ധൈര്യ​ത്തോ​ടെ സംസാ​രി​ക്കു​ക

¹ അടുത്ത കാലങ്ങ​ളി​ലാ​യി ആളുകളെ വീട്ടിൽ കണ്ടുമു​ട്ടി സംസാ​രി​ക്കു​ന്നത്‌ അത്യധി​കം പ്രയാസകരമായിത്തീർന്നുകൊണ്ടിരിക്കുന്നുവെന്നു ചില പ്രദേ​ശ​ങ്ങ​ളിൽ പ്രസാ​ധകർ കണ്ടെത്തു​ന്നു. തങ്ങളുടെ പ്രദേ​ശത്തു വീടു​തോ​റും സന്ദർശി​ക്കു​മ്പോൾ 50 ശതമാ​ന​ത്തി​ലേറെ പേർ വീടു​ക​ളി​ലി​ല്ലാ​ത്ത​താ​യി പലരും റിപ്പോർട്ടു ചെയ്യുന്നു. തത്‌ഫ​ല​മാ​യി ചെലവ​ഴി​ക്ക​പ്പെ​ടുന്ന സമയത്തി​ലേ​റെ​യും നിഷ്‌ഫ​ല​മാണ്‌.

² വർഷങ്ങൾക്കു മുമ്പ്‌, പൊതു​വേ വിശ്ര​മ​ദി​വ​സ​മാ​യി കണക്കാ​ക്കി​യി​രുന്ന ഞായറാ​ഴ്‌ച​ക​ളിൽ ഏറെ​പ്പേരെ വീട്ടിൽ കണ്ടെത്തി​യി​രു​ന്നു. സമ്പ്രദാ​യ​ങ്ങൾക്കു മാറ്റം വന്നിരി​ക്കു​ന്നു. ലൗകിക തൊഴി​ലു​ക​ളി​ലേർപ്പെ​ടുക, സാധനങ്ങൾ വാങ്ങു​ന്ന​തു​പോ​ലെ​യുള്ള കുടും​ബാ​വ​ശ്യ​ങ്ങൾക്കു വേണ്ടി കരുതുക, അല്ലെങ്കിൽ വിനോ​ദ​ങ്ങ​ളി​ലേർപ്പെ​ടുക ഇതൊക്കെ ഇന്നു സർവസാ​ധാ​ര​ണ​മാണ്‌. ഇക്കാര​ണ​ങ്ങ​ളാ​ലൊ​ക്കെ അവരെ വീട്ടിൽ കണ്ടെത്തു​ക​യില്ല. അതു​കൊണ്ട്‌ ഞായറാ​ഴ്‌ച​ക​ളിൽപോ​ലും ആളുകളെ വീടു​ക​ളിൽ കണ്ടെത്തുക എന്നത്‌ ഒരു പ്രശ്‌ന​മാ​യി​ത്തീർന്നി​രി​ക്കു​ന്നു.

³ ആളുകൾ വീട്ടിൽ ഇല്ലെങ്കിൽ അവർ മറ്റെവി​ടെ​യെ​ങ്കി​ലും ആണെന്നു​ള്ളതു സ്‌പഷ്ട​മാണ്‌. നമ്മുടെ ലക്ഷ്യം ആളുക​ളോ​ടു സംസാ​രി​ക്കുക എന്നതാ​യി​രി​ക്കു​ന്ന​തി​നാൽ—തെരു​വി​ലോ, ചന്തസ്ഥല​ത്തോ അല്ലെങ്കിൽ ജോലി​സ്ഥ​ല​ത്തോ—നാം കണ്ടുമു​ട്ടു​ന്ന​വ​രോട്‌ എന്തു​കൊ​ണ്ടു സംസാ​രി​ച്ചു​കൂ​ടാ? സാക്ഷ്യം നൽകു​ന്ന​തി​നു ‘കണ്ടുമു​ട്ടു​ന്ന​വരെ’ ഒക്കെ സമീപി​ക്കു​ന്നതു പൗലോ​സി​ന്റെ രീതി​യാ​യി​രു​ന്നു. (പ്രവൃ. 17:17) അന്നതു ഫലകര​മായ ഒരു സാക്ഷീ​ക​ര​ണ​വി​ധ​മാ​ണെന്നു തെളിഞ്ഞു. നമ്മുടെ നാളി​ലും അതു ഫലകര​മായ ഒരു സാക്ഷീ​ക​ര​ണ​വി​ധ​മാണ്‌.

⁴ വീടു​തോ​റും പോകു​മ്പോൾ ആളുകൾ വെറുതെ നടക്കാ​നി​റ​ങ്ങി​യി​രി​ക്കു​ന്ന​തോ അല്ലെങ്കിൽ ഒരുപക്ഷേ മറ്റാർക്കെ​ങ്കി​ലും വേണ്ടി കാത്തു​നിൽക്കു​ന്ന​തോ നാം സാധാ​ര​ണ​മാ​യി കാണാ​റുണ്ട്‌. ഒരു സുദി​ന​ത്തിൽ അവർ പാർക്കി​ലെ ഒരു ബഞ്ചിൽ ഇരിക്കു​ക​യാ​യി​രി​ക്കാം അല്ലെങ്കിൽ തങ്ങളുടെ വണ്ടി നന്നാക്കു​ക​യോ കഴുകു​ക​യോ ആയിരി​ക്കാം. സ്‌നേ​ഹ​മ​സൃ​ണ​മായ ഒരു പുഞ്ചി​രി​യും സൗഹാർദ​മായ ഒരു അഭിവാ​ദ​ന​വും ആയിരി​ക്കാം സംഭാ​ഷണം തുടങ്ങു​ന്ന​തിന്‌ ആകെക്കൂ​ടി ആവശ്യ​മാ​യി​രി​ക്കു​ന്നത്‌. അവർ സമീപ​ത്തെ​വി​ടെ​യെ​ങ്കി​ലു​മാ​ണു താമസി​ക്കു​ന്ന​തെ​ങ്കിൽ അവരെ വീട്ടിൽ കണ്ടുമു​ട്ടാൻ കഴിയാ​തെ പോ​യെ​ന്നും ഇപ്പോൾ അവരു​മാ​യി സംസാ​രി​ക്കു​ന്ന​തിന്‌ ഇങ്ങനെ​യൊ​ര​വ​സരം ലഭിച്ച​തിൽ സന്തോ​ഷ​മു​ണ്ടെ​ന്നും പറയാ​വു​ന്ന​താണ്‌. അൽപ്പസ്വൽപ്പം കൂടു​ത​ലാ​യി ധൈര്യം കാണി​ക്കു​ന്ന​തിന്‌ മുൻകൈ എടുത്ത​തി​നാൽ പലരും പ്രതി​ഫ​ല​ദാ​യ​ക​മായ അനുഭ​വങ്ങൾ ആസ്വദി​ച്ചി​ട്ടുണ്ട്‌.

⁵ ധൈര്യം ഫലമു​ള​വാ​ക്കു​ന്നു: നിൽക്കു​ക​യോ, ബസുകാ​ത്തി​രി​ക്കു​ക​യോ, വെറുതെ നടക്കാ​നി​റ​ങ്ങു​ക​യോ, അല്ലെങ്കിൽ തങ്ങളുടെ കാറിൽ ഇരിക്കു​ക​യോ ചെയ്യു​ന്ന​വരെ താൻ സമീപി​ക്കു​ന്നു​വെന്ന്‌ ഒരു സഹോ​ദരൻ പറഞ്ഞു. ഊഷ്‌മ​ള​മായ പുഞ്ചി​രി​യോ​ടും ഉത്സാഹ​ഭ​രി​ത​മായ സ്വര​ത്തോ​ടും​കൂ​ടെ സന്ദർശി​ക്കാൻ കാത്തി​രുന്ന സൗഹാർദ​മുള്ള ഒരു അയൽക്കാ​ര​നെ​പോ​ലെ സമീപി​ക്കു​ന്നു. ഇപ്രകാ​രം അദ്ദേഹം ധാരാളം സാഹി​ത്യ​ങ്ങൾ സമർപ്പി​ച്ചി​ട്ടു​ണ്ടെന്നു മാത്രമല്ല പല ബൈബി​ള​ധ്യ​യ​ന​ങ്ങ​ളും തുടങ്ങി​യി​ട്ടുണ്ട്‌.

⁶ മറ്റൊരു സഹോ​ദ​ര​നും സഹോ​ദ​രി​യും വീടു​തോ​റു​മുള്ള വേലയിൽ ഏർപ്പെ​ട്ടി​രി​ക്കു​മ്പോൾ ഒരു വലിയ സഞ്ചി നിറയെ പലചരക്കു സാമാ​ന​ങ്ങ​ളു​മാ​യി നടന്നു​പോ​കുന്ന ഒരു സ്‌ത്രീ​യെ കണ്ടുമു​ട്ടി. കുടും​ബ​ത്തി​ന്റെ ആവശ്യ​ങ്ങൾക്കാ​യി കരുതു​ന്ന​തി​ലുള്ള അവരുടെ കാര്യ​ത​ത്‌പ​ര​തയെ അഭിന​ന്ദി​ച്ചു​കൊണ്ട്‌ അവർ സംഭാ​ഷണം തുടങ്ങി. “എന്നാൽ മനുഷ്യ​വർഗ​ത്തി​ന്റെ ആവശ്യ​ങ്ങൾക്കു​വേണ്ടി പ്രദാനം ചെയ്യാൻ ആർക്കു കഴിയും?” എന്ന്‌ അവർ ചോദി​ച്ചു. അത്‌ ആ സ്‌ത്രീ​യു​ടെ താത്‌പ​ര്യ​ത്തെ ഉണർത്തി. ഒരു ഹ്രസ്വ​മായ സംഭാ​ഷണം അവരുടെ വീട്ടി​ലേക്കു ക്ഷണിക്കു​ന്ന​തിൽ കലാശി​ച്ചു, ഒരു ബൈബി​ള​ധ്യ​യ​ന​വും തുടങ്ങി.

⁷ അതു​കൊണ്ട്‌ അടുത്ത തവണ, ഞായറാ​ഴ്‌ച​യോ അല്ലെങ്കിൽ ആഴ്‌ച​യി​ലെ മറ്റേ​തെ​ങ്കി​ലും ദിവസ​മോ, വീടു​തോ​റും സാക്ഷീ​ക​രി​ക്കു​മ്പോൾ ആളുകൾ വീട്ടി​ലി​ല്ലെന്നു കണ്ടെത്തു​ന്നു​വെ​ങ്കിൽ എന്തു​കൊണ്ട്‌ അല്‌പം ധൈര്യം സംഭരിച്ച്‌—തെരു​വി​ലോ മറ്റെവി​ടെ​യെ​ങ്കി​ലു​മോ—കണ്ടുമു​ട്ടു​ന്ന​വ​രോ​ടു സംസാ​രി​ച്ചു​കൂ​ടാ? (1 തെസ്സ. 2:2) നിങ്ങളു​ടെ ശുശ്രൂഷ ഏറെ ഫലപ്ര​ദ​മാ​യി​രു​ന്നേ​ക്കാം, സേവന​ത്തിൽ നിങ്ങൾ വർധിച്ച സന്തോ​ഷ​വും ആസ്വദി​ക്കും.