മാസി​കകൾ തുടർന്നും ഉപയോ​ഗി​ക്കു​ക

2018 മുതൽ പൊതു​ജ​ന​ങ്ങൾക്കു​വേ​ണ്ടി​യുള്ള നമ്മുടെ മാസി​ക​ക​ളു​ടെ ഉള്ളടക്ക​ത്തിൽ ഒരു മാറ്റം വന്നു. ഏതെങ്കി​ലും ഒരു പ്രധാ​ന​വി​ഷ​യത്തെ കേന്ദ്രീ​ക​രി​ച്ചാണ്‌ ഇപ്പോൾ ഓരോ ലക്കവും തയ്യാറാ​ക്കു​ന്നത്‌. ഈ മാസി​ക​ക​ളെ​ല്ലാം പഠിപ്പി​ക്കാ​നുള്ള ഉപകര​ണ​ങ്ങ​ളു​ടെ ഭാഗമാണ്‌. അതു​കൊണ്ട്‌ അവയെ​ല്ലാം നമുക്കു ശുശ്രൂ​ഷ​യിൽ ഉപയോ​ഗി​ക്കാം. യാത്ര ചെയ്യു​മ്പോ​ഴോ സാധനങ്ങൾ വാങ്ങാൻ പോകു​മ്പോ​ഴോ ഏതാനും ലക്കങ്ങൾ നമുക്കു കൈയിൽ കരുതാം. ആളുക​ളു​മൊത്ത്‌ ബൈബിൾപ​ഠ​നങ്ങൾ നടത്തു​ന്ന​തി​നു​വേ​ണ്ടി​യല്ല ഇവ തയ്യാറാ​ക്കി​യി​രി​ക്കു​ന്നത്‌, പക്ഷേ ഇതു വായി​ക്കുന്ന ഒരാൾക്ക്‌ ആത്മീയ​കാ​ര്യ​ങ്ങ​ളോ​ടു താത്‌പ​ര്യം തോന്നാൻ ഇടയാ​യേ​ക്കാം.

സംഭാ​ഷ​ണം തുടങ്ങി​യ​തി​നു ശേഷം ആ വ്യക്തിയെ ഒരു തിരു​വെ​ഴുത്ത്‌ കാണി​ക്കുക, നമ്മുടെ മാസി​ക​യിൽ വന്നിട്ടുള്ള അദ്ദേഹ​ത്തി​നു യോജിച്ച ഒരു വിഷയ​ത്തെ​ക്കു​റിച്ച്‌ പറയുക. ഉദാഹ​ര​ണ​ത്തിന്‌, അദ്ദേഹം കുടും​ബ​വും കുട്ടി​ക​ളും ഒക്കെയുള്ള ഒരാളാ​ണോ? ദുഃഖ​മോ ടെൻഷ​നോ അനുഭ​വി​ക്കുന്ന വ്യക്തി​യാ​ണോ? എങ്കിൽ നിങ്ങൾക്ക്‌ ഇങ്ങനെ പറയാ​നാ​യേ​ക്കും: ‘അതെക്കു​റിച്ച്‌ അടുത്തി​ടെ ഞാൻ ഒരു നല്ല ലേഖനം വായിച്ചു. ഒന്നു കാണി​ക്കട്ടെ?’ അദ്ദേഹ​ത്തി​നു താത്‌പ​ര്യ​മു​ണ്ടെന്നു നിങ്ങൾക്കു തോന്നു​ന്നെ​ങ്കിൽ, മാസി​ക​യു​ടെ ഒരു അച്ചടിച്ച കോപ്പി കൊടു​ക്കാം, അല്ലെങ്കിൽ അതിന്റെ ഇലക്‌​ട്രോ​ണിക്‌ കോപ്പി അയച്ചു​കൊ​ടു​ക്കാം. ആദ്യസ​ന്ദർശ​ന​മാ​ണെ​ങ്കിൽപ്പോ​ലും നിങ്ങൾക്ക്‌ അതു ചെയ്യാം. മാസിക കൊടു​ക്കുക എന്നതല്ല നമ്മുടെ പ്രധാ​ന​ല​ക്ഷ്യം, എങ്കിലും പഠിക്കുന്ന കാര്യ​ങ്ങൾക്കു ചേർച്ച​യിൽ പ്രവർത്തി​ക്കു​ന്ന​തിന്‌ മനസ്സു​ള്ള​വരെ കണ്ടുപി​ടി​ക്കാൻ മാസി​കകൾ നമ്മളെ സഹായി​ച്ചേ​ക്കും.—പ്രവൃ 13:48.

2018

2019

2020