വിജയ​ക​ര​മായ ടെലി​ഫോൺ സാക്ഷീ​ക​ര​ണം

¹ യഹോവയുടെ സാക്ഷികൾ എന്ന നിലയിൽ, കേവലം സുവാർത്ത ഘോഷ​ണ​ത്തിൽ ഏർപ്പെ​ടുക എന്നതല്ല, മറിച്ച്‌ രാജ്യ സന്ദേശം കഴിയു​ന്നത്ര ആളുക​ളു​ടെ പക്കൽ എത്തിക്കുക എന്നതാണു നമ്മുടെ ലക്ഷ്യം. (പ്രവൃ. 10:42 NW; 20:24 NW) ആളുക​ളു​ടെ അടുക്കൽ എത്താനുള്ള മുഖ്യ വിധം വീടു​തോ​റു​മുള്ള വേല തന്നെയാ​ണെ​ങ്കി​ലും, ക്രമീ​കൃ​ത​മായ ഈ രീതി​യി​ലൂ​ടെ​പോ​ലും എല്ലാവ​രെ​യും കണ്ടുമു​ട്ടാൻ കഴിയി​ല്ലെന്ന്‌ നാം തിരി​ച്ച​റി​യു​ന്നു. അതു​കൊണ്ട്‌, ചെമ്മരി​യാ​ടു​തു​ല്യ​രെ കണ്ടെത്താ​നാ​യി നാം ടെലി​ഫോൺ സാക്ഷീ​ക​രണം ഉൾപ്പെ​ടെ​യുള്ള മറ്റു മാർഗങ്ങൾ അവലം​ബി​ക്കു​ന്നു. ‘നമ്മുടെ ശുശ്രൂഷ നിറപ​ടി​യാ​യി നിവർത്തി​ക്കു​ന്ന​തി​നു’ വേണ്ടി​ത്തന്നെ.—2 തിമൊ. 4:5.

² കനത്ത സുരക്ഷാ സംവി​ധാ​ന​മുള്ള അപ്പാർട്ടു​മെ​ന്റു​കൾ, പല കുടും​ബങ്ങൾ താമസി​ക്കുന്ന കെട്ടിട സമുച്ച​യങ്ങൾ, അന്യർക്കു പ്രവേ​ശനം നിരോ​ധി​ച്ചി​രി​ക്കുന്ന കോള​നി​കൾ എന്നിങ്ങ​നെ​യുള്ള സ്ഥലങ്ങളിൽ വീടു​തോ​റു​മുള്ള പ്രവർത്തനം ബുദ്ധി​മു​ട്ടാണ്‌. വീടു​തോ​റും പ്രവർത്തി​ക്കാൻ പറ്റുന്ന സ്ഥലങ്ങളിൽത്തന്നെ നല്ലൊരു ശതമാനം ആളുക​ളെ​യും വീടു​ക​ളിൽ കാണാൻ കഴി​ഞ്ഞെന്നു വരില്ല. എന്നിരു​ന്നാ​ലും, ടെലി​ഫോൺ ഉപയോ​ഗിച്ച്‌ ഈ ആളുക​ളു​ടെ അടുത്ത്‌ എത്തുന്ന​തിൽ അനേകം പ്രസാ​ധകർ വിജയി​ച്ചു​കൊ​ണ്ടി​രി​ക്കു​ന്നു. ഒരു ദിവസം രാവിലെ വീടു​തോ​റു​മുള്ള വേലയിൽ ഏർപ്പെട്ട ഒരു ദമ്പതികൾ ഒമ്പത്‌ ആളില്ലാ​ഭ​വ​നങ്ങൾ കണ്ടെത്തി. രാജ്യ​ഹാ​ളിൽ മടങ്ങി​വന്ന്‌ അവർ മേൽവി​ലാ​സ​വും ടെലി​ഫോൺ നമ്പരും രേഖ​പ്പെ​ടു​ത്തി​യി​ട്ടുള്ള ഒരു ഡയറക്ടറി നോക്കി അവരു​ടെ​യെ​ല്ലാം ഫോൺ നമ്പർ കണ്ടുപി​ടി​ച്ചു. ആ നമ്പരു​ക​ളിൽ വിളി​ച്ച​പ്പോൾ എട്ടു വീടു​ക​ളിൽ ആളുണ്ടാ​യി​രു​ന്നു!

³ ശുശ്രൂഷയിൽ ടെലി​ഫോൺ സാക്ഷീ​ക​രണം ഉൾപ്പെ​ടു​ത്താൻ നിങ്ങൾക്കു മടിയാ​ണോ? ഒരു സഹോ​ദരൻ ഇങ്ങനെ സമ്മതി​ച്ചു​പ​റഞ്ഞു: “കച്ചവടം നടത്തുക എന്ന ഉദ്ദേശ്യ​ത്തിൽ ആരെങ്കി​ലും എന്റെ വീട്ടി​ലേക്ക്‌ വിളി​ക്കു​ന്നത്‌ എനിക്ക്‌ ഇഷ്ടമല്ല. അതു​കൊ​ണ്ടു​തന്നെ, ഈ രീതി​യിൽ സാക്ഷീ​ക​രി​ക്കു​ന്ന​തി​നോട്‌ എനിക്കു മാനസി​ക​മാ​യി യോജി​ക്കാൻ കഴിയു​ന്നില്ല.” എങ്കിലും, രണ്ടേരണ്ടു ഫോൺവി​ളി​കൾ നടത്തി​യ​ശേഷം അദ്ദേഹം പറഞ്ഞു: “ഞാൻ അത്‌ ഇഷ്ടപ്പെ​ടു​ന്നു! ഇങ്ങനെ സംഭവി​ക്കു​മെന്ന്‌ ഞാൻ വിചാ​രി​ച്ചി​രു​ന്നേ​യില്ല. പക്ഷേ, ഇപ്പോൾ എനിക്ക്‌ അത്‌ ഇഷ്ടമാണ്‌! ടെലി​ഫോൺ സംഭാ​ഷ​ണ​ത്തിൽ ഏർപ്പെ​ടു​മ്പോൾ ആളുകൾ പൊതു​വെ പിരി​മു​റു​ക്കം ഇല്ലാത്ത​വ​രാ​യി​രി​ക്കും. മാത്രമല്ല സാക്ഷീ​ക​ര​ണ​ത്തി​നാ​യി ആവശ്യ​മുള്ള ഉപകര​ണ​ങ്ങ​ളെ​ല്ലാം നിങ്ങളു​ടെ അടുത്തു​തന്നെ ഉണ്ടുതാ​നും. അതു വളരെ ഫലപ്ര​ദ​മാണ്‌.” ഒരു സഹോ​ദ​രി​യു​ടേത്‌ സമാന​മായ അനുഭ​വ​മാണ്‌: “ടെലി​ഫോൺ സാക്ഷീ​ക​രണം നടത്താൻ എനിക്കു വലിയ ഉത്സാഹ​മൊ​ന്നും ഇല്ലായി​രു​ന്നു. തുറന്നു പറഞ്ഞാൽ, ഞാൻ അതു ചെയ്യാൻ ആഗ്രഹി​ച്ചില്ല. എങ്കിലും, ഞാൻ അതു പരീക്ഷി​ച്ചു നോക്കു​ക​യും വളരെ ഫലപ്ര​ദ​മാ​ണെന്നു കണ്ടെത്തു​ക​യും ചെയ്‌തു. ടെലി​ഫോൺ സാക്ഷീ​ക​ര​ണ​ത്തി​ന്റെ ഫലമായി എനിക്കി​പ്പോൾ 37 മടക്കസ​ന്ദർശ​നങ്ങൾ ഉണ്ട്‌, അതു​പോ​ലെ ഒറ്റയ്‌ക്കു നടത്താൻ കഴിയാ​ത്തത്ര ബൈബിൾ അധ്യയ​ന​ങ്ങ​ളും!” പരീക്ഷി​ച്ചു​നോ​ക്കു​ന്ന​പക്ഷം നിങ്ങൾക്കും അതിൽ വിജയി​ക്കാൻ കഴിയും.

⁴ ടെലിഫോൺ സാക്ഷീ​ക​രണം ക്രമീ​ക​രി​ക്കൽ: സഭയുടെ സാക്ഷീ​കരണ പ്രവർത്ത​ന​ത്തി​നു മേൽനോ​ട്ടം വഹിക്കു​ന്ന​തി​നുള്ള ഉത്തരവാ​ദി​ത്വം സേവന മേൽവി​ചാ​ര​ക​നാണ്‌. ആവശ്യ​മെ​ങ്കിൽ, ടെലി​ഫോൺ സാക്ഷീ​ക​രണം ക്രമീ​ക​രി​ക്കു​ന്ന​തിൽ അദ്ദേഹ​ത്തോ​ടൊ​ത്തു പ്രവർത്തി​ക്കാൻ മറ്റൊരു മൂപ്പ​നെ​യോ യോഗ്യ​നായ ഒരു ശുശ്രൂ​ഷാ​ദാ​സ​നെ​യോ മൂപ്പന്മാ​രു​ടെ സംഘത്തിന്‌ നിയമി​ക്കാ​വു​ന്ന​താണ്‌. പ്രദേ​ശ​ങ്ങ​ളു​ടെ ചുമതല വഹിക്കുന്ന സഹോ​ദ​ര​നെ​യും ഉൾപ്പെ​ടു​ത്തണം. കാരണം, അദ്ദേഹ​മാ​യി​രി​ക്കും പ്രദേ​ശങ്ങൾ നിയമി​ച്ചു​കൊ​ടു​ക്കു​ക​യും കൃത്യ​മായ രേഖ സൂക്ഷി​ക്കു​ക​യും ചെയ്യു​ന്നത്‌. അതു​പോ​ലെ​തന്നെ, സർക്കിട്ട്‌ മേൽവി​ചാ​ര​ക​നും ഈ ക്രമീ​ക​ര​ണ​ത്തി​ന്റെ പുരോ​ഗ​തി​യിൽ തത്‌പ​ര​നാ​യി​രി​ക്കും.

⁵ വീടുതോറുമുള്ള സാക്ഷീ​ക​രണം നടത്താൻ പറ്റാത്ത സ്ഥലങ്ങൾ നിങ്ങളു​ടെ പ്രദേ​ശത്ത്‌ ഉണ്ടെങ്കിൽ ടെലി​ഫോൺ പ്രദേ​ശങ്ങൾ തയ്യാറാ​ക്കണം. അത്തരം പ്രദേ​ശ​ങ്ങ​ളിൽ ഉൾപ്പെ​ടു​ത്തേണ്ട മേൽവി​ലാ​സ​ങ്ങ​ളു​ടെ ഒരു ലിസ്റ്റ്‌ നിയമിത സഹോ​ദരൻ ശ്രദ്ധാ​പൂർവം ഉണ്ടാക്കു​ന്ന​താ​യി​രി​ക്കും. ക്രമമാ​യി പ്രവർത്തി​ക്കാൻ കഴിയ​ത്ത​ക്ക​വണ്ണം ഈ പ്രദേ​ശങ്ങൾ താരത​മ്യേന ചെറു​താ​യി​രി​ക്കണം. ടെലി​ഫോൺ സാക്ഷീ​ക​ര​ണ​ത്തി​നാ​യി വേർതി​രി​ച്ചി​രി​ക്കുന്ന സ്ഥലങ്ങൾ ഉള്ള പ്രദേ​ശ​മാ​പ്പു​ക​ളി​ലെ​ല്ലാം അവ പ്രത്യേ​കം അടയാ​ള​പ്പെ​ടു​ത്തി​യി​രി​ക്കണം.

⁶ ടെലിഫോൺ നമ്പരുകൾ നിങ്ങൾക്ക്‌ എവി​ടെ​നി​ന്നു കിട്ടും? അക്ഷരമാ​ലാ​ക്ര​മ​ത്തിൽ പേരു​ക​ളും അതോ​ടൊ​പ്പം ഫോൺ നമ്പരും മേൽവി​ലാ​സ​വും (ചുരുക്കി എഴുതി​യത്‌) ഉള്ള ഡയറക്ട​റി​കൾ ടെലി​ഫോൺ ബൂത്തു​ക​ളിൽ ഉണ്ടായി​രു​ന്നേ​ക്കാം. കനത്ത സുരക്ഷാ സംവി​ധാ​ന​മുള്ള കെട്ടിട സമുച്ച​യ​ങ്ങൾക്ക്‌ അവയു​ടെ​തന്നെ ടെലി​ഫോൺ ലിസ്റ്റ്‌ ഉണ്ടെങ്കിൽ, ഒരുപക്ഷേ നിങ്ങൾക്ക്‌ അവി​ടെ​നി​ന്നു നമ്പരുകൾ ലഭിക്കും. അല്ലെങ്കിൽ, കെട്ടി​ട​ത്തി​ന്റെ കവാട​ത്തി​ലാ​യി താമസ​ക്കാ​രു​ടെ പേരുകൾ പ്രദർശി​പ്പി​ച്ചി​രി​ക്കും. അത്‌ എഴുതി​യെ​ടു​ത്തിട്ട്‌ ഒരു സ്റ്റാൻഡേർഡ്‌ ഡയറക്ട​റി​യിൽ നോക്കി നിങ്ങൾക്ക്‌ നമ്പരുകൾ മനസ്സി​ലാ​ക്കാ​വു​ന്ന​താണ്‌.

⁷ ടെലിഫോൺ സാക്ഷീ​ക​രണം നടത്തി പരിച​യ​മു​ള്ളവർ മറ്റുള്ള​വരെ പരിശീ​ലി​പ്പി​ക്കാൻ തക്കവണ്ണം ക്രമീ​ക​രണം ചെയ്‌തു​കൊണ്ട്‌ മൂപ്പന്മാർക്ക്‌ ഈ വേലയിൽ സജീവ താത്‌പ​ര്യ​മെ​ടു​ക്കാൻ കഴിയും. ഒരുപക്ഷേ, പയനി​യർമാർ മറ്റുള്ള​വരെ സഹായി​ക്കു​ന്നു എന്ന പരിപാ​ടി​യി​ലൂ​ടെ ഇതു ചെയ്യാ​വു​ന്ന​താണ്‌. സേവന​യോ​ഗ​ത്തി​ലെ പ്രാ​ദേ​ശിക ആവശ്യ​ങ്ങ​ളിൽ ഇടയ്‌ക്കി​ട​യ്‌ക്ക്‌ ടെലി​ഫോൺ സാക്ഷീ​ക​രണം എങ്ങനെ വിജയ​ക​ര​മാ​ക്കാം എന്നതിനെ കുറി​ച്ചുള്ള പരിപാ​ടി​കൾ ഉൾപ്പെ​ടു​ത്താൻ കഴിയും.

⁸ വീട്ടിൽത്തന്നെ കഴിഞ്ഞു​കൂ​ടേണ്ടി വരുന്ന​വർക്കോ രോഗി​കൾക്കോ ഇടയസ​ന്ദർശനം നടത്തുന്ന അവസര​ങ്ങ​ളിൽ, ടെലി​ഫോൺ സാക്ഷീ​ക​ര​ണ​ത്തിൽ ഏർപ്പെ​ടു​ന്ന​തിന്‌ അവരെ പ്രോ​ത്സാ​ഹി​പ്പി​ക്കാൻ മൂപ്പന്മാർ ശ്രദ്ധയു​ള്ള​വ​രാ​യി​രി​ക്കണം. പ്രസാ​ധകൻ കാൺകെ മൂപ്പന്‌ ഏതാനും ഫോൺവി​ളി​കൾ നടത്താൻ കഴി​ഞ്ഞേ​ക്കും. പിന്നീട്‌ പ്രസാ​ധ​കന്‌ അതു പരീക്ഷി​ച്ചു​നോ​ക്കാ​വു​ന്ന​താണ്‌. ഈ വിധത്തിൽ ഇത്തരം സാക്ഷീ​ക​ര​ണ​ത്തിൽ ഏർപ്പെട്ടു തുടങ്ങിയ അനേക​രും ദിവസ​വും ഏതാനും മിനി​ട്ടു​കൾ ഇതിനാ​യി ചെലവി​ടു​ന്നു, അവർ അത്‌ യഥാർഥ​ത്തിൽ ആസ്വദി​ക്കു​ന്നു.

⁹ വിജയിക്കാനുള്ള നിർദേ​ശങ്ങൾ: യേശു തന്റെ ശിഷ്യ​ന്മാ​രെ “ഈരണ്ടാ”യാണ്‌ പ്രസം​ഗി​ക്കാൻ അയച്ചത്‌. (ലൂക്കൊ. 10:1) എന്തു​കൊണ്ട്‌? രണ്ടുപേർ ഒന്നിച്ചു പ്രവർത്തി​ക്കു​മ്പോൾ ഒരാൾക്ക്‌ മറ്റെയാ​ളിൽനിന്ന്‌ കാര്യങ്ങൾ പഠിക്കാ​നും പരസ്‌പരം പ്രോ​ത്സാ​ഹി​പ്പി​ക്കാ​നും കഴിയു​മെന്ന്‌ യേശു​വിന്‌ അറിയാ​മാ​യി​രു​ന്നു. ടെലി​ഫോൺ സാക്ഷീ​ക​ര​ണ​ത്തി​ന്റെ കാര്യ​ത്തി​ലും അതു സത്യമാണ്‌. രണ്ടുപേർ ചേർന്നു പ്രവർത്തി​ക്കു​ന്നതു നിമിത്തം ഓരോ​രു​ത്തർക്കും മറ്റേ വ്യക്തി​യിൽനി​ന്നു കാര്യങ്ങൾ പഠിക്കാ​നും ലഭിച്ച ഫലങ്ങളെ കുറിച്ചു ചർച്ച ചെയ്യാ​നും അടുത്ത സംഭാ​ഷ​ണ​ത്തി​നു​വേണ്ടി നിർദേ​ശങ്ങൾ നൽകാ​നും സാധി​ക്കും. സാക്ഷീ​ക​രണം നടത്തി​ക്കൊ​ണ്ടി​രി​ക്കു​മ്പോൾപ്പോ​ലും ആവശ്യ​മായ വിവരങ്ങൾ കണ്ടെത്താൻ അന്യോ​ന്യം സഹായി​ക്കാൻ കഴിയും.

¹⁰ സാക്ഷീകരണത്തിനുള്ള ഉപകര​ണ​ങ്ങ​ളെ​ല്ലാം—ബൈബിൾ, ന്യായ​വാ​ദം പുസ്‌തകം, ആവശ്യം ലഘുപ​ത്രിക, മാസി​കകൾ തുടങ്ങി​യവ—നിങ്ങളു​ടെ മുന്നിൽ വെക്കാൻ പറ്റിയ എവി​ടെ​യെ​ങ്കി​ലും ഇരിക്കുക. അങ്ങനെ ചെയ്യു​ന്നത്‌, വ്യക്തമാ​യി ചിന്തി​ക്കു​ന്ന​തി​നും ശ്രദ്ധ കേന്ദ്രീ​ക​രി​ക്കു​ന്ന​തി​നും നിങ്ങളെ സഹായി​ക്കും. ഏതാനും അവതര​ണങ്ങൾ എഴുതി​യു​ണ്ടാ​ക്കി നിങ്ങൾക്ക്‌ കാണാ​വു​ന്നി​ടത്ത്‌ വെക്കുക. താത്‌പ​ര്യം കാണി​ച്ച​വരെ അടുത്ത​താ​യി എപ്പോ​ഴാണ്‌ വിളി​ക്കേ​ണ്ട​തെന്ന്‌ അറിയാ​നാ​യി തീയതി​യും സമയവും ഉൾപ്പെ​ടെ​യുള്ള കൃത്യ​വും പൂർണ​വു​മായ വിവരങ്ങൾ എഴുതി​യെ​ടു​ക്കാൻ തയ്യാറാ​യി​രി​ക്കണം.

¹¹ ഫോണിലൂടെ അപരി​ചി​ത​മായ ശബ്ദം കേൾക്കു​മ്പോൾ ആളുകൾ മിക്ക​പ്പോ​ഴും ജാഗ്രത പുലർത്തും. അതു​കൊണ്ട്‌, ഊഷ്‌മ​ള​ത​യും സൗഹാർദ​വും നയവും ഉള്ളവരാ​യി​രി​ക്കുക. നിങ്ങളു​ടെ സ്വഭാ​വ​വും ആത്മാർഥ​ത​യും മനസ്സി​ലാ​ക്കാൻ വീട്ടു​കാ​രന്‌ നിങ്ങളു​ടെ ശബ്ദം മാത്രമേ ഉള്ളൂ. വെപ്രാ​ള​പ്പെ​ടാ​തെ ഹൃദയ​ത്തിൽനി​ന്നു സംസാ​രി​ക്കുക. കേൾക്കാ​വു​ന്നത്ര ശബ്ദത്തിൽ വ്യക്തമാ​യി സാവധാ​നം സംസാ​രി​ക്കുക. വീട്ടു​കാ​ര​നെ​യും സംസാ​രി​ക്കാൻ അനുവ​ദി​ക്കുക. നിങ്ങളു​ടെ പൂർണ​മായ പേര്‌ ഉപയോ​ഗി​ക്കു​ക​യും നിങ്ങൾ സമീപ പ്രദേ​ശ​ത്തു​ത​ന്നെ​യാ​ണു താമസി​ക്കു​ന്ന​തെന്നു പറയു​ക​യും ചെയ്യുക. ടെലി​ഫോ​ണി​ലൂ​ടെ കച്ചവടം നടത്തു​ന്ന​വ​രാണ്‌ നാമെന്ന്‌ മറ്റുള്ളവർ വിചാ​രി​ക്കാൻ നാം ആഗ്രഹി​ക്കു​ന്നില്ല. ഒരു പ്രത്യേക കെട്ടി​ട​ത്തി​ലോ കെട്ടിട സമുച്ച​യ​ത്തി​ലോ ഉള്ള എല്ലാവ​രെ​യും വിളി​ക്കു​ക​യാ​ണെന്നു പറയാതെ ആ വ്യക്തി​യെ​ത്ത​ന്നെ​യാണ്‌ വിളി​ച്ച​തെന്നു പറയുക.

¹² ടെലിഫോൺ അവതര​ണങ്ങൾ: ന്യായ​വാ​ദം പുസ്‌ത​ക​ത്തി​ന്റെ 9-15 പേജു​ക​ളി​ലെ പല മുഖവു​ര​ക​ളും ടെലി​ഫോൺ സാക്ഷീ​ക​ര​ണ​ത്തിൽ ഉപയോ​ഗി​ക്കാ​വുന്ന രീതി​യിൽ മാറ്റി​യെ​ടു​ക്കാൻ സാധി​ക്കും. നിങ്ങൾക്ക്‌ ഇങ്ങനെ പറയാം: “താങ്കളെ വ്യക്തി​പ​ര​മാ​യി വന്നു കാണാൻ കഴിയാ​ത്ത​തി​നാ​ലാണ്‌ ഫോണിൽ വിളി​ക്കു​ന്നത്‌. വളരെ രസകര​മായ ഒരു ചോദ്യം സംബന്ധിച്ച്‌ താങ്കളു​ടെ അഭി​പ്രാ​യം അറിയാൻ ഞാൻ ആഗ്രഹി​ക്കു​ന്നു.” അതേത്തു​ടർന്ന്‌, ചോദ്യം എന്താ​ണെന്നു പറയുക.

¹³ “കുറ്റകൃ​ത്യം/സുരക്ഷി​ത​ത്വം” എന്ന തലക്കെ​ട്ടിൻ കീഴിലെ ആദ്യത്തെ അവതരണം നിങ്ങൾക്ക്‌ ഇങ്ങനെ ഉപയോ​ഗി​ക്കാം: “ഹലോ, എന്റെ പേര്‌ —. ഞാൻ ഇവിടെ അടുത്താ​ണു താമസി​ക്കു​ന്നത്‌. ഏതെങ്കി​ലും ബിസി​നസ്‌ ആവശ്യ​ങ്ങൾക്കോ സർവെ നടത്തു​ന്ന​തി​നോ ഒന്നുമല്ല ഞാൻ വിളി​ക്കു​ന്നത്‌. ആളുക​ളു​ടെ വ്യക്തി​പ​ര​മായ സുരക്ഷി​ത​ത്വ​ത്തിൽ ഞാൻ തത്‌പ​ര​നാണ്‌. അതേക്കു​റിച്ച്‌ അൽപ്പം സംസാ​രി​ക്കു​ന്ന​തി​നാണ്‌ വിളി​ച്ചത്‌. നമുക്കു ചുറ്റും ധാരാളം കുറ്റകൃ​ത്യ​ങ്ങൾ നടക്കു​ന്നുണ്ട്‌. അതു നമ്മുടെ ജീവി​തത്തെ ബാധി​ക്കു​ക​യും ചെയ്യുന്നു. എന്നാൽ ഏവർക്കും രാത്രി​കാ​ല​ങ്ങ​ളിൽ സുരക്ഷി​ത​ബോ​ധ​ത്തോ​ടെ തെരു​വി​ലൂ​ടെ നടക്കാൻ കഴിയുന്ന ഒരു കാലം വരു​മെന്ന്‌ താങ്കൾ വിചാ​രി​ക്കു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ഇതി​നോ​ടുള്ള ബന്ധത്തിൽ ദൈവം എന്താണ്‌ ചെയ്യാൻ പോകു​ന്ന​തെന്നു ഞാൻ വായിച്ചു കേൾപ്പി​ക്കട്ടെ.”

¹⁴ നേരിട്ടുള്ള സമീപനം ഉപയോ​ഗിച്ച്‌ ബൈബിൾ അധ്യയ​നങ്ങൾ ആരംഭി​ക്കാ​നുള്ള നിർദേശം ടെലി​ഫോൺ സാക്ഷീ​ക​ര​ണ​ത്തിൽ ബാധക​മാ​ക്കി​യത്‌ നല്ല ഫലങ്ങൾ ഉളവാ​ക്കി​യി​ട്ടുണ്ട്‌. ഏതാനും മിനി​ട്ടു​കൊണ്ട്‌, അധ്യയനം എടുക്കുന്ന വിധം പ്രകടി​പ്പി​ച്ചു കാണി​ക്കാ​വു​ന്ന​താണ്‌. അധ്യയനം തുടരാ​നാ​യി വ്യക്തി​യു​ടെ വീട്ടിൽ ചെല്ലാ​മെന്നു പറയുക. വ്യക്തി അതിനു മടി കാണി​ക്കു​ന്നെ​ങ്കിൽ ഫോണി​ലൂ​ടെ​തന്നെ മറ്റൊരു ദിവസം അധ്യയനം തുടരാൻ ക്രമീ​ക​രി​ക്കുക.

¹⁵ വ്യക്തിയെ നേരിൽ സന്ദർശി​ക്കു​ന്ന​തി​ലേ​ക്കോ ഏതെങ്കി​ലും ഒരു സാഹി​ത്യം അയച്ചു​കൊ​ടു​ക്കു​ന്ന​തി​ലേ​ക്കോ നയിക്കുന്ന രീതി​യിൽ സംഭാ​ഷണം അവസാ​നി​പ്പി​ക്കുക. വ്യക്തി മേൽവി​ലാ​സം നൽകാൻ മടിക്കു​ന്നെ​ങ്കിൽ, വീണ്ടും വിളി​ക്കാം എന്നു പറയുക. അദ്ദേഹം നിങ്ങളെ വീട്ടി​ലേക്കു ക്ഷണിക്കു​ന്ന​തി​നു മുമ്പായി പല പ്രാവ​ശ്യം ഫോൺ വിളി​ക്കേ​ണ്ട​തു​ണ്ടാ​യി​രി​ക്കാം.

¹⁶ മുൻകൈയെടുക്കുക: ഒരിക്കൽ, 15 വയസ്സുള്ള ഒരു സഹോ​ദരി രാവിലെ ശുശ്രൂഷ ആരംഭി​ച്ചത്‌ ടെലി​ഫോൺ സാക്ഷീ​ക​രണം നടത്തി​ക്കൊ​ണ്ടാണ്‌. അവൾ ഒരു സ്‌ത്രീ​യോ​ടാ​ണു സംസാ​രി​ച്ചത്‌. പരിജ്ഞാ​നം പുസ്‌തകം എടുക്കാ​മെന്ന്‌ അവർ സമ്മതിച്ചു. സഹോ​ദരി പുസ്‌ത​ക​വു​മാ​യി അവരുടെ വീട്ടിൽ ചെന്ന​പ്പോൾ, ലിസ്റ്റിൽ ഇല്ലാത്ത തന്റെ ഫോൺ നമ്പർ ലഭിച്ചത്‌ എങ്ങനെ​യാ​ണെന്ന്‌ അവർ ചോദി​ച്ചു. വാസ്‌ത​വ​ത്തിൽ, സഹോ​ദരി ഡയൽ ചെയ്‌ത നമ്പർ തെറ്റി​പ്പോ​യ​താ​യി​രു​ന്നു! ആ സ്‌ത്രീ അധ്യയ​ന​ത്തി​നു സമ്മതിച്ചു, ഇപ്പോൾ അവർ സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധി​ക​യാണ്‌.

¹⁷ ഒരു സഹോ​ദ​രിക്ക്‌ ഒരു ടെലി​ഫോൺ പ്രദേശം നിയമി​ച്ചു​കി​ട്ടി. എങ്കിലും, ഭയം നിമിത്തം മൂന്ന്‌ ആഴ്‌ച​ത്തേക്ക്‌ അവർ പ്രവർത്തനം തുടങ്ങി​യില്ല. അത്‌ തുടങ്ങാ​നുള്ള ധൈര്യം അവർക്ക്‌ എങ്ങനെ​യാ​ണു ലഭിച്ചത്‌? 1997 ജനുവരി 22 ലക്കം ഉണരുക!യിലെ “ബലഹീ​ന​യാ​യി​രി​ക്കു​മ്പോൾത്തന്നെ ഞാൻ ശക്തയാ​കു​ന്നു” എന്ന ലേഖനം സഹോ​ദരി ഓർത്തു. ശാരീ​രിക പരിമി​തി​കൾ ഉണ്ടെങ്കി​ലും ടെലി​ഫോ​ണി​ലൂ​ടെ സുവാർത്ത പ്രസം​ഗി​ക്കുന്ന ഒരു സാക്ഷിയെ കുറി​ച്ചു​ള്ള​താ​യി​രു​ന്നു അത്‌. സഹോ​ദരി പറയുന്നു: “ഞാൻ ശക്തിക്കാ​യി യഹോ​വ​യോ​ടു പ്രാർഥി​ച്ചു. അവതരണം നടത്തു​ന്ന​തി​നുള്ള ഉചിത​മായ വാക്കുകൾ എനിക്കു നൽകണമേ എന്നു ഞാൻ യാചിച്ചു.” അവർ ടെലി​ഫോൺ സാക്ഷീ​ക​രണം നടത്തിയ ആദ്യദി​വ​സത്തെ അനുഭവം എന്തായി​രു​ന്നു? അവർ പറയുന്നു: “യഹോവ എന്റെ പ്രാർഥന കേട്ടു. ആളുകൾ എന്നെ ശ്രദ്ധിച്ചു, എനിക്ക്‌ ഒരു മടക്കസ​ന്ദർശ​ന​വും ലഭിച്ചു.” അവരുടെ ടെലി​ഫോൺ സാക്ഷീ​ക​രണം പിന്നീട്‌ ഒരു ബൈബിൾ അധ്യയ​ന​ത്തിൽ കലാശി​ച്ചു. “എന്നിൽ അല്ല മറിച്ച്‌, യഹോ​വ​യിൽ ആശ്രയി​ക്കാൻ ഒരിക്കൽക്കൂ​ടി അവൻ എന്നെ പഠിപ്പി​ച്ചി​രി​ക്കു​ന്നു” എന്ന്‌ അവർ കൂട്ടി​ച്ചേർത്തു.—സദൃ. 3:5.

¹⁸ ടെലിഫോണിലൂടെ സത്യം അവതരി​പ്പി​ക്കു​ന്നത്‌ സുവാർത്ത പ്രസം​ഗി​ക്കാ​നുള്ള വിജയ​പ്ര​ദ​മായ ഒരു മാർഗ​മാ​ണെന്നു തെളി​ഞ്ഞി​രി​ക്കു​ന്നു. നന്നായി തയ്യാറാ​കു​ക​യും മുഴു​ഹൃ​ദ​യ​ത്തോ​ടെ പങ്കുപ​റ്റു​ക​യും ചെയ്യുക. ആദ്യം ഏതാനും തവണ ശ്രമി​ച്ചി​ട്ടും അനുകൂ​ല​മായ പ്രതി​ക​ര​ണ​മൊ​ന്നും ലഭിച്ചി​ല്ലെ​ങ്കിൽ നിരു​ത്സാ​ഹ​പ്പെ​ടേ​ണ്ട​തില്ല. മാർഗ​നിർദേ​ശ​ത്തി​നാ​യി യഹോ​വ​യോ​ടു പ്രാർഥി​ക്കുക. ടെലി​ഫോ​ണി​ലൂ​ടെ സുവാർത്ത പ്രസം​ഗി​ക്കുന്ന മറ്റുള്ള​വ​രു​മാ​യി ഇതി​നെ​ക്കു​റി​ച്ചു സംസാ​രി​ക്കുക. നിങ്ങൾക്ക്‌ പരസ്‌പരം അഭി​പ്രാ​യ​ങ്ങ​ളും അനുഭ​വ​ങ്ങ​ളും പങ്കിടാൻ കഴിയും. പ്രദേ​ശത്തെ എല്ലാവ​രു​ടെ​യും അടുക്കൽ എത്തി​ച്ചേ​രുക എന്നതാണു നമ്മുടെ ആഗ്രഹം. അതിനാൽ, നമുക്ക്‌ അടിയ​ന്തി​ര​ത​യോ​ടെ നമ്മുടെ ശുശ്രൂഷ പൂർണ​മാ​യി നിർവ​ഹി​ക്കാം.—റോമ. 10:13, 14.