ലളിത​മാ​ക്ക​പ്പെട്ട സാഹിത്യ വിതരണ ക്രമീ​ക​ര​ണം

¹ വില ഈടാ​ക്കാ​തെ സാഹി​ത്യം വിതരണം ചെയ്യുന്ന ലളിത​മാ​ക്ക​പ്പെട്ട ക്രമീ​ക​രണം തുടങ്ങി​യിട്ട്‌ ഇപ്പോൾ ഒരു വർഷമാ​യി​രി​ക്കു​ന്നു. ഈ ക്രമീ​ക​രണം വിജയ​പ്ര​ദ​മാ​യി​രി​ക്കു​ന്നു​വോ? എല്ലാത്തരം സാഹി​ത്യ​ങ്ങ​ളു​ടെ​യും സമർപ്പ​ണ​ത്തിൽ വർധനവ്‌ ഉണ്ടാ​യെന്ന്‌ വയൽസേവന റിപ്പോർട്ടു​കൾ വെളി​പ്പെ​ടു​ത്തു​ന്നു. അക്ഷരാർഥ​ത്തിൽ, ‘ജീവജലം സൗജന്യ​മാ​യി വാങ്ങാ​നുള്ള’ അവസരം ദശലക്ഷ​ക്ക​ണ​ക്കിന്‌ ആളുകൾക്ക്‌ നൽക​പ്പെ​ടു​ക​യാണ്‌.—വെളി. 22:17.

² എന്നിരുന്നാലും, പ്രസി​ദ്ധീ​ക​രണം വാങ്ങി​യേ​ക്കാ​വുന്ന ഏതൊ​രാൾക്കും വിവേ​ച​നാ​ശൂ​ന്യ​മാ​യി അതു നൽകാൻ നമുക്ക്‌ കടപ്പാ​ടില്ല, നാം അത്‌ ആഗ്രഹി​ക്കു​ന്നു​മില്ല. സ്വന്തം ഭൗതിക വസ്‌തു​ക്കൾ ജ്ഞാനപൂർവം ഉപയോ​ഗി​ക്കു​ന്ന​തു​പോ​ലെ, സൊ​സൈ​റ്റി​യിൽനിന്ന്‌ പ്രാ​ദേ​ശിക സഭ മുഖാ​ന്തരം വില ഈടാ​ക്കാ​തെ ലഭിക്കുന്ന സാഹി​ത്യ​ങ്ങൾ ബുദ്ധി​പൂർവം ഉപയോ​ഗി​ക്കാ​നുള്ള ഉത്തരവാ​ദി​ത്വം ഓരോ പ്രസാ​ധ​ക​നു​മുണ്ട്‌. സൊ​സൈറ്റി വില ഈടാ​ക്കാ​തെ പ്രസാ​ധ​കർക്കു പ്രസി​ദ്ധീ​ക​ര​ണങ്ങൾ ലഭ്യമാ​ക്കു​ന്നു എന്നതു​കൊണ്ട്‌, അവ ഉത്‌പാ​ദി​പ്പി​ക്കാ​നും വിതരണം ചെയ്യാ​നു​മാ​യി യാതൊ​രു ചെലവു​മി​ല്ലെന്ന്‌ അർഥമില്ല. യഹോ​വ​യാം ദൈവ​ത്തെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള സൂക്ഷ്‌മ പരിജ്ഞാ​നം സമ്പാദി​ക്കാൻ ആഗ്രഹി​ക്കുന്ന ആത്മാർഥ ഹൃദയരെ സഹായി​ക്കു​ന്ന​തിൽ നമ്മുടെ സാഹി​ത്യ​ങ്ങൾക്കുള്ള മൂല്യം നാമേ​വ​രും പ്രത്യേ​കാൽ വിലമ​തി​ക്കണം.—യോഹ. 17:3.

³ വില ഈടാ​ക്കാ​തെ എല്ലാവർക്കും സാഹി​ത്യ​ങ്ങൾ നൽകാൻ സൊ​സൈ​റ്റിക്ക്‌ എങ്ങനെ സാധി​ക്കു​ന്നു? ഇതിന്റെ ഉത്‌പാ​ദ​ന​ത്തി​നും വിതര​ണ​ത്തി​നു​മാ​യി വേണ്ടി​വ​രുന്ന ചെലവു​കൾ നിറ​വേ​റ്റ​പ്പെ​ടു​ന്നത്‌ സംഭാ​വ​ന​ക​ളാ​ലാണ്‌. യഹോ​വ​യു​ടെ സമർപ്പിത ദാസന്മാ​രാണ്‌ ഈ പിന്തു​ണ​യു​ടെ പ്രാഥ​മിക ഉറവ്‌. ഏറ്റവും അടിയ​ന്തി​ര​മായ ഈ രാജ്യ​പ്ര​സംഗ വേലയെ പിന്തു​ണ​യ്‌ക്കാൻ യഹോ​വ​യു​ടെ സാക്ഷികൾ പൊതു​ജ​ന​ങ്ങളെ ആശ്രയി​ച്ചി​ട്ടില്ല. നാം ഇതുവ​രെ​യും പൊതു​ജ​ന​ങ്ങ​ളിൽനിന്ന്‌ പണപ്പി​രിവ്‌ നടത്തി​യി​ട്ടില്ല ഇപ്പോൾ അങ്ങനെ ചെയ്യു​ന്നു​മില്ല. എന്നിരു​ന്നാ​ലും, നമ്മുടെ സന്ദേശത്തെ വിലമ​തി​ക്കുന്ന ആത്മാർഥ​രായ വ്യക്തികൾ നൽകുന്ന എളിയ സംഭാ​വ​നകൾ നാം തീർച്ച​യാ​യും വിലമ​തി​ക്കു​ന്നു.

സംഭാ​വ​നകൾ ഉപയോ​ഗി​ക്ക​പ്പെ​ടുന്ന വിധം

⁴ അതുകൊണ്ട്‌, നമ്മുടെ ലോക​വ്യാ​പക ബൈബിൾ വിദ്യാ​ഭ്യാ​സ വേല സ്വമേ​ധയാ സംഭാ​വ​ന​ക​ളാൽ പിന്തു​ണ​യ്‌ക്ക​പ്പെ​ടു​ന്നത്‌ എങ്ങനെ​യെന്ന്‌ ഹ്രസ്വ​വും വ്യക്തവു​മാ​യി വിശദീ​ക​രി​ക്കാൻ നാം ഒരുങ്ങി​യി​രി​ക്കേ​ണ്ടത്‌ ആവശ്യ​മാണ്‌. സംഭാ​വ​ന​ക​ളെ​ല്ലാം ഈ ആധുനിക യുഗത്തിൽ രാജ്യ​പ്ര​സംഗ വേല നിർവ​ഹി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന വർധിച്ച ചെലവു​കൾ നികത്താ​നാ​യി ഉപയോ​ഗി​ക്ക​പ്പെ​ടു​ന്നു. ലോക​വ്യാ​പ​ക​മാ​യി വിതരണം ചെയ്യാ​നുള്ള സാഹി​ത്യ​ങ്ങൾ ഉത്‌പാ​ദി​പ്പി​ക്കു​ന്ന​തി​നു പുറമെ, ബ്രാഞ്ച്‌ ഓഫീ​സു​കൾ, ബെഥേൽ ഭവനങ്ങൾ, ശുശ്രൂ​ഷാ പരിശീ​ലന സ്‌കൂ​ളു​കൾ എന്നിവ​യു​ടെ നടത്തി​പ്പി​നും പ്രത്യേക പയനി​യർമാർ, സഞ്ചാര മേൽവി​ചാ​ര​ക​ന്മാർ എന്നിവ​രു​ടെ ആവശ്യങ്ങൾ നിറ​വേ​റ്റു​ന്ന​തി​നും സംഭാ​വ​നകൾ വിനി​യോ​ഗി​ക്കു​ന്നു. യേശു തന്റെ ശിഷ്യ​ന്മാർക്കു നൽകിയ നിയമനം നിർവ​ഹി​ക്കു​ന്ന​തിന്‌ അനിവാ​ര്യ​മായ മറ്റ്‌ അസംഖ്യം സേവന​ങ്ങ​ളു​ടെ ചെലവും സ്വമേ​ധയാ സംഭാ​വ​ന​ക​ളി​ലൂ​ടെ​യാ​ണു നടത്ത​പ്പെ​ടു​ന്നത്‌.—മത്താ. 24: 14; 28: 19, 20.

⁵ യഹോവയുടെ ജനത്തി​നി​ട​യിൽ നടന്നു​കൊ​ണ്ടി​രി​ക്കുന്ന ത്വരി​ത​ഗ​തി​യി​ലുള്ള വളർച്ച സഹായ​ഹ​സ്‌തം നീട്ടാൻ അനേകം സഹോ​ദ​ര​ങ്ങളെ പ്രേരി​പ്പി​ച്ചി​രി​ക്കു​ന്നു. അവരിൽ മിക്കവർക്കും ബ്രാഞ്ചു​ക​ളു​ടെ​യോ രാജ്യ​ഹാ​ളു​ക​ളു​ടെ​യോ നിർമാ​ണ​ത്തിൽ വ്യക്തി​പ​ര​മാ​യി സഹായി​ക്കാ​നോ വിദൂര രാജ്യ​ങ്ങ​ളി​ലേക്കു പോയി സുവാർത്ത പ്രസം​ഗി​ക്കാ​നോ സാധി​ക്കില്ല. എന്നിരു​ന്നാ​ലും, അതുല്യ​മായ ഈ പ്രവർത്ത​ന​ത്തിൽ കഴിയു​ന്നത്ര പങ്കുണ്ടാ​യി​രി​ക്കു​ന്ന​തിന്‌, മിക്ക പ്രസാ​ധ​ക​രും കുടും​ബ​ങ്ങ​ളും രാജ്യ​വേ​ല​യ്‌ക്കാ​യി സംഭാവന ചെയ്യാൻ ഒരു നിശ്ചിത തുക ക്രമമാ​യി നീക്കി​വെ​ക്കു​ന്നത്‌ ഒരു ശീലമാ​ക്കു​ന്നു. (1 കൊരി​ന്ത്യർ 16:1, 2 താരത​മ്യം ചെയ്യുക.) ഈ വിധത്തിൽ, സാഹി​ത്യം വിതരണം ചെയ്യു​ന്നത്‌ ഉൾപ്പെടെ സൊ​സൈ​റ്റി​യു​ടെ പ്രവർത്ത​ന​ങ്ങൾക്ക്‌ ആവശ്യ​മായ സാമ്പത്തിക സഹായം ലഭിക്കു​ന്നു. ലോക​വ്യാ​പക വേലയ്‌ക്കാ​യി ലഭിക്കുന്ന സ്വമേ​ധയാ സംഭാ​വ​ന​കളെ കേവലം സാഹി​ത്യ​ത്തി​ന്റെ വിലയാ​യി ആരും വീക്ഷി​ക്ക​രുത്‌.

⁶ വീടുതോറുമുള്ള സേവന​ത്തിൽ ഏർപ്പെ​ട്ടി​രി​ക്കു​മ്പോ​ഴോ സാക്ഷ്യം നൽകുക എന്ന ലക്ഷ്യത്തിൽ ആളുകളെ സമീപി​ക്കു​മ്പോ​ഴോ അവരു​മാ​യി ഒരു ബൈബിൾ വിഷയം ചർച്ച ചെയ്യാൻ നാം തയ്യാറാ​യി​രി​ക്കണം. താത്‌പ​ര്യം ഉണർത്തുന്ന വ്യത്യസ്‌ത മുഖവു​ര​ക​ളോ​ടു കൂടിയ ഉചിത​മായ നിരവധി ബൈബിൾ വിഷയങ്ങൾ തിരു​വെ​ഴു​ത്തു​ക​ളിൽ നിന്ന്‌ ന്യായ​വാ​ദം ചെയ്യൽ പുസ്‌ത​ക​ത്തിൽ ഉണ്ട്‌. അല്ലെങ്കിൽ നമ്മുടെ രാജ്യ ശുശ്രൂ​ഷ​യിൽ നിർദേ​ശി​ച്ചി​രി​ക്കുന്ന അവതര​ണങ്ങൾ നമുക്ക്‌ ഉപയോ​ഗി​ക്കാ​വു​ന്ന​താണ്‌. രാജ്യ​സ​ന്ദേ​ശ​ത്തോ​ടുള്ള വ്യക്തി​യു​ടെ പ്രതി​ക​ര​ണ​ത്തി​ന്റെ അടിസ്ഥാ​ന​ത്തിൽ അയാൾക്ക്‌ സാഹി​ത്യം കൊടു​ക്ക​ണ​മോ വേണ്ടയോ എന്ന്‌ പ്രസാ​ധകൻ തീരു​മാ​നി​ക്കണം. ഒരു പുസ്‌ത​ക​മോ മറ്റ്‌ പ്രസി​ദ്ധീ​ക​ര​ണ​ങ്ങ​ളോ സ്വീക​രി​ക്കാൻ വേണ്ട താത്‌പ​ര്യം വ്യക്തിക്ക്‌ ഇല്ലെന്ന്‌ തോന്നു​ന്നെ​ങ്കിൽ നയപൂർവം സംഭാ​ഷണം അവസാ​നി​പ്പി​ച്ചിട്ട്‌ അടുത്ത വീട്ടി​ലേക്ക്‌ പോകാൻ നിങ്ങൾ തീരു​മാ​നി​ച്ചേ​ക്കാം. അല്ലെങ്കിൽ, വ്യക്തി ലഘു​ലേ​ഖ​യി​ലെ​യോ നോട്ടീ​സി​ലെ​യോ സന്ദേശം വായി​ക്കാ​മെന്ന്‌ ഉറപ്പു പറഞ്ഞാൽ അത്‌ അയാൾക്കു കൊടു​ത്തിട്ട്‌ പോരാ​വു​ന്ന​താണ്‌. താത്‌പ​ര്യം കാണി​ച്ചി​ടത്തു മടങ്ങി​ച്ചെ​ല്ലാൻ കഴി​യേ​ണ്ട​തിന്‌ അത്‌ കുറി​ച്ചി​ടാൻ മറന്നു​പോ​ക​രുത്‌. വ്യക്തി തിരക്കി​ലാ​യി​രി​ക്കു​ന്ന​തി​നാ​ലോ നാം ചെന്ന സമയം അദ്ദേഹ​ത്തിന്‌ സൗകര്യ​പ്ര​ദ​മ​ല്ലാ​ത്ത​തി​നാ​ലോ അർഥപൂർണ​മായ ഒരു സംഭാ​ഷണം നടത്താൻ കഴിയാത്ത അവസര​ങ്ങ​ളി​ലും ഈ രീതി പിൻപ​റ്റാ​വു​ന്ന​താണ്‌.

⁷ നമ്മുടെ ബൈബിൾ വിദ്യാ​ഭ്യാ​സ വേല ഒരു പ്രകാ​ര​ത്തി​ലും വാണി​ജ്യ​പ​രമല്ല എന്നു മനസ്സി​ലാ​ക്കാൻ ലളിത​മാ​ക്ക​പ്പെട്ട സാഹിത്യ വിതരണ ക്രമീ​ക​രണം ഏവരെ​യും സഹായി​ക്കു​ന്നു. രാജ്യ സുവാർത്ത പ്രസം​ഗി​ക്കു​ക​യും യേശു​ക്രി​സ്‌തു​വി​ന്റെ ശിഷ്യ​രാ​കാൻ ആളുകളെ സഹായി​ക്കു​ക​യും ചെയ്യു​ക​യെന്ന വേലയ്‌ക്കു പ്രാമു​ഖ്യത നൽകാ​നും ഇത്‌ നമ്മെ സഹായി​ക്കു​ന്നു. “ദാനധർമ പ്രവർത്ത​ന​ങ്ങൾക്കാ​യി ധനാഭ്യർഥന നടത്തുന്ന” സംഘട​ന​ക​ളിൽനിന്ന്‌ തികച്ചും വ്യത്യ​സ്‌ത​മാ​യി, വില ഈടാ​ക്കാ​തെ സകലർക്കും സാഹി​ത്യം ലഭ്യമാ​ക്കാൻ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാണ്‌. നമ്മുടെ സന്ദേശ​ത്തിൽ യഥാർഥ താത്‌പ​ര്യം കാണി​ക്കാത്ത ആളുക​ളോട്‌ ലോക​വ്യാ​പക വേലയ്‌ക്കാ​യി നാം ഒരിക്ക​ലും സംഭാ​വ​നകൾ അഭ്യർഥി​ക്കാ​റില്ല. (2000 നവംബർ 1 ലക്കം വീക്ഷാ​ഗോ​പു​ര​ത്തി​ന്റെ 28-30 പേജുകൾ കാണുക.) സംഘട​ന​യി​ലെ എല്ലാവ​രും കമ്മീഷ​നോ ശമ്പളമോ കൈപ്പ​റ്റാ​തെ സ്വമേ​ധയാ സേവി​ക്കു​ന്നവർ ആയതി​നാൽ, മൊത്തം സംഭാ​വ​ന​യും ലോക​വ്യാ​പക ബൈബിൾ വിദ്യാ​ഭ്യാ​സ വേലയെ പിന്തു​ണ​യ്‌ക്കാ​നാ​യി ഉപയോ​ഗി​ക്കു​ന്നു. നമ്മുടെ വേല​യെ​ക്കു​റിച്ച്‌ ചോദി​ക്കു​ക​യോ അതിൽ താത്‌പ​ര്യം കാണി​ക്കു​യോ ചെയ്യു​ന്ന​വ​രോ​ടു മാത്രമേ നാം ലോക​വ്യാ​പക വേലയ്‌ക്ക്‌ സംഭാവന ചെയ്യു​ന്ന​തി​നെ​ക്കു​റിച്ച്‌ പറയു​ക​യു​ള്ളൂ.

⁸ സൊസൈറ്റിയുടെ മൂല്യ​വ​ത്തായ പ്രസി​ദ്ധീ​ക​ര​ണങ്ങൾ ഉപയോ​ഗി​ച്ചു​കൊണ്ട്‌ നാം തീക്ഷ്‌ണ​ത​യോ​ടെ ശുശ്രൂഷ വികസി​പ്പി​ക്കു​ന്നെ​ങ്കിൽ യഹോവ തുടർന്നും നമുക്ക്‌ വർധന​വേ​കും. ലോക​മെ​മ്പാ​ടു​മുള്ള പരമാർഥ ഹൃദയ​രായ ആളുകൾ നമ്മുടെ ശുശ്രൂ​ഷയെ കുറി​ച്ചുള്ള സദു​ദ്ദേ​ശ്യ​ത്തോ​ടു കൂടിയ വിശദീ​ക​ര​ണ​ങ്ങളെ വിലമ​തി​ക്കു​ന്നു. സ്വമേ​ധയാ സംഭാ​വ​ന​ക​ളി​ലൂ​ടെ അതിന്‌ പിന്തുണ നൽകാൻ അവർ സന്തോ​ഷ​മു​ള്ള​വ​രാണ്‌.