‘ഞങ്ങൾക്ക്‌ പ്രസ്‌താ​വി​ക്കാ​തി​രി​പ്പാൻ കഴിയു​ന്നതല്ല’

¹ നമ്മുടെ പ്രസം​ഗ​വേ​ലയെ യേശു അടുത്തു നിരീ​ക്ഷി​ച്ചു​കൊ​ണ്ടി​രി​ക്കു​ക​യാണ്‌. (മത്താ. 28:20; മർക്കൊ. 13:10) 234 രാജ്യ​ങ്ങ​ളി​ലാ​യി 60 ലക്ഷത്തോ​ളം സജീവ രാജ്യ​ഘോ​ഷകർ ഉണ്ടെങ്കി​ലും, സാക്ഷ്യ​വേല തീർന്നെന്ന്‌ നാം വിചാ​രി​ക്ക​രുത്‌. മതി എന്നു ദൈവം പ്രഖ്യാ​പി​ക്കു​ന്ന​തു​വരെ, പഠിച്ച കാര്യങ്ങൾ ‘പ്രസ്‌താ​വി​ക്കാ​തി​രി​പ്പാൻ നമുക്ക്‌ കഴിയില്ല.’—പ്രവൃ. 4:20.

² ദൈവാ​ത്മാ​വിൽ ആശ്രയി​ക്കുക: നമ്മെ നിരു​ത്സാ​ഹ​പ്പെ​ടു​ത്താ​നാ​യി സാത്താൻ വലിയ സമ്മർദങ്ങൾ കൊണ്ടു​വ​രു​ന്നു. (വെളി. 12:17) നമ്മുടെ അപൂർണ ജഡവും നിരവധി പ്രശ്‌ന​ങ്ങൾക്കി​ട​യാ​ക്കു​ന്നു. സർവ​പ്ര​ധാ​ന​മായ പ്രസം​ഗ​വേ​ല​യിൽനിന്ന്‌ നമ്മുടെ ശ്രദ്ധ തിരി​ച്ചു​ക​ള​യാൻ ഇത്തരം കാര്യങ്ങൾ ഇടയാ​ക്കി​യേ​ക്കാം. എന്നിരു​ന്നാ​ലും, യഹോ​വ​യിൽ ആശ്രയി​ക്കു​ന്ന​പക്ഷം, ഏതൊരു പ്രതി​ബ​ന്ധ​ത്തെ​യും നേരി​ടാൻ അവന്റെ ആത്മാവ്‌ നമ്മെ സഹായി​ക്കും.

³ ഒന്നാം നൂറ്റാ​ണ്ടി​ലെ ക്രിസ്‌തീയ സഭ കഠിന പീഡന​ത്തി​നു വിധേ​യ​മാ​യ​പ്പോൾ, ധൈര്യ​ത്തോ​ടെ ദൈവ​വ​ചനം തുടർന്നും പ്രസം​ഗി​ക്കാ​നുള്ള സഹായ​ത്തി​നാ​യി സഹോ​ദ​രങ്ങൾ ദൈവ​ത്തോ​ടു പ്രാർഥി​ച്ചു. തന്റെ ആത്മാവി​നെ അവരുടെ മേൽ പകരു​ക​യും പ്രസം​ഗ​വേല തുടർന്നു​കൊ​ണ്ടു പോകാൻ ആവശ്യ​മായ തീക്ഷ്‌ണ​ത​യും നിശ്ചയ​ദാർഢ്യ​വും നൽകു​ക​യും ചെയ്‌തു​കൊണ്ട്‌ യഹോവ അവരുടെ പ്രാർഥ​ന​കൾക്ക്‌ ഉത്തരം നൽകി. തത്‌ഫ​ല​മാ​യി, അവർ സുവാർത്ത ഇടതട​വി​ല്ലാ​തെ സധൈ​ര്യം പ്രഖ്യാ​പി​ക്കു​ന്ന​തിൽ തുടർന്നു.—പ്രവൃ. 4:29, 31; 5:42.

⁴ നിഷേ​ധാ​ത്മക സംസാ​രത്തെ ഭയക്കരുത: പൊതു​വെ​യുള്ള അഭി​പ്രാ​യ​മോ അപവാദ പ്രചാ​ര​മോ നമ്മിൽ ഭയം ജനിപ്പി​ച്ചേ​ക്കാം. എന്നുവ​രി​കി​ലും, പത്രൊ​സും മറ്റ്‌ അപ്പൊ​സ്‌ത​ല​ന്മാ​രും ധൈര്യ​സ​മേതം സൻഹെ​ദ്രി​മി​ന്റെ മുമ്പാകെ നടത്തിയ പ്രസ്‌താ​വന ഓർക്കുക. അത്‌ പ്രവൃ​ത്തി​കൾ 5:29-32-ൽ രേഖ​പ്പെ​ടു​ത്തി​യി​ട്ടുണ്ട്‌. ന്യായ​പ്ര​മാണ ഉപദേ​ഷ്ടാ​വായ ഗമാലി​യേൽ സമ്മതി​ച്ചു​പ​റ​ഞ്ഞ​തു​പോ​ലെ, ദൈവ​ത്തി​ന്റെ വേലയെ പരാജ​യ​പ്പെ​ടു​ത്താ​നാ​വില്ല. നമ്മുടെ ശക്തിയാ​ലല്ല ഇത്‌ നിർവ​ഹി​ക്ക​പ്പെ​ടു​ന്നത്‌. മഹത്തായ ഈ വേലയ്‌ക്ക്‌ ദൈവ​ത്തി​ന്റെ പിന്തു​ണ​യുണ്ട്‌, അവനു മാത്രമേ അതു പൂർത്തീ​ക​രി​ക്കാ​നാ​വൂ!—സെഖര്യാ​വു 4:6.

⁵ തീക്ഷ്‌ണ​ത​യോ​ടെ സുവാർത്ത ഘോഷി​ക്കാ​നുള്ള സഹായ​ത്തി​നാ​യി നമുക്ക്‌ ദൈനം​ദി​നം യഹോ​വ​യു​ടെ ആത്മാവി​നു​വേണ്ടി യാചി​ക്കാം. യിരെ​മ്യാ​വി​നെ​പ്പോ​ലെ, രാജ്യ​സ​ന്ദേശം നമ്മുടെ അസ്ഥിക​ളിൽ എരിയുന്ന തീപോ​ലെ​യാ​ണെന്ന്‌ നമുക്കും പറയാം. (യിരെ. 20:9) അതേ, നമുക്ക്‌ അതു പ്രസ്‌താ​വി​ക്കാ​തി​രി​പ്പാൻ കഴിയു​ന്നതല്ല!