ശുചി​ത്വം ദൈവ​ത്തി​നു മഹത്ത്വം കരേറ്റു​ന്നു

¹ ശുചി​ത്വം ഉറപ്പു വരുത്തു​ന്ന​തിന്‌, മോ​ശൈക ന്യായ​പ്ര​മാ​ണ​ത്തിൽ കർശന​മായ വ്യവസ്ഥകൾ ഉണ്ടായി​രു​ന്നു. ശാരീ​രി​ക​മാ​യും ആത്മീയ​മാ​യും ശുദ്ധരാ​യി നില​കൊ​ള്ളേ​ണ്ടി​യി​രുന്ന ഒരു ജനതയെന്ന നിലയിൽ ആ വ്യവസ്ഥകൾ ഇസ്രാ​യേ​ലി​നെ വ്യത്യസ്‌ത​രാ​ക്കി നിറുത്തി. (ലേവ്യ. 11:35, 36; 15:1-11; യെശ. 52:11) ശുദ്ധി​യുള്ള ഈ നില ദൈവ​ത്തി​നു മഹത്ത്വം കൈവ​രു​ത്തു​ക​യും ജനതയു​ടെ ആരോ​ഗ്യം ഉറപ്പു​വ​രു​ത്തു​ക​യും ചെയ്‌തു.

² ഇന്നും, ശുചി​ത്വം യഹോ​വ​യു​ടെ ജനത്തെ തിരി​ച്ച​റി​യി​ക്കുന്ന ഒരു അടയാ​ള​മാണ്‌. എന്നാൽ ഇത്‌ ഒരു കൂട്ടമെന്ന നിലയിൽ യഹോ​വ​യു​ടെ ജനത്തെ തിരി​ച്ച​റി​യി​ക്കു​മ്പോൾത്തന്നെ, വ്യക്തി​ക​ളെന്ന നിലയിൽ നമ്മെ ഓരോ​രു​ത്ത​രെ​യും സംബന്ധിച്ച്‌ ഇതു സത്യമാ​ണോ? വൃത്തി​യും വ്യക്തി​പ​ര​മായ ശുചി​ത്വ​വും സംബന്ധി​ച്ചു നാം എത്ര​ത്തോ​ളം തത്‌പ​ര​രാ​ണോ അത്‌ യഹോ​വ​യു​ടെ വ്യവസ്ഥ​കളെ നാം അത്ര​ത്തോ​ളം വിലമ​തി​ക്കു​ന്നു​വെന്നു പ്രകട​മാ​ക്കു​ന്നു.

³ നമ്മുടെ വീട്‌ എങ്ങനെ​യാ​ണു കാണ​പ്പെ​ടു​ന്നത്‌? നാം വഹിക്കുന്ന രാജ്യ​സ​ന്ദേ​ശ​ത്തെ​ക്കു​റിച്ച്‌ ആളുകൾ മോശ​മാ​യി കരുതാൻ അത്‌ ഇടവരു​ത്തു​ന്നു​ണ്ടോ? നമ്മുടെ സ്വന്തം വീട്‌ അടുക്കും ചിട്ടയു​മി​ല്ലാ​ത്ത​തും മുറ്റത്ത്‌ പുല്ലും കളയും മറ്റും ആർത്തു വളരു​ക​യും ചെയ്യുന്ന അവസ്ഥയി​ലാ​ണെ​ങ്കിൽ, ഭൂമി ഒരു പറുദീ​സ​യാ​യി രൂപാ​ന്ത​ര​പ്പെ​ടു​ന്ന​തി​നെ​ക്കു​റി​ച്ചു നാം സംസാ​രി​ക്കു​ന്ന​പക്ഷം നമ്മുടെ ആത്മാർഥ​തയെ ആരെങ്കി​ലും ചോദ്യം ചെയ്യാൻ സാധ്യ​ത​യു​ണ്ടോ? നമ്മുടെ വീട്‌ അടുക്കും ചിട്ടയു​മി​ല്ലാ​ത്ത​തി​ന്റെ ഒരു പ്രതീതി ജനിപ്പി​ക്കു​ന്നെ​ങ്കിൽ അല്ലെങ്കിൽ അനാ​രോ​ഗ്യ​ക​ര​മായ ശീലങ്ങൾ ദുർഗ​ന്ധ​ത്തിന്‌ ഇടയാ​ക്കു​ന്നെ​ങ്കിൽ, “ദൈവ​രാ​ജ്യ​ത്തിൻകീ​ഴി​ലെ പുതിയ ലോക​ത്തിന്‌ അനു​യോ​ജ്യ​മായ ശീലങ്ങ​ളും ശുചിത്വ മാതൃ​ക​ക​ളും” നാം വികസി​പ്പി​ച്ചെ​ടു​ത്തി​രി​ക്കു​ന്നു എന്നു പറയാൻ കഴിയു​മോ?—സംഘടി​തർ പേ. 130-1.

⁴ വയൽസേ​വ​ന​ത്തി​നു പോകാൻ നാം ഉപയോ​ഗി​ച്ചേ​ക്കാ​വുന്ന ഏതെങ്കി​ലും വാഹന​ത്തി​ന്റെ കാര്യ​മോ? നമ്മുടെ സന്ദേശ​ത്തിൽനി​ന്നു ശ്രദ്ധ വ്യതി​ച​ലി​പ്പി​ക്കാ​ത്ത​വി​ധം അതു വേണ്ടത്ര വൃത്തി​യു​ള്ള​താ​ണോ? നമ്മുടെ വസ്‌ത്രങ്ങൾ, പുസ്‌ത​ക​ബാഗ്‌, വ്യക്തി​പ​ര​മായ ചമയം എന്നിവ​യു​ടെ കാര്യ​ത്തി​ലോ? അവ വൃത്തി​യു​ള്ള​തും ഇടർച്ചയ്‌ക്കു കാരണ​മാ​കാ​തെ മറ്റുള്ള​വ​രു​ടെ മുമ്പാകെ കാണി​ക്കാൻ കൊള്ളാ​വു​ന്ന​തു​മാ​ണോ? അലക്കും കുളി​യും ഒരു ശീലമാ​ക്കി​ക്കൊണ്ട്‌ നാം നമ്മുടെ വസ്‌ത്ര​വും ശരീര​വും ശുദ്ധി​യു​ള്ള​താ​യി സൂക്ഷി​ക്കേ​ണ്ട​തുണ്ട്‌.

⁵ ഒരു സഹോ​ദ​രന്റെ വ്യക്തി​പ​ര​മായ ശുചി​ത്വ​വും ചുറ്റു​പാ​ടു​ക​ളും സഭയ്‌ക്കു നിന്ദ കൈവ​രു​ത്തു​മാറ്‌ അദ്ദേഹം അവ സംബന്ധിച്ച്‌ അശ്രദ്ധ​നാ​യി​ത്തീർന്നി​രി​ക്കു​ന്നെ​ങ്കി​ലോ? പ്രായ​മോ ശാരീ​രിക വൈക​ല്യ​മോ നിമിത്തം അദ്ദേഹ​ത്തിന്‌ ഒരുപക്ഷേ സ്‌നേ​ഹ​പൂർവ​ക​മായ എന്തെങ്കി​ലും സഹായം ആവശ്യ​മാ​യി​രി​ക്കാം. അങ്ങനെ​യെ​ങ്കിൽ, അദ്ദേഹത്തെ സഹായി​ക്കു​ന്നത്‌ ഒരു ദയാ​പ്ര​വൃ​ത്തി​യാ​യി​രി​ക്കും. ഈ പ്രശ്‌ന​മുള്ള ഒരുവൻ അതു സംബന്ധി​ച്ചു ബോധ​വാ​ന​ല്ലാ​യി​രി​ക്കാം; തന്റെ അവസ്ഥയ്‌ക്കു മാറ്റം വരുത്താൻ ദയാപു​ര​സ്സ​ര​മായ ബുദ്ധി​യു​പ​ദേശം അദ്ദേഹത്തെ പ്രേരി​പ്പി​ച്ചേ​ക്കാം. ഈ കാര്യ​ത്തിൽ തുടർച്ച​യാ​യി നല്ല മാതൃക വെക്കാത്ത വ്യക്തി​കൾക്ക്‌ സഭയിലെ മുന്തിയ പദവി​കൾക്കു യോഗ്യത ഉണ്ടായി​രി​ക്കു​ക​യില്ല. തീർച്ച​യാ​യും, തങ്ങളുടെ വ്യക്തി​പ​ര​മായ നിലവാ​ര​ങ്ങ​ളോ അഭിരു​ചി​ക​ളോ മറ്റുള്ള​വ​രു​ടെ​മേൽ അടി​ച്ചേൽപ്പി​ക്കു​ന്ന​തി​നെ​തി​രെ മൂപ്പന്മാർ ജാഗ്രത പുലർത്തണം.

⁶ താത്‌പ​ര്യ​ക്കാ​രായ പുതി​യവർ നമ്മുടെ രാജ്യ​ഹാ​ളി​ലെ ആത്മീയ വിരു​ന്നു​കൾ ആസ്വദി​ക്കാൻ ക്ഷണിക്ക​പ്പെ​ടു​ന്നു. സാധാ​ര​ണ​മാ​യി, ക്ഷണം വെച്ചു​നീ​ട്ടാൻ നാം ആകാം​ക്ഷ​യു​ള​ള​വ​രാണ്‌, കാരണം ഹാൾ വളരെ ആകർഷ​ക​വും വൃത്തി​യു​ള്ള​തു​മാണ്‌. എന്നാൽ, അത്‌ ആ വിധം സൂക്ഷി​ക്കാൻ ശ്രമം ആവശ്യ​മാണ്‌. നിങ്ങളു​ടെ ഹാൾ ആകെപ്പാ​ടെ​യൊ​ന്നു നോക്കുക. കസേര​ക​ളും തറയും ചുവരു​ക​ളും വൃത്തി​യു​ള്ള​താ​ണോ? കക്കൂസു​കൾ ക്രമമാ​യി തേച്ചു കഴുകാ​റു​ണ്ടോ? വൃത്തി​ഹീ​ന​മായ തറയോ പെയിന്റ്‌ പൊളി​ഞ്ഞു​പോ​രുന്ന ചുവരോ സ്ഥിരം കാണു​മ്പോൾ അതൊരു വലിയ വൃത്തി​കേ​ടാ​യി തോന്നാ​തി​രു​ന്നേ​ക്കാം. പക്ഷേ, ആദ്യമാ​യി സന്ദർശി​ക്കുന്ന അപരി​ചി​ത​രിൽ അതു നല്ലൊരു മതിപ്പു​ള​വാ​ക്കു​ക​യില്ല. ഹാൾ മനോ​ഹ​ര​വും ആകർഷ​ക​വു​മാ​യി നിലനി​റു​ത്താൻ നാം പരമാ​വധി ശ്രമി​ക്കേ​ണ്ട​തുണ്ട്‌. ശുചീ​ക​ര​ണ​ത്തി​നോ പുതു​ക്കി​പ്പ​ണി​ക്കോ ഉള്ള സമയം വരു​മ്പോൾ നമ്മുടെ പങ്കു നിർവ​ഹി​ച്ചു​കൊ​ണ്ടു നമുക്ക്‌ അങ്ങനെ ചെയ്യാ​വു​ന്ന​താണ്‌.

⁷ ഒരു വാക്കും സംസാ​രി​ക്കാ​തെ, വ്യക്തി​പ​ര​മായ ആകാര​ത്താ​ലും നമ്മുടെ വീടു​ക​ളു​ടെ​യും വാഹന​ങ്ങ​ളു​ടെ​യും രാജ്യ​ഹാ​ളു​ക​ളു​ടെ​യും വൃത്തി​യുള്ള അവസ്ഥയാ​ലും നമുക്കു ദൈവത്തെ മഹത്ത്വ​പ്പെ​ടു​ത്താൻ കഴിയും. നമ്മുടെ നല്ല മാതൃക ഇടർച്ചയ്‌ക്കു യാതൊ​രു കാരണ​വും നൽകു​ക​യില്ല, പിന്നെ​യോ നമ്മുടെ ആരാധന ശുദ്ധവും നേരു​ള്ള​തു​മാ​ണെ​ന്ന​തി​നു സാക്ഷ്യം നൽകും.—1 കൊരി. 10:31, 32; യാക്കോ. 1:27.