ചോദ്യ​പ്പെ​ട്ടി

◼ വയൽസേവന പ്രവർത്തനം നാം ഓരോ മാസവും താമസം​വി​നാ റിപ്പോർട്ടു ചെയ്യേ​ണ്ട​തെ​ന്തു​കൊണ്ട്‌?

രാജ്യ​സ​ന്ദേശം പ്രസം​ഗി​ക്കു​ന്ന​തി​ലൂ​ടെ നിർവ​ഹി​ക്ക​പ്പെ​ടുന്ന നല്ല കാര്യ​ങ്ങ​ളെ​ക്കു​റി​ച്ചു കേൾക്കു​മ്പോൾ നാമെ​ല്ലാം സന്തോ​ഷി​ക്കു​ന്നു. (സദൃശ​വാ​ക്യ​ങ്ങൾ 25:25 കാണുക.) പെന്ത​ക്കോ​സ്‌തു നാളിലെ പത്രൊ​സി​ന്റെ പ്രചോ​ദ​നാ​ത്മ​ക​മായ പ്രസം​ഗ​ത്തെ​ത്തു​ടർന്ന്‌ “മൂവാ​യി​ര​ത്തോ​ളം പേർ അവരോ​ടു ചേർന്നു”വെന്ന്‌ പ്രവൃ​ത്തി​കൾ 2:41 റിപ്പോർട്ടു ചെയ്യുന്നു. അൽപ്പകാ​ല​ത്തി​നു ശേഷം ആ എണ്ണം “അയ്യായി​ര​ത്തോ​ളം ആയി.” (പ്രവൃ. 4:4) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌ ആ റിപ്പോർട്ടു​കൾ എത്ര പുളക​പ്ര​ദ​മാ​യി​രു​ന്നി​രി​ക്കണം! ഇന്ന്‌, പ്രോ​ത്സാ​ഹ​ജ​ന​ക​മായ റിപ്പോർട്ടു​ക​ളോ​ടു നാമും അതേ വിധത്തിൽ പ്രതി​ക​രി​ക്കു​ന്നു. ലോക​വ്യാ​പ​ക​മാ​യി സുവാർത്ത പ്രസം​ഗി​ക്കു​ന്ന​തിൽ നമ്മുടെ സഹോ​ദ​രങ്ങൾ ആസ്വദി​ക്കുന്ന വിജയ​ത്തെ​ക്കു​റിച്ച്‌ കേൾക്കു​ന്നത്‌ നമ്മെ കോൾമ​യിർകൊ​ള്ളി​ക്കു​ന്നു.

അത്തരം റിപ്പോർട്ടു​കൾ സമാഹ​രി​ച്ചു തയ്യാറാ​ക്കു​ന്ന​തിൽ വളരെ​യേറെ സമയവും ശ്രമവും ഉൾപ്പെ​ട്ടി​രി​ക്കു​ന്ന​തി​നാൽ ഓരോ രാജ്യ​പ്ര​സാ​ധ​ക​ന്റെ​യും സഹകരണം അത്യന്താ​പേ​ക്ഷി​ത​മാണ്‌. ഓരോ മാസവും താമസം​വി​നാ റിപ്പോർട്ട്‌ ചെയ്യു​ന്നതു സംബന്ധിച്ച്‌ നിങ്ങൾ ശ്രദ്ധയു​ള്ള​വ​നാ​ണോ?

വർധന​വി​ന്റെ റിപ്പോർട്ടു​കൾ നമുക്കു വളരെ​യേറെ സന്തോഷം കൈവ​രു​ത്തു​ന്നു. കൂടു​ത​ലാ​യി, ലോക​വ്യാ​പക വേലയു​ടെ പുരോ​ഗതി നിരീ​ക്ഷി​ക്കാൻ റിപ്പോർട്ടു​കൾ സൊ​സൈ​റ്റി​യെ സഹായി​ക്കു​ന്നു. എവി​ടെ​യാ​യി​രി​ക്കാം കൂടുതൽ സഹായം ആവശ്യ​മു​ള്ളത്‌, അല്ലെങ്കിൽ ഏതു തരത്തി​ലുള്ള, എത്രമാ​ത്രം സാഹി​ത്യം ഉത്‌പാ​ദി​പ്പി​ക്കേ​ണ്ട​തുണ്ട്‌ എന്നിവ സംബന്ധി​ച്ചു തീരു​മാ​നങ്ങൾ എടു​ക്കേ​ണ്ട​തുണ്ട്‌. പുരോ​ഗതി വരുത്താ​വു​ന്നത്‌ എവി​ടെ​യാ​ണെന്നു നിശ്ചയി​ക്കാൻ ഓരോ സഭയി​ലെ​യും മൂപ്പൻമാർ വയൽസേവന റിപ്പോർട്ടു​കൾ ഉപയോ​ഗി​ക്കു​ന്നു. നല്ല റിപ്പോർട്ടു​കൾ പരിപു​ഷ്ടി​പ്പെ​ടു​ത്തു​ന്ന​വ​യാണ്‌, സാധ്യ​മായ പുരോ​ഗ​തി​കൾ വരുത്താ​നാ​യി സ്വന്തം ശുശ്രൂ​ഷയെ പരി​ശോ​ധി​ക്കാൻ അവ നമ്മെ​യെ​ല്ലാം പ്രേരി​പ്പി​ക്കു​ന്നു.

ഓരോ മാസവും താമസം​വി​നാ റിപ്പോർട്ടു ചെയ്യാ​നുള്ള തങ്ങളുടെ വ്യക്തിഗത ഉത്തരവാ​ദി​ത്വം എല്ലാ പ്രസാ​ധ​ക​രും തിരി​ച്ച​റി​യേ​ണ്ട​തുണ്ട്‌. ഈ ഉത്തരവാ​ദി​ത്വ​ത്തെ​ക്കു​റി​ച്ചു പ്രസാ​ധ​കരെ ഓർമി​പ്പി​ക്കാൻ പറ്റിയ സ്ഥാനത്താ​ണു സഭാപു​സ്‌ത​കാ​ധ്യ​യന നിർവാ​ഹകർ. കാരണം ഓരോ മാസവും ക്രമമാ​യി വയൽസേ​വ​ന​ത്തിൽ പങ്കെടു​ക്കാൻ ചില ബുദ്ധി​മു​ട്ടു​കൾ ഉണ്ടായി​രു​ന്നേ​ക്കാ​വു​ന്ന​വർക്കു വ്യക്തി​പ​ര​മായ സഹായം നൽകു​ന്ന​തി​ലും അവർ ജാഗ്ര​ത​യു​ള്ള​വ​രാണ്‌. ഓരോ മാസ​ത്തെ​യും അവസാ​നത്തെ പുസ്‌ത​കാ​ധ്യ​യ​ന​ത്തി​ലോ അനു​യോ​ജ്യ​മായ മറ്റൊരു സമയത്തോ ഈ ഓർമി​പ്പി​ക്കൽ നൽകാ​വു​ന്ന​താണ്‌. രാജ്യ​ഹാ​ളിൽ വയൽസേവന റിപ്പോർട്ടി​ടാൻ അവസര​മി​ല്ലെ​ങ്കിൽ സഭാപു​സ്‌ത​കാ​ധ്യ​യന നിർവാ​ഹ​കന്‌ അവ ശേഖരിച്ച്‌, സൊ​സൈ​റ്റി​ക്കുള്ള സഭയുടെ പതിവു പ്രതി​മാസ റിപ്പോർട്ടി​നോ​ടൊ​പ്പം ഉൾപ്പെ​ടു​ത്താൻ തക്കവണ്ണം സമയത്തു​തന്നെ അവ സെക്ര​ട്ട​റിക്ക്‌ നൽകു​ന്നു​വെന്ന്‌ ഉറപ്പു​വ​രു​ത്താ​വു​ന്ന​താണ്‌.

വയൽസേ​വന പ്രവർത്തനം താമസം​വി​നാ റിപ്പോർട്ടു ചെയ്യു​ന്ന​തി​ലെ നമ്മുടെ ശുഷ്‌കാ​ന്തി, നമ്മുടെ ആത്മീയ ക്ഷേമത്തിന്‌ ഉത്തരവാ​ദി​ക​ളാ​യ​വ​രു​ടെ ചുമട്‌ ലഘുവാ​ക്കു​ന്നു.