നിങ്ങൾ ദൈവ​വ​ചനം ശരിയാ​യി കൈകാ​ര്യം ചെയ്യു​ന്നു​വോ?

¹ ഭൂമി​യിൽ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും വലിയ ഗുരു​വാ​യി​രു​ന്നു യേശു​ക്രി​സ്‌തു. ആളുക​ളു​ടെ ഹൃദയ​ങ്ങളെ സ്‌പർശി​ക്കു​ക​യും വികാ​ര​ങ്ങളെ ഉണർത്തു​ക​യും സത്‌പ്ര​വൃ​ത്തി​കൾ ആചരി​ക്കാൻ പ്രചോ​ദി​പ്പി​ക്കു​ക​യും ചെയ്‌ത വിധത്തിൽ അവൻ സംസാ​രി​ച്ചു. (മത്താ. 7:28, 29) പഠിപ്പി​ക്ക​ലി​ന്റെ അടിസ്ഥാ​ന​മാ​യി അവൻ എപ്പോ​ഴും ദൈവ​വ​ചനം ഉപയോ​ഗി​ച്ചു. (ലൂക്കൊ. 24:44, 45) തനിക്ക്‌ അറിയാ​വു​ന്ന​തും പഠിപ്പി​ക്കാൻ കഴിഞ്ഞ​തു​മായ സകലത്തി​നും അവൻ യഹോ​വ​യാം ദൈവ​ത്തി​നു മഹത്ത്വം കൊടു​ത്തു. (യോഹ. 7:16) ദൈവ​വ​ചനം ശരിയാ​യി കൈകാ​ര്യം ചെയ്‌തു​കൊണ്ട്‌ യേശു തന്റെ പിൻഗാ​മി​കൾക്കു വിശിഷ്ട മാതൃക വെച്ചു.—2 തിമൊ. 2:15.

² ദൈവ​വ​ചനം ഫലപ്ര​ദ​മാ​യി കൈകാ​ര്യം ചെയ്‌തു​കൊണ്ട്‌ അപ്പോ​സ്‌ത​ല​നായ പൗലൊ​സും നല്ലൊരു മാതൃക വെച്ചു. മറ്റുള്ള​വരെ തിരു​വെ​ഴു​ത്തു​കൾ വായിച്ചു കേൾപ്പി​ക്കു​ന്ന​തി​ല​ധി​കം അവൻ ചെയ്‌തു; യേശു ക്രിസ്‌തു​വാ​ണെ​ന്ന​തി​നു ദൈവ​വ​ച​ന​ത്തിൽനി​ന്നു തെളിവു നിരത്തി​ക്കൊണ്ട്‌ വായിച്ച കാര്യങ്ങൾ അവൻ വിശദീ​ക​രി​ക്കു​ക​യും അതു സംബന്ധി​ച്ചു ന്യായ​വാ​ദം നടത്തു​ക​യും ചെയ്‌തു. (പ്രവൃ. 17:2-4) അതു​പോ​ലെ, വാ​ഗ്വൈ​ഭ​വ​മു​ണ്ടാ​യി​രുന്ന ശിഷ്യ​നായ അപ്പൊ​ല്ലോ​സും “തിരു​വെ​ഴു​ത്തു​ക​ളിൽ സാമർത്ഥ്യ​വു​മുള്ള”വനായി​രു​ന്നു, സത്യം ശക്തമായി അവതരി​പ്പി​ക്കു​ന്ന​തിൽ അവൻ തിരു​വെ​ഴു​ത്തു​കളെ ശരിയാ​യി കൈകാ​ര്യം ചെയ്‌തു.—പ്രവൃ. 18:24, 28.

³ ദൈവ​വ​ചനം പഠിപ്പി​ക്കു​ന്ന​വ​നാ​യി​രി​ക്കുക: ബൈബിൾ പരാമർശി​ച്ചും അതിൽനി​ന്നു ന്യായ​വാ​ദം ചെയ്‌തും പരമാർഥ​ഹൃ​ദ​യ​രായ ആളുകളെ പഠിപ്പി​ക്കു​ന്ന​തിൽ ആധുനി​ക​കാല രാജ്യ​പ്ര​ഘോ​ഷകർ വളരെ നല്ല വിജയം കണ്ടെത്തി​യി​രി​ക്കു​ന്നു. ഒരു സംഭവ​ത്തിൽ, ദുഷ്ടന്മാർക്കും നീതി​മാ​ന്മാർക്കും വരാനി​രി​ക്കു​ന്ന​തി​നെ​ക്കു​റിച്ച്‌ ഒരു പാസ്റ്റ​റോ​ടും അയാളു​ടെ മൂന്ന്‌ ഇടവക​ക്കാ​രോ​ടും ന്യായ​വാ​ദം ചെയ്യു​ന്ന​തി​നു യെഹെ​സ്‌കേൽ 18:4-ഉം ബന്ധപ്പെട്ട മറ്റു വാക്യ​ങ്ങ​ളും ഉപയോ​ഗി​ക്കാൻ ഒരു സഹോ​ദ​രനു കഴിഞ്ഞു. തത്‌ഫ​ല​മാ​യി, ആ സഭയിലെ ചിലർ പഠിക്കാൻ തുടങ്ങി, അവരി​ലൊ​രാൾ ഒടുവിൽ സത്യം സ്വീക​രി​ക്കു​ക​യും ചെയ്‌തു. മറ്റൊരു സംഭവ​മെ​ടു​ക്കാം, യഹോ​വ​യു​ടെ സാക്ഷികൾ ക്രിസ്‌മ​സും ജന്മദി​ന​ങ്ങ​ളും ആഘോ​ഷി​ക്കാ​ത്തത്‌ എന്തു​കൊ​ണ്ടെന്ന്‌, ഒരു താത്‌പ​ര്യ​ക്കാ​രി​യു​ടെ ഭർത്താ​വി​നോ​ടു വിശദീ​ക​രി​ക്കാൻ ഒരു സഹോ​ദ​രി​യോട്‌ ആവശ്യ​പ്പെട്ടു. തിരു​വെ​ഴു​ത്തു​പ​ര​മായ ഉത്തരങ്ങൾ ന്യായ​വാ​ദം പുസ്‌ത​ക​ത്തിൽനി​ന്നു നേരിട്ടു വായി​ച്ചു​കേൾപ്പി​ച്ച​പ്പോൾ അയാൾ സമ്മതം പ്രകടി​പ്പി​ച്ചു. അയാൾ അത്‌ അംഗീ​ക​രി​ച്ച​തിൽ വളരെ സന്തോ​ഷ​വ​തി​യായ അയാളു​ടെ ഭാര്യ പറഞ്ഞു: “ഞങ്ങൾ നിങ്ങളു​ടെ യോഗ​ങ്ങൾക്കു വരുന്ന​താ​യി​രി​ക്കും.” ഭർത്താവ്‌ അതു സമ്മതിച്ചു!

⁴ ലഭ്യമായ സഹായം ഉപയോ​ഗ​പ്പെ​ടു​ത്തുക: ദൈവ​വ​ചനം കൈകാ​ര്യം ചെയ്യു​ന്ന​തിൽ നമ്മെ സഹായി​ക്കാൻ നമ്മുടെ രാജ്യ ശുശ്രൂ​ഷ​യും സേവന​യോ​ഗ​പ​രി​പാ​ടി​യും നല്ല മാർഗ​നിർദേശം പ്രദാനം ചെയ്യുന്നു. നമ്മുടെ പ്രയോ​ജ​ന​ത്തി​നാ​യി പ്രസി​ദ്ധീ​ക​രി​ക്കു​ക​യും പ്രകടി​പ്പി​ച്ചു​കാ​ണി​ക്കു​ക​യും ചെയ്യുന്ന ബഹുല​മായ നിർദേ​ശിത അവതര​ണ​ങ്ങ​ളോ​ടുള്ള വിലമ​തിപ്പ്‌ പല പ്രസാ​ധ​ക​രും പ്രകട​മാ​ക്കി​യി​ട്ടുണ്ട്‌. അവ വളരെ ഫലപ്ര​ദ​വും കാലോ​ചി​ത​വു​മാ​ണെന്നു തെളി​ഞ്ഞി​ട്ടു​മുണ്ട്‌. ദൈവ​വ​ച​ന​ത്തി​ലുള്ള 70-ലധികം മുഖ്യ വിഷയ​ങ്ങ​ളെ​ക്കു​റി​ച്ചു ശരിയായ വിധത്തിൽ വിശദീ​ക​രി​ക്കാൻ കഴിയുന്ന ധാരാളം ആശയങ്ങൾ തിരു​വെ​ഴു​ത്തു​ക​ളിൽ നിന്നു ന്യായ​വാ​ദം ചെയ്യൽ എന്ന പുസ്‌ത​ക​ത്തിൽ അടങ്ങുന്നു. പുതി​യവർ മനസ്സി​ലാ​ക്കി​യി​രി​ക്കേണ്ട അടിസ്ഥാ​ന​പ​ര​മായ എല്ലാ ബൈബിൾ പഠിപ്പി​ക്ക​ലു​ക​ളു​ടെ​യും സംക്ഷിപ്‌ത വിവരം നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പ്രദാനം ചെയ്യുന്നു. വിദഗ്‌ധ​രായ ഉപദേ​ഷ്ടാ​ക്കൾ തിരു​വെ​ഴു​ത്തു​കൾ എങ്ങനെ അവതരി​പ്പി​ക്കു​ക​യും വായി​ക്കു​ക​യും പ്രയു​ക്ത​മാ​ക്കു​ക​യും ചെയ്യു​ന്നു​വെന്ന്‌ ദിവ്യാ​ധി​പത്യ ശുശ്രൂ​ഷാ​സ്‌കൂൾ ഗൈഡ്‌ബു​ക്കി​ലെ 24-ഉം 25-ഉം പാഠങ്ങൾ നമ്മെ കാട്ടി​ത്ത​രു​ന്നു. നമുക്ക്‌ അനായാ​സം ലഭ്യമായ ഈ സഹായം നാം നന്നായി പ്രയോ​ജ​ന​പ്പെ​ടു​ത്തേ​ണ്ട​തുണ്ട്‌.

⁵ ദൈവ​വ​ചനം ശരിയാ​യി കൈകാ​ര്യം ചെയ്യു​മ്പോൾ അത്‌ “ജീവനും ചൈത​ന്യ​വു​മു​ള്ള​താ​യി ഇരുവാ​യ്‌ത്ത​ല​യുള്ള ഏതു വാളി​നെ​ക്കാ​ളും മൂർച്ച​യേ​റി​യ​തും . . . ഹൃദയ​ത്തി​ലെ ചിന്തന​ങ്ങ​ളെ​യും ഭാവങ്ങ​ളെ​യും വിവേ​ചി​ക്കു​ന്ന​തും ആകുന്നു” എന്നു നാം കണ്ടെത്തും. (എബ്രാ. 4:12) അതിൽ നാം കണ്ടെത്തുന്ന വിജയം വർധിച്ച ധൈര്യ​ത്തോ​ടെ സത്യം സംസാ​രി​ക്കാൻ നമ്മെ പ്രേരി​പ്പി​ക്കും!—പ്രവൃ. 4:31.