ബെഥേൽ സേവനം—കൂടുതൽ സന്നദ്ധ​സേ​വകർ ആവശ്യം

¹ ഈ അന്ത്യനാ​ളു​ക​ളിൽ യഹോവ ചെയ്യുന്ന മഹത്തായ വേല കാണു​മ്പോൾ നാം പുളകം​കൊ​ള്ളു​ന്നു. ഇക്കാലത്തു ദൈവ​ജ​ന​ത്തി​ന്റെ ഒരു മികച്ച ഗുണവി​ശേഷം, രാജ്യ​സേ​വ​ന​ത്തിൽ ഒരു സജീവ പങ്കുണ്ടാ​യി​രി​ക്കു​ന്ന​തി​നുള്ള അവരുടെ മനസ്സൊ​രു​ക്ക​മാ​യി​രി​ക്കു​മെന്നു സങ്കീർത്തനം 110:3 സൂചി​പ്പി​ക്കു​ന്നു. ഭൂവ്യാ​പ​ക​മാ​യി രാജ്യ​സു​വാർത്ത പ്രസം​ഗി​ക്ക​പ്പെ​ടു​ന്ന​തി​നു യഹോ​വ​യു​ടെ ജനം തങ്ങളെ​ത്തന്നെ വിനി​യോ​ഗി​ക്കു​ക​യാണ്‌. പ്രഘോ​ഷകർ പുസ്‌ത​ക​ത്തി​ന്റെ 295-ാം പേജ്‌ ഇങ്ങനെ പ്രസ്‌താ​വി​ക്കു​ന്നു: “ചിലർ ആഗോള ബെഥേൽ കുടും​ബ​ത്തിൽ സേവി​ക്കു​ന്നു. ബൈബിൾ സാഹി​ത്യ​ങ്ങൾ തയ്യാറാ​ക്കി പ്രസി​ദ്ധീ​ക​രി​ക്കുക, അത്യാ​വ​ശ്യം ഓഫീസ്‌ വേലകൾ നിർവ​ഹി​ക്കുക, അത്തരം പ്രവർത്ത​ന​ങ്ങളെ പിന്തു​ണ​യ്‌ക്കുന്ന സേവന​ങ്ങ​ള​നു​ഷ്‌ഠി​ക്കുക എന്നിങ്ങനെ എന്തു നിയമനം നൽകി​യാ​ലും അതു ചെയ്യാൻ സന്നദ്ധത പ്രകടി​പ്പി​ച്ചി​ട്ടുള്ള മുഴു​സമയ ശുശ്രൂ​ഷ​ക​രു​ടെ സംഘമാ​ണത്‌. അവർ വ്യക്തി​പ​ര​മായ പ്രാമു​ഖ്യ​ത​യോ ഭൗതിക സമ്പത്തോ നേടി​യെ​ടു​ക്കുന്ന വേലയ​ല്ലത്‌. യഹോ​വയെ ആദരി​ക്കു​ക​യാണ്‌ അവരുടെ ആഗ്രഹം. കൂടാതെ, ഭക്ഷണം, താമസം, വ്യക്തി​പ​ര​മായ ചെലവു​കൾക്കു​വേണ്ടി ഒരു എളിയ തുക എന്നീ രീതി​യി​ലെ​ല്ലാം തങ്ങൾക്കു ലഭിക്കുന്ന കരുത​ലു​ക​ളിൽ അവർ സംതൃ​പ്‌ത​രാണ്‌.” നിങ്ങൾ ബെഥേൽ സന്ദർശി​ച്ചി​ട്ടു​ണ്ടെ​ങ്കിൽ അവിടെ നടക്കുന്ന വേല സംബന്ധിച്ച്‌ ഒരു പരിധി​വരെ നിങ്ങൾ ഇപ്പോഴേ പരിചി​ത​രാണ്‌. എന്നിരു​ന്നാ​ലും, ഈ അനുപമ സേവന പദവി​യിൽ നിങ്ങളു​ടെ വിലമ​തി​പ്പു വർധി​പ്പി​ക്കു​ന്ന​തി​നും സൊ​സൈ​റ്റി​യു​ടെ ആവശ്യ​ങ്ങ​ളെ​പ്പറ്റി നിങ്ങളെ ബോധ​വാ​ന്മാ​രാ​ക്കു​ന്ന​തി​നും കൂടു​ത​ലായ വിവരങ്ങൾ പ്രദാ​നം​ചെ​യ്യാൻ ഞങ്ങൾ ആഗ്രഹി​ക്കു​ന്നു.

² ബെഥേൽ സേവന​ത്തി​ന്റെ​യും അതിന്റെ സമ്പന്ന പൈതൃ​ക​ത്തി​ന്റെ​യും പ്രാധാ​ന്യം കാണു​ന്ന​തി​നു യഹോ​വ​യു​ടെ സ്ഥാപന​ത്തി​ന്റെ, പുരാ​ത​ന​വും ആധുനി​ക​വു​മായ, ചരി​ത്ര​ത്തെ​ക്കു​റി​ച്ചു നമുക്ക്‌ അൽപ്പ​മൊ​ന്നു പുനര​വ​ലോ​കനം നടത്താം. ഏതാണ്ടു 19 വർഷ​ത്തോ​ളം വാച്ച്‌ ടവർ സൊ​സൈ​റ്റി​യു​ടെ ആസ്ഥാനം പെൻസിൽവേ​നി​യ​യി​ലെ അലിഗ​നി​യി​ലുള്ള 56-60 ആർച്ച്‌ സ്‌ട്രീ​റ്റിൽ ഇഷ്ടിക​കൊ​ണ്ടുള്ള ഒരു നാലു​നി​ല​ക്കെ​ട്ടി​ട​ത്തി​ലാ​യി​രു​ന്നു. ബൈബിൾ ഭവനം എന്നായി​രു​ന്നു അതിനെ വിളി​ച്ചി​രു​ന്നത്‌. എന്നിരു​ന്നാ​ലും, 1908 ആയപ്പോ​ഴേ​ക്കും ബൈബിൾ ഭവനത്തി​ലെ അംഗങ്ങൾ അഥവാ സൊ​സൈ​റ്റി​യു​ടെ ആസ്ഥാന​ത്തി​ലെ ജോലി​ക്കാ​രു​ടെ എണ്ണം 30-ലധിക​മാ​യി വർധിച്ചു. അതു വികസ​ന​ത്തി​നുള്ള സമയമാ​യി​രു​ന്നു. വേലയ്‌ക്ക്‌ ഏറ്റവും പറ്റിയ കേന്ദ്രം ബ്രുക്ലി​നാ​യി​രി​ക്കു​മെന്നു ദിവ്യ മാർഗ​നിർദേശം തേടി​യ​ശേഷം സഹോ​ദ​രങ്ങൾ തീരു​മാ​ന​മെ​ടു​ത്തു. തന്മൂലം സൊ​സൈ​റ്റി​യു​ടെ ഓഫീ​സും ഒരു ഓഡി​റ്റോ​റി​യ​വും ഉണ്ടായി​രി​ക്ക​ത്ത​ക്ക​വി​ധം ബ്രുക്ലി​നി​ലെ 13-17 ഹിക്‌സ്‌ സ്‌ട്രീ​റ്റി​ലുള്ള ഒരു കെട്ടിടം വിലയ്‌ക്കു​വാ​ങ്ങി. ഈ ഓഫീ​സു​കൾ 1909 ജനുവരി 31-നു തുറന്നു. എന്നാൽ ഹിക്‌സ്‌ സ്‌ട്രീ​റ്റി​ലുള്ള കെട്ടി​ട​ത്തോ​ടു ചേർന്ന്‌ താമസി​ക്കു​ന്ന​തി​നു വസതികൾ ഉണ്ടായി​രു​ന്നില്ല. ആദ്യം വിചാ​രി​ച്ചു താമസ​സൗ​ക​ര്യ​ങ്ങൾ വാടക​യ്‌ക്കെ​ടു​ക്കാ​മെന്ന്‌. എന്നാൽ, ബ്രുക്ലിൻ ഹൈറ്റ്‌സ്‌ ഭാഗത്തുള്ള വസതി​ക​ളി​ലൊ​ന്നും വാടക​യ്‌ക്കു ലഭ്യമാ​യി​രു​ന്നില്ല. കാര്യാ​ദി​കൾ മാറി​മ​റി​ഞ്ഞ​തോ​ടെ, 124 കൊളം​ബിയ ഹൈറ്റ്‌സിൽ ചെങ്കല്ലു​കൊ​ണ്ടുള്ള ഒരു നാലു​നി​ല​ക്കെ​ട്ടി​ടം, ഹെൻറി വാർഡ്‌ ബീച്ചറു​ടെ മുൻ വസതി, “കുറഞ്ഞ വിലയ്‌ക്ക്‌” വാങ്ങാൻ കഴിഞ്ഞു. അതു സഹോ​ദ​ര​ന്മാ​രെ അതിശ​യി​പ്പി​ക്കു​ക​യും ആനന്ദി​പ്പി​ക്കു​ക​യും ചെയ്‌തു. കൂടാതെ, 126 കൊളം​ബിയ ഹൈറ്റ്‌സും ലഭ്യമാ​യി. 1909 മാർച്ച്‌ 1-ലെ വീക്ഷാ​ഗോ​പു​രം സന്തോ​ഷ​പൂർവം പ്രഖ്യാ​പി​ച്ചു: പിറ്റ്‌സ്‌ബർഗി​ലെ “ബൈബിൾ ഭവനം” എന്ന പേരിന്റെ സ്ഥാനത്തു “പുതിയ വീടിനെ ബെഥേൽ എന്നു നമുക്കു വിളി​ക്കാം.” അതു​കൊണ്ട്‌, 1909 ഏപ്രി​ലിൽ ബെഥേൽ അതിന്റെ കവാടം തുറന്നു. കുടും​ബാം​ഗങ്ങൾ പുതിയ ഭവനത്തി​ലേക്കു മാറു​ക​യും ചെയ്‌തു. 86 വർഷമാ​യി ബ്രുക്ലിൻ ബെഥേൽ ഈ സ്ഥലത്തു തന്നെയാണ്‌.

³ ബെഥേൽ എന്നതു സൊ​സൈ​റ്റി​യു​ടെ ആസ്ഥാന​ത്തി​നു യോജിച്ച പേരാ​യി​രു​ന്നോ? ആ പേരും അതുമാ​യുള്ള ബന്ധങ്ങളും എങ്ങനെ തുടങ്ങി​യെ​ന്നതു സംബന്ധി​ച്ചു ബൈബി​ളിൽ പറയു​ന്നതു പരിചി​ന്തി​ക്കുക. 3,700 വർഷം മുമ്പാ​ണത്‌. ഉല്‌പത്തി 28-ാം അധ്യായം 77 വയസ്സുള്ള അവിവാ​ഹി​ത​നായ യാക്കോ​ബി​ന്റെ അനുഭവം വിവരി​ക്കു​ന്നു. യാക്കോബ്‌ ആത്മീയ കാര്യ​ങ്ങളെ വിലമ​തി​ച്ചി​രു​ന്നു, എന്നാൽ തന്റെ സഹോ​ദ​ര​നായ ഏശാവ്‌ അവനെ വെറു​ത്തി​രു​ന്നു. പിതാവ്‌ ഇസഹാ​ക്കി​ന്റെ നിർദേ​ശാ​നു​സ​രണം യാക്കോബ്‌ ബേർ-ശേബയി​ലേക്കു പലായനം ചെയ്‌തു. ഉത്തരദി​ക്കിൽ അബ്രഹാ​മി​ന്റെ ബന്ധുക്ക​ളു​ടെ നാട്ടി​ലേക്ക്‌, തനിക്ക്‌ ഒരു ഭാര്യയെ കണ്ടെത്താൻ ഉദ്ദേശി​ച്ചി​രു​ന്ന​വ​രു​ടെ ഇടയി​ലേക്കു യാത്ര തിരിച്ചു. ഏതാണ്ടു 100 കിലോ​മീ​റ്റർ യാത്ര​ചെ​യ്‌ത​ശേഷം യാക്കോബ്‌ രാത്രി വിശ്ര​മി​ക്കു​ന്ന​തി​നു​വേണ്ടി യഹൂദാ മലകളി​ലുള്ള ലൂസ്‌ എന്ന പട്ടണത്തിൽ തങ്ങി. യഹോവ യാക്കോ​ബി​നു ദിവ്യ പിന്തുണ നൽകു​മെന്നു പൂർണ​മാ​യി ഉറപ്പേ​കുന്ന രോമാ​ഞ്ച​ജ​ന​ക​മായ വിശദാം​ശങ്ങൾ നാം ഉല്‌പത്തി 28:10-19-ൽ വായി​ക്കു​ന്നു. ഒരു സ്വപ്‌ന​ത്തിൽ യാക്കോബ്‌ ഭൂമി​യിൽനി​ന്നു സ്വർഗ​ത്തോ​ളം എത്തുന്ന ഒരു ഗോവണി കണ്ടു. ദൈവ​ദൂ​ത​ന്മാർ അതിൽകൂ​ടി തിരക്കി​ട്ടു കയറു​ക​യും ഇറങ്ങു​ക​യു​മാ​യി​രു​ന്നു. അതിന്മീ​തെ യഹോവ നിന്നു. സന്തതി​യെ​ക്കു​റിച്ച്‌ അബ്രഹാ​മി​നു നൽകിയ വാഗ്‌ദാ​നം യാക്കോ​ബി​നും നൽകു​ക​യും താൻ അവനെ കൈ​വെ​ടി​യു​ക​യി​ല്ലെന്ന്‌ ഉറപ്പേ​കു​ക​യും ചെയ്‌തു​കൊ​ണ്ടു യഹോവ സംസാ​രി​ച്ചു. ആത്മീയ​ചി​ന്ത​യുള്ള യാക്കോ​ബി​നെ സംബന്ധി​ച്ചി​ട​ത്തോ​ളം എത്ര ഭയോ​ദ്ദീ​പ​ക​മായ അനുഭ​വ​മാ​യി​രു​ന്നു അത്‌! ആ സ്ഥലം അവന്റെ കണ്ണിൽ വളരെ പ്രത്യേ​ക​ത​യു​ള്ള​താ​യി​ത്തീർന്ന​തിൽ എന്തെങ്കി​ലും അതിശ​യ​മു​ണ്ടോ? അവനെ സംബന്ധി​ച്ചി​ട​ത്തോ​ളം അതു “ദൈവ ഭവന”മായി​രു​ന്നു, അഥവാ എബ്രായ ഭാഷയിൽ ബേഥ്‌-എൽ. ബെഥ്‌ എന്നാൽ “ഭവനം” എന്നും എൽ എന്നാൽ “ദൈവം” എന്നും അർഥം.—ഉൽപ്പത്തി 28:19, NW, അടിക്കു​റിപ്പ്‌.

⁴ അങ്ങനെ, ബെഥേൽ എന്ന പദത്തിനു സമ്പന്നമായ ചരിത്ര പശ്ചാത്ത​ല​മുണ്ട്‌. യഹോ​വ​യു​ടെ ജനത്തിന്റെ ലോകാ​സ്ഥാ​ന​ത്തി​നു യോജിച്ച പേരു​മാ​ണത്‌. ഇന്നു ദൈവ ദാസർക്കു ദിവ്യ​നി​ശ്വസ്‌ത സ്വപ്‌നങ്ങൾ ഉണ്ടാകാ​റില്ല. ബെഥേ​ലിൽനി​ന്നു സ്വർഗ​ത്തി​ലേക്കു ഗോവ​ണി​യി​ലൂ​ടെ ദൂതന്മാർ കയറി​യി​റ​ങ്ങു​ന്നതു കാണു​ന്നില്ല. സഹോ​ദ​രങ്ങൾ ദർശനം കാണു​ക​യോ ദൈവ​ത്തി​ന്റെ ശബ്ദം നേരിട്ടു ശ്രവി​ക്കു​ക​യോ ചെയ്യു​ന്നില്ല. എങ്കിലും, റസ്സൽ സഹോ​ദ​രന്റെ നാൾ മുതൽ ഇന്നുവരെ ഈ കഴിഞ്ഞ 86 വർഷം ബെഥേ​ലിൽ നടന്ന കാര്യങ്ങൾ പരിചി​ന്തി​ക്കു​മ്പോൾ, ബെഥേ​ലിൽ, അബ്രഹാ​മി​ന്റെ ആത്മീയ സന്താന​ങ്ങ​ളു​ടെ ഭാഗമായ അഭിഷിക്ത ദാസ​രോ​ടൊ​പ്പം യഹോ​വ​യു​ടെ കരങ്ങളു​ണ്ടാ​യി​രു​ന്നു​വെ​ന്ന​തിൽ യാതൊ​രു സംശയ​വു​മില്ല. യഹോ​വ​യു​ടെ ആധുനിക നാളിലെ സാക്ഷി​ക​ളു​ടെ ചരി​ത്ര​ത്തി​ലു​ണ്ടായ അനേകം പ്രമുഖ സംഭവ​ങ്ങ​ളും ബ്രുക്ലിൻ ബെഥേ​ലു​മാ​യി അടുത്തു ബന്ധപ്പെ​ട്ടി​രി​ക്കു​ന്നു! ചില വിശേഷ സംഭവങ്ങൾ പരിചി​ന്തി​ക്കുക:

◼ 1914 ഒക്ടോബർ 2-നു റസ്സൽ സഹോ​ദരൻ ബെഥേ​ലി​ലെ ഭക്ഷണമു​റി​യിൽ പ്രവേ​ശിച്ച്‌ കൃത്യ​മാ​യി പ്രഖ്യാ​പി​ച്ചു: “വിജാ​തീ​യ​രു​ടെ കാലങ്ങൾ തീർന്നി​രി​ക്കു​ന്നു; അവരുടെ രാജാ​ക്ക​ന്മാ​രു​ടെ നാൾ കഴിഞ്ഞി​രി​ക്കു​ന്നു.”

◼ 1920-കളുടെ ആരംഭ​ത്തിൽ പ്രഭാത ആരാധന നടക്കു​മ്പോൾ സൊ​സൈ​റ്റി​യു​ടെ എഡി​റ്റോ​റി​യൽ സംഘത്തി​ലെ ഒരംഗം “ദൈവ​ത്തി​ന്റെ സ്ഥാപനം” എന്ന പദപ്ര​യോ​ഗം നടത്തി. യഹോ​വ​യു​ടേ​തും സാത്താ​ന്റേ​തു​മായ പരസ്‌പരം എതിർക്കുന്ന, രണ്ടു വ്യത്യസ്‌ത സ്ഥാപന​ങ്ങ​ളു​ണ്ടെന്നു തിരി​ച്ച​റി​യാൻ തക്കവണ്ണം 1925 ആയപ്പോ​ഴേ​ക്കും ഇത്‌ അവരുടെ ചിന്താ​ഗ​തി​യെ ഉദ്ദീപിപ്പിച്ചു.—w85 3/15, പേ. 10.

◼ 1931-ൽ കൊളം​ബസ്‌, ഒഹാ​യോ​യി​ലെ കൺ​വെൻ​ഷ​നു​മുമ്പ്‌, ഒരു ദിവസം അതിരാ​വി​ലെ സൊ​സൈ​റ്റി​യു​ടെ പ്രസി​ഡ​ണ്ടാ​യി​രുന്ന റതർഫോർഡ്‌ സഹോ​ദരൻ യഹോ​വ​യു​ടെ സാക്ഷികൾ എന്ന പേരു ശരിക്കും യഹോ​വ​യു​ടെ ജനത്തെ​യും അവർ അപ്പോൾ ചെയ്‌തു​കൊ​ണ്ടി​രുന്ന വേല​യെ​യും വർണി​ക്കു​ന്നു​വെ​ന്നും അവർ ദൈവ​ത്തി​ന്റെ സാക്ഷി​ക​ളാ​യി തിരി​ച്ച​റി​യ​പ്പെ​ട​ണ​മെ​ന്നും തിരിച്ചറിഞ്ഞു.—yb75 പേ. 151.

◼ “മഹാപു​രു​ഷാ​രം” അല്ലെങ്കിൽ “മഹാസം​ഘം” ആരാ​ണെന്ന്‌ 1935-ന്റെ ആരംഭ​ത്തിൽ ചോദ്യ​ങ്ങൾ ഉന്നയി​ക്ക​പ്പെ​ടു​ക​യു​ണ്ടാ​യി. (വെളി. 7:9; KJ) അവർ ഒരു ഭൗമിക വിഭാ​ഗ​മാ​ണെന്ന്‌ അന്ന്‌ അവരിൽ ചിലർ അഭി​പ്രാ​യ​പ്ര​ക​ടനം നടത്തി. 1935 മേയ്‌ 31-നു വാഷി​ങ്‌ടൺ, ഡി.സി.-യിൽ നടന്ന കൺ​വെൻ​ഷ​നിൽ തൃപ്‌തി​ക​ര​മായ ഒരു വിശദീ​ക​രണം നൽകപ്പെട്ടു.—jv പേ. 166.

⁵ യഹോവ ബെഥേ​ലി​ലുള്ള തന്റെ വിശ്വസ്‌ത അഭിഷിക്ത ദാസർക്കു തന്റെ പരിശു​ദ്ധാ​ത്മാ​വി​ലൂ​ടെ മാർഗ​ദർശ​ന​വും പിന്തു​ണ​യും നൽകി​യ​തെ​ങ്ങ​നെ​യെന്ന്‌ ഈ ഏതാനും ദൃഷ്ടാ​ന്തങ്ങൾ ചിത്രീ​ക​രി​ക്കു​ന്നു. ദൂതന്മാ​രെ​ക്കു​റി​ച്ചോ? ശത്രു​ക്ക​ളിൽനി​ന്നുള്ള കൊടിയ എതിർപ്പും വിഭവങ്ങൾ വിരള​മാ​യി​രുന്ന പ്രയാ​സ​മേ​റിയ വർഷങ്ങ​ളും കണക്കി​ലെ​ടു​ക്കു​മ്പോൾ ദൂതന്മാ​രു​ടെ സംരക്ഷ​ണ​വും സഹായ​വു​മി​ല്ലാ​തെ വർഷങ്ങ​ളി​ലു​ട​നീ​ളം ഇത്ര ശ്രദ്ധേ​യ​മാം​വി​ധം ബെഥേൽ പ്രവർത്തി​പ്പി​ക്കാ​നാ​വു​ക​യി​ല്ലാ​യി​രു​ന്നു എന്നതിൽ യാതൊ​രു സംശയ​വു​മില്ല.

⁶ ഐക്യ​നാ​ടു​ക​ളി​ലുള്ള ആസ്ഥാന​ത്തി​ലെ ജോലി​ക്കാർക്കു​പു​റമേ ലോക​ത്തു​ട​നീ​ള​മുള്ള 100 ബ്രാഞ്ചു​ക​ളിൽ ബെഥേൽ കുടും​ബങ്ങൾ ഉണ്ട്‌. അതി​ലൊ​ന്നാ​ണു ലാണാ​വ്‌ല​യി​ലു​ള്ളത്‌. നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പുസ്‌തകം അതിന്റെ 121-ാം പേജിൽ ഇങ്ങനെ പറയുന്നു: “ബഥേൽ എന്ന . . . പേര്‌ ദിവ്യാ​ധി​പത്യ പ്രവർത്ത​ന​ത്തി​ന്റെ ഈ കേന്ദ്ര​ങ്ങൾക്ക്‌ തീർച്ച​യാ​യും ഉചിത​മാണ്‌.” ബെഥേൽ സന്നദ്ധ​സേ​വകർ ഏതുതരം ജോലി ചെയ്യാ​നാ​ണു നിയമി​ക്ക​പ്പെ​ടു​ന്നത്‌?

⁷ വൈവി​ധ്യ​മാർന്ന വേല: വിവി​ധ​തരം നിയമ​ന​ങ്ങ​ളാ​ണു ബെഥേൽ കുടും​ബ​ത്തി​ലെ അംഗങ്ങൾക്കു നൽക​പ്പെ​ടു​ന്നത്‌. ബ്രുക്ലി​നി​ലും ഇന്ത്യയുൾപ്പെടെ മറ്റനേകം ബ്രാഞ്ചു​ക​ളി​ലും ചില സഹോ​ദ​രങ്ങൾ ലോക​വ്യാ​പ​ക​മായ വിതര​ണ​ത്തി​നാ​വ​ശ്യ​മായ പുസ്‌ത​കങ്ങൾ, (ചില ബ്രാഞ്ചു​ക​ളിൽ ബൈബി​ളു​ക​ളും,) മാസി​കകൾ, ലഘുപ​ത്രി​കകൾ, ലഘു​ലേ​ഖകൾ എന്നിവ അച്ചടി​ക്കുന്ന യന്ത്രങ്ങൾ പ്രവർത്തി​പ്പി​ച്ചു​കൊ​ണ്ടു ഫാക്ടറി​യിൽ ജോലി​ചെ​യ്യു​ന്നു. മറ്റുചി​ലർ ബൈബി​ളു​ക​ളും പുസ്‌ത​ക​ങ്ങ​ളും ബയൻഡു ചെയ്യുന്നു. ഈ പ്രസി​ദ്ധീ​ക​ര​ണങ്ങൾ ലോക​മെ​മ്പാ​ടു​മുള്ള സഭകളി​ലേക്കു കയറ്റി അയയ്‌ക്കു​ക​യാ​ണു വേറേ ചിലരു​ടെ ജോലി. ഉപകര​ണ​ങ്ങ​ളും കെട്ടി​ട​ങ്ങ​ളും നല്ലനി​ല​യിൽ സൂക്ഷി​ക്കാൻ നിയമ​ന​മുള്ള അനേക​രുണ്ട്‌. ബെഥേൽ കുടും​ബ​ത്തിൽ കുടും​ബാം​ഗ​ങ്ങ​ളു​ടെ പരിപാ​ല​ന​ത്തിൽ ധാരാളം വേല ഉൾപ്പെ​ട്ടി​രി​ക്കു​ന്നു. ഉദാഹ​ര​ണ​ത്തിന്‌ ബ്രുക്ലിൻ ബെഥേ​ലിൽ 20 മിനി​റ്റി​നു​ള്ളിൽ 12 മുറി​ക​ളി​ലാ​യി ഏകദേശം 3,700 പേർക്കു പ്രഭാ​ത​ഭ​ക്ഷണം വിളമ്പു​ന്നു. അലക്കു​ശാ​ല​യിൽ സഹോ​ദ​രീ​സ​ഹോ​ദ​ര​ന്മാർ ഓരോ ആഴ്‌ച​യും 13,000 ഷർട്ടുകൾ ഉൾപ്പെടെ 16,000 കിലോ തുണികൾ അലക്കി​ത്തേ​ച്ചെ​ടു​ക്കു​ന്നു. അതിനു​പു​റമേ, ബ്രുക്ലി​നിൽ താമസി​ക്കു​ന്ന​തി​നുള്ള 21 കെട്ടി​ട​ങ്ങ​ളിൽ ഗൃഹപ​രി​പാ​ലകർ ശുചി​ത്വ​ത്തി​ന്റെ കാര്യ​ത്തിൽ ഉയർന്ന നിലവാ​രം പുലർത്തു​ക​യും മർമ​പ്ര​ധാ​ന​മായ മറ്റനേകം ഉത്തരവാ​ദി​ത്വ​ങ്ങൾ നിർവ​ഹി​ക്കു​ക​യും ചെയ്യുന്നു. ഇന്ത്യയി​ലെ 230 ബെഥേൽ കുടും​ബാം​ഗ​ങ്ങൾക്ക്‌ അതേ സൗകര്യ​ങ്ങൾ പ്രദാ​നം​ചെ​യ്യു​ന്നു.

⁸ യോഗ്യ​ത​ക​ളും നിബന്ധ​ന​ക​ളും: ഈ ജോലിക്ക്‌ ആവശ്യ​മായ ശാരീ​രിക ഊർജ​ത്തി​ന്റെ​യും ബലത്തി​ന്റെ​യും വീക്ഷണ​ത്തിൽ ഇപ്പോൾ, ആരോ​ഗ്യ​വാ​ന്മാ​രും അവിവാ​ഹി​ത​രു​മായ യുവാ​ക്കളെ ആവശ്യ​മുണ്ട്‌. ബെഥേൽ സേവന​ത്തിന്‌ അപേക്ഷി​ക്കുന്ന ഒരു യുവാവ്‌ സമർപ്പി​ച്ചു സ്‌നാ​പ​ന​മേ​റ്റി​ട്ടു ചുരു​ങ്ങി​യത്‌ ഒരു വർഷ​മെ​ങ്കി​ലും പിന്നിട്ട വ്യക്തി ആയിരി​ക്കണം. അയാൾ അർപ്പണ​മ​നോ​ഭാ​വ​മുള്ള ആത്മീയ വ്യക്തി​യാ​യി​രി​ക്കണം. കൂടാതെ, അയാൾ കഠിന​വേ​ല​ചെ​യ്യാൻ മനസ്സൊ​രു​ക്ക​മു​ള്ള​വ​നു​മാ​യി​രി​ക്കണം. ഇന്നു ലോക​ത്തിൽ അനേക​രും കഠിനാ​ധ്വാ​നം എങ്ങനെ​യും ഒഴിവാ​ക്ക​ണ​മെന്ന വീക്ഷണ​ഗ​തി​ക്കാ​രാണ്‌. തന്മൂലം, ബെഥേൽ സേവന​ത്തിന്‌ അപേക്ഷി​ക്കുന്ന ചെറു​പ്പ​ക്കാ​രൻ, കഠിനാ​ധ്വാ​നം ചെയ്യത്ത​ക്ക​വണ്ണം, തന്റെ കരങ്ങൾകൊ​ണ്ടു സത്‌പ്ര​വൃ​ത്തി​കൾ ചെയ്യത്ത​ക്ക​വണ്ണം പുതിയ വ്യക്തി​ത്വം ധരിച്ച​വ​നാ​യി​രി​ക്കണം. (എഫെസ്യർ 4:28 താരത​മ്യം ചെയ്യുക.) അയാൾ വ്യക്തി​പ​ര​മായ ഉല്ലാസങ്ങൾ, നേര​മ്പോ​ക്കു​പ​രി​പാ​ടി​കൾ അല്ലെങ്കിൽ വിനോ​ദം എന്നീ കാര്യങ്ങൾ ലക്ഷ്യമാ​ക്കുന്ന ഒരാൾ ആയിരി​ക്ക​രു​തെന്ന്‌ അത്‌ അർഥമാ​ക്കു​ന്നു. ബെഥേൽ സേവന​ത്തെ​ക്കു​റി​ച്ചു പരിചി​ന്തി​ക്കു​മ്പോൾ അയാൾ യൗവന​സ​ഹ​ജ​മായ അത്തരം സ്വഭാ​വ​വി​ശേ​ഷങ്ങൾ ത്യജി​ച്ചി​രി​ക്കണം. “ഞാൻ ശിശു​വാ​യി​രു​ന്ന​പ്പോൾ ശിശു​വി​നെ​പ്പോ​ലെ സംസാ​രി​ച്ചു, ശിശു​വി​നെ​പ്പോ​ലെ ചിന്തിച്ചു, ശിശു​വി​നെ​പ്പോ​ലെ നിരൂ​പി​ച്ചു; പുരു​ഷ​നായ ശേഷമോ ഞാൻ ശിശു​വി​ന്നു​ള്ളതു ത്യജി​ച്ചു​ക​ളഞ്ഞു” എന്ന്‌ 1 കൊരി​ന്ത്യർ 13:11-ലെ പൗലോ​സി​ന്റെ വാക്കുകൾ ഇവിടെ തികച്ചും ബാധക​മാണ്‌.

⁹ നിങ്ങളു​ടെ പ്രായം 19-നും 35-നും ഇടയ്‌ക്കാ​ണോ? നിങ്ങൾക്കു ശാരീ​രി​ക​വും വൈകാ​രി​ക​വു​മാ​യി നല്ല ആരോ​ഗ്യ​മു​ണ്ടോ? നിങ്ങൾക്കു കുറ​ച്ചെ​ങ്കി​ലും ഇംഗ്ലീഷ്‌ സംസാ​രി​ക്കാ​ന​റി​യാ​മോ? യഹോ​വ​യോ​ടും അവന്റെ സ്ഥാപന​ത്തോ​ടും ആഴമായ സ്‌നേ​ഹ​മുള്ള ഒരു ആത്മീയ വ്യക്തി​യാ​ണോ നിങ്ങൾ? ബെഥേ​ലി​ലേക്കു വിളി​ക്കു​ന്ന​പക്ഷം എന്തുതന്നെ വേല നൽകി​യാ​ലും, കുറഞ്ഞത്‌ ഒരു വർഷ​മെ​ങ്കി​ലും നിങ്ങൾ ആ സേവന​ത്തിൽ നില​കൊ​ള്ളു​മോ? ഈ ചോദ്യ​ങ്ങൾക്ക്‌ ഉവ്വ്‌ എന്നുത്തരം നൽകാൻ നിങ്ങൾക്കു കഴിയു​മെ​ങ്കിൽ ബെഥേൽ സേവന​മെന്ന അനുപമ പദവി​യെ​പ്പറ്റി പരിചി​ന്തി​ക്കു​ന്നത്‌ ഉചിത​മാ​യി​രി​ക്കും. അനു​ഗ്ര​ഹങ്ങൾ സമൃദ്ധ​മാണ്‌.

¹⁰ ബെഥേൽ സേവന​ത്തി​ന്റെ അനു​ഗ്ര​ഹങ്ങൾ: 1994 ജൂൺ 15 വീക്ഷാ​ഗോ​പു​ര​ത്തി​ലെ ‘“ദൈവ​ഭവന”ത്തെ വിലമ​തി​പ്പോ​ടെ വീക്ഷി​ക്കുക’ എന്ന ലേഖനം ഇങ്ങനെ അഭി​പ്രാ​യ​പ്പെട്ടു: “ഒരു സമ്മേള​ന​ത്തിൽ പങ്കെടു​ക്കുന്ന സമയത്ത്‌, യഹോ​വ​യു​ടെ സന്തുഷ്ട​രായ ആരാധ​ക​രു​ടെ നടുവി​ലാ​യി​രി​ക്കു​മ്പോൾ നിങ്ങൾക്ക്‌ അതിയായ സംതൃ​പ്‌തി തോന്നു​ന്നു​വോ? ഒന്നു വിഭാവന ചെയ്യുക, ഒരു ബെഥേൽസേ​വ​കന്‌ ദിവസ​വും സഹോ​ദ​ര​ന്മാ​രു​ടെ ഒരു ഗണത്തിനു നടുവിൽ യഹോ​വയെ സേവി​ക്കു​ന്ന​തി​നുള്ള പദവി​യുണ്ട്‌! (സങ്കീർത്തനം 26:12) ആത്മീയ വളർച്ച​യ്‌ക്ക്‌ എന്തു വിശി​ഷ്ട​മായ പ്രതീ​ക്ഷ​ക​ളാണ്‌ അതു വെച്ചു​നീ​ട്ടു​ന്നത്‌! തന്റെ വ്യക്തി​ത്വ​ത്തെ കരുപ്പി​ടി​പ്പി​ക്കു​ന്ന​തിൽ ബെഥേ​ലി​നു പുറത്തു മൂന്നു വർഷം​കൊ​ണ്ടു പഠിച്ച​തി​നെ​ക്കാൾ കൂടുതൽ ബെഥേ​ലിൽ ഒരു വർഷത്തി​നകം താൻ പഠിച്ചു എന്ന്‌ ഒരു സഹോ​ദരൻ പറയു​ക​യു​ണ്ടാ​യി. എന്തു​കൊണ്ട്‌? പക്വത​യുള്ള നിരവധി ക്രിസ്‌തീയ വ്യക്തി​ത്വ​ങ്ങ​ളു​ടെ വിശ്വാ​സം നിരീ​ക്ഷി​ക്കാ​നും അനുക​രി​ക്കാ​നും വേറൊ​രി​ട​ത്തും അദ്ദേഹ​ത്തിന്‌ അവസരം ഉണ്ടായി​രു​ന്നില്ല എന്നതു​തന്നെ കാരണം.” (സദൃ. 13:20) വാസ്‌ത​വ​മാ​യും, ബെഥേൽ സേവന​ത്തി​ന്റെ അനുപമ അനു​ഗ്ര​ഹ​ങ്ങ​ളിൽ ഒന്നാണത്‌.

¹¹ ബെഥേ​ലിൽ ബ്രാഞ്ച്‌ കമ്മിറ്റി അംഗങ്ങ​ളും അതു​പോ​ലെ ദീർഘ​കാല വിശ്വസ്‌ത സഹോ​ദ​ര​ങ്ങ​ളു​മാ​യി സന്നദ്ധ​സേ​വകർ അടുത്തു സഹവസി​ക്കു​ന്നു. ഒരുവന്റെ നിയമനം എന്തുത​ന്നെ​യാ​യാ​ലും ശരി, വിശ്വ​സ്‌ത​രായ, കൂറു​പു​ലർത്തുന്ന സുഹൃ​ത്തു​ക്ക​ളു​മാ​യി ഐക്യ​ത്തിൽ വേല​ചെ​യ്യു​ന്നത്‌ ഒരനു​ഗ്രഹം തന്നെയാണ്‌. ഈ വില​യേ​റിയ സേവന പദവി​യിൽ പങ്കുള്ള​വ​രു​ടെ വികാ​ര​ങ്ങളെ പ്രതി​ഫ​ലി​പ്പി​ക്കുന്ന, ബ്രുക്ലിൻ ബെഥേൽകു​ടും​ബ​ത്തി​ലെ അംഗങ്ങ​ളിൽനി​ന്നുള്ള ചില അഭി​പ്രാ​യങ്ങൾ ഇതാ:

◼ 62 വർഷത്തെ ബെഥേൽ സേവന​ത്തിൽ വർഷങ്ങ​ളി​ലു​ട​നീ​ളം വിവിധ നിയമ​ന​ങ്ങ​ളിൽ വേല​ചെയ്‌ത ഒരു സഹോ​ദരൻ ബെഥേ​ലിൽ നിലനിൽക്കുന്ന മനോ​ഭാ​വ​ത്തെ​ക്കു​റി​ച്ചു പറഞ്ഞു: “ഞങ്ങളെ​ല്ലാം ഒരു കുടും​ബ​മാണ്‌; ഞങ്ങളെ​ല്ലാം സഹോ​ദ​ര​ങ്ങ​ളും. ഞങ്ങൾ ഒരുമി​ച്ചു വേല​ചെ​യ്യു​ന്നു. ഞങ്ങൾക്കെ​ല്ലാം നിയമ​ന​ങ്ങ​ളുണ്ട്‌. സഹോ​ദ​രങ്ങൾ കഠിനാ​ധ്വാ​നം ചെയ്യു​ന്നതു കാണു​ന്നതു വിസ്‌മ​യാ​വ​ഹ​മാണ്‌; അവർ ചെലു​ത്തുന്ന ശ്രമം നിങ്ങൾക്കു കാണാ​വു​ന്ന​താണ്‌. നിലം അടിച്ചു​വാ​രുന്ന സഹോ​ദ​രങ്ങൾ ഞങ്ങൾക്കുണ്ട്‌. സ്ഥലം വൃത്തി​യാ​യി സൂക്ഷി​ക്കു​മ്പോൾ കുടും​ബത്തെ ആരോ​ഗ്യ​മു​ള്ള​താ​യി സൂക്ഷി​ക്കു​ക​യാണ്‌. കുടും​ബത്തെ ആരോ​ഗ്യ​മു​ള്ള​താ​യി സൂക്ഷി​ക്കു​മ്പോൾ അതു ഫലദാ​യ​ക​മാണ്‌. അത്‌ അത്യന്താ​പേ​ക്ഷി​ത​മാണ്‌. ഓഫീസ്‌ ജോലി​ക്കാ​രു​ണ്ടാ​യി​രി​ക്കു​ന്ന​തും പ്രധാ​ന​മാണ്‌. ഞങ്ങളെ​ല്ലാ​വ​രും ചേർന്നു ഫലം ഉത്‌പാ​ദി​പ്പി​ക്കു​ന്നു—ലോക​വ്യാ​പ​ക​മായ രാജ്യ​സാ​ക്ഷീ​ക​രണം. യഹോ​വയെ സേവി​ക്കു​ന്നതു ജീവി​ത​വൃ​ത്തി​യാ​ക്കു​ന്ന​തി​നുള്ള ഏറ്റവും നല്ല ഇടമാ​ണിത്‌. നിങ്ങൾ മുഴു​സമയ സേവന​ത്തി​ലാ​യി​രി​ക്കാൻ ആഗ്രഹി​ക്കു​ന്നു​വെ​ങ്കിൽ നിങ്ങൾക്കത്‌ ഇവിടെ ഏറ്റവും മെച്ചമാ​യി ചെയ്യാൻ കഴിയും. എല്ലാം നിങ്ങൾക്കു ലഭ്യമാണ്‌. ഞങ്ങളി​വി​ടെ കൂടു​ത​ലായ ചില സംഗതി​കൾ ആസ്വദി​ക്കു​ന്നു. ഭൂമി​യു​ടെ നാനാ​ഭാ​ഗ​ത്തു​നി​ന്നും വിവരങ്ങൾ ലഭിക്കു​ന്ന​തു​കൊ​ണ്ടു സ്ഥാപനത്തെ കാണാൻ അതു സഹായി​ക്കു​ന്നു.”

◼ 75 വയസ്സുള്ള ഒരു അഭിഷിക്ത സഹോ​ദ​രന്റെ ആദ്യത്തെ നിയമനം, ഏതാണ്ടു 48 വർഷം മുമ്പ്‌, പുസ്‌തകം ബയൻഡു ചെയ്യലാ​യി​രു​ന്നു. അദ്ദേഹം ഇങ്ങനെ അഭി​പ്രാ​യ​പ്പെട്ടു: “യഹോ​വ​യു​ടെ അർപ്പി​ത​രായ സ്‌നാ​പ​ന​മേറ്റ സേവക​രു​ടെ ഇടയിൽ കഴിയു​ന്നതു ഹൃദ്യ​മായ ഒരനു​ഭ​വ​മാണ്‌. ഒരു യുവാവ്‌ ബെഥേ​ലി​ലേക്കു വരുന്നതു കാണു​മ്പോൾ എന്റെ ഹൃദയം യഹോ​വ​യോ​ടുള്ള നന്ദി​കൊ​ണ്ടു നിറഞ്ഞു​തു​ളു​മ്പു​ന്നു. കാരണം അയാൾ ഇവിടെ, ബെഥേ​ലിൽ സന്തുഷ്ട​മായ ജീവിതം ആസ്വദി​ക്കാൻ പോകു​ക​യാ​ണെന്ന്‌ എനിക്ക​റി​യാം.” അദ്ദേഹം ബെഥേ​ലിൽ നിധി​പോ​ലെ കരുതുന്ന കാര്യ​ങ്ങ​ളെ​ക്കു​റിച്ച്‌ ഇങ്ങനെ കൂട്ടി​ച്ചേർത്തു: “ഇവി​ടെ​യു​ള്ള​വരെ ഞാൻ സ്‌നേ​ഹി​ക്കു​ന്നു. അവർ അഴകാർന്ന​വ​രാ​ണെന്നു ഞാൻ കരുതു​ന്നു. അനേക വർഷങ്ങ​ളോ​ളം ബെഥേ​ലി​ലാ​യി​രി​ക്കുന്ന സഹോ​ദ​ര​ങ്ങ​ളിൽ ഭൂമു​ഖ​ത്തെ​ങ്ങും കണ്ടെത്താ​നാ​വാത്ത ഒന്നു നിങ്ങൾക്കു കണ്ടെത്താം. ഗ്രഹി​ക്കാ​വു​ന്ന​തി​ല​തീ​ത​മായ ഊഷ്‌മ​ള​ത​യും, സഹാനു​ഭൂ​തി​യും ഐക്യ​വും അവി​ടെ​യുണ്ട്‌.”

◼ 62 വർഷം ബെഥേൽ സേവന​ത്തി​ലാ​യി​രുന്ന മറ്റൊരു സഹോ​ദരൻ തനിക്കു ലഭിച്ച കൂടു​ത​ലായ പ്രയോ​ജ​ന​ങ്ങ​ളെ​ക്കു​റിച്ച്‌ ഇങ്ങനെ അഭി​പ്രാ​യ​പ്പെട്ടു: “ബെഥേ​ലിൽ വരുന്ന​തോ​ടെ ഒരുവനു പ്രസി​ദ്ധീ​കരണ രംഗത്തു വിശേ​ഷ​വി​ധ​മായ വിദ്യാ​ഭ്യാ​സം ലഭിക്കുക സാധ്യ​മാ​കു​ന്നു . . . സർവോ​പരി, ലോക​ത്തിൽ എവിടെ അയച്ചാ​ലും യഹോ​വ​യാം ദൈവ​ത്തി​ന്റെ യോഗ്യ​ത​യുള്ള ഒരു പ്രതി​നി​ധി​യാ​യി​രി​ക്കാൻ ബൈബിൾ വിദ്യാ​ഭ്യാ​സം അയാളെ സുസജ്ജ​നാ​ക്കു​ന്നു.”

◼ ഭരണസം​ഘ​ത്തി​ലെ 92 വയസ്സുള്ള ഒരംഗം 58 വർഷമാ​യി ബെഥേ​ലിൽ സേവന​മ​നു​ഷ്‌ഠി​ക്കു​ന്നു. ബെഥേൽ സേവന​ത്തെ​പ്പറ്റി അദ്ദേഹ​മെ​ന്താ​ണു കരുതു​ന്നത്‌? “ഇവി​ടെ​യും ലോക​മെ​മ്പാ​ടും ഉള്ള ബെഥേൽ കുടും​ബങ്ങൾ അർപ്പിത ജനങ്ങളു​ടെ മഹത്തായ ഒരു ക്രമീ​ക​ര​ണ​മാണ്‌.”

◼ 98-ാം വയസ്സിൽ, തന്റെ നിയമ​ന​ത്തിൽ വിശ്വ​സ്‌ത​ത​യോ​ടെ മരിച്ച ഭരണസം​ഘ​ത്തി​ലെ ഒരംഗം, മരിക്കു​ന്ന​തിന്‌ ഏതാനും മാസങ്ങൾക്കു​മുമ്പ്‌ ഇപ്രകാ​രം അഭി​പ്രാ​യ​പ്ര​ക​ടനം നടത്തി: “ബെഥേൽ സേവനം എനിക്കു പ്രിയ​ങ്ക​ര​മാണ്‌. സൂര്യനു കീഴിൽ ഏറ്റവും മെച്ചപ്പെട്ട സ്ഥലം ഇതാണ്‌.”

◼ ബെഥേൽ സേവന​ത്തെ​പ്പറ്റി ഒരു യുവാ​വി​ന്റെ വീക്ഷണ​മെ​ന്താണ്‌? സമീപ​കാ​ലത്ത്‌ ഒരു യുവ സഹോ​ദരൻ ഇങ്ങനെ എഴുതി: “യേശു പറഞ്ഞതു​പോ​ലെ, ‘കൊടു​ക്കു​ന്നതു വലിയ സന്തുഷ്ടിക്ക്‌ ഇടവരു​ത്തുന്ന’തിനാൽ ഞാൻ താമസി​ച്ചി​ട്ടു​ള്ള​തി​ലേ​ക്കും ഏറ്റവും സന്തുഷ്ട​മായ ഇടം ബെഥേ​ലാണ്‌.” ബെഥേ​ലി​ന്റെ അന്തഃസത്ത അവനു പിടി​കി​ട്ടി—കൊടു​ക്കൽ.

◼ “ബെഥേൽ സേവനം വാസ്‌ത​വ​മാ​യും അനുപ​മ​മാണ്‌. യഹോ​വ​യു​ടെ ഉദ്ദേശ്യം ഭൂമി​യിൽ നടപ്പിൽവ​രു​ത്തു​ന്ന​തിൽ അതു മർമ​പ്ര​ധാ​ന​മായ ഒരു സ്ഥാനം വഹിക്കു​ന്നു. തന്മൂലം, ബെഥേ​ലിൽ സേവി​ക്കു​ന്ന​തി​നു പദവി ലഭിച്ച ഏതൊ​രാ​ളും അതിനെ അത്യന്തം ശ്രേഷ്‌ഠ​മാ​യി കണക്കാ​ക്കണം. വാസ്‌ത​വ​ത്തിൽ, ദൈവിക ഭക്തിയുള്ള ഒരു ജീവിതം മുഴു​വ​നാ​യി പ്രകടി​പ്പി​ക്കാൻ ബെഥേൽ നമ്മെ പ്രാപ്‌ത​രാ​ക്കു​ന്നു” എന്ന്‌ 51 വർഷമാ​യി മുഴു​സമയ ശുശ്രൂഷ ചെയ്യുന്ന ഒരു സഹോ​ദരൻ ഉചിത​മാ​യി സംഗ്ര​ഹി​ച്ചു പറഞ്ഞു.

¹² ദിനചര്യ: ബെഥേൽ കുടും​ബ​ത്തി​ലെ ഒരംഗം തന്റെ ദിനച​ര്യ​യി​ലൂ​ടെ രാജ്യ പ്രവർത്ത​ന​ത്തി​ന്റേ​തായ ജീവി​ത​ത്തിൽ പൂർണ​മാ​യി മുഴു​കു​ന്നു. തിങ്കളാഴ്‌ച മുതൽ ശനിയാഴ്‌ച വരെ രാവിലെ 7 മണിക്ക്‌ ഊണു​മു​റി​ക​ളിൽ പ്രഭാത ആരാധന ആരംഭി​ക്കു​ക​യാ​യി. ദിനവാ​ക്യ​ത്തെ​ക്കു​റി​ച്ചു കുടും​ബാം​ഗങ്ങൾ അഭി​പ്രാ​യം നൽകുന്നു. പിന്നീട്‌, ബ്രാഞ്ച്‌ കമ്മിറ്റി​യി​ലെ ഒരംഗ​മോ അനേക വർഷത്തെ മുഴു​സമയ സേവന​മുള്ള മറ്റൊരു സഹോ​ദ​ര​നോ അതേപ്പറ്റി ഒരു ചുരു​ങ്ങിയ വിവരണം നടത്തുന്നു. അതേത്തു​ടർന്നു പ്രഭാത പ്രാർഥ​ന​യും. ഈ പരിപാ​ടി കുടും​ബത്തെ അന്നന്നത്തെ പ്രവർത്ത​ന​ത്തിന്‌ ആത്മീയ​മാ​യി ബലപ്പെ​ടു​ത്തു​ന്നു. അതാണു ദിവസത്തെ വിശേ​ഷ​സം​ഗ​തി​യെന്നു ബെഥേൽ കുടും​ബാം​ഗങ്ങൾ നിങ്ങ​ളോ​ടു പറയും. പോഷ​ക​സ​മൃ​ദ്ധ​മായ പ്രഭാ​ത​ഭ​ക്ഷ​ണ​ത്തി​നു ശേഷം ബെഥേൽ കുടും​ബാം​ഗങ്ങൾ ഉത്സാഹ​ത്തോ​ടെ തങ്ങളുടെ വ്യത്യസ്‌ത നിയമ​ന​ങ്ങ​ളി​ലേർപ്പെ​ടു​ക​യാ​യി. തിങ്കളാഴ്‌ച മുതൽ വെള്ളി​യാഴ്‌ച വരെയുള്ള പ്രവൃ​ത്തി​ദി​വ​സ​ങ്ങ​ളിൽ ജോലി​സ​മയം രാവിലെ 8 മുതൽ വൈകു​ന്നേരം 5:10 വരെയാണ്‌. അതിൽ ഒരു മണിക്കൂർ ഉച്ചയൂ​ണി​നാ​യി മാറ്റി​വ​യ്‌ക്കു​ന്നു. ശനിയാഴ്‌ച രാവി​ലെ​യും 8 മുതൽ 11:55 വരെ ജോലി​യു​ണ്ടാ​യി​രി​ക്കും. സായാ​ഹ്ന​ങ്ങ​ളി​ലും, ശനിയാഴ്‌ച ഉച്ചതി​രി​ഞ്ഞും ഞായറാ​ഴ്‌ച​യും ബെഥേ​ലം​ഗങ്ങൾ തങ്ങളുടെ സഭാ​യോ​ഗ​ങ്ങൾക്കു പോവു​ക​യോ വീടു​തോ​റു​മുള്ള വേലയിൽ പങ്കെടു​ക്കു​ക​യോ ബൈബി​ള​ധ്യ​യന പ്രവർത്ത​ന​ങ്ങ​ളി​ലേർപ്പെ​ടു​ക​യോ വ്യക്തി​പ​ര​മായ ഉത്തരവാ​ദി​ത്വ​ങ്ങൾ നിറ​വേ​റ്റു​ക​യോ ചെയ്യുന്നു. വ്യക്തി​പ​ര​മായ പഠനത്തി​നും യോഗ​ങ്ങൾക്കു തയ്യാറാ​കു​ന്നു​തി​നും മറ്റുമാ​യി അവർ ബെഥേൽ ലൈ​ബ്രറി സൗകര്യ​ങ്ങൾ പ്രയോ​ജ​ന​പ്പെ​ടു​ത്തു​ന്നു. ആവശ്യ​ത്തി​നുള്ള വിശ്ര​മ​ത്തി​നും വിനോ​ദ​ത്തി​നു​മുള്ള സമയവു​മുണ്ട്‌. (മർക്കൊസ്‌ 6:31, 34) ഈ ദുഷ്ടവ്യ​വ​സ്ഥി​തി​യിൽനി​ന്നുള്ള ശ്രദ്ധാ​ശൈ​ഥി​ല്യം കൂടാതെ ഓരോ ദിവസ​വും തന്റെ സമയത്തി​ന്റെ സിംഹ​ഭാ​ഗ​വും വിശുദ്ധ സേവന​ത്തി​നാ​യി അർപ്പി​ക്കാൻ ബെഥേൽ സേവനം ഒരു വ്യക്തിയെ അനുവ​ദി​ക്കു​ന്നു​വെന്ന്‌ ഈ ഹ്രസ്വ വിവര​ണ​ത്തിൽനിന്ന്‌ അനായാ​സം മനസ്സി​ലാ​ക്കാം.

¹³ സഭാ​പ്ര​വർത്ത​നങ്ങൾ: ബ്രുക്ലിൻ ബെഥേൽ കുടും​ബ​ത്തി​ലെ അംഗങ്ങളെ ന്യൂ​യോർക്ക്‌ സിറ്റി​യി​ലുള്ള 350 സഭകളി​ലാ​യി നിയമി​ച്ചി​രി​ക്കു​ന്ന​തു​പോ​ലെ ലൊണാ​വ്‌ല​യി​ലെ ബെഥേൽ അംഗങ്ങളെ ഇപ്പോൾ മൂന്നു സഭകളി​ലാ​യി നിയമി​ച്ചി​രി​ക്കു​ന്നു. തങ്ങളുടെ ആത്മീയത നിലനിർത്തു​ന്ന​തി​നു പ്രാ​ദേ​ശിക സഭ വഹിക്കുന്ന പങ്കിന്‌ അവർ വിലകൽപ്പി​ക്കു​ന്നു. അങ്ങനെ, അഞ്ചു യോഗ​ങ്ങ​ളി​ലും ഹാജരാ​യി​ക്കൊണ്ട്‌, തങ്ങളുടെ സഹോ​ദ​ര​ങ്ങ​ളോ​ടൊ​പ്പം ക്രമമാ​യി വയൽസേ​വ​ന​ത്തിൽ പങ്കെടു​ത്തു​കൊണ്ട്‌, അവർ തങ്ങളുടെ സഭകളിൽ സജീവ​രാ​യി​രി​ക്കു​ന്നു. സഭാ​യോ​ഗ​ങ്ങൾക്കു പുറമേ, തിങ്കളാഴ്‌ച വൈകു​ന്നേരം ബെഥേൽ കുടും​ബ​ത്തി​നു തങ്ങളു​ടേ​തായ വീക്ഷാ​ഗോ​പുര അധ്യയ​ന​മുണ്ട്‌; സകലരു​ടെ​യും പ്രയോ​ജ​ന​ത്തി​നാ​യി ഊഴമ​നു​സ​രിച്ച്‌ ഉത്തരങ്ങൾ പറയു​ന്ന​തി​നു ബെഥേൽ അംഗങ്ങൾക്കു നിയമനം നൽക​പ്പെ​ടു​ന്നു. ബെഥേൽ പട്ടിക ആത്മീയ കാര്യ​ങ്ങൾക്ക്‌ ഊന്നൽ നൽകു​ന്ന​തു​കൊണ്ട്‌ അതു യഹോ​വയെ ആനന്ദ​ത്തോ​ടെ​യും സന്തോ​ഷ​ത്തോ​ടെ​യും സേവി​ക്കുന്ന ഒരു ജീവി​ത​ത്തിൽ കലാശി​ക്കു​ന്നു.—1 കൊരി. 15:58.

¹⁴ ബെഥേൽ സേവന​ത്തി​നാ​യുള്ള തയ്യാ​റെ​ടുപ്പ്‌: ബെഥേൽ സേവന​ത്തി​നു​വേണ്ടി തയ്യാറാ​കു​ന്ന​തി​നു തങ്ങൾ എന്തു ചെയ്യണ​മെന്നു യുവാ​ക്ക​ന്മാർ പതിവാ​യി ചോദി​ക്കാ​റുണ്ട്‌. പേഴ്‌സണൽ കമ്മിറ്റി​യിൽ സേവന​മ​നു​ഷ്‌ഠി​ക്കുന്ന ഭരണസം​ഘ​ത്തി​ലെ ഒരംഗം ഇങ്ങനെ പറഞ്ഞു: “നിങ്ങൾ ബെഥേ​ലിൽ വരു​മ്പോൾ, സേവി​ക്ക​പ്പെ​ടു​ന്ന​തി​നല്ല, സേവി​ക്കു​ന്ന​തി​നാ​യി വരുക. എത്രയ​ധി​കം സേവി​ക്കാൻ പഠിക്കു​ന്നു​വോ അത്രയ​ധി​ക​മാ​യി​രി​ക്കും നിങ്ങളു​ടെ സന്തുഷ്ടി. നൽകാൻ പഠിക്കുക, സ്വീക​രി​ക്കാ​നല്ല. വിനയ​വും താഴ്‌മ​യും ഉള്ളവരാ​യി​രി​ക്കുക. ആത്മാവി​ന്റെ ഫലങ്ങൾ—അവി​ടെ​യാ​ണു യഥാർഥ ക്രിസ്‌ത്യാ​നി​ത്വം കുടി​കൊ​ള്ളു​ന്നത്‌.” അതേ, നിങ്ങളു​ടെ ആത്മീയ​ത​യും യഹോ​വ​യു​മാ​യുള്ള അടുത്ത ബന്ധവും വികസി​പ്പി​ച്ചെ​ടു​ക്കു​ന്ന​താ​ണു ബെഥേൽ ജീവിതം വിജയ​പ്ര​ദ​മാ​ക്കു​ന്ന​തി​നുള്ള താക്കോ​ലു​കൾ. ബെഥേ​ലി​ലേക്കു പുതിയ സന്നദ്ധ​സേ​വ​കരെ തിര​ഞ്ഞെ​ടു​ക്കു​മ്പോൾ മിക്ക​പ്പോ​ഴും പയനി​യർമാ​രെ തിര​ഞ്ഞെ​ടു​ക്കു​ന്ന​തി​നു കാരണ​മ​താണ്‌. ഒരു വ്യക്തി ഒരു കാലയ​ള​വി​ലാ​യി പ്രസംഗ-പഠിപ്പി​ക്കൽ വേലയിൽ, മറ്റുള്ള​വർക്കു​വേണ്ടി ഒരു മാസം 90 മണിക്കൂർ ചെലവി​ടാൻ പാകത്തിൽ സ്വയം ശിക്ഷണം​നൽകു​ക​യും തന്റെ ഉപജീ​വ​ന​ത്തിന്‌ അത്യാ​വ​ശ്യ​മായ ജോലി പട്ടിക​പ്പെ​ടു​ത്തു​ക​യും ചെയ്യു​മ്പോൾ അയാൾ ബെഥേൽ സേവന​ത്തി​നും അവിടത്തെ ക്രമീ​കൃത ജീവി​ത​രീ​തി​ക്കും വേണ്ടി ഒരു നല്ല ആത്മീയ അടിസ്ഥാ​നം സ്ഥാപി​ച്ചി​രി​ക്കു​ക​യാണ്‌. എന്നിരു​ന്നാ​ലും, ബെഥേൽ സേവനം പയനി​യ​റിങ്‌ ചെയ്യു​ന്ന​വർക്കു​മാ​ത്ര​മാ​യി പരിമി​ത​പ്പെ​ടു​ത്തി​യി​ട്ടി​ല്ലെ​ന്നതു ദയവായി ശ്രദ്ധി​ക്കുക. അടിസ്ഥാന യോഗ്യ​ത​ക​ളിൽ എത്തി​ച്ചേ​രുന്ന ആർക്കും അതിന്‌ അപേക്ഷി​ക്കാം.

¹⁵ അതിനു​പു​റമേ, തങ്ങളുടെ കൈകൾകൊണ്ട്‌ എങ്ങനെ വേല ചെയ്യണ​മെന്നു യുവാ​ക്ക​ന്മാർ അറിഞ്ഞി​രി​ക്കു​ന്നതു നല്ലതാണ്‌. കായി​കാ​ധ്വാ​നം ആവശ്യ​മുള്ള വേല​ചെ​യ്യു​ന്ന​തി​നോട്‌ ഈ പഴയ വ്യവസ്ഥി​തി​യി​ലു​ള്ള​വർക്കു അത്ര മമതയില്ല. അധികം ശ്രമം ആവശ്യ​മി​ല്ലാത്ത, അല്ലെങ്കിൽ പ്രതാ​പ​ത്തി​ന്റെ പ്രതീ​തി​യുള്ള ജോലി ചെയ്യാൻ സ്വസ്‌നേഹം അനേക​രെ​യും പ്രേരി​പ്പി​ക്കു​ന്നു. എങ്കിലും വിവി​ധ​യി​നം ഉപകര​ണ​ങ്ങ​ളും സാമ​ഗ്രി​ക​ളും ഉപയോ​ഗി​ക്കു​ന്ന​തെ​ങ്ങ​നെ​യെന്നു പഠിക്കു​ന്നതു വളരെ പ്രാ​യോ​ഗി​ക​വും പ്രയോ​ജ​ന​പ്ര​ദ​വു​മാണ്‌. (സദൃ. 22:29) മാതാ​പി​താ​ക്ക​ളിൽനി​ന്നോ അനുഭ​വ​പ​രി​ച​യ​മുള്ള പ്രായം​ചെന്ന മൂപ്പന്മാ​രെ രാജ്യ​ഹാ​ളു​മാ​യി ബന്ധപ്പെട്ട വിവിധ പദ്ധതി​ക​ളിൽ സഹായി​ക്കു​ന്ന​തി​ലൂ​ടെ​യോ പ്രായം​ചെ​ന്ന​വ​രു​ടെ ഭവനങ്ങ​ളിൽ അത്യാ​വ​ശ്യ​മായ കേടു​പാ​ടു​കൾ തീർത്തു​കൊണ്ട്‌ അവർക്കു സഹായ​മേ​കു​ന്ന​തി​ലൂ​ടെ​യോ മിക്ക​പ്പോ​ഴും, യുവാ​ക്ക​ന്മാർക്കു കൈ​ത്തൊ​ഴിൽ പഠി​ച്ചെ​ടു​ക്കാ​വു​ന്ന​താണ്‌.

¹⁶ “ബെഥേൽ സേവന​ത്തി​നു​വേണ്ട യോഗ്യത നേടു​ന്ന​തി​നു ഞാൻ കൂടു​ത​ലായ ലൗകിക പരിശീ​ലനം നേടേ​ണ്ട​തു​ണ്ടോ?” ചില​പ്പോ​ഴൊ​ക്കെ ചെറു​പ്പ​ക്കാർ ഉന്നയി​ക്കുന്ന ചോദ്യ​മാ​ണത്‌. ലൗകിക പരിശീ​ലനം അതിൽത്തന്നെ ഒരു വ്യക്തിയെ ബെഥേൽ സേവന​ത്തി​നു യോഗ്യ​നാ​ക്കു​ന്നില്ല. ക്ഷണിക്ക​പ്പെ​ടുന്ന ഏവരെ​യും സംബന്ധി​ച്ചി​ട​ത്തോ​ളം ആത്മീയ ഗുണങ്ങ​ളാ​ണു സർവ​പ്ര​ധാ​ന​വും ആവശ്യ​വു​മാ​യി​രി​ക്കു​ന്നത്‌. ലൗകിക വിദ്യാ​ഭ്യാ​സം സംബന്ധി​ച്ചുള്ള സന്തുലിത വീക്ഷണം അവതരി​പ്പി​ച്ചി​രി​ക്കുന്ന 1993 ഫെബ്ര​വു​രി ലക്കം വീക്ഷാ​ഗോ​പു​ര​ത്തി​ന്റെ 15-21 പേജുകൾ ശ്രദ്ധാ​പൂർവം പരിചി​ന്തി​ക്കു​ന്ന​തി​നു മാതാ​പി​താ​ക്ക​ളെ​യും സ്‌കൂൾ പ്രായ​ത്തി​ലുള്ള കുട്ടി​ക​ളെ​യും ഞങ്ങൾ പ്രോ​ത്സാ​ഹി​പ്പി​ക്കു​ക​യാണ്‌. ലൗകിക വിദ്യാ​ഭ്യാ​സം സംബന്ധി​ച്ചുള്ള തീരു​മാ​നം വ്യക്തി​പ​ര​മായ ഒരു സംഗതി​യാണ്‌. ഒരു വ്യക്തി എന്തുതന്നെ തീരു​മാ​നി​ച്ചാ​ലും, സത്യത്തി​നു സാക്ഷ്യം വഹിക്കു​ക​യെന്ന യഹോ​വ​യു​ടെ ജനത്തിന്റെ മുഖ്യ വേലയിൽ ശ്രദ്ധ കേന്ദ്രീ​ക​രി​ക്കു​ന്ന​തിൽ തുടർന്നു​കൊണ്ട്‌ ആത്മീയ പുരോ​ഗതി നിലനിർത്താൻ താൻ പ്രാപ്‌ത​നാ​ണെന്ന്‌ അയാൾ ഉറപ്പു​വ​രു​ത്തണം.

¹⁷ ഒരുവന്‌ ഏതുതരം ലൗകിക പരിശീ​ലനം ലഭിച്ചാ​ലും ചിന്തി​ക്കാൻ പഠിക്കു​ന്നത്‌ അത്യന്തം വില​യേ​റി​യ​താണ്‌. ചിന്താ​പ്രാ​പ്‌തി​യെ​യും പ്രാ​യോ​ഗിക ജ്ഞാന​ത്തെ​യും ബൈബിൾ പ്രശം​സി​ക്കു​ന്നു. (സദൃ. 1:4; 3:21) എങ്ങനെ ചിന്തി​ക്ക​ണ​മെ​ന്നും വിവരങ്ങൾ സൂക്ഷി​ക്ക​ണ​മെ​ന്നും മനസ്സി​ലാ​ക്കു​ന്നതു നിങ്ങൾക്കും യഹോ​വ​യു​ടെ ലോക​വ്യാ​പക സ്ഥാപന​ത്തി​നും പ്രയോ​ജ​ന​പ്ര​ദ​മായ അറിവും നിപു​ണ​ത​ക​ളും സമ്പാദി​ക്കു​ന്ന​തി​നു നിങ്ങളെ പ്രാപ്‌ത​രാ​ക്കും. ഒടുവിൽ, ഒരുവന്‌ എന്തുതന്നെ വൈദ​ഗ്‌ധ്യ​ങ്ങൾ ഉണ്ടായി​രു​ന്നാ​ലും മറ്റുള്ള​വ​രു​മാ​യി നല്ലവണ്ണം ഒത്തു​പോ​കു​ന്നതു വളരെ പ്രധാ​ന​മാണ്‌. വേല നിർവ​ഹി​ക്കു​ന്ന​തി​നു ബെഥേൽ സന്നദ്ധ​സേ​വകർ ഒരു സംഘമെന്ന നിലയിൽ അടുത്ത്‌, ഒരുമി​ച്ചു പ്രവർത്തി​ക്കണം. അങ്ങനെ, സ്വത​ന്ത്ര​മോ മത്സരാ​ത്മ​ക​മോ ആയ മനോ​ഭാ​വ​ത്തി​ന്റെ സ്ഥാനത്തു സഹകര​ണാ​ത്മ​ക​വും സ്‌നേ​ഹ​നിർഭ​ര​വു​മായ മനോ​ഭാ​വ​വും ദിവ്യാ​ധി​പത്യ മാർഗ​നിർദേ​ശ​ത്തി​നു കീഴ്‌പെ​ടു​ന്ന​തി​നുള്ള മനസ്സൊ​രു​ക്ക​വും വളർത്തി​യെ​ടു​ക്കണം.—എഫെസ്യർ 4:16 താരത​മ്യം ചെയ്യുക.

¹⁸ മേൽപ്പറഞ്ഞ കഴിവു​കൾ വികസി​പ്പി​ച്ചെ​ടു​ക്കു​ന്ന​തി​നു യഹോ​വ​യു​ടെ സ്ഥാപന​ത്തി​ലെ യുവജ​ന​ങ്ങൾക്കു മഹത്തായ അവസര​മുണ്ട്‌. അപ്പോൾ, ബെഥേ​ലി​ലേക്കു ക്ഷണിക്കു​ന്ന​പക്ഷം, കൂടു​ത​ലായ ഉത്തരവാ​ദി​ത്വ​ങ്ങൾ നിർവ​ഹി​ക്കാൻ യഹോ​വ​യു​ടെ സ്ഥാപന​ത്തി​ലൂ​ടെ പരിശീ​ലി​പ്പി​ക്ക​പ്പെ​ടു​ന്ന​തി​നു പറ്റിയ നിലയി​ലാ​യി​രി​ക്കും അവർ. ഈ കാര്യം തുടർച്ച​യാ​യി യുവാ​ക്ക​ളു​ടെ മുമ്പാകെ വയ്‌ക്കു​ന്ന​തി​നു ക്രിസ്‌തീയ മാതാ​പി​താ​ക്ക​ളെ​യും മൂപ്പന്മാ​രെ​യും ഞങ്ങൾ പ്രോ​ത്സാ​ഹി​പ്പി​ക്കു​ക​യാണ്‌. അനേകം മാതാ​പി​താ​ക്ക​ളും കുട്ടി​കളെ ബെഥേൽ ചുറ്റി​ക്കാ​ണു​ന്ന​തി​നു ക്രമമാ​യി കൊണ്ടു​വ​രു​ന്നു, അങ്ങനെ അവിടെ നടക്കുന്ന കാര്യ​ങ്ങ​ളു​മാ​യി അവരെ പരിചി​ത​രാ​ക്കു​ന്നു. വിദ്യാ​ഭ്യാ​സം പൂർത്തി​യാ​ക്കി​യ​ശേഷം ബെഥേ​ലിൽ വരുന്ന​തി​ലേക്ക്‌ ഇത്‌ അനേക​രെ​യും നയിച്ചി​ട്ടുണ്ട്‌.

¹⁹ അനുഭ​വ​പ​രി​ച​യ​മു​ള്ളവർ: ബെഥേ​ലിൽ ആവശ്യ​മാ​യി​രി​ക്കുന്ന പരിശീ​ല​ന​വും വൈദ​ഗ്‌ധ്യ​ങ്ങ​ളു​മുള്ള, ഏതാണ്ടു 35 വയസ്സിനു മുകളി​ലുള്ള സഹോ​ദ​ര​നെ​യോ സഹോ​ദ​രി​യെ​യോ ചില​പ്പോ​ഴൊ​ക്കെ ബെഥേ​ലിൽ എടുക്കാ​റുണ്ട്‌. സൊ​സൈറ്റി ഇപ്പോൾ ഏർപ്പെ​ട്ടി​രി​ക്കുന്ന വേലയി​ല​ധി​ക​വും നിർവ​ഹി​ക്കു​ന്ന​തി​നു കരുത്തുള്ള, കഴിവുള്ള, പരിശീ​ലി​പ്പി​ക്ക​പ്പെ​ടാ​വുന്ന യുവാ​ക്ക​ന്മാ​രോ​ടൊ​പ്പം അനുഭ​വ​പ​രി​ച​യ​മു​ള്ളവർ, “ഗുരു​വും ശിഷ്യ​നും” ചേർന്നു പ്രവർത്തി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു.—1 ദിന. 25:8.

²⁰ ഇന്നത്തെ വേലയു​ടെ അധിക​പ​ങ്കും ഇലക്‌​ട്രോ​ണി​ക്‌സി​ലോ കമ്പ്യൂട്ടർ പ്രോ​ഗ്രാ​മി​ലോ അനുഭ​വ​പ​രി​ച​യ​മുള്ള പശ്ചാത്ത​ല​മു​ള്ള​വരെ ആവശ്യ​മാ​ക്കി​ത്തീർക്കു​ന്നു. സൊ​സൈ​റ്റിക്ക്‌ അക്ഷരാർഥ​ത്തിൽ അസംഖ്യം ഫോ​ട്ടോ​കോ​പ്പി യന്ത്രങ്ങ​ളും ലേസർ പ്രിന്റ​റു​ക​ളും പേഴ്‌സണൽ കമ്പ്യൂ​ട്ട​റു​ക​ളും ഉണ്ട്‌, അവയ്‌ക്കെ​ല്ലാം പരിര​ക്ഷണം ആവശ്യ​മുണ്ട്‌. എൻജി​നി​യ​റിംഗ്‌, പ്ലമ്മിങ്‌, ഇലക്ട്രി​ക്കൽ, എയർക​ണ്ടീ​ഷ​നിങ്‌ എന്നിങ്ങനെ വിവിധ നിർമാണ പ്രവർത്ത​ന​ങ്ങ​ളിൽ വൈദ​ഗ്‌ധ്യ​മു​ള്ള​വരെ ഇതിന്‌ ഉപയോ​ഗി​ക്കാ​വു​ന്ന​താണ്‌. കണക്കെ​ഴു​ത്തിൽ ആഴമായ അറിവുള്ള, പ്രത്യേ​കി​ച്ചും അതിന്റെ സർട്ടി​ഫി​ക്ക​റ്റുള്ള, പക്വമ​തി​ക​ളായ സഹോ​ദ​ര​ന്മാർക്കു സഹായ​മാ​യി​രി​ക്കാ​വു​ന്ന​താണ്‌. യാത്ര​ചെ​യ്യു​ന്ന​തി​നും സാഹി​ത്യ​ങ്ങൾ കയറ്റി അയയ്‌ക്കു​ന്ന​തി​നു​മുള്ള ചെലവു ചുരു​ക്കു​ന്ന​തി​നു​വേണ്ടി സൊ​സൈ​റ്റി​ക്കു സ്വന്തമാ​യി അനേകം വാഹന​ങ്ങ​ളുണ്ട്‌. തന്മൂലം, അനുഭ​വ​പ​രി​ച​യ​മുള്ള ഡ്രൈ​വർമാ​രെ​യും മെക്കാ​നി​ക്കു​ക​ളെ​യും ആവശ്യ​മണ്ട്‌.

²¹ ഞങ്ങൾക്ക്‌ ഏറ്റവും ആവശ്യം സമർപ്പി​ത​രായ, ഏകാകി​ക​ളായ സഹോ​ദ​ര​ന്മാ​രെ​യാണ്‌. പ്രത്യേക വൈദ​ഗ്‌ധ്യ​ങ്ങ​ളു​ള്ള​വ​രെ​യും ആവശ്യ​മുണ്ട്‌, അവരിൽ ചിലർ വിവാ​ഹി​ത​രാ​ണെ​ന്നു​വ​രാം. ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ബെഥേൽ സേവന​ത്തി​നു താത്‌പ​ര്യ​മു​ള്ള​വർക്കാ​യി നടത്തുന്ന പ്രത്യേക യോഗ​ത്തിൽവെച്ചു നിങ്ങൾക്കു ബെഥേൽ അപേക്ഷാ​ഫാ​റം കൈപ്പ​റ്റാ​വു​ന്ന​താണ്‌. അല്ലെങ്കിൽ Watch Tower Society, Post Bag 10, Lonavla, MAH 410 401-ലേക്ക്‌ എഴുതാ​വു​ന്ന​താണ്‌. നിങ്ങൾ വിവാ​ഹി​ത​നാ​ണെ​ങ്കിൽ, ഇതു മനസ്സിൽ പിടി​ക്കുക, നിങ്ങളു​ടെ ഇണയും ബെഥേൽ സേവന​ത്തിന്‌ ആത്മീയ​വും വൈകാ​രി​ക​വും ശാരീ​രി​ക​വു​മാ​യി യോഗ്യ​ത​യുള്ള വ്യക്തി​യാ​യി​രി​ക്ക​ണ​മെ​ന്നത്‌ ഓർമി​ക്കുക. നേരത്തെ സൂചി​പ്പിച്ച ഏതെങ്കി​ലും രംഗത്തു നിങ്ങൾക്കു പരിശീ​ല​ന​വും അനുഭ​വ​പ​രി​ച​യ​വും ഉള്ളപക്ഷം അതേപ്പ​റ്റി​യുള്ള വിശദാം​ശങ്ങൾ ചുരു​ക്കി​യെ​ഴു​തി ബെഥേൽ അപേക്ഷാ​ഫാ​റ​ത്തോ​ടൊ​പ്പം അയയ്‌ക്കുക.

²² നിങ്ങൾ ഒരു അടിയ​ന്തിര വിളി​യോ​ടു പ്രതി​ക​രി​ക്കു​മോ? ബെഥേൽ സന്നദ്ധ​സേ​വ​ക​രു​ടെ അടിയ​ന്തിര ആവശ്യ​മുണ്ട്‌. നിങ്ങൾ ബെഥേൽ സേവന​ത്തി​നു​വേണ്ട യോഗ്യ​ത​ക​ളിൽ എത്തി​ച്ചേ​രു​ന്ന​പക്ഷം ഈ അടിയ​ന്തിര വിളിക്ക്‌ ഉത്തരമാ​യി ഒരു ബെഥേൽ അപേക്ഷാ​ഫാ​റം അയയ്‌ക്കാൻ ഞങ്ങൾ നിങ്ങളെ അതിയാ​യി പ്രോ​ത്സാ​ഹി​പ്പി​ക്കു​ക​യാണ്‌. നിങ്ങളെ ഉടൻതന്നെ വിളി​ക്കാ​ത്ത​പക്ഷം നിരു​ത്സാ​ഹ​പ്പെ​ട​രുത്‌. നിങ്ങളു​ടെ അപേക്ഷാ ഫാറം വർഷാ​വർഷം പുതു​ക്കാൻ കഴിയും. നിങ്ങളു​ടെ ലഭ്യത സംബന്ധിച്ച്‌ അതു ഞങ്ങൾക്കു കൃത്യ വിവരം നൽകും.

²³ പ്രവാ​ച​ക​നായ യെശയ്യാവ്‌ കേൾക്കേ യഹോവ ചോദി​ച്ചു: “ഞാൻ ആരെ അയക്കേണ്ടു? ആർ നമുക്കു വേണ്ടി പോകും?” യാതൊ​രു സങ്കോ​ച​വും കൂടാതെ യെശയ്യാവ്‌ മറുപ​ടി​പ​റഞ്ഞു: “അടിയൻ ഇതാ അടിയനെ അയക്കേ​ണമേ.” അങ്ങനെ യെശയ്യാവ്‌ ദൈവ​ത്തി​ന്റെ പ്രവാ​ച​ക​നെ​ന്ന​നി​ല​യി​ലുള്ള ശ്രദ്ധേ​യ​മായ ജീവി​ത​വൃ​ത്തി​യി​ലേർപ്പെട്ടു. “അടിയൻ ഇതാ അടിയനെ അയക്കേ​ണമേ” എന്നു നിങ്ങൾക്കു പറയാൻ കഴിയു​മോ? “ദൈവ​ഭവന”മായ ബെഥേ​ലിൽ സേവി​ക്കാൻ നിങ്ങൾ ക്ഷണിക്ക​പ്പെ​ടു​ന്ന​പക്ഷം അനേകം അനു​ഗ്ര​ഹങ്ങൾ നിങ്ങൾക്കാ​യി കാത്തി​രി​ക്കു​ന്നു.—യെശയ്യാ​വു 6:8.