അന്യോ​ന്യം പ്രോ​ത്സാ​ഹി​പ്പി​ക്കു​ന്ന​തി​നുള്ള അവസരം

1. സഞ്ചാര​മേൽവി​ചാ​ര​ക​ന്മാ​രു​ടെ സന്ദർശ​നങ്ങൾ എന്തിന്‌ വേദി​യൊ​രു​ക്കു​ന്നു?

¹ അപ്പൊസ്‌തലനായ പൗലൊസ്‌ റോമി​ലെ സഭയ്‌ക്ക്‌ എഴുതി: “നിങ്ങളു​ടെ സ്ഥിരീ​ക​ര​ണ​ത്തി​ന്നാ​യി ആത്മിക​വരം വല്ലതും നിങ്ങൾക്കു നല്‌കേ​ണ്ട​തി​ന്നു, അതായതു നിങ്ങൾക്കും എനിക്കും ഒത്തൊ​രു​മി​ച്ചുള്ള വിശ്വാ​സ​ത്താൽ നിങ്ങ​ളോ​ടു​കൂ​ടെ എനിക്കും ആശ്വാസം [നമുക്കു പരസ്‌പരം പ്രോ​ത്സാ​ഹനം, ന്യൂ ഇൻഡ്യ ബൈബിൾ ഭാഷാ​ന്തരം] ലഭി​ക്കേ​ണ്ട​തി​ന്നു ഞാൻ നിങ്ങളെ കാണ്മാൻ വാഞ്ചി​ക്കു​ന്നു.” (റോമർ 1:11, 12) സമാന​മാ​യി ഇന്നും സഞ്ചാര​മേൽവി​ചാ​ര​ക​ന്മാ​രു​ടെ സന്ദർശ​നങ്ങൾ അന്യോ​ന്യ​മുള്ള പ്രോ​ത്സാ​ഹ​ന​ത്തി​നു വേദി​യൊ​രു​ക്കു​ന്നു.

2. സർക്കിട്ട്‌ മേൽവി​ചാ​ര​കന്റെ സന്ദർശനം കാലേ​കൂ​ട്ടി സഭയെ അറിയി​ക്കു​ന്നത്‌ എന്തു​കൊണ്ട്‌?

² സഭ: സർക്കിട്ട്‌ മേൽവി​ചാ​ര​കന്റെ സന്ദർശനം സാധാ​ര​ണ​ഗ​തി​യിൽ മൂന്ന്‌ മാസം​മു​മ്പേ സഭയെ അറിയി​ക്കു​ന്നു. പരമാ​വധി പ്രയോ​ജനം നേടാൻ തക്കവിധം കാര്യങ്ങൾ ക്രമീ​ക​രി​ക്കാൻ അതുമൂ​ലം നമുക്ക്‌ സാധി​ക്കു​ന്നു. (എഫെ. 5:15, 16) ലൗകിക തൊഴിൽ ചെയ്യുന്ന വ്യക്തി​യാണ്‌ നിങ്ങ​ളെ​ങ്കിൽ അവധി​യെ​ടു​ത്തു​കൊണ്ട്‌ വാരത്തി​ലെ വയൽസേവന പ്രവർത്ത​ന​ങ്ങളെ പിന്തു​ണ​യ്‌ക്കാൻ നിങ്ങൾക്കു കഴി​ഞ്ഞേ​ക്കും. സന്ദർശന മാസത്തിൽ സഹായ​പ​യ​നി​യ​റാ​യി സേവി​ക്കാൻ ചിലർ ക്രമീ​ക​ര​ണങ്ങൾ ചെയ്യുന്നു. ആ വാരത്തിൽ മറ്റെവി​ടെ​യെ​ങ്കി​ലും പോകാൻ പദ്ധതി​യി​ട്ടി​രി​ക്കു​ന്ന​പക്ഷം കാര്യാ​ദി​ക​ളിൽ കുറച്ചു മാറ്റങ്ങ​ളൊ​ക്കെ വരുത്തി സഭയിൽ ഉണ്ടായി​രി​ക്കു​ന്ന​തിന്‌ നിങ്ങൾ ക്രമീ​ക​രണം ചെയ്യു​മോ?

3. സന്ദർശ​ന​വാ​ര​ത്തിൽ പ്രോ​ത്സാ​ഹനം ലഭിക്കാൻവേണ്ടി നമുക്ക്‌ വ്യക്തി​പ​ര​മാ​യി എന്തു ചെയ്യാ​നാ​കും?

³ വയൽ ശുശ്രൂ​ഷ​യിൽ പരിശീ​ല​ന​വും വ്യക്തി​പ​ര​മായ പ്രോ​ത്സാ​ഹ​ന​വും നൽകുക എന്നതാണ്‌ സർക്കിട്ട്‌ മേൽവി​ചാ​ര​കന്റെ സന്ദർശ​ത്തി​ന്റെ ഒരു മുഖ്യ ഉദ്ദേശ്യം. അദ്ദേഹ​ത്തോ​ടൊ​പ്പ​മോ, വിവാ​ഹി​ത​നെ​ങ്കിൽ ഭാര്യ​യോ​ടൊ​പ്പ​മോ പ്രവർത്തി​ക്കാൻ നിങ്ങൾ സന്നദ്ധത കാണി​ക്കു​മോ? ശുശ്രൂ​ഷ​യിൽ അനുഭവം കുറഞ്ഞ​വ​രും അത്ര നിപു​ണ​ത​യി​ല്ലാ​ത്ത​വ​രും ഉൾപ്പെ​ടെ​യുള്ള വ്യത്യസ്‌ത പ്രസാ​ധ​ക​രു​മൊത്ത്‌ പ്രവർത്തി​ക്കു​ന്ന​തിന്‌ സർക്കിട്ട്‌ മേൽവി​ചാ​ര​കനു സന്തോ​ഷ​മേ​യു​ള്ളൂ. അദ്ദേഹ​ത്തി​ന്റെ അവതര​ണ​ത്തിൽനിന്ന്‌ നമു​ക്കെ​ല്ലാം പഠിക്കാൻ കഴിയും, ഒപ്പം ദയാപു​ര​സ്സരം നൽകുന്ന നിർദേ​ശങ്ങൾ ബാധക​മാ​ക്കു​ന്ന​തിൽനി​ന്നും. (1 കൊരി. 4:16, 17) ഒരു​നേ​രത്തെ ഭക്ഷണത്തി​നാ​യി അദ്ദേഹത്തെ ക്ഷണിക്കു​ന്നത്‌ പ്രോ​ത്സാ​ഹ​ജ​ന​ക​മായ സഹവാ​സ​ത്തി​നുള്ള കൂടു​ത​ലായ അവസരങ്ങൾ പ്രദാനം ചെയ്യും. (എബ്രാ. 13:1, 2) സഭയുടെ ആവശ്യ​ങ്ങൾക്ക്‌ അനുസൃ​ത​മാ​യി തയ്യാർചെയ്‌ത പ്രസം​ഗങ്ങൾ ആയതി​നാൽ അവയ്‌ക്ക്‌ അടുത്ത ശ്രദ്ധനൽകുക.

4. സർക്കിട്ട്‌ മേൽവി​ചാ​ര​കനെ നമുക്ക്‌ എങ്ങനെ പ്രോ​ത്സാ​ഹി​പ്പി​ക്കാ​നാ​കും?

⁴ സർക്കിട്ട്‌ മേൽവി​ചാ​രകൻ: സഭയിലെ മറ്റു സഹോ​ദ​ര​ങ്ങ​ളെ​പ്പോ​ലെ​തന്നെ ആയിരു​ന്നു അപ്പൊ​സ്‌ത​ല​നായ പൗലൊ​സും. പല വെല്ലു​വി​ളി​ക​ളും പ്രശ്‌ന​ങ്ങ​ളും നേരിട്ട അദ്ദേഹ​ത്തി​നും പ്രോ​ത്സാ​ഹനം ആവശ്യ​മാ​യി​രു​ന്നു. അത്‌ അദ്ദേഹം അങ്ങേയറ്റം വിലമ​തി​ക്കു​ക​യും ചെയ്‌തി​രു​ന്നു. (2 കൊരി. 11:26-28) തടവി​ലാ​യി​രുന്ന പൗലൊസ്‌ അവിടെ വരുന്ന​വി​വരം റോമി​ലെ സഭ അറിഞ്ഞ​പ്പോൾ അദ്ദേഹത്തെ കാണാ​നാ​യി ചിലർ 74 കിലോ​മീ​റ്റ​റോ​ളം യാത്ര​ചെ​യ്‌ത്‌ അപ്യപു​രത്തെ ചന്തസ്ഥലത്തു ചെന്നു. “അവരെ കണ്ടിട്ടു പൌ​ലൊസ്‌ ദൈവത്തെ വാഴ്‌ത്തി ധൈര്യം പ്രാപി​ച്ചു.” (പ്രവൃ. 28:15) സമാന​മാ​യി, സർക്കിട്ട്‌ മേൽവി​ചാ​ര​കനെ പ്രോ​ത്സാ​ഹി​പ്പി​ക്കു​ന്ന​തി​നു നിങ്ങൾക്കും കഴിയും. സന്ദർശ​ന​വാ​ര​ത്തി​ലെ പ്രവർത്ത​ന​ങ്ങൾക്ക്‌ ഉത്സുക​മായ പിന്തുണ നൽകി​ക്കൊണ്ട്‌ അദ്ദേഹ​ത്തിന്‌ ‘ഇരട്ടി മാനം’ നൽകുക. (1 തിമൊ. 5:17) അദ്ദേഹ​ത്തി​ന്റെ ശ്രമങ്ങ​ളോ​ടുള്ള ആത്മാർഥ​മായ വിലമ​തിപ്പ്‌ വാക്കു​ക​ളി​ലൂ​ടെ​യും പ്രവർത്ത​ന​ങ്ങ​ളി​ലൂ​ടെ​യും കാണി​ക്കുക. നിങ്ങളു​ടെ വിശ്വാ​സം, സ്‌നേഹം, സഹിഷ്‌ണുത എന്നിവ നിരീ​ക്ഷി​ക്കു​ന്നത്‌ അദ്ദേഹ​ത്തി​നും ഭാര്യ​ക്കും സന്തോ​ഷ​ത്തിന്‌ വകനൽകും.—2 തെസ്സ. 1:3, 4.

5. നമു​ക്കെ​ല്ലാം ഇന്നു പ്രോ​ത്സാ​ഹനം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

⁵ ‘അന്ത്യകാ​ലത്തെ ഈ ദുർഘ​ട​സ​മ​യ​ങ്ങ​ളിൽ’ പ്രോ​ത്സാ​ഹനം ആവശ്യ​മി​ല്ലാ​ത്ത​വ​രാ​യി ആരാണു​ള്ളത്‌? (2 തിമൊ. 3:1) സന്ദർശ​ന​വാ​ര​ത്തി​ലെ പ്രവർത്ത​ന​ങ്ങ​ളിൽ ഒരു പൂർണ പങ്കുണ്ടാ​യി​രി​ക്കാൻ നമുക്ക്‌ ഇപ്പോഴേ ഒരുങ്ങാം. സഞ്ചാര​മേൽവി​ചാ​ര​ക​ന്മാ​രും പ്രസാ​ധ​ക​രും ഉൾപ്പെടെ നമു​ക്കെ​ല്ലാ​വർക്കും അന്യോ​ന്യ​മുള്ള പ്രോ​ത്സാ​ഹ​ന​ത്തി​നാ​യി അണിനി​ര​ക്കാം. അങ്ങനെ, ‘അന്യോ​ന്യം പ്രബോ​ധി​പ്പി​ക്കു​ന്ന​തി​ലും തമ്മിൽ ആത്മിക​വർദ്ധന വരുത്തു​ന്ന​തി​ലും’ നമുക്കു തുടരാം.—1 തെസ്സ. 5:11.