ചോദ്യ​പ്പെ​ട്ടി

◼ ഒരു ഇതരഭാ​ഷാ കൂട്ടത്തിന്‌ രൂപം നൽകു​ന്നത്‌ ഉചിത​മാ​യി​രി​ക്കു​ന്നത്‌ എപ്പോൾ?

ഒരു സഭയുടെ പ്രദേ​ശത്ത്‌ മറ്റൊരു ഭാഷ സംസാ​രി​ക്കുന്ന സാമാ​ന്യം വലി​യൊ​രു കൂട്ടം ആളുകൾ ഉള്ളപ്പോൾ ആ ഭാഷയിൽ പ്രസം​ഗ​പ്ര​വർത്തനം സംഘടി​പ്പി​ക്കാൻ മൂപ്പന്മാർ തങ്ങളാൽ കഴിയു​ന്നതു ചെയ്യണം. (km 7/02 പേ. 1; km 2/98 പേ. 3-4) ആ ഭാഷ സംസാ​രി​ക്കു​ന്നവർ ഒരുപക്ഷേ അടുത്ത​ടു​ത്തുള്ള രണ്ടോ അതില​ധി​ക​മോ സഭകളു​ടെ പ്രദേ​ശ​ത്താ​യി​ട്ടാ​യി​രി​ക്കാം പാർക്കു​ന്നത്‌. അത്തര​മൊ​രു സാഹച​ര്യ​ത്തിൽ സർക്കിട്ട്‌ മേൽവി​ചാ​രകൻ (അല്ലെങ്കിൽ സർക്കിട്ട്‌ മേൽവി​ചാ​ര​ക​ന്മാർ) ആവശ്യ​മായ മാർഗ​നിർദേ​ശങ്ങൾ നൽകു​ക​യും അങ്ങനെ പരസ്‌പരം സഹകരി​ച്ചു​കൊണ്ട്‌ പ്രസം​ഗ​പ്ര​വർത്തനം നിർവ​ഹി​ക്കാൻ ആ സഭകളെ സഹായി​ക്കു​ക​യും ചെയ്യും. ഇതരഭാ​ഷ​യിൽ യോഗങ്ങൾ നടത്തി​യാൽ എത്ര പേർ ഹാജരാ​കു​മെന്ന്‌ അറിയാൻ ഇടയ്‌ക്കി​ടെ ആ ഭാഷയിൽ ഒരു പരസ്യ​പ്ര​സം​ഗ​മോ വീക്ഷാ​ഗോ​പുര അധ്യയ​ന​മോ ക്രമീ​ക​രി​ക്കാ​വു​ന്ന​താണ്‌.

പിൻവ​രു​ന്ന സാഹച​ര്യ​ങ്ങൾ ഒത്തുവ​രു​ന്ന​പക്ഷം ഒരു ഇതരഭാ​ഷാ കൂട്ടം രൂപീ​ക​രി​ക്കാ​നാ​വും: (1) ആ ഭാഷയിൽ സുവാർത്ത ഏറ്റവും മെച്ചമാ​യി മനസ്സി​ലാ​കുന്ന താത്‌പ​ര്യ​ക്കാ​രോ പ്രസാ​ധ​ക​രോ ഉണ്ടായി​രി​ക്കുക. (2) നേതൃ​ത്വം നൽകു​ന്ന​തി​നും വാരത്തിൽ ഒരു യോഗ​മെ​ങ്കി​ലും നടത്തു​ന്ന​തി​നും യോഗ്യ​ത​യുള്ള ഒരു മൂപ്പനോ ശുശ്രൂ​ഷാ​ദാ​സ​നോ ലഭ്യമാ​യി​രി​ക്കുക. (3) കൂട്ടത്തെ പിന്തു​ണ​യ്‌ക്കാൻ മൂപ്പന്മാ​രു​ടെ ഒരു സംഘം സന്നദ്ധരാ​യി​രി​ക്കുക. ഈ സാഹച​ര്യ​ത്തിൽ മൂപ്പന്മാർ അത്‌ ബ്രാഞ്ച്‌ ഓഫീ​സി​നെ അറിയി​ക്കണം. അപ്പോൾ കൂട്ടത്തെ ഔദ്യോ​ഗി​ക​മാ​യി അംഗീ​ക​രി​ക്കാ​നും കൂടു​ത​ലായ നിർദേ​ശങ്ങൾ നൽകാ​നും സാധി​ക്കും.

മിക്ക​പ്പോ​ഴും ഇതരഭാ​ഷാ കൂട്ടങ്ങൾ ആദ്യം നടത്തു​ന്നത്‌ പ്രതി​വാര അടിസ്ഥാ​ന​ത്തി​ലുള്ള സഭാ പുസ്‌ത​കാ​ധ്യ​യ​ന​മാണ്‌. പിന്നീട്‌ പരസ്യ​യോ​ഗ​വും വീക്ഷാ​ഗോ​പുര അധ്യയ​ന​വും പോലുള്ള മറ്റ്‌ യോഗ​ങ്ങ​ളും നടത്താൻ മൂപ്പന്മാർ അംഗീ​കാ​രം നൽകി​യേ​ക്കാം. ആ ഭാഷ സംസാ​രി​ക്കാൻ അറിയാ​വുന്ന യോഗ്യ​ത​യുള്ള ഒരു മൂപ്പനോ ശുശ്രൂ​ഷാ​ദാ​സ​നോ ബുദ്ധി​യു​പ​ദേ​ശ​ക​നാ​യി സേവി​ക്കാൻ കഴിയു​മെ​ങ്കിൽ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ 2, 3, 4 നിയമ​നങ്ങൾ മറ്റൊരു ക്ലാസ്സ്‌റൂ​മിൽ വെച്ച്‌ നടത്താ​വു​ന്ന​താണ്‌. എന്നിരു​ന്നാ​ലും പ്രബോ​ധന പ്രസംഗം, ബൈബിൾ വിശേ​ഷാ​ശ​യങ്ങൾ, സേവന​യോ​ഗം എന്നിവ​യ്‌ക്കാ​യി കൂട്ടം, അതിനെ പിന്തു​ണ​യ്‌ക്കുന്ന സഭയൊ​ന്നിച്ച്‌ കൂടി​വ​രു​ന്ന​താ​യി​രി​ക്കും. കൂട്ടത്തി​നു വേണ്ടി പ്രത്യേ​ക​മാ​യി വയൽസേവന യോഗ​ങ്ങ​ളും ക്രമീ​ക​രി​ക്കാ​വു​ന്ന​താണ്‌.

ഇതരഭാ​ഷാ കൂട്ടത്തി​ലുള്ള എല്ലാവ​രും മൂപ്പന്മാ​രു​ടെ സംഘത്തി​ന്റെ മേൽവി​ചാ​ര​ണ​യിൻകീ​ഴിൽ അടുത്തു പ്രവർത്തി​ക്കും. മൂപ്പന്മാർ സമനി​ല​യോ​ടെ​യുള്ള മാർഗ​നിർദേശം പ്രദാനം ചെയ്യു​ക​യും കൂട്ടത്തി​ലു​ള്ള​വ​രു​ടെ ആവശ്യ​ങ്ങൾക്കാ​യി കരുതു​ന്ന​തിൽ സജീവ താത്‌പ​ര്യം പ്രകട​മാ​ക്കു​ക​യും വേണം. സർക്കിട്ട്‌ മേൽവി​ചാ​രകൻ സഭയെ സന്ദർശി​ക്കു​മ്പോൾ ഇതരഭാ​ഷാ കൂട്ടത്തെ ആത്മീയ​മാ​യി കെട്ടു​പണി ചെയ്യാ​നാ​യി അവരോ​ടൊ​പ്പ​വും പ്രവർത്തി​ക്കാൻ ക്രമീ​ക​രി​ക്കും. യഹോ​വ​യു​ടെ അനു​ഗ്ര​ഹ​ത്താൽ ഇതരഭാ​ഷാ കൂട്ടം കാല​ക്ര​മ​ത്തിൽ ഒരു സഭയാ​യി​ത്തീർന്നേ​ക്കാം.