പ്രവർത്ത​ന​ത്തി​ലേ​ക്കുള്ള വലിയ വാതിൽ തുറന്നി​രി​ക്കു​ന്നു

¹ തീക്ഷ്‌ണ​ത​യുള്ള ഒരു സുവാർത്താ പ്രസം​ഗ​ക​നെന്ന നിലയിൽ, പൗലൊസ്‌ ആവശ്യം അധിക​മുള്ള പ്രദേ​ശങ്ങൾ ആകാം​ക്ഷാ​പൂർവം അന്വേ​ഷി​ച്ചു കണ്ടുപി​ടി​ച്ചി​രു​ന്നു. അത്തരത്തി​ലുള്ള ഒന്നായി​രു​ന്നു എഫെ​സൊസ്‌. “എനിക്കു പ്രവർത്ത​ന​ത്തി​ലേ​ക്കുള്ള ഒരു വലിയ വാതിൽ തുറന്നി​രി​ക്കു​ന്നു” എന്നു തന്റെ സഹക്രി​സ്‌ത്യാ​നി​കൾക്കെ​ഴു​താൻ സാധി​ക്ക​ത്ത​ക്ക​വി​ധം അവിടെ പ്രസം​ഗ​വേല നിർവ​ഹി​ക്കു​ന്ന​തിൽ അവൻ വളരെ​യേറെ വിജയി​ച്ചു. (1 കൊരി. 16:9, NW) പൗലൊസ്‌ ആ പ്രദേ​ശത്തു പ്രവർത്തനം തുടരു​ക​യും അനേകം എഫെസ്യ​രെ വിശ്വാ​സി​ക​ളാ​കാൻ സഹായി​ക്കു​ക​യും ചെയ്‌തു.—പ്രവൃ. 19:1-20, 26.

² ഇന്ന്‌, നമ്മെ സംബന്ധി​ച്ചി​ട​ത്തോ​ള​വും പ്രവർത്ത​ന​ത്തി​ലേ​ക്കുള്ള ഒരു വലിയ വാതിൽ തുറന്നു കിടക്കു​ന്നുണ്ട്‌. നമു​ക്കോ​രോ​രു​ത്തർക്കും ഒരു നിരന്തര പയനി​യ​റാ​യി പേർ ചാർത്തു​ന്ന​തി​നും സാധ്യ​മെ​ങ്കിൽ സ്വമേ​ധയാ മറ്റൊരു പ്രദേ​ശ​ത്തേക്ക്‌, ഒരുപക്ഷേ വലിയ വയൽസേവന പ്രദേ​ശ​മുള്ള ഒരു ചെറിയ സഭയോ​ടൊ​ത്തു പ്രവർത്തി​ക്കു​ന്ന​തി​നു​വേണ്ടി, മാറി​ത്താ​മ​സി​ക്കു​ന്ന​തി​നു​മുള്ള തുറന്ന ക്ഷണമുണ്ട്‌. അങ്ങനെ ചെയ്യു​ന്നത്‌, ചില പ്രദേ​ശ​ങ്ങ​ളി​ലെ ആവശ്യങ്ങൾ നിറ​വേ​റ്റാൻ ഉതകി​യേ​ക്കാം.—2 കൊരി​ന്ത്യർ 8:13-15 താരത​മ്യം ചെയ്യുക.

³ ഒരു നിരന്ത​ര​പ​യ​നി​യ​റാ​യി സേവി​ക്കാൻ നിങ്ങൾക്കു സാധി​ക്കു​മോ? ഒരു നിരന്ത​ര​പ​യ​നി​യ​റാ​യി സേവി​ക്കു​ന്ന​തി​നുള്ള സാധ്യ​ത​യെ​ക്കു​റി​ച്ചു നിങ്ങൾ പ്രാർഥ​നാ​പൂർവം പരിചി​ന്തി​ച്ചി​ട്ടു​ണ്ടോ? ഇന്ത്യയി​ലെ വയൽ നിശ്ചയ​മാ​യും വളരെ വലുതാണ്‌. അതു​കൊ​ണ്ടു​തന്നെ കൂട്ടി​ച്ചേർക്കൽ വേല വലി​യൊ​ര​ള​വിൽ ചെയ്‌തു​തീർക്കേ​ണ്ട​താ​യുണ്ട്‌. എന്തു​കൊണ്ട്‌ ഇതി​നെ​ക്കു​റി​ച്ചു നിങ്ങളു​ടെ കുടും​ബ​ത്തോ​ടും സഭയിലെ മൂപ്പന്മാ​രോ​ടും സർക്കിട്ട്‌ മേൽവി​ചാ​ര​ക​നോ​ടു​പോ​ലും ചർച്ച​ചെ​യ്‌തു​കൂ​ടാ. നിരന്ത​ര​പ​യ​നി​യർ സേവനം നടത്തത്ത​ക്ക​വി​ധ​ത്തിൽ നിങ്ങളു​ടെ പട്ടിക​യിൽ എപ്രകാ​രം മാറ്റങ്ങൾ വരുത്താൻ സാധി​ക്കു​മെ​ന്ന​തി​നെ സംബന്ധിച്ച്‌ അവരുടെ നിർദേ​ശങ്ങൾ ആരായുക. വലിയ കുടും​ബ​ങ്ങ​ളിൽ, മുഴു കുടും​ബ​ത്തി​നും പരസ്‌പരം സഹകരി​ച്ചു​കൊണ്ട്‌ തങ്ങളുടെ ഒരു കുടും​ബാം​ഗത്തെ പയനി​യ​റി​ങ്ങി​നു വിടാൻ സാധി​ക്കു​മോ? ഭർത്താ​വും ഭാര്യ​യും മാത്ര​മുള്ള കുടും​ബ​ങ്ങ​ളിൽ, സാമ്പത്തി​കാ​വ​ശ്യ​ങ്ങൾക്കു​വേണ്ടി രണ്ടു​പേ​രും മുഴു​സ​മയം ജോലി​ചെ​യ്യേ​ണ്ട​തി​ല്ലെ​ങ്കിൽ, ഭാര്യ​യ്‌ക്ക്‌ ഏതാനും വർഷം നിരന്ത​ര​പ​യ​നി​യ​റിങ്‌ ചെയ്യാൻ സാധി​ക്ക​ത്ത​ക്ക​വി​ധ​ത്തിൽ കുട്ടി​ക​ളു​ടെ ആഗമനം അൽപ്പം നീട്ടി​വെ​ക്കു​ന്ന​തി​നെ​ക്കു​റി​ച്ചു പരിഗ​ണി​ക്കാൻ നിങ്ങൾക്കു സാധി​ക്കി​ല്ലേ?

⁴ പിന്നിട്ട ഏതാനും ദശകങ്ങ​ളിൽ ലോക​വ്യാ​പ​ക​മാ​യി ആയിര​ക്ക​ണ​ക്കി​നു ക്രിസ്‌തീയ കുടും​ബങ്ങൾ, കൊയ്‌ത്തു​വേ​ല​യിൽ കുറേ​ക്കൂ​ടി പൂർണ​മാ​യി പങ്കുപ​റ്റാൻ സാധി​ക്കേ​ണ്ട​തിന്‌ മറ്റു സ്ഥലങ്ങളി​ലേക്കു താമസം മാറി​യി​ട്ടുണ്ട്‌. ഇപ്രകാ​രം ചെയ്‌ത ഒരു ദമ്പതികൾ ഇങ്ങനെ പറഞ്ഞു: “ഞങ്ങളെ​ക്കൊണ്ട്‌ ഏറ്റവും ഉപകാ​ര​മു​ള്ളി​ടത്ത്‌ യഹോ​വയെ സേവി​ക്കാൻ ഞങ്ങളാ​ഗ്ര​ഹി​ച്ചു.” പ്രദേശം മുഴു​വ​നും കൂടെ​ക്കൂ​ടെ പ്രവർത്തി​ച്ചു തീർക്കുന്ന ഒരു വലിയ സഭയുടെ പ്രദേ​ശ​ത്താ​ണു നിങ്ങൾ താമസി​ക്കു​ന്ന​തെ​ങ്കിൽ, കൂടാതെ, കുറച്ചു രാജ്യ​ഘോ​ഷ​കരേ ഉള്ളു​വെന്നു നിങ്ങൾക്ക​റി​യാ​വുന്ന മറ്റൊരു പ്രദേ​ശ​ത്തേക്കു മാറി​ത്താ​മ​സി​ക്കാൻ സാഹച​ര്യം നിങ്ങളെ അനുവ​ദി​ക്കു​ന്നെ​ങ്കിൽ, അവി​ടേക്കു മാറി​ത്താ​മ​സി​ക്കു​ന്ന​തി​നെ​ക്കു​റി​ച്ചു പരിചി​ന്തി​ക്കാൻ നിങ്ങൾക്കു താത്‌പ​ര്യ​മു​ണ്ടോ? ഒരു പുതിയ പ്രദേ​ശത്തു നിരന്ത​ര​പ​യ​നി​യ​റാ​യി സേവി​ക്കാൻ സാധി​ക്കു​ക​യി​ല്ലെ​ങ്കിൽപോ​ലും, നിങ്ങളു​ടെ സാന്നി​ധ്യം ഒരു ചെറിയ സഭയ്‌ക്കു പ്രയോ​ജ​ന​ക​ര​മാ​യേ​ക്കാം. ഇത്തര​മൊ​രു ആഗ്രഹം നിങ്ങൾക്കു​ണ്ടെ​ങ്കിൽ, സഭയിലെ മൂപ്പന്മാ​രു​മാ​യോ സർക്കിട്ട്‌ മേൽവി​ചാ​ര​ക​നു​മാ​യോ അതിന്റെ സാധ്യ​ത​ക​ളെ​ക്കു​റി​ച്ചു ചർച്ച​ചെ​യ്യാ​വു​ന്ന​താണ്‌.

⁵ യഹോ​വ​യു​ടെ നാമം വഹിക്കു​ന്നത്‌ ഒരു പദവി​യാണ്‌. പയനി​യ​റിങ്‌ നടത്താൻ നമു​ക്കെ​ല്ലാ​വർക്കും സാധി​ച്ചെ​ന്നു​വ​രില്ല, പക്ഷേ അതിനുള്ള സാധ്യ​തകൾ നാമോ​രോ​രു​ത്ത​രും നിശ്ചയ​മാ​യും ഗൗരവ​പൂർവം പരിഗ​ണി​ക്കേ​ണ്ട​തുണ്ട്‌. എന്തൊ​ക്കെ​യാ​യാ​ലും, പ്രവർത്ത​ന​ത്തി​നുള്ള വലിയ വാതിൽ തുറന്നു കിടക്കു​ന്നി​ട​ത്തോ​ളം കാലം യഹോ​വ​യു​ടെ സേവന​ത്തിൽ നാമോ​രോ​രു​ത്ത​രും തിരക്കു​ള്ള​വ​രാ​യി​രി​ക്കട്ടെ.—1 കൊരി. 15:58.