സാക്ഷി​യ​ല്ലാത്ത ഇണയുടെ ഹൃദയ​ത്തി​ലെ​ത്തി​ച്ചേരൽ

¹ വിവാ​ഹ​ദ​മ്പ​തി​കൾ സത്യാ​രാ​ധ​ന​യിൽ ഏകീഭ​വി​ച്ചി​രി​ക്കു​ന്നത്‌ വളരെ​യേറെ സന്തോ​ഷ​ത്തി​നുള്ള ഒരു കാരണ​മാണ്‌. എന്നിരു​ന്നാ​ലും, വിവാഹ ഇണകളിൽ ഒരാൾ മാത്രം സത്യത്തി​ന്റെ പാത സ്വീക​രി​ച്ചി​ട്ടുള്ള അനേകം കുടും​ബ​ങ്ങ​ളുണ്ട്‌. സാക്ഷി​ക​ള​ല്ലാത്ത ഈ വിവാഹ ഇണകളു​ടെ ഹൃദയ​ത്തി​ലെ​ത്തി​ച്ചേ​രാ​നും നമ്മോ​ടു​ചേർന്ന്‌ യഹോ​വയെ ആരാധി​ക്കാൻ അവരെ പ്രോ​ത്സാ​ഹി​പ്പി​ക്കാ​നും നമു​ക്കെ​ങ്ങനെ സാധി​ക്കും?—1 തിമൊ. 2:1-4.

² അവരുടെ ചിന്താ​ഗതി മനസ്സി​ലാ​ക്കുക: സാക്ഷി​ക​ള​ല്ലാത്ത ഇണകളിൽ ചിലർ എതിർപ്പു​ള്ള​വ​രാ​യി​രി​ക്കാ​മെ​ങ്കി​ലും മിക്കവ​രു​ടെ​യും കാര്യ​ത്തിൽ പ്രശ്‌നം, ഉദാസീ​ന​ത​യോ തെറ്റി​ദ്ധാ​ര​ണ​യോ ആയിരി​ക്കും. ഒരു വ്യക്തിക്കു താൻ ഒറ്റപ്പെ​ട്ട​താ​യി തോന്നു​ക​യോ തന്റെ വിവാഹ ഇണ പുതു​താ​യി കണ്ടെത്തിയ ആത്മീയ താത്‌പ​ര്യ​ത്തിൽ അസൂയ തോന്നു​ക​യോ ചെയ്‌തേ​ക്കാം. “വീട്ടിൽ ഒറ്റയ്‌ക്കാ​യ​പ്പോൾ പരിത്യ​ജി​ക്ക​പ്പെ​ട്ട​തു​പോ​ലെ എനിക്കു തോന്നി,” ഒരു ഭർത്താവ്‌ ഓർമി​ക്കു​ന്നു. “ഭാര്യ​യും കുട്ടി​ക​ളും എന്നെ ഉപേക്ഷി​ച്ചു​പോ​കു​ക​യാ​ണെ​ന്നാണ്‌ എനിക്കു തോന്നി​യത്‌,” മറ്റൊ​രാൾ പറയുന്നു. ചിലർക്ക്‌ തങ്ങളുടെ കുടും​ബത്തെ ഒരു മതം തങ്ങളിൽനിന്ന്‌ അപഹരി​ച്ചെ​ടു​ക്കു​ക​യാ​ണെന്നു തോന്നി​യേ​ക്കാം. (1990 ആഗസ്റ്റ്‌ 15 ലക്കം വീക്ഷാ​ഗോ​പു​രം [ഇംഗ്ലീഷ്‌], 20-3 പേജുകൾ കാണുക.) അതു​കൊ​ണ്ടാണ്‌, ഭവന ബൈബി​ള​ധ്യ​യന ക്രമീ​ക​ര​ണ​ത്തിൽ സാധ്യ​മെ​ങ്കിൽ തുടക്കം മുതൽതന്നെ ഭാര്യ​യോ​ടൊ​പ്പം ഭർത്താ​വി​നെ​യും ഉൾപ്പെ​ടു​ത്തു​ന്നത്‌ ഏറ്റവും മെച്ചമാ​യി​രി​ക്കു​ന്നത്‌.

³ ഒരു ടീമായി പ്രവർത്തി​ക്കുക: സാക്ഷി​ക​ളായ ഒരു ദമ്പതികൾ വിവാഹ ഇണകളെ സത്യത്തി​ലേ​ക്കാ​ന​യി​ക്കു​ന്ന​തിൽ ഫലപ്ര​ദ​മാ​യി ഒരുമി​ച്ചു പ്രവർത്തി​ച്ചു. ഭാര്യ​യു​മാ​യി സഹോ​ദരി ഒരു അധ്യയനം തുടങ്ങി​ക്ക​ഴി​ഞ്ഞാ​ലു​ടൻ ഭർത്താ​വി​നെ സഹോ​ദരൻ സന്ദർശി​ക്കും. മിക്കവാ​റും ഭർത്താ​വു​മൊത്ത്‌ അദ്ദേഹം ഒരു അധ്യയ​ന​മാ​രം​ഭി​ക്കു​ക​യും ചെയ്യും.

⁴ സൗഹൃ​ദ​ഭാ​വ​വും അതിഥി​പ്രി​യ​വും ഉള്ളവരാ​യി​രി​ക്കുക: സത്യാ​രാ​ധ​ന​യിൽ ഏകീഭ​വി​ക്കാത്ത കുടും​ബ​ങ്ങ​ളിൽ പ്രത്യേക താത്‌പ​ര്യ​മെ​ടു​ത്തു​കൊണ്ട്‌ സഭയിലെ കുടും​ബ​ങ്ങൾക്ക്‌ സഹായി​ക്കാ​വു​ന്ന​താണ്‌. ഏതാനും സൗഹൃദ സന്ദർശ​നങ്ങൾ നടത്തു​ന്ന​തു​തന്നെ, എല്ലാവ​രു​ടെ​യും ക്ഷേമത്തിൽ തത്‌പ​ര​രായ ഊഷ്‌മ​ള​ത​യും കരുത​ലു​മുള്ള ക്രിസ്‌ത്യാ​നി​ക​ളാണ്‌ യഹോ​വ​യു​ടെ സാക്ഷി​ക​ളെന്നു തിരി​ച്ച​റി​യാൻ സാക്ഷി​യ​ല്ലാത്ത ഒരു ഇണയെ സഹായി​ച്ചേ​ക്കാം.

⁵ മൂപ്പന്മാർക്ക്‌, സാക്ഷി​യ​ല്ലാത്ത ഇണയുടെ ഹൃദയ​ത്തി​ലെ​ത്തി​ച്ചേ​രാൻ അടുത്ത​യി​ടെ ചെയ്‌തി​ട്ടുള്ള ശ്രമങ്ങ​ളെ​ക്കു​റിച്ച്‌ കൂടെ​ക്കൂ​ടെ അവലോ​കനം നടത്തു​ക​യും അവരെ യഹോ​വ​യ്‌ക്കാ​യി നേടു​ന്ന​തിന്‌ കൂടു​ത​ലാ​യി എന്തു​ചെ​യ്യാൻ കഴിയു​മെന്നു തീരു​മാ​നി​ക്കു​ക​യും ചെയ്യാ​വു​ന്ന​താണ്‌.—1 പത്രൊ. 3:1, NW അടിക്കു.