ജീവിത-സേവന യോഗത്തിനുള്ള പഠനസഹായി—പരാമർശങ്ങൾ

ആഗസ്റ്റ്‌ 22-28

ആത്മീയ​മു​ത്തു​കൾക്കാ​യി കുഴി​ക്കുക

it-1-E 857-858

മുന്നറിവ്‌, മുൻകൂ​ട്ടി​യുള്ള വിധി

യേശു​വി​നെ ഒറ്റി​ക്കൊ​ടു​ക്കു​മെന്ന തന്റെ പ്രവചനം നിവർത്തി​ക്കാ​നാ​യി ദൈവം യൂദാ​സി​നെ മുൻകൂ​ട്ടി നിശ്ചയി​ച്ച​താ​ണോ?

അങ്ങനെ പറയാൻ കഴിയില്ല. ഒരു പ്രാണ​സ്‌നേ​ഹി​തൻ യേശു​വി​നെ ഒറ്റി​ക്കൊ​ടു​ക്കു​മെന്നു മാത്രമേ പ്രവച​നങ്ങൾ പറഞ്ഞി​ട്ടു​ള്ളൂ. അത്‌ ആരായി​രി​ക്കും എന്നു വ്യക്തമാ​ക്കി​യി​രു​ന്നില്ല. മാത്രമല്ല, യൂദാ​സി​ന്റെ പ്രവൃ​ത്തി​കൾ എന്തെല്ലാ​മാ​യി​രി​ക്കു​മെന്നു മുൻകൂ​ട്ടി നിശ്ചയി​ക്കു​ന്ന​തി​നെ ബൈബിൾത​ത്ത്വ​ങ്ങൾ അംഗീ​ക​രി​ക്കു​ന്നില്ല. ദിവ്യ​നി​ല​വാ​ര​ത്തെ​ക്കു​റിച്ച്‌ അപ്പോ​സ്‌തലൻ പറഞ്ഞത്‌ ഇങ്ങനെ​യാണ്‌: “ആരു​ടെ​മേ​ലും തിടു​ക്ക​ത്തിൽ കൈ​വെപ്പു നടത്തരുത്‌; അന്യരു​ടെ പാപങ്ങ​ളിൽ പങ്കാളി​യാ​കു​ക​യും അരുത്‌. നിന്നെ​ത്തന്നെ നിർമ​ല​നാ​യി കാത്തു​കൊ​ള്ളുക.” (1 തിമൊ. 5:22; 3:6 താരത​മ്യം ചെയ്യുക.) 12 അപ്പോ​സ്‌ത​ല​ന്മാ​രെ ജ്ഞാന​ത്തോ​ടെ​യും കൃത്യ​ത​യോ​ടെ​യും തിര​ഞ്ഞെ​ടു​ക്കാൻ യേശു ഒരു രാത്രി മുഴുവൻ പിതാ​വി​നോട്‌ പ്രാർഥി​ച്ചു. (ലൂക്കോസ്‌ 6:12-16) ഒരു ഒറ്റുകാ​ര​നാ​യി ദൈവം യൂദാ​സി​നെ മുൻകൂ​ട്ടി നിശ്ചയി​ച്ചി​രു​ന്നെ​ങ്കിൽ, അത്‌ അപ്പോ​സ്‌ത​ല​ന്മാ​രെ തിര​ഞ്ഞെ​ടു​ക്കുന്ന കാര്യ​ത്തിൽ ദൈവം യേശു​വിന്‌ നൽകിയ മാർഗ​നിർദേ​ശ​ത്തി​ലെ പിഴവാ​യി​രി​ക്കു​മാ​യി​രു​ന്നു. മാത്രമല്ല യൂദാസ്‌ ചെയ്യുന്ന പാപത്തിൽ ദൈവത്തെ ഒരു പങ്കാളി​യും ആക്കുമാ​യി​രു​ന്നു.

ഒരു അപ്പോ​സ്‌ത​ല​നാ​യി യൂദാ​സി​നെ തിര​ഞ്ഞെ​ടുത്ത സമയത്ത്‌ അവൻ വഞ്ചനയുള്ള ഒരു ഹൃദയം വളർത്തി​യെ​ടു​ത്തി​രു​ന്നു എന്നതിന്‌ ഒരു തെളി​വു​മില്ല. തന്നിൽ ഒരു വിഷ​വേര്‌ വളർന്നു​വ​രാ​നും തന്നെ കളങ്ക​പ്പെ​ടു​ത്താ​നും അവൻ അനുവ​ദി​ച്ചു. തത്‌ഫ​ല​മാ​യി ദൈവ​ത്തി​ന്റെ മാർഗ​നിർദേ​ശ​ത്തിന്‌ പകരം വഞ്ചനയും ചതിയും നിറഞ്ഞ പിശാ​ചി​ന്റെ വഴിന​ട​ത്തി​പ്പിന്‌ അവൻ തന്നെത്തന്നെ വിട്ടു​കൊ​ടു​ത്തു. തെറ്റായ വഴിയി​ലൂ​ടെ കുറെ​ദൂ​രം സഞ്ചരി​ച്ചു​ക​ഴി​ഞ്ഞ​പ്പോൾ യൂദാ​സി​ന്റെ ഹൃദയം വായി​ക്കാൻ കഴിഞ്ഞ യേശു​വിന്‌ അവൻ തന്നെ ഒറ്റി​ക്കൊ​ടു​ക്കു​മെന്ന്‌ മുൻകൂ​ട്ടി പറയാൻ സാധിച്ചു.—യോഹ. 13:10, 11.