ദൈനം​ദി​നം യഹോ​വയെ സ്‌തു​തി​ക്കു​ക

¹ നമ്മുടെ ദൈവ​മായ യഹോവ അത്ഭുത​വാ​നായ, സ്‌നേ​ഹ​വാ​നായ ഒരു സ്രഷ്ടാ​വും, എല്ലാ ജീവ​ന്റെ​യും സന്തുഷ്ടി​യു​ടെ​യും ഉറവു​മാണ്‌. തന്റെ മാഹാ​ത്മ്യം നിമിത്തം യഥാർഥ​ത്തിൽ തന്റെ എല്ലാ സൃഷ്ടി​ക​ളിൽനി​ന്നു​മുള്ള സ്‌തു​തിക്ക്‌ അവൻ യോഗ്യ​നാണ്‌. വ്യക്തി​പ​ര​മാ​യി, സങ്കീർത്ത​ന​ക്കാ​ര​നെ​പ്പോ​ലെ പറയാൻ നാമും ആഗ്രഹി​ക്കു​ന്നു: “ഞാൻ മേൽക്കു​മേൽ നിന്നെ സ്‌തു​തി​ക്കും. എന്റെ വായ്‌ ഇടവി​ടാ​തെ നിന്റെ നീതി​യെ​യും രക്ഷയെ​യും വർണി​ക്കും.” (സങ്കീ. 71:14, 15) ഇതു ചെയ്യു​ന്ന​തിന്‌, അനുദി​നം യഹോ​വയെ സ്‌തു​തി​ക്കു​ന്ന​തി​നുള്ള മാർഗങ്ങൾ നാം തേടണം, അവനെ​ക്കു​റി​ച്ചും അവന്റെ നീതി​യെ​ക്കു​റി​ച്ചും രക്ഷക്കു​വേ​ണ്ടി​യുള്ള അവന്റെ കരുത​ലു​ക​ളെ​ക്കു​റി​ച്ചും സംസാ​രി​ക്കു​ന്ന​തി​നു നാം പ്രേരി​പ്പി​ക്ക​പ്പെ​ടു​ക​യും വേണം.

² യഹോ​വയെ സ്‌തു​തി​ക്കു​ന്ന​തിൽ ആദിമ ക്രിസ്‌ത്യാ​നി​കൾ ഒരു നല്ല മാതൃക വെച്ചു. പെന്ത​ക്കോ​സ്‌തി​ലെ 3,000 പേരുടെ സ്‌നാ​പ​ന​ത്തെ​ക്കു​റി​ച്ചു പ്രവൃ​ത്തി​കൾ 2:46, 47-ൽ നാം ഇങ്ങനെ വായി​ക്കു​ന്നു: “ഒരുമ​ന​പ്പെട്ടു ദിന​മ്പ്രതി ദൈവാ​ല​യ​ത്തിൽ കൂടി​വ​രി​ക​യും . . . ദൈവത്തെ സ്‌തു​തി​ക്ക​യും സകല ജനത്തി​ന്റെ​യും കൃപ അനുഭ​വി​ക്ക​യും ചെയ്‌തു. കർത്താവു രക്ഷിക്ക​പ്പെ​ടു​ന്ന​വരെ ദിന​മ്പ്രതി സഭയോ​ടു ചേർത്തു​കൊ​ണ്ടി​രു​ന്നു.” യഹോ​വ​യെ​യും അവന്റെ മിശി​ഹാ​യെ​യും കുറി​ച്ചുള്ള അത്ഭുത​ക​ര​മായ സത്യങ്ങൾ അവർ പഠിക്കു​ക​യാ​യി​രു​ന്നു. അവരുടെ സന്തോഷം പടരു​ന്ന​താ​യി​രു​ന്നു, ശ്രദ്ധി​ക്കു​ന്ന​തി​നും പഠിക്കു​ന്ന​തി​നും യഹോ​വയെ സ്‌തു​തി​ക്കു​ന്ന​തി​നും മറ്റുള്ള​വ​രെ​യും പ്രോ​ത്സാ​ഹി​പ്പി​ക്കു​ന്ന​താ​യി​രു​ന്നു.

³ ഓരോ ദിവസ​വും അവസരങ്ങൾ ലഭ്യമാണ്‌: അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ തങ്ങൾക്കു യഹോ​വയെ ദൈനം​ദി​നം സ്‌തു​തി​ക്കാൻ കഴിയു​മെന്ന്‌ ഇന്ന്‌ അനേകർ കണ്ടെത്തു​ന്നു. മുൻകൂ​ട്ടി തയ്യാറാ​കു​ന്നതു കൂടുതൽ ഫലപ്ര​ദ​രാ​യി​രി​ക്കാൻ അവരെ സഹായി​ക്കു​ന്നു. അനൗപ​ചാ​രിക സാക്ഷീ​ക​ര​ണ​ത്തിൽ പങ്കെടു​ക്കു​ന്ന​തി​നു തീരു​മാ​നി​ച്ചു​റ​ച്ചി​രുന്ന ഒരു സഹോ​ദരി ആരോ തന്റെ കാറിന്റെ രണ്ടു ജനാലകൾ തകർത്ത്‌ ഉള്ളിൽ കയറി​യ​താ​യി കണ്ടെത്തി. അവർ ഗരാജി​ലേക്കു ഫോൺ ചെയ്‌തിട്ട്‌ മെക്കാ​നി​ക്കി​നോ​ടു സാക്ഷീ​ക​രി​ക്കു​ന്ന​തി​നു​വേണ്ടി തയ്യാറാ​യി. അവരുടെ തയ്യാറാ​ക​ലിൽ, യഹോ​വ​യു​ടെ മാർഗ​ദർശ​ന​ത്തി​നു​വേണ്ടി പ്രാർഥി​ക്കു​ന്ന​തും ഉൾപ്പെ​ട്ടി​രു​ന്നു. അത്‌ അവർ മെക്കാ​നി​ക്കി​നോട്‌ ഒരു മണിക്കൂർ സാക്ഷീ​ക​രി​ക്കു​ന്ന​തി​ലും അയാൾക്ക്‌ എന്നേക്കും ജീവി​ക്കാൻ പുസ്‌തകം സമർപ്പി​ക്കു​ന്ന​തി​ലും കലാശി​ച്ചു.

⁴ മറ്റൊരു സഹോ​ദരി ഒരു അയൽക്കാ​രി​യെ പതിവാ​യി കണ്ടുമു​ട്ടി​യി​രു​ന്നത്‌ തങ്ങളുടെ പട്ടികളെ നടത്താൻ കൊണ്ടു​പോ​കു​മ്പോ​ഴാ​യി​രു​ന്നു. അത്തര​മൊ​രു കൂടി​ക്കാ​ഴ്‌ച​യിൽ അവർ ജീവി​ത​പ്ര​ശ്‌ന​ങ്ങ​ളെ​ക്കു​റി​ച്ചു ഗൗരവ​മായ ഒരു സംഭാ​ഷ​ണ​ത്തി​ലേർപ്പെട്ടു, അതു കൂടു​ത​ലായ ചർച്ചയി​ലേക്കു നയിച്ചു. ക്രമേണ ഒരു ബൈബി​ള​ധ്യ​യനം ആരംഭി​ച്ചു. രസാവ​ഹ​മാ​യി, യഹോ​വ​യു​ടെ സാക്ഷികൾ തന്റെ വീട്ടു​വാ​തിൽക്കൽ വന്നിരു​ന്നെ​ങ്കിൽ താൻ ശ്രദ്ധി​ക്കു​മാ​യി​രു​ന്നില്ല എന്ന്‌ ആ അയൽക്കാ​രി പിന്നീടു സമ്മതി​ക്കു​ക​യു​ണ്ടാ​യി, കാരണം അവർ ദൈവ​ത്തി​ലോ ബൈബി​ളി​ലോ വിശ്വ​സി​ച്ചി​രു​ന്നില്ല.

⁵ വിൽപ്പ​ന​ക്കാ​രോ മറ്റുള്ള​വ​രോ വീട്ടു​വാ​തിൽക്കൽ വരു​മ്പോൾ സാക്ഷീ​ക​രി​ക്കുക സാധ്യ​മാ​ണെന്നു ചിലർ കണ്ടെത്തി​യി​രി​ക്കു​ന്നു. ലൈഫ്‌ ഇൻഷ്വ​റൻസ്‌ വിൽക്കുന്ന ഒരാൾ അയർലൻഡി​ലുള്ള ഒരു സഹോ​ദ​രി​യെ സന്ദർശി​ച്ചു. താൻ നിത്യ​ജീ​വൻ ആസ്വദി​ക്കാൻ നോക്കി​പ്പാർത്തി​രി​ക്കു​ക​യാ​ണെന്ന്‌ അവർ വിശദീ​ക​രി​ച്ചു. ഒരു റോമൻ കത്തോ​ലി​ക്ക​നാ​യി വളർത്ത​പ്പെട്ട ഇദ്ദേഹത്തെ സംബന്ധി​ച്ചി​ട​ത്തോ​ളം ഇതു തികച്ചും പുതിയ ഒരാശ​യ​മാ​യി​രു​ന്നു. അദ്ദേഹം എന്നേക്കും ജീവി​ക്കാൻ പുസ്‌തകം സ്വീക​രി​ച്ചു, തുടർന്നു​വന്ന ആഴ്‌ച​യിൽ യോഗ​ത്തി​നു ഹാജരാ​യി, ഒരു ബൈബി​ള​ധ്യ​യ​ന​ത്തി​നു സമ്മതിച്ചു. ഈ വിൽപ്പ​ന​ക്കാ​രൻ ഇപ്പോൾ സ്‌നാ​പ​ന​മേറ്റ ഒരു സഹോ​ദ​ര​നാണ്‌.

⁶ ദൈനം​ദി​നം യഹോ​വയെ സ്‌തു​തി​ക്കു​ന്ന​തി​നുള്ള അവസര​ങ്ങൾക്കാ​യി നാം ജാഗ്ര​ത​യു​ള്ള​വ​രാ​യി​രി​ക്കണം. ഏതാനും മാസി​ക​ക​ളോ ലഘു​ലേ​ഖ​ക​ളോ കാണത്ത​ക്ക​വണ്ണം, സന്ദർശ​കർക്കു പെട്ടെന്നു കൊടു​ക്കാ​വു​ന്ന​വി​ധം വയ്‌ക്കു​ന്നതു സഹായ​ക​മാണ്‌. ചിലയി​ട​ങ്ങ​ളിൽ പാർക്കി​ലെ ഒരു ബഞ്ചിൽ അല്‌പ​സ​മയം ചെലവ​ഴി​ക്കു​ന്നത്‌ ഏതാനും നിമിഷം വിശ്ര​മി​ക്കു​ന്ന​തി​നാ​യി എത്തുന്ന​വ​രോ​ടു സാക്ഷീ​ക​രി​ക്കു​ന്ന​തി​നു പല അവസരങ്ങൾ പ്രദാനം ചെയ്‌തേ​ക്കാം. സ്‌കൂ​ളിൽ ചില യുവ സാക്ഷികൾ തങ്ങളുടെ ഡസ്‌ക്കിൽ ബൈബിൾ സാഹി​ത്യ​ങ്ങൾ വയ്‌ക്കു​ന്നു. അതു കണ്ടിട്ട്‌ ചോദ്യ​ങ്ങൾ ചോദി​ക്കു​ന്ന​വ​രു​മാ​യി സംഭാ​ഷണം തുടങ്ങു​ന്ന​തി​നുള്ള ഒരു വിധമാ​ണത്‌. നിങ്ങൾക്ക്‌ ഉപയോ​ഗി​ക്കാ​വുന്ന ഒന്നോ രണ്ടോ തിരു​വെ​ഴു​ത്തു പരാമർശങ്ങൾ മനസ്സിൽപി​ടി​ക്കുക. നിങ്ങളെ സഹായി​ക്കു​ന്ന​തി​നാ​യി യഹോ​വ​യോട്‌ അപേക്ഷി​ക്കുക. അപ്രകാ​രം ചെയ്യു​ന്ന​തി​നാൽ നിങ്ങൾ അനു​ഗ്ര​ഹി​ക്ക​പ്പെ​ടും.—1 യോഹ. 5:14.