നാം യഹോ​വ​യു​ടെ അധികാ​രത്തെ ആദരി​ക്ക​ണം

കോരഹ്‌, ദാഥാൻ, അബീരാം. ഈ പുരാതന പേരുകൾ കേൾക്കു​മ്പോൾ നിങ്ങളു​ടെ ഓർമ​യിൽ ഓടി​യെ​ത്തു​ന്നത്‌ എന്താണ്‌? മത്സരം! എന്തി​നോട്‌? ദൈവിക അധികാ​ര​ത്തോ​ടു​തന്നെ. അവരുടെ ദുരന്ത​പൂർണ​മായ ഗതി സംബന്ധിച്ച വിശദാം​ശങ്ങൾ സംഖ്യാ​പു​സ്‌തകം 16-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കു​ന്നു. 2002 ആഗസ്റ്റ്‌ 1 ലക്കം വീക്ഷാ​ഗോ​പു​ര​ത്തി​ലെ “ദൈവിക അധികാ​ര​ത്തി​നു വിശ്വ​സ്‌ത​ത​യോ​ടെ കീഴ്‌പെ​ടുക” എന്ന ലേഖന​ത്തിൽ ആ സംഭവ​ത്തി​ന്റെ സംഗ്രഹം കാണാൻ കഴിയും. ആ ലേഖനം വായി​ക്കു​ന്ന​തും, തുടർന്ന്‌ യഹോ​വ​യു​ടെ അധികാ​രത്തെ ആദരി​ക്കുക എന്ന ചിന്തോ​ദ്ദീ​പ​ക​മായ വീഡി​യോ കാണു​ന്ന​തും പ്രയോ​ജ​ന​കരം ആണെന്ന്‌ നിങ്ങൾ കണ്ടെത്തും. അഖിലാണ്ഡ പരമാ​ധി​കാ​രി​യായ യഹോ​വ​യാം ദൈവ​വു​മാ​യി ഏറ്റുമു​ട്ടാൻ നിശ്ചയി​ച്ചു​റച്ച മത്സരി​യായ കോര​ഹി​നും വിശ്വ​സ്‌ത​രായ അവന്റെ മക്കൾക്കും ഇടയിൽ ഉരുത്തി​രിഞ്ഞ ആശയസം​ഘ​ട്ടനം നിങ്ങൾക്ക്‌ അതിൽ നിരീ​ക്ഷി​ക്കാൻ കഴിയും. (സംഖ്യാ. 26:9-11) യഹോ​വ​യോ​ടുള്ള നമ്മുടെ വിശ്വ​സ്‌തത പൂർവാ​ധി​കം ശക്തമാ​ക്കാൻ ഈ ചരിത്ര നാടകം നമ്മെ പ്രചോ​ദി​പ്പി​ക്കണം.

വീഡി​യോ കാണു​മ്പോൾ, കോര​ഹും മത്സരി​ക​ളായ അവന്റെ കൂട്ടാ​ളി​ക​ളും വിശ്വ​സ്‌ത​ത​യു​ടെ പരി​ശോ​ധ​ന​യിൽ നിർണാ​യ​ക​മായ ആറു മേഖല​ക​ളിൽ പരാജ​യ​പ്പെ​ട്ട​തി​ന്റെ തെളി​വു​കൾ കണ്ടുപി​ടി​ക്കാൻ ശ്രമി​ക്കുക: (1) ദൈവിക അധികാ​ര​ത്തോട്‌ അവർ എങ്ങനെ​യാണ്‌ അനാദ​രവു പ്രകട​മാ​ക്കി​യത്‌? (2) അഹങ്കാ​ര​ത്തി​നും അധികാ​ര​മോ​ഹ​ത്തി​നും അസൂയ​യ്‌ക്കും വശംവ​ദ​രാ​കാൻ അവർ തങ്ങളെ​ത്തന്നെ അനുവ​ദി​ച്ചത്‌ എപ്രകാ​രം? (3) യഹോ​വ​യാൽ നിയമി​ക്ക​പ്പെ​ട്ട​വ​രു​ടെ കുറവു​ക​ളിൽ അവർ ശ്രദ്ധ കേന്ദ്രീ​ക​രി​ച്ചത്‌ എങ്ങനെ? (4) പരാതി പറയു​ന്ന​തിൽ അവർ ഏതു മനോ​ഭാ​വം വളർത്തി​യെ​ടു​ത്തി​രു​ന്നു? (5) തങ്ങളുടെ സേവന​പ​ദ​വി​യിൽ അവർ അസംതൃ​പ്‌തർ ആയിത്തീർന്നി​രു​ന്നത്‌ എന്തു​കൊണ്ട്‌? (6) ദൈവ​ത്തോ​ടുള്ള വിശ്വ​സ്‌ത​തയെ കാറ്റിൽ പറത്തി​ക്കൊണ്ട്‌ സുഹൃ​ത്തു​ക്ക​ളോ​ടും കുടും​ബാം​ഗ​ങ്ങ​ളോ​ടും അവർ കൂറു പുലർത്തി​യത്‌ എങ്ങനെ?

ഈ ബൈബിൾനാ​ടകം പഠിപ്പി​ക്കുന്ന പാഠങ്ങൾ, ഇന്ന്‌ ദൈവിക അധികാ​ര​ത്തോ​ടുള്ള നമ്മുടെ വീക്ഷണ​ത്തി​നു ബാധക​മാ​കു​ന്നത്‌ എങ്ങനെ എന്നു പരിചി​ന്തി​ക്കുക: (1) സഭാമൂ​പ്പ​ന്മാർ കൈ​ക്കൊ​ള്ളുന്ന തീരു​മാ​ന​ങ്ങ​ളോ​ടു നാം എപ്രകാ​രം പ്രതി​ക​രി​ക്കണം, എന്തു​കൊണ്ട്‌? (2) നമ്മുടെ ഉള്ളിൽ മുള​പൊ​ട്ടുന്ന ഏതൊരു അനുചിത ആന്തര​ത്തെ​യും നമുക്ക്‌ എങ്ങനെ അമർച്ച ചെയ്യാൻ കഴിയും? (3) നേതൃ​ത്വം വഹിക്കാൻ നിയമി​ക്ക​പ്പെ​ട്ടി​രി​ക്കു​ന്ന​വ​രു​ടെ അപൂർണ​ത​ക​ളോ​ടു നാം ഏതു വിധത്തിൽ പ്രതി​ക​രി​ക്കണം? (4) നമ്മുടെ ഹൃദയ​ത്തിൽ പരാതി​യു​ടെ ആത്മാവ്‌ വികാസം പ്രാപി​ക്കാൻ തുടങ്ങി​യാൽ നാം എന്തു ചെയ്യണം? (5) നമ്മെ ഭരമേൽപ്പി​ച്ചി​ട്ടുള്ള ഏതൊരു പദവി സംബന്ധി​ച്ചും നമുക്ക്‌ എന്തു തോന്നണം? (6) ഒരിക്ക​ലും നാം ആരോട്‌ ദൈവ​ത്തെ​ക്കാൾ അധികം ‘വിശ്വ​സ്‌തത’ പുലർത്ത​രുത്‌, ഇതു നമുക്ക്‌ ഒരു കടുത്ത പരി​ശോ​ധന ആയിത്തീർന്നേ​ക്കാ​വു​ന്നത്‌ എപ്പോൾ?

ഈ വിവരങ്ങൾ സഭയിൽ ചർച്ച ചെയ്‌ത​ശേഷം, ആ വീഡി​യോ ഒരിക്കൽക്കൂ​ടി കാണരു​തോ? യഹോ​വ​യു​ടെ അധികാ​രത്തെ നാം എല്ലായ്‌പോ​ഴും ആദരി​ക്കേ​ണ്ട​തി​ന്റെ കാരണങ്ങൾ മനസ്സിൽ ആഴത്തിൽ പതിയാൻ അത്‌ ഇടയാ​ക്കട്ടെ!—സങ്കീ. 18:25, NW; 37:28, NW.