“തീക്ഷ്‌ണ രാജ്യ​ഘോ​ഷകർ” യഹോ​വ​യു​ടെ സാക്ഷി​ക​ളു​ടെ ഡിസ്‌ട്രിക്‌റ്റ്‌ കൺ​വെൻ​ഷൻ—2002

¹ “യഹോ​വ​യു​ടെ ആലയത്തി​ലേക്കു നമുക്കു പോകാം എന്ന്‌ അവർ എന്നോടു പറഞ്ഞ​പ്പോൾ ഞാൻ സന്തോ​ഷി​ച്ചു.” (സങ്കീ. 122:1) സങ്കീർത്ത​ന​ക്കാ​രന്റെ ആ വാക്കുകൾ പരിചി​ന്തി​ക്കു​മ്പോൾ, (1) യഹോ​വ​യു​ടെ ആരാധ​ന​യിൽ ചേരാൻ ക്ഷണിക്ക​പ്പെ​ട്ട​പ്പോൾ അവന്‌ എന്തു തോന്നി എന്നതി​നെ​യും (2) സത്യാ​രാ​ധ​ന​യിൽ വളരെ തീക്ഷ്‌ണ​രാ​യി​രുന്ന അവന്റെ നല്ല സഹകാ​രി​ക​ളെ​യും (3) ക്ഷണം വെച്ചു​നീ​ട്ടു​ന്ന​തി​ലും കൂടി​വ​രു​ന്ന​തി​ലും ദൈവ​ത്തി​ന്റെ ആലയത്തി​ലേക്ക്‌ യാത്ര ചെയ്യു​ന്ന​തി​ലും ഉൾപ്പെ​ട്ടി​രുന്ന ആസൂ​ത്ര​ണ​ത്തെ​യും കുറിച്ചു ചിന്തി​ക്കുക.

² അടുത്ത ഡിസ്‌ട്രിക്‌റ്റ്‌ കൺ​വെൻ​ഷനു വേണ്ടി​യുള്ള ആസൂ​ത്ര​ണങ്ങൾ നടന്നു​കൊ​ണ്ടി​രി​ക്കു​ക​യാണ്‌ എന്നറി​യു​മ്പോൾ, സങ്കീർത്ത​ന​ക്കാ​രനു തോന്നി​യതു പോലുള്ള വികാ​ര​ങ്ങ​ളല്ലേ നമുക്കും തോന്നു​ന്നത്‌? കഴിഞ്ഞ​കാല കൺ​വെൻ​ഷ​നു​ക​ളിൽനി​ന്നു ലഭിച്ച സന്തോ​ഷ​ത്തെ​യും യഹോ​വയെ സ്‌നേ​ഹി​ക്കുന്ന സഹവി​ശ്വാ​സി​ക​ളോ​ടൊ​പ്പം ഒരു പ്രത്യേക കൂടി​വ​ര​വിൽ വീണ്ടും സംബന്ധി​ക്കാ​നുള്ള അവസര​ത്തെ​യും കുറിച്ച്‌ ഓർമി​ക്കു​ന്നത്‌ നമ്മെ പ്രതീ​ക്ഷാ​നിർഭ​ര​രാ​ക്കു​ന്നു. ഇന്ത്യയിൽ 2002-2003-ലേക്കുള്ള ത്രിദിന “തീക്ഷ്‌ണ രാജ്യ​ഘോ​ഷകർ” ഡിസ്‌ട്രിക്‌റ്റ്‌ കൺ​വെൻ​ഷ​നു​കൾക്കുള്ള ക്രമീ​ക​ര​ണങ്ങൾ ചെയ്‌തു​ക​ഴി​ഞ്ഞി​രി​ക്കു​ന്നു. നമ്മെ കാത്തി​രി​ക്കുന്ന ആ ആത്മീയ വിരു​ന്നിൽ പങ്കെടു​ക്കാ​നും അതിൽനി​ന്നു പരമാ​വധി പ്രയോ​ജനം നേടാ​നും വേണ്ട ക്രമീ​ക​ര​ണങ്ങൾ ചെയ്യാ​നുള്ള സമയമാണ്‌ ഇപ്പോൾ.

³ “വിശ്വസ്‌ത​നും ബുദ്ധി​മാ​നു​മായ ഗൃഹവി​ചാ​രകൻ” ഈ കൺ​വെൻ​ഷ​നിൽ നൽകാ​നുള്ള കാലോ​ചിത ആത്മീയ ഭക്ഷണം പാകം ചെയ്‌തു തുടങ്ങി​യി​രി​ക്കു​ന്നു. (ലൂക്കൊ. 12:42) മുൻ വർഷങ്ങ​ളിൽ നിരവധി ചെറിയ കൺ​വെൻ​ഷ​നു​കൾ നടത്താ​നുള്ള ക്രമീ​ക​ര​ണങ്ങൾ ചെയ്യു​ക​യു​ണ്ടാ​യി. അതിന്റെ ഫലമായി, പുതി​യ​വ​രായ അനേകർക്ക്‌ കൺ​വെൻ​ഷ​നു​ക​ളിൽ അനായാ​സം സംബന്ധി​ക്കാ​നും ധാരാളം ചെറു​ന​ഗ​ര​ങ്ങ​ളി​ലെ പൊതു​ജ​ന​ങ്ങൾക്ക്‌ യഹോ​വ​യു​ടെ സാക്ഷി​കളെ അടുത്തു നിരീ​ക്ഷി​ക്കാ​നും കഴിഞ്ഞു. ഈ വർഷം വലിയ കൺ​വെൻ​ഷ​നു​ക​ളാ​കും നടത്ത​പ്പെ​ടുക. അത്‌ അനവധി സ്ഥലങ്ങളിൽനി​ന്നുള്ള സാക്ഷി​ക​ളു​മാ​യി സഹവസി​ക്കു​ന്ന​തി​നുള്ള അവസരം പ്രദാനം ചെയ്യും. വടക്കൻ മേഖല​ക​ളി​ലും വടക്കു​കി​ഴക്കൻ മേഖല​ക​ളി​ലും ഉള്ളവർക്കാ​യി ഏതാനും ചെറിയ കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​ട്ടു​ണ്ടെ​ങ്കി​ലും, ഓരോ സഭയെ​യും ഈ വലിയ കൺ​വെൻ​ഷ​നു​ക​ളിൽ ഒന്നി​ലേക്കു നിയമി​ക്കു​ന്ന​താ​യി​രി​ക്കും. കൺ​വെൻ​ഷ​നിൽ സംബന്ധി​ക്കു​ന്ന​വർക്ക്‌ സൗകര്യ​പ്ര​ദ​മായ ലോഡ്‌ജോ ഡോർമി​റ്ററി പോലുള്ള താമസ​സൗ​ക​ര്യ​മോ നൽകാ​നുള്ള ക്രമീ​ക​ര​ണങ്ങൾ ചെയ്‌തു​കൊ​ണ്ടി​രി​ക്കു​ന്നു. കൂടാതെ, “സകലവും ഉചിത​മാ​യും ക്രമമാ​യും നടക്ക”ത്തക്കവിധം അനേകം സഹോ​ദ​രങ്ങൾ വിവിധ ഡിപ്പാർട്ടു​മെ​ന്റു​കൾ സംഘടി​പ്പി​ച്ചു തുടങ്ങി​യി​രി​ക്കു​ന്നു. (1 കൊരി. 14:40) നമ്മുടെ പ്രയോ​ജ​ന​ത്തി​നും സൗകര്യ​ത്തി​നു​മാ​യി ഇതി​നോ​ടകം വളരെ​യ​ധി​കം കാര്യങ്ങൾ ചെയ്‌തി​രി​ക്കു​ന്ന​തി​നാൽ, കൺ​വെൻ​ഷനു വേണ്ടി വ്യക്തി​പ​ര​മായ തയ്യാ​റെ​ടു​പ്പെന്ന നിലയിൽ നമുക്ക്‌ എന്തെല്ലാം ചെയ്യാൻ കഴിയും?

⁴ മൂന്നു ദിവസത്തെ മുഴു പരിപാ​ടി​കൾക്കും ഹാജരാ​കാൻ ആസൂ​ത്രണം ചെയ്യുക: ഈ വർഷത്തെ കൺ​വെൻ​ഷ​നു​ക​ളിൽ മിക്കവ​യും ദീപാ​വ​ലി​യു​ടെ​യോ ഡിസംബർ മാസ​ത്തെ​യോ അവധി​ക്കാ​ല​ത്താണ്‌ പട്ടിക​പ്പെ​ടു​ത്തി​യി​രി​ക്കു​ന്നത്‌. എന്നിരു​ന്നാ​ലും, നിങ്ങളു​ടെ നിയമിത കൺ​വെൻ​ഷനു പോയി വരാനും മുഴു പരിപാ​ടി​കൾക്കും ഹാജരാ​കാ​നും വേണ്ടി അവധി ലഭിക്കാൻ നിങ്ങൾ ഇതേവരെ തൊഴി​ലു​ട​മ​യോ​ടു ചോദി​ച്ചി​ല്ലാ​യി​രി​ക്കാം. ചില തൊഴി​ലു​ട​മകൾ “മൂർഖന്മാ”രാണെന്ന്‌ യഹോ​വയ്‌ക്ക​റി​യാം. (1 പത്രൊ. 2:18) എന്നാൽ നമ്മുടെ കൺ​വെൻ​ഷ​നു​കൾ വളരെ പ്രധാ​ന​പ്പെ​ട്ട​വ​യാണ്‌, അതിലെ മുഴു പരിപാ​ടി​കൾക്കും സംബന്ധി​ക്കു​ന്ന​തിന്‌ കഠിന​ശ്രമം ചെയ്യാൻ നാം ആഗ്രഹി​ക്കു​ന്നു. സത്‌ഫ​ല​ത്തി​നാ​യി യഹോ​വ​യു​ടെ മാർഗ​നിർദേശം തേടി​ക്കൊണ്ട്‌ അത്തരം കാര്യ​ങ്ങളെ കുറിച്ചു പ്രാർഥി​ക്കുക.—നെഹെ. 2:4.

⁵ കുടും​ബ​ത്തി​ലെ എല്ലാവർക്കും സംബന്ധി​ക്കാ​നുള്ള ക്രമീ​ക​രണം ചെയ്യുക: അനേകരെ സംബന്ധി​ച്ചും, സകുടും​ബം യാത്ര ചെയ്യാ​നും കൺ​വെൻ​ഷൻ നടത്തുന്ന നഗരത്തിൽ താമസി​ക്കാ​നും വേണ്ടി​വ​രുന്ന ചെലവു ഭാരി​ച്ച​താണ്‌. ശ്രദ്ധാ​പൂർവ​ക​മായ ആസൂ​ത്രണം സാമ്പത്തിക ബുദ്ധി​മു​ട്ടു​കൾ പരിഹ​രി​ക്കാൻ നമ്മെ സഹായി​ച്ചേ​ക്കാം. ഇപ്പോൾ മുതൽ കൺ​വെൻ​ഷൻ തീയതി വരെ കുടും​ബ​ത്തി​ലെ ഓരോ അംഗത്തി​നും ദിവസ​വും അഞ്ചു രൂപ​യെ​ങ്കി​ലും നീക്കി​വെ​ക്കാൻ സാധി​ച്ചാൽ, യാത്രയ്‌ക്കും താമസ​ത്തി​നു​മുള്ള ചെലവു വഹിക്കാൻ അതു മതിയാ​യേ​ക്കു​മെന്ന്‌ നാം കണ്ടെത്തി​യേ​ക്കാം.—1 കൊരി​ന്ത്യർ 16:2 താരത​മ്യം ചെയ്യുക.

⁶ നിങ്ങളു​ടെ താമസ സൗകര്യ​ങ്ങൾ: താമസ സൗകര്യം സംബന്ധിച്ച വിവരങ്ങൾ നൽകാ​നും കൺ​വെൻ​ഷൻ നഗരത്തിൽ താമസ സൗകര്യം ലഭിക്കാൻ നിങ്ങളെ സഹായി​ക്കാ​നും ഓരോ കൺ​വെൻ​ഷ​നും ഒരു താമസ സൗകര്യ ഡിപ്പാർട്ടു​മെന്റ്‌ ഉണ്ട്‌. നിങ്ങളു​ടെ താമസ സൗകര്യ ക്രമീ​ക​ര​ണങ്ങൾ വളരെ നേര​ത്തേ​തന്നെ ആസൂ​ത്രണം ചെയ്യുക. സഭാ സെക്ര​ട്ട​റി​യിൽനി​ന്നും നിങ്ങൾക്കു മുറി അപേക്ഷാ ഫാറം ലഭിക്കും. ആവശ്യ​മായ വിവരങ്ങൾ പൂരി​പ്പി​ച്ച​ശേഷം, നിങ്ങൾ അതു സഭാ സെക്ര​ട്ട​റി​യെ ഏൽപ്പി​ക്കുക. അദ്ദേഹം അത്‌ നിങ്ങൾ സംബന്ധി​ക്കാൻ ഉദ്ദേശി​ക്കുന്ന സ്ഥലത്തെ കൺ​വെൻ​ഷൻ കാര്യ​നിർവഹണ കേന്ദ്ര​ത്തി​ലേക്ക്‌ അയയ്‌ക്കു​ന്ന​താ​യി​രി​ക്കും. നിങ്ങളു​ടെ അപേക്ഷ​യോ​ടൊ​പ്പം എല്ലായ്‌പോ​ഴും സ്വന്തം മേൽവി​ലാ​സ​മെ​ഴു​തി സ്റ്റാമ്പ്‌ ഒട്ടിച്ച ഒരു കവറും ഉണ്ടായി​രി​ക്കണം. ഒരാൾക്ക്‌ ഒരു രാത്രി ഡോർമി​റ്റ​റി​യിൽ താമസി​ക്കാ​നുള്ള ഏറ്റവും കുറഞ്ഞ ചെലവ്‌ 50 രൂപയാണ്‌. നിങ്ങൾക്ക്‌ എത്ര​ത്തോ​ളം പണം മുടക്കാ​നാ​കും എന്നു കാണി​ക്കു​മ്പോൾ ദയവായി ഇതു മനസ്സിൽ പിടി​ക്കുക. സഹോ​ദ​ര​ങ്ങ​ളു​ടെ ഭവനങ്ങ​ളി​ലാണ്‌ നിങ്ങൾ താമസി​ക്കു​ന്ന​തെ​ങ്കിൽ, അവരുടെ ആതിഥ്യ​ത്തോട്‌ വിലമ​തി​പ്പു​ള്ളവർ ആയിരി​ക്കുക. അവർക്കു​ണ്ടാ​യേ​ക്കാ​വുന്ന കൂടു​ത​ലായ ചെലവു​കൾ നികത്താൻ തിരിച്ച്‌ എന്തെങ്കി​ലും അവർക്കു നൽകുക.

⁷ സഭയെ കുറിച്ചു ചിന്തി​ക്കുക: കൺ​വെൻ​ഷ​നിൽ സംബന്ധി​ക്കുന്ന കാര്യ​ത്തിൽ ഒരു സഹോ​ദ​ര​നോ സഹോ​ദ​രി​ക്കോ ശാരീ​രി​ക​മോ പണപര​മോ ആയ ബുദ്ധി​മു​ട്ടു​ണ്ടെന്നു നമുക്ക്‌ അറിയാ​മെ​ങ്കിൽ സ്‌നേ​ഹ​ത്തിൽ “വിശാ​ല​ത​യുള്ള”വരായി അവരെ സഹായി​ക്കാൻ നമുക്കാ​വി​ല്ലേ? (2 കൊരി. 6:12, 13; ആവ. 15:7) ഇത്തരത്തി​ലുള്ള ആത്മാവാണ്‌ 2 കൊരി​ന്ത്യർ 8:14-ൽ പൗലൊസ്‌ പ്രോ​ത്സാ​ഹി​പ്പി​ച്ചത്‌. കൺ​വെൻ​ഷൻ സ്ഥലത്തേക്കു നിങ്ങ​ളോ​ടൊ​പ്പം യാത്ര ചെയ്യാൻ അങ്ങനെ​യു​ള്ള​വരെ എന്തു​കൊണ്ട്‌ ക്ഷണിച്ചു​കൂ​ടാ? അവർ പയനി​യർമാ​രാ​ണെ​ങ്കിൽ, യാത്രയ്‌ക്കി​ട​യിൽ അവർക്കു ധാരാളം നല്ല അനുഭ​വങ്ങൾ നിങ്ങളു​മാ​യി പങ്കു​വെ​ക്കാ​നു​ണ്ടാ​കും. അവർ സഭയിലെ പ്രായം ചെന്നവ​രാ​ണെ​ങ്കിൽ, ഒരിക്ക​ലും കേട്ടി​ട്ടി​ല്ലാത്ത അത്ഭുത​ക​ര​മായ ദിവ്യാ​ധി​പത്യ ചരി​ത്രത്തെ കുറിച്ചു കേൾക്കാ​നുള്ള അവസരം നിങ്ങൾക്കു ലഭി​ച്ചേ​ക്കാം. ഈ സഹോ​ദ​രീ​സ​ഹോ​ദ​ര​ന്മാ​രു​മൊ​ത്തുള്ള സഹവാസം നിങ്ങളു​ടെ​യും നിങ്ങളു​ടെ കുടും​ബ​ത്തി​ന്റെ​യും​മേൽ നല്ലൊരു സ്വാധീ​ന​മാ​യി​രി​ക്കി​ല്ലേ? നിങ്ങളു​ടെ ഉദാര​മായ മനോ​ഭാ​വത്തെ അവർ വിലമ​തി​ക്കു​മെന്നു മാത്രമല്ല, അതിന്‌ യഹോവ നിങ്ങൾക്കു പ്രതി​ഫലം നൽകു​ക​യും ചെയ്യും.—സദൃ. 28:27; മത്താ. 10:42.

⁸ സ്വമേ​ധയാ സേവക​നാ​യി മുന്നോ​ട്ടു​വ​രിക: കൺ​വെൻ​ഷൻ നഗരങ്ങ​ളി​ലുള്ള പ്രാ​ദേ​ശിക സഭകളി​ലെ സഹോ​ദ​ര​ങ്ങൾക്ക്‌ കൺ​വെൻ​ഷൻ സ്ഥലം സജ്ജീക​രി​ക്കു​ന്ന​തി​നുള്ള പ്രത്യേക അവസരങ്ങൾ ദിവസ​ങ്ങ​ളോ​ളം ലഭിക്കും. കുടും​ബ​മൊ​ത്തൊ​രു​മിച്ച്‌ “ദിവ്യ​ബോ​ധ​ന​ത്താൽ ഏകീകൃ​തർ” (ഇംഗ്ലീഷ്‌) എന്ന വീഡി​യോ കാണു​ക​യും ആസൂ​ത്രണം ചെയ്‌തു​കൊ​ണ്ടി​രി​ക്കുന്ന ബൃഹത്തായ വേലയിൽ പങ്കെടു​ക്കാൻ ദൃഢമായ തീരു​മാ​ന​മെ​ടു​ക്കു​ക​യും ചെയ്യരു​തോ? കൂടു​ത​ലാ​യി അവധി എടു​ക്കേണ്ടി വന്നേക്കാ​മെ​ങ്കി​ലും അതിൽ പങ്കെടു​ക്കു​ന്ന​വർക്കു ലഭിക്കുന്ന അനു​ഗ്ര​ഹങ്ങൾ ഏറെയാണ്‌. കൺ​വെൻ​ഷൻ സമയത്തും ഡിപ്പാർട്ടു​മെ​ന്റു​ക​ളു​ടെ സുഗമ​മായ നടത്തി​പ്പി​നാ​യി ധാരാളം സ്വമേ​ധയാ സേവകരെ ആവശ്യ​മാ​യി​വ​രും. ഇരിപ്പി​ടം സംബന്ധിച്ച നിർദേ​ശങ്ങൾ ഓഡി​റ്റോ​റി​യ​ത്തി​ലെ സേവക​ന്മാ​രാ​ണു നൽകു​ന്നത്‌. നമ്മുടെ താത്‌കാ​ലിക ആരാധനാ സ്ഥലം ആദ്യം ആയിരു​ന്ന​തി​നെ​ക്കാൾ വൃത്തി​യു​ള്ള​താ​യി സൂക്ഷി​ച്ചു​കൊണ്ട്‌ ശുചി​ത്വ​ത്തി​ന്റെ കാര്യ​ത്തിൽ നമുക്കുള്ള സത്‌പേര്‌ നിലനി​റു​ത്താ​നുള്ള പദവി ശുചീ​കരണ ഡിപ്പാർട്ടു​മെ​ന്റി​നാണ്‌ ഉള്ളത്‌. ഇവയെ​യോ നമ്മുടെ പിന്തുണ ഉപയോ​ഗ​പ്പെ​ടു​ത്താ​നാ​കുന്ന മറ്റു ഡിപ്പാർട്ടു​മെ​ന്റു​ക​ളെ​യോ സഹായി​ക്കാൻ നമുക്കാ​കു​മോ? സഹോ​ദ​ര​ങ്ങ​ളോ​ടൊ​പ്പം “തോ​ളോ​ടു​തോൾ ചേർന്നു” സേവി​ക്കു​ന്ന​തിൽ നിങ്ങൾ സ്വമേ​ധയാ സഹായി​ക്കു​മോ?—സെഫ. 3:9, ന്യൂ ഇൻഡ്യാ ബൈബിൾ വേർഷൻ.

⁹ നാം ചെയ്യുന്ന കാര്യങ്ങൾ ആളുകൾ യഥാർഥ​ത്തിൽ ശ്രദ്ധി​ക്കു​ന്നു​ണ്ടോ? കഴിഞ്ഞ വർഷത്തെ ഒരു ഡിസ്‌ട്രിക്‌റ്റ്‌ കൺ​വെൻ​ഷന്റെ സമയത്ത്‌, 20 വർഷം മുമ്പ്‌ യഹോ​വ​യു​ടെ സാക്ഷി​ക​ളോ​ടൊ​ത്തുള്ള ബൈബിൾ പഠനം നിറു​ത്തിയ ഒരു വ്യക്തി ഒരു ഹോട്ട​ലിൽ ജോലി ചെയ്യു​ക​യാ​യി​രു​ന്നു. വീണ്ടും ബൈബിൾ പഠിക്കു​ന്ന​തി​നെ​യും യോഗ​ങ്ങൾക്ക്‌ പോയി​ത്തു​ട​ങ്ങു​ന്ന​തി​നെ​യും കുറിച്ചു താൻ ഇപ്പോൾ ചിന്തി​ക്കു​ന്ന​താ​യി അദ്ദേഹം ചില സാക്ഷി​ക​ളോ​ടു പറഞ്ഞു. എന്തു​കൊണ്ട്‌? ആ ഹോട്ട​ലിൽ താമസി​ച്ചി​രുന്ന ദിവസ​ങ്ങ​ള​ത്ര​യും സാക്ഷികൾ അദ്ദേഹ​ത്തോ​ടു സ്‌നേ​ഹ​പൂർവം പെരു​മാ​റി എന്നതാ​യി​രു​ന്നു അതിനു കാരണം. ‘മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടു, സ്വർഗ്ഗ​സ്ഥ​നായ നിങ്ങളു​ടെ പിതാ​വി​നെ മഹത്വ​പ്പെ​ടു​ത്തട്ടെ’ എന്ന യേശു​വി​ന്റെ ബുദ്ധി​യു​പ​ദേശം നാം ബാധക​മാ​ക്കു​ന്നത്‌ നമ്മുടെ സ്വർഗീയ പിതാ​വി​നെ എത്രയ​ധി​കം സന്തോ​ഷി​പ്പി​ക്കും!—മത്താ. 5:16.

¹⁰ യഹോ​വ​യു​ടെ ആരാധനാ സ്ഥലത്തേക്കു പോകാൻ സന്തോ​ഷ​പൂർവം നോക്കി​പ്പാർത്തി​രുന്ന ദാവീദ്‌ രാജാ​വി​ന്റെ മനോ​ഭാ​വം നമുക്കും പ്രകട​മാ​ക്കാം. നമ്മുടെ ഡിസ്‌ട്രിക്‌റ്റ്‌ കൺ​വെൻ​ഷ​നു​കൾ ആത്മീയ ഭക്ഷണത്തി​ന്റെ മർമ​പ്ര​ധാന ഉറവും സ്‌നേ​ഹ​നിർഭ​ര​മായ സാഹോ​ദ​ര്യം പ്രകട​മാ​ക്കാ​നുള്ള അനുപ​മ​മായ അവസര​വു​മാണ്‌. അതു​കൊണ്ട്‌, ഈ വർഷത്തെ “തീക്ഷ്‌ണ രാജ്യ​ഘോ​ഷകർ” ഡിസ്‌ട്രിക്‌റ്റ്‌ കൺ​വെൻ​ഷന്റെ മൂന്നു ദിവസ​ത്തെ​യും മുഴു സെഷനു​ക​ളി​ലും ഹാജരാ​കാ​നുള്ള ക്രമീ​ക​ര​ണങ്ങൾ ചെയ്‌തു​തു​ട​ങ്ങാൻ ഞങ്ങൾ നിങ്ങളെ ഉത്സാഹ​പൂർവം ക്ഷണിക്കു​ന്നു!