ഒരു നിർദേ​ശ​മി​താ:

◼“നാമെ​ല്ലാം സുവാർത്ത ലഭിക്കാൻ ആഗ്രഹി​ക്കു​ന്നു. യഥാർഥ സുവാർത്ത ഈ ലോക​ത്തിൽ ലഭ്യമ​ല്ലെ​ന്നാണ്‌ അനേക​രും വിചാ​രി​ക്കു​ന്നത്‌. നിങ്ങൾക്കെന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] സുവാർത്തക്കു നമ്മെ ഉൻമേ​ഷ​ഭ​രി​ത​രാ​ക്കു​ന്ന​തി​നും ഉണർവു​ള​ള​വ​രാ​ക്കു​ന്ന​തി​നും കഴിയു​മെന്നു നമു​ക്കെ​ല്ലാ​മ​റി​യാം. ഏററവും നല്ല വാർത്ത ബൈബി​ളിൽ കാണ​പ്പെ​ടു​ന്നു. ഭാവിയെ സംബന്ധിച്ച ആശ്രയ​യോ​ഗ്യ​മായ വിവര​ങ്ങ​ളു​ടെ ഏക ഉറവാ​ണിത്‌. [7-9 വരെ പേജു​ക​ളിൽ ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​കൾ ചൂണ്ടി​ക്കാ​ണി​ക്കുക.] ഇത്തരം അവസ്ഥകൾ പെട്ടെന്നു തന്നെ വരുന്നു എന്ന്‌ തെളി​യി​ച്ചു തരാൻ ഞങ്ങൾക്കു സന്തോ​ഷ​മുണ്ട്‌.” ഈ പുസ്‌തകം ഉപയോ​ഗി​ച്ചു​ളള ഒരു ബൈബി​ള​ധ്യ​യനം ഈ വാഗ്‌ദാ​ന​ങ്ങ​ളിൽ വിശ്വാ​സം പ്രകട​മാ​ക്കു​ന്ന​തിന്‌ ഒരു അടിസ്ഥാ​നം ഉണ്ടായി​രി​ക്കാൻ വീട്ടു​കാ​രനെ പ്രാപ്‌ത​നാ​ക്കു​മെന്നു വിശദീ​ക​രി​ക്കുക.

³ “നിന്റെ രാജ്യം വരേണമേ” എന്ന പുസ്‌ത​ക​മാ​ണു സമർപ്പി​ച്ച​തെ​ങ്കിൽ നിങ്ങളു​ടെ സംഭാ​ഷണം ഇപ്രകാ​രം തുടരാൻ ശ്രമി​ക്കാ​വു​ന്ന​താണ്‌:

◼“ദൈവ​രാ​ജ്യ​ത്തെ​യും അതു നമുക്കു​വേണ്ടി എന്തു ചെയ്യു​മെ​ന്ന​തി​നെ​യും കുറിച്ചു നാം നേരത്തെ സംസാ​രി​ക്കു​ക​യു​ണ്ടാ​യി. ആ രാജ്യം പെട്ടെ​ന്നു​തന്നെ ഈ ഭൂമിയെ ഒരു പറുദീ​സ​യാ​ക്കും. നാമി​തു​വരെ ഒരു പറുദീസ കണ്ടിട്ടി​ല്ലാ​ത്ത​സ്ഥി​തിക്ക്‌ അതൊന്നു ഭാവന​യിൽ കാണുക അത്ര എളുപ്പ​മാ​യി​രി​ക്കില്ല. അത്‌ ഏതാണ്ട്‌ ഇതു​പോ​ലി​രി​ക്കും. [4-ഉം 5-ഉം പേജു​ക​ളി​ലെ ചിത്രം പരാമർശി​ക്കുക.] ഇത്തര​മൊ​രു പറുദീ​സ​യാ​ണു ബൈബി​ളിൽ വാഗ്‌ദാ​നം ചെയ്‌തി​രി​ക്കു​ന്നത്‌.” സങ്കീർത്തനം 72:7 വായി​ക്കുക. താത്‌പ​ര്യം ഉണ്ടെങ്കിൽ, 175-ാം പേജിലെ 3-ഉം 4-ഉം ഖണ്ഡിക​ക​ളിൽനി​ന്നും വരാൻപോ​കുന്ന പറുദീ​സ​യിൽ ജീവി​ക്കാ​നാ​ഗ്ര​ഹി​ക്കു​ന്നെ​ങ്കിൽ നാം എന്തു ചെയ്യണ​മെന്നു കാണി​ക്കുക.

⁴ “യഥാർത്ഥ സമാധാ​ന​വും സുരക്ഷി​ത​ത്വ​വും—ഏത്‌ ഉറവിൽനിന്ന്‌?” എന്ന പുസ്‌തകം സമർപ്പി​ച്ചി​ടത്ത്‌ ഹ്രസ്വ​മായ ഈ അവതരണം നിങ്ങൾ ഉപയോ​ഗി​ച്ചേ​ക്കാം:

◼“സമാധാ​ന​വും സുരക്ഷി​ത​ത്വ​വും കൈവ​രു​ത്താൻ ലോക​നേ​താ​ക്കൾ പരാജ​യ​പ്പെ​ട്ടി​രി​ക്ക​യാണ്‌. അതു കൈവ​രു​ത്താൻ കഴിയുന്ന ഒരേ ഒരുവൻ യഹോവ മാത്ര​മാണ്‌. നാമെ​ന്താ​ണു ചെയ്യേ​ണ്ട​തെന്നു ബൈബിൾ പ്രകട​മാ​ക്കു​ന്നു. [ബൈബിൾ വാഗ്‌ദാ​ന​ങ്ങ​ളിൽ വിശ്വാ​സം പ്രകട​മാ​ക്കു​ന്ന​തി​നു​ളള ഒരു ഉറച്ച അടിസ്ഥാ​നം നമുക്കു​ണ്ടെന്ന്‌ 9-ാം അധ്യാ​യ​ത്തിൽനി​ന്നു കാണി​ക്കുക.] ഈ പുസ്‌തകം നിങ്ങളെ എങ്ങനെ സഹായി​ക്കു​മെന്നു കാണി​ച്ചു​ത​രാൻ എനിക്കു സന്തോ​ഷ​മുണ്ട്‌.”

⁵ “ഈ ജീവിതം മാത്ര​മാ​ണോ ഉളളത്‌?” എന്ന പുസ്‌ത​ക​ത്തി​ന്റെ ഒരു സമർപ്പ​ണത്തെ നിങ്ങൾ ഇപ്രകാ​രം പിന്തു​ടർന്നേ​ക്കാം:

◼“ഞാൻ നേരത്തെ ഈ പുസ്‌ത​ക​ത്തി​ന്റെ ഒരു പ്രതി നിങ്ങൾക്കു നൽകി​യി​രു​ന്നു. അതിൽ ഭൂമി​യി​ലെ നിത്യ​ജീ​വന്റെ പ്രത്യാ​ശ​യെ​ക്കു​റി​ച്ചു വാഗ്‌ദാ​നം ചെയ്യുന്നു. ഈ പുസ്‌തകം പരി​ശോ​ധി​ച്ച​തിൽനി​ന്നു നിങ്ങൾ എന്തു നിഗമ​ന​ത്തിൽ എത്തി​ച്ചേർന്നു? [പ്രതി​ക​രി​ക്കാൻ അനുവ​ദി​ക്കുക.] മിക്കവാ​റും, മരണഭ​യ​മി​ല്ലാ​തെ നമുക്കു ജീവി​ക്കാൻ കഴിയുന്ന ഒരു പുതിയ ലോക പറുദീ​സ​യെ​ക്കു​റി​ച്ചു​ളള വാഗ്‌ദാ​നങ്ങൾ അടങ്ങിയ ഭാഗത്തി​ന്റെ വായന നിങ്ങളെ പ്രോ​ത്സാ​ഹി​പ്പി​ച്ചി​ട്ടു​ണ്ടാ​വും. [പുസ്‌തകം തുറന്ന്‌ 16-ാം അധ്യാ​യ​ത്തി​ലെ 137-ാം പേജി​ലു​ളള ഉപശീർഷകം ചൂണ്ടി​ക്കാ​ണി​ക്കുക. യെശയ്യാ​വു 25:8 വായി​ക്കുക.] അത്തര​മൊ​രു ലോക​ത്തിൽ ജീവി​ക്കാൻ നിങ്ങളും നിങ്ങളു​ടെ പ്രിയ​പ്പെ​ട്ട​വ​രും ആഗ്രഹി​ക്കു​മെന്ന്‌ എനിക്കു​റ​പ്പുണ്ട്‌. 143-ാം പേജിലെ ഒന്നാം ഖണ്ഡിക പറയു​ന്നതു ശ്രദ്ധി​ക്കുക.” ഖണ്ഡിക വായി​ക്കുക. എന്നിട്ട്‌, യഹോ​വയെ അന്വേ​ഷി​ക്കു​ക​യെ​ന്നാൽ അവന്റെ വചനമായ ബൈബി​ളി​ന്റെ പഠനത്തി​ലൂ​ടെ അവനെ​യും അവന്റെ ഉദ്ദേശ്യ​ങ്ങ​ളെ​യും സംബന്ധി​ച്ചു പഠിക്കുക എന്നാണർഥം എന്നു ചൂണ്ടി​ക്കാ​ണി​ക്കുക.

⁶ തന്റെ ആടുകൾക്കു​വേണ്ടി കരുതുന്ന സ്‌നേ​ഹ​മു​ളള ഒരു ഇടയ​നെ​ന്ന​നി​ല​യിൽ യഹോവ ഒരു ഉത്തമദൃ​ഷ്ടാ​ന്തം വെച്ചു. (യെഹെ. 34:11-14) അവന്റെ സ്‌നേ​ഹ​മ​സൃ​ണ​മായ കരുത​ലി​നെ അനുക​രി​ക്കാ​നു​ളള നമ്മുടെ ആത്മാർഥ ശ്രമം, അവനെ സന്തുഷ്ട​നാ​ക്കു​ന്നു, നമ്മുടെ സ്‌നേ​ഹത്തെ പ്രകടി​പ്പി​ക്കു​ന്നു, മററു​ള​ള​വർക്ക്‌ അനു​ഗ്ര​ഹങ്ങൾ കൈവ​രു​ത്തു​ക​യും ചെയ്യുന്നു.