പുരു​ഷ​ന്മാ​രോ​ടു സാക്ഷീ​ക​രി​ക്കു​ക

1. രാജ്യ​താ​ത്‌പ​ര്യ​ങ്ങൾക്കാ​യി കരുതു​ന്ന​തി​നോ​ടുള്ള ബന്ധത്തിൽ എന്ത്‌ അടിയ​ന്തിര സാഹച​ര്യം നിലവി​ലി​രി​ക്കു​ന്നു?

¹ രാജ്യ​വേല പുരോ​ഗ​മി​ച്ചു​കൊ​ണ്ടി​രി​ക്കുന്ന ഈ അന്ത്യകാ​ലത്ത്‌ നേതൃ​ത്വം​വ​ഹി​ക്കാൻ ആത്മീയ യോഗ്യ​ത​യുള്ള പുരു​ഷ​ന്മാ​രെ അടിയ​ന്തി​ര​മാ​യി നമുക്കാ​വ​ശ്യ​മുണ്ട്‌. (മർക്കോ. 4:30-32; പ്രവൃ. 20:28; 1 തിമൊ. 3:1-13) എന്നാൽ ചിലയി​ട​ങ്ങ​ളിൽ രാജ്യ​സ​ന്ദേ​ശ​ത്തി​നു ചെവി​കൊ​ടു​ക്കു​ന്നത്‌ ഏറെയും സ്‌ത്രീ​ക​ളാണ്‌. ചില സംസ്‌കാ​ര​ങ്ങ​ളിൽ ആത്മീയ കാര്യ​ങ്ങ​ളും മക്കൾക്ക്‌ ആത്മീയ പ്രബോ​ധനം നൽകാ​നുള്ള ഉത്തരവാ​ദി​ത്വ​വും സ്‌ത്രീ​കൾക്കു​ള്ള​താ​ണെ​ന്നാണ്‌ പുരു​ഷ​ന്മാ​രു​ടെ ചിന്താ​ഗതി. ആത്മീയ ആവശ്യ​ങ്ങ​ളെ​ക്കു​റി​ച്ചു ബോധ​വാ​ന്മാ​രാ​കാ​നും സത്യാ​രാ​ധ​ന​യിൽ നമ്മോ​ടൊ​പ്പം ചേരാ​നും കൂടുതൽ പുരു​ഷ​ന്മാ​രെ നമു​ക്കെ​ങ്ങനെ സഹായി​ക്കാം?

2. പുരു​ഷ​ന്മാ​രോ​ടു സാക്ഷീ​ക​രി​ക്കാ​നുള്ള പൗലോ​സി​ന്റെ​യും പത്രോ​സി​ന്റെ​യും ഉദ്യമ​ങ്ങൾക്കു നല്ല ഫലമു​ണ്ടാ​യ​തെ​ങ്ങനെ?

² പുരു​ഷ​ന്മാ​രെ അന്വേ​ഷി​ക്കുക: ഒരു കുടും​ബ​നാ​ഥൻ സത്യം സ്വീക​രി​ക്കു​മ്പോൾ, തന്നോ​ടൊ​പ്പം സത്യാ​രാ​ധ​ന​യിൽ പങ്കു​ചേ​രാൻ ബാക്കി കുടും​ബാം​ഗ​ങ്ങ​ളെ​യും സ്വാധീ​നി​ക്കുക അദ്ദേഹ​ത്തിന്‌ പൊതു​വെ എളുപ്പ​മാണ്‌. ഉദാഹ​ര​ണ​ത്തിന്‌ പ്രസം​ഗ​പ്ര​വർത്തനം നിമിത്തം കാരാ​ഗൃ​ഹ​ത്തി​ലാ​യ​പ്പോൾ പൗലോ​സും ശീലാ​സും അവിടത്തെ കാരാ​ഗൃ​ഹ​പ്ര​മാ​ണി​യോ​ടു സാക്ഷീ​ക​രി​ച്ചു. തത്‌ഫ​ല​മാ​യി അദ്ദേഹ​വും മുഴു​കു​ടും​ബ​വും സ്‌നാ​ന​മേറ്റു. (പ്രവൃ. 16:25-34) പൗലോസ്‌ കൊരി​ന്തിൽ പ്രസം​ഗി​ച്ച​തി​ന്റെ ഫലമായി “സിന​ഗോ​ഗി​ലെ പ്രമാ​ണി​യായ ക്രിസ്‌പൊ​സും അവന്റെ ഭവനത്തി​ലുള്ള എല്ലാവ​രും കർത്താ​വിൽ വിശ്വ​സി​ച്ചു.” (പ്രവൃ. 18:8) “ഭക്തിയും ദൈവ​ഭ​യ​വും” ഉള്ള ഒരു ശതാധി​പ​നാ​യി​രുന്ന കൊർന്നേ​ല്യൊ​സി​നോ​ടു സാക്ഷീ​ക​രി​ക്കാൻ യഹോവ പത്രോ​സി​നെ ഉപയോ​ഗി​ച്ചു. ഫലമോ? അദ്ദേഹ​വും ബന്ധുക്ക​ളും ഉറ്റസു​ഹൃ​ത്തു​ക്ക​ളും സ്‌നാ​ന​മേറ്റു.—പ്രവൃ. 10:1-48.

3. ഫിലി​പ്പോസ്‌ ചെയ്‌ത​തു​പോ​ലെ “ഉന്നതസ്ഥാ​നീ​യ​രായ” ആരോട്‌ നിങ്ങൾക്കു സാക്ഷീ​ക​രി​ക്കാ​നാ​കും?

³ “ഉന്നതസ്ഥാ​നീ​യ​രായ” പുരു​ഷ​ന്മാ​രോ​ടുള്ള സാക്ഷീ​ക​രണം ദൂരവ്യാ​പ​ക​മായ ഫലം ഉളവാ​ക്കി​യേ​ക്കാം. (1 തിമൊ. 2:1, 2) ഉദാഹ​ര​ണ​ത്തിന്‌ എത്യോ​പ്യ രാജ്ഞി​യു​ടെ ധനകാ​ര്യ​വി​ചാ​ര​ക​നായ ഒരു “അധികാ​രി”യോടു സംസാ​രി​ക്കാൻ യഹോ​വ​യു​ടെ ദൂതൻ ഫിലി​പ്പോ​സി​നോ​ടു പറഞ്ഞു. “യെശയ്യാ​പ്ര​വാ​ച​കന്റെ പുസ്‌തകം ഉച്ചത്തിൽ വായി​ക്കു​ക​യാ​യി​രുന്ന” അദ്ദേഹ​ത്തിന്‌ അവൻ യേശു​വി​നെ​ക്കു​റി​ച്ചുള്ള സുവി​ശേഷം വിവരി​ച്ചു​കൊ​ടു​ത്തു. ആ എത്യോ​പ്യ​ക്കാ​രൻ ഒരു ശിഷ്യ​നാ​യി​ത്തീ​രു​ക​യും സാധ്യ​ത​യ​നു​സ​രിച്ച്‌ സ്വദേ​ശ​ത്തേ​ക്കുള്ള മടക്കയാ​ത്ര​യിൽ മറ്റുള്ള​വ​രു​മാ​യി സുവാർത്ത പങ്കു​വെ​ക്കു​ക​യും ചെയ്‌തു. രാജ്ഞി​യോ​ടും കൊട്ടാ​ര​ത്തി​ലുള്ള മറ്റുള്ള​വ​രോ​ടും—മറ്റു തരത്തിൽ സുവാർത്ത കേൾക്കാ​നുള്ള അവസരം അവർക്കു നന്നേ കുറവാ​യി​രു​ന്നു—അദ്ദേഹം സാക്ഷീ​ക​രി​ച്ചി​ട്ടു​ണ്ടാ​കണം.—പ്രവൃ. 8:26-39.

4. സുവാർത്ത കേൾക്കാൻ പുരു​ഷ​ന്മാർക്കു കൂടുതൽ അവസരങ്ങൾ നൽകാൻ നമു​ക്കെ​ങ്ങനെ കഴിയും?

⁴ കൂടുതൽ പുരു​ഷ​ന്മാ​രെ കണ്ടുമു​ട്ടാൻ ശ്രമി​ക്കുക: പകൽസ​മ​യത്ത്‌ പുരു​ഷ​ന്മാർ മിക്കവാ​റും ജോലി​സ്ഥ​ല​ത്താ​യി​രി​ക്കു​മെ​ന്ന​തി​നാൽ, വൈകു​ന്നേ​ര​ങ്ങ​ളി​ലോ വാരാ​ന്ത​ങ്ങ​ളി​ലോ ഒഴിവു​ദി​വ​സ​ങ്ങ​ളി​ലോ കൂടുതൽ സമയം ശുശ്രൂ​ഷ​യി​ലേർപ്പെ​ടാ​നാ​യി കാര്യാ​ദി​കൾ ക്രമീ​ക​രി​ക്കാൻ നിങ്ങൾക്കാ​കു​മോ? ക്രമമാ​യി വ്യാപാര മേഖല​ക​ളിൽ പ്രവർത്തി​ക്കു​മ്പോൾ വീടു​ക​ളിൽ കണ്ടുമു​ട്ടാ​നാ​കാത്ത പുരു​ഷ​ന്മാ​രോ​ടു സാക്ഷീ​ക​രി​ക്കാൻ നിങ്ങൾക്ക്‌ കൂടു​ത​ലായ അവസരം ലഭിക്കും. പുരു​ഷ​ന്മാ​രായ സഹജോ​ലി​ക്കാ​രോട്‌ അനൗപ​ചാ​രി​ക​മാ​യി സാക്ഷീ​ക​രി​ക്കാ​നും സഹോ​ദ​ര​ന്മാർക്കു പ്രത്യേ​കം ശ്രമി​ക്കാ​വു​ന്ന​താണ്‌. വീടു​തോ​റും പ്രവർത്തി​ക്കു​മ്പോൾ—വിശേ​ഷി​ച്ചും കൂടെ​ക്കൂ​ടെ പ്രവർത്തി​ക്കാ​റുള്ള സ്ഥലങ്ങളിൽ—വീട്ടു​കാ​രനെ ഒന്നു കാണാ​നാ​കു​മോ എന്ന്‌ ഇടയ്‌ക്കൊ​ക്കെ സഹോ​ദ​ര​ന്മാർക്കു ചോദി​ക്കാ​വു​ന്ന​താണ്‌.

5. ഒരു പുരുഷൻ രാജ്യ​സ​ന്ദേ​ശ​ത്തോട്‌ അനുകൂ​ല​മാ​യി പ്രതി​ക​രി​ക്കു​മ്പോൾ ഒരു സഹോ​ദരി എന്തു ചെയ്യണം?

⁵ സത്യ​ത്തോട്‌ അനുകൂ​ല​മാ​യി പ്രതി​ക​രി​ക്കുന്ന ഒരു പുരു​ഷന്‌ ഒരു സഹോ​ദരി തനിച്ച്‌ മടക്കസ​ന്ദർശനം നടത്തരുത്‌. ഭർത്താ​വി​നെ​യോ മറ്റൊരു സഹോ​ദ​ര​നെ​യോ സഹോ​ദ​രി​യെ​യോ കൂടെ​ക്കൊ​ണ്ടു​പോ​കുക. അദ്ദേഹം പുരോ​ഗതി പ്രാപി​ക്കു​ന്ന​പക്ഷം ആ ‘മടക്കസ​ന്ദർശനം’ യോഗ്യ​ത​യുള്ള ഒരു സഹോ​ദ​രനു കൈമാ​റു​ന്ന​താണ്‌ ഉത്തമം.

6. “അധികം​പേരെ നേടേ​ണ്ട​തിന്‌” നമു​ക്കെ​ങ്ങനെ പൗലോസ്‌ അപ്പൊ​സ്‌ത​ലനെ അനുക​രി​ക്കാം?

⁶ പുരു​ഷ​ന്മാർക്കു താത്‌പ​ര്യ​മുള്ള വിഷയം തിര​ഞ്ഞെ​ടു​ക്കുക: “അധികം​പേരെ നേടേ​ണ്ട​തിന്‌” പൗലോസ്‌ അപ്പൊ​സ്‌തലൻ തന്റെ സമീപ​ന​ത്തിൽ മാറ്റങ്ങൾ വരുത്തി​ക്കൊണ്ട്‌ ശ്രോ​താ​ക്ക​ളോ​ടു പരിഗണന കാണിച്ചു. (1കൊരി 9:19-23) സമാന​മാ​യി നാം കണ്ടുമു​ട്ടുന്ന പുരു​ഷ​ന്മാർക്കു താത്‌പ​ര്യ​ജ​ന​ക​മാ​യി​രു​ന്നേ​ക്കാ​വുന്ന വിഷയങ്ങൾ കണ്ടെത്തി അതിനു ചേർച്ച​യിൽ നാം തയ്യാറാ​കണം. ഉദാഹ​ര​ണ​ത്തിന്‌ സാമ്പത്തിക പ്രശ്‌നങ്ങൾ, നല്ല ഭരണം, കുടും​ബ​ത്തി​ന്റെ ഭദ്രത​യും സുരക്ഷ​യും എന്നിവ​യൊ​ക്കെ​യാണ്‌ സാധാ​ര​ണ​ഗ​തി​യിൽ പുരു​ഷ​ന്മാർക്കു താത്‌പ​ര്യ​മുള്ള വിഷയങ്ങൾ. ജീവി​ത​ത്തി​ന്റെ ഉദ്ദേശ്യം, ഭൂഗ്ര​ഹ​ത്തി​ന്റെ ഭാവി, ദൈവം കഷ്ടപ്പാട്‌ അനുവ​ദി​ക്കു​ന്ന​തി​ന്റെ കാരണം എന്നീ വിഷയ​ങ്ങ​ളി​ലും അവർ തത്‌പ​ര​രാ​യി​രു​ന്നേ​ക്കാം. നമ്മുടെ സമീപ​ന​ത്തിൽ ഇവ്വിധം ഉൾക്കാഴ്‌ച പ്രകട​മാ​ക്കു​ന്ന​പക്ഷം അവർ രാജ്യ​സ​ന്ദേ​ശ​ത്തി​നു ചെവി​കൊ​ടു​ക്കാൻ കൂടുതൽ സാധ്യ​ത​യുണ്ട്‌.—സദൃ. 16:23.

7. ഒരു ക്രിസ്‌തീയ യോഗ​ത്തി​നു ഹാജരാ​കുന്ന അവിശ്വാ​സി​ക​ളായ ഭർത്താ​ക്ക​ന്മാ​രു​ടെ​മേൽ സഭയി​ലുള്ള മറ്റുള്ളവർ എങ്ങനെ ക്രിയാ​ത്മ​ക​മായ സ്വാധീ​നം​ചെ​ലു​ത്തി​യേ​ക്കാം?

⁷ വിശ്വാ​സി​ക​ള​ല്ലാത്ത ഭർത്താ​ക്ക​ന്മാ​രെ സഹായി​ക്കാൻ മുൻ​കൈ​യെ​ടു​ക്കുക: ക്രിസ്‌തീയ സഹോ​ദ​രി​മാ​രു​ടെ നല്ല പെരു​മാ​റ്റം അവരുടെ അവിശ്വാ​സി​ക​ളായ ഭർത്താ​ക്ക​ന്മാ​രെ മിക്ക​പ്പോ​ഴും ആഴമായി സ്വാധീ​നി​ക്കാ​റു​ണ്ടെ​ങ്കി​ലും, സഭയി​ലുള്ള മറ്റുള്ള​വർക്കും അവരു​ടെ​മേൽ ക്രിയാ​ത്മ​ക​മായ ഒരു സ്വാധീ​നം ചെലു​ത്താ​നാ​കും. (1 പത്രോ. 3:1-4) അത്തര​മൊ​രാൾ ഭാര്യ​യോ​ടൊ​പ്പം ഒരു യോഗ​ത്തി​നു വരു​മ്പോൾ സഭാം​ഗങ്ങൾ നൽകുന്ന ഊഷ്‌മ​ള​മായ സ്വീക​രണം അദ്ദേഹ​ത്തി​ന്റെ ഹൃദയത്തെ സ്‌പർശി​ച്ചേ​ക്കാം. അദ്ദേഹം അവിടെ വന്നതു​തന്നെ സത്യ​ത്തോ​ടുള്ള താത്‌പ​ര്യ​ത്തി​ന്റെ ഒരു സൂചന​യാ​യി​രി​ക്കാം, ഒരു ബൈബി​ള​ധ്യ​യ​ന​ത്തിന്‌ അദ്ദേഹം സമ്മതി​ക്കു​ക​പോ​ലും ചെയ്‌തേ​ക്കാം.

8. സത്യ​ത്തോട്‌ ഒട്ടും താത്‌പ​ര്യം കാണി​ക്കാത്ത അവിശ്വാ​സി​ക​ളായ ഭർത്താ​ക്ക​ന്മാ​രെ സഹായി​ക്കാൻ സഹോ​ദ​ര​ന്മാർക്ക്‌ എങ്ങനെ മുൻ​കൈ​യെ​ടു​ക്കാം?

⁸ ചില ഭർത്താ​ക്ക​ന്മാ​രാ​കട്ടെ, ആദ്യ​മൊ​ക്കെ ആത്മീയ കാര്യ​ങ്ങ​ളിൽ ഒട്ടും​തന്നെ താത്‌പ​ര്യം ഇല്ലാത്ത​വ​രാ​യി​രു​ന്നേ​ക്കാം. എന്നാൽ കാല​ക്ര​മ​ത്തിൽ ഇഷ്ടമുള്ള ഒരു സഹോ​ദ​ര​നോ​ടൊ​പ്പം ബൈബിൾവി​ഷ​യങ്ങൾ ചർച്ച​ചെ​യ്യാൻ അവർ മനസ്സു​കാ​ണി​ച്ചേ​ക്കാം. അവിശ്വാ​സി​യായ ഭർത്താ​വുള്ള ഒരു കുടും​ബത്തെ സന്ദർശി​ക്കുന്ന സന്ദർഭ​ങ്ങ​ളിൽ അദ്ദേഹ​ത്തി​നു താത്‌പ​ര്യ​മുള്ള വിഷയ​ങ്ങ​ളെ​ക്കു​റി​ച്ചു സംസാ​രി​ക്കാൻ ഒരു സഭയിലെ സഹോ​ദ​ര​ന്മാർ തീരു​മാ​നി​ച്ചു. അത്‌ ആത്മീയ ചർച്ചക​ളി​ലേക്കു നയിക്കു​ക​യും ഒടുവിൽ അദ്ദേഹം സ്‌നാ​ന​മേൽക്കു​ക​യും ചെയ്‌തു. മറ്റൊ​രി​ടത്ത്‌, തന്റെ വീടി​നു​ചു​റ്റും വേലി​കെ​ട്ടാൻ ഒരു സഹോ​ദ​രി​യു​ടെ സൗഹൃ​ദ​മ​ന​സ്‌ക​നായ ഭർത്താ​വി​നെ ഒരു സഹോ​ദരൻ സഹായി​ച്ചു. ഇത്തരത്തിൽ വ്യക്തിഗത താത്‌പ​ര്യം കാണി​ച്ച​തി​ന്റെ ഫലമായി ഒരു ബൈബി​ള​ധ്യ​യനം ആരംഭി​ക്കാൻ അദ്ദേഹ​ത്തി​നു കഴിഞ്ഞു. (ഗലാ. 6:10; ഫിലി. 2:4) നിങ്ങ​ളൊ​രു ക്രിസ്‌തീയ സഹോ​ദ​ര​നാ​ണെ​ങ്കിൽ അവിശ്വാ​സി​ക​ളായ ഒന്നോ അതില​ധി​ക​മോ ഭർത്താ​ക്ക​ന്മാ​രെ വ്യക്തി​പ​ര​മാ​യി സഹായി​ക്ക​രു​തോ?

9. ക്രിസ്‌തീയ പുരു​ഷ​ന്മാ​രു​ടെ പരിശീ​ലനം എന്തു സത്‌ഫലം ഉളവാ​ക്കി​യേ​ക്കാം?

⁹ ഭാവി​ക്കാ​യി പരിശീ​ലി​പ്പി​ക്കുക: രാജ്യ​സ​ന്ദേ​ശ​ത്തോട്‌ അനുകൂ​ല​മാ​യി പ്രതി​ക​രി​ക്കു​ക​യും യഹോ​വ​യു​ടെ സേവന​ത്തിൽ പദവികൾ എത്തിപ്പി​ടി​ക്കു​ക​യും ചെയ്യുന്ന പുരു​ഷ​ന്മാർ ‘മനുഷ്യ​രാ​കുന്ന ദാനങ്ങൾ’—ദൈവ​ജ​ന​ത്തി​ന്റെ സഭകൾക്കാ​യി തങ്ങളുടെ പ്രാപ്‌തി​ക​ളും ഊർജ​വും ചെലവ​ഴി​ക്കുന്ന ക്രിസ്‌തീയ മൂപ്പന്മാർ—എന്ന നിലയിൽ പുരോ​ഗതി പ്രാപി​ച്ചേ​ക്കാം. (എഫെ. 4:8; സങ്കീ. 68:18) അത്തരം മനുഷ്യർ മനസ്സോ​ടെ​യും താത്‌പ​ര്യ​ത്തോ​ടെ​യും സഭയെ മേയ്‌ക്കു​ന്നു. (1 പത്രോ. 5:2, 3) മുഴു​സ​ഹോ​ദ​ര​വർഗ​ത്തി​നും അവർ എന്തൊരു അനു​ഗ്ര​ഹ​മാണ്‌!

10. പൗലോ​സി​നെ സഹായി​ക്കാ​നുള്ള അനന്യാ​സി​ന്റെ ശ്രമം അനേക​രു​ടെ പ്രയോ​ജ​ന​ത്തിൽ കലാശി​ച്ച​തെ​ങ്ങനെ?

¹⁰ ഉദാഹ​ര​ണ​ത്തിന്‌ ഒരിക്കൽ ക്രിസ്‌ത്യാ​നി​കളെ പീഡി​പ്പി​ച്ചി​രുന്ന ശൗൽ “വിജാ​തീ​യ​രു​ടെ അപ്പൊ​സ്‌തലൻ” ആയിത്തീർന്നു. (റോമ. 11:13) എന്നാൽ ആദ്യം അവനോ​ടു പ്രസം​ഗി​ക്കാൻ അനന്യാ​സി​നു മടിയാ​യി​രു​ന്നു. എങ്കിലും കർത്താ​വി​ന്റെ മാർഗ​നിർദേ​ശ​ത്തി​നു ചേർച്ച​യിൽ അവൻ ശൗലി​നോ​ടു സംസാ​രി​ക്കു​ക​യും ശൗൽ പിന്നീട്‌ അപ്പൊ​സ്‌ത​ല​നായ പൗലോ​സാ​യി​ത്തീ​രു​ക​യും ചെയ്‌തു. പൗലോ​സി​ന്റെ ശുശ്രൂഷ അവന്റെ പ്രസംഗം കേട്ട ആയിര​ക്ക​ണ​ക്കി​നാ​ളു​കൾക്കു പ്രയോ​ജ​നം​ചെ​യ്‌തു. കൂടാതെ, ദൈവ​വ​ച​ന​ത്തി​ലെ അവന്റെ നിശ്വസ്‌ത ലേഖന​ങ്ങ​ളി​ലൂ​ടെ ദശലക്ഷങ്ങൾ ഇന്നും പ്രയോ​ജനം നേടി​ക്കൊ​ണ്ടി​രി​ക്കു​ന്നു.—പ്രവൃ. 9:3-19; 2 തിമൊ. 3:16, 17.

11. പുരു​ഷ​ന്മാ​രോ​ടു സാക്ഷീ​ക​രി​ക്കാൻ നാം ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ടത്‌ എന്തു​കൊണ്ട്‌?

¹¹ അതു​കൊണ്ട്‌ പുരു​ഷ​ന്മാ​രോ​ടു സാക്ഷീ​ക​രി​ക്കു​ന്ന​തി​ലുള്ള ഏതൊരു വെല്ലു​വി​ളി​യും നേരി​ടാൻ നമുക്ക്‌ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്താം. ഈ ലക്ഷ്യത്തിൽ നാം പ്രവർത്തി​ക്കവെ, യഹോ​വ​യു​ടെ ഇഷ്ടം ചെയ്യാ​നും രാജ്യ​താ​ത്‌പ​ര്യ​ങ്ങൾക്കാ​യി കരുതാ​നു​മുള്ള നമ്മുടെ ആത്മാർഥ ശ്രമങ്ങളെ യഹോവ തീർച്ച​യാ​യും അനു​ഗ്ര​ഹി​ക്കും.