മഴക്കാ​ലത്തു ‘വചനം പ്രസം​ഗി​ക്കുക’

¹ “വചനം പ്രസം​ഗി​ക്കുക; സാഹച​ര്യ​ങ്ങൾ അനുകൂ​ല​മാ​ണെ​ങ്കി​ലും അല്ലെങ്കി​ലും ജാഗരൂ​ക​ത​യോ​ടെ വർത്തി​ക്കുക” എന്നു പൗലൊസ്‌ ഉദ്‌ബോ​ധി​പ്പി​ച്ചു. (2 തിമൊ. 4:2, പി.ഒ.സി. ബൈബിൾ) എന്നാൽ, നമ്മിൽ അനേകർക്കും മഴക്കാലം ‘അനുകൂ​ല​മായ ഒരു സാഹച​ര്യം’ അല്ലായി​രി​ക്കാം. കാരണം, ഈർപ്പ​മുള്ള അന്തരീക്ഷം, വെള്ളത്തി​ന​ടി​യി​ലായ റോഡു​കൾ, സാധാരണ ജീവി​തത്തെ താറു​മാ​റാ​ക്കുന്ന മഴക്കാല രോഗങ്ങൾ തുടങ്ങിയ പ്രശ്‌ന​ങ്ങ​ളെ​യൊ​ക്കെ നാം നേരി​ടു​ന്നു. അത്തരം സാഹച​ര്യ​ങ്ങ​ളിൽ, നിരന്തരം ‘വചനം പ്രസം​ഗി​ക്കുക’ എന്നതു നമ്മെ സംബന്ധിച്ച്‌ ഒരു വെല്ലു​വി​ളി​യാണ്‌. എന്നിരു​ന്നാ​ലും, നല്ല ആസൂ​ത്ര​ണ​വും ശുഷ്‌കാ​ന്തി​യോ​ടെ​യുള്ള ശ്രമവും ഉണ്ടെങ്കിൽ മഴക്കാ​ല​ത്തും നമ്മുടെ തീക്ഷ്‌ണത നിലനി​റു​ത്താൻ സാധി​ക്കും.

² നല്ല വിവേ​ച​ന​യും മുൻകൂ​ട്ടി​യുള്ള ചിന്തയും പ്രശ്‌നങ്ങൾ കുറയ്‌ക്കാൻ സഹായി​ക്കും. നല്ല ഒരു കുടയും മഴക്കോ​ട്ടും ബൈബിൾ, സാഹി​ത്യ​ങ്ങൾ, മാസി​കകൾ എന്നിവ നനയാതെ കൊണ്ടു​ന​ട​ക്കാൻ പറ്റിയ ബാഗും ഓരോ കുടും​ബാം​ഗ​ത്തി​നും ഉണ്ടായി​രി​ക്കേ​ണ്ട​താണ്‌. നിങ്ങൾ ഒരു ഇരുച​ക്ര​വാ​ഹനം ഉപയോ​ഗി​ക്കു​ന്നു​ണ്ടെ​ങ്കിൽ, നനഞ്ഞതോ ചെളി​യു​ള്ള​തോ ആയ വഴിക​ളി​ലൂ​ടെ ശ്രദ്ധിച്ച്‌ ഓടി​ക്കുക. ജലദോ​ഷ​വും വെള്ളത്തി​ലൂ​ടെ പകരുന്ന രോഗ​ങ്ങ​ളും പിടി​പെ​ടാ​തി​രി​ക്കാൻ കൂടു​ത​ലായ മുൻക​രു​ത​ലു​കൾ സ്വീക​രി​ക്കുക.

³ സാധ്യ​മെ​ങ്കിൽ, നിങ്ങളെ വീടി​ന​ക​ത്തേക്കു ക്ഷണിക്കാൻ കൂടുതൽ ചായ്‌വുള്ള ആളുകൾ താമസി​ക്കുന്ന പ്രദേശം തിര​ഞ്ഞെ​ടു​ക്കുക. കാലാവസ്ഥ മോശ​മാ​കു​ന്ന​പക്ഷം, ശ്രദ്ധി​ക്കു​ന്ന​വ​രു​ടെ അടുക്കൽ മടക്കസ​ന്ദർശനം നടത്താൻ പ്ലാൻ ചെയ്യുക, അതിനാ​യി നല്ല രേഖ സൂക്ഷി​ക്കുക. സാക്ഷീ​ക​ര​ണ​ത്തിൽ ഏർപ്പെ​ടാൻ നിർവാ​ഹ​മി​ല്ലാത്ത വിധം വെള്ളം പൊങ്ങി​ക്കി​ട​ക്കു​ന്നെ​ങ്കി​ലോ? ടെലി​ഫോൺ സാക്ഷീ​ക​രണം നടത്തു​ന്ന​തി​നെ കുറിച്ചു നിങ്ങൾ ചിന്തി​ച്ചി​ട്ടു​ണ്ടോ? 2001 ഫെബ്രു​വരി ലക്കം നമ്മുടെ രാജ്യ ശുശ്രൂ​ഷ​യിൽ ഇതു സംബന്ധിച്ച ചില പ്രാ​യോ​ഗിക നിർദേ​ശങ്ങൾ നൽകി​യി​ട്ടുണ്ട്‌. നിങ്ങൾക്കു ഫോൺ ഇല്ലെങ്കിൽ കത്തു മുഖേന സാക്ഷീ​ക​രി​ക്കാൻ കഴിയു​ന്ന​വ​രു​ടെ ഒരു ലിസ്റ്റ്‌ ഉണ്ടാക്കുക.

⁴ കനത്ത മഴ പെയ്യു​മ്പോൾ പതിവു​പോ​ലെ ബൈബിൾ അധ്യയ​ന​ങ്ങൾക്കു പോകാ​നോ താത്‌പ​ര്യ​ക്കാ​രെ സന്ദർശി​ക്കാ​നോ നമുക്കു മടി തോന്നി​യേ​ക്കാം. എന്നാൽ, നാം ചെയ്യുന്ന കൂടു​ത​ലായ ശ്രമത്തിന്‌ ഉളവാ​ക്കാൻ കഴിയുന്ന ക്രിയാ​ത്മക ഫലത്തെ കുറിച്ചു ചിന്തി​ക്കുക. ഒരു വനിത ഇപ്രകാ​രം പറഞ്ഞു: “ആ സാക്ഷി​ക​ളു​ടെ തീക്ഷ്‌ണ​ത​യും ആത്മാർഥ​ത​യും എന്നിലും എന്റെ ഭർത്താ​വി​ലും നല്ല മതിപ്പു​ള​വാ​ക്കി. അവർ ചെറി​യൊ​രു മോ​ട്ടോർസൈ​ക്കി​ളി​ലാ​ണു പ്രവർത്ത​ന​ത്തി​നു പോയി​രു​ന്നത്‌. മഴക്കാ​ലത്തെ കോരി​ച്ചൊ​രി​യുന്ന പേമാരി പോലും അവർക്ക്‌ ഒരു തടസ്സമാ​യി​രു​ന്നില്ല.” ആ വനിത പിന്നീട്‌ സ്‌നാ​പ​ന​മേറ്റ ഒരു സഹോ​ദ​രി​യാ​യി​ത്തീർന്നു. മഴക്കാ​ലത്തു ചെയ്‌ത ത്യാഗ​ത്തിന്‌ എത്ര നല്ല പ്രതി​ഫലം!

⁵ മൂപ്പന്മാർക്ക്‌, പ്രത്യേ​കി​ച്ചു സേവന​മേൽവി​ചാ​ര​കന്‌, വയൽപ്ര​വർത്തനം ഇപ്പോ​ഴു​ള്ള​തു​പോ​ലെ​തന്നെ മഴക്കാ​ല​ത്തും തുടരു​ന്ന​തി​നാ​യി ഒരു പ്രാ​യോ​ഗിക പട്ടിക ഉണ്ടാക്കാ​വു​ന്ന​താണ്‌. സഭയുടെ പ്രദേ​ശത്ത്‌ ബഹുനില അപ്പാർട്ടു​മെ​ന്റു​ക​ളോ സന്ദർശ​കർക്കു നനയാതെ കയറി നിൽക്കാൻ പറ്റിയ പാർപ്പിട സമുച്ച​യ​ങ്ങ​ളോ ഉണ്ടോ? മഴക്കാ​ലത്ത്‌ എന്തു​കൊണ്ട്‌ ഈ പ്രദേ​ശ​ങ്ങ​ളിൽ പ്രവർത്തി​ച്ചു​കൂ​ടാ? ശക്തമായ കാറ്റുള്ള സമയങ്ങ​ളിൽ കോ​ളെ​ജു​ക​ളി​ലെ​യോ യൂണി​വേഴ്‌സി​റ്റി​ക​ളി​ലെ​യോ ഹോസ്റ്റ​ലു​കൾ സാക്ഷീ​ക​ര​ണ​ത്തി​നു യോജിച്ച മേഖല​ക​ളാണ്‌. മഴയാണ്‌ എന്നതിന്റെ പേരിൽ തെരുവു സാക്ഷീ​ക​രണം നിറു​ത്തേ​ണ്ട​തില്ല. നല്ല സംഘാ​ട​ന​മു​ണ്ടെ​ങ്കിൽ കച്ചവട​സ്ഥ​ലങ്ങൾ, ബസ്‌ സ്റ്റാന്റുകൾ, റെയിൽവേ സ്റ്റേഷനു​കൾ എന്നിവി​ട​ങ്ങ​ളി​ലും നനയാതെ നിൽക്കാൻ പറ്റിയ മറ്റു പൊതു​സ്ഥ​ല​ങ്ങ​ളി​ലും ഇതു വിവേ​ച​ന​യോ​ടെ ചെയ്യാൻ സാധി​ക്കും.

⁶ അക്ഷരീ​യ​മായ ജലം വരണ്ടു​ണ​ങ്ങിയ ഒരു പ്രദേ​ശത്തെ കുളിർമ​യു​ള്ളത്‌ ആക്കുന്ന​തു​പോ​ലെ, സത്യത്തി​ന്റെ ജീവദാ​യക ജലം കണ്ടെത്താൻ മറ്റുള്ള​വരെ സഹായി​ക്കു​ന്ന​തി​ന്റെ സന്തോഷം നമുക്ക്‌ ആസ്വദി​ക്കാം.—വെളി. 22:17.