“പ്രദേശം ഞങ്ങൾ പല പ്രാവ​ശ്യം പ്രവർത്തി​ച്ചി​രി​ക്കു​ന്നു!”

¹ നിങ്ങളുടെ പ്രദേശം പലയാ​വർത്തി പ്രവർത്തി​ച്ചി​രി​ക്കു​ന്നു, ചെമ്മരി​യാ​ടു തുല്യ​രായ ആരും ഇനി അവി​ടെ​യില്ല എന്ന്‌ നിങ്ങൾക്ക്‌ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? ഒരുപക്ഷേ നിങ്ങൾ ഇങ്ങനെ വിചാ​രി​ച്ചി​രി​ക്കാം: ‘എനിക്ക​റി​യാം ആളുക​ളു​ടെ പ്രതി​ക​രണം എന്തായി​രി​ക്കു​മെന്ന്‌. താത്‌പ​ര്യ​മി​ല്ലാ​ത്ത​വ​രു​ടെ അടു​ത്തേക്ക്‌ എന്തിനാ​ണു വീണ്ടും വീണ്ടും പോകു​ന്നത്‌?’ പല പ്രദേ​ശ​ങ്ങ​ളും പലയാ​വർത്തി പ്രവർത്തി​ച്ചു കഴിഞ്ഞി​രി​ക്കു​ന്നു എന്നതു ശരിയാണ്‌. എന്നിരു​ന്നാ​ലും ഈ വസ്‌തു​തയെ ക്രിയാ​ത്മ​ക​മാ​യി വീക്ഷി​ക്കണം, നിഷേ​ധാ​ത്മ​ക​മാ​യി​ട്ടല്ല. എന്തു​കൊണ്ട്‌? താഴെ കൊടു​ത്തി​രി​ക്കുന്ന നാലു കാരണങ്ങൾ പരിചി​ന്തി​ക്കുക.

² നമ്മുടെ പ്രാർഥ​ന​യ്‌ക്ക്‌ ഉത്തരം ലഭിച്ചി​രി​ക്കു​ന്നു: യേശു പറഞ്ഞു: “കൊയ്‌ത്തു വളരെ ഉണ്ടു സത്യം; വേലക്കാ​രോ ചുരുക്കം; ആകയാൽ കൊയ്‌ത്തി​ന്റെ യജമാ​ന​നോ​ടു തന്റെ കൊയ്‌ത്തി​ന്നു വേലക്കാ​രെ അയക്കേ​ണ്ട​തി​ന്നു അപേക്ഷി​പ്പിൻ.” (ലൂക്കൊ. 10:2) ദശാബ്ദ​ങ്ങ​ളാ​യി നാം യഹോ​വ​യോട്‌ കൂടുതൽ സഹായ​ത്തി​നാ​യി അപേക്ഷി​ച്ചി​രി​ക്കു​ന്നു. പല സ്ഥലങ്ങളി​ലും നമുക്ക്‌ ആവശ്യ​മായ കൂടുതൽ വേലക്കാർ ഉണ്ട്‌, നാം പ്രദേശം കൂടെ​ക്കൂ​ടെ പ്രവർത്തി​ച്ചു തീർക്കു​ക​യും ചെയ്യുന്നു. യഹോവ നമ്മുടെ പ്രാർഥ​ന​യ്‌ക്ക്‌ ഉത്തരം നൽകി​യി​രി​ക്കു​ന്നു എന്ന വസ്‌തുത സന്തോ​ഷ​ത്തി​നു വക നൽകു​ന്നി​ല്ലേ?

³ സ്ഥിരോത്സാഹം നല്ല ഫലങ്ങൾ കൈവ​രു​ത്തു​ന്നു: പലയാ​വർത്തി പ്രവർത്തി​ച്ചി​ട്ടുള്ള പ്രദേ​ശ​ങ്ങ​ളിൽ പോലും ആളുകൾ രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​ക​യും സത്യത്തി​ന്റെ പരിജ്ഞാ​ന​ത്തി​ലേക്കു വരിക​യും ചെയ്യുന്നു. അതു​കൊണ്ട്‌, ആത്മാർഥ​ഹൃ​ദ​യ​രായ കൂടുതൽ ആളുകളെ കണ്ടെത്താ​മെന്ന പ്രതീ​ക്ഷ​യോ​ടെ നാം വീണ്ടും വീണ്ടും പ്രവർത്തി​ക്കേ​ണ്ട​തുണ്ട്‌. (യെശ. 6:8-11) യേശു​വി​ന്റെ ആദിമ ശിഷ്യ​ന്മാർ ചെയ്‌ത​തു​പോ​ലെ, ദൈവ​രാ​ജ്യ​ത്തി​ലുള്ള ആളുക​ളു​ടെ താത്‌പ​ര്യം ഉണർത്താൻ ശ്രമി​ച്ചു​കൊണ്ട്‌ നിങ്ങളു​ടെ നിയമിത പ്രദേ​ശ​ത്തു​ള്ള​വ​രു​ടെ അടുക്ക​ലേക്കു തന്നെ “തുടർച്ച​യാ​യി പോകു​വിൻ.”—മത്താ. 10:6, 7, NW.

⁴ പോർച്ചുഗലിൽ പല സഭകളും വാരം​തോ​റും തങ്ങളുടെ പ്രദേശം പ്രവർത്തി​ച്ചു തീർക്കു​ന്നു. എന്നാൽ അവർ ഇപ്പോ​ഴും ചെമ്മരി​യാ​ടു തുല്യ​രാ​യ​വരെ കണ്ടെത്തു​ന്നു. ഒരു സഹോ​ദ​രിക്ക്‌ വിശേ​ഷി​ച്ചും നല്ല ക്രിയാ​ത്മക മനോ​ഭാ​വം ഉണ്ട്‌. അവർ പറയുന്നു: “ഓരോ ദിവസ​വും രാവിലെ സേവന​ത്തി​നു പോകു​ന്ന​തി​നു മുമ്പ്‌, ബൈബിൾ പഠിക്കാൻ താത്‌പ​ര്യ​മുള്ള ആരെ​യെ​ങ്കി​ലും കണ്ടെത്താൻ സഹായി​ക്ക​ണമേ എന്നു ഞാൻ യഹോ​വ​യോ​ടു പ്രാർഥി​ക്കു​ന്നു.” ഒരു ദിവസം ഒരു ബാർബർ ഷോപ്പി​ലെ ജോലി​ക്കാ​രു​മാ​യി സഹോ​ദരി അധ്യയനം ക്രമീ​ക​രി​ച്ചു. എന്നാൽ ഒരാൾ മാത്രമേ അധ്യയ​ന​ത്തി​നു വന്നുള്ളൂ. ആ വ്യക്തി പറഞ്ഞു: “മറ്റുള്ള​വർക്കു താത്‌പ​ര്യ​മില്ല, പക്ഷേ എനിക്കു താത്‌പ​ര്യ​മുണ്ട്‌.” ഒരു മാസത്തി​നകം ആ സ്‌ത്രീ​തന്നെ രണ്ട്‌ അധ്യയ​നങ്ങൾ നടത്താൻ തുടങ്ങി. പെട്ടെന്നു തന്നെ അവർ സ്‌നാ​പ​ന​മേറ്റു, പിന്നീട്‌ പയനി​യ​റി​ങ്ങും ആരംഭി​ച്ചു!

⁵ വേല നിർവ​ഹി​ക്ക​പ്പെ​ടു​ന്നു: യേശു മുൻകൂ​ട്ടി പറഞ്ഞി​രു​ന്ന​തു​പോ​ലെ​തന്നെ സുവാർത്ത പ്രസം​ഗി​ക്ക​പ്പെ​ടു​ന്നു. (മത്താ. 24:14) പൊതു​വേ ആളുകൾ “[നമ്മുടെ] വാക്കു കേൾ”ക്കാൻ ഇഷ്ടപ്പെ​ടാത്ത സ്ഥലങ്ങളിൽ പോലും നമ്മുടെ പ്രസം​ഗ​പ്ര​വർത്തനം മൂലം അവർക്കു മുന്നറി​യി​പ്പു ലഭിക്കു​ക​യാണ്‌. അനുകൂ​ല​മാ​യി പ്രതി​ക​രി​ക്കാത്ത, സത്യത്തെ എതിർക്കുക പോലും ചെയ്യുന്ന കുറേ ആളുകൾ ഉണ്ടായി​രി​ക്കു​മെന്ന്‌ നമുക്ക​റി​യാം. എന്നിരു​ന്നാ​ലും യഹോ​വ​യിൽനി​ന്നു വരാൻപോ​കുന്ന ന്യായ​വി​ധി​യെ കുറിച്ച്‌ അവർക്കും മുന്നറി​യി​പ്പു ലഭി​ക്കേ​ണ്ട​തുണ്ട്‌.—യെഹെ. 2:4, 5; 3:7, 8, 19.

⁶ നാം ഇതുവരെ പൂർത്തി​യാ​ക്കി​യി​ട്ടില്ല: പ്രസം​ഗ​വേല എപ്പോൾ അവസാ​നി​പ്പി​ക്കണം എന്നു തീരു​മാ​നി​ക്കേ​ണ്ടതു നാമല്ല. അത്‌ എപ്പോൾ അവസാ​നി​പ്പി​ക്കണം എന്ന്‌ യഹോ​വ​യ്‌ക്കാണ്‌ അറിയാ​വു​ന്നത്‌. സുവാർത്ത​യോട്‌ ഇനിയും പ്രതി​ക​രി​ച്ചേ​ക്കാ​വു​ന്നവർ നമ്മുടെ പ്രദേ​ശത്ത്‌ ഉണ്ടോ എന്ന്‌ അവന്‌ അറിയാം. തങ്ങൾക്കു താത്‌പ​ര്യ​മി​ല്ലെന്ന്‌ ചിലയാ​ളു​കൾ പറയുന്നു, എന്നാൽ തൊഴിൽ നഷ്ടമോ ഗുരു​ത​ര​മായ രോഗ​മോ പ്രിയ​പ്പെ​ട്ട​വ​രു​ടെ മരണമോ പോലുള്ള ജീവി​ത​ത്തി​ലെ ഗണ്യമായ മാറ്റങ്ങൾ നിമിത്തം അവർ മറ്റൊ​ര​വ​സ​ര​ത്തിൽ അനുകൂ​ല​മാ​യി പ്രതി​ക​രി​ച്ചേക്കം. മുൻവി​ധി നിമി​ത്ത​മോ അങ്ങേയറ്റം തിരക്കു​ള്ള​വ​രാ​യി​രി​ക്കു​ന്ന​തി​നാ​ലോ പലരും നാം പ്രസം​ഗി​ക്കു​ന്നത്‌ എന്തെന്ന്‌ വാസ്‌ത​വ​ത്തിൽ ഒരിക്ക​ലും കേട്ടി​ട്ടില്ല. നാം ആവർത്തി​ച്ചാ​വർത്തിച്ച്‌ സൗഹൃദ സന്ദർശനം നടത്തു​ന്നത്‌ അവർ ശ്രദ്ധി​ക്കു​ന്ന​തിന്‌ ഇടയാ​ക്കി​യേ​ക്കാം.

⁷ അടുത്ത കാലത്ത്‌ വളർന്നു​വന്ന, ഇപ്പോൾ ഒരു കുടും​ബ​ജീ​വി​ത​മൊ​ക്കെ ആരംഭിച്ച പുതിയ തലമുറ ജീവി​തത്തെ കൂടുതൽ ഗൗരവ​ത്തോ​ടെ വീക്ഷി​ക്കു​ക​യും ദൈവ​വ​ച​ന​ത്തി​നു മാത്രം ഉത്തരം നൽകാൻ കഴിയുന്ന ചോദ്യ​ങ്ങൾ ചോദി​ക്കു​ക​യും ചെയ്യുന്നു. ചെറു​പ്പ​ക്കാ​രി​യായ ഒരു വീട്ടമ്മ രണ്ടു സാക്ഷി​കളെ തന്റെ വീട്ടി​ലേക്കു ക്ഷണിച്ചി​ട്ടു പറഞ്ഞു: “ഞാൻ ഒരു കുട്ടി​യാ​യി​രു​ന്ന​പ്പോൾ, തനിക്കു ശ്രദ്ധി​ക്കാൻ താത്‌പ​ര്യ​മി​ല്ലെന്നു പറഞ്ഞ്‌ എന്റെ അമ്മ സാക്ഷി​കളെ ഓടി​ക്കു​ന്നത്‌ ഞാൻ കണ്ടിട്ടുണ്ട്‌. അമ്മ എന്തിനാണ്‌ അങ്ങനെ ചെയ്‌തി​രു​ന്നത്‌ എന്ന്‌ എനിക്ക്‌ ഒരിക്ക​ലും മനസ്സി​ലാ​യി​രു​ന്നില്ല. ബൈബി​ളിൽനി​ന്നു സംസാ​രി​ക്കാൻ വേണ്ടി മാത്ര​മാണ്‌ സാക്ഷികൾ അവിടെ വന്നിരു​ന്നത്‌. അന്നേ ഞാൻ തീരു​മാ​നി​ച്ച​താണ്‌, ഞാൻ വളർന്ന്‌ വലുതാ​യി, കല്യാ​ണ​മൊ​ക്കെ കഴിച്ച്‌, ഒരു കുടും​ബ​മാ​യി കഴിയു​മ്പോൾ, വന്ന്‌ ബൈബിൾ കാര്യങ്ങൾ പറഞ്ഞു​ത​രാൻ സാക്ഷി​ക​ളോട്‌ ആവശ്യ​പ്പെ​ടു​മെന്ന്‌.” അവളെ സന്ദർശിച്ച സാക്ഷി​കൾക്കു സന്തോഷം കൈവ​രു​ത്തി​ക്കൊണ്ട്‌ അതുത​ന്നെ​യാണ്‌ അവൾ ചെയ്‌ത​തും.

⁸ നിങ്ങൾക്കു കൂടുതൽ ഫലപ്ര​ദ​രാ​യി​രി​ക്കാൻ കഴിയു​മോ? പ്രദേശം കൂടെ​ക്കൂ​ടെ പ്രവർത്തി​ക്കു​ന്നത്‌ ബുദ്ധി​മു​ട്ടാ​ക്കി​ത്തീർക്കു​ന്നത്‌ പലപ്പോ​ഴും ആ പ്രദേ​ശ​ത്തുള്ള ആളുകളല്ല. ചില​പ്പോൾ നാം തന്നെയാ​യി​രി​ക്കാം അതിനു കാരണ​ക്കാർ. നിഷേ​ധാ​ത്മക ചിന്ത​യോ​ടെ​യാ​ണോ നാം പ്രവർത്തി​ച്ചു തുടങ്ങു​ന്നത്‌? അതിന്‌ നമ്മുടെ മനോ​ഭാ​വ​ത്തെ​യും ശബ്ദത്തെ​യും മുഖഭാ​വ​ത്തെ​യും ഒക്കെ ബാധി​ക്കാ​നാ​കും. സൗഹാർദ​പ​ര​മായ ഒരു മുഖഭാ​വ​വും ക്രിയാ​ത്മ​ക​മായ മനോ​ഭാ​വ​വും ഉള്ളവരാ​യി​രി​ക്കുക. തികച്ചും പുതിയ ഒരു സമീപനം പരീക്ഷി​ച്ചു​നോ​ക്കുക. അവതര​ണ​ത്തിൽ വ്യത്യാ​സം വരുത്തുക, അതിൽ മെച്ച​പ്പെ​ടാൻ ശ്രമി​ക്കുക. ഒരുപക്ഷേ പ്രാരംഭ ചോദ്യ​ത്തിൽ മാറ്റം വരുത്താ​നോ സംഭാ​ഷ​ണ​ത്തിൽ വ്യത്യ​സ്‌ത​മായ ഒരു തിരു​വെ​ഴുത്ത്‌ ഉപയോ​ഗി​ക്കാ​നോ കഴിയും. പ്രദേശം പ്രവർത്തി​ക്കു​ന്ന​തിൽ മറ്റു സഹോ​ദ​രങ്ങൾ വിജയ​ക​ര​മെന്ന്‌ കണ്ടെത്തി​യി​രി​ക്കു​ന്നത്‌ എന്താ​ണെന്നു ചോദി​ക്കുക. വ്യത്യസ്‌ത പ്രസാ​ധ​ക​രു​ടെ​യും പയനി​യർമാ​രു​ടെ​യും കൂടെ പ്രവർത്തിച്ച്‌ അവരുടെ ശുശ്രൂ​ഷയെ ഫലപ്ര​ദ​മാ​ക്കു​ന്നത്‌ എന്താ​ണെന്നു നിരീ​ക്ഷി​ക്കുക.

⁹ രാജ്യപ്രസംഗവേലയുടെമേൽ യഹോ​വ​യു​ടെ അംഗീ​കാ​ര​വും അനു​ഗ്ര​ഹ​വും ഉണ്ട്‌. അതിൽ പങ്കെടു​ക്കു​ക​വഴി അവനോ​ടും അയൽക്കാ​രോ​ടു​മുള്ള സ്‌നേഹം നാം തെളി​യി​ക്കു​ക​യാ​യി​രി​ക്കും. (മത്താ. 22:37-39) വീണ്ടും വീണ്ടും പ്രദേശം പ്രവർത്തി​ക്കു​ന്ന​തിൽ മടുത്തു​പോ​കാ​തെ നമ്മുടെ വേല അതിന്റെ പൂർത്തീ​ക​രണം വരെ നിർവ​ഹി​ക്കു​ന്ന​തിൽ നമുക്കു തുടരാം.