നേതൃ​ത്വം വഹിക്കുന്ന മേൽവി​ചാ​ര​ക​ന്മാർ—സെക്ര​ട്ട​റി

¹ ‘സകലവും ഉചിത​മാ​യും ക്രമമാ​യും നടക്കു’ന്നുവെന്ന്‌ ഉറപ്പാ​ക്കു​ന്ന​തിൽ സഭാ സെക്ര​ട്ടറി മർമ​പ്ര​ധാ​ന​മായ ഒരു പങ്കു വഹിക്കു​ന്നു. (1 കൊരി. 14:39ബി) സഭാ സേവന കമ്മിറ്റി​യി​ലെ ഒരു അംഗം എന്ന നിലയിൽ, സഭയുടെ എഴുത്തു​കു​ത്തു​ക​ളും പ്രധാന രേഖക​ളും അദ്ദേഹം കൈകാ​ര്യം ചെയ്യുന്നു. അദ്ദേഹ​ത്തി​ന്റെ ചുമത​ലകൾ മറ്റു മൂപ്പന്മാ​രു​ടെ ചുമത​ല​കൾപോ​ലെ അത്ര ദൃശ്യ​മ​ല്ലെ​ങ്കി​ലും അദ്ദേഹ​ത്തി​ന്റെ സേവനം വളരെ അനു​പേ​ക്ഷ​ണീ​യ​വും വിലമ​തി​ക്ക​പ്പെ​ടു​ന്ന​തു​മാണ്‌.

² സൊ​സൈ​റ്റി​യിൽ നിന്നോ മറ്റുള്ള​വ​രിൽ നിന്നോ കത്തുകൾ ലഭിക്കു​മ്പോൾ, അതു കൈപ്പറ്റി യഥാസ​മയം അതിനു മറുപടി അയയ്‌ക്കു​ന്നു​വെന്ന്‌ സെക്ര​ട്ടറി ഉറപ്പു​വ​രു​ത്തു​ന്നു. ലഭിക്കുന്ന കത്തുകൾ മറ്റു മൂപ്പന്മാർക്കു വായി​ക്കാൻ തക്കവണ്ണം ലഭ്യമാ​ക്കി​യ​ശേഷം, ഭാവി ഉപയോ​ഗ​ത്തി​നാ​യി ഫയലിൽ സൂക്ഷി​ക്കുന്ന കാര്യ​ത്തിൽ അദ്ദേഹം ശ്രദ്ധയു​ള്ള​വ​നാണ്‌. മാസി​കയ്‌ക്കും സാഹി​ത്യ​ത്തി​നു​മുള്ള അപേക്ഷകൾ പരി​ശോ​ധിച്ച ശേഷം സൊ​സൈ​റ്റിക്ക്‌ അയയ്‌ക്കു​ന്നത്‌ അദ്ദേഹ​മാണ്‌. കണക്കും വരിസം​ഖ്യ​യും കൈകാ​ര്യം ചെയ്യു​ന്ന​വർക്കും അതു​പോ​ലെ കൺ​വെൻ​ഷൻ സംബന്ധി​ച്ചുള്ള കാര്യാ​ദി​കൾക്കും അദ്ദേഹം നേരിട്ടു മേൽനോ​ട്ടം വഹിക്കു​ന്നു.

³ മാസത്തി​ന്റെ ആറാം തീയതി​യോ​ടെ സെക്ര​ട്ടറി സഭയുടെ വയൽ സേവന റിപ്പോർട്ട്‌ സൊ​സൈ​റ്റിക്ക്‌ അയയ്‌ക്കേ​ണ്ട​തു​ള്ള​തി​നാൽ, നാമെ​ല്ലാ​വ​രും ഓരോ മാസാ​വ​സാ​ന​വും കൃത്യ​മാ​യി നമ്മുടെ വയൽ പ്രവർത്തനം റിപ്പോർട്ടു ചെയ്യേ​ണ്ടത്‌ അനിവാ​ര്യ​മാണ്‌. അദ്ദേഹം അതു സഭാ പ്രസാധക രേഖാ കാർഡിൽ ചേർക്കു​ന്ന​താണ്‌. തന്റെ പ്രവർത്ത​ന​ത്തി​ന്റെ വ്യക്തി​പ​ര​മായ രേഖ കാണാൻ ഏതൊരു പ്രസാ​ധ​ക​നും ആവശ്യ​പ്പെ​ടാ​വു​ന്ന​താണ്‌.

⁴ ഒരു പ്രസാ​ധകൻ തന്റെ സഭയി​ലേക്കു വരു​മ്പോൾ അദ്ദേഹത്തെ പരിച​യ​പ്പെ​ടു​ത്തി​ക്കൊ​ണ്ടുള്ള ഒരു കത്തിനും അദ്ദേഹ​ത്തി​ന്റെ സഭാ പ്രസാധക രേഖാ കാർഡി​നും വേണ്ടി ആ വ്യക്തി സഹവസി​ച്ചി​രുന്ന സഭയിലെ മൂപ്പന്മാ​രോ​ടു സെക്ര​ട്ടറി അഭ്യർഥി​ക്കു​ന്നു. തന്റെ സഭയിൽനിന്ന്‌ ഒരു പ്രസാ​ധകൻ മാറി​പ്പോ​കു​മ്പോൾ, സെക്ര​ട്ടറി മേൽപ്പറഞ്ഞ രേഖകൾ വ്യക്തി​യു​ടെ പുതിയ സഭയി​ലേക്ക്‌ അയച്ചു​കൊ​ടു​ക്കു​ന്നു.—നമ്മുടെ ശുശ്രൂഷ, പേ. 104-5.

⁵ സെക്ര​ട്ടറി പയനി​യർമാ​രു​ടെ പ്രവർത്തനം പുനര​വ​ലോ​കനം ചെയ്യു​ക​യും അവർ അഭിമു​ഖീ​ക​രി​ച്ചേ​ക്കാ​വുന്ന ഏതൊരു പ്രശ്‌ന​വും മറ്റു മൂപ്പന്മാ​രെ, വിശേ​ഷിച്ച്‌ സേവന മേൽവി​ചാ​ര​കനെ അറിയി​ക്കു​ക​യും ചെയ്യുന്നു. വയൽ സേവന​ത്തിൽ ക്രമമി​ല്ലാത്ത പ്രസാ​ധ​കരെ കുറിച്ച്‌ അദ്ദേഹം പുസ്‌ത​കാ​ധ്യ​യന നിർവാ​ഹ​കർക്കു മുന്നറി​യി​പ്പു കൊടു​ക്കു​ന്നു. നിഷ്‌ക്രി​യരെ സഹായി​ക്കാ​നുള്ള ക്രമീ​ക​ര​ണങ്ങൾ ഏകോ​പി​പ്പി​ക്കു​ന്ന​തിൽ സെക്ര​ട്ട​റി​യും സേവന മേൽവി​ചാ​ര​ക​നും നേതൃ​ത്വ​മെ​ടു​ക്കു​ന്നു.—നമ്മുടെ രാജ്യ ശുശ്രൂഷ (ഇംഗ്ലീഷ്‌), ഡിസംബർ 1987, പേ. 1.

⁶ സെക്ര​ട്ട​റി​യു​ടെ ചുമത​ല​ക​ളോ​ടു കൂടുതൽ വിലമ​തി​പ്പു പ്രകട​മാ​ക്കി​ക്കൊണ്ട്‌ നമുക്ക്‌, തന്റെ ഗൃഹവി​ചാ​രണ സുഗമ​മാ​യി നിർവ​ഹി​ക്കാൻ അദ്ദേഹത്തെ സഹായി​ക്കാൻ ആകുന്ന​തെ​ല്ലാം ചെയ്യാം.—1 കൊരി. 4:2.