കാലേ​കൂ​ട്ടി ആസൂ​ത്രണം ചെയ്യുക—എന്തിനു വേണ്ടി?

¹ ഭാവി പരിപാ​ടി​കളെ കുറിച്ച്‌ നാമെ​ല്ലാം കുറെ​യൊ​ക്കെ ചിന്തി​ക്കാ​റുണ്ട്‌. ഭൗമിക പ്രത്യാ​ശ​യു​ള്ളവർ ദൈവ​ത്തി​ന്റെ നീതി​യുള്ള പുതിയ ലോക​ത്തിൽ എന്നേക്കും ജീവി​ക്കാ​നാ​യി കാത്തി​രി​ക്കു​ന്നു. എന്നാൽ ആ പ്രത്യാ​ശയെ നമ്മുടെ ഹൃദയ​ത്തിൽനി​ന്നു പിഴു​തെ​റി​യാൻ കഴിയുന്ന ഘടകങ്ങൾ ഉണ്ട്‌. രാജ്യ താത്‌പ​ര്യ​ങ്ങളെ കേന്ദ്രീ​ക​രിച്ച്‌ നമ്മുടെ ജീവിതം കെട്ടു​പണി ചെയ്യു​ന്ന​തിൽ തുടരാ​നും ജഡത്തിന്റെ ആകർഷ​ക​മായ മോഹ​ങ്ങ​ളാൽ വഴി​തെ​റ്റി​ക്ക​പ്പെ​ടാ​തി​രി​ക്കാ​നും ആത്മാർഥ ശ്രമം ആവശ്യ​മാണ്‌.—1 യോഹ. 2:15-17.

² ആത്മീയ ചിന്താ​ഗതി ഉള്ളവരു​ടെ ആഗ്രഹ​ങ്ങ​ളും ലക്ഷ്യങ്ങ​ളും ഉൾക്കൊ​ള്ളാൻ ലോക​ത്തി​നു കഴിയു​ക​യില്ല. (1 കൊരി. 2:14) ആളുകൾ പൊതു​വെ പ്രശസ്‌തി​യോ അധികാ​ര​മോ ധനമോ സമ്പാദി​ക്കാൻ ശ്രമി​ക്കു​മ്പോൾ നാം ആത്മീയ നിക്ഷേ​പങ്ങൾ സ്വരു​ക്കൂ​ട്ടാൻ ശ്രമി​ക്കു​ന്നു. (മത്താ. 6:19-21) ഭാവിയെ സംബന്ധിച്ച ലോക​ത്തി​ന്റെ വീക്ഷണ​വു​മാ​യി നമ്മുടെ ചിന്തയെ അനുരൂ​പ​പ്പെ​ടു​ത്താൻ ശ്രമി​ക്കു​ന്നെ​ങ്കിൽ നമുക്ക്‌ എപ്പോ​ഴെ​ങ്കി​ലും ആത്മീയ ലക്ഷ്യങ്ങ​ളിൽ എത്തി​ച്ചേ​രാ​നാ​കു​മോ? പെട്ടെ​ന്നു​തന്നെ ഭൗതിക താത്‌പ​ര്യ​ങ്ങൾ നമ്മുടെ ഹൃദയത്തെ പൂർണ​മാ​യി കവർന്നെ​ടു​ത്തേ​ക്കാം. നമുക്ക്‌ ഇത്‌ എങ്ങനെ തടയാ​നാ​കും?

³ ‘കർത്താ​വായ യേശു​ക്രി​സ്‌തു​വി​നെ ധരിച്ചു​കൊൾവിൻ’: നാം രാജ്യ താത്‌പ​ര്യ​ങ്ങളെ കേന്ദ്രീ​ക​രി​ച്ചാ​ണോ നമ്മുടെ ഭാവി പടുത്തു​യർത്തു​ന്നത്‌ എന്നു നിർണ​യി​ക്കാ​നുള്ള ഒരു മാർഗം നമ്മുടെ സംഭാ​ഷണം പരി​ശോ​ധി​ക്കുക എന്നതാണ്‌. നമ്മുടെ സംഭാ​ഷണം എപ്പോ​ഴും ഭൗതിക വസ്‌തു​ക്ക​ളെ​യും താത്‌പ​ര്യ​ങ്ങ​ളെ​യും കുറി​ച്ചു​ള്ള​താ​ണോ? അങ്ങനെ​യെ​ങ്കിൽ, നമ്മുടെ ഹൃദയം ആത്മീയ മൂല്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തിൽ പരാജ​യ​പ്പെ​ടു​ന്നു​വോ എന്നു നാം പരിചി​ന്തി​ക്കേ​ണ്ടി​യി​രി​ക്കു​ന്നു. ‘മോഹങ്ങൾ ജനിക്കു​മാ​റു ജഡത്തി​നാ​യി ചിന്തി​ക്കു​ന്ന​തി​നു പകരം കർത്താ​വായ യേശു​ക്രി​സ്‌തു​വി​നെ ധരിക്കു​ന്ന​തിന്‌’ നാം കൂടുതൽ ഊന്നൽ നൽകേ​ണ്ട​തു​ണ്ടാ​യി​രി​ക്കാം.—റോമ. 13:14.

⁴ യുവജനങ്ങൾക്ക്‌, തങ്ങൾ മുഴു​സമയ ശുശ്രൂ​ഷ​യിൽ പ്രവേ​ശി​ക്കുന്ന നാളി​നാ​യി കാലേ​കൂ​ട്ടി ആസൂ​ത്രണം ചെയ്‌തു​കൊണ്ട്‌ ‘ക്രിസ്‌തു​വി​നെ ധരിക്കാൻ’ കഴിയും. യുവാക്കൾ സാമ്പത്തിക ഭദ്രത കൈവ​രി​ക്കാൻ പ്രതീ​ക്ഷി​ച്ചി​രുന്ന ഒരു സമൂഹ​ത്തി​ലാണ്‌ ഒരു യുവാവ്‌ വളർത്ത​പ്പെ​ട്ടത്‌. തന്മൂലം, സാധാരണ പയനി​യ​റിങ്‌ നടത്താൻ ആഗ്രഹം ഉണ്ടായി​രു​ന്നെ​ങ്കി​ലും അവൻ ബിസി​ന​സ്സിൽ അങ്ങേയറ്റം വ്യാപൃ​ത​നാ​യി. യോഗ​ഹാ​ജ​രും പ്രസം​ഗ​വേ​ല​യു​മൊ​ക്കെ അവനെ സംബന്ധി​ച്ചി​ട​ത്തോ​ളം വെറു​മൊ​രു ചടങ്ങായി മാറി. മത്തായി 6:33-ലെ യേശു​വി​ന്റെ വാക്കു​ക​ളിൽ വിശ്വാ​സം അർപ്പി​ക്കാൻ തുടങ്ങു​ക​യും പണത്തിനു പിന്നാ​ലെ​യുള്ള തന്റെ വൃഥാ ഓട്ടം നിറു​ത്തു​ക​യും ചെയ്‌ത​തോ​ടെ, അവൻ മുഴു​സമയ സേവനം ഏറ്റെടു​ത്തു. ഇപ്പോൾ ഒരു ശുദ്ധ മനസ്സാ​ക്ഷി​യോ​ടെ അവൻ യഹോ​വയെ സേവി​ക്കു​ന്നു. അതേ, അവൻ പറയു​ന്നതു പോലെ, ‘തന്റെ കഴിവി​ന്റെ പരമാ​വധി’ ചെയ്‌തു​കൊണ്ട്‌.

⁵ ഭാവിക്കു വേണ്ടി ആസൂ​ത്രണം ചെയ്യു​ന്നതു ജ്ഞാനപൂർവ​ക​മാ​ണെന്നു ബൈബിൾ പറയുന്നു. (സദൃ. 21:5, NW) ദൈ​വേ​ഷ്ട​ത്തി​നു പ്രഥമ സ്ഥാനം കൊടു​ത്തു​കൊണ്ട്‌ നമു​ക്കെ​ല്ലാ​വർക്കും അപ്രകാ​രം ചെയ്യാം.—എഫെ. 5:15-17.