ചോദ്യ​പ്പെ​ട്ടി

● ഒരു പ്രസാ​ധകൻ മറെറാ​രു പ്രദേ​ശ​ത്തേക്കു മാറി​പ്പോ​കു​മ്പോൾ ഒരു പുതിയ സഭയി​ലേ​ക്കു​ളള മാററ​ത്തി​നു സഹായി​ക്കാൻ എന്തു ചെയ്യണം?

ഒരു പ്രസാ​ധകൻ മറെറാ​രു സഭയിൽനി​ന്നു വന്നാലു​ടനെ സഭാ​സെ​ക്ര​ട്ടറി അയാളു​ടെ മുൻസ​ഭ​യു​ടെ പേരും അവിടത്തെ സെക്ര​ട്ട​റി​യു​ടെ പേരും മേൽവി​ലാ​സ​വും ആ പ്രസാ​ധ​ക​നിൽനിന്ന്‌ വാങ്ങണം. പിന്നീട്‌ അദ്ദേഹം സഭാ​പ്ര​സാ​ധ​ക​രേ​ഖാ​കാർഡി​നും ഒരു പരിച​യ​പ്പെ​ടു​ത്തൽ കത്തിനും അപേക്ഷി​ച്ചു​കൊണ്ട്‌ മുൻ സഭയിലെ സെക്ര​ട്ട​റിക്ക്‌ എഴുതണം. ഈ അപേക്ഷ കിട്ടുന്ന സെക്ര​ട്ടറി താമസം​വി​നാ പ്രതി​ക​രി​ക്കണം.—നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പേജ്‌ 109-110 കാണുക.

മാറി​പ്പോ​കാൻ പ്ലാനി​ടുന്ന പ്രസാ​ധകൻ വിട്ടു​പോ​കുന്ന സഭയുടെ ശരിയായ പേരും സെക്ര​ട്ട​റി​യു​ടെ പേരും വിലാ​സ​വും ലഭിച്ചി​ട്ടു​ണ്ടെന്ന്‌ ഉറപ്പു​വ​രു​ത്തി​ക്കൊണ്ട്‌ സഹായി​ക്കാൻ കഴിയും. പിന്നീട്‌, പുതിയ സഭയിൽ വന്നശേഷം അവിടത്തെ സെക്ര​ട്ട​റിക്ക്‌ പെട്ടെ​ന്നു​തന്നെ പ്രവർത്തി​ക്കാൻ കഴിയ​ത്ത​ക്ക​വണ്ണം ഈ വിവരങ്ങൾ അദ്ദേഹ​ത്തി​നു കൊടു​ക്കണം. രേഖാ​കാർഡ്‌ കിട്ടു​ന്ന​തു​വരെ പുതിയ സഭയിൽ ഇടുന്ന വയൽസേ​വ​ന​റി​പ്പോർട്ടു​കൾ സൂക്ഷി​ക്കാൻക​ഴി​യും. പിന്നീട്‌ രേഖാ​കാർഡിൽ പ്രസാ​ധ​കന്റെ പ്രവർത്തനം ചേർക്കാ​വു​ന്ന​താണ്‌, സഭയുടെ അടുത്ത പ്രതി​മാ​സ​റി​പ്പോർട്ടിൽ ഉൾപ്പെ​ടു​ത്തു​ക​യും ചെയ്യാം.

ചില​പ്പോൾ പ്രസാ​ധ​കന്‌ താൻ മാറി​പ്പോ​കുന്ന പുതിയ സഭയിലെ സെക്ര​ട്ട​റി​യു​ടെ പേരും വിലാ​സ​വും അറിയാ​മാ​യി​രി​ക്കും. അങ്ങനെ​യെ​ങ്കിൽ, മൂപ്പൻമാർ ഒരു അപേക്ഷ കിട്ടാൻ കാത്തി​രി​ക്കേ​ണ്ട​തില്ല. പ്രസാ​ധ​കന്റെ പ്രവർത്ത​ന​രേ​ഖ​യും പരിച​യ​പ്പെ​ടു​ത്തൽ കത്തും പ്രസാ​ധകൻ സഹവസി​ക്കാൻ പോകുന്ന സഭയിലെ സെക്ര​ട്ട​റിക്ക്‌ ഉടൻതന്നെ തപാലിൽ അയച്ചു​കൊ​ടു​ക്കാൻക​ഴി​യും.